رواية حبيبي من عالم اخر كاملة بقلم سولييه نصار

 رواية حبيبي من عالم اخر كاملة بقلم سولييه نصار حصريا للقراءة والتحميل

  رواية حبيبي من عالم اخر الفصل الاول 1

 - لا مفهمتش كلامك بالضبط تقصد ايه يا جدي ؟!
قالتها تلك الفتاة وعينيها السوداء تنظر إليه في صدمه بالغة ...لا يمكن أن يكون جديا ...لا يمكن أن يضعها في هذا الموقف السئ ...
ولكن الجد كان جادا للغاية ...وجهه الملئ بالتجاعيد كان جامدا لا أثر للهزل به ...شفتيه مضمومتين وعينيه السوداء لا تحمل اثر للعاطفة
..تراجعت نهلة لا اراديا بخوف ...رباه انه جاد للغاية...معقول سيفعل هذا بها ...بحفيدته الوحيدة
- انت بتتكلم بجد يا جدي ...معقول هتقل مني بالشكل ده ...مكنتش اتوقع منك كده ابدا .
-ده كلامي الاخير يا نهلة ومش هغيره !قدامك شهر اما تتجوزي او مفيش ثروة وعيشي في الشارع لان بعد موتي كلها هتروح للمؤسسات الخيرية
- حضرتك بتلوي دراعي
هز الجد رأسه دون خجل وقال:
-انتِ مينفعش معاكي الا كده بصراحة
هزت نهلة رأسها وعينيها تلمع غضبا وقالت :
-يعني مفروض اني اوافق علي اي عريس تجيبهولي لاما تحرمني من ثروتك
-لا طبعا ...انا جد ديموقراطي يا نهلة ...ديموقراطي جدا كمان ..انا مش هجبرك علي حد ....انتِ اللي هتختاري شريك حياتك بنفسك .
-نعم !!!!
-ايوة انتِ شوفي حابة تتجوزي مين ...بشرط يكون من مستوانا وعيلة كبيرة
-اجيبلك ده من فين يعني ؟!
- مش مشكلتي دوري علي عريسك بنفسك وهاتيه يتعرف عليا ...وزي ما قولتلك يا حبيبتي ...قدامك شهر واحد بس !
................
صرخت وهي تلقي المزهرية علي الأرض ...كانت تدور حول نفسها كالمجنونة ...لقد احكم جدها المصيدة حولها وما من فرار...اما الفقر او سجن الزواج ....
أخذت تسير صديقتها سها خلفها وهي تقول بخوف :
-يا نهلة اهدي بس  هنلاقي حل إن شاء الله ...
جلست نهلة علي الأرض وهي تضرب قدميها بيدها وتنوح :
-بيحطني قدام الأمر الواقع يا سها
شدت خصلات شعرها الأصفر حتي كادت ان تقتلعه من رأسها وقالت:
-نوفل بيبتزني !
جلست سها بجوارها وهي تربت عليها بخوف وقالت:
-اهدي ...ابوس ايديكي اهدي ...هتموتي في بيتي هنا وانا هبتلي فيكي
- هو ده اللي هامك يختي ...انا هموت وانتِ بتهزري بتستهبلي يا سها ...اجيبله من فين عريس انا ....انزل اشحت في الشارع واقول عريس لله يا محسنين
-بس جدك طلع مش سهل والله .
قالتها سها وهي تضحك لترد نهلة بغيظ :
-هي عيلة ابويا كلها مش سالكة تحسيهم من سلالة الأفاعي
-يخربيتك
قالتها سها ضاحكة ...ثم خطرت علي بالها فكرة وقالت:
-بت يا نهلة انا لقيت الحل
-قول جاك حل وسطك
-ايه!
-معلش يا سها اندمجت  قولي الحل
-احنا نأجروا واحد يقتلها
-بتقولي اييييييه!!!!
-معلش اصلي اندمجت انا كمان
ثم انفجرت بالضحك ....ضربتها نهلة علي وجهها وصرخت :
- هو ده وقت تفاهتك انطقي يا بت
-نأجر عريس
-نعم يا ختي هو فستان يا سها
-با بنتي اسمعي  ...جدك اداكي الاختيار ...يعني تقدري تختاري الراجل اللي عايزاه بشرط مستواه المادي يكون كويس صح .
- ايوة صح
صفقت سها بحماس وقالت:
-يبقي خلاص المشكلة اتحلت
- يا فرحتي بيكي ...حقيقي يا فرحتي بيكي واحنا هنجيب منين  واحد مرتاح ماديا ونخليه يشترك في اللعبة السخيفة دي انتِ هبلة يا سها !!!
- يا ستي ملكيش دعوة انا هتصرف انتِ مش ليكي تلاقيه وخلاص
نظرت إليها نهلة وهي غير مطمئنة بالمرة وقالت:
- ربنا يستر انا والله.مش واثقة فيكي
-عيب عليكي يا صديقي ...صدقيني انا هجييلك عريس فلة ...فلة
........
كانت عينين نهلة متسعتان بصدمة كبيرة وهي تطالع "العريس الفلة" الذي كانت تتحدث عنها صديقتها ...كان يرتدي قميص مشجر ...صابغا شعره باللون الأزرق البشع وبشرته سمراء ...كان يلوك علكة في فمه بطريقة مقززة ...مالت علي صديقتها وقالت:
-ايه اللي انتِ جايباه ده منك لله معرفش اعتمد عليكي ابدا .
-الله يا نهلة هو انتِ هتتجوزيه بجد يعني دي تمثيلية
- يا بنتي جدي لو شافه هيطردني انا وهو من البيت وساعتها انتِ هتتبلي بيا
-يالهووي مش عايزة اتخيل طب اعمل ايه دلوقتي ...
نظرت إليها نهلة بقرف وقالت:
- انا اعرف اسألي نفسك وشوفي مجايبك ...
ابتسم سامح وهو ينظر إليهما وقال وهو يوجه كلامه لنهلة:
-انتي بقا العروسة ...حلو اوووي علي الاقل شكلك حلو  بس طبعا ده مش كفاية انا اتفقت مع سها اني هاخد منك الفين جنيه مينقصوش مليم....
نهضت نهلة وذهبت وهي غاضبة ...نظر سامح بحيرة وقال:
-طب هخليهم الف وتلتومية بس متزعليش !!
نظر لسها وقال:
-مال صاحبتك
- لا مالهاش
قالتها سها بقرف ونهضت هي الاخري ...ليضرب سامح كف علي كف ويقول:
- هو ليه محدش طايقني هو انا مبستحماش ولا ايه ؟!!
......
- يا نهلة استني بس
قالتها سها وهي تركض خلفها
وقفت نهلة وهي توقف سها بإشارة من كفها وتقول :
-معلش يا سها حابة امشي لوحدي
- بس دلوقتي الساعة تسعة و
-معلش يا سها قولت حابة امشي لوحدي
هزت سها رأسها وتركتها لراحتها
......
أخذت نهلة  تسير في الطريق وهي مكتئبة تفكر في حل لتلك الكارثة التي حلت عليها ...تفكر كم ان جدها رجل اناني يريدها ان تنفذ ما يريده هو بغض النظر عن أحلامها ...تسللت دموعها من عينيها ولكن فجأة توقفت وهي تري نفسها في شارع مظلم كادت ان ترجع الا انها شهقت وهي تجد خلفها رجل ضخم الجثة يقول لها بخبث:
- علي فين يا جميل

يتبع الفصل التالي اضغط هنا

•  الرواية كاملة ولكن يجب عمل ثلاث كومنتات لكي يفتح معك جميع الفصول