رواية طفلتي الفصل الثالث 3 بقلم مروة مرزوق

الصفحة الرئيسية

   رواية طفلتي الفصل الثالث  بقلم مروة مرزوق

 رواية طفلتي الفصل الثالث 

حل الصباح حاملا الكثير من المفاجأت
رامي صحي ولقى رؤى لسه نايمه بص علي شكلها الجذاب وعلى برائتها ضحك وقام راح اوضته دخل الحمام وبعد مده طلع من الأوضة وكان لابس كاجول وراح على أوضة رؤى ودخل علشان يصحيها
رامي...... رؤى رؤى اصحى النهار طلع
رؤى بنوم....... سبيني أنا شويه يا ماما
رامي🤨..........ماما، طب اصحى يا حبيبتي أمك عملت ليكي الاكل اللي بتحبيه اصحى بقى
رؤى بنوم......... لا مش عايزه يا ماما أنا عايز انام
رامي اتغاظ منها
رامي بغيظ.......... اصحى يا بت ايه شغل الدلع الما*سخ دا انا مش امك ياختي
رؤى اتخضت وقامت بسرعه وكانت خايفه من رامي
رامي غمض عيونه وحاول يمتص غضبه ونجح في كدا
رامي بابتسامه........ صباح الخير يا جميل
رؤى بخوف..... ص ص صباح النور
رامي بابتسامه......... انتي خايفه مني يا رؤى
هزت رأسها بمعنى ايوه
رامي راح قعد جنبها وبدأ يمشي ايده على شعرها
رامي بحب....... رؤي أنا مش و*حش بس بتعصب بسرعه انا مش عايز اتعصب عليكي لأنك غاليه عند ممكن تحاولي متعصبنيش ممكن
رؤى هزت راسها بمعنى حاضر وكانت خايفه منه
رامي حس بخوفها وحاول يخففه شويه
رامي........... بصي ايه رايك تعتبريني اخوكي هاااا ايه رايك
رؤى هنا ابتسمت وحضنت رامي وقالت
رؤى بفرحة....... بجد يا ابيه
رامي كان فرحان ومش عارف ليه
رامي بابتسامه........ بجد يا روح ابيه مش انا وعدتك اننا هنخرج النهارده يلا اجهزي بقى
رؤى قامت بفرحة من على السرير وراحت علشان تجهز نفسها تحت نظرات رامي اللي بتراقبها
رامي في سره........ حال لحال حالي بيتغير من حال لحال معاكي ليه يا رؤى بحس اني مش قادر ازعلك ليه ايه اللي بيحصل معايا
قطع سرحانه خروج رؤى من الحمام وكانت ترتدي فستان لبعد الركبه لونه احمر ناري وكانت فارده شعرها الأسود الحرير على ضهرها وكان شكلها جذاب
رامي كان باصص ليها بصدمه من جمالها دا وبلع ريقه بصعوبه
رؤى راحت ومسكت في ايده
رؤى بفرحة....... يلا يا ابيه هنتاخر يلا يلا يلا
رامي ضحك على تصرفها دا بس حس بالغيره من اللي هي لابساه وان ممكن اي حد يشوفها كدا ويعجب بيها
رامي بغيره........ رؤى خشي غيري هدومك دي
رؤى بوجه طفولي عباس
رؤي🥺🥺........ بس انا عايزه البس كدا
رامي بغضب.......... انا قولت ايه اللي قولت يتسمع فااااااهمة
رؤى اتخضت من صوته العالي وفضلت تعيط وهي خايفه وسابت ايد رامي
رامي مسح على وشه بغيظ وغضب من نفسه ومن تلك الفتاة التي اقسم انها سوف تجــ...ـننه
رامي راح وحضنها وفضل يهديها
رامي بحنان.......... انا مش قصدي ازعلك يا حبيبتي انا آسف، استغرب رامي من نفسه لأن دي أول مره يعتذر منها من حد
رؤى بدموع......... انت انت بتخوف ابعد عني انا عايزه ماما
رامي بحنان......... حققك عليا هعمل اللي انتي عايزاه علشان ترضى
رؤى بوجه طفولي
رؤى........ اللي انا عايزاه اللي انا عايزاه
رامي........ اللي انتي عايزاه كله
رؤى بابتسامه سحرت قلب رامي......... ماشي هاتلى شوكولاتات يامة قاد كدا و وسعت المسافه بين ايديها الاتنين وكمان عايزه دبدوب كبير و عايزه اروح الملاهي بس
رامي بضحك........ بس كتر الف خيرك يا ستي مش هنسي افضالك دي عليا ماشي انا موافق بس عندي شرط
رؤى بوجه حزين......... شرط ايه
رامي........ تغيري هدومك دي مواقفه
رؤى بابتسامة....... موافقه ودخلت الحمام وغيرت هدومها وطلعت كانت لابسه سلوبتا جنز على شميز ابيض وكوتش ابيض وكانت عامله كحكة لشعرها بس في خصلات اتمردت منها وادت لشكلها الجمال
رامي شاف شكلها انصدم اكتر دي بقت احلى من الأول، مسح على وشه بغيظ
رامي في سره....... طب اعمل فيها ايه
رؤى ببراءه........ ابيه انا جاهزه يلا
رامي بصوت واطي....... ابيه انا اللي جبته لنفسي اشبع بقى، يلا يا رؤى ننزل، ونزلوا تحت
رؤى سابت ايد رامي وطلعت جري على جدها حضنته وباست خده
رؤى......... صباح الخير يا جدو
الجد بابتسامة........صباح الجمال ايه الجمال ده يا رؤى
رؤى بابتسامة........ بجد انا جميله
الجد بضحك......... دا انتي ملكة الجمال كله عارفه انا لو كنت قد رامي كنت هخـ....ـــطفك واتجوزك يا جميل انت
رامي حس بغيره و نا*ر من جواه هو عارف ان جده بيهظر بس ليه الاحساس دا، راح عند جده و رؤى
رامي بغيره.......... للأسف متجوزه يا جدي ومسك ايد رؤى وبا*سها ليدل على أنها ملكة
الجد ضحك على تصرف رامي وعرف ان اللي عمله دا كان صح بس حب يستفز رامي
الجد........ رؤى حبيبتي تعالي اقعدي جنبي عايز ااكلك يا حبيبتي
رامي استشاط غيظ وغيره ومسك رؤى وقعدها على رجله وبدأ يأكلها
رامي بغيره.......... ممتتعبش نفسك يا جدي جوزها يقدر يعمل كدا، وشدد على كلمة جوزها
الجد ضحك بشده
رؤى ببراءه......... ابيه أنا شبعت يلا بقى
الجد بضحك......... ابيه يعني مش جوزها يالهوي هههههههههههههههه
رامي اتغاظ وقام وخاد رؤى وطلع تحت نظرات الراحة والابتسامه من جده
الجد بأمل....... بتمنى اللي جاي يكون أحلى
********************
_عملت ايه
_مش هنقدر نعمل حاجة دلوقتي هي مع رامي الأنصاري وأي غلطه ممكن تجيب رأسنا كلنا
_كل مرة بنت محمد بتفلت من إيدينا كل مره بس المرادي لا دا مش هيحصل، أول ما تكون بعيده عن رامي خلــ...ــص عليها تمام
_تمام ارتاحي بقى
_اوكي انا راحة النادي يلا سلام ومشت
_أعوذ بالله من قلبتك دي
***********************
وصلت علا لقصر الأنصاري وشافت رامي وهو طالع راحت ليه
علا بغضب......... مبروك يا عريس
رامي ببرود...... الله يبارك فيكي عبالك
علا مسكته من هدومه
علا بغضب........ بقى تسبني أنا تسيب علا عز الدين أنا وعلشان مين حتت بنت مجنو*نه
طخخخخخخخخ، وقعت على الأرض من شدة الضر*به
رامي بغضب......... المرادي كف بس، بس المره الجايه هتكون حياتك مراتي متجبيش سيرتها على لسانك فاهمة
علا بحقد وغضب......... ويا ترى عارفه إنك ******وان انت وانا قاطعها رامي 
رامي مسكها من دراعها جامد
رامي بغضب........ علا اتقي شر*ي فاهمة وبقلك لآخر مرة ابعدي عن رؤى فاهمة اللي حصل بنا كان برضاكي محدش غصب عليكي فاهمة وزقها ورجع لبروده
رامي ببرود......... برا
علا بصت ليه بغضب وتوعد وشـ....ـــر
علا بغضب........ لو مكنتش ليا يا رامي مش هتكون لغيري واعرف دا كويس وتركته وذهبت
التفت رامي وانصدم لما لاقي رؤى كانت واقفه
رامي بصدمة......... رؤى
رؤى............

يتبع الفصل التالي اضغط هنا
  • الفهرس يحتوي على جميع فصول الرواية كاملة :"رواية طفلتي" اضغط على اسم الرواية 
رواية طفلتي الفصل الثالث 3 بقلم مروة مرزوق
ranosha

تعليقات

ليست هناك تعليقات
إرسال تعليق
    google-playkhamsatmostaqltradent