رواية تفائلت بك الفصل الثاني عشر بقلم موكا مصطفى
رواية تفائلت بك الفصل الثاني عشر
مليكه جريت وخبطت جامد على مكتب مؤمن
ودخلت .. مؤمن وإسلام قاموا مخضوضين
اسلام :مالك يا مليكه انتي معيطه ؟!
مؤمن :يابنتي مالك حصل ايه متقلقيناش
مليكه ورتهم حاجه في التليفون
مؤمن بفرحه لفرحتها : الف مبروووك
اسلام حضنها : ده بجد ... الف مبروك يا حبيبتي
مليكه بدموع : انا عماله اعيط من الفرحه مش مصدقه
مؤمن : انتي تستاهلي كل خير
اسلام : بس يا بابا عيب كده
مؤمن : اتجوزها وهمسح بكرامتك الأرض
مليكه ضحكت وقالت : قالولي آجي بكرة
اسلام : انا فرحان لك اوي دي حاجه كويسه جدا هترجمي كتاب مشهور اوي لا وهترجميه لغتين حاجه حلوة اوي
مليكه : اوي اوي
___________________________________________
لمار وزينب في مكان الموقع بتاع مكتب مصطفى
زينب قاعدة ماسكه ورقه وقلم ومسطرة كبيره على ترابيزة تحت الشمس ولابسه كاب ونظارة شمس
ولمار مع العمال بتعاين المكان وبتاخد مقاسات ولابسه كاب ونظارة شمس هي كمان
___________________________________________
لمار قربت على زينب وقالت بصدمه وزعل : هما قالوا ٣٠٠ متر بس المساحه صافي ٢٦٠ متر فرق ٤٠ متر هيفرقوا معاكي في التصميم طبعا صح
زينب رمت المسطرة : طبعا هعيد تاني انا يا لمار كده . ده انا شغاله فيهم بقالي اسبوع من ساعة ما خدوا المقاسات وبعت لي صور وانا بصمم فيه
لمار : هو مين خد المقاسات
زينب : البشمهندس سالم مش عارفه ازاي يغلط الغلطه دي .. هندسه لمت يا جدعان
لمار : هتعملي ايه
زينب : هجيبوا من الشركه طبعا وهياخد جزائه
لمار : بلاش عشان ممكن يكبروا الموضوع وهو جديد في الشركه شويه ويتعلم
زينب بعصبيه : يتعلم ايه كان شغال في شركه قبل كده وبعدين حتى بيتعلم هو يتعلم والمشاريع تبوظ بطلي بقى الطيبه والمفرطه دي
اتصلت زينب بالسكرتارية وقالت عايزة رقمه خدته واتصلت بيه ولمار عماله تقولها خلاص نعيد من الأول وزينب بردوا مصممه ووقفوا مستنينه يوصل
___________________________________________
عند آسر ومؤمن في المكتب
آسر : الرقم اللي مقدمينه الشركه دي مش مناسب حتى لتعب العمال مش المهندسين
مؤمن بعصبيه خفيفه : اه ما عشان كده هطنشهم شويه
اسلام قرب : فين المشكله
مؤمن وآسر وصفوا له المشكله
اسلام : عايزكم تثقوا فيا دي شغلتي .. هروح الشركه على اساس اني موظف حسابات او ال H_R Manger وانا هتعامل
آسر شاور على اسلام وهو بيكلم مؤمن : واثق فيه
مؤمن : طبعا ده معيد في كليه Business متستقلش بيه
اسلام : مبحبش اتكلم عن نفسي
___________________________________________
وصل المهندس وزينب قربت بعصبية
زينب : حضرتك من اسبوع خدت مقاسات الموقع ده كانت كام
سالم : كانت ٣٠٠ متر تقريبا ... خير يا بشمهندسة في ايه
زينب : تقريبا ..!! في ان انا سهرانه على مشروع بقالي اسبوع وتعبانه فيه على اساس ان فيه شخص خريج هندسة خد مقاسات وانا عليا اصمم
سالم : اولا حضرتك تتكلمي معايا بأسلوب احسن من كده مفيش فرق بيني وبينك عشان ده يبقى اسلوبك .... انا مش ده شغلي اصلا انا بشمهندس مؤمن باعتني عشان اختار الماتريال على حسب التصميم يعني ده ملوش اي علاقه بيا
لمار بهدوء : ليه علاقه بمين طيب
سالم : بشمهندس احمد عبد السلام
لمار : تمام اتفضل حضرتك كمل شغلك
سالم بص ل زينب بعصبيه وبعدين بص ل لمار بأبتسامه عملية : الماتريال قربت توصل مش هينفع نبعت عمال الا لما توصل كده بنستهلك وقت ومجهود
زينب بتريقه: و ده اختصاص حضرتك ؟!
سالم بعصبيه : لأ مش اختصاصي انا عامل على الشركه ومجهود العمال ومجهود المهندسين و ده مش كلامي لوحدي .. بشمهندس علاء هو اللي قالي اقولكم كده لأن حصلت حبة مشاكل واضطرينا نوقف الطلب بتاع الماتريال
لمار : تمام يا بشمهندس
لمار بصوت عالي وهي بتسقف عشان يسمعوها : يلا يا جماعه لموا الحاجه راجعين تاني
___________________________________________
مؤمن في التليفون بعصبيه : حضرتك اعمل لي اجتماع مع مدير الشركه بتاعتكم... نص ساعه لو مكنتوش جهزتوا اجتماع فيديو ... اعتبروا طلبكم مرفوض
مؤمن رفع التليفون واتصل بمكتب مليكه : تعالي يا مليكه المكتب
آسر : معلش بس احترم فضولي هو هنحتاج مليكه في ايه
مؤمن بعصبيه خفيفه : المدير اسباني
دخل مهندس إلكترونيات جهز الاجتماع على شاشة كبيرة ودخل المهندسين اللي هيشتغلوا في المشروع
مؤمن اتصل ب سالم : في عشر دقايق تكون قدامي انت وبشمهندسة لمار و بشمهندسة زينب
___________________________________________
مليكه دخلت وقعدت في غرفة الاجتماعات معاهم وبعدها وصل سالم ولمار وزينب
وبدئوا الاجتماع بس مؤمن ناول اسلام أوراق قبل الاجتماع يدرسها وبعدين دخلوا في نص الاجتماع وقال انه ال H_R Manger زي ما اتفقوا و بدأ اسلام يتكلم ومليكه تترجم وفي ظرف نص ساعه كان اسلام اقنعهم خلص الاجتماع وكلهم صقفوا له
مؤمن: ده انت تاخد مكاني بقى
آسر : لأ بجد شابوه... لازم تشتغل معانا بجد ازاي اقنعتهم ده انت جبت زياده عشرين الف ازاي عملت كده
اسلام : سر المهنه
مؤمن : انا بتكلم بجد تخلص حفلة التخرج ورقك هيكون متقدم للفرع الرئيسي
مليكه بصت لأسلام بأبتسامه فخر وسكتت
___________________________________________
روحوا وإسلام نام ومليكه قعدت تقرأ الكتاب اللي هترجمه وابتدت تعمل ملاحظات لحد ما نامت على المكتب صحيت على صوت المنبه حدفته وكملت نوم اسلام صحاها قامت على اساس انها هتلبس ونامت تاني لحد ما مؤمن رن
مؤمن : الو
مليكه بنوم وكسل: ايه يا مؤمن
مؤمن :انتي لسه نايمه .. قومي المقابله الساعه ١٠ والساعه ٨ دلوقتي انتي عارفه المكان فين ده بعيد اوي
مليكه بخضه: خلاص هلبس ونازله
___________________________________________
لبست مليكه وخرجت لقيتهم بياكلوا
مليكه :الله اكل محروق
اسلام: اتريقي يا ختي ما نتي عارفه اني مليش في المطبخ
مليكه :حقكوا عليا هخش اعمل فطار تاني
ادهم: لأ خلاص هتتأخري .. احنا كده كده فطرنا خلاص .. اعمليلك ساندوتش وانزلي
مليكه قعدت تعمل ساندوتش وبتاكل وبعدين برقت فجأة وسابت الاكل وقامت
اسلام : في ايه اتلبستي ولا ايه
مليكه : وربنا ماشي يا مؤمن
ادهم : عملك ايه مؤمن ده انتي مطلعه عينه
مليكه لمت حاجتها واتصلت على مؤمن وهي على السلم
___________________________________________
مليكه في التليفون: مؤمن تعالى عايزاك ... ماهو يا تيجي يا اما اجي انا
مؤمن : يا بنتي في ايه داخله بزعابيبك ليه ... خلاص لو الموضوع ضروري تعالي بعد مقابلتك اتأخرتي فاضل ساعه الا تلت
مليكه : بقولك ايه متخلينيش اتعصب وانط من بير السلم امو-ت نفسي
مؤمن بضحك : خلاص جاي
___________________________________________
بعد ١٠ دقايق وصل مؤمن بعربيته مليكه ركبت ورا وسابت الباب مفتوح
مؤمن بضحك : كنتي هتنت-حري من بير السلم هان عليكي شبابك
مليكه : مؤمن هو انا فاشله
مؤمن : لأ طبعا مين قال كده
مليكه : ما هو لما تبقى انت عارف معاد ومكان المقابله .. وانا مش قايلالك ولا قايله ل لمار ولا لأسلام .. يبقى أنت عرفت منين
مؤمن هرش في شعره بتفكير ونزل من العربيه قفل الباب وركب تاني وفتح الشبابيك وساق
مليكه : انت رايح فين مش بكلمك وبعدين مش عايزة اركب معاك انا
مؤمن : اعتبريني أوبر وبعدين انتي راكبة ورا وانا فاتح كل الشبابيك اهو كأننا قاعدين في الشارع ... وانتي اتأخرتي على المقابله نتكلم واحنا راكبين .. ثانية واحدة هنزل اجيب حاجه
مؤمن قفل باب العربيه عشان هي كانت عايزة تنزل ونزل عند سوبر ماركت ورجع بشنطة كبيره حطها على رجلها وركب تاني
مليكه فتحت الشنط لقت شوكولاتات كتير وانواع شيبسي كتير وحاجات تانيه كتير فقالت بصدمه وفرحة أطفال : ايه ده
مؤمن بأبتسامه وهو سايق : اعتبريه اعتذار اني خبيت عليكي بس انا اتلخمت في ميت مشكله امبارح وانتي عارفه ... انا يا ستي لقيت عرض لدار نشر كبيرة متعاقدة مع دار النشر اللي اتطبع فيها الكتاب الأصلي على الفيس طالبين مترجم بمؤهلات معينه قدمت طلب على اني انتي وكانت كل المؤهلات معاكي ويمكن كان فيه مميزات في ال cv بتاعتك ازيد من المتطلبات واستغليت شهرة الشركه وكتبت جملتين كده وحطيت امضتي .. وقبل ما تتعصبي انا متوسطش ليكي انا بس كتبت شهادة حق عنك
مليكه : يعني كده ده بمجهودي محدش متوسط لي
مؤمن بأبتسامه: محدش متوسط لك
___________________________________________
وصلت مليكه وعملت المقابله وقالوا لها أن الشغل اونلاين واتفقوا على حبة تعليمات منهم انها متغيريش في اي جمله او تأثر في صياغة الكاتب للكلام او اسلوبه ..
نزلت مليكه لقت مؤمن تحت لسه ركبت وقالت : تاعبينك معانا يا كابتن بس هديك تقييم حلو
مؤمن ضحك ومشي ووصلوا الشركه تاني وكملوا شغلهم
___________________________________________
عند مكة
مكة وهي بتنضف وبتركب الستاير : سليم ناولني الستارة دي
سليم ساب اللاب توب ومسك الستارة وناولها لها : انزلي اركبها انا
مكة: لأ خلاص انا قربت اخلص روح كمل شغلك
سليم : انا مش فاهم بتنكشي على تعبك يعني انتي واحدة لسه متجوزة ايه اللي بهدل الستاير
مكة : ما نا كنت زهقانه متعوده على الشغل انا حتى لما بشتغل و بعمل تصاميم على اللاب توب بحس اني برضوا عايزة اتمرمط
سليم بضحك : جلد ذات ده يا حبيبتي مش كده
نزلت مكه من على الكنبه وهي نازله وقعت على دراعها
مكه : اااه
سليم قومها بسرعه : انتي كويسه حركي دراعك
مكه حركته وقالت: مش بقولك بحب المرمطه
سليم : بما انك عايزة تتمرمطي جت لي فكرة
مكه : الحقني بيها
سليم : مش انتي مكنش عاجبك لون الصالون والصاله عشان مختارتيهمش .. هنزل اجيب الحاجات اللي هنحتاجها وامرمطك يا حبيبتي مقدرش احرمك من حاجه
مكه : الجمله مليانه شر .. انا أتراجع انا ملكه في بيتي مش عايزة اتمرمط
سليم ضحك : ابدا هتمرمطي يعني هتتمرمطي
ونزل جاب الدهان وابتدوا يشتغلوا وكانت مكه نوعا ما فاهمه هي بتعمل ايه عشان مهندسه وكده وكانت بتعلم سليم معاها
___________________________________________
لمار نزلت هي وزينب الموقع تاني بعد وصول الماتريال مع بشمهندس سالم وبدئوا في الشغل وزينب ابتدت في التصميم تاني وهي مش طايقه بشمهندس احمد ده لأنه السبب في انهم يتأخروا
مصطفى جه يتطمن على الشغل راح عند المهندسين
مصطفى : ايه الاخبار
سالم : مين حضرتك
زينب : استاذ مصطفى صاحب المكتب اللي المفروض بنعمله
سالم : اهلا بحضرتك ... احنا حاليا مستنين التصميمات تخلص وهنبتدي في التنفيذ
مصطفى: وهو التصميمات دي مش كنتوا واخدين المقاسات من اسبوع عشانها .. قسم مين التصميم ده
زينب : قسمي انا
مصطفى بعصبيه خفيفه بس بصوت عالي : وحضرتك مش شايفه شغلك ليه
زينب : اولا انا مش شغاله عندك عشان تعلي صوتك وتتكلم معايا بالأسلوب ده انا مهندسه هنا يعني انت اللي محتاجني مش العكس ... ثانيا انا كنت مخلصة التصاميم من اسبوع. لكن حصل غلط في المقاسات
مصطفى بنفس العصبيه: وبالنسبه للشغل اللي واقف ... انتوا بتعملوا مكتب هيشتغل فيه عشر محاميين كل دي ناس موقوف حالها
زينب راحت جابت ورق وندهت لمار : اتفضلي يا بشمهندسة ابدئي هننفذ التصميمات دي
لمار : بس كده هيبقى فيه عجز في المساحه اربعين متر
زينب بصت ل مصطفى بنصر وسكتت
مهندس تاني : ان احنا ننفذ تصاميم ٣٠٠ متر على مساحة ٢٦٠ حاجه شبه مستحيلة
سالم : حضرتك الموضوع مش هيطول ... بشمهندسة زينب هتخلص في اسبوع واحنا هنحاول ننفذ في شهر ... زاد اسبوع بس على اللي كنا متفقين عليه
مصطفى سابهم و راح اتصل بمؤمن يجي
مصطفى: كلامي مع المدير زي ما اتفقت معاه ...
زينب راحت تكمل اللي بتعمله وكله مشي يكمل
لمار : مكنش ليها لازمه العصبيه انت تقدر تحلها تأجر مكان في كافيه مثلا ويشتغلوا مؤقتا كده ..
مصطفى سابها ومشي يستني مؤمن في العربيه
___________________________________________
مؤمن كان لسه موصلش هو ومليكه غيّر طريقه وراح ناحية الموقع
مليكه : احنا رايحين فين كده
مؤمن : على الموقع بتاع مكتب مصطفى .. فيه مشكله تقريبا
مليكه : تمام
__________________________________________
وصلوا الموقع
مؤمن قرب
مؤمن : خير في ايه
مصطفى حكى له بعصبيه
مصطفى وهو بيشاور على زينب بعصبيه: والسبب في العطلة دي بشمهندسة التصميم
زينب بصت له بضيق و سكتت
مؤمن : المشروع ده كان تحت إشراف بشمهندسة زينب وبشمهندسة لمار وبشمهندس سالم يتفضلوا ورايا
سالم بص لأحمد اللي خد المقاسات بغيظ لقاه بارد ومش متضايق عشانهم حتى فحكى لمؤمن ان احمد ده هو السبب وان هما مغلطوش في حاجه
مؤمن : تمام البشمهندس هيتحول للفرع الرئيسي هما يتصرفوا معه
لمار : ملوش لازمه يا بشمهندس.. انا وبشمهندسة زينب قربنا نخلص التصميمات الجديدة وبالنسبه للهدر في الخامات انا بعد اذن حضرتك هتفق مع الشركه ونرجع الباقي وناخد تمنه كده مفيش اي مشاكل ..
احمد : يا بشمهندس انا كنت باخد مقاسات كذا موقع اتلغبطت بين الموقع ده وموقع تاني
مليكه اتدخلت : عارفه انه خارج اختصاصي.. بس طالما فيه حل ملهاش لازمة نقطع عيش حد كفاية تحذير بسيط... وبالنسبه لأستاذ مصطفى هو فرق اسبوع تقدر الشركه تأجر لحضرتك مكان وده اعتذار منهم ليك ده طبعا بعد موافقه البشمهندس مؤمن
مؤمن : معنديش مانع
مصطفى: لأ خلاص انا هأجر مكان حصل خير .. شكرا ليكم اتفضلوا كملوا شغلكم
زينب بصوت عالي بدون قصد : وكان لازمته ايه من الأول
لمار خبطتها في دراعها
مصطفى: انتي عارفه انتي بالذات عايزة رفد كده مش مجرد خصم
زينب باستفزاز: وانا مغلطتش في حاجه عشان اخد رفد ولا حتى خصم
مصطفى بص لها بعصبيه ومشي وهو بيقول : ايه يا ربي الأشكال دي على الصبح
زينب ل لمار : انتي عارفه انا ساكته له بس عشان هو كلاينت واخوكي في نفس الوقت غير كده كنت ... ولا بلاش بقى عشان ده اخو المدير كمان
ومؤمن ومليكه ولمار ضحكوا عليهم
لمار لمؤمن : هتودينا نلف شوية عشان عندنا كتب كتاب كمان ٣ ايام وفرح كمان ٤ ايام ... هييييييييييه
مؤمن : هُبجى عريس
لمار بضحك: هَتُبجى عتريس يا اخوي
مليكه بضحك : مؤمن وهو بيتكلم صعيدي تحس انه خُط الصعيد
لمار ضحكت ومؤمن قال : هتبقى مَرَتي
مليكه بضحك وغنا : والنبي خايف
مؤمن ضحك : يلا طيب اخد لكم اذن من المدير واوصلكم
لمار : دي ميزة اما يبقى معاك وسطه
مؤمن قرب عليها بضحك وتنطيط وهو ماسك خدودها : اسكتي عشان طلعت هبقى عريس كمان يومين
لمار بضحك وهي بشاور على مليكه : هتبقى قرة عين الهبل-ة دي
مليكة بضحك: سيبك انتي ده انا هخربها
مؤمن وهو بيبص ل لمار : اهي نكدت عليكم ومش هنعمل فرح بقا ها
لمار : خلاص قلبك ابيض وحياة الحج عبدالله نفسي البس فستان سواريه وارقص واخربها
مؤمن وهي بيضرب كف بكف ... : ده ايه يا ربي الفرح اللي هيبقى بداية انحراف العيله كلها ده
مليكه ولمار وهما بيمدوا وراه
مليكه : خلاص يا مؤمن هخربها بس على خفيف
مؤمن بص لها بطرف عينيه وكمل مشي
لمار : خلاص يا عم هنقلل الترتر في الفستان ... خلاص هرقص سلو
مؤمن سابهم وركب : ابدا خلاص كده مفيش فرح
لمار خبطت مليكه عشان تتكلم وقالت لها : كاتش عليه
مليكه : بقولك ايه انا العروسه وانا بقولك هعمل فرح يا اما مش هتجوز بقا ها
مؤمن : لأ يا حبيبتي خلاص انتي دلوقتي في مملكتي هتنفذي شروطي وتلتزمي بقواعدي
مليكه : روق كده عشان شغل قلب الاسد ده مش لايق عليك وانت كيوت كده
مؤمن بضحك وهو بيسوق : م عارف اتضايق ولا اتبسط بصراحه من الجمله العجيبه دي
لمار ضحكت عليهم وكملوا طريقهم ومليكه اتصلت تفكر باباها انها راحه تجيب حاجات
__________________________________
عند مكة
مكة وهي نازله من على السلم وقعت
سليم : خدي بالك يا مكه انتي كويسه دي كده تاني مرة تقعي النهارده
مكه : وقعه بسيطه مفيش حاجه
مكة حست بوجع في بطنها جامد صعب تتحمله
سليم : يا بنتي شكلك تعبان مالك
مكه : انا تمام زي الفل
جت تكمل حست بوجع جامد قامت وقفت فجأة اغم عليها
سليم بص لها بصدمه وبعدين بعد ما استوعب قرب وقال بصراخ وصوت عالي : مكه فوقي مالك في ايه ايه الدم ده
يتبع الفصل الثالث عشر اضغط هنا
- الفهرس يحتوي على جميع فصول الرواية كاملة :"رواية تفائلت بك" اضغط على اسم الرواية