رواية عالم تاني الفصل الاول بقلم ايمان شلبي
رواية عالم تاني الفصل الاول
ساندي بصدمه : ج جوزي مين انت مج*نون ولا ايه؟
عمرو : توء توء كده عيب لما تغلطي في جوزك ..
ساندي بج*نون وهي بتصرخ في وشه: انت عايز تج*نني انا فين انت خاط*فني ،ط طب بص لو انت عايز فيديه انا عيلتي غنيه اوي وهتدفعلك بس بليز بليييز سيبني امشي ا انا
عمرو وهو بي*قرب منها وبيبص في عيونها وبيقول بحده وخشونه : خاط*فك ايه واهلك مين اللي اغنيه ؟! انتي لسه نايمه ولا ايه فوقي كده واعقلي وقولي ياصبح ..
ساندي وهي بتبلع ريقها : ط طب ل لو سمحت ا انا مش فاهمه حاجه يعني انا اخر حاجه فاكراها اني شربت قهوه ومن بعدها نمت علي طول ،مش عارفه انا جيت هنا ازاي اصلا ؟!
عمرو برفعه حاجب : قهوه ؟ قهوه ايه انتي آخر حاجه شربتيها كوبايه الشاي بالنعناع اللي بتحبيه ونمتي
ساندي وهي علي تكه وتعيط وهي مش قادره تفهم هي فين وايه اللي حصل وازاي اتجوزت من الاساس
-شاي بنعناع ايه انا مش بحب الشاي اصلا !
عمرو ببرود : ازاي بس ده انتي كل يوم قبل ما تنامي تتعشي فول وفلافل وشاي بالنعناع ومعاهم بتنجان مخلل ...
ساندي بقرف : يااااي انا باكل الق*رف ده ؟!
عمرو بحده : ده نعمه ربنا استعيذي بالله ،في غيرك مش لاقي عيش حاف
ساندي بجنون : انا مالي بغيري انا واحده غنيه عندي فيله وكل يوم بغير عربيتي وبابي عنده بدل الشركه عشره وبفطر كل يوم من ماك انا وصحابي ...
عمرو وهو بي*ضرب كف علي كف : لااا ده انتي شكل دماغك لسع*ت خالص ،يابنتي ابوكي مين اللي بتتكلمي عنه انتي ابوكي صاحب عربيه الكبده اللي علي اول الشارع معقوله يعمل كل ده من عربيه كبده !
ساندي بصدمه اكبر : ا انت عايز تجنني صح؟ بابي مين اللي بيبيع كبده ،انا بابي صاحب اكبر شركات في الشرق الأوسط
عمرو وهو بيهز راسه بيأس: لا حول ولا قوه الا بالله انا خارج افطر عشان الحق شغلي وانتي كمان افطري بسرعه عشان تساعدي اختي في ترويق الشقه
قال جملته وخرج وهي واقفه تبص لآثره بصدمه وذهول وهي بتقول بخفوت
-اروق الشقه ؟!
هزت راسها أكتر من مره وهي بتفرك عينيها يمكن تكون في حلم !
خرجت من الأوضه بسرعه وهي بتتنفس بصعوبه ...
-انتي؟!
قالتها بذهول وصدمه أما شافت ملك قاعده هي وعمرو وست كبيره باين علي ملامحها الطيبه ...
كانوا قاعدين علي الطربيزه الصغيره وحاطين الفطار اللي كان عباره عن فول وفلافل وجبن وشاي بالنعناع ...
ملك بابتسامه واسعه : صباح الخير يامرات اخويا ياقمر
ساندي بذهول : ا انتي بتعملي ايه هنا ، م مرات اخوكي مين انتوا عايزين تج*ننوني !!!!
الست بابتسامه ودوده: مالك ياساندي ياحبيبتي انتي تعبانه ولا ايه ؟! مراتك مالها ياعمرو يابني
عمرو وهو بياكل ببرود : مش عارف ياماما والله باين السهر الكتير آثر علي دماغها
ساندي بصراخ: انا مش فاهمه حاجه انا ايه اللي جابني هنا انتوا مين ..
سكتت شويه وهي بتبص لملك وبتش*هق مره واحده بع*نف
اااااه فهمت اكيد انتي اللي عملتي كده صح ،ا انتي اللي عملتي كده عشان تن*تقمي مني عشان انا هزقتك في الكليه كلها ، ط ط طب انا اسفه انا مستعده اعتذرلك قدام الكل بس ارجوكي انا عايزه امشي من هنا لو سمحتي
عمرو وهو بيتنهد: يابنتي كليه ايه وبتاع ايه انتي خلصتي الكليه من سنتين
ساندي وهي بترمش عينيها اكتر من مره بصدمه : م من سنتين ؟!
حطت ايديها علي دماغها وقعدت علي الكنبه وهي مش قادره تستوعب اي حاجه !
الست الكبيره وهي بتطبطب علي كتفها وبتمدلها ايديها بساندوتش: خدي ياحبيبتي افطري
ساندي وهي بت*زق ايديها بع*صبيه ودموع : انا مش عايزه اطف*ح انا عايزه امشي من هنا مشوني والا هبلغ عنكم ..
عمرو بزعيق : في ايه ما تظبطي وتتكلمي مع امي عدل ..
ساندي وهي بتبلع ريقها بخوف : ا ارجوك مشيني من هنا ارجوك ..
عمرو وهو بيقوم من علي الاكل وبيبوس راس مامته: انا نازل الشغل يا امي عايزه حاجه ..
امه وهي بتطبطب علي أيده : روح يابني ربنا ينورك طريقك ويرزقك
عمرو وهو بيبوس راس ملك : خلي بالك من ماما ومن ساندي
ملك بابتسامه ذات مغزي: حاضر ياحبيبي
قرب من ساندي اللي كانت بتراقب تصرفاته ورقته مع أهله وهي شارده لابعد حد ممكن ،كانت تتمني تعيش جو أسري زي ده وتحس بدفا العيله لكن مشاكل مامتها وباباها المستمرة هي اللي حسسيتها انها عايشه في عيله مفككه طول الوقت ..
قرب منها عمرو وباس رأسها برقه وهو بيقولها بهدوء: عايزه حاجه ياحبيبتي
ساندي وهي بتبصله بدموع : ا انا مش عارفه انت مين والله
عمرو وهو بيبتسم بهدوء : انا جوزك والله هدي اعص*ابك كده شكل اعص*ابك تع*بانه يالا سلام ،متقلقيش مش هنسي اجيبلك الشوكلت بتاعتك اللي بتحبيها ...
قال جملته وخرج من البيت وهي بتبص لآثره باستغراب وقلبها بيدق بين ضلوعها مش قادره تفهم سبب دقاته !
اما عن عمرو خرج وهو بيتنهد تنهيده طويله وبيقول بغموض
-يارب يعني يوم ما اتجوز وقلبي يدق لحد يكون جواز مصلحه
قال جملته وهو بيفتكر اللي حصل امبارح واللي ملك أخته حكتهوله
فلاش باااك
انتي مفكره نفسك مين ؟! انتي عب*يطه انتي ولا حاجه انا ساندي هانم بنت الحسب والنسب اصاحب واحده زيك انتي ياجر*بوع*ه يابنت الخدامين ؟!
قالت جملتها بكل عص*بيه وهي بتبصلها من فوق لتحت وبتز*عقلها وسط الجامعه كلها وصحابها واقفين يضحكوا علي البنت اللي كانت بتزعقلها وكأنها اضحوكه ....
نزلت دموع البنت وهي بتلف وتمشي من المكان من بعد ما اخدت تهزيق كل يوم لأنها حاولت بس تتقرب منها وتصاحبها ولكن ازاي ملك هانم تصاحب واحده مش من مستواها !!
قعدت علي كرسي خشبي موجود في الجامعه وهي حاطه ايديها علي رجلها وبتعيط ب*حرق*ه وإحراج ...
بنت مسته*تره ومغر*وره متستحقش يكون عندها صديقه جميله زيك ...
لفت البنت لمصدر الصوت وهي مستغربه وبتسأل ببلاهه : انت مين؟
الراجل وهو بيتنهد: باباها يا انسه ملك
ملك بذهول : باباها ؟؟
هز ابراهيم رأسه بحزن وهو بيبص لبنته المس*تهتره اللي كانت واقفه مع صحابها البنات والشباب وبتضحك بصوت عالي في نص الكليه ...
ملك وهي بتبصله بحزن : و والله ياعمو صدقني انا معملتش حاجه ا انا بس مليش أصحاب وكنت حابه اتعرف عليهم بس كل مره احاول اتقرب منهم يعملوا كده ويهزقوني وخاصه بنتك ساندي
ابراهيم وهو بيطبطب علي كتفها بحنان : حقك عليا يابنتي انا عارف ان بنتي مس*تهتره ومغروره عشان كده انا هنا ..
ملك باستغراب : مش فاهمه ؟ وصحيح ليه حضرتك لابس ماسك ونضاره ومتخفي كانك حرامي !
ابراهيم وهو بيتنهد :عشان ساندي متشوفنيش يابنتي
ملك وهي بتتنهد بحزن : اه عن اذنك ياعمو عشان اروح
ابراهيم بلهفه : استني
ملك باستغراب : نعم ؟!
ابراهيم.: ك كنت عايزك تساعديني
ملك : اساعدك ؟! في ايه بالظبط مش فاهمه
ابراهيم بغموض: انا هقولك ..
ساندي بعد شويه بذهول : يعني حضرتك عايز تفهمني انك عايز بنتك تعيش معانا في الحاره بتاعتنا علي اساس مرات اخويا واخويا يعلمها الادب لحد ما تتغير وتبقي واحده تانيه ؟!
ابراهيم : بالظبط
ساندي بحيره وهي بتحط ايديها تحت دقنها : طب وده هيحصل ازاي يعني ازاي اصلا نقنعها انها تتجوز اخويا وتيجي تعيش معانا !
ابراهيم بغموض: ومين قال إننا هنقنعها !
ساندي: اومال هنعمل ايه بالظبط !!
ابراهيم : سيبي كل حاجه عليا وانا هفهم اخوكي وهفهمك المهم اقابل اخوكي عرفت أنه بيشتغل محاسب
ساندي : ايوه اخويا محاسب في بنك
ابراهيم وهو بيهز رأسه : تمام علي ٧ نتقابل في ستار باكس
ساندي وهي بتهز رأسها بموافقه : تمام هقول لاخويا ولو كده نقابل حضرتك ..
الساعه ٧ بالتقريب وخاصه في كافيه ستار باكس ..
ابراهيم برزانه : ازيك يا عمرو يابني
عمرو باحترام : بخير حضرتك
ابراهيم : طبعا اكيد ملك حكتلك الموضوع مش كده ؟
عمرو بجمود وهو ساند دراعاته الاتنين علي الطربيزه : احب اسمع من حضرتك بالتفصيل ..
ابراهيم وهو بيتنهد : طيب انا دلوقتي عندي بنت اسمها ساندي عندها ٢٣ سنه انا ومامتها انفص*لنا فتره كبيره عن بعض وهي كانت عايشه مع مامتها وللاسف دلع كوثر هانم لساندي كان دلع كبير اوي لدرجه ان اي حاجه كانت بتطلبها بتجبهالها حتي لو غلط البنت طلعت مستهتره مغروره مش بتحب اي حد ولا بتتعامل مع الناس اللي أقل منها ،من سنتين بالتقريب رجعنا أنا ومامتها وانا يتضايق من تصرفاتها حاليا واتكلمت معاها اكتر من مره أن تصرفاتها مش صح وهي كانت تسمع كلامي من ودن وتخرجه من دون مره كنت اتكلم بهدوء معاها ومره كنت اسحب منها كل حاجه فلوس وعربيه وكريدت كارت وكل حاجه كانت تتغير شويه وترجع ريما لعادتها القديمه مره تانيه لحد ما غلبت معاها أنا ومامتها اللي ندمت انها دلعتها ،عشان كده يابني انا عايزكم تساعدوني ...
عمرو برفعه حاجب : مش فاهم واحنا نساعد حضرتك في ايه ؟!
ابراهيم بغموض : انا هقولك ....
..................................................
ممكن افهم كنتي فين لحد دلوقتي ياهانم ؟!
ساندي وهي بتقلب عينيها بملل وهي بتبص لباباها اللي كل يوم يتخانق معاها علي نفس السبب ...
قعدت علي الكنبه وهي بتاخد تفاحه من الطبق اللي مليان فواكه قدامها وبتاكلها ببرود ...
-كان عندي عيد ميلاد يابابي حصل ايه يعني ؟
ابراهيم بعصبيه : عيد ميلاد لحد الساعه ٣ وش الفجر !
ساندي ببرود : عادي يابابي اصحابي كلهم كانوا سهرانين ..
ابراهيم : طب ساندي اعملي حسابك مفيش خروج بعد كده غير من البيت للكليه ومن االكليه للبيت ...
ساندي بملل : بابي بليز كفايه بقي مش كل يوم هنتكلم في نفس الموضوع مفيش حاجه بتتغير في الآخر انا كده وهفضل كده ...
ابراهيم بغموض وهو بيبصلها : هنشوف ،يالا اتفضلي علي اوضتك ..
ساندي وهي بتنفخ بضيق : يارب نخلص من الهيصه ديه استغفر الله العظيم يارب ...
قالت جملتها وطلعت علي أوضتها وهي طالعه كانت واحده من الخدامين نازله علي السلم وخبطت فيها من غير قصد
ساندي بعصبيه: انتي غ*بيه مش تفتحي ؟
الخدامه بارتباك : ا نا اسفه ياساندي هانم والله غصب عني
ساندي بق*رف : غوري من وشي اعمليلي فنجان قهوه
الخدامه بدموع : ح حاضر
طلعت اوضتها ودخلت وهي بترزع الباب وراها بغيظ ...
رمت الفون بتاعها والشنطه علي الارض وغيرت هدومها من غير ما تحطها في الدولاب مستنيه الخدامه تيجي تشيلها ...
لبست بجامه ستان بينك وفردت شعرها الاصفر القصير علي كتفها وقعدت علي السرير وهي بتفتح الفيس بتاعها وبتكلم الولد اللي مرتبطه بيه ...
ساندي وهي بتكتب بعصبيه : انت فين ؟
هو ببرود : في البيت
ساندي: ومرنتش عليا ليه ؟
هو : عادي
ساندي : والله !!
هو : بقولك ايه ياساندي انا تعبان وعايز انام تصبحي علي خير
ساندي بغيظ: ماشي يارامي ماشي أما وريتك مبقاش انا ساندي ..
الباب خبط ودخلت الخدامه وهي شايله القهوه ...
ساندي بغرور: تعالي حطيها هنا وروقي الأوضه ديه
الخدامه بتعب : ح حاضر
شربت ساندي القهوه من هنا وحست أن في شاكوش بي*ضرب في دماغها ...
غمضت عينيها جامد وهي حاطه ايديها علي رأسها بتعب وثواني وراحت في النوم علي المخده ...
بعد شويه دخل باباها ومامتها اللي كانت بتعيط ..
ابراهيم بضيق : في ايه ياكوثر هو احنا رايحين نقتلها ؟
كوثر : هتوحشني اوي
ابراهيم : معلش بس هترجعلك واحده تانيه خالص يالا ياكوثر ايدك معايا نشيلها ..
صباح يوم جديد وخاصه في منزل بسيط في حاره شعبيه ...
فتحت بطلتنا عيونها البني الصافي وهي بتفرد دراعاتها وبتتثائب بنعاس ...
ساندي بنعاس وتعب : اااااه انا نمت كتير اوي كده ليه ..
قامت من علي السرير ولسه هتدخل الح*مام اللي في الأوضه بتاعتها لقت نفسها في اوضه تانيه خاااالص ...
فكرت عينيها اكتر من مره يمكن تكون بتحلم ...
قامت وقفت في المكان وهي بتبص يمين وشمال باستغراب من الأوضه الغريبه اللي واقفه فيها واللي باين عليها بسيطه بالسرير اللي كان فيها والتسريحه الهلكانه نوعا ما والكمود اللي جنب السرير ....
قربت من المرايه وهي بتبص علي شكلها ...
برقت عينيها بذهول وصدمه وهي بتبص علي شكلها الغريب ،كان شعرها لونه اسود غجري وطويل ولبسها غريب كانت لابسه بجامه قطن لونها موف....
حست أن هي في دوامه بالمعني الحرفي حطت ايديها علي ودنها وهي بتهز رأسها بهستريه
لااااااااااااااااا لااااااا أنا فين
ايه ايه في ايه بتصوتي ليه علي الصبح ؟
لفت ساندي لمصدر الصوت واللي كان عمرو اللي فتح الباب لما سمع صوتها بتصوت ...
ساندي بخوف : ا انت مين انت خاطف*ني مش كده ؟
عمرو بصوت خشن وهو بيضحك وبيغمزلها بطرف عينيه بسماجه : خاطف*ك ايه يام*زتي انا جوزك ياجميل
باااك
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية عالم تاني" اضغط على اسم الرواية