رواية عالم تاني الفصل الثاني بقلم ايمان شلبي
رواية عالم تاني الفصل الثاني
انتي هتقوليلي انا جيت هنا ازاي وايه اللي حصل ولا أخ*رب بيتك ؟!
قالت ساندي جملتها بعصبيه وهي واقفه في نص المكان وبتوزع نظراتها بين ملك ومامتها
ملك وهي بتفرك ايديها بتوتر : ي ياحبيبتي انتي في بيتك
ساندي وهي بت*شد علي شعرها بعصبيه: انتي عايزه تج*نيني؟! بيتي ازاي انا هانم بنت هانم اعيش في خرابه زي ديه ازاي !
ام ملك وهي بتبصلها وبتقول بحزن: غيرك مش لاقي الخرابه ديه يعيش فيها ياساندي احمدي ربنا أن في مكان عايشه فيه تتحامي من الحر وتتحامي من مايه الشتا احمدي ربنا أن في راس مال تصرفي منه وبتاكلي كل يوم حتي لو مش بتاكلي لحمه وفراخ بس في غيرك مش لاقي ياكل خالص احمدي ربنا علي نعمه البيت والدفا والصحه دول اهم من اي حاجه في الدنيا ....
ساندي وهي بتبصلها من فوق لتحت بق*رف: انا مش هاممني كل القر*ف اللي سمعته ده انا هنزل بنفسى ادور علي اهلي وهوصلهم وساعتها هتندموا اشد ندم علي خ*طفي ومش بعيد البيت أو الخرابه اللي بتتكلمي عنها ديه اه*دهال*ك عشان تعرفي ازاي تعملي كده انتي وابنك وبنتك الش*رشو*حه مع اسيادكم ....
قالت كلامها دفعه واحده وفتحت الباب وخرجت وهي مش هاممها لابسه ايه ولا هاممها الكلام اللي قالته واللي جرح ناس طيبه وعلي قد حالها زيهم هي كل اللي يهمها انها تمشي من المكان ده وبس ...
-الجميل ماشي لوحده ليه
ساندي وهي بتبص بخوف لمصدر الصوت واللي كان شاب باين علي وشه الإجر*ام
-ا أنا
الشاب وهو بيتطوح يمين وشمال بتوهان: انت ايه ياجميل
ساندي وهي بتبلع ريقها بخوف : ا انا ه هو احنا فين ؟!
الشاب بسخريه: جرا ايه ياعسل يعني نازله من عماره استاذ عمرو ولابسه بجامه أخته ومش عارفه انتي فين ؟ انتي قريبته مش كده ؟
ساندي بنبره تشوبها البكاء : ا انا معرفش انا فين ه هما خا*طفن*ي
الشاب بأستغراب وهو بيتطوح : خا*طف*ينك ؟! انتي قصدك مين استاذ عمرو انتي شاربه ايه ابت
ساندي بخوف : و والله حضرتك انا مش شاربه حاجه ا انا فعلا معرفش انا فين ؟!
الشاب بضيق : بقولك ايه انا عندي صداع سلام
بيكيااا بيكيااا بيكيااااا ...
نطت ساندي من مكانها وهي بتلف للراجل اللي كان علي عربيه كارو وبينادي في الميكروفون بصوت عالي .....
-اومااااي جاد ايه ده ؟
الراجل وهو بيوقف العربيه وبيقولها بابتسامه سمجه : عندك بيكيا يا عسل
ساندي وهي بتبلع ريقها بخوف : ي يعني ايه ؟
الراجل : مش عارفه يعني ايه بيكيا ؟!
ساندي بتوتر : ا اصل ا اصل أنا مش من هنا
الراجل بسخريه وهو بيضحك عليها : وحتي لو مش من هنا ده البيكيا في كل مكان ...
ساندي وهي بتبصله وبتسأله بعفويه: هي بيكيا ديه فرقه موسيقيه ومواهب وكده يعني ؟
الراجل بضحك : هههههه فرقه موسيقيه لا ده انتي شكلك هوبا خالص معطلكيش يام*زه ...
كيلو بخمسه جنييييه قربي يامدام الكيلو بخمسه جنيييه قربي يا انسه ..
ساندي وهي بتبص علي بياع الخضار وبتقف قدام الفرش باستغراب وذهول ...
الراجل بابتسامه سمجه وهو بيغمزلها: عايزه كيلو يا عسل ؟!
ساندي يتساؤل: كيلو ايه ؟!
الراجل : كيلو فراوله اصل الفراوله مياكلش الا فراوله
ساندي بتوتر : ش شكرا ا انا ممكن اطلب منك طلب ؟!
الراجل وهو بيسبل بعيونه : عيوني ليك ياجميل
ساندي : م ممكن الفون بتاعك اكلم بابي
الراجل بسخريه: هه بابي
ساندي برجاء من عيونها : ممكن ؟!
الراجل وهو بيغمزلها : تدفعي كام ؟
ساندي بتوتر : ب بس انا مش معايا فلوس !
الراجل : هههههههه خلاص خدي اجميل
اخدت ساندي الفون منه بلهفه وهي بتضغط عده ارقام وبترن علي باباها
دقائق وجالها الرد
ساندي بلهفه : بابي بابي الحقني انا مخط*وفه
محمود باستغراب : مين معايا ؟!
ساندي بصدمه ودموع : بابي ا انا ساندي بنتك ا انت محستش بغيابي لا انا ولا مامي ؟!
محمود باستغراب اكبر وتمثيل أتقن فيه: بنتي مين انا بنتي قاعده قدامي اهو انتي مين انتي ؟!
ساندي بذهول : بابي لا ارجوك اوعي تقول كده ا انا ساندي يابابي بنتك حبيبتك ا انا
محمود : معلش يابنتي اكيد كتبتي رقم غلط سلام ...
قال جملته وقفل وهي واقفه مذهوله مش قادره تستوعب اي حاجه ...
بصت علي الرقم مره تانيه يمكن كتبته غلط من توترها لكن ازاي تكتبه غلط وهي حافظاه عن ظهر قلب !!
اكيد في حاجه غلط
-خلصتي يا انسه
ساندي وهي بتفوق من شرودها: هه ا اه ش شكرا
رجعت للراجل الفون بتاعه ومشت في الشارع والناس كلها بتبصلها وبتهمس بخفوت وهي بتبص علي المكان اللي واقفه فيه بتوهان ....
قهوه بلدي في نص المكان عليها اشكال والوان كبار مع صغار ....
علي الجانبين في بتوع خضار وفاكهه والشارع مليان ناس كلها علي قد حالها ....
في اللي لابس عبايات سودا ومعاه يجي تلات عيال في أيده وفي اللي واقف يعد فلوسه بحزن ودموعه نازله علي خده لانه مش قادر يدبر قوط يومه ،في اللي ماشي هو ومراته وماسكين ايد بعض باين أنهم مبسوطين ...طبقه فيها الفقير وفيها اللي علي قد حاله بس المشترك في كل دول الرضا اللي باين علي وشهم حتي الراجل اللي كان بيعيط فجأه ابتسم وهو بيبص للسما وبيدعي بقلبه قبل لسانه وهو عارف أن ربنا مش هيخذله ....
وقفت في نص الشارع وكأنها في متاهه حقيقيه من ساعات بس كانت في عالم وحاليا هي في عالم تاني خاالص جديد ومختلف عن عالمها الراقي واللي برغم الرقي والغنا اللي ان السعاده عمرها ما كانت بالفلوس عمر الفلوس ما تشتري صحه ولا سعاده ولا حب!
-اظن كفايه كده واطلعي بيتك ياساندي
لفت ساندي لمصدر الصوت واللي كانت ملك اللي مراقباها من وقت ما نزلت من البيت ...
ساندي بشرود : يعني انا ديه حياتي الحقيقيه ؟!
ملك وهي بتهز رأسها : ايوه
ساندي : بس انا مش هقدر ا انا عايزه حياتي التانيه
ملك بابتسامه هادئه وكلام ذات مغزي: مفيش حد بيختار حياته ياساندي ربنا بيدي كل واحد حاجه وبياخد مكانها حاجات ممكن يديكي فلوس ونفوذ بس ياخد منك الحب والدفا والسعاده ممكن تبقي علي قد حالك وممكن تبقي فقيره بس عندك رضا وإيمان بالله ربنا بيوزع الأرزاق يالا ياساندي يالا يا حبيبتي اطلعي علي شقتك ...
ساندي بعصبيه ودموع : انتي كذ*ابه انتوا كلكم كذا*بين انا مش طالعه علي الخ"را*به ديه انا هروح ابلغ عنكم هقول أن انتوا خاطف*ني ...
قالت جملتها وطلعت تجري من قدامها وهي مش عارفه هتروح فين بس الاهم من اي حاجه انها تمشي من المكان الغريب ده ....
أما عن ملك برقت بعينيها وهي بتجري وراها بس كانت ساندي اسرع منها بكتير ...
وقفت ملك وهي بتنهج بتعب وبتخرج الفون بتاعها وبترن علي عمرو
-الو
ملك بخوف: عمرو الحقني
عمرو بقلق وهو بيتنفض من مكانه : في ايه ماما جرالها حاجه
ملك وهي بتبلع ريقها وبتهز رأسها بنفي : لا م ماما كويسه ب بس ساندي ساندي هربت
عمرو بصدمه : ايه هربت ،هربت ازاي بس
ملك وهي بتحكيله كل اللي حصل بالتفصيل ...
عمرو وهو بيهبد علي المكتب بجنون : غبي*ه غب*ييي*ه وعنيده وهتودينا في داهي*ه اقفلي ياملك اقفلي وانا هحاول اتصرف ...
قفل مع ملك واستأذن يخرج من الشغل لأن حصلت عنده ظروف ....
نزل عمرو وهو مش عارف هي ممكن تكون راحت فين دعي أنه يقدر يلاقيها لانه مش حمل مشاكل وحوارات كتيره ....
الفون بتاعه رن برقم محمود ...
عمرو وهو بيبلع ريقه : يارب هقوله ايه بس هقوله بنتك ضاعت ومش لاقينها ..
-ا الو
محمود بتوتر : عمرو هي ازاي عرفت مكان الفيله ؟!
عمرو بصدمه : هي عندك ؟!
محمود : ايوه الحرس بيقولوا ساندي هانم برا عماله تصرخ وتنادي عليا وانا مش هقدر اخرجلها
عمرو : اديني العنوان بسرعه وانا هتصرف ،انت لازم تخرج وتعمل نفسك مش عارفها ...
محمود بتوتر : م مش هقدر صدقني مش هقدر اول ما هشوفها هاخدها في حضني
عمرو بجديه: لازم تقدر لو فعلا بتحبها وعايزها تتغير ده عشان مصلحتها انا مسافه السكه وهكون عندك ...
..................................................
في فيله محمود كانت واقفه ساندي اللي وصلت المكان بصعوبه بعد ما اخدت فلوس من كل اللي رايح واللي جاي عشان تركب تاكسي ...
ساندي بدموع وهي بتهبد علي باب الفيله : بقولك افتحلي انا ساندي هانم افتتتحووولي يابااااابا يامااااما افتحوووولي
-ايه ايه في ايه الدوشه ديه ؟!
قالها محمود بكل عصبيه وتمثيل وهو بيخرج من الفيله
ساندي بلهفه ودموع : بابي بابي حبيبي انا ساندي بنتك انت وحشتني اوي ب بابي ..
محمود وهو بيقاطعها: بنتي مين يا انسه أنا بنتي قاعده جوا انتي مين
ساندي بصدمه: ب بابي
محمود وهو بيطلع فلوس من جيب الجاكيت بتاعه وبيمدلها أيده
-الله يسهلك يابنتي
ساندي وهي بتبص لايده بصدمه وبتصرخ بج*نون : انت بتعمل كده ليه انا بنتك ليه بتعمل كده فيا انت ...
-سااندي اخيرا لقيتك
لفت ساندي لمصدر الصوت واللي كان عمرو اللي كان جاي بيجري بسرعه ولهفه ...
محمود وهو بيبلع ريقه : انت تعرفها يابني ؟!
عمرو وهو بيتنفس بتعب : ايوه ديه مراتي معلش اسفين علي الازعاج بس مراتي أعصابها تعبانه شويه
ساندي بجنون وصراخ وهي بت*شد في شعرها : انا مش تعب*اااانه أنا مش تع*بااان*ه انت مين انا معرفكش بابي انا ليه بتعمل فيا كده ا انت خلاص مبقتش تحبني ولا انت ولا مامي يابابي عشان خاطري متعملش فيا كده ...
محمود وهو بيضرب كف فوق التاني بشفقه: لا حول ولا قوه الا بالله ربنا يشفيكي يابنتي عن اذنك يابني
قال محمود جملته ولف ودخل بأقصي سرعه وهو بيحاول يمنع دموعه من النزول قدامها ...
اما عن عمرو قرب من ساندي اللي وقفت تبص لآثره بشرود ...
-يالا ياحبيبتي
ساندي وهي بتلف وبتقول ببراءه ودموع : هو في أب ممكن يتخلي عن بنته ؟!
عمرو وهو بيبلع ريقه : ل لا طبعا
ساندي بدموع اكبر : ا اومال هو ليه اتخلي عني ا انا عملت ايه لكل ده
عمرو وهو بيشبك صوابعه في صوابعها وبيقول بهدوء: طب تعالي معايا،كل حاجه هتتحل أن شاء الله
والغريبه أنها معترضتش انما مسكت في أيده جامد وكأنها بتحاول تستمد الأمان من شخص لا تعرفه ولا يعرفها لأنها ملقتش الامان مع أقرب الناس ليها !!
بكل سهوله اتخلوا عنها ولا كأنها بنتهم ولا كأنهم حبوها يوم وكأن حبهم ليها من يومين بس كان حب مز*يف !
عمرو وهو بيبصلها وبيقول بهدوء ورقه : تحبي نقعد شويه علي البحر؟!
رفعت ساندي راسها وهي بتبص في عيونه الرمادي وملامح وشه الوسيمه عن قرب ...
هزت راسها بشرود وهي بتبص قدامها مره تانيه ...
بعد شويه
كانت قاعده قدام البحر وهي بتبص علي أمواجه العاليه وخصلات شعرها بتطير مع نسمه الهواء البارده في أواخر فصل الصيف ...
دموعها كانت نازله علي خدها وهي مش متوقعه ابدا ان في أب يتخلي عن بنته !
عمرو وهو بيتنهد وبيبص قدامه علي البحر : علي فكره مفيش اب يتخلي عن بنته ابدا
مردتش عليه وعم الصمت لفتره مش كبيره قطعته ساندي وهي بتلف لعمرو وبتسأله بش*ك
-احنا اتعرفنا ازاي ؟!
عمرو وهو متفاجئ من سؤالها اللي مكانش عامل حسابه ابدا ،بلع ريقه وهو بيرد بتوتر
-ا انتي مش فاكره ياحبيبتي ؟!
ساندي : عايزاك تفكرني !
عمرو وهو بيبلع ريقه : تأكلي ايس كريم
ساندي بشك : انت ليه بتتهرب ؟!
-ايه ده ساندي معقوله ؟!
ساندي وهي بتلف لمصدر الصوت بلهفه وفرحه أن في حد يعرفها
-رضوي
يتبع الفصل الثالث اضغط هنا
- الفهرس يحتوي على جميع فصول الرواية كاملة :"رواية عالم تاني" اضغط على اسم الرواية