يوميات رمضانية "في بيت العيلة" بقلم إيمان محمد بركات
يوميات رمضانية "في بيت العيلة" الفصل الأول1
الأجواء الرمضانية فرحة ما بعدها فرحة ،فرحة بأبسط الاشياء شريط ليد جديد تغيير في ديكورات المطبخ،فوانيس صغيرة للاطفال ،فرحة الاطفال وهما شايفنا بنجهز للشهر الكريم وتشجعيهم علي الصوم وتأدية العبادات اللي تناسب سنهم،من صيام وصلاة وصدقة والتجمعات العائليه وعزومات رمضان واحنا بنتجمع كلنا من كبير وصغير علي سفرة أو طبلية
قبل رمضان بيوم.....
ماما عايزة اشغل الفانوس بتاعي وانزل العب مع شهد انا شفتها من البلكونة مشغله فانوس وبتلعب بيه وانا مش عارفة اشغل بتاعي ازاي تعالي شغليهولي وافتحيلي الباب انزل
الام بتجز علي سنانها بغيظ:باااس افصلي كام مرة اقول لما تلاقيني بوضب في البيت ومشغولة كدا تبطلي زن وتسيبيني اخلص اللي ورايا اطلعي برة يا حلا وسيبيني اخلص اللي في ايدي
حلا:طب افتحيلي الباب وانا اضمنلك انك مش هتسمعيلي صوت ولا نفس وهخلصك مني
الام:لأ
حلا:يووووه
الام:حلا يا حبيبتي محدش دلوقتي فاضي كل واحد بيوضب في بيته علشان يكون رايق بكره يعني ميصحش نتقل علي حد وندخل بيته واحنا عارفين انه مشغول
حلا:بس شهد مش مشغولة ولا بتنضف في البيت،طنط مني هي اللي بتنضف،وانا مش رايحة العب معاها انا رايحة العب مع شهد
الام خدت نفس بضيق وهي عارفة ان مني مبتستحملش عيال حد واما بتنضف شقتها بتبقي مش عايزة حد يخطيها ومش بتتحرج تظهر ضيقها دا قدام الكل رغم ان اولادها نازلين طالعين في البيت كله وابدا محدش ضايقهم بكلمة ،لكن هتفهم بنتها الصغيرة الكلام دا ازاي وهي طفله يدوب خمس سنوات يعني حتي لو مرات عمها كشرت في وشها هي ببرآتها مش هتفهم
رجعت بصت لبنتها واتكلمت:بت انتي بطلي مقاوحة قصادي وكمان الفانوس بتاعك مش شغال لأنه مفيهوش بطارية اصبري شوية لما بابا يجي ويجبلك البطارية ويشغلك الفانوس وتلعبي براحتك ،اتفضلي بقي خليني اكمل فرش
حلا لسه كانت هتزن وتعترض علي ان فانوسها لسه مفهوش بطارية ولا هتعرف تلعب بيه بس امها برقتلها بعينها وهي بتزوم علي شفايفها وبتشاورلها تخرج خرجت حلا للصالة وهي بتبرطم بكلام مش مفهوم وتحرك اديها كأنها مستغربة كلام امها وتصرفاتها راحت للصالة ومسكت الريموت وجابت كارتون وقعدت تتفرج عليه بملل،وامها غصب عنها ضحكت علي حركاتها اللي كلها فيها تقليد للكبار ولأمها بالأخص،وليه لأ والطفل بياخد كل سلوكياته من الناس اللي عايش معاهم واللي بيتعامل معاهم اكتر من أي حد بياخد منهم العصبية او الهدوء النضافة او الاهمال احترام الكبير او عدمه التدين والألتزام بالطاعات وغيره كتير
بدأت الأم تكمل فرش اللي كان باقي منه حاجات بسيطة خلصتها وبدات بوضع اللمسات الأخيرة ،وراحت المضبخ تعلق شريط الليد اللي سبق واشترته ووقفت علي باب المضبخ وهي بتتأمل فيه وفرحانه جدا بنفسها انها خلته بالنضافة والجمال ودا اللي هون تعبها الاسبوع كله وحست براحة نفسيه رهيبه لما عينها جات ع الحوض وشافت لمعانه وفواحة البخور عليه قبل ما تدخل المضبخ سمعت جرس الباب ابتسمت بفرح وراحت بسرعة تفتح
يا مرحب بالحبايب اللي نورت البيت حبيبتي وحشتيني في اليومين دول ادخلي ادخلي
أسماء سلمت عليها ودخلت :انتي اكتر يا قمري اللي مقدرش استغني عنه
شهد نطت من علي الكنبة لما شافت مكة بنت عمها وجريت عليها وشدتها من ايدها وأخدتها علشان تلعب معاها
أسماء:شايفة الشقة منورة يامونمون اللهم بارك خلصتي ولا إيه
اماني وهي بتاخد نفس كبير وبتفرد اديها الاتنين بتعب:اه الحمد الله اتهديت والله وكملت كلام وهي بتبص حواليها بس كله يهون علشان المنظر اللي انا شايفاه قدامي دي راحة نفسيا قسما بالله
اسماء بصت ناحية حلا لقيتها قاعدة مكتفة اديها بزعل نادت عليها:لولو مالك قلبي ايه مزعلك كدا اوعي تكون مكة رخمت عليكي
اماني بصت عليهم وفهمت سبب زعل بنتها لما شافت مكة في ايدها فانوس بينور بتلعب بيها،وحلا سايبة فانوسها علي ترابيزة ومقربتش عليه وجهت كلامها لحلا:ايه يا حبيبتي كلها دقائق وبابا يجي ويجبلك البطارية ويشغلهولك
اسماء بسرعة فتحت شنطتها وخرجت مغلف فيه ٣بطاريات:حقك عليا انا يا قلبي اتلهيت مع ماما ونسيت اديهملك اول ما دخلت
حلا جريت مسكت فانوسها واديته لمرات عمها تشغلهولها وبعدها اخدت ورجعت تلعب مع مكة
بعدها اسماء طلعت من شنطتها كمان زجاجة معطر جو ومفرش خيامي صغير وقربت علي اماني ادتلها الاتنين
اسماء:كل سنة وانتي طيبة يا حبيبتي ينعاد عليكي بخير
اماني اخدتهم منها بفرحة:منحرمش منك ابدا يارب ربنا يفرح قلبك زي ما انت دايما فكراني ومفرحاني وبعدها بصت علي المعطر :امم رائحة التوت جديد دا
اسماء:ايوة انا كمان اول مرة أجربه شفته عند ماما عجبني أوي وانا راجعة من عندها دلوقتي اشتريت ليا وليكي بس هيعجبك أوي
اماني وقفت جربت المعطر وعجبها أوي:واو ريحته روعة يا بت يا سمسم وبعدها دخلت المضبخ وقفت شوية وبعدها اخدت واحد من شرايط الليد وحمدت ربنا في سرها ان اسماء جاتلها قبل ما تعلقهم وإلا مكنتش عرفت تهادي اسماء زي ما هي عملت وتتحسسها انها فكراها،لان دي مش اول مرة تنسي تهاديها في مناسبة ومع ذلك اسماء عمرها ما زعلت ولا اخدت موقف قصاد موقف ،ودا اللي مقوي حبهم في قلوب بعض اخدت الشريط وادتهولها
اسماء اخدته منها بفرحة وشكرتها عليه
اماني :عديتي علي تحت قبل ما تيجي عندي
اسماءاخدت اخدت نفس بتعب وضيق وردت:لا يا اماني معدتش عليها وربنا انا راجعة من عند امي مهدودة دا انا من صباحية ربنا وانا اشيل واحط عندها والمع واغسل لما حسيت نفسي قلبت فلبينية ركبها صدت ولسه رايحة اعيد علي شقتي علي السريع كدا يعني خلاص مفنيش حيل اعدي ولا اهدي ضهري يااني هموت
اماني:يا بنتي الله يعينك ويجازيكي خير علي تعبك دا ،بس مرواحك لمني اللي هي تحت يعني بتعدي علي شقتها قبلي معقول دا اللي هيتعبك ضهرك زيادة
اسماء:لا هيتعب اعصابي زيادة، ومرواحي ليها تقيل علي قلبي كدا وربنا انا ما فاهمة الكائن دا يعني تبقي مش طايقة حد يدوس علي سيراميك شقتها وفي نفس الوقت لو مرحتلهاش تشتكي لطوب الأرض وعايزة تقوم حماتي علينا،علي رأي اللي قال وجينا نمشي قالولنا نقعد وجينا نقعد شدو الكراسي
اماني ضحكت كتير علي كلام اسماء:ياستي احتسبيها عند الله اهو نقلها كل سنة وانتي طيبة وربع ساعة ونطلع ميجراش حاجة يعني
اسماء:بصي وربنا انا كله الا عيالي يعني لو بصتلهم بصه كدا ولا كدا هدب صوابعي في عينيها اخزقهم علشان متعرفش تبرق بيهم تاني،وبعدين يا اختي مين قالك انها عايزانا نروحلها ،دي بس حركات بتعملها قدام حماتي علشان تبين أنها ام قلب حنين وان احنا اللي عاملين عصابة عليها لكن هي ف الأساس مش عايزانا نخطي عندها احنا او عيالنا
اماني:لا إله الا الله يا بنتي اهدي ،طب بصي احنا نسيب العيال هنا وننزل نسلم ونقول اننا هنصلي التراويح ونطلع بسرعة
اسماء:امري لله ،نادي كمان علي حمزة ومازن خليهم يجوا هنا علشان نضمن انهم ميجوش ورانا تحت
اماني راحت ناحية السلم ونادت علي ابنها حمزة:اطلع يا حبيبي انت ومازن اقعدو مع اخواتكم هنا
حمزة:احنا قاعدين هنا يا ماما مع تيتي هي بتلعب معانا وهتحكي لنا حواديت مش عايزين نطلع دلوقتي
مازن:اه يا خالتو اماني وقولي لمامي انا هقعد كمان مع تيتي هنا
اماني:طيب خليكوا بس حسك عينك انت ولا هو تطلعوا في الشارع ولا اسمع انكم زعلتوا جدتكم ولا تتعبوها وسابتهم ودخلت
اسماء:يابت حمي دمك شوية انا مش برضي اتكلم قدام العيال يابنتي ما ينفعش كل حاجة حاضر حاضر كدا مع العيال،العيال دي عايزة الشد خصوصا الصبيان ميجوش غير بالشدة،لازم
اماني:يابنتي وهو ايه اللي حصل دلوقتي بس علشان تقولي شد،يا حبيبتي الشد مع الأطفال مش في كل حاجة دول يدوب طلبوا يقعدوا مع جدتهم شوية،تفتكري لو حمزة طلب انه يخرج الشارع وهو عارف اني منعاه يخرج كنت هوافق ؟؟
انا بس مش عايزة اخنقه هو واخته بالحبسه طول النهار في البيت،وبعدين ازاي يكون قاعد مع جدته وانا اقوله اطلع متقعدش مهو اكيد هتزعل
اسماء:طيب يا اختي خليكي يا حنينة انتي خافي علي زعل دا ودا ودوسي علي نفسك
اماني:والله انت لو الواحد دخل في نقاش معاكي مش هيخلص ،قومي يا اسماء خلينا نزل علشان نلحق نطلع تاني نصلي التراويح هنا في شقتي ،وشدتها من إيدها وراها ونزلوا الاتنين
اماني رنت الجرس مرتين ورا بعض
اسماء بصوت واطي:كفايه بالله عليكي مش عايزين رغي منها دلوقتي براحة ع الجرس وخبطو علي الباب و......و....
اماني ضحكت علي اسماء وهي بتتكلم بصوت واطي:جبانة اللي يشوفك دلوقتي ميشوفكيش فوق
اسماء لسه هترد كان الباب اتفتح وشهد فتحتلهم وبصت وراهم علشان تشوف حد من بنات عمها بس ملقتش حد منهم سلمت عليهم بزعل ودخلتهم ونادت علي مامتها اللي اول ما راحت ناحيتهم بصت علي رجلهم تتأكد انهم خلعو اللي في رجليهم وبعدها ابتسمت وسلمت عليهم
دخلتهم من الصالة ،ودردشو شوية مع بعض
مني:العشاء اذن اهو تعالو نصلي مع بعض التراويح بما إن الرؤية ظهرت و بكرة اول يوم رمضان
اسماء وأماني بصو لبعض باستغراب انها اول مرة تقلهم يفضلوا عندها شوية وهما كمان كانو ناويين يطلعوا بسرعة ويصلوا في شقة اماني
مني:كل دا بتفكروا هتصلوا ولا لا؟ وبعدها سابتهم ودخلت اوضتها جابت مصلية لكل واحدة فيهم وهما اخدوها ووقفوا كلهم يصلوا مع بعض بعد ما مني اقامت الصلاة بيهم وخلصوا صلاة وكل واحد دعي ربه بما يتمني ودعائهم لأولادهم بالصلاح والرضا بعدها قامو وقررو ينزلوا تحت يسهرو مع سعيدة حماتهم ويشوفوها لو محتاجة حاجة،خرجوا من الشقة واسماء نادت علي حلا ومكة علشان ينزلوا معاهم
اول ما نزلوا تحت شافوا اولادهم مع جدتهم وهي بتنهي الحدودته اللي كانت بتحكيهالهم وهما قاعدين حواليها بيسمعوها باهتمام وتركيز وفرحة
سعيدة:ومع إن محدش كان مفكر أبداً إن عمُر ابن الخطاب يأسلم يا ولاد وخصوصي بعد ما ضرب أخته علشان أسلمت وكمان ضرب جوزها لما عرف إنه هو كمان أسلم ويومها أخته دافعت عن جوزها وقالت الشهادة قدام أخوها ومخافتش منه وقالت له إنت عدو الله وفي اليوم ديه عُمر شاف في أوضتها صحيفة وقالها توريله الصحيفة دي بس خبتها منه
ورجع تاني يطلب منها الصحيفة بس هي قالتله إنه نجس ومينفعش يمسك القرآن إلا لو أغتسل راح عمُر بن الخطاب وأغتسل علشان أخته تديله الصحيفة ولما أخد الصحيفة اللي كان مكتوب فيها بداية سورة طه ولما قراها ربنا شرح صدره للإسلام وسأل أخته علي مكان الرسول ولما أخته اطمنت ليه وإن قلبه خلاص لان دلته علي مكان الرسول وهو راح له علشان يعلن إسلامه
ويوميها الكفار اترعبوا لأن عُمر مبقاش في صفهم وبقي في صف المسلمين وهو كان معروف بقوته
وقبل ما يأسلم عُمر الرسول كان بيدعي ربه إنه يعز الإسلام بأحد العُمرين عُمر بن هشام أو عُمر بن الخطاب وبكدة استجاب ربنا لدعاء الرسول صلي الله عليه وسلم
الولاد في صوت واحد: صلي الله عليه وسلم
مازن:مين عُمر بن هشام يا تيتي
سعيدة:عُمر بن هشام هو أبو جهل يا ولاد
سعيدة خلصت حكايتها والأولاد قاموا من حواليها يلعبوا سوا
مني أول ما نزلت من فوق قامت تبص في الشقة وتطلع من اوضة تدخل اوضة حتي المطبخ والحمام دخلتهم
سعيدة:ما تقعدي يا بت انتي زاولتيني بتدوري على ايه
مني:ابدا يا حماتي بنشوف لو محتاجة حاجة اعملهالك في الشقة
سعيدة:ما صهرتك اماني خلصت الشقة كلها امبارح هي وسماح بنتي واهي زي الفل مش محتاجة يعني اقعدي ارتاحي،بت يا اسماء قومي اعمليلنا شاي بلبن كلنا وهاتي بقسماط وتعالي ناكل
مني:وانا يا حماتي يعني معرفش اعمل شاي بلبن ولا بتقرفي مني،دا انتي عمرك ما طلبتي مني أعملك اي حاجة في المطبخ
سعيدة:هو انا منعتك تعملي حاجة قومي يابنتي اعملي اللي عايزاه ربنا يهديكي،انتي مش غريبة اتصرفي زي ما انتي عايزة
قامت منى ورا اسماء ودخلت المطبخ
سعيدة:بت يا شهد هو انتي منزلتيش ليه تقعدي معايا هنا من بدري زي ولاد عمك ولا حتي طلعتي فوق تقعدي مع حلا ومكة
شهد بقلة حيلة:كنت بلعب في شقتنا يا تيته
سعيدة:بت انتي هي امك لسه بتمنعك تنزلي عندي ولا تطلعي عند بنات عمك ولا؟
شهد بصت في الارض بخوف رغم ان امها مش جمبها وبصت فى الارض و هزت دماغها بنفي
اماني بصت لحماتها بترجي عشان تعدي الموقف لأنها سبق وحصل مشاكل كتير بسبب انها مخليه نزول ولادها عند جدتهم بحساب شديد ،وعارفة ان حماتها لو عرفت انها رجعت تعمل كدا تاني مش هتسكت لها،ولذلك اماني بصتلها بترجي وشاورت بعنيها علي شهد كأنها بتقلها بس علشان خاطر البنت متزعلش،وسعيدة هزت راسها وسكتت
في المطبخ مني دخلت ورا اسماء لقيتها حطت اللبن والشاي علي النار قعدت مستنياها لغاية ما صبت الشاي واللبن وشدت كيس البقسماط واخدت الصينية بسرعة وخرجت بيها تحت نظرات اسماء اللي مستغرباها رغم انها مش أول مرة تشوف موقف شبه دا من مني
اخدت الصينية وخرجت واماني اول ما شافت اسماء خارجة من المطبخ ايديها فاضية بصت عليها وضحكت لأنها فهمت اللي حصل في المطبخ واسماء لما شافت اماني بتضحك بصتلها بغيظ وقعدت علي الكرسي بعيد ومرضتش تشرب معاهم
سعيدة:بت يا اسماء قاعدة بعيد كدا ليه ما تيجي تشربي كوبايتك
اسماء:مليش نفس ياحماتي
سعيدة برقتلها وزعقت:بت انتي لما اقول تعالي يبقي تيجي وتتلحدي هنا من سكات
اسماء قربت منهم وقعدت:اتلحدت اهو
مازن وهو بيحط البقسماط في اللبن :تيتي هو يعني اي اتلحدي ويعني ايه صهرتك اللي انتي لسه قايلاها
في اللحظة دي كان داخلين الرجال(عابد زوج مني وولاده الاتنين ودول كبار في ثانوي وعادل زوج اماني،ومحمود زوج اسماء) ، بعد ما صلوا التراويح واشتروا لوازم البيت
محمود وهو داخل:صهرتك دي يعني سلفتك وعلي فكرة رغم اني مش عارف امي ليه متمسكة باللهجة الصعيدية رغم انه بقالها يجي ٥٠ سنة في اسكندرية بس كلمة صِهر اصح لغويا من كلمة سِلف،اما اتلحدي دي معناها اترزعي ،بالمناسبة مين اللي هتترزع
مازن ومكة في صوت واحد:ماما
وهنا الكل انفجر في الضحك الكبار والصغيرين ،ماعدا محمود اللي واقف بصدمة بعد اللي قاله وبص ناحية اسماء اللي لقاها بصالو بغضب ،هرب بسرعة من نظراتها مؤقتا لغايه ما يطلعوا شقتهم وهو متأكد ان اسماء مش هتعدي الموقف زعق في الاولاد الصغيرين :بس يا ولد وانت وهو بطلوا ضحك وتعالوا معايا بره معايا عايزكم واخدهم وابتدي يعلقوا حبال الانوار في الشارع والكل فرحان ومبتهج وخصوصا الاطفال،وجيرانهم في الشارع كل واحد بيعلق زينه علي بيته
اما عادل وعابد قعدو جمب امهم يحكوا ويهزروا معاها وادولها اكياس الاكل والمكسرات اللي كانو جايبنها
اماني واسماء اخدوا الاكياس بتاعت حماتهم ودخلوا وزعوها علي الفريزر ودواليب المطبخ
اماني :يا بت فكي التكشيرة دي وعدي يومك بطلي نكد مكنتش كلمة قالها ،عديها ياستي ومتنكديش علي جوزك والعيال ،كفايه صدمته بعد ما عرف ان الكلمة عليكي انتي
دا الراجل وشه جاب الوان بعد ما عرف
اسماء بغيظ:طيب ياست العاقلة انتي ما اهو اللي ايده في المية مش زي اللي ايده في النار وانتي مجربتيش تكوني قاعدة والكل كبار وصغيرين يضحك علي كلمة اتقالتلك
اماني كانت هتضحك تاني بس مسكت نفسها وخرجت بسرعة من المطبخ وراحت عند حماتها سلمت عليها واخدت حمزة وحلا وطلعوا شقتهم
اما عابد ومني كان سبق واخدو ولادهم وطلعو شقتهم
اسماء طلعت هي وولادها ومرضتش تستني جوزها اللي كان لسه بيعلق في الزينة
عند اماني
عادل دخل الأوضة ورا اماني:يعني كان لازم تنادي الولاد ما كنتي سبتيهم تحت شويه مع جدتهم وكنا طلعنا احنا يا ستي دا بكرة صيام ارأفي بحالي شوية وحسي بيا
اماني بعد ما غيرت الاسدال بتاعها وبدلته بلبس بيتي بجامة مريحه ادورت وبصتله وهي بتسرح في شعرها المفرود علي ضهرها وبتقرب منه بابتسامه وحب:طب وفيها ايه لما الولاد يطلعوا ما هما في اوضتهم بيلعبوا سوا احنا لسه فيها اهو
عادل ابتسم وغمزلها وراح بص علي اولاده ملقهومش في الصالة قفل الباب ورجع لحبيبته ومراته
عند مني وعابد
مني بغضب وتكشيرة:ممكن اعرف ازاي نكون قاعدين كدا وتبرقلي وكأني عيلة صغيرة غلطت ومش عارفة تتصرف صح،تقدر تقولي تقصد ايه بنظرتك ليا دي وقدامهم تحت؟
عابد باستغراب علي انفعالها من لا شئ:يا ستي دي مش تبريقة انا بلفت نظرك بشاورلك علي الأكياس بتاعت امي علشان تقومي تشليها بس انتي متحركتيش من مكانك بصتلك تاني وانتي مفيش لغاية ما سلايفك قاموا وشالوها من غير ما حد يطلب منهم
مني:اولا مامتك هي اللي مش عايزاني اعمل ليها حاجة دايما تطلب من امانى واسماء وانا مبتطلبش مني حاجة ابدا ثانيا:اي سبب من اللي انت قولته دا ميدكش الحق انك تبرقلي كدا قدامهم
عابد:يوووه تاني هتقولي بتبرق،لا إله الله انا داخل استحمي وسابها تنفخ مع نفسها وقام
مني بصوت عالي:ياريت تنشف الحمام بعد ما تخلص وترجع الشامبو والصابون مكانهم علشان انا اتهديت خلاص في البيت دا
عابد وقف وبعدها هز رأسة بيأس من مراته بدون ما يلتفت ليها وبعدها دخل الحمام
عند اسماء ومحمود
اسماء طلعت شقتها وزعت الأكياس اللي جوزها جابلها واتفاجأت انه جاب ليها كل اللي طلبته ابتسمت اكتر لما شافت الفراولة واللبن اللي جابهم بدون ما تطلب منه لأنه عارف انها بتحب تشرب فراولة باللبن بعد السحور وكمان اشتري كوبايات الجبنة اللي هي بتحبها رغم عدي كتير علي جوازهم الا انه عمره ما نسي اي اكله او مشروب هي بتحبه ،استغبت نفسها جدا انها كانت ناوية تنكد علي جوزها بسبب كلمه طلعت منه بدون قصد ،خلصت اللي بتعمله بسرعة واخدت اولادها نيمتهم بعد ما قالتلهم انهم لازم يناموا بدري علشان يصحو يتسحرو ويصوموا معاهم لأول سنة ،خرجت من اوضة اولادها للصاله لقت محمود داخل تجاهلته ودخلت الحمام واخدت شاور وطلعت دخلت علي اوضتها وبدأت تسرح شعرها ،محمود بصلها وهو مستني وصلة النكد اللي هتبدأ لكن اتفاجئ بهدوءها
محمود:امم هتبدأي امتا الخناقة ومالك كدا متجاهلاني كأني مش موجود يا حبيبتي انا مكنتش اقصد انا فاكر ماما بتقول الكلمة دي لحد من الاولاد الصغيرين اقسم بالله ماكنت اعرف ان الكلمة اللي قالتها امي كانت ليكي انتي
اسماء بدأت تلم شعرها وقعدت علي السرير:هو انا يعني عيلة صغيرة علشان امسك في كلمة واتقمص واخد جنب منك!!؟
محمود:لا طبعا حبيبتي ست العاقلين،بس هو انتي اللي كنت مكشرة في وشي تحت ولا انا اتهيألي،ونظرات فيها تهديد ووعيد ليا؟
اسماء:كنت مكشرة لأني عايزاك تهدي وتتريث كدا قبل ما تقتحم الكلام لأنك دايما مستعجل واول ما دخلت رديت رغم انك متعرفش ايه الموضوع ودي مش اول مرة وكمان دلوقتي جاي وبتتوقع ان في خناقة هتبدأ رغم ان دا مش حقيقي سكتت شوية ورجعت سندت ايدها الإتنين وراها علي السرير وبصت لقدامها وهزت رأسها باستغراب قال ويقولك الستات هما اللي نكديين يا سبحان الله
محمود:يعني قصدك مين اللي نكدي طيب انا هخليكي تعترفي حالا اني فرفوش وقرب منها بسرعة وبدأ يدغدغها وهي تضحك بصوت عالي:ها قوولي مين اللي نكدي ومين اللي فرفوش
اسماء:الرجالة نكدية واحنا لأه
محمود:هو انا مش منبه بلاش تدلعي كدا وانتي بتقولي لأ
اسماء:لأه
عدت ساعات منهم اللي نام ومنهم اللي فضل سهران لغاية ما جيه معاد السحور
مني صحت اولادها الكبار:يللا ياشادي انت وشهاب يوووه انا نازلة خلاص اللي عايز يتسحر ينزل واللي مش عايز هو حر
وبعدها راحت لشهد اللي هي كمان مكانتش عايزة تصحي بس مني قالتلها انها اتسحرت او متسحرتش في كل الحالات هتصوم ودا خلا شهد نطت من علي السرير بسرعة ونزلت ورا مامتها
واماني صحت ابنها حمزة لانه هيصوم
واسماء اللي كانت سهرانه منامتش قومت جوزها وابنها مازن
كل واحد بدأ يجهز طبق من عنده وخرجوا من شققهم في نفس الوقت علشان ينزلوا عند حماتهم يتسحروا معاها في جو عائلي مليان مرح بهجة وحب كافي لإنهم يصحوا تاني يوم بجسم مليان طاقة وحيوية
قبل رمضان بيوم.....
ماما عايزة اشغل الفانوس بتاعي وانزل العب مع شهد انا شفتها من البلكونة مشغله فانوس وبتلعب بيه وانا مش عارفة اشغل بتاعي ازاي تعالي شغليهولي وافتحيلي الباب انزل
الام بتجز علي سنانها بغيظ:باااس افصلي كام مرة اقول لما تلاقيني بوضب في البيت ومشغولة كدا تبطلي زن وتسيبيني اخلص اللي ورايا اطلعي برة يا حلا وسيبيني اخلص اللي في ايدي
حلا:طب افتحيلي الباب وانا اضمنلك انك مش هتسمعيلي صوت ولا نفس وهخلصك مني
الام:لأ
حلا:يووووه
الام:حلا يا حبيبتي محدش دلوقتي فاضي كل واحد بيوضب في بيته علشان يكون رايق بكره يعني ميصحش نتقل علي حد وندخل بيته واحنا عارفين انه مشغول
حلا:بس شهد مش مشغولة ولا بتنضف في البيت،طنط مني هي اللي بتنضف،وانا مش رايحة العب معاها انا رايحة العب مع شهد
الام خدت نفس بضيق وهي عارفة ان مني مبتستحملش عيال حد واما بتنضف شقتها بتبقي مش عايزة حد يخطيها ومش بتتحرج تظهر ضيقها دا قدام الكل رغم ان اولادها نازلين طالعين في البيت كله وابدا محدش ضايقهم بكلمة ،لكن هتفهم بنتها الصغيرة الكلام دا ازاي وهي طفله يدوب خمس سنوات يعني حتي لو مرات عمها كشرت في وشها هي ببرآتها مش هتفهم
رجعت بصت لبنتها واتكلمت:بت انتي بطلي مقاوحة قصادي وكمان الفانوس بتاعك مش شغال لأنه مفيهوش بطارية اصبري شوية لما بابا يجي ويجبلك البطارية ويشغلك الفانوس وتلعبي براحتك ،اتفضلي بقي خليني اكمل فرش
حلا لسه كانت هتزن وتعترض علي ان فانوسها لسه مفهوش بطارية ولا هتعرف تلعب بيه بس امها برقتلها بعينها وهي بتزوم علي شفايفها وبتشاورلها تخرج خرجت حلا للصالة وهي بتبرطم بكلام مش مفهوم وتحرك اديها كأنها مستغربة كلام امها وتصرفاتها راحت للصالة ومسكت الريموت وجابت كارتون وقعدت تتفرج عليه بملل،وامها غصب عنها ضحكت علي حركاتها اللي كلها فيها تقليد للكبار ولأمها بالأخص،وليه لأ والطفل بياخد كل سلوكياته من الناس اللي عايش معاهم واللي بيتعامل معاهم اكتر من أي حد بياخد منهم العصبية او الهدوء النضافة او الاهمال احترام الكبير او عدمه التدين والألتزام بالطاعات وغيره كتير
بدأت الأم تكمل فرش اللي كان باقي منه حاجات بسيطة خلصتها وبدات بوضع اللمسات الأخيرة ،وراحت المضبخ تعلق شريط الليد اللي سبق واشترته ووقفت علي باب المضبخ وهي بتتأمل فيه وفرحانه جدا بنفسها انها خلته بالنضافة والجمال ودا اللي هون تعبها الاسبوع كله وحست براحة نفسيه رهيبه لما عينها جات ع الحوض وشافت لمعانه وفواحة البخور عليه قبل ما تدخل المضبخ سمعت جرس الباب ابتسمت بفرح وراحت بسرعة تفتح
يا مرحب بالحبايب اللي نورت البيت حبيبتي وحشتيني في اليومين دول ادخلي ادخلي
أسماء سلمت عليها ودخلت :انتي اكتر يا قمري اللي مقدرش استغني عنه
شهد نطت من علي الكنبة لما شافت مكة بنت عمها وجريت عليها وشدتها من ايدها وأخدتها علشان تلعب معاها
أسماء:شايفة الشقة منورة يامونمون اللهم بارك خلصتي ولا إيه
اماني وهي بتاخد نفس كبير وبتفرد اديها الاتنين بتعب:اه الحمد الله اتهديت والله وكملت كلام وهي بتبص حواليها بس كله يهون علشان المنظر اللي انا شايفاه قدامي دي راحة نفسيا قسما بالله
اسماء بصت ناحية حلا لقيتها قاعدة مكتفة اديها بزعل نادت عليها:لولو مالك قلبي ايه مزعلك كدا اوعي تكون مكة رخمت عليكي
اماني بصت عليهم وفهمت سبب زعل بنتها لما شافت مكة في ايدها فانوس بينور بتلعب بيها،وحلا سايبة فانوسها علي ترابيزة ومقربتش عليه وجهت كلامها لحلا:ايه يا حبيبتي كلها دقائق وبابا يجي ويجبلك البطارية ويشغلهولك
اسماء بسرعة فتحت شنطتها وخرجت مغلف فيه ٣بطاريات:حقك عليا انا يا قلبي اتلهيت مع ماما ونسيت اديهملك اول ما دخلت
حلا جريت مسكت فانوسها واديته لمرات عمها تشغلهولها وبعدها اخدت ورجعت تلعب مع مكة
بعدها اسماء طلعت من شنطتها كمان زجاجة معطر جو ومفرش خيامي صغير وقربت علي اماني ادتلها الاتنين
اسماء:كل سنة وانتي طيبة يا حبيبتي ينعاد عليكي بخير
اماني اخدتهم منها بفرحة:منحرمش منك ابدا يارب ربنا يفرح قلبك زي ما انت دايما فكراني ومفرحاني وبعدها بصت علي المعطر :امم رائحة التوت جديد دا
اسماء:ايوة انا كمان اول مرة أجربه شفته عند ماما عجبني أوي وانا راجعة من عندها دلوقتي اشتريت ليا وليكي بس هيعجبك أوي
اماني وقفت جربت المعطر وعجبها أوي:واو ريحته روعة يا بت يا سمسم وبعدها دخلت المضبخ وقفت شوية وبعدها اخدت واحد من شرايط الليد وحمدت ربنا في سرها ان اسماء جاتلها قبل ما تعلقهم وإلا مكنتش عرفت تهادي اسماء زي ما هي عملت وتتحسسها انها فكراها،لان دي مش اول مرة تنسي تهاديها في مناسبة ومع ذلك اسماء عمرها ما زعلت ولا اخدت موقف قصاد موقف ،ودا اللي مقوي حبهم في قلوب بعض اخدت الشريط وادتهولها
اسماء اخدته منها بفرحة وشكرتها عليه
اماني :عديتي علي تحت قبل ما تيجي عندي
اسماءاخدت اخدت نفس بتعب وضيق وردت:لا يا اماني معدتش عليها وربنا انا راجعة من عند امي مهدودة دا انا من صباحية ربنا وانا اشيل واحط عندها والمع واغسل لما حسيت نفسي قلبت فلبينية ركبها صدت ولسه رايحة اعيد علي شقتي علي السريع كدا يعني خلاص مفنيش حيل اعدي ولا اهدي ضهري يااني هموت
اماني:يا بنتي الله يعينك ويجازيكي خير علي تعبك دا ،بس مرواحك لمني اللي هي تحت يعني بتعدي علي شقتها قبلي معقول دا اللي هيتعبك ضهرك زيادة
اسماء:لا هيتعب اعصابي زيادة، ومرواحي ليها تقيل علي قلبي كدا وربنا انا ما فاهمة الكائن دا يعني تبقي مش طايقة حد يدوس علي سيراميك شقتها وفي نفس الوقت لو مرحتلهاش تشتكي لطوب الأرض وعايزة تقوم حماتي علينا،علي رأي اللي قال وجينا نمشي قالولنا نقعد وجينا نقعد شدو الكراسي
اماني ضحكت كتير علي كلام اسماء:ياستي احتسبيها عند الله اهو نقلها كل سنة وانتي طيبة وربع ساعة ونطلع ميجراش حاجة يعني
اسماء:بصي وربنا انا كله الا عيالي يعني لو بصتلهم بصه كدا ولا كدا هدب صوابعي في عينيها اخزقهم علشان متعرفش تبرق بيهم تاني،وبعدين يا اختي مين قالك انها عايزانا نروحلها ،دي بس حركات بتعملها قدام حماتي علشان تبين أنها ام قلب حنين وان احنا اللي عاملين عصابة عليها لكن هي ف الأساس مش عايزانا نخطي عندها احنا او عيالنا
اماني:لا إله الا الله يا بنتي اهدي ،طب بصي احنا نسيب العيال هنا وننزل نسلم ونقول اننا هنصلي التراويح ونطلع بسرعة
اسماء:امري لله ،نادي كمان علي حمزة ومازن خليهم يجوا هنا علشان نضمن انهم ميجوش ورانا تحت
اماني راحت ناحية السلم ونادت علي ابنها حمزة:اطلع يا حبيبي انت ومازن اقعدو مع اخواتكم هنا
حمزة:احنا قاعدين هنا يا ماما مع تيتي هي بتلعب معانا وهتحكي لنا حواديت مش عايزين نطلع دلوقتي
مازن:اه يا خالتو اماني وقولي لمامي انا هقعد كمان مع تيتي هنا
اماني:طيب خليكوا بس حسك عينك انت ولا هو تطلعوا في الشارع ولا اسمع انكم زعلتوا جدتكم ولا تتعبوها وسابتهم ودخلت
اسماء:يابت حمي دمك شوية انا مش برضي اتكلم قدام العيال يابنتي ما ينفعش كل حاجة حاضر حاضر كدا مع العيال،العيال دي عايزة الشد خصوصا الصبيان ميجوش غير بالشدة،لازم
اماني:يابنتي وهو ايه اللي حصل دلوقتي بس علشان تقولي شد،يا حبيبتي الشد مع الأطفال مش في كل حاجة دول يدوب طلبوا يقعدوا مع جدتهم شوية،تفتكري لو حمزة طلب انه يخرج الشارع وهو عارف اني منعاه يخرج كنت هوافق ؟؟
انا بس مش عايزة اخنقه هو واخته بالحبسه طول النهار في البيت،وبعدين ازاي يكون قاعد مع جدته وانا اقوله اطلع متقعدش مهو اكيد هتزعل
اسماء:طيب يا اختي خليكي يا حنينة انتي خافي علي زعل دا ودا ودوسي علي نفسك
اماني:والله انت لو الواحد دخل في نقاش معاكي مش هيخلص ،قومي يا اسماء خلينا نزل علشان نلحق نطلع تاني نصلي التراويح هنا في شقتي ،وشدتها من إيدها وراها ونزلوا الاتنين
اماني رنت الجرس مرتين ورا بعض
اسماء بصوت واطي:كفايه بالله عليكي مش عايزين رغي منها دلوقتي براحة ع الجرس وخبطو علي الباب و......و....
اماني ضحكت علي اسماء وهي بتتكلم بصوت واطي:جبانة اللي يشوفك دلوقتي ميشوفكيش فوق
اسماء لسه هترد كان الباب اتفتح وشهد فتحتلهم وبصت وراهم علشان تشوف حد من بنات عمها بس ملقتش حد منهم سلمت عليهم بزعل ودخلتهم ونادت علي مامتها اللي اول ما راحت ناحيتهم بصت علي رجلهم تتأكد انهم خلعو اللي في رجليهم وبعدها ابتسمت وسلمت عليهم
دخلتهم من الصالة ،ودردشو شوية مع بعض
مني:العشاء اذن اهو تعالو نصلي مع بعض التراويح بما إن الرؤية ظهرت و بكرة اول يوم رمضان
اسماء وأماني بصو لبعض باستغراب انها اول مرة تقلهم يفضلوا عندها شوية وهما كمان كانو ناويين يطلعوا بسرعة ويصلوا في شقة اماني
مني:كل دا بتفكروا هتصلوا ولا لا؟ وبعدها سابتهم ودخلت اوضتها جابت مصلية لكل واحدة فيهم وهما اخدوها ووقفوا كلهم يصلوا مع بعض بعد ما مني اقامت الصلاة بيهم وخلصوا صلاة وكل واحد دعي ربه بما يتمني ودعائهم لأولادهم بالصلاح والرضا بعدها قامو وقررو ينزلوا تحت يسهرو مع سعيدة حماتهم ويشوفوها لو محتاجة حاجة،خرجوا من الشقة واسماء نادت علي حلا ومكة علشان ينزلوا معاهم
اول ما نزلوا تحت شافوا اولادهم مع جدتهم وهي بتنهي الحدودته اللي كانت بتحكيهالهم وهما قاعدين حواليها بيسمعوها باهتمام وتركيز وفرحة
سعيدة:ومع إن محدش كان مفكر أبداً إن عمُر ابن الخطاب يأسلم يا ولاد وخصوصي بعد ما ضرب أخته علشان أسلمت وكمان ضرب جوزها لما عرف إنه هو كمان أسلم ويومها أخته دافعت عن جوزها وقالت الشهادة قدام أخوها ومخافتش منه وقالت له إنت عدو الله وفي اليوم ديه عُمر شاف في أوضتها صحيفة وقالها توريله الصحيفة دي بس خبتها منه
ورجع تاني يطلب منها الصحيفة بس هي قالتله إنه نجس ومينفعش يمسك القرآن إلا لو أغتسل راح عمُر بن الخطاب وأغتسل علشان أخته تديله الصحيفة ولما أخد الصحيفة اللي كان مكتوب فيها بداية سورة طه ولما قراها ربنا شرح صدره للإسلام وسأل أخته علي مكان الرسول ولما أخته اطمنت ليه وإن قلبه خلاص لان دلته علي مكان الرسول وهو راح له علشان يعلن إسلامه
ويوميها الكفار اترعبوا لأن عُمر مبقاش في صفهم وبقي في صف المسلمين وهو كان معروف بقوته
وقبل ما يأسلم عُمر الرسول كان بيدعي ربه إنه يعز الإسلام بأحد العُمرين عُمر بن هشام أو عُمر بن الخطاب وبكدة استجاب ربنا لدعاء الرسول صلي الله عليه وسلم
الولاد في صوت واحد: صلي الله عليه وسلم
مازن:مين عُمر بن هشام يا تيتي
سعيدة:عُمر بن هشام هو أبو جهل يا ولاد
سعيدة خلصت حكايتها والأولاد قاموا من حواليها يلعبوا سوا
مني أول ما نزلت من فوق قامت تبص في الشقة وتطلع من اوضة تدخل اوضة حتي المطبخ والحمام دخلتهم
سعيدة:ما تقعدي يا بت انتي زاولتيني بتدوري على ايه
مني:ابدا يا حماتي بنشوف لو محتاجة حاجة اعملهالك في الشقة
سعيدة:ما صهرتك اماني خلصت الشقة كلها امبارح هي وسماح بنتي واهي زي الفل مش محتاجة يعني اقعدي ارتاحي،بت يا اسماء قومي اعمليلنا شاي بلبن كلنا وهاتي بقسماط وتعالي ناكل
مني:وانا يا حماتي يعني معرفش اعمل شاي بلبن ولا بتقرفي مني،دا انتي عمرك ما طلبتي مني أعملك اي حاجة في المطبخ
سعيدة:هو انا منعتك تعملي حاجة قومي يابنتي اعملي اللي عايزاه ربنا يهديكي،انتي مش غريبة اتصرفي زي ما انتي عايزة
قامت منى ورا اسماء ودخلت المطبخ
سعيدة:بت يا شهد هو انتي منزلتيش ليه تقعدي معايا هنا من بدري زي ولاد عمك ولا حتي طلعتي فوق تقعدي مع حلا ومكة
شهد بقلة حيلة:كنت بلعب في شقتنا يا تيته
سعيدة:بت انتي هي امك لسه بتمنعك تنزلي عندي ولا تطلعي عند بنات عمك ولا؟
شهد بصت في الارض بخوف رغم ان امها مش جمبها وبصت فى الارض و هزت دماغها بنفي
اماني بصت لحماتها بترجي عشان تعدي الموقف لأنها سبق وحصل مشاكل كتير بسبب انها مخليه نزول ولادها عند جدتهم بحساب شديد ،وعارفة ان حماتها لو عرفت انها رجعت تعمل كدا تاني مش هتسكت لها،ولذلك اماني بصتلها بترجي وشاورت بعنيها علي شهد كأنها بتقلها بس علشان خاطر البنت متزعلش،وسعيدة هزت راسها وسكتت
في المطبخ مني دخلت ورا اسماء لقيتها حطت اللبن والشاي علي النار قعدت مستنياها لغاية ما صبت الشاي واللبن وشدت كيس البقسماط واخدت الصينية بسرعة وخرجت بيها تحت نظرات اسماء اللي مستغرباها رغم انها مش أول مرة تشوف موقف شبه دا من مني
اخدت الصينية وخرجت واماني اول ما شافت اسماء خارجة من المطبخ ايديها فاضية بصت عليها وضحكت لأنها فهمت اللي حصل في المطبخ واسماء لما شافت اماني بتضحك بصتلها بغيظ وقعدت علي الكرسي بعيد ومرضتش تشرب معاهم
سعيدة:بت يا اسماء قاعدة بعيد كدا ليه ما تيجي تشربي كوبايتك
اسماء:مليش نفس ياحماتي
سعيدة برقتلها وزعقت:بت انتي لما اقول تعالي يبقي تيجي وتتلحدي هنا من سكات
اسماء قربت منهم وقعدت:اتلحدت اهو
مازن وهو بيحط البقسماط في اللبن :تيتي هو يعني اي اتلحدي ويعني ايه صهرتك اللي انتي لسه قايلاها
في اللحظة دي كان داخلين الرجال(عابد زوج مني وولاده الاتنين ودول كبار في ثانوي وعادل زوج اماني،ومحمود زوج اسماء) ، بعد ما صلوا التراويح واشتروا لوازم البيت
محمود وهو داخل:صهرتك دي يعني سلفتك وعلي فكرة رغم اني مش عارف امي ليه متمسكة باللهجة الصعيدية رغم انه بقالها يجي ٥٠ سنة في اسكندرية بس كلمة صِهر اصح لغويا من كلمة سِلف،اما اتلحدي دي معناها اترزعي ،بالمناسبة مين اللي هتترزع
مازن ومكة في صوت واحد:ماما
وهنا الكل انفجر في الضحك الكبار والصغيرين ،ماعدا محمود اللي واقف بصدمة بعد اللي قاله وبص ناحية اسماء اللي لقاها بصالو بغضب ،هرب بسرعة من نظراتها مؤقتا لغايه ما يطلعوا شقتهم وهو متأكد ان اسماء مش هتعدي الموقف زعق في الاولاد الصغيرين :بس يا ولد وانت وهو بطلوا ضحك وتعالوا معايا بره معايا عايزكم واخدهم وابتدي يعلقوا حبال الانوار في الشارع والكل فرحان ومبتهج وخصوصا الاطفال،وجيرانهم في الشارع كل واحد بيعلق زينه علي بيته
اما عادل وعابد قعدو جمب امهم يحكوا ويهزروا معاها وادولها اكياس الاكل والمكسرات اللي كانو جايبنها
اماني واسماء اخدوا الاكياس بتاعت حماتهم ودخلوا وزعوها علي الفريزر ودواليب المطبخ
اماني :يا بت فكي التكشيرة دي وعدي يومك بطلي نكد مكنتش كلمة قالها ،عديها ياستي ومتنكديش علي جوزك والعيال ،كفايه صدمته بعد ما عرف ان الكلمة عليكي انتي
دا الراجل وشه جاب الوان بعد ما عرف
اسماء بغيظ:طيب ياست العاقلة انتي ما اهو اللي ايده في المية مش زي اللي ايده في النار وانتي مجربتيش تكوني قاعدة والكل كبار وصغيرين يضحك علي كلمة اتقالتلك
اماني كانت هتضحك تاني بس مسكت نفسها وخرجت بسرعة من المطبخ وراحت عند حماتها سلمت عليها واخدت حمزة وحلا وطلعوا شقتهم
اما عابد ومني كان سبق واخدو ولادهم وطلعو شقتهم
اسماء طلعت هي وولادها ومرضتش تستني جوزها اللي كان لسه بيعلق في الزينة
عند اماني
عادل دخل الأوضة ورا اماني:يعني كان لازم تنادي الولاد ما كنتي سبتيهم تحت شويه مع جدتهم وكنا طلعنا احنا يا ستي دا بكرة صيام ارأفي بحالي شوية وحسي بيا
اماني بعد ما غيرت الاسدال بتاعها وبدلته بلبس بيتي بجامة مريحه ادورت وبصتله وهي بتسرح في شعرها المفرود علي ضهرها وبتقرب منه بابتسامه وحب:طب وفيها ايه لما الولاد يطلعوا ما هما في اوضتهم بيلعبوا سوا احنا لسه فيها اهو
عادل ابتسم وغمزلها وراح بص علي اولاده ملقهومش في الصالة قفل الباب ورجع لحبيبته ومراته
عند مني وعابد
مني بغضب وتكشيرة:ممكن اعرف ازاي نكون قاعدين كدا وتبرقلي وكأني عيلة صغيرة غلطت ومش عارفة تتصرف صح،تقدر تقولي تقصد ايه بنظرتك ليا دي وقدامهم تحت؟
عابد باستغراب علي انفعالها من لا شئ:يا ستي دي مش تبريقة انا بلفت نظرك بشاورلك علي الأكياس بتاعت امي علشان تقومي تشليها بس انتي متحركتيش من مكانك بصتلك تاني وانتي مفيش لغاية ما سلايفك قاموا وشالوها من غير ما حد يطلب منهم
مني:اولا مامتك هي اللي مش عايزاني اعمل ليها حاجة دايما تطلب من امانى واسماء وانا مبتطلبش مني حاجة ابدا ثانيا:اي سبب من اللي انت قولته دا ميدكش الحق انك تبرقلي كدا قدامهم
عابد:يوووه تاني هتقولي بتبرق،لا إله الله انا داخل استحمي وسابها تنفخ مع نفسها وقام
مني بصوت عالي:ياريت تنشف الحمام بعد ما تخلص وترجع الشامبو والصابون مكانهم علشان انا اتهديت خلاص في البيت دا
عابد وقف وبعدها هز رأسة بيأس من مراته بدون ما يلتفت ليها وبعدها دخل الحمام
عند اسماء ومحمود
اسماء طلعت شقتها وزعت الأكياس اللي جوزها جابلها واتفاجأت انه جاب ليها كل اللي طلبته ابتسمت اكتر لما شافت الفراولة واللبن اللي جابهم بدون ما تطلب منه لأنه عارف انها بتحب تشرب فراولة باللبن بعد السحور وكمان اشتري كوبايات الجبنة اللي هي بتحبها رغم عدي كتير علي جوازهم الا انه عمره ما نسي اي اكله او مشروب هي بتحبه ،استغبت نفسها جدا انها كانت ناوية تنكد علي جوزها بسبب كلمه طلعت منه بدون قصد ،خلصت اللي بتعمله بسرعة واخدت اولادها نيمتهم بعد ما قالتلهم انهم لازم يناموا بدري علشان يصحو يتسحرو ويصوموا معاهم لأول سنة ،خرجت من اوضة اولادها للصاله لقت محمود داخل تجاهلته ودخلت الحمام واخدت شاور وطلعت دخلت علي اوضتها وبدأت تسرح شعرها ،محمود بصلها وهو مستني وصلة النكد اللي هتبدأ لكن اتفاجئ بهدوءها
محمود:امم هتبدأي امتا الخناقة ومالك كدا متجاهلاني كأني مش موجود يا حبيبتي انا مكنتش اقصد انا فاكر ماما بتقول الكلمة دي لحد من الاولاد الصغيرين اقسم بالله ماكنت اعرف ان الكلمة اللي قالتها امي كانت ليكي انتي
اسماء بدأت تلم شعرها وقعدت علي السرير:هو انا يعني عيلة صغيرة علشان امسك في كلمة واتقمص واخد جنب منك!!؟
محمود:لا طبعا حبيبتي ست العاقلين،بس هو انتي اللي كنت مكشرة في وشي تحت ولا انا اتهيألي،ونظرات فيها تهديد ووعيد ليا؟
اسماء:كنت مكشرة لأني عايزاك تهدي وتتريث كدا قبل ما تقتحم الكلام لأنك دايما مستعجل واول ما دخلت رديت رغم انك متعرفش ايه الموضوع ودي مش اول مرة وكمان دلوقتي جاي وبتتوقع ان في خناقة هتبدأ رغم ان دا مش حقيقي سكتت شوية ورجعت سندت ايدها الإتنين وراها علي السرير وبصت لقدامها وهزت رأسها باستغراب قال ويقولك الستات هما اللي نكديين يا سبحان الله
محمود:يعني قصدك مين اللي نكدي طيب انا هخليكي تعترفي حالا اني فرفوش وقرب منها بسرعة وبدأ يدغدغها وهي تضحك بصوت عالي:ها قوولي مين اللي نكدي ومين اللي فرفوش
اسماء:الرجالة نكدية واحنا لأه
محمود:هو انا مش منبه بلاش تدلعي كدا وانتي بتقولي لأ
اسماء:لأه
عدت ساعات منهم اللي نام ومنهم اللي فضل سهران لغاية ما جيه معاد السحور
مني صحت اولادها الكبار:يللا ياشادي انت وشهاب يوووه انا نازلة خلاص اللي عايز يتسحر ينزل واللي مش عايز هو حر
وبعدها راحت لشهد اللي هي كمان مكانتش عايزة تصحي بس مني قالتلها انها اتسحرت او متسحرتش في كل الحالات هتصوم ودا خلا شهد نطت من علي السرير بسرعة ونزلت ورا مامتها
واماني صحت ابنها حمزة لانه هيصوم
واسماء اللي كانت سهرانه منامتش قومت جوزها وابنها مازن
كل واحد بدأ يجهز طبق من عنده وخرجوا من شققهم في نفس الوقت علشان ينزلوا عند حماتهم يتسحروا معاها في جو عائلي مليان مرح بهجة وحب كافي لإنهم يصحوا تاني يوم بجسم مليان طاقة وحيوية
يتبع الفصل الثاني2: اضغط هنا
الفهرس يحتوي على جميع فصول الرواية كاملة: "في بيت العيلة" اضغط على أسم الرواية