يوميات رمضانية "في بيت العيلة" بقلم إيمان محمد بركات
يوميات رمضانية "في بيت العيلة" الفصل الثاني2
أماني:يا حبيبتي الله يرضي عنك نامي شوية دا الدنيا رمضان والناس كلها نايمة ،حرام عليكي انا مكملتش ٣ساعات نوم
حلا:اصحي بقي يا ماما متتعبنيش معاكي ،وبعدين في حد ينام ويسيب عيالة جعانين كدا
أماني قامت من مكانها بعصبية :نعم يا حبيبتي سمعيني تاني كدا مين دول اللي جعانين هو انتي مش لسه من خمس دقائق قايلالي عايزة ادخل الحمام ودخلتك وسألتك جعانة اعملك تفطري؟ قولتي لأه ومع ذلك جبتلك البسكوته اللي انتي لسه مخلصاها حالا!!
حلا فكرت شوية:بصراحة ياماما مكدبش عليكي انا مش عارفة إذا كنت جعانة او عطشانة بس اصحي انتي وانا هشوفلك شغلانة متقلقيش
اماني صرخت في وشها خلتها جريت تحت الغطا،وبعدها أماني مسكت تليفونها واتأكدت ان الوقت بدري فعلا لما شافت الساعة سبعة ونصف اتنهدت بغلب وطفت التكييف لأن الجو بدأ يبرد شوية وشدت الغطا وحاولت تكمل نوم
***************
مني قامت وصحت اولادها شادي وأحمد وراحوا مدرستهم ونزلت علشان توصل شهد لمدرستها،بعدها رجعت البيت رتبته علي السريع لأنه كان نضيف جدا ودخلت المطبخ لمعت البوتجاز والرخامة
قعدت تلف في البيت بملل ،بعدها خرجت من شقتها بصت فوق وتحت لقت الدنيا هادية جدا دليل علي ان الكل نايم تأففت بزهق ورجعت شقتها
*******************
أسماء طلبت من محمود انه يوصل مازن مدرسته لأنها سهرت كتير امبارح ومش قادرة تنزل
كانت نايمة علي سريرها بعمق بعد سهرة امبارح وبتتقلب في سريرها براحة سمعت خبط علي الباب غمضت عنيها تاني بس الباب لسه بيخبط ومقدرتش تتجاهل الخبط اكتر من كدا علشان مكة متصحاش قامت وفتحت الباب واتفاجئت بمني
اسماء بتتاوب:صباح الخير يامني تعالي ادخلي
مني دخلت وقعدت علي الانترية وهي بتعاين البيت بعنيها :هو انتي مقومتيش ليه من بدري مش وراكي حاجة لا تنضيف ولا تجهيز فطار
اسماء بتعب والنوم ظاهر فعنيها بتهز رأسها بنفي :خلصت تنضيف امبارح وبدري علي الفطار
مني:هو شغل البيت بيخلص امتي بس؟ وبعدين انتي مصحتيش تنزلي مازن مدرسته
اسماء وهي بتحط ايدها وبتتاوب:أبوه وصله وانا لبسته ورجعت نمت تاني
مني وقفت وماشية:طيب أسيبك أنا تكملي نوم
أسماء:لا خليكي قاعدة انا صاحية أهو
مني وهي رايحة ناحية الباب وبتفتحة :لا يحبيبتي انا ماليش في القعدة كدا انا نازلة شقتي اشوف اللي ورايا سلاام
اسماء قفلت الباب ولسه بتدور لقيت مكة وراها اللي كانت صحيت علي صوتهم ودا معناه انه مفيش نوم خلاص
اسماء بصوت مسموع:يعني جيتي رميتي كلمتين ونزلتي لا كملتي قعدتك ولا هعرف اكمل نوم روحي ياشيخة يارب ت.... استغفر الله العظيم اللهم إني صائم ،وبعدها وجهت كلامها لمكة وانتي يا موكي يا قمري هتنامي تاني
مكة:لا خلاص انا مش هنام تاني تعالي نتفرج مع بعض علي الكارتون
اسماء:مش هتفطري الأول؟
مكة:لا أنا صايمة،هو انتي يا ماما مسحرتنيش ليه
اسماء:يابت سحور وصيام ايه اللي انتي بتتكلمي فيه،انتي لسه صغيرة يا ماما واديني اهو اشوفك هتصومي لغاية امتي،وقامت شغلت كارتون وجابت كوفرته ومددت علي الكنبة واتغطت هي وبنتها
***************
الضهر أذن والكل كان صحي من نومة
اماني صحيت وفطرت بنتها واخدتها ونزلت عند حماتها سعيدة واتفاجأت بمني نازلة في نفس الوقت
مني:اهلا بالناس اللي لسه صاحية بعد أذان الضهر إيه عروسة؟
أماني بهدوء:اه عروسة
اماني دخلت عند حماتها لقيتها بتقرأ قرآن مرضتش تقاطعها وقعدت علي الكنبة بهدوء هي ومني،بعدها سماح بنتها جات
أماني وقفت وسلمت عليها،وبعدها سلمت علي مني
وامها أول ما شافتها صدقت وقفلت مصحفها وخلعت النضارة وفتحت دراعها لولاد بنتها اللي جم جري واترمو في حضن جدتهم
سعيدة وهي بتحضن فيهم وتبوسهم:وحشتوني يا ولاد بقي كدا متجوش لستكم امبارح
عبدالله:والله يا تيتي ماما هي اللي مرضتش تاخدنا معاها امبارح قولنالها عايزين نشوفك قالت هتبهدلو الشقة
سعيدة بصت لسماح بعتب:حبايب قلبي الغالين يعملوا اللي هما رايدينه هو انا حداي كام عبدالله وعبد الرحمن
عبدالرحمن:واحنا بنحبك اوي يا تيته
سعيدة:ايه تيتي دي يا واد انت وهو متقول يا جدة
سماح:ياماما وهما هيعرفو يتكلموا كدا إزاي بس،هما ما يعرفوش غير كلمة تيته،وكمان مش هيعرفو ينطقو الجيم بطريقة الصعايدة ،وبعدين يا ماما انتي نفسك نص كلامك صعيدي والنص التاني اسكندراني
سعيدة:طيب تيتي تيتي ولو اني مش بالعاها وبحس إكدة كأن العيال ديه بتشتمني بكلمة تيتي،دا مفيش احلي من كلام الصعيد وان كان علي الكام كلمة البحرواية اللي بنطقهم ديه عشان كل شوية توجعو راسي ان كان عيالكم ولا حريم اخواتك كل شوية يسالوني يعني ايه الكلمة دي يعني ايه الكلمة دي
قاطعهم تلفون سماح وهو بيرن:ايوة يا محمود يا حبيبي كلنا كويسين وبخير انا وصلت اه عند ماما اهي معاك
في اللحظة اللي بيتصل فيها محمود كانت اسماء نازلة واتمنت لو كانت اتأخرت في نزولها شوية بدل ما نزلت في نفس اللحظة اللي بيتصل فيها جوزها لأنها مش هتعرف تواجه حماتها لو قالت اي كلمة
سعيدة خلصت المكالمة وبصت لأسماء:جوزك بيقولك افطري انتي وعيالك عند امك نهاردة علشان هو هيفطر مع صحابة صمموا عليه يفطروا كلهم مع بعض اول يوم،بس اما اشوفه الواد دا إزاي يبدي اصحابة علي امه ويقطع عادتنا بالفطار كلنا مع بعض اول يوم رمضان ماشي يا محمود أدبك علي أمك لما تاجي بس
اسماء ساكته ومردتش،واماني بتبصلها كتير وهي ملاحظة عليها التوتر بس مش عارفة سببه
أماني:ايه هتيجي نجيب الاولاد من الحضانة ولا إيه
اسماء بحذر:اه ما اهو انا هعدي علي مازن اخده ونروح علي ماما علشان اساعدها في تجهيز الفطار
سعيدة:اه يابنتي روحيلها ساعدي مادام هتفطري هناك روحي بدري احسن
الكل رجع من المدرسة وبعدها أماني وسماح ومني بدأو يجهزوا في الفطار والحلو
والعصر الرجال عابد وعادل كانو رجعوا من شغلهم وطلعوا شققهم يريحوا
مني اتحججت برجوع جوزها وجريت علي فوق لأن النوم كان غلبها خلاص
شافت عابد في الصالة ١سابته وداخله الأوضة وهو مستغرب طباعها دي وانها مفروض تشوفه لو محتاج حاجة أو تسأله عن احواله ،مني داخله علي أوضتها وبعدها وقفت وكأنها افتكرت حاجة مهمة بصت لعابد:من فضلك يا عابد علق الهدوم اللي هتقلعها واللي عايز يتغسل يتحط في السبت و...
عابد:عاااااارف عارف والجزمة متقلقيش هحطها ف الجزامة والحمام مش هنشفة لاني خلاص مش هستحمي هتخمد كدا،وبعدين ايه كل التعليمات دي مش انتي اللي لسه بتقولي تحت انك طالعة تشوفي جوزك ليكون محتاج حاجة فين دا ولا بتكدبي؟
مني:لا مش كدب دي حجج لأني منمتش من الصبح ومراتت اخواتك واختك صاحيين الضهر بيدلعوا مش زيي صاحية من النجمة،ومرات اخوك الصغير دي متعبتش نفسها حتي في توصيل ابنها المدرسة وخلت جوزها هو اللي يوديه وهي نامت وريحت دماغها،وانا كمان من بكرة مش هودي شهد المدرسة ابقي اتصرف انت ،ومشيت وهي ماشية من غير ما تبص لعابد واه لو نمت من غير شاور غير ملابسك واغسل رجلك الأول قبل ما تنام علشان لسه مغيرة الملايات
عابد كان هيحدفها في دماغها من ورا بالجزمة اللي كان بيخلعها وبالفعل رفع ايده بقوة بس تراجع علي اخر لحظة واخد نفسه واستغفر ربه
اما مني دخلت حمام اوضتها اتوضت وغسلت حمامها وخرجت صلت العصر وراحت عند أولادها ادتهم جرعة التعليمات اليومية مع تحذير ووعيد لأي حد يبهدل حاجة في الشقة، وزودت علي شادي انه من بكره هياخد شهد الصبح معاه يوصلها مدرستها وهو راجع يرجعها معاه لأنه هو تالته ثانوي ومبيتأخرش في مدرسته عكس شهاب اللي في اولي ثانوي
وطبعا محدش يقدر يعترض علي أوامرها
بعدها سابتهم ودخلت تنام
******************
عند اسماء في شقة والدتها الباب كان بيخبط سابت المعلقة من ايدها وخرجت من المطبخ ٥فتحت الباب دخلت جوزها وغمزتله: منوور
محمود:انتي فرحانة كدا ليه والله حاسس امي هتكشفنا وهتطربقها فوق دماغي ودماغك دي بهدلتني في التليفون لما قولت اني مضطر افطر مع صحابي ومسابتنيش غير لما قولتلها انهم حلفو عليا أفطر معاهم،فما بالك لو عرفت اللي فيها بصي انا مش متفائل
اسماء:وهي هتعرف منين بس، يا سيدي متخفش انت وادخل جوه اخواتي موجودين سلم عليهم واقعد معاهم وانا داخله المطبخ اكمل اللي بعمله
في المطبخ
اسماء:يا شيماء ما تسيبي الفيس دا شوية وخلي عندك مروءة وتعالي اعملي معايا
شيمااء:ما اهو انا بدور علي طريقة الحلويات اللي الناس منزلاها دي علشان اعمل زيها ،مش عارفة الناس دي لحقت تعمل حلويات امتي دا إحنا لسه العصر
اسماء:مع اني مش فاهمة الناس دي بتصور في الأكل وتنزله ليه بس هما أكيد معندهمش اخوات عديمي المروءة زي اللي عندي وبالتالي كله بيساعد وبالتالي بيخلصوا بدري،وانتي لسه بتفكري تدوري علي طريقة حلويات علشان تعمليها والمغرب باقي عليه ساعتين،وبعدين ارتاحي يا ماما اخوكي قال انه هيجيب بسبوسة وكنافة جاهزة علي الفطار علشان عارف اني مسحولة في المطبخ وعارف انه اخته التانية معندهاش دم علشان تساعد شوية،يلا سيبي الزفت دا وإعملي السلطة وبعدها إعملي العصير،بت إنتي بتعملي إيه بالتليفون
شيماء:بصور البطة اللي انتي حمرتيها دي
اسماء جريت ناحيتها وهي ماسكة الكبشة وشيماء جريت من قدامها علي الصالة شالت التليفون ورجعت عملت السلطة والعصير وأسماء دخلت الصواني الفرن وخرجت تشوف جوزها
اسماء قعدت جمب مامتها علي الكنبة بصت حاوليها:أمال فين محمود يا ماما
نادية:لسه نازل اهو قال انه هيصلي ركعتين في الجامع ويقرأ قرآن شوية وراجع والله يابنتي ألحيت عليه يدخل يريح في الأوضة دا بيته بردك بس هو رفض وقال انه مش عليه النوم
اسماء وهي بتداري غيظها من محمود انه نزل من غير ما يقولها:عادي يا ماما سيبيه براحته هو لو عايز ينام كان دخل نام هو مش غريب يعني،المهم طمنيني انتي عنك يا ست الكل عاملة اية
نادية: انا كويسة وبخير ياحبيبتي طول ما انتي واخواتك بخير
اسماء:ماما انتي مش شايفة ان شيماء كبرت وكفاية دلع فيها بقي ،خليها تشيل البيت وتتحمل المسئوليه شوية انا طول ما انا في بيتي ببقي قلقانة عليكي انك تكوني بتجي علي نفسك وتقومي تشيلي وتحطي في البيت وهي قاعدة مبتعملش حاجة
نادية:لا يا اسماء هي بس بتتدلع عليكي انتي لما تكوني موجودة انما للامانة لو انتي مش هنا ولقتني بعمل حاجة بتجري تشيل عني وتخليني اقعد،مفيش غير الأكل بس بقوم اعمله علشان اخواتك الولاد مش دايما بيرضوا ياكلوا من الاختراعات اللي هي بتعملها في المطبخ ،وبيقولوا عايزين الأكل اللي متعودين عليه دايما
شيماء وهي خارجة من الأوضة والموبايل فإيدها:عيالك دول مش وش تغيير،عايزين يعيشوا طول عمرهم علي البسلة واللحمة والارز
أحمد أخوها وهو داخل من الباب ولسه يا دوب راجع من الشغل:ومالها البسلة واللحمة والرز،امال عايزانا نرجع من الشغل جعانين ناكل كريباية ملفوفة أد الصباع ،نصيحة يا بنتي من أخوكي اتعلمي تعملي أكل من اللي بياكله الناس الطبيعية بدل ما بكرة وبعده تتجوزي وترجعيلنا وانتي لابسها الكرباية اللي عملتيها لجوزك في في وشك وراح لأمه سلم عليها وباس ايدها
وراح ناحية اسماء كمان وباس ايدها وشاور عليها واتكلم:اهو مش هنروح بعيد في شيف جمبك اهيه اتعلمي منها
****************
المغرب اذن والسفرة كانت متجهزة بكل ما لذ وطاب فرحة بأول يوم واحتفال وتشجيع للاطفال اللي اول سنة يصوموا
علي سفرة كبيرة اتجمعت الجدة واولادها وزوجاتهم واحفادها
سعيدة:يا واد يا حمزة مبتاكلش ليه دا انت طول اليوم تقول جعان ، سيب العصير دا كفاية وكل بطنك هتتملي مية ومش هتقدر تاكل
حمزة:بس انا عطشان أوي ياتيته ومش حاسس اني جعان دلوقتي خالص خالص
عادل: مع كمية العصير اللي شربتها دي طبيعي نفسك تتسد عن الاكل متجادلش كتير ياحمزة وسيب العصير دا وكل
مازن:شايفة ياتيتي انا شربت حبة لبن بالتمر صغيرين خالص وبعدها بدأت اكل علي طول علشان اتغذي وجسمي ميهبطش
سعيدة:جدع يا واد يا مازن حبيب ستك انت ،كمل اكلك يللا
مني:طب وشهد يا حماتي ملهاش نصيب من الحب دا
عابد بص لمراته بغيظ لكن هي مبصتش ناحيته نهائي
سعيدة:وهي شهد اسم الله عليها كد العيال دي،دي بت ولدي الغالية ومش اول سنة ليها تصوم وعارفة الصح من الغلط مش محتاجة ستها تعلمها كيف تاكل
وبصت لشهد بحب وشهد بصتلها بفرحة علي مدح جدتها ليها
الكل خلص اكل والسفرة بدات تتشال ،الرجال استعدوا علشان يروحوا المسجد لصلاة التراويح والاطفال مازن وحمزة صمموا يروحوا معاهم هما كمان يصلوا علشان ياخدو اجر صيامهم كامل زي ما جدتهم فهمتم
*********
في المطبخ اماني بتجادل مع سماح ومش عيزاها تدخل المطبخ تغسل الماوعين معاهم ومني واقفة وبتبص لأماني بغيظ
اماني:يا بنتي اخلصي وهوينا بقي عايزين نخلص
سماح:ابدا ما هيحصل وسعي كدا وزقتها بعيد عن الحوض
اماني بعدت سماح عن الحوض:يلا اخرجي اقعدي مع ماما برة لاحسن تزهق من القعدة لوحدها وخدي بالك من حلا علي بال ما نخلص انا ومني وننضملكم في القعدة
سماح خرجت من المطبخ بعد الحاح اماني
ومني حالاً راحت ناحية اماني وبغيظ ومحاولة استفزاز ليها:بتقوليلها متخلصش المطبخ معانا ليه مش كانت ساعدتنا احسن
اماني:يابنتي ما انتي شيفاها اتهدت ازاي الاسبوع اللي فات في البيت هنا وهي تنضف لامها واحنا كل واحدة في شقتها، وإنهاردة من اول اليوم معانا ايدها بإيدنا في كل حاجة،مفهاش حاجة بقي لما نشطب احنا المطبخ ونسيبها تقعد مع مامتها شوية اكيد وحشاها يعني
مني بمحاولة استفزاز لاماني:طب وبتجيبي سيرتي ليه وتقولي هنعمل انا ومني متتكلمي عن نفسك
اماني فهمت انها بتحاول تعصبها علشان تقولها انها مش عايزاها تعمل حاجة وتخليها تخرج هي كمان لكن دا بعدها
اماني بضحكة وهي بتشد مني ناحية الحوض :طيب يلا مني بقي أغسلي إنت الحلل والصواني وأنا هغسل الأطباق والكوبيات وبدأت تفضي الحلل في علب التلاجة وتحطلها الحلل الفاضية علي الحوض تغسلها وكل ما أماني تحط حلة فاضية علي الحوض مني تشدها من إيدها بعنف وغيظ
وأماني بعد ما فضتلها كل الحلل خرجت الصالة يدوب قعدت ربع ساعة ودخلت علشان تكمل هي الأطباق زي ما اتفقت معاها
اماني:يابنتي حيلك مانا قلتلك سيبيلي الاطباق والكوبيات اغسلهم
مني مسكت اخر طبق غسلته ورزعته علي الحوض
مني:لا ياقلبي مليش في شغل العيال ده مش كام طبق اللي هقسمهم معاكي
بدات تغسل ايدها وتنشفها :اتفضلي انتي نشفي الأرضية بقي وسابتها وخرجت
اماني بصت حواليها وتفاجأت ان حتي الكوبيات مغسولة والبوتجاز بيلمع والارضية موقعتش عليها اي مية وهي بتغسل الماوعين
اماني بصوت واطي:يابت المجنونة عملتي دا كله امتا
مني بصوت عالي فزع اماني اللي مكنتش تعرف ان مني هتسمع صوتها الواطي وهي برة المطبخ:محدش مجنون غيرك
اماني ضربت كف بكف واتكلمت في سرها:طول عمري اسمع عن المرأة الخارقة أول مرة اشوفها
مني خرجت وقعدت جمب سماح وضربتها جامد علي رحلها:منورة يا موحة
وبعدها مسكت تليفونها وفتحت الفيس وبدأت تقلب فيه:بعدها شهقت لما شافت صور الأكل اللي منزلاها شيماء اخت اسماء وكاتبة عليها (تسلم ايدك يا سمسم اختي الكبيرة أجدع شيف) ،وصورة تانية فيها محمود وولاده واخوات اسماء الاولاد وهما متجمعين في حلقة قرآن وبيقرأو في مصاحفهم وكاتبه عليه (رمضان احلي مع الاحباب ربنا يديم علينا اللمة الحلوة )وفضلت متنحة للصور كتير وتعيد في قراءة الجمل المكتوبة بعدها قامت بخبث واخدت الفون ناحية حماتها وبدأت توريها الصور
حلا:اصحي بقي يا ماما متتعبنيش معاكي ،وبعدين في حد ينام ويسيب عيالة جعانين كدا
أماني قامت من مكانها بعصبية :نعم يا حبيبتي سمعيني تاني كدا مين دول اللي جعانين هو انتي مش لسه من خمس دقائق قايلالي عايزة ادخل الحمام ودخلتك وسألتك جعانة اعملك تفطري؟ قولتي لأه ومع ذلك جبتلك البسكوته اللي انتي لسه مخلصاها حالا!!
حلا فكرت شوية:بصراحة ياماما مكدبش عليكي انا مش عارفة إذا كنت جعانة او عطشانة بس اصحي انتي وانا هشوفلك شغلانة متقلقيش
اماني صرخت في وشها خلتها جريت تحت الغطا،وبعدها أماني مسكت تليفونها واتأكدت ان الوقت بدري فعلا لما شافت الساعة سبعة ونصف اتنهدت بغلب وطفت التكييف لأن الجو بدأ يبرد شوية وشدت الغطا وحاولت تكمل نوم
***************
مني قامت وصحت اولادها شادي وأحمد وراحوا مدرستهم ونزلت علشان توصل شهد لمدرستها،بعدها رجعت البيت رتبته علي السريع لأنه كان نضيف جدا ودخلت المطبخ لمعت البوتجاز والرخامة
قعدت تلف في البيت بملل ،بعدها خرجت من شقتها بصت فوق وتحت لقت الدنيا هادية جدا دليل علي ان الكل نايم تأففت بزهق ورجعت شقتها
*******************
أسماء طلبت من محمود انه يوصل مازن مدرسته لأنها سهرت كتير امبارح ومش قادرة تنزل
كانت نايمة علي سريرها بعمق بعد سهرة امبارح وبتتقلب في سريرها براحة سمعت خبط علي الباب غمضت عنيها تاني بس الباب لسه بيخبط ومقدرتش تتجاهل الخبط اكتر من كدا علشان مكة متصحاش قامت وفتحت الباب واتفاجئت بمني
اسماء بتتاوب:صباح الخير يامني تعالي ادخلي
مني دخلت وقعدت علي الانترية وهي بتعاين البيت بعنيها :هو انتي مقومتيش ليه من بدري مش وراكي حاجة لا تنضيف ولا تجهيز فطار
اسماء بتعب والنوم ظاهر فعنيها بتهز رأسها بنفي :خلصت تنضيف امبارح وبدري علي الفطار
مني:هو شغل البيت بيخلص امتي بس؟ وبعدين انتي مصحتيش تنزلي مازن مدرسته
اسماء وهي بتحط ايدها وبتتاوب:أبوه وصله وانا لبسته ورجعت نمت تاني
مني وقفت وماشية:طيب أسيبك أنا تكملي نوم
أسماء:لا خليكي قاعدة انا صاحية أهو
مني وهي رايحة ناحية الباب وبتفتحة :لا يحبيبتي انا ماليش في القعدة كدا انا نازلة شقتي اشوف اللي ورايا سلاام
اسماء قفلت الباب ولسه بتدور لقيت مكة وراها اللي كانت صحيت علي صوتهم ودا معناه انه مفيش نوم خلاص
اسماء بصوت مسموع:يعني جيتي رميتي كلمتين ونزلتي لا كملتي قعدتك ولا هعرف اكمل نوم روحي ياشيخة يارب ت.... استغفر الله العظيم اللهم إني صائم ،وبعدها وجهت كلامها لمكة وانتي يا موكي يا قمري هتنامي تاني
مكة:لا خلاص انا مش هنام تاني تعالي نتفرج مع بعض علي الكارتون
اسماء:مش هتفطري الأول؟
مكة:لا أنا صايمة،هو انتي يا ماما مسحرتنيش ليه
اسماء:يابت سحور وصيام ايه اللي انتي بتتكلمي فيه،انتي لسه صغيرة يا ماما واديني اهو اشوفك هتصومي لغاية امتي،وقامت شغلت كارتون وجابت كوفرته ومددت علي الكنبة واتغطت هي وبنتها
***************
الضهر أذن والكل كان صحي من نومة
اماني صحيت وفطرت بنتها واخدتها ونزلت عند حماتها سعيدة واتفاجأت بمني نازلة في نفس الوقت
مني:اهلا بالناس اللي لسه صاحية بعد أذان الضهر إيه عروسة؟
أماني بهدوء:اه عروسة
اماني دخلت عند حماتها لقيتها بتقرأ قرآن مرضتش تقاطعها وقعدت علي الكنبة بهدوء هي ومني،بعدها سماح بنتها جات
أماني وقفت وسلمت عليها،وبعدها سلمت علي مني
وامها أول ما شافتها صدقت وقفلت مصحفها وخلعت النضارة وفتحت دراعها لولاد بنتها اللي جم جري واترمو في حضن جدتهم
سعيدة وهي بتحضن فيهم وتبوسهم:وحشتوني يا ولاد بقي كدا متجوش لستكم امبارح
عبدالله:والله يا تيتي ماما هي اللي مرضتش تاخدنا معاها امبارح قولنالها عايزين نشوفك قالت هتبهدلو الشقة
سعيدة بصت لسماح بعتب:حبايب قلبي الغالين يعملوا اللي هما رايدينه هو انا حداي كام عبدالله وعبد الرحمن
عبدالرحمن:واحنا بنحبك اوي يا تيته
سعيدة:ايه تيتي دي يا واد انت وهو متقول يا جدة
سماح:ياماما وهما هيعرفو يتكلموا كدا إزاي بس،هما ما يعرفوش غير كلمة تيته،وكمان مش هيعرفو ينطقو الجيم بطريقة الصعايدة ،وبعدين يا ماما انتي نفسك نص كلامك صعيدي والنص التاني اسكندراني
سعيدة:طيب تيتي تيتي ولو اني مش بالعاها وبحس إكدة كأن العيال ديه بتشتمني بكلمة تيتي،دا مفيش احلي من كلام الصعيد وان كان علي الكام كلمة البحرواية اللي بنطقهم ديه عشان كل شوية توجعو راسي ان كان عيالكم ولا حريم اخواتك كل شوية يسالوني يعني ايه الكلمة دي يعني ايه الكلمة دي
قاطعهم تلفون سماح وهو بيرن:ايوة يا محمود يا حبيبي كلنا كويسين وبخير انا وصلت اه عند ماما اهي معاك
في اللحظة اللي بيتصل فيها محمود كانت اسماء نازلة واتمنت لو كانت اتأخرت في نزولها شوية بدل ما نزلت في نفس اللحظة اللي بيتصل فيها جوزها لأنها مش هتعرف تواجه حماتها لو قالت اي كلمة
سعيدة خلصت المكالمة وبصت لأسماء:جوزك بيقولك افطري انتي وعيالك عند امك نهاردة علشان هو هيفطر مع صحابة صمموا عليه يفطروا كلهم مع بعض اول يوم،بس اما اشوفه الواد دا إزاي يبدي اصحابة علي امه ويقطع عادتنا بالفطار كلنا مع بعض اول يوم رمضان ماشي يا محمود أدبك علي أمك لما تاجي بس
اسماء ساكته ومردتش،واماني بتبصلها كتير وهي ملاحظة عليها التوتر بس مش عارفة سببه
أماني:ايه هتيجي نجيب الاولاد من الحضانة ولا إيه
اسماء بحذر:اه ما اهو انا هعدي علي مازن اخده ونروح علي ماما علشان اساعدها في تجهيز الفطار
سعيدة:اه يابنتي روحيلها ساعدي مادام هتفطري هناك روحي بدري احسن
الكل رجع من المدرسة وبعدها أماني وسماح ومني بدأو يجهزوا في الفطار والحلو
والعصر الرجال عابد وعادل كانو رجعوا من شغلهم وطلعوا شققهم يريحوا
مني اتحججت برجوع جوزها وجريت علي فوق لأن النوم كان غلبها خلاص
شافت عابد في الصالة ١سابته وداخله الأوضة وهو مستغرب طباعها دي وانها مفروض تشوفه لو محتاج حاجة أو تسأله عن احواله ،مني داخله علي أوضتها وبعدها وقفت وكأنها افتكرت حاجة مهمة بصت لعابد:من فضلك يا عابد علق الهدوم اللي هتقلعها واللي عايز يتغسل يتحط في السبت و...
عابد:عاااااارف عارف والجزمة متقلقيش هحطها ف الجزامة والحمام مش هنشفة لاني خلاص مش هستحمي هتخمد كدا،وبعدين ايه كل التعليمات دي مش انتي اللي لسه بتقولي تحت انك طالعة تشوفي جوزك ليكون محتاج حاجة فين دا ولا بتكدبي؟
مني:لا مش كدب دي حجج لأني منمتش من الصبح ومراتت اخواتك واختك صاحيين الضهر بيدلعوا مش زيي صاحية من النجمة،ومرات اخوك الصغير دي متعبتش نفسها حتي في توصيل ابنها المدرسة وخلت جوزها هو اللي يوديه وهي نامت وريحت دماغها،وانا كمان من بكرة مش هودي شهد المدرسة ابقي اتصرف انت ،ومشيت وهي ماشية من غير ما تبص لعابد واه لو نمت من غير شاور غير ملابسك واغسل رجلك الأول قبل ما تنام علشان لسه مغيرة الملايات
عابد كان هيحدفها في دماغها من ورا بالجزمة اللي كان بيخلعها وبالفعل رفع ايده بقوة بس تراجع علي اخر لحظة واخد نفسه واستغفر ربه
اما مني دخلت حمام اوضتها اتوضت وغسلت حمامها وخرجت صلت العصر وراحت عند أولادها ادتهم جرعة التعليمات اليومية مع تحذير ووعيد لأي حد يبهدل حاجة في الشقة، وزودت علي شادي انه من بكره هياخد شهد الصبح معاه يوصلها مدرستها وهو راجع يرجعها معاه لأنه هو تالته ثانوي ومبيتأخرش في مدرسته عكس شهاب اللي في اولي ثانوي
وطبعا محدش يقدر يعترض علي أوامرها
بعدها سابتهم ودخلت تنام
******************
عند اسماء في شقة والدتها الباب كان بيخبط سابت المعلقة من ايدها وخرجت من المطبخ ٥فتحت الباب دخلت جوزها وغمزتله: منوور
محمود:انتي فرحانة كدا ليه والله حاسس امي هتكشفنا وهتطربقها فوق دماغي ودماغك دي بهدلتني في التليفون لما قولت اني مضطر افطر مع صحابي ومسابتنيش غير لما قولتلها انهم حلفو عليا أفطر معاهم،فما بالك لو عرفت اللي فيها بصي انا مش متفائل
اسماء:وهي هتعرف منين بس، يا سيدي متخفش انت وادخل جوه اخواتي موجودين سلم عليهم واقعد معاهم وانا داخله المطبخ اكمل اللي بعمله
في المطبخ
اسماء:يا شيماء ما تسيبي الفيس دا شوية وخلي عندك مروءة وتعالي اعملي معايا
شيمااء:ما اهو انا بدور علي طريقة الحلويات اللي الناس منزلاها دي علشان اعمل زيها ،مش عارفة الناس دي لحقت تعمل حلويات امتي دا إحنا لسه العصر
اسماء:مع اني مش فاهمة الناس دي بتصور في الأكل وتنزله ليه بس هما أكيد معندهمش اخوات عديمي المروءة زي اللي عندي وبالتالي كله بيساعد وبالتالي بيخلصوا بدري،وانتي لسه بتفكري تدوري علي طريقة حلويات علشان تعمليها والمغرب باقي عليه ساعتين،وبعدين ارتاحي يا ماما اخوكي قال انه هيجيب بسبوسة وكنافة جاهزة علي الفطار علشان عارف اني مسحولة في المطبخ وعارف انه اخته التانية معندهاش دم علشان تساعد شوية،يلا سيبي الزفت دا وإعملي السلطة وبعدها إعملي العصير،بت إنتي بتعملي إيه بالتليفون
شيماء:بصور البطة اللي انتي حمرتيها دي
اسماء جريت ناحيتها وهي ماسكة الكبشة وشيماء جريت من قدامها علي الصالة شالت التليفون ورجعت عملت السلطة والعصير وأسماء دخلت الصواني الفرن وخرجت تشوف جوزها
اسماء قعدت جمب مامتها علي الكنبة بصت حاوليها:أمال فين محمود يا ماما
نادية:لسه نازل اهو قال انه هيصلي ركعتين في الجامع ويقرأ قرآن شوية وراجع والله يابنتي ألحيت عليه يدخل يريح في الأوضة دا بيته بردك بس هو رفض وقال انه مش عليه النوم
اسماء وهي بتداري غيظها من محمود انه نزل من غير ما يقولها:عادي يا ماما سيبيه براحته هو لو عايز ينام كان دخل نام هو مش غريب يعني،المهم طمنيني انتي عنك يا ست الكل عاملة اية
نادية: انا كويسة وبخير ياحبيبتي طول ما انتي واخواتك بخير
اسماء:ماما انتي مش شايفة ان شيماء كبرت وكفاية دلع فيها بقي ،خليها تشيل البيت وتتحمل المسئوليه شوية انا طول ما انا في بيتي ببقي قلقانة عليكي انك تكوني بتجي علي نفسك وتقومي تشيلي وتحطي في البيت وهي قاعدة مبتعملش حاجة
نادية:لا يا اسماء هي بس بتتدلع عليكي انتي لما تكوني موجودة انما للامانة لو انتي مش هنا ولقتني بعمل حاجة بتجري تشيل عني وتخليني اقعد،مفيش غير الأكل بس بقوم اعمله علشان اخواتك الولاد مش دايما بيرضوا ياكلوا من الاختراعات اللي هي بتعملها في المطبخ ،وبيقولوا عايزين الأكل اللي متعودين عليه دايما
شيماء وهي خارجة من الأوضة والموبايل فإيدها:عيالك دول مش وش تغيير،عايزين يعيشوا طول عمرهم علي البسلة واللحمة والارز
أحمد أخوها وهو داخل من الباب ولسه يا دوب راجع من الشغل:ومالها البسلة واللحمة والرز،امال عايزانا نرجع من الشغل جعانين ناكل كريباية ملفوفة أد الصباع ،نصيحة يا بنتي من أخوكي اتعلمي تعملي أكل من اللي بياكله الناس الطبيعية بدل ما بكرة وبعده تتجوزي وترجعيلنا وانتي لابسها الكرباية اللي عملتيها لجوزك في في وشك وراح لأمه سلم عليها وباس ايدها
وراح ناحية اسماء كمان وباس ايدها وشاور عليها واتكلم:اهو مش هنروح بعيد في شيف جمبك اهيه اتعلمي منها
****************
المغرب اذن والسفرة كانت متجهزة بكل ما لذ وطاب فرحة بأول يوم واحتفال وتشجيع للاطفال اللي اول سنة يصوموا
علي سفرة كبيرة اتجمعت الجدة واولادها وزوجاتهم واحفادها
سعيدة:يا واد يا حمزة مبتاكلش ليه دا انت طول اليوم تقول جعان ، سيب العصير دا كفاية وكل بطنك هتتملي مية ومش هتقدر تاكل
حمزة:بس انا عطشان أوي ياتيته ومش حاسس اني جعان دلوقتي خالص خالص
عادل: مع كمية العصير اللي شربتها دي طبيعي نفسك تتسد عن الاكل متجادلش كتير ياحمزة وسيب العصير دا وكل
مازن:شايفة ياتيتي انا شربت حبة لبن بالتمر صغيرين خالص وبعدها بدأت اكل علي طول علشان اتغذي وجسمي ميهبطش
سعيدة:جدع يا واد يا مازن حبيب ستك انت ،كمل اكلك يللا
مني:طب وشهد يا حماتي ملهاش نصيب من الحب دا
عابد بص لمراته بغيظ لكن هي مبصتش ناحيته نهائي
سعيدة:وهي شهد اسم الله عليها كد العيال دي،دي بت ولدي الغالية ومش اول سنة ليها تصوم وعارفة الصح من الغلط مش محتاجة ستها تعلمها كيف تاكل
وبصت لشهد بحب وشهد بصتلها بفرحة علي مدح جدتها ليها
الكل خلص اكل والسفرة بدات تتشال ،الرجال استعدوا علشان يروحوا المسجد لصلاة التراويح والاطفال مازن وحمزة صمموا يروحوا معاهم هما كمان يصلوا علشان ياخدو اجر صيامهم كامل زي ما جدتهم فهمتم
*********
في المطبخ اماني بتجادل مع سماح ومش عيزاها تدخل المطبخ تغسل الماوعين معاهم ومني واقفة وبتبص لأماني بغيظ
اماني:يا بنتي اخلصي وهوينا بقي عايزين نخلص
سماح:ابدا ما هيحصل وسعي كدا وزقتها بعيد عن الحوض
اماني بعدت سماح عن الحوض:يلا اخرجي اقعدي مع ماما برة لاحسن تزهق من القعدة لوحدها وخدي بالك من حلا علي بال ما نخلص انا ومني وننضملكم في القعدة
سماح خرجت من المطبخ بعد الحاح اماني
ومني حالاً راحت ناحية اماني وبغيظ ومحاولة استفزاز ليها:بتقوليلها متخلصش المطبخ معانا ليه مش كانت ساعدتنا احسن
اماني:يابنتي ما انتي شيفاها اتهدت ازاي الاسبوع اللي فات في البيت هنا وهي تنضف لامها واحنا كل واحدة في شقتها، وإنهاردة من اول اليوم معانا ايدها بإيدنا في كل حاجة،مفهاش حاجة بقي لما نشطب احنا المطبخ ونسيبها تقعد مع مامتها شوية اكيد وحشاها يعني
مني بمحاولة استفزاز لاماني:طب وبتجيبي سيرتي ليه وتقولي هنعمل انا ومني متتكلمي عن نفسك
اماني فهمت انها بتحاول تعصبها علشان تقولها انها مش عايزاها تعمل حاجة وتخليها تخرج هي كمان لكن دا بعدها
اماني بضحكة وهي بتشد مني ناحية الحوض :طيب يلا مني بقي أغسلي إنت الحلل والصواني وأنا هغسل الأطباق والكوبيات وبدأت تفضي الحلل في علب التلاجة وتحطلها الحلل الفاضية علي الحوض تغسلها وكل ما أماني تحط حلة فاضية علي الحوض مني تشدها من إيدها بعنف وغيظ
وأماني بعد ما فضتلها كل الحلل خرجت الصالة يدوب قعدت ربع ساعة ودخلت علشان تكمل هي الأطباق زي ما اتفقت معاها
اماني:يابنتي حيلك مانا قلتلك سيبيلي الاطباق والكوبيات اغسلهم
مني مسكت اخر طبق غسلته ورزعته علي الحوض
مني:لا ياقلبي مليش في شغل العيال ده مش كام طبق اللي هقسمهم معاكي
بدات تغسل ايدها وتنشفها :اتفضلي انتي نشفي الأرضية بقي وسابتها وخرجت
اماني بصت حواليها وتفاجأت ان حتي الكوبيات مغسولة والبوتجاز بيلمع والارضية موقعتش عليها اي مية وهي بتغسل الماوعين
اماني بصوت واطي:يابت المجنونة عملتي دا كله امتا
مني بصوت عالي فزع اماني اللي مكنتش تعرف ان مني هتسمع صوتها الواطي وهي برة المطبخ:محدش مجنون غيرك
اماني ضربت كف بكف واتكلمت في سرها:طول عمري اسمع عن المرأة الخارقة أول مرة اشوفها
مني خرجت وقعدت جمب سماح وضربتها جامد علي رحلها:منورة يا موحة
وبعدها مسكت تليفونها وفتحت الفيس وبدأت تقلب فيه:بعدها شهقت لما شافت صور الأكل اللي منزلاها شيماء اخت اسماء وكاتبة عليها (تسلم ايدك يا سمسم اختي الكبيرة أجدع شيف) ،وصورة تانية فيها محمود وولاده واخوات اسماء الاولاد وهما متجمعين في حلقة قرآن وبيقرأو في مصاحفهم وكاتبه عليه (رمضان احلي مع الاحباب ربنا يديم علينا اللمة الحلوة )وفضلت متنحة للصور كتير وتعيد في قراءة الجمل المكتوبة بعدها قامت بخبث واخدت الفون ناحية حماتها وبدأت توريها الصور
يتبع الفصل الثالث 3: اضغط هنا
الفهرس يحتوي على جميع فصول الرواية كاملة: "في بيت العيله " اضغط على أسم الرواية