رواية عذاب الحب الفصل الخامس بقلم ندى محمود
رواية عذاب الحب الفصل الخامس
قعدت عالارض فالشارع وهي بتعيط
وفجأه بترفع راسها عن الارض و شافت رامي
-رامي ! عايز ايه
حط قماشه علي بوقها و فقدت الوعي
*بعد ساعه*
مامت ندي قلقت عليها جدا خصوصا انها قالتلها نازله تودع نديم و مرجعتش البيت و لو كانت هتروح تتمشي مثلا كانت هتقولها قبلها
اتصلت علي نديم
كان نديم وصفيه وقتها ركبو القطر وكان لسا متحركش
=اهدي بس و احكيلي كل حاجه براحه
*بنتي يا نديم خرجت تودعكم ومرجعتش تاني .. بقالها ساعه
=يمكن راحت تتمشي مثلا وبعدين احنا مشفنهاش .. مودعتناش
*لو كانت هتروح مكان كانت قالتلي قبلها ..
نديم وقتها اتأكد ان الي حاسس بيه صح وان فعلا فيه حاجه مش مظبوطه فالموضوع لان بقاله ساعه وهو حاسس ان فيه حاجه غلط
=هلاقيها واجبها لغايه عندك متقلقيش
وقفل المكالمه
=ماما انا لازم اروح اشوفها .. انا حاسس ان فيه حاجه غلط فالموضوع
> طب خلاص تعالي نرجع شقتنا لغايه لما تلاقيها بعدها نبقا نروح بيت ابوك
= تمام يا ماما شكرا انك اتفهمتي الموضوع
> لا انا كمان قلقانه عليها . انت عارف اني بعتبرها بنتي
و فعلا روحو الشقه بتاعتهم و صفيه قعدت مع ام ندي تهديها
اما نديم ف نزل يدور عليها فالشوارع بس ملقيهاش .. الساعه ١٢ نص الليل ولسا مش لاقيها
فضل يدور لغايه الصبح لان مكنش عايز يروح من غيرها بس بردو مفيش اي اثر ليها
واتصل ب رامي وقاله انه مكلمهاش النهارده
الصبح اضطر يرجع للبيت من غيرها
كانت صفيه وام ندي مستنيينها فشقه ام ندي
*ها يا نديم لقيتها صح ؟ ومستنيه تحت فالعماره عشان عاملهالنا مفاجأه انك لقيتها صح
نديم مكنش بيرد
> نديم رد علينا !
= ملقيتهاش ..
ام ندي وقعت من طولها و اغمي عليها
وصفيه ونديم شالوها عالكنبه و فوقوها
بعياط وانهيار *بنتي فين انا عايزه بنتي .. شوفلي بنتي فين يا نديم
> اهدي يا ميساء (دا اسم ام ندي ) هنلاقيها ان شاء الله
بعياط وانهيار *هنلاقيها فين بس اهو دور عليها لغايه الصبح ورجع من غيرها
= انا هنزل تاني دلوقتي ادور عليها
> استني طيب يبني ارتاح شويه ونام ساعتين .. انت منمتش من امبارح
=يا ماما هنام ازاي واحنا مش لاقيين ندي .. كل ساعه مهمه لينا و انا هروح ابلغ الشرطه بردو
> تمام يبني
نزل من البيت و راح لمركز الشرطه بلغ عن فقدانها ولان هو شرطي ف اخدو الموضوع بجديه و بضمير اكتر من اي بلاغ تاني
و رامي كان بيمثل انه منهار و حزين و راح يدور معاهم
عدي خمس ايام عالحاله دي
خمس ايام و نديم بينام بس ساعه كل يوم ويدور عليها ال ٢٣ ساعه الباقيين
كان التعب بيتملك منه بس كل لما تيجي صورتها قدامه او يفتكر موقف ليهم دا بيحفزه انه يقوم ويكمل تدوير عليها
اما ميساء و صفيه ف بدأ اليأس يتسلل ليهم وكانو حاسين انهم خلاص حتي لو لقيوها ف هتكون جثه ..
*اليوم السادس*
=انا نازل يا ماما ويا صفيه .. عايزين حاجه اجبهالكم معايا ؟
*اقعد يبني خلاص .. انت تعبت اوي و خسيت و بقا شكلك مرهق .. الشرطه هتكمل تدوير عليها
= انا مش هرتاح غير لما الاقيها يا ماما ميساء
بعياط*افرض عصابه تجاره الاعضاء خطفوها وهي زمانها ميته من كذا يوم
قلب نديم وجعه
=لا انا حاسس انها عايشه اكيد لسا عايشه .. اكيد
و نزل وسابهم و راح البحر و صرخ ب اعلي صوته وهو بيعيط
= فينك يا ندي فينك انا مش قادر اعيش وانتي مختفيه بالشكل دا .. ارجعي و اتجوزي رامي حتي بس المهم تكوني موجوده قدامي .. ارجعيي
كان قاعد عالارض ودافن راسه بين ايديه وهو بيعيط
وفجأه حس ب ايد علي كتفه
بص علي امل تكون دي ندي بس كان رامي
~ انا كمان مفتقدها جامد ..
= صحيح ماما ميساء كانت عايزه تكلمك تعالا معايا البيت
و راحو لشقه ميساء
*كويس انك جبته معاك يا نديم .. بص يا رامي انا مش عارفه الشبكه راحت فين انا عارفه ان كلامي مش منطقي بس انا مش لقياها .. الشرطه قالو ان ندي ممكن تكون اخدتها عشان تبيعها و تعيش فمكان بعيد عن هنا بس انا مش مصدقه ان بنتي ممكن تعمل كدا بس انا مستعده ادفعلك تمنها .. شوف هي بكام وقولي و ياريت تشوف حياتك لان ممكن ندي مترجعش
~ لا يا طنط عيب والله الي بتقوليه دا .. شبكه ايه الي اخد فلوسها وبعدين انا هستني ندي لو اخر يوم ف عمري ..
*ياريت ندي كانت موجوده هنا عشان تشوف اد ايه هي اختارت الشخص المناسب عشان ترتبط بيه
عدي عشرين يوم تاني و لسا الحال زي م هو لدرجه ان الشرطه بدأت تتكاسل جامد عن التدوير عن ندي .. لان كدا يا اما هيلاقوها مقتوله يا اما هي الي هربت بنفسها و اختفاء الشبكه كان مرجحلهم الاحتمال دا اكتر
اما نديم فكان لسا بيدور بنفس العزيمه الي كانت عنده اول يوم بدأ فيه تدوير عليها .. كل يومه بيقضيه فالبحث عنها
الكل كانو بدأو ييأسو من انهم يلاقوها ماعدا نديم ….لغايه لما ف يوم
كانو قاعدين فالصاله و ميساء بتعيط كالعاده و صفيه بتهديها و نديم قاعد عالكنبه وهو ماسك نوته وبيعلم الاماكن الي دور فيها خمس مرات والاماكن الي دور فيها اربع مرات ..
فجأه بيتفتح الباب بالمفتاح
الكل بيتخض لان المفروض محدش معاه مفتاح غير ميساء وندي
و وسط صدمه و ذهول الكل ندي دخلت من الباب
كان باين عليها مرهقه جدا و كانت بصالهم بذهول
-مالكم يجماعه فيه ايه بتبصولي كدا ليه
ميساء جريت عليها وحضنتها
بعياط*كنتي فين يبنتي بقالنا شهر بندور عليكي
ب استغراب -كنت فين ازاي يا ماما .. انا نزلت الجامعه رحت المحاضرات وجيت اهو
صفيه و نديم وميساء بصو ل بعض
-ماما اوعي تكوني اكلتي المكرونه البشاميل الي عملتيها الصبح كلها لوحدك .. قولتلك سبيلي منها شويه لغايه لما ارجع من الجامعه
من الصدمه محدش عرف ينطق
نديم راح نحيتها و هزها جامد
=ندي انتي كويسه !!
-ايه يا نديم بتهزني كدا ليه م انا كويسه اهو قدامك وعلي فكره انا زعلت منك جامد انك موصلتنيش الجامعه النهارده … جامد جدا يعني
=النهارده الجمعه يا ندي .. والمره الوحيده الي موصلتكيش فيها للجامعه كانت قبل امتحاناتك … يعني من حوالي شهرين
-ينديم بطل هزار بقا
صفيه اتصلت بالدكتور و الدكتور جه بسرعه لانه يعرف صفيه ونديم
¥ ندي حاليا بتمر بصدمه نفسيه .. هي اتعرضت لحاجات كتير اذتها و زعلتها فالشهرين الي فاتو لدرجه ان عقلها عشان يحميها مسح كل الي حصل فالشهرين دول .. تقدرو تقولو ان الجسم بيحاول يحمي نفسه
=طيب والعمل يا دكتور .. هترجعلها ذاكرتها تاني ؟! احنا عايزين نعرف كانت فين
¥ هترجعلها بالتدريج بس لغايه الوقت دا عاملوها طبيعي ومحدش يفكرها ب اي حاجه فاتت .. هي هتفتكر وحدها
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية عذاب الحب" اضغط على اسم الرواية