رواية عذاب الحب الفصل السادس بقلم ندى محمود
رواية عذاب الحب الفصل السادس
=طيب والعمل يا دكتور .. هترجعلها ذاكرتها تاني ؟! احنا عايزين نعرف كانت فين
¥ هترجعلها بالتدريج بس لغايه الوقت دا عاملوها طبيعي ومحدش يفكرها ب اي حاجه فاتت .. هي هتفتكر وحدها
=تمام
الدكتور مشي و صفيه وميساء ونديم قررو ينفذو كلامهم لان مش قدامهم حل تاني .. هما اكيد نفسهم يعرفو هي راحت فين فالشهر دا بس مش علي حساب صحتها النفسيه
*اليوم الي بعدو *
طبعا الترم بدأ من اسبوع وهي مراحتش الجامعه خالص ف قررت تروح النهارده و نديم كان مستنيها قدام الباب عشان يوصلها
-جيت ليه .. انت امبارح اصلا راحت عليك نومه وانا رنيت عليك خمسين مره و كمان خبطت علي شقتكم كتير . النهارده صاحي نشيط ليه ؟
=عادي حبيت اوصلك وبعدين انتي هتزعلي مني عشان موصلتكيش مره واحده .. يلا اركبي العربيه عشان اتأخرتي
-مش عارفه ليه كلكم بتبالغو فالاهتمام بيا من امبارح دا حتي ماما منامتش امبارح و فضلت بصالي طول الليل وانا نايمه و كمان صحتني بنفسها و فطرتني و انت اهو مستنيني قدام الباب من غير م ارن عليك رنه واحده حتي
= حد يلاقي الاهتمام يستي و يعترض
-مش بعترض بس الموضوع غريب
= تحبي اخرجك فين النهارده بعد الجامعه
-ايه دا انت هتخرجني من غير م اقولك ؟! لا انا اكيد بحلم
= الا بقا لو عايزه تخرجي مع رامي
-ايواا مين بقا رامي الي بتجيبو سيرته من امبارح
نديم اتنهد
=رامي خطيبك
-ايه دا هو انا اتخطبت ؟!
= ايوه
-اومال فين دبلتي
= الدبله والشبكه اختفو معرفش ايه حصلهم
-غريبه اوي ..
وصلها الجامعه ودخلت محاضراتها و هو استناها عند باب الجامعه
*بعد لما خلصت المحاضرات*
-ايه دا بوشكاش بيضحي كمان و بيستناني لغايه لما اخلص محاضرات ؟! مستنيني ٤ ساعات يا نديم ! طب كنت رحت الشغل وانا كنت هرن عليك لما اخلص عشان نخرج
بضحك = عادي قولت ابقا لطيف النهارده واكسب ثواب
ندي ضربته علي ايده
-دا انت رخم رخامه السنين
و هما بيتكلمو رامي راح ناحيتهم
~ ازيك يا ندي .. متتخيليش قد ايه كنت قلقان عليكي
ندي اول لما شافته حست بالخوف .. هي متعرفش ليه بس هي حست بخوف رهيب لدرجه انها استخبت ورا نديم
ب استغراب = ايه مالك يا ندي
-مين دا يا نديم
=دا خطيبك الي قولتلك عليه
-انا خايفه خليه يمشي من هنا ..
رامي حاول يمسك ايدها بس هي صوتت
ونديم اتصدم من رده فعلها
~ ايه يا حبيبتي مالك ؟!
بعياط -نديم خليه يبعد عني انا خايفه منه
= لو سمحت يا رامي ياريت تسبها دلوقتي وابقا تعالي زورها بالليل .. يمكن شبهتك بحد مثلا عشان كدا خافت منك
~ يمكن .. انا هاجيلك البيت بالليل عشان اديكي الدبله الجديده بدل الي ضاعت وعشان نقعد مع بعض شويه
و استأذن ومشي
= مش قولتي مش فكراه يا ندي ؟ اومال ازاي خايفه منه وانتي مش فاكره هو مين اصلا
-مش عارفه
= سيبك منه خلينا دلوقتي فالفسحه بتاعتنا .. تحبي نروح فين الاول
-انا عايزه اروح يا نديم
= هعزمك علي حسابي
-لا يا نديم انا عايزه اروح .. انا خايفه
= خايفه من ايه احكيلي عشان اقدر اساعدك
-مش عارفه .. انا نفسي مش عارفه خايفه من ايه .. نديم ممكن طلب ؟
= اه طبعا اؤمري
-ينفع تحضني ؟ بحس بالامان وانا فحضنك
نديم ضحك وحضنها
-نديم انا مش عايزه اكمل مع رامي .. انا خايفه منه
نديم فرح بس اتظاهر بالعكس
= ليه كدا يا ندي دا انتي حتي كنتي بتحبيه
-انا مش هتجوز الا الي هحس بالامان الي بحسه وانا معاك
= طيب متتجوزيني انا
بعدت عن حضنه
-ايه !!
= بهزر يبنتي فيه ايه مينفعش اهزر يعني
-هزارك رخم زيك
= مش حسيتي بالامان خلاص ؟ يلا تعالي افسحك وبعدين اصلا قعده البيت ممله و مامتك هتقعد كل شويه تأكل فيكي لغايه لما تبقي بقره
-نينينيني
= عموما خلاص لو مش عايزه انا هروح اكل وحدي و اتفسح وحدي
-لا خلاص هروح معاك وبعدين طبعا انت عايز تروحني عشان توفر فلوسك عارفاك بخيل
= قولتيلي ان انا الي غلس ؟
-يلا بقا انت بتضيع اليوم
= اركبي العربيه اركبي
واخدها لمطعمها المفضل و اكلو بعدها راحو الملاهي
-عايزه غزل البنات يا نديم
= م براحه يبنتي فلستيني 😂😂
-الاه مش انت الي عازمني النهارده ؟!
= حاضر هجبلك وانا ساكت
وبعد لما جابلها غزل البنات شافت واحد معاه بلالين علي شكل شخصيات كرتونيه
جريت عليه
-الله ايه البلونات الحلوين دول
نديم جري وراها عشان ميسبهاش وحدها
= ايه يبنتي بتسبيني ليه افرضي توهتي
-اتوه ؟! نديم انت متأكد انك فاكر اني عندي ٢١ سنه ؟
نديم فنفسه = خايف تختفي زي م حصل الشهر الي فات
= المهم عايزه انهي بلونه وبعدين يبنتي بذمتك فيه واحده عندها ٢١ سنه وتعوز بلونه علي شكل كرتون
-هاتلي البلونه دي و ادفع وانت ساكت لو سمحت
نديم ضحك = طبعا لو انتي الي هتدفعي مكنتيش هتجيبي اي حاجه
-يلا يا نديم انت كدا بتضيع اليوم
= حاضر اهو هدفع
كانت ماشيه مع نديم وايدها ماسكه بيها غزل البنات وايدها التانيه ماسكه بيها بلونه
=والله انا حاسس اني ماشي مع بنتي
-م انت فعلا باين عليك اكبر مني بكتيير و بعدين شايف التجاعيد الي عند عينك دي
=تجاعيد !!
و طلع موبايله بسرعه يبص فالشاشه بتاعته
وندي انفجرت من الضحك
-انت صدقت ! يعني واحد عنده ٢١ سنه هيكون عنده تجاعيد ازاي .. وبعدين دا انت حتي شكلك اصغر مني ب وشك البيبي فيس دا
= انا وشي بيبي فيس !!
-ايوه ومتنفعش شرطي كمان .. الشرطه يبني بيبقا باين عليهم انهم خشنين كدا وملامحهم جاده انما انت متنفعش خاالص
=اول مره يعني تقوليلي الكلام دا .. كنتي بتقوليلي ان شكلي مناسب لوظيفتي دايما
-انا قررت النهارده اكون صريحه
= طيب بما انك صريحه النهارده قوليلي .. انا احلي ولا رامي
-مش بقولك بخاف منه ! بتجيب سيرته ليه
= يلا بس جاوبي السؤال دا ومش هجيب سيرته تاني
بخجل -انت طبعا احلي
نديم فرح من ردها
=طيب علي فكره انا كمان هكون صريح النهارده
-طيب قولي انت بتحب شخصيتي ولا شكلي اكتر
= شخصيتك طبعا يبنتي .. الشكل حاجه مش دايمه يعني مثلا لو حصلتلك حادثه هل هبطل اكلمك عشان بقيتي مش حلوه ؟
-يبخت الي هتتجوزك والله .. ساعدني بقا الاقي واحد شبهك فكل حاجه .. شكله زيك و شخصيته زيك و حنيته زيك و اهتمامه زيك
بضحك = لا مفيش انا اخر نسخه فالعالم
ضربته علي ايده
-متواضع من يومك
=ايه يبنتي من الصبح بتضربني ف ايدي
-علي اساس ضربتي الخفيفه هتوجعك مثلا
نديم افتكر القلم الي اديتهوله قبل كدا وان وشه فضل محمر طول اليوم مكان القلم
= لا ايدك خفيفه خالص
بعدها ركبو العربيه عشان يروحو البيت
كانو واقفين فالاشاره وكان فيه اطفال بيبيعو ورد عند الاشاره
¥يا بيه خد ورد لحبيبتك وفرحها .. حتي الورده دي شبها اوي
نديم وندي بصو لبعض
بصوت واحد هما الاتنين =حبيبتي ؟!
-حبيبته !!
= احم خدي يا حلوه الفلوس دي و هاتي الورد
بفرحه¥شكرا يا بيه
بضحك = خدي اهو الورد الي شبهك
-اول مره يعني تجبلي ورده حمرا
= والله هو دا الورد الوحيد الي كان عندها
-طب شكرا يسيدي
= عدي بس الجمايل وشوفي صرفت عليكي اد ايه النهارده
ندي ضربته علي ايده
-مش بقولك انت بخيل !!
=اه يبنتي هو انتي معندكيش وظيفه غير انك تضربيني و بعدين انا بهزر معاكي اكيد يعني مش بخيل وبعدين هو فيه حد بخيل بيعزم واحده مفجوعه عالاكل و بيفسحها كمان
-انا باكل كتير يا نديم !!
= اه بأماره الاكل الي ب ٥٠٠ جنيه الي اكلتيه فالمطعم
بهزار - انت كمان بتحسب الاكل الي اكلته بكام ؟ طب متكلمنيش تاني عشان انا مش بكلم الناس البخيله
= الاشاره فتحت اهي يلا عشان تروحي لمامتك
-متيجي نسهر النهارده عندي فالشقه او عندك ونسمع فيلم و نجيب صفيه وماما بردو
= فكره حلوه
-افتكرتك هتقول ورايا شغل الصبح ..
= لا انا اخدت اجازه اصلا
-بجد ؟! حلوو بقالك كتير مأخدتش اجازه
=كتير ايه يبنتي اذا كنت انا بدأت وظيفتي من سنه بالظبط
-كتير بردو
روحو البيت و كل واحد كان هيقول لمامته عشان يسمعو الفيلم كلهم بس صفيه وميساء كانو نايمين
=ماما نايمه يا ندي
-وانا كمان ..
بحزن - خلاص تصبح علي خير
=لا استني .. ممكن نسمعه مع بعض لو حابه .. مش هاكلك مثلا لو سمعناه وحدنا
بفرح -ايواا عندك حق .. بص احنا هنسمعه ف بيتك عشان صفيه سمعتها بتقولك الصبح انها عامله محشي ف ناكل المحشي واحنا بنسمع
= سبحان الله ودنك بتسمع اي كلام عن الاكل من علي بعد ٥٠ متر
-انا شكلي هكسرلك ايدك النهارده من الضرب
= خلاص يستي يلا ادخلي نسمع الفيلم وناكل المحشي
شغل الشاشه
= ها تحبي تسمعي فيلم ايه
-شوف انت علي زوقك
= متأكده ؟!
-ايوا بس مش فيلم اكشن بلييز
=حاضر
اختار فيلم me before you
وطول الفيلم وندي بتعيط وهو يديها مناديل
= علي فكره خلصتي مناديل بيتنا !!
-شايف الغبي ازاي اختار بردو انه يموت ويسيبها ..
= متحسسنيش انك اول مره تشوفي الفيلم
-نديم لو انت مكانه كنت هتختار ايه .. يعني لو حبيت واحده و هي كمان حبتك بس انت كنت مشلول
= مش عارف بس انا حاسس بالبطل .. هو مكنش عايز يعيش معاها وهو مشلول لانها مع الوقت هتبدأ تشفق عليه و تزهق من انها تهتم بيه و هتعوز حبيب طبيعي ومش مشلول
-بس هي بتحبه بجد ف اكيد مكنش دا هيحصل
=لا كان هتشفق عليه فنهايه الطريق
-انت اصلا عمرك م هتقتنع بوجهه نظري لانك عمرك م حبيت .. لما تحب يا نديم ابقا تعالي وقولي انا اقتنعت بكلامك يا ندي
=اه صح انا عمري م حبيت .. وانتي يا تري حبيتي مين .. رامي ؟!
-يبني قولتلك متجبش سيرته تاني !!
= يلا يا ندي الوقت متأخر روحي نامي ف بيتكم
-طيب قومني عشان مش قادره اقوم ..
= طبيعي بعد المحشي الي خلصتيه كله مش هتقدري تقومي من مكانك
-الغلاسه بتمشي ف دمك بجد يعني .. قومني يلا
شدها من ايدها عشان يقومها بس كان فيه ورا رجله باسكت الزباله ف اتكعبل فيها ووقعو عالارض هما الاتنين
مشهد سلو موشن بين الاتنين الي كانو عالارض .. ندي وقعت فوقيه وهو تحتها
٢٠ ثانيه من النظر لبعض وكأنهم بيحفظو ملامح بعض ..
=طيب ايه هتفضلي واقعه عليا كتير ؟
-احم لا طبعا
وقامت
=عاجبك اهو اتكعبلت ف الباسكت الي جبتهالك عشان ترمي فيها المناديل
-تصبح علي خير
و جريت بسرعه ل شقتها وهي قلبها بيدق بسرعه
كانت مستغربه من نفسها و مش عارفه ايه الاحساس الي هي حاساه دا ..
احساس غريب عليها اول مره تحسه ومتعرفش ايه هو
بس الي كانت عارفاه ان نديم مبقاش زي الاول .. مبقتش تبصله ك اخ
*اليوم الي بعدو *
صحيت الصبح و لبست و نزلت تجيب مصاصه و شيبسي قبل لما نديم ياخدها و يوصلها الجامعه
اما نديم ف لما لبس خبط علي باب بيتهم وميساء قالتله ان ندي نزلت تشتري حاجات من السوبرماركت
وقتها خاف جداا ان ممكن تتخطف تاني و يعيدو نفس الموال
جري بسرعه عالسوبرماركت الي قريب منهم و كانت هناك واقفه بتختار هتجيب انهي شيبسي
مسكها من ايدها جامد و دفع للراجل الفلوس
-سيب ايدي يا نديم !! انا مش بهيمه عشان تمشيني وراك كدا !
وقف وساب ايدها وبصلها
بغضب = بتخرجي وحدك ليه
-ايه الي بخرج وحدي ليه !! ازاي يعني ! هو انا صغيره عشان اخرج مع حد عشان اجيب شيبسي !
= ايوه صغيره يا ندي صغيره و ممكن تتخطفي تاني و بعدين افرضي اتخطفتي تاني ها ! عارفه اد ايه عانيت وانتي مخطوفه .. عارفه كنت خايف ازاي و ازاي كان النوم طاير من عيني !!
-بغض النظر اني متخطفتش اصلا قبل كدا بس انت بتخاف عليا !
= يعني دا سؤال !! اكيد اختي وهخاف عليها
بصدمه -اخ..ت..ك؟
=ايوه .. مش انتي كمان بتخافي عليا !
بحزن-ايوه ..
=طب يلا انجري قدامي هاتي شنطتك عشان اوصلك الجامعه
-انا مش رايحه النهارده الجامعه ..
= اومال لبستي عشان تنزلي تجيبي شيبسي مثلا !
-ايوه
=يلا يا ندي متستهبليش
-نديم قولت مش رايحه !! وبعدين بطل تتحكم فيا انت مالك اروح ولا مروحش ..
= عندك حق .. روحي بيتك يلا
سابته وراحت شقتها و رمت شنطتها عالسرير وبصت للمرايه
-هو بيردلي الي عملته ولا ايه !! بيقولي ليه اني اخته
*ايه يا حبيبتي بتكلمي المرايه ليه
-ماما هو انا ونديم اخوات ؟
*ازاي يعني
-يعني هل المفروض نعامل بعض كأننا اخوات بس ؟
*هيكون فيه ايه تاني مثلا
-ماما انا حاسه بحاجه غريبه تجاه نديم مثلا انا اهو قاعده ف بيتي دلوقتي و هزقته اصلا فالشارع من شويه و مشيته وهو زعلان ومع ذلك عايزه اشوفه دلوقتي حالا .. حاسه اني مش عايزاه يفارقني ولو للحظه
*دا الحب يبنتي … انتي بتحبيه
-ايه !! لا طبعا يا ماما دا اخويا
ميساء ضحكت
*يعني تتضايقي من انه يقول انك اخته و انتي تقولي انه اخوكي عادي !
-مش عارفه يا ماما حاسه اني متلغبطه
*روحيله الشغل دلوقتي .. صفيه اتصلت بيا من شويه و قالتلي فوسط الكلام انه رجع للشغل النهارده
-بس كان واخد اجازه !
*عادي يمكن غير رأيه ورجع للشغل
-تمام انا هروحله اهو عشان اصالحه واه هاتي الدبله الي اديهالك رامي امبارح وانا مش موجوده .. ماما انا مش عايزه الشخص دا وحاسه اني مش طايقاه .. انا هديله حاجته النهارده وهنهي كل حاجه معاه
*تمام يبنتي
و نزلت من الشقه و راحت مركز الشرطه و اول حاجه عملتها انها ادت ل رامي حاجته
-كل شئ قسمه ونصيب يا رامي واحنا ملناش نصيب مع بعض
رامي مثل انه زعلان
~ ولا يهمك ان شاء الله ربنا يكرمك ب شخص احسن مني
ندي فرحت انه اتفهم الموضوع بالسهوله دي
و راحت لمكتب نديم الي اصلا كان قدام مكتب رامي
-ازيك يا نديم
كان بيبص ف ملفات بعض القضايا و مش مديها اي اهتمام
-نديم انا بكلمك علي فكره
وقتها دخلو بعض الظباط ومعاهم بنات شكلهم ممسوكين اداب
£ معلش يا نديم شوف انت قضيتهم عشان حسن مجاش انهارده وانت الوحيد الفاضي دلوقتي
= تمام
البنات دخلو فمكتب نديم وهما باصين لندي بقرف
€ اول مره اعرف ان فيه ظباط بالحلاوه دي
¥يختي دا يتاكل من حلاوته
€ اسمك ايه يعسل هيهيهيهي
ندي بصتلهم بصدمه
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية عذاب الحب" اضغط على اسم الرواية