رواية بنات المنشاوي الفصل الرابع والخمسون بقلم خلود وائل
رواية بنات المنشاوي الفصل الرابع والخمسون
في أحدي جزر المالديف وبداخل أحدي الشاليهات الراقيه التي استأجرها العروسان لقضاء أيام العمر الأولي بها كانت تجلس آيه علي طرف السرير تتحدث في الهاتف بينما يقوم سيف بترتيب الأغراض الخاصه بهم
آيه:يابنتي والله احنا كويسين أطمني بقي
ليان: البيت وحش اوي من غيركو عااااا
آيه:طب اعمل ايه ياربي أرجعلك تاني
سيف وهو يعقد حاجبيه:ترجعي فين! هاتي البت دي اما أكلمها
آيه:بس ياسيوفتي بقي دي زعلانه علشان سافرنا وبعدنا عنها
سيف :لا وانتي الصادقه دي زعلانه علشان مش هتعرف تكبس علينا
آيه: اوف منك سيبني أكلمها بقي
ليان:أيوة بقي والچيبه ضيقه بقينا نقول ياسيوفتي
آيه:بس ياكلبوبه انتي
ليان بقهقهه: ماشي ياستي أسيبكو بقي تعيشو اليومين دول سلااام
آيه:سلام
ماأن أغلقت آيه الخط حتي أتجهه اليها سيف بينما نظرت له بتعجب
آيه:في أيه!
سيف:تليفونك دة يتقفل ومتفتحيهوش غير في المطار تمام
آيه: ليه بقي انشاء الله
سيف :علشان مش عاوز اي حاجه تشغلك عني عاوزك متفكريش غير فيا وبس
آيه:ليه يعني مهيبقاش ورايا غيرك ولا ايه
سيف وهو يقترب منها:طبعا ذي منا موراييش غيرك بفكر فيكي كل ثانيه حتي وانا نايم بحلم بيكي لخبطي كياني وقلبتي كل موازيني
آيه بخجل:مش أوي كدة يعني
سيف: كدة واكتر مهما أوصفلك ياأيوو مش هقدر أوصلك ربع الحب ال جوايا ليكي فاهمه يعني أيه ملكتيني انا ببقي واحد تاني في حضنك بنسي نفسي وحياتي ومبفكرش غير في راحتك وسعادتك
آيه:ربنا يخليك ليا ويقدرني وأسعدك
سيف:يعني خلاص صافيه لبن؟
آيه:مش فاهمه!
سيف: يعني خلاص مفيش عناد و ملاوعه علي كل صغيرة وكبيرة
أومئت برأسها خجلا من أفعالها معه في الفترة الأخيرة بمعني الموافقه
سيف:لا عاوز أسمعها
آيه: حليب ياقشطه
سيف ممازحا:نستله ولا چهينه
آيه:بااايخ اوي ألش رخيص
سيف:من أبو جنيه وربع عارفه دة
آيه:لا أنت شكلك فايق وانا تعبانه من السفر وعاوزة أنام شويه
سيف وهو يمسك بيديها:تعالي هنا نوم أيه! يلا بينا ننزل البحر وبعدها نروح نتغدي في أي مطعم
آيه:يابني مش نرتاح شويه أنت علي طول جاهز كدة
سيف:انا مرتاح طول ماأنا شايفك جمبي يلا بقي متضيعيش وقت بكرة نرجع الجامعه وتقولي ولا يوم من الأيام دي
آيه:يلا بينا
توقف سيف ونظر لها متعجبا مما ترتديه:يلا أذاي بلبسك دة
آيه:امال عاوزني أنزل الميه اذاي
سيف:انا جايبلك ال هتلبسيه وحطيتهولك في الحمام
آيه:سيف اوعي يكون ال في بالي
سيف وهو يضع وجنتيها بين كفيه بحب:ايوة هو ومش عاوز أعتراض ومتقلقيش الشاليه في حته مقطوعه ذي ماأنتي شايفه يلا متتأخريش
القي سيف كلماته وتركها بالغرفه ليدلف للخارج بينما دلفت سريعا للمرحاض لتري ماذا أعد لها لتتفاجئ ببكيني مكون من قطعتين منفصلتين ذو لون أسود حملته بكف يدها بدهشة قائله:يالهوي ايه دة هو فين ال هيتلبس دة أكيد اتجنن خلاص انا هلبس دة قدامه يانهار مش فايت
بعد فترة قصيرة أرتدت آيه البيكيني ونظرت لنفسها في المرآه لتذهل من شكلها وتحمر وجنتيها خجلا محدثه نفسها:داانا لبساه لجوزي وهموت من الكسوف امال ال بيلبسوة علي الملاء دول أيه لا انا مستحيل أنزل كدة مستحيل
بحثت بين أغراضها عن روب طويل لتعثر بعد فترة علي مرادها وترتديه وتدلف للخارج لتجد سيف جالسا علي رمال الشاطئ بأنتظارها مرتديا شورت مخصص للبحر عاري الصدر أشعه الشمس تلفح عضلاته السداسيه البارزة لينتبه لوجودها ويهم بالوقوف متجهها اليها
سيف:أتأخرتي ليه ياعشقي ... أيه الروب دة لبساه ليه الوقتي
آيه بخجل:مهو البتاع ال أنت جبته دة مينفعش ألبسه كدة قدامك
سيف بضحكه رجوليه:وليه مينفعش تلبسيه قدامي
آيه:علشان عيب
سيف:اممممم طب ينفع تتكثفي مني ياأيوو
آيه:معلش انا مرتاحه كدة
أقترب سيف وبداء بفك حزام الروب وأزاحه عنها ببطئ هامسا:بس أنا مش مرتاح غير كدة
سقط الروب الحريري من علي جسدها الناعم لينظر لها سيف برغبه من شدة جمال تفاصيلها التي أبرزها ذلك الشئ الذي ترتديه الذي يظهر أكثر ما يخفي بلونه الأسود القاتم الذي أبرز بياض بشرتها الناصع وملامحها الأنثويه ليقترب منها واضعا يديه علي خصرها بتملك بينما يطبع القبلات الناعمه علي خديها
سيف بهيام:مينفعش تبقي مكثوفه معايا تاني مفهوم ياعشقي
آيه بخجل:حاضر
سيف بغمزة:أحبك وانت مطيع
حملها بين يديه ودلف بها لداخل البحر بينما تمسكت به بشدة ليسعد هو بذلك كثيرا ليقضيا فترة ليست بقصيرة داخل المياة ليذداد تقربا منها ويطبع علي شفتيها قبلات ناعمه ويديه تحاول نزع ماترتديه لتمتنع بخجل شديد ليحملها مرة أخري ويدلف بها لخارج المياة متجهها لداخل الشاليه لتنتزع يداه ماأراد أنتزاعه بالخارج ......
__________
رنا:يامساء الرخامه علي الناس النعسانه
زياد:عاوزة ايه
رنا:هتفضل قاعد في أوضتك طول اليوم لحد أمتي
زياد:لحد مانرجع البيت
رنا:وليه ياحبيبي دول يومين بناخدهم أجازة من السنه للسنه نيجي نتهوي ونفك عن نفسنا تقوم تحبس نفسك بالشكل دة
زياد: اعمل ايه يارنا مهي مش بتبقي مرتاحه في وجودي وبتقفل اي كلام مابينا عوزاني اعمل ايه هفرض نفسي عليها
رنا:ياحبيبي هي متجوزة يعني اتعامل معاها علي هذا الاساس واعتبرها أختك ذيي صدقني هترتاح لكن انت تاعب نفسك علي الفاضي
زياد:حبيتها يارنا ومش عارف أشيلها من دماغي
رنا:انت كدة هتزعلني منك يازيزو
زياد:نفسي اعرف حكايتها ايه وفين الزفت ال هي متجوزاه دة أذاي يسيب واحدة ذي القمر ذيها الفترة دي كلها وميدورش عليها دة أكيد عبيط دى لو مراتي أقسم بالله مهسيبها لحظه تبعد عني
رنا:بكرة ياحبيبي ربنا يبعتلك ال أحسن منها
زياد:بكرة بقي
رنا: تصدق انك عيل رزل والكلام معاك خسارة أصلا أنا نازله اشوف ورد ونخرج شويه مع العيال خليك أنت حابسلي نفسك هنا
زياد:طب استني بس
رنا:ياعم الحكايه مش ناقصه نكد
زياد مبتسما:خلاص ولا نكد ولا غيرة بس أدعيلي الاقي واحدة حلوة ذيها كدة ماشي
رنا :ماشي....
__________
سليم:ناوي علي ايه يابوز الشر انت
فراچ بتوعد:كل ال غلط هيتحاسب اما هي والعيل ال اتچوزته حسابهم عيكون واعر چوي
سليم :والله محد بدة يتحاسب غير فارس أخوك هو ال مقوي قلبهم علينا وعيحاميلهم ويهربهم لا وكمان واخد ال متنسمي مرته ورايح يحضر الفرح كأنه معاملش حساب لأبوك خلاص عيارة فلت
فراچ:فارس عيارة فلتان من زمان بس أبوك ال معاوزش نأكل في بعضينا وبيضحك في وشه ومواخدش باله أنه اكدة بيقويه علينا
سليم:وناوي علي ايه
فراچ بغل:أشفي غليلي منيها وبعدين هقتلها قدام ابن الحديدي واقتله بعديها بحسرته مش فراچ ال حد ياخد منيه حاچه بتاعته
سليم:اه لو أطولك ياورد
فراچ:عتعمل ايه انت التاني
سليم:لا انا مش زيك انا الحرمه ال يمسها واحد غيري متلزمنيش .... الأول أمضيها وديتها عيار بنص راسها وتخلص الليله مفايقش انا للمناهدة وبعديها أتچوز ست ستها واتنغنغ بفلوسها اما أنت غاوي وچع راس
فراچ:وجع الراس دة هيحط عليه وعلي عيلته ال فمر ياخد حاجه بتاعتي
_______________
ام عاصم:يابني يا حبيبي الأيام بتجري وانت هتفضل مستنيها ترجع ومهترجعش وعمرك بيضيع
عاصم:الله يخليكي يا ماما انا تعبان ومش عاوز اسمع الكلام دة
ام عاصم:لحد امتي يابني يعني هو عاجبك حالك دة
عاصم :ياستي انا مرتاح كدة
ام عاصم:ياعاصم حرام عليك نفسي اطمن عليك انت واختك قبل ماأموت لو بس تسمع كلامي البنات علي قفا مين يشيل انت بس تشاور
عاصم:وانا في قلبي واحدة من البنات دي كلها ومش هقدر أنساها يبقي تريحي قلبك ياماما وتقفلي علي الموضوع دة
ام عاصم:يابني منتا لازم تتجوز هو يعني ال خلقها مخلقش غيرها داأنت ألف مين تتمناك
هناء:ايه ال بتقوليه دة ياماما حرام عليكي
ام عاصم:يابنتي انا أم وخايفه علي أخوكي لحد امتي هيفضل مترهبن كدة علشان خاطرها
عاصم:انا تعبان وعاوز انام تصبحو علي خير
هناء:عجبك كدة ليه تزعليه هو بيحبها وانا متأكدة ان ربنا هيردهم تاني لبعض دة بدل ما تخليه يدور عليها راحه تخطبيله حرام عليكي ياماما عاصم قلبه قايد نار وانتي مش حاسه بيه
ام عاصم:ياهناء هيفضل معذب نفسه ومتشعلق بحبال دايبه وعمرة مهينساها غير لما يتجوز ويعيش حياته مع واحدة غيرها
هناء:انا بجد مش مصدقاكي ياماما ليه بتعملي كدة داانا قلبي بيوجعني لما بفكر في ورد وال ممكن يكون حصلها من ساعه مامشت من هنا
ام عاصم:ربنا وحدة يعلم انا بحبها قد ايه لكن يابنتي انا أم وحقي أني أحميكم من أي أذي
___________________
دعاء:كانك فضيتلي عاد ومعندكش شغل تنشغل فيه عني
فارس:انتي شغلي الشاغل يادودي هنساكي وانشغل عنك كيف يعني
دعاء:اممممم كيف البيت من غيري
فارس:مضلم كحل مينقعد فيه بلاكي أنتي الروح الحلوة ال بتحييه وتنطق الفرح بيه
دعاء:كاني سايبه چواك فراغ ولا ايه
فارس:سايبه چوايا علامه في قلبي معتروحش ولا يمحيها غير وجودك چمبي يا كل حياتي
دعاء:ربنا يرد الغايبين عنيننا ونجتمع من جديد ونفرحو سوا
فارس:اعملي حسابك انه بعد رچعه آيه لو ورد مظهرتش لبعد امتحنات آيه هنتچوز وهعمل فرح بكفايه بعد لحد أكدة
دعاء:طب وعمي
فارس:انتي هتتچوزيني اني ولا عمك!
دعاء:بس يافارس
فارس:مبسش سنين طويله وساكتين لحد كدة وكفايه ولو حكمت انا ال هقف قصادة بكفي ال حصلكم وال لسه بيخططله انه يحصل لكن اني مهسكتش واصل
دعاء بقلق:الشر أوله يندرك وأخرة لاة ياود عمي
فارس:قولي يارب
_________________
سيف:قمري سايبني وقاعد لوحدة ليه
آيه:سيبتك تشرب قهوتك وتاخد راحتك
سيف:أنتي راحتي وخدتك ❤️ أذاي هرتاح وانتي بعيدة عني
آيه:معلش والله غصب عني بس مبطقش ريحه البن خالص
سيف:مبتحبيش الشيكولاته ولا ريحه البن امال بتحبي ايه مش فاهم فين العمق يابنوتي
آيه:ماأنت لو مهتم كنت عرفت لوحدك 😅
سيف:طب قومي يلا عازمك علي شاورما
آيه بفرحه:بجد
سيف: طبعا يلا متتأخريش
آيه بفرحه طفوليه وقفزت عاليا:فوريرة مش هتأخر عليك هييييه
سيف :ياسلام علشان في شاورما يبقي فوريرة ماشي يايويتي
ارادت آيه ملابسها سريعا و دلفت للخارج برفقه سيف ممسكا بيديها ليتجه بها ليخت فاخر أستأجرة لقضاء سهرة رومانسيه أعدها لها وبينما ترتقي درجات السلم الداخليه كانت توزع أنظارها علي زوايا المكان المضاءة بالشموع علي مضي خطواتها لتتوقف علي السطح لتلمع عينها من شدة الفرحه لرؤيتها الورود الحمراء المنثورة أرضا والشموع المضاءة والبلالين الحمراء التي تملاء المكان ويتوسطه طاوله طعام بكرسيين لتشعر به يحتضنها من الخلف
آيه بسعادة لا يسعها صدرها:كل دة علشاني
سيف: وكل لحظه من عمري هعيشها علشان أسعدك فيها بس خليكي جمبي ومتفارقيش عيني لحظه لما بسمع صوتك قلبي بيرتاح ياأيوو
آيه والدموع تلمع في عينيها بشدة:ربنا يخليك لقلبي
التفت سيف ليقف أمامها ممسكا بيديها يقبلهما: لو خيروني بين روحي وبينك هختارك وانا مرتاح وفرحان ربنا يخليكي ليا ياأحلي صدفه حصلتلي في حياتي
أحتضنته آيه بشدة كأنها تختبئ بين أضلعه من شدة الفرحه بينما لم تفارقه الابتسامه التي تعلو وجهه عندما تكون بقربه ليضمها لصدرة بحنو بالغ وبعد عدة دقائق أدار سيف اليخت وانطلق به لداخل البحر مبتعدا مسافه كبيرة تسمح له بأن يحظي ببعض الخصوصيه مع محبوبته ليمسك بيديها ويتمايل معها علي أنغام الموسيقى الهادئه برقصه سلو رومانسيه ليجلسو بعدها سويا لتناول الطعام
آيه:امممممم الشاورما هنا غير
سيف:كلمت المطعم وفضلت أوصفلهم فيها ساعه وبردو مفهموش لحد مابعتلهم فيديو بطريقتها بس صراحه تسلم ايديهم أحلي بكتير من بتاعه مصر
آيه:حلوة اوي بجد
سيف:بألف هنا وراحه ياملاكي
آيه:الله يهني قلبك
سيف :الا صحيح كنتي ماسكه فيا جامد وخايفه واحنا في الميه ليه
آيه:تعرف انا عمري ما روحت البحر غير لما طلعت رحله لشرم الشيخ مع عاصم جوز أختي وكانت أول مرة أشوف البحر لما خبط فيك علي الشط فاكر
سيف:الا فاكر داأنتي يوميها هزقتيني وفرجتي عليا الأجانب
آيه:قلبك اليض بقي
سيف :ذي روحك بالظبط ❤️
آيه:يابني سيبلي حاجه حلوه أعرف ارد عليك بيها
سيف:كفايه انك معايا دي لوحدها بتسعدني
آيه:احم بتكثف بقي ارغي في اي حاجه
سيف بضحكه رجوليه : ماشي يابنوتي ..... طب ليه أول مرة تشوفي البحر مع أنكو عيله كبيرة ومبسوطين وفسحه البحر دى حاجه عاديه جدا
أبتسمت آيه بمرار :احنا فعلا عيله كبيرة ومبسوطين وفسحه البحر دى حاجه عاديه جداً عند اي حدانما مش ليا انا وأخواتي احنا قدام الناس كنا نبان مبسوطين وكويسين وعيله سعيدة وملهاش ذي لكن في الحقيقه كنا عايشين أسود ايام حياتنا لازم نفكر في الكلمه مليون مرة قبل مانقولها وطلباتنا بتيجي بطلوع الروح وخير أبونا محرومين منه وبنتعامل معامله الخدم بتوع عمي قدام الناس كنا هاديين ومبنتحركش من مكان بنقعد فيه لكن الحقيقه هيا ان ممكن جدا واحدة فينا تكون مضروبه بالحزام ومشوة جسمها أو محبوسه في الاوضه بقالها أسبوع او حتي ممنوعه من الأكل بقالها يومين سابنا نكمل تعليمنا أه طبعا بس دة مش علشان مرات عمي كانت بتزن عليه وانما لهدف تاني في دماغه كان كل عيد ميلاد لازم مرات عمي تجبلنا هديه دهب أكيد لكن مش علشان هي عاوزة كدة وانما علشان يبقي قدام الناس معيشنا في خير ومش حارمنا من حاجه لكن هو عيشنا أيام وسنين سودا لو فضلت أحكي عنها عمري مهقدر أوصفلك علشان كدة بعد ماهربت منه بقيت بجرب كل حاجه لأول مرة حتي الضحك حسيته ليه طعم تاني بعيد عنه
تمردت دمعه من عيني سيف وهوت علي خديه تأثرا بما مرت به صغيرته بينما قامت هي من مجلسها واتجهت نحوة مسحت دمعته بكف يديها بحنو قائله : بس أنت جيتلي نسيتني كل المرار ال شفته قبلك وحليت كل أيامي
أمسك سيف بيديها يطبع عليها قبلات حنونه لتصبح قبلات متفرقه علي وجهها وتنتهي بحملها بين ذراعيه كعادتها ليدلف بها لداخل اليخت فعليه الآن أن يمحو أثار الذكريات السيئه التي تحملها بين ثنيات ذاكرتها......
______________
صباحا باكرا استيقظت آيه ولم تجدة بجوارها فهبطت من السرير باحثه عنه لتجدة في المطبخ يعد طعام الافطار لتهتف قائله:صباح الجمال والورد والياسمين
سيف بأبتسامته الساحرة:صباح الهنا علي حبيبه قلبي ♥️
آيه:بتعمل ايه
سيف:بجهز الفطار وخلصت أهوة تعالي يلا
آيه:اممممم لا داأنت شكلك شيف شاطر بقي
سيف:علي قدي عاوزك بقي انتي تبهريني
زاغت بعيناها قليلا بتهرب لينظر لها بتفكير هاتفا وهو يضيق عيناه:لا متقوليش .... مبتعرفيش تطبخي.
آيه:مع الأسف الشديد
سيف:اوف بقي كدة ضيعتي احلامي الورديه يابنتي كنت قاعد اتخيل محشي الكرنب من ايدك ولا صينيه الرقاق ولا طاجن الباميه باللحمه الضاني
آيه بقهقهه:حيلك حيلك انت بتاكل الحجات دي أذاي و الچيم والتمارين
سيف:عيب عليك داأنا سيطرة
آيه:نتعلم علشان خاطر عيونك ياعم سيطرة أنت
سيف :احبك وانت مطيع
آيه:انا مطيعه علي طول بس انت ال مش واخد بالك
سيف:حصل فعلا جدا
آيه:😂😂😂😂
مضت عدة ايام وانتهي أسبوع العسل وعادا سويا لمنزلهما بالقاهرة وكانت العائله في استقبالهما
سامر:اهلا بالعريس ال مصيتنا
سيف وهو يحتضن أخاه:طبعا أخوك شبح
سامر:اه طبعا طالعلي امال ايه
صالح:الف حمدالله على سلامتك ياحبيبي
سيف وهو يقبل يد والدة:الله يسلمك يابوب
ليان وهي تحتضن آيه :وحشتيناااااي قد البحر وسمكاته وقد الكون ونجماته
آيه:وانتب كمان وحشااااني مووت
ليان:ايوة كدة البيت نور كنتي سايبه فراغ جامد
آيه:اديني جتلك اهوة
نورة بأبتسامه:نورتي بيتك ياحبيبتي
آيه وهي تحتضنها:منور بوجودك ياماما
فرح:البيت نور بوصول العرسان
آيه:حبيبتي يافروحه والله وحشتني قعدتنا سوا جدا
فرح:هنقعد وننبصت علي الأخر أهم حاجه تكوني اتبصتي في رحلتكو
آيه: اوي اوي انتي مش متخيله
ليان:بس انا متخيله وعاوزة تقرير مفصل
سيف:سامعك ياحشريه وهجيبك من قفاكي
جميعهم:😂😂😂😂
في الأعلي بغرفتهم سويا بعد فترة
سيف:حلاوته ياناس ايه الجمال دة كانت فين الحجات دي واحنا عاملين فيها مكثوفين⬇️⬇️⬇️

آيه:سيف انا عاوزة ارتاح شويه قبل ماأنزل لليان علشان ورايا مذاكرة لرب السما
سيف:متيجي وانا أذاكرلك والله مش هتندمي
آيه:يابني خليك جد شويه
سيف:تؤ جد دي مع الدنيا كلها الا أنتي
آيه:سيف بقي الله
سيف:انا بحب اسمع الجمله دي قوي
آيه بضحكه أنثويه هادئة:انت مجننووووون
بينما كان يدللها سيف بكلماته العذبه اذ بطرقات الباب ترتفع⚡⚡⚡
سيف:ام البيت دة علي ام الجواز علي سنين الأوضه دي مييييين
ليان بوداعه : انا ليان ياسيفو
آيه بقهقهه:اهراباااااي
سيف بضيق:ليان ياسيفو والله لحرمك تعدي من قدام الباب
ليان من خلف الباب: اهربي يختي ياوقعه سودة بيني جيت في وقت غلط ذي كل مرة
هرولت ليان سريعا بينما فتح سيف الباب بغضب ولمح أثرها
سيف:لو جدعه ابقي وريني ظلك هنا تاني ياليان
ليان :احنا أسفين يا صلاح
أغلق سيف الباب وعاد للداخل ليراها غارقه في السرير من الضحك بينما هداء غضبه تدريجيا دون أن يشعر فهي تمتص غضبه بضحكاتها الساحرة التي تخطف تفكيرة
سيف:ضحكتك أوي يختي
آيه:حرام عليك هتموت البت من الرعب
سيف:حرام عليها هي منا كنت مرتاح وانا مسافر وواخد راحتي علي الأخر
آيه:نيتك مش سالكه
سيف:طب تعالي نشوف الموضوع دة
____________
سيد:الست آيه رچعت بيت ال اسمه سيف دة ومعينين حراسه چامدة چوي وخروجهم من البيت بحساب ومعارفينش نوصلولها ولا نعرفو عنها أي حاجه
فراچ:عينك متغبش عنيهم خالص فاهم وكل اخبارهم توصلني ولما هي تخرچ من البيت تچيبلي خط سيرها كله
سيد:اوامرك يابيه
فراچ:اياك تغفل عن حد فيهم وأول ماتلاقي الفرصه مناسبه نفذ علي طول
سبد:حاضر يابيه
____________
ام عاصم:يابني الله يخليك اسمع كلامي وريح قلبي
عاصم:انتي مصممه تزعليني منك ليه ياماما
ام عاصم:يابني البت متتعيبش واهلها ناس محترمين نسب يشرف بصحيح
عاصم: لا حول ولا قوه الا بالله العلي العظيم ياست الكل بعد ورد مفيش واحدة تدخل قلبي
ام عاصم:عشان خاطري ياعاصم ريحني عاوزة اموت وانا مطمنه عليك انت واختك مش كتير عليا ياابني
عاصم:بعد الشر عليكي ياماما بس سبيني براحتي
ام عاصم بحزن:براحتك يابني
عاصم: الله يريح قلبك ياماما
____________
بعد عدة أيام في غرفه ليان كانت تجلس برفقه آيه يدرسان سويا استعدادا للأمتحانات التي تبداء غدا
آيه:لا بقي دي مش طريقه
ليان:اعملك ايه اكتر من كدة مش عارفه اشرحهالك اذاي
آيه:انتي هتوديني ورا الشمس بشرحك دة
دلف سيف للغرفه ليشاركهم الحديث
سيف:صوتكو عالي ليه ياجماعه
ليان:البت دي مش عاوزة تفهم خالص ومغلباني معاها
سيف:ايه ال مش فهماه يايويتي
آيه: الشابتر دة كله مش فهماه وليان بتقول ان دكتور نبيل مأكد انه هيجي في الامتحان
سيف :طب تعالي افهمهولك انا
ليان:في أوضتكو بقي بعيد عني خلوني اراجع علي السريع وانام بدري
آيه:احنا بنتطرد ولا ايه
ليان:ايون بالظبط كدة
سيف:تصبحي علي خير ياحبيبه قلبي
قبل سيف جبين ليان وأمسك بيد آيه واتجهه لغرفتهم لتدلف للداخل وتقع بنظرها علي السرير لتجد ذلك الانچيري القصير من الستان الناعم المطعم بالدانتيل الفاخر ذو اللون السماوي الذي يتناسق مع لون عينيها لتلتفت وتنظر إليه قائله:مش المفروض هنزاكر عشان عندي امتحان بكرة ولا انا بتهيقلي
سيف بأبتسامه:محنا هنذاكر بس بطريقتي انا ياروحي
آيه:انت مش معقول
سيف بغرور:منا عارف
_______________
في اليوم التالي كانت آيه تجلس في الامتحان تدون الأجابات بسلاسه كعادتها لتتوقف أمام سؤال عن الجزء الذي كانت تشرحه لها ليان الليله الماضيه لتلعنها في سرها"منك لله يا ليان انا مش فهمه اي حاجه من ال قلتيه"
شردت بذهنها قليلا لتتدفق لذهنها الاجابات لتبتسم ببلاهه وخجل لتذكرها أسلوب شرحه الجديد الذي لم يعرفه أحدا سواها فأصبحت تدون الأجابات لدي تذكرها كلماته التي شرحها بأسلوبه الخاص والمعلومات التي ارفقها بقبلات متفرقه وزعها عليها بعشق ذابت فيه ببنما من بعيد ترمقها لميس بنظرات مشاحنه ممتلئه بالحقد والكرة...🥀
يتبع الفصل الخامس والخمسون اضغط هنا
- الفهرس يحتوي على جميع فصول الرواية كاملة :"رواية بنات المنشاوي" اضغط على اسم الرواية