رواية بنات المنشاوي الفصل الرابع بقلم خلود وائل
رواية بنات المنشاوي الفصل الرابع
مر اليوم سريعا ولم تشعر به الفتيات لانشغالهم في تنظيم وترتيب الشقه التي استأجروها ووسط انشغالهم في اعمال التنظيف لم ينسو تأديه فرض ربهم وعندما حل المساء جلست الفتيات بتعب
ورد:هموت من التعب مقدراش اتحرك
آيه:انا هموت من الجوع ياناس
دعاء:انا هموت وانام
بعدما انهت دعاء كلمتها دق الباب⚡⚡⚡
ورد بتوتر:مين ال عيخبط علينا
آيه:مالك قلقتي كدة ليه متخافيش عمك وولادة عمرهم مهيعرفو طريقنا واتكلمي عدل متفتحيش علينا ابواب النار
ورد:حاضر
فتحت ورد الباب لتتفاجئ بالست تهاني تحمل بين يديها صينيه مليئه بالطعام وتقف بجوارها جارتها صديقتها ام عاصم التي تحمل ابريقا من العصير
ورد:اهلا اهلا ست تهاني اتفضلي تعالي
دخلت الست تهاني وخلفها ام عاصم لتقابلها دعاء وتحمل عنها الصينيه وتضعها علي طاوله الطعام
ورد:ليه تاعبه حالك ياخالتي وجايه شايله
تهاني:ولا تعب ولا غيرة ياحبيبتي انتو ذمانكم من الصبح علي لحم بطنكم مشوفتش ولا واحدة خرجت تجيب اكل او حتي ازازة ميه
دعاء:كتر الف خيرك ياخالتي والله تعبناكي معانا
تهاني:تعبكم راحه ياحبايبي اعرفكم دي حبيبتي وجارتي خالتكم ام عاصم حكيتلها عنكم وصممت تيجي ترحب بيكم وتتعرف عليكم
ام عاصم:بسم الله مشاء الله تبارك الخلاق فيما خلق
تهاني:لا جمال ونضافه دانا حاسه اني اول مرة ادخل الشقه بجد تسلم ايديكو يابنات
دعاء:تسلمي ياخالتي
تهاني:احكولي ياحبايبي انتو ملكوش اي قرايب
سادت دقائق من الصمت لتكسرها دعاء قائله
دعاء:لينا بعد ربنا ابن عمنا فارس ومرات عمنا صفيه بس دول مسافرين برة مصر من سنين
ام عاصم:ياحبايبي يابنتي وعايشين كدة لوحدكم
ورد:ربنا كبير ياخالتي
آيه بمرح:وبعدين ياخالتي انتو اهوة ربنا بعتكم لينا تبقو عزوتنا ولا ايه
تهاني:طبعا ياحبيبتي واي حاجه تحتاجوها اطلبوها مني علي طول
ام عاصم:وانا ياحبايبي ساكنه في العمارة ال قصادكم دى لو احتاجتو اي حاجه تعالولي علي طول
ورد:تسلمي ياخالتي
تهاني:وانتو بتشتغلو ايه بقي ياحبايبي
ورد:ها ....انا انا....
آيه :ورد دكتورة صيدلانيه لسه متخرجه من كام شهر ودعاء كمان لسه متخرجه من كليه تجارة وانا بقي اخر العنقود لسه داخله ٣هندسه
ام عاصم وتهاني:بسم الله مشاء الله ونعم التربيه يابنتي
ام عاصم:ولقيتو شغل ولا لسه بتدورو
دعاء:احنا سيبنا شغلنا في اسكندريه بس من بكرة هننزل ندور انشاء الله علي شغل
تهاني :طب نستأذن احنا بقي ونسيبكم تتعشو وتنامو ترتاحو يابنات تصبحو علي خير
البنات :تلاقو الخير
بمجرد نزول تهاني وام عصام قامت الفتيات بأغلاق الباب وجلسو يتناولون العشاء في راحه تامه
آيه:ياااه الواحد كان جعان بشكل
دعاء:بجد كتر الف خيرها الست تهاني دي
ورد:وعصير المانجا بتاع ام عصام جميل اوي
آيه:انا حاسه براحه فظيعه عمري محسيتها قبل سابق ...يمكن عشان البهيم ال اسمه فراچ مقاعدش معايا علي الاكل
ضحكت الفتيات علي كلمه آيه الاخيرة وتنهدت ورد بحزن:خايفه قوي علي صفيه مرت عمي خايفه يعملولها حاجه واتوحشتها جامد اول مرة اغيب عنها اكدة
دعاء:وانا كمان اول مرة نبات برة القصر
آيه:وانا اتوحشتها اكتر منكم بس جوايا راحه معرفاش ايه سببها حاسه كأنه هم وانزاح من قلبي
ورد:وانا كمان نفس الاحساس ياآيه
دعاء:طب وبعدين ناويين علي ايه؟
ورد:هنشتغل ونعيش حياتنا وننسي الماضي بكل ال فيه وكلها شهر ودراسه آيه تبتدي نكون اتصرفنا ونقلنا ورقها لجامعه القاهرة وانا من بكرة هنزل ادور علي شغل
دعاء:وانا كمان
آيه:وانا كمان
ورد:لا انتي لا ..انتي تذاكري وتنجي وبس ملكيش صالح بأي حاجه تانيه
آيه:طب ومالنا ال عند عمك هنعيش محرومين منه العمر كله ولا ايه!
ورد:معوزاهوش انا مرتاحه اكدة كفايه اني لاول مرة في حياتي هنام بالي مرتاح بعيد عن ظلمه
دعاء:انا بس عاوزة فارس انما ورثي معوزاهوش الفلوس والارض كانو هما السبب انه مورينا العذاب الوان من يوم ماامي وابوي مماتو وسابونا تحت رحمته
آيه بضيق:وانا مسيباش ليه جنيه واحد وحقي هاخدة يعني هاخدة كفايه انه سنين طويله بيتمتع بمالنا وعز ابونا واعملو حسابكم علي اكدة
ورد :طولي بالك ياآيه وسبيها علي ربنا وقومي يلا ننام وال مكتوبلنا هنشوفه...........
في قصر المنشاوي:*****
حسان بغضب: يعني ايه ملاقينهمشى الارض انشقت وبلعتهم ولا ايه هما يعرفو مين ولا هيروحو فين
سليم :مسبتش مكان غير ودورت فيه يابوي حتي صحابهم بتوع الجامعه دورت عنديهم واحدة واحدة
حسان:ودار اخوالهم
فراچ:روحتلهم يابوي واتخانقنا معاهم وملقيناهمش هناك
حسان وهو يضرب بعصاه في الارض:تقلبو عليهم الدنيا تجيبهملي راكعين اهنيه وساعتها همضيهم غصب عنهم واقتلهم وارتاح منيهم
سليم:والله لو في اخر الدنيا ياورد لهجيبك وادفنك حيه
ابتلعت صفيه مافي حلقها خوفا علي البنات وانسحبت بهدوء من مجلسهم وصعدت لغرفه فارس ودخلت اليه وهو بدورة كان جالسا شارد الذهن لم يشعر بدخول والدته...
صفيه:فارس ولدي
افاق فارس من شرودة ونظر لوالدته بألم:جيتي امتي يما
صفيه:متزعلش منيها ياولدي
فارس:زعلان عليهم يما كانو ذي المسجون ال بيستني يوم اعدامه وانا كنت متكتف وواقف معرفش اساعدهم ...انا قلقان عليهم معرفش هما فين ولا مع مين قلبي ممرتاحش واصل ومقادرش اسامح دعاء علي عملتها.....دلوك بس فهمت هي كانت تقصد ايه لما كلمتني بليل وقالتلي سامحني علي اي حاجه اعملها
صفيه بخوف:هي عملت اكدة غصب عنيها ياولدي
فارس:غصب عنيها كيف يما
صفيه:انا ال قلتلهم يهربو ياولدي
فارس بغضب:ايييه كيف تعملي اكدة ...لو حد من اخواتي شم خبر مهيحصلكيش طيب ليه اكدة يما لييه
صفيه بألم:كنت عاوزني اقف اتفرج عليهم واخواتك بياخدو منهم مالهم غصب عنيهم ويرموهم كيف الخدم انت عارف زين ايه ال كان مستنيهم صح ولا غلط
فارس:بس يما
صفيه:مبسش يافارس انا عارفه ومتأكدة ان ربنا مهيتخلاش عنهم وهو لوحدة قادر يوقفلهم ولاد الحلال ال يساعدوهم يرجعو حجهم من ابوك
فارس: مرتاحه في بعدهم الوقتي يما
صفيه بدموع:لا ولا عمري هرتاح وانا بعيدة عنهم بس ضميري مرتاح ياولدي امهم وصيتني عليهم وهي بتطلع في الروح وانا وعدتها اني افديهم بروحي...
فلاش باك🎞️🎞️🎞️
في احدي مستشفيات الصعيد وفي غرفه العمليات
الطبيب ١:دي خلاص بتموت منينا مهنلحقش نعملها العمليه
الطبيب٢:بتقولي ايه ياحاجه
منال :صصص صااا صغفففف صفييييييه
الطبيب١:صفيه؟؟!
منال:ااايييوووااا
خرج الطبيب من غرفه العمليات لينادي بأسم صفيه ليعود لغرفه العمليات ومعه صفيه لتلك المرأة التي تنازع الموت علي سرير غرفه العمليات
صفيه:متخافيش يامنال انا معاكي اهاه
منال بدموع تنساب من عينيها:اللللبنات البنات ياااا صصصفييه اماااانه ففففي رقبببتك
صفيه بدموع:محدش هيربيهم غيرك يامنال
منال:خللي بالك ممممنيييهم
صفيه:افديهم بروحي يامنال متخافيش عليهم
نظرت لها منال نظرة اخيرة لتفيض روحها الي بارئها تاركه خلفها ثلاثه بنات اصغرهم عمرها ٦اشهر في امانه سلفتها منال
بااااك🎞️🎞️🎞️🎞️
فارس:طب كلمتيهم يما انا هموت من قلقي عليهم
صفيه:لا ملقيتش فرصه اطلبهم يلا قبل ماحد يجي
اخرج فارس هاتفه من جيبه وطلب ورد لأن دعاء اغلقت هاتفها......رن هاتف ورد مرارا وتكرارا وفي النهايه استسلمت وقامت بالرد
ورد بخوف :الو
فارس بحنو:كيفك ياورد
ورد:بخير يافارس متقلقش
فارس:اخواتك مناح؟
ورد:كلنا بخير اطمن
فارس:انتو فين
ورد:في ارض الله
فارس:متقلقيش ياورد انا مش ذييهم وواحدة من اخواتك هربت ومعاها قلبي ♥️
ورد بأبتسامه :خدها معاك اهيه اطمن علي قلبك
ناولت ورد الهاتف لدعاء
دعاء:الو يافارس
فارس:اكدة يادعاء تموتيني من خوفي عليكي
دعاء:قلتلك يافارس راحه اخواتي عندي بالدنيا
فارس:طب وراحتي مش في بالك
دعاء:انت خابر زين ياواد عمي ان راحتك ربنا خلقني عشانها
فارس بأبتسامه: ماشي ياقلب فارس افتحي تليفونك علشان اعرف اكلمك وخدي مرت عمك عاوزة تطمن عليكم
صفيه:الو ايوة يادعاء كيفك ياحبيبتي وكيف اخواتك
دعاء:احنا مناح يما متقلقيش علينا
صفيه:انتو فين طمنيني
دعاء: احنا في مصر يما ومتخافيش اجرنا شقه عند ناس طيبين
صفيه:اقفلو عليكم بابكم واوعاكم ترجعو ....ثم اكملت باكيه :لو جاكم خبري يابنتي اوعاكم تحضرو عزايي اوعاكم تبصو وراكم يابنتي ...افرحو وعيشو حياتكم وانا كام يوم وهبعتلكم فارس يطمن عليكم متقلقوش مهنسبكوش واصل
بعد مكالمه طويله مليئه بالدموع اغلقت الفتيات باب الشقه واستسلمو جميعا للنوم بعد عناء يوم طويل لتشرق شمس الصباح وتتسلل اشعتها الذهبيه من شباك غرفه ورد لتلامس عينيها السوداء وتوقظها من النوم
ورد بتثائب:قومي ياورد كفايه فاتتك صلاة الفجر....
بعد دقائق قامت ورد وادت فرض ربها ثم ارتدت ملابسها واخذت بعضا من المال الذي اعطته اياها صفيه ونزلت من المنزل لتدخل اقرب سوبر ماركت واخذت كل مايلزم ليكون في المطبخ الخاص بها وتوجهت ناحيه صاحب المحل لتدفع الحساب
عاصم:ايه كل دة عندك عزومه ولا ايه
ورد:في حاجه اسمها مشاء الله ولا مسمعتش عنها
رفع عاصم عينيه لينظر لصاحبه الصوت الناعم ليتفاجئ بفتاه ذات جمال مهلك وشعر اسود حريري واطال النظر اليها ليفيق من شرودة علي صوتها:ايه يااستاذ هتفضل مبلم كدة كتير
عاصم:لا ابدا حسابك ١٢٧٠جنيه
فتحت ورد حقيبتها الصغيرة واخرجت منها المال وناولته لعاصم الذي رفض بدورة ان يأخذ منها المال:لا والله ابدا خلي علينا المرة دي
ورد بأقتضاب:هتاخد ولا اشتري من حد تاني
عاصم بصدمه:احم لا هاخد هاتي
ناولته ورد المال وهمت بالذهاب اما عاصم فوقف يتابع خطواتها حتي اختفي اثرها في البيت المقابل لبيته
عاصم بفرحه:انا والقمر بقينا جيران😍
صعدت ورد للشقه واعدت طعام الافطار لاخواتها وحملت صينيه العشاء وقامت بأنزالها لشقه الست تهاني ثم صعدت لشقتها لتأتي بأبريق العصير الخاص بأم عصام وتنزل مجددا لتعطيه لها
وقفت ورد امام باب شقه ام عصام وهي تحمل ابريق العصير المملؤ بعصير الفراوله الذي اعدته هي كشكر علي حسن ضيافه ام عصام ⚡⚡⚡
فتحت هناء اخت عصام الباب وهي فتاه في اوائل العشرينات ذات طابع مرح ووجع طفولي بشوش
هناء:عاوزة مين ياجميل
ورد:دة بيت ام عصام
هناء:وانا ابنها عصام ودي زنقه غسيل المواعين الحزينه
ابتسمت ورد رغما عنها :طب اديلها دة وقوليلها بتقولك ورد تسلميلي ياام عصام
هناء:ايه الكروته دي متدخلي تشكريها بنفسك
ورد :مرة تانيه انشاء الله
هناء:ابدا والله لايمكن تعالي بس تعالي
دخلت ورد بأحراج واجلستها هناء في الصالون وغابت دقائق لتنادي والدتها التي خرجت لتقابل ورد بأبتسامه
ام عصام:وليه التعب دة بس ياورد يابنتي
ورد:تعبك راحه ياخالتي
ام عصام:لازم تتغدو معانا النهاردة بقي
ورد بأحراج:مرة تانيه انشاء الله
قطع كلامهم دخول عصام من باب الشقه بدخوله المرح المعتاد:بت يانؤة انتي فين
هناء:انا هنا ياعصومي تعالي
نظر عاصم ناحيه ورد التي كانت تجلس بخجل ولم تنظر اليه
عصام بدهشه:مين المزة دي ياماما
انتفضت ورد من مكانها واستأذنت بالرحيل
ام عصام:استني يابنتي نتغدي سوا
ورد:مرة تانيه ياخالتي عن اذنك
همت بالرحيل ولكن استوقفتها كلمات عاصم:انا ممكن انزل عادي وكملي قعدتك
ورد بأقتضاب:اتفضل دة بيتك بعد اذنك
رحلت ورد ولكنها تركت علامه في قلب شاب وقع اسيرا لرونق جمالها
جلس عاصم يتسأل عن ورد لتروي له امه قصتها هي واخواتها واختتمتها بقولها:والله دول باين عليهم بنات محترمين وجمال وعلام وادب واخلاق ونظافه دول خلو شقه تهاني ولا شقه عروسه
هناء:اخواتها حلوين ذيها كدة ياماما
ام عاصم:قمرات يابت يانؤة قمرات يتاكلو اكل
عاصم بمكر:طب والاحلي هما ولا مرات ابنك ال نزلت الوقتي
ام عاصم بأبتسامه:يخرب عقلك ياواد ياعاصم داانت لسه شايفها الوقتي
عاصم:خطفت قلبي ياماما البت قمر قمر يخرب بيت كدة
هناء:طب وتغريد؟!
عاصم:ياشيخه غوري انتي وهي بقولك دي قمر وطعامه وحلاوة تقوليلي تغريد جتك سد نفسك
هناء بمرح:لا طلع زوقك حلو بجد 😂🙏
ام عاصم:اخوكي باين وقع ومحدش سمي عليه يا هناء
عاصم:يابختك ياواد ياعاصم قمر قمر يعني مفيش كلام.
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية بنات المنشاوي" اضغط على اسم الرواية