رواية بنات المنشاوي الفصل الخامس بقلم خلود وائل
رواية بنات المنشاوي الفصل الخامس
مرت الايام سريعا بحلوها ومرها واعتادت الفتيات حياتهم الجديدة فهاهي ورد تعمل بأحدي الصيدليات بجوار منزلها اما دعاء فمازالت تبحث عن وظيفه الي ان جاء اليوم الموعود حيث كانت تجلس مع فتيات الحي مساء بعد ان كونت صداقات معهم واصبحو يجتمعو سويا في منزلهم كلما حانت فرصه
دعاء:يلا ياورد هاتي عصير الفراوله آيه مجننه الدنيا
ورد:جيت اهوة احلي عصير لاحلي بنات
آيه:اممممم تسلم ايدك ياوردتي العصير حلو اوي
هناء:هاتي كوبايه كمان عشان اظبط الدايت 😂
آيه:يلا شلا ماحد حوش
تغريد:مبسوطه ياورد بالشغل في صيدليه محمد اخويا
ورد:الحمد لله دكتور محمد زوق ومحترم ربنا يخليه
تغريد:اه وسنجل كمان
هناء:العروسه هنا اهيه واشارت علي نفسها بمرح لانها تعلم ان اخيها عشق ورد منذ ان رأها اول مرة
آيه:اوعا الجمدان يامان
تغريد:رخمه اوي علي فكرة
ورد وهي تغير مسار الحديث:ملقتيش شغل يادعاء؟
دعاء بحزن:دورت كتير لحد مافقدت الامل مفيش اي وظيفه نهائي
سلمي:طب وال يجبلك وظيفه؟
دعاء:اعمله كريم كرميل من ال سلمي بتحبه
سلمي:خدي قلبي ياستي خلاص
دعاء:عندك شغل ليا
سلمي:حظك حلو محاسب من الشركه ال بشتغل فيها سافر برة مصر وساب الشغل وسامر بيه قالب الدنيا وجاب كذا محاسب بعدة بس ولا واحد عرف يظبط الحسابات زيه متفهميش ليه
دعاء بأهتمام:غريبه دي حاجه عاديه يعني
سلمي:شكلك شطرة في الحسابات يادودو
آيه بأندفاع:الحسابات دي لعبه دعاء دا هي ال كانت بتظبط حسابات شغل فارس
سلمي:مين فارس دة
ورد بتوتر:دا دا ...دا مدير شركه كانت دعاء بتشتغل عندة في اسكندريه
تغريد:دة يبقي ربنا بيحبك لو اشتغلتي في شركه الحديدي
دعاء بتعجب:انا سمعت الاسم دة فين قبل كدة!!
هناء:مين ميعرفش مجموعه شركات الحديدي جروب
ورد :بتوع ايه دول
سلمي:دول واحدة من اكبر شركات تصدير الخضروات والفاكهه في مصر ومديرها صالح بيه الحديدي وولادة سامر بيه والباشمهندس سيف
دعاء:طب وانا ممكن اتوظف عندهم
سلمي:انتي وشطارتك
دعاء:بكرة هاجي معاكي تمام
سلمي:تمام
مر الليل سريعا لتنهض دعاء صباحا وتؤدي فرضها وتمضي مع سلمي الي مقر شركه الحديدي لتأخذها سلمي لمسئوله التوظيف لتجري مع دعاء مقابله للتعيين
جلست دعاء في مقابل السيدة نهال وهي سيدة في اوائل الاربعينات من عمرها ...
نهال:اشتغلتي فين قبل كدة ياانسه دعاء
دعاء:بصراحه دي اول مرة اشتغل يامدام نهال
نهال:بس سلمي قالتلي انك كنتي بتشتغلي قبل كدة وواخدة فكرة عن شغلنا
دعاء:كنت بشرف علي حسابات شغل ابن عمي وشاطرة اوي في الحسابات متقلقيش
نهال:اسفه بس لازم يكون عندك خبرة احنا هنا مش بنهزر هنا الغلطه تكلفنا ملايين
دعاء:متقلقيش والله الحسابات دي لعبتي
نهال:طب لو اشتغلتي عندنا هتضيفي ايه للشركه
دعاء بمرح:ياخبر يامدام نهال داانا الاضافه بحد ذاتها
ابتسمت نهال رغما عنها:انا مضطرة اعينك علشان مفيش قدامي غيرك وقدامك فرصه تثبتي نفسك في الشركه وساعتها هعينك بشكل دائم قلتي ايه؟
دعاء:موافقه طبعا وممكن ابداء من دلوقتي لو تحبي
نهال:اتفضلي معايا عندنا ملف حسابات صفقه فيها حاجه مش مظبوطه خالص وريني شطارتك بقي
دعاء:عيوني
دلفت نهال وخلفها دعاء لغرفه الحسابات وجلست دعاء علي مكتب خصصته لها نهال واعطتها الملف وتركتها لتختلي بنفسها وتنطلق في مجالها الذي تعشقه وتهواة
بعد يوم عمل طويل ومرهق لدعاء اندفعت من مكانها حامله الملف الذي اعطته اياها نهال ومعه بعض الملفات واتجهت ناحيه مكتب مدام نهال
دعاء:كارثه يامدام نهال كارثه
نهال:ياساتر يارب في ايه يابنتي
دعاء: كارثه وهتحل علي الشركه فين المدير وديني للمدير حالا
نهال:انا مش فاهمه حاجه
دعاء:وصليني لمدير الشركه وهتفهمي كل حاجه
في قصر المنشاوي::::****
حسان:سبوع بحاله وملقيتهمش كيف يعني مشغل عيال ولا ايه
سليم:والله يابوي ملهمش اي اثر كأنهم متخلجوش نهائي
حسان:لازم تلاقيهم لازمن
سليم:بعمل كل ال بقدر عليه يابوي ممضيعش ولا فرصه
في الاعلي كانت تجلس صفيه مع فارس
فارس:كفايه اكدة يما لازمن اسافرلهم اطمن عليهم
صفيه:مش دلوقت يا ولدي استني الموضوع يهدي شويه
فارس:مقادرش علي بعدها يما متعودش اقضي يوم بعيد عنيها عاد
صفيه:حكم القوي ياحبيبي
.......في شركه الحديدي.........
كانت تقف بكل ثبات وثقه تناقش ماتوصلت اليه من مراجعه الملفات الخاصه بالصفقه الاخيرة وكان صالح الحديدي وولديه يستمعون اليها بأهتمام
دعاء:الغلطه دي مقصودة ياصالح بيه مفيش محاسب متخرج من ساعتين يغلط الغلط دة
سامر:وايه ال يثبت كلامك
دعاء:ال كان مسئول عن الملف دة اختلس مبالغ كبيرة جدا وحاول انه يخفي اثرة من الملف دة ولكن العجز النهائي في الميزانيه لازم بيبان في اكتر من ملف فطبعا الغبي ال عمل كدة معرفش يظبط حسابات كل الملفات التانيه فعمل ملف تاني شبيه بالملف الاساسي علشان ال يراجع وراة مياخدش باله وانما لو ركزنا اكيد هناخد بالنا كويس فرق الارقام بين الملفات مهول وفي النهايه انتو ال هتتحطو في موقف سئ مع الضرايب
سيف بأعجاب:وانتي اذاي اخدتي بالك من كل دة
دعاء:سر المهنه ياااا
سيف:سيف الحديدي
دعاء:سر المهنه ياسيف بيه
صالح بأعجاب:كتر الف خيرك يابنتي مشكورة علي مجهودك الرائع دة وليكي مكافئه طبعا ثم نظر لسامر:
الحيوان ال عمل كدة تشوف شغلك معاه فاهم
سامر بجديه:حاضر ياصالح بيه
اطالت دعاء النظر لسيف الحديدي فهو شاب يخطف الالباب ولكنها كانت تحفظ ملامحه ولا تنظر له نظرة اعجاب ففارسها هو الوحيد الذي يسلب عقلها
نهال:متبصيش لحاجه بعيدة عنك دة سيف بيه الحديدي
دعاء بتوتر:وانا دعاء المنشاوي .....متخافيش قلبي فيه واحد تاني
نهال بأعجاب:يااااه للدرجادي
دعاء :واكتر كمان
عند ورد في الصيدليه......
دلف عاصم للصيدليه ليجد دعاء منهكه في عملها ليأخذ نفس عميق ثم يذهب اليها
عاصم:لو سمحتي يادكتورة
ورد:نعم
عاصم:عاوز دوا للقلب
ورد:اسم الدوا ايه
عاصم:ورد
ورد :نعم!!
عاصم:علبه كبيرة كدة مرسوم عليها ورد
ورد :مشفتش حاجه ذي كدة قبل كدة
عاصم:ولا انا شخصيا شفت ذيها قبل كدة
ورد:حضرتك عاوز ايه
عاصم:مش عارف بصراحه من ساعه مشوفتك وقلبي مش متظبط
ورد ببرود:ممكن اوصفلك دوا يجيب اجلك وترتاح
قبل ان يرد عاصم تفاجئ بدكتور محمد صاحب الصيدليه وصديق طفولته
محمد:البشمهندس عاصم صقر منورنا هنا ..لااا انا مش مصدق نفسي
تعجبت ورد من كلمه مهندس التي سبقت اسمه ولكنها لم تتحدث ليكمل عاصم حديثه:وحشني ياحودة والله قلت اجي اشوفك
محمد:ياعم داانت نسيتني خالص
عاصم:انا اققدر بردو هو ال يعرفك يقدر ينساك
انهي جملته بنظرة لورد وكأنه يقصدها بالكلام
محمد:تعالي نشرب كوبايتين شاي عند الواد سمير ونتلم سوا وحشاني قعدتنا سوا
عاصم:تمام اسبقني انت وانا هحصلك علي طول
محمد:هتعمل ايه هنا
عاصم:هجيب علبتين دوا للحاجه
محمد:طلباتك يارياسه
عاصم:متخلع بقي متبقاش غتت
ورد بكثوف:تقدر تمشي انت يادكتور محمد وانا موجودة هنا
عاصم:قالتلك امشي يلا بلاش غتاته
رحل محمد وهو يعض علي شفتيه بضيق من عاصم لأنه لا يطيق وقوفه مع ورد التي وقع ضحيه لعيونها الفتاكه
ورد:حضرتك عاوز مني ايه
عاصم:عايزك كلك علي بعضك
ورد:احترم نفسك
عاصم:في الحلال يابنتي ايييه دماغك راحت فين
ورد:ياريت متجيش هنا تاني وانا ولا كأني سمعت حاجه
عاصم:اديني فرصه طيب
لم ترد عليه ورد وانما انسحبت بهدوء وعادت لتكمل عملها .....
في الشارع كانت تمر آيه من امام احدي الشباب وهي في طريقها لمنزل هناء لتقضي معها بعض الوقت استوقفها احد الشباب
عمار:الجميل ماشي لوحدة كدة ليه
آيه ببرود:وانت مال اهلك
عمار:ع الهادي يازبادي داانا عمار ال بيهدي الاعصار ويخلي الجو مولع نار
آيه:يلا العب بعيد ياشاطر
عمار:متيجي تلعبي معايا يامزة
آيه:انت تعرفني يلاا
عمار:نفسي اتعرف والله
آيه:ومالو يااخويا ....انخفضت آيه لمستوي ساقيها لتجذب الشبشب الذي ترتديه بيديها لتنهال به علي رأس عمار لتلقنه درسا لن ينسااه
عمار:عاااا سبيني يامجنونه الحقوني ياناس
اجتمع الناس حول تلك المشاكسه التي لاتهتم لامر احد وبصعوبه شديدة استطاعو انقاذ عمار من بين يديها...
بعد دقائق عند هناء
هناء:يخرب عقلك ياآيه دي هبت منك ع الاخر
آيه:بقولك ايه هو ال جابه لنفسه
هناء:تسلم يزميلي
في نهايه اليوم عادت دعاء وورد للمنزل وبينما كانت ورد تنهي بعض الاعمال المنزليه كانت دعاء في البلكونه تقوم بنشر بعض الملابس لتنهيها برمي ماتبقي من الماء في الشارع ليتصادف سقوطها علي عاصم المار في الشارع
عاصم:مش تفتحي ياست انتي
اختبئت دعاء لكي لا يراها عاصم ولكنه صعد ليلقن تلك الفتاه درسا قاسيا
دق عاصم الباب⚡⚡⚡⚡
ورد:مين ال بيرزع اكدة ع الباب
فتحت ورد الباب لتتفاجئ بعاصم مبتل بالكامل وعينيه مليئه بالشر الذي تبخر حين رائها
ورد:نعم عاوز ايه
عاصم بهيام:لا ابدا انا كنت طالع اشكر ال غرقتني بالميه علشان خلتني اطلع هنا واشوفك
ورد بكثوف:معلش تلاقيها اختي حقك عليا
عاصم:لا ابدا كفايه ان بسببها واقف مع قمر الحته كلها خليها كل يوم ترش عليا الميه ميهمهاش حاجه
ابتسمت ورد رغما عنها:احم عاوز حاجه تانيه يابشمهندس
عاصم :يالهوي ..احلي بشمهندس سمعتها في حياتي طالعه من بين شفايفك ذي السكر
بحركه لا اراديه اغلقت ورد الباب في وجه عاصم وهربت ضاحكه لغرفتها اما عاصم فتوجه لبيته يحدث نفسه: مشوارك طويل ياعصومي
دلف عاصم لمنزله وعندما رأته هناء وآيه انهالو عليه بالسخرية لترحل آيه لمنزلها بسعادة وتروي ماحدث لاخواتها......
بعد شهر مر سريعا وعلاقه ورد بعاصم اصبحت متطورة يوما بعد يوم ودعاء التي اثبتت كفائتها وبجدارة في شركه الحديدي و آيه التي كانت تستعد لبدء العام الدراسي الجديد بعدما قام فارس بنقل ورقها لجامعه القاهرة
دعاء:بكرة اول يوم في الجامعه ياآيه
آيه:ادعيلي انجح السنه دي بأمتياز ذي كل سنه
ورد:ربنا ميضيعلكيش تعب ياقلب اختك
آيه:هتخلصي شغلك امتي بكرة يادعاء
دعاء:بكرة هخلص بدري ليه
آيه:عاوزة كام طقم جديد للجامعه وكدة
دعاء:خلصي جامعتك وفوتي عليا بكرة ونخرج سوا
آيه:تمام
انتهي اليوم سريعا واشرقت شمس اول يوم دراسي ل آيه في عامها الجديد
هاني :مين الصاروخ دي ياعمر
عمر:مش عارف اول مرة اشوفها
هاني:جديدة دي ولا ايه
عمر:باين كدة
هاني:لا بس حكايه كفايه عنيها الزرقه دي يخرب بيت كدة
عمر:متجيب معاها سكه وتنجز
هاني:اما اشوف ..اوعا كدة
......هاني:بتدوري علي حد ياقمر
آيه:لا
هاني:انا هاني الدندراوي وانتي؟
آيه بقرف: ملكش دعوة
هاني:امممم باين عليكي متعرفنيش
آيه:لا والله محصليش القرف
هاني بعصبية:بت انتي مجنونه يابت انتي متعرفيش بتكلمي مين
آيه:هتكون مين يعني يلا ياحلو من هنا احسنلك
هاني بزعيق وامسك يديها بقوة:انا هاني الدندراوي ال بنات الجامعه بيترمو تحت رجليه
آيه: سيب ايدي ياحيوان
هنا اجتمع الطلبه حولهم لتتدخل طالبه وتدافع عن آيه
ليان:سيبها ياحيوان ...سيب ايديها
هاني:ابعدي انتي ياليان متدخليش
ليان:بقولك سيبها دى بنت خالتي انت اتجننت
ابتعد عنها هاني رغما عنه فهو ليس بند لابنه صالح الحديدي
آيه وهي تدلك يديها:متشكرة اوي ياااا
ليان:اسمي ليان
آيه:متشكرة ياليان
ليان: انتي جديدة هنا ولا ايه
آيه:باين عليا ولا ايه
ليان:اه اصل غريبه بصراحه اول مرة نشوف واحدة ترد وتزعق لهاني الدندراوي
آيه:ليه هو كان مين يعني
ليان:ابن دكتور هنا في الجامعه بس عيل فاشل وبيعيد كل سنه علشان يوقع بنات الناس بيتسلي بيهم وكدة
آيه:ونعم الاخلاق
ليان بأبتسامه:شكلنا هنبقي أصحاب
بعد يوم طويل انهت آيه يومها الدراسي وتوجهت لشركه الحديدي لتسأل عن دعاء وتخبرها موظفه الاستقبال انها في غرفه الاجتماعات
آيه:طب فين اوضه الاجتمعات دي
الموظفه:الدور الخامس تاني اوضه علي الشمال يافندم
دلفت آيه للمكان الذي وصفته لها موظفه الاستقبال لتقف امام الغرفه وتنتظر خروج دعاء.......في هذة الاثناء لفت انتباة احدي كبار الموظفين فتاه غايه في الجمال بعيون زرقاء وشعر بني قصير وخدود كالورد الجوري وشفاه بلون الكريز وجسد ممشوق ترتدي فستان طويل بنص كم وشنطه جامعيه وتمسك هاتفها وتنظر به
حامد:حضرتك موظفه هنا
آيه: لا انا بستني اختي تخرج من الاجتماع
حامد بمكر:تحبي تستنيها في مكتبي
آيه:لا شكرا انا مرتاحه هنا
حامد بنظرات قذرة:جربي مش هتندمي انامكتبي مريح وهتنبسطي
آيه بأنفعال:انت عاوز ايه ياحقير
حامد:بالهداوة ياقطه تعالي معايا ساعتين شقتي وهديكي ال تطلبيه
آيه بصياح:طلبك ملك الموت يابعيد انت اتجنيت ولا ايه
من داخل غرفه الاجتماعات ...
سامر:ايه الزعيق ال برة دة
انتبهت دعاء لمصدر الصوت وعلمت انها ايه وتنبأت بحدوث كارثه وخرجت بسرعه لتمنع آيه مما هي علي وشك فعله .....تزامن فتح باب غرفه الاجتماعات وخروج سامر وسيف ودعاء وخلفهم الموضفين لصفعه مدويه تلقها حامد من آيه
سيف بأنفعال:انتي اتجننتي يابت انتي ايه ال عملتيه دة....
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية بنات المنشاوي" اضغط على اسم الرواية