رواية بنات المنشاوي الفصل السابع والاربعون بقلم خلود وائل
رواية بنات المنشاوي الفصل السابع والاربعون
سيف بعدم تصديق:ايه ال انتي بتقوليه دة انتي اتجننتي
آيه :قلتلك جوزي انت مبتفهمش عاوز الدنيا كلها تمشي علي كيفك انت وبس امشي من هنا ياسيف واياك ترجع تاني انا مش ليك ولا عمري هكون
سيف بجنون :انتي ليا غصب عنك فاهمه ولا مليون واحد زيه هيقدر ياخدك مني وانا مش ماشي من هنا غير وانتي معايا
آيه بدموع: قلتلك امشيييي حرام عليك انت عاوز مني ايه ياما قلتلك ابعد عني انت ايه مبتحسش انا مبحبكش مبحبكش افهم بقي
تألم سيف بشدة لكلمات آيه التي تلقيها بدون مراعاه لهوسه بها ولكنه لا يعلم انها مجبورة لقول هذا وابعادة عنها
🎞️🎞️فلاش باك🎞️🎞️
امسك فراچ بفكي آيه واقترب منها بصوت هامس متوعد :حبيب القلب مشرف برة ولو مش باقيه علي عمرك روحي معاه
آيه بصراخ:سيييف سييييف
فراچ وهو يضغط علي فكها بقسوة:مش هيسمعك اهنيه ولو مش هامك حالك يبقي فكري زين في اختك ال مرميه في المستشفي تحت رحمتي ياحرام ممكن تاخد حقنه غلط تچيب أچلها ولا السنيورة ال قاعدة في جناح سي فارس احطلها سم في الوكل يخليكي تترحمي عليهم الاتنين في چنازة واحدة
بصقت آيه في وجهه مما أثار غضبه ليصفعها بكف يدة لتسقط أرضا متألمه بشدة ليجذبها فراچ من خصلات شعرها بأتجاهه
فراچ:تطلعي للبيه دة تقولي انك مرتي واننا متچوزين وتخليه يغور من اهنيه وميعاودش تاني والا وديني هدفنه مكانك وحسابك انتي معايا بعدين
🎞️🎞️باك🎞️🎞️
آيه وقلبها يعتصر ألما:ارجوك ياسيف امشي ومترجعش تاني انا كنت بلعب بيك عشان اردلك اهانتك ليا لكن مكنتش بحبك
سيف برجاء: انتي بتحبيني ياآيه عنيكي بتكدب كل كلمه بتقوليها وانا مش هسيبك انا جاي اخدك وهتجوزك واحميكي منهم
آيه:😭😭😭😭😭
سيف بحدة:انتي بتعملي في نفسك وفيا كدة ليه انطقي بترمي نفسك في النار ليه ليه مصممه تبعديني عنك مع اني بعافر عشان مفرطش فيكي انطقي
آيه بألم:اطلع برة
نظر لها سيف بغضب للمرة الآخيرة ليهتف فراچ بشماته:مش قالتلك اطلع برة مستني ايه عاد متورينا عرض كتافك وچمال خطوتك
هم سيف بالخروج بخطوات سريعه غاضبه مهزومه ليعود لمنزله خالي الوفاض مجروح الفؤاد متألم لكل كلمه تفوهت بها تلك الحمقاء التي وقفت تراقب أثرة لحين اختفي واختفي معه أخر أمل لحريتها لتفيق من شرودها علي يديه التي تعتصر معصمها بقسوة لينهال علي وجهها بالضرب لتسقط ارضا ليكمل توجيه الضربات المتفرقه بقدمه في انحاء جسدها لتصرخ متألمه بينما هو يصيح
_فيه ايه أحسن مني .... عتحبيه هو وانا لا ليه..... فيه ايه يميزة عني.... انطقي.... عتحبيه ليييه يافاچرة ..... انا احسن منه مليون مرة .... انطقي_
جلس حسان علي كرسي موضوع بالقرب منهم يشاهد افعال ابنه المشينه بجمود دون اي اعتراض لتهرع صفيه اليهم علي أثر صراخ آيه لتحاول ابعاده عنها ولكنه كان الاقوي
صفيه:حرام عليك باعد عنيها ياولدي احب علي يدك
فراچ :اسكتي يما وابعدي عني الساعه دي
صفيه:عشان خاطري ياولدي هتموت بيدك
فراچ:خليها تموت وارتاح منيها بااااااعدي
حسان:استني يافراچ قبل ماتفرفر بيدك جيب الاوراق الاول
دلف فراچ لمكتب ابيه وعاد ببعض الاوراق ثم جثي علي ركبتيه بجوار آيه ليمسك بها من تلابيب ملابسها لتعتدل في جلستها بألم وتمسك بالقلم بيديها التي ترتعش بشدة لتمضي في الاماكن التي أشار اليها ذاك اللعين
صفيه:يامرااري ياني حرام عليك ياولدي عتقول لربنا ايه
حسان :اقفلي خشمك ياوليه لدفنك مطرحك
اعتلت ابتسامه النصر علي وجهه فراچ ليتركها من بين يديه لترتمي أرضا بينما صفيه تحاول افاقتها ليتجهه نحو أبيه
فراچ:كدة تمام يبوي اروح انا للمحامي يسچل الاوراق دي عشان كل حاچه تبقي رسمي
حسان:الاوراق دي حطها في خزنه المكتب چوة لحين ماباقي اخواتها يمضو والورق يتسچل مرة واحدة لما نكون خلصنا منيهم
فراچ:وهنعملو معاها ايه دلوق
نظر حسان بنظرة يعلم فراچ مخزاها ليأمر الحراس بنقلها الي المكان الذي خصصه لحبسها والتخلص منها فيه ليلحق بهم بعد قليل اما بالاعلي فكانت دعاء تبكي بمرارة علي صرخات أختها ولكن لا تستطيع الخروج فقد اغلق عليها فارس الغرفه بحرص شديد ليمنع دخول اي احد اليها في وقت غيابه لتجلس أرضا وتتكور في نفسها مطلقه العنان لدموعها المؤلمه علها تخفف عنها الآلم الذي يجتاح جسدها
____________
⚡⚡⚡⚡⚡
هناء:مين
الطارق:انا افتحي يابنتي
هناء وهي تفتح الباب:اهلا ياتغريد اتفضلي
تغريد بأبتسامه سمجه:عصوم هنا
هناء بتأفأف:ايوة هنا عاوزاة في حاجه
تغريد:احم لا يعني بسأل عليه عادي
هناء:طيب اتفضلي
دلفت تغريد للداخل لتجلس علي احدي الكراسي الموضوعه في الصاله لتجلس هناء علي مقربه منها
تغريد:مالك يابنتي قاعدة بعيد ليه كدة
هناء:ولا بعيد ولا حاجه عادي
تغريد:امممم ماشي ... الا مفيش جديد عن ورد
هناء بحزن:ولا قديم
تغريد:بت ياهنؤة انا بفكر تكونش مثلا هي ال هربت
هناء : نعم! وهتهرب ليه انشاء الله
تغريد:عادي يعني زهقت أو كانت عامله حسابها تكوش علي كل حاجه وملقتش عاصم مديها حاجه قامت طفشت وعملت الفيلم دة علينا
هناء بضيق مكتوم: بقولك ايه يا تغريد ال بتتكلمي عنها دي ياحبيبتي تبقي مرات اخويا وانتي قاعدة تجيبي في ثيرتها في بيتها وهي مش موجودة ف ياريت تحسسي علي كلامك ياحبيبتي قبل ماتقوليه واعرفي انتي بتتكلمي عن مين واذاي بدل ماتسمعي مني كلام يزعلك
تغريد:ايه يابنتي كل دة انا بفكر معاكي بصوت عالي ... عادي يعني
هناء بحزم:لا بعد كدة فكري مع نفسك ومتجبيش ثيرة ورد غير بكل خير علشان هي متستاهلش غير كدة وعلي فكرة عاصم عمرة محب واحدة في الدنيا قداها ولا هيقدر يحب بعدها وربنا يجازي ال كان السبب في فرقتهم عن بعض
تغريد بتوجس:طب وانا مالي بتبصيلي كدة ليه هكون انا يعني ال جبت ناس تخطفهم
هناء:مثلا يعني🤷🏻♀️
تغريد :اممم هو عاصم فين
هناء:عندة شغل بيخلصه جوة في اوضته
تغريد:طب انا هدخله
هنا:حيلك حيلك تدخلي فين زمانه نام
تغريد:ايه ياهناء انتي بتعامليني كدة ليه انا وعاصم متربيين مع بعض ومفيهاش حاجه اما ادخل اواسيه في غياب مراته ومتخافيش انا مش بعض
هناء علي مضض:طيب ادخلي وياريت متتأخريش
اتجهت تغريد ناحيه غرفه عاصم وفتحت الباب لتدلف للداخل دون استأذن
تغريد:اذيك ياعاصم
عاصم بتعجب: تغريد!
تغريد:ايه المقابله دي
عاصم: مقابله ايه وبتاع ايه انتي اذاي تدخلي كدة من غير ماتخبطي
تغريد بتصنع الزعل:ايه دة ياعاصم عادي يعني احنا طول عمرنا مع بعض من امتي الحواجز دي
عاصم بضيق:حواجز ايه وزفت ايه في حاجه اسمها احترام انتي داخله اوضه راجل غريب يعني لازم تخبطي الاول افرضي كنت نايم ولا بغير هدومي ولا بتنيل علي عيني بعمل اي حاجه كان هيبقي الوضع ايه
تغريد:يوووة بقي ياعاصم انت ليه مصمم تبعدني عنك وتحط رسميات مابينا وعموما ياسيدي انا أسفه مش هكررها تاني
عاصم بأشمأزاز:وانتي عاوزة ايه الوقتي
تغريد بنظرات متفحصه لجسدة فقد كان يرتدي بنطالا قطنيا من اللون الرمادي وتيشيرت زيتوني يبرز تقاسيم جسدة المهلكه :عاوزة اطمن عليك بليز ياعصومي اديني فرصه ليه ديما بتصدني وتبعدني عنك
عاصم:انتي يابنتي بتفهمي اذاي هو ايه ال تقربي مني انتي ناسيه اني متجوز ومراتي حامل
تغريد :يووووة ماهي غارت في ستين داهيه تاخدها ولا انا هفضل طول العمر مش ماليه عينك ومركونه علي الرف
عاصم بحدة:تغرييييد الزمي حدودك واحفظي لسانك وانتي بتتكلمي عن ورد فاهمه ولا لا
اقتربت هناء من الغرفه علي أثر ارتفاع صوت عاصم لتستمع للحوار الذي يدور بينهما ريثما ارتفع صوت تغريد هي الاخري
تغريد:حرام عليك بقي ياأخي كل حاجه ورد ورد حس بيا بقي من واحنا عيال وانا بحبك ومكتوبالك لولا الهانم ال ظهرت مرة واحدة ومن ساعتها وهي خطفتك مني وروحت اتجوزتها فيها ايه احسن مني ياعاصم قولي ريحني تفرق ايه ورد عني انا ال بحبك وبتمناك اعيشلك عمري كله تحت رجليك
عاصم:انتي مش طبيعيه ياتغريد ايه الحقد والسواد دة الجواز قسمه ونصيب وانا عمري معشمتك بحاجه وسبق وقلتلك انك ذيك ذي هناء بالظبط ليه مصممه تقارني نفسك بورد
تغريد بغل :عشان انا احسن منها انا أحلي منها واعرفك قبلها وبحبك اكتر منها داانا دخلت كليه قمه مخصوص عشان خاطر اليق بيك وابقي مرات البشمهندس عاصم صقر ليه رمتني وروحتلها ليه انا ال شرياك وباقيه عليك انما هي باعتك وهربت
عاصم بنفاذ صبر: قسما بالله لو مقفلتي علي ام الموضوع دة ياتغريد لهنسي العشرة ال مابينا ومهيعجبك تصرفي ولو عرفت ان ليكي يد في ال حصل لورد هيكون يومك أسود من قرن الخروب
صاحت تغريد بجنون:ايوة ليا يد ياعاصم انا ال عرفت اهلها مكانها ولو رجع بيا الزمن تاني هعمل نفس ال عملته عشان من الاول مكانها مش في حضنك دة مكاني انا
اخرست تغريد صفعه مدويه من عاصم لتسرع هناء بالدخول للغرفه لتحول بينهم فهي تعلم ان أخيها قد بلغ من الغضب أقصاه
هناء:طول بالك ياعاصم هي متقصدش دة بس من زعلها
تغريد :لا اققصد ودة ال هي تستحقه
عاصم:اه يابنت ال****
هناء:مش كدة ياعاصم اتهدي بقي ياتغريد ولو بتحبي عاصم بجد يبقي تعرفينا اذاي نوصل للناس دي
تغريد:معرفش عنهم حاجه ولو اعرف مش هقول ياابقي انا وبس ياميبقاش خالص
عاصم:انتي مريضه
تغريد:مريضه بيك وانت ولا علي بالك طول عمرك مش حاسس بيا ولا بحبي ليك يبقي لازم تدوق وجع الحب عامل اذاي
عاصم وهو يفقد اخر ذرة من اتزانه:امشي اطلعي برة قبل ماارتكب جنايه براااا
دلفت تغريد لخارج الشقه بعدما ايقنت ان زواجها من عاصم اصبح محالا
_______________________
استعادت آيه وعيها علي أثر صدي صوت يصدع بأذنيها محاولا افاقتها بهدوء
وهدان:قومي ياست آيه فوقي الله يوفقك
آيه:منممنمممم
وهدان:بسرعه مفيش وقت
آيه:انننت ميييين
وهدان:انا وهدان ياست الناس وهدان ال جميلك في رقبته وچه اوان اسدهولك فوقي بقي فراچ بيه زمانه چاي قومي الله يباركلك
آيه بتعب:و..وهدااان ....مييين
وهدان:اني وهدان ال بشتغل عند حسان بيه ال ضيعت أجرة العمال قبل سابق وانتي سمعتيني وانا بندب حظي علي ال حوصل وانتي راچعه من المدرسه في يوم علي بوابه القصر وصعبت عليكي من غضب عمك لما يعرف واديتيلي فردة غويشه كنتي لابساها بعتها وبتمنها قبضت الفلاحين ال عيشتغلو في الارض ونچدتيني من حسان بيه
آيه بتذكر :ايوة صح ... افتكرتك
وهدان:قومي اهربك من اهنيه ياست آيه فراچ بيه ناوي علي الشر قومي بسرعه قبل مايوصل اهنيه
آيه بخوف:هروح علي فين؟
وهدان:ارض الله واسعه يابنتي المهم تنفدي من اهنيه
قام وهدان بفك قيود آيه وساعدها بالخروج من المكان بأكمله لتركض بكل ماأوتيت من قوة لتختبئ بحقول الذرة كي لا يراها أحد ومن ثم اكملت طريقها لوجهه غير معلومه لتتوقف بعد فترة طويله لتنال قسطا من الراحه لتستقل بعدها أحدي سيارات الأجرة وتبلغهه وجهتها .......
_________
جلست دعاء علي الاريكه بجوار فارس لتناول الطعام ليحاول فارس اطعامها بيديه ولكن دون فائدة فهي مضربه عن الطعام
فارس:طب عشان خاطري ولا ملييش خاطر عاد
دعاء:قلتلك خاطرك علي راسي بس ملييش نفس
فارس:لازم تاكلي حتي لو غصب عنيكي يادعاء علشان صحتك ال في النازل دي وعلاچك ال معتخديهوش ولا انتي مصممه تتعبي قلبي معاكي
دعاء:نفسي أشوف اخواتي يافارس اتوحشتهم چوي
تنهد فارس بقله حيله:حاضر ياعيون فارس هتشوفيهم وتطمني عليهم
دعاء وعلي وجهها شبح ابتسامه:چد يافارس؟
فارس:هيبقي چد لو أكلتي واخدتي علاچك وبقيتي زينه ونمتي چاري وسمعتي الكلام
دعاء:لا ممكن ابدا لو قربت للسرير ههملك الاوضه كلياتها عاد
فارس بأبتسامه حنونه:واني عمري مهضيع فرحتك ياضي العين ولازمن اعملك فرح تتحاكي بيه البلد لأيام وليالي ويكونو أخواتك چارك ونفرح كلياتنا سوا انتي مش قليله يادعاء علشان تفكري اني ممكن اعمل معاكي اكدة واستغل ضعفك
تمردت دمعه من مقلتي دعاء ليبادر فارس بمسحها بكف يديه بحنو بالغ
فارس:اكدة عتزعليني منك
دعاء:غصب عني يافارس انا تعبانه چوي موچوع قلبي 💔
فارس:بعيد الشر عنيكي وچع القلب .. وغلاوتك عندي يادعاء فترة وهتعدي ولو كلفتني روحي وهنعيش بعدها أحلي أيام العمر سوا
دعاء:يارب يافارس يارب
__________
دلف فراچ للمكان الذي احتجز به آيه ليثور غضبا عندما تفاجئ بعدم وجودها ليفجر غيظه بالحراس الذين قام بتعيينهم لحراستها
فراچ:راحت فين يابقر .... مشغل عندي شويه بهايم
حارس١: والله يافراچ بيه كانت اهنيه من اخر مرة كنت چوة وشايفها نايمه على الارض
حارس٢: والله مااتعتعت من مطرحي واصل يابيه
حارس٣(وهدان):كلياتنا كنا واقفين اهنيه يافراچ بيه ومحدش دخلها چوة من ساعه مانامت
فراچ بغضب شديد:حسابكم معايا بعدين ياشويه بهايم ان ماعرفتكم كيف تشوفو شغلكم مبقاش فراچ
_____
مساءا أمام فيلا الحديدي توقفت سيارة أجره بعد رحله سفر طويله
السائق:يا أبله وصلنا اهه
آيه بتعب شديد:ماشي ... كتر الف خيرك عاوز ايه
السائق: والله المشوار كان طويل وانا بعادتي في الطلعات ال ذيي دي باخد الف چنيه بس الطريق كان واعر چوي والوقت مستأخر ذي ماانتي شايفه ولسه هعاود تاني
آيه :خلاص خد دة تمنه أكتر من ال بتطلبه بكتير
اتسعت عيني السائق من الدهشه فقد ناولته آيه القرط الذهبي الذي كانت ترتديه لأنها لا تمتلك اي أموال لينظر لها السائق بشك قائلا:لا والنبي عتلعبي عليا عاد ومفكراني اهبل خدي ياست انتي انا عاوز فلوس والحلق الفلسو دة معتلعبيش عليا بيه
آيه بوهن وصوت مبحوح:اطلع علي اققرب محل دهب وبيعه ولو لقيته فلسو ارچع تاني هتلاقيني اهنيه
هبطت آيه من السيارة بينما انطلق السائق فرحا بما نال من أجر نظير هذة الرحله لتتجه آيه الي حارس الفيلا لتخبرة بهويتها ليتعرف عليها ويسمح لها بالدخول ليرافقها الحارس الآخر الي الداخل لتتوقف أمام البوابه الداخليه لتفتح لهم الخادمه الباب لتدلف آيه للداخل ببطئ وتتوقف خلف البوابه ريثما تخبر الخادمه ليان الجالسه برفقه عائلتها بوجود آيه
الخادمه:في واحدة برة عوزاكي ياليان هانم
ليان:مين دي يا دلال؟
الخادمه:باينها الآنسه آيه صاحبه حضرتك
ليان بدهشه ممزوجه بالفرحه:آيه !! بتتكلمي جد
أثار لفظ أسمها الغضب الكامن بداخله وهو يراقب أخته التي هرعت سريعا متجهه ناحيه البوابه لتنظر لها بذهول وصدمه لتتعالي شهقاتها وتتساقط دموعها وهي تنظر لرفيقتها التي تبدلت كليا ولم تعد كسابق عهدها
ليان : يانهار مش فايت آيه... انتي كويسه عملو فيكي أيه
آيه بدموع وتعب:انا كويسه ... فين سيف
ليان:هناك اهوة تعالي اسندي عليا
مضت آيه بضع خطوات لتتوقف بمحاذاه العائله الجالسه بأكملها تشاهد التلفاز لتتوجه اليها جميع الانظار خاصه سيف الذي ينظر لها بلؤم شديد ولكن بداخله ود لو قفز امامها ليخفيها بداخل أضلعه بعيدا عن العالم بأكمله ولكنها دائما ما تخيب آماله فقرر التعامل معها بالمثل ولأول مرة قرر الابتعاد عنها تنفيذا لرغبتها الملحه في كل مرة تراة بها لينتفض الجميع بصدمه من مجالسهم 🤯
صالح بدهشه:آيه ... ايه ال عمل فيكي كدة يابنتي
نورة:ياستار يارب اققعدي ياحبيبتي قعديها ياليان
فرح: مالك ياآيه ايه ال جرالك
سامر:دي آيه صاحبتك ياليان !!
آيه بتعب بداء يتملك من جسدها بالكامل حد الصراخ:انا جايه وطالبه حمايتك ياعمي وطلباها من دكتور سيف... ثم اشاحت بنظرها ناحيه سيف مكمله:تتجوزني ياسيف
سيف بسخريه:وهو ينفع بردو واحدة متجوزة تتجوز علي جوزها يا... ياهانم
آيه بألم يجتاح أوصالها ليستقر بقلبها:تتجوزني ياسيف؟
سيف بنبرة قاسيه:نعم! جواز ايه دة ال هتجوزة ومن واحدة زيك انتي نسيتي نفسك ولا ايه هو بمزاجك ابعد وبمزاجك اتجوزك شيفاني عيل تحت ايدك وقاعد تحت أمرك
آيه بصوت مبحوح متحشرچ:تت__جوووزنيي؟
سيف بكبرياء :لا
نورة:هو في ايه انا مش فاهمه اي حاجه متفهموني ياجماعه ايه ال بيحصل بالظبط
صالح:جواز ايه ياآيه يابنتي وانتي بحالتك دي خوديها ياليان علي فوق
ليان:حاضر يابابي يلا يا آيه
آيه وعينيها بعيني سيف :انا همشي خلاص مبقاش ليا قعاد في الدنيا بحالها بعد ماأخرج من هنا
ليان:ايه الجنان ال بتقوليه دة
سحبت آيه يديها من يدي ليان لتلتفت لجهه البوابه لتخطو بوهن شديد لتصبح الرؤيه ضبابيه لتسقط أرضا فاقدة الوعي
سيف:آاااايه
هرع سيف اليها سريعا ليضع ذراعه خلف ظهرها والاخر خلف ركبتيها ليحملها بين يديه ويرتقي درجات السلم والقلق يتملك منه وخلفه عائلته ليتوقف امام باب غرفته ويميل بجذعه قليلا ليفتح الباب ليدلف للداخل ليضعها علي الفراش كماسه غاليه يخشي عليها من الخدش
سيف بتوتر :اطلب الدكتور بسرعه ياسامر
سامر :حاضر حاضر مسافه السكه ويكون عندك
ليان بدموع:يارب ملناش غيرك يارب
صالح:لا حول ولا قوه الا بالله
نورة:متخافيش ياحبيبتي هتبقي كويسه انشاء الله اطمنو ياولاد
جلس سيف بالقرب منها يتأمل ملامحها الرقيقه المشوهه التي أثارت الغضب الكامن بداخله ليتوعد بشدة ان ينتقم لها ممن فعل بها هكذا لتمضي فترة قصيرة ليصل الطبيب ليدلف لداخل الغرفه ليقوم بفحصها بينما غادرصالح وولديه للاسفل وتحديدا بداخل مكتبه
صالح:انا عاوز افهم ايه الحكايه بالظبط ياسيف
سيف:الحكايه وما فيها***********
سامر:يااااه وكل دة وكنت مستني ايه لما يدفنوها وتروح تاخد عزاها
سيف:روحتلها وطردتني وصممت انها مراته كنت عاوزني اعمل ايه يعني
سامر:يابني دى واضحه ذي الشمس دي كانت بتحاول تبعدك عنهم عشان متتأذاش
صالح:آيه دلوقتي أمانه في رقبتنا ياسيف ولازم تتجوزها والوقتي حالا
سيف:الوقتي!! اذاي يعني
سامر مرحا:ذي السكر في الشاي
نظر له سيف بضيق ليصمت سريعا
صالح :مش وقت هزار ياسامر عيله المنشاوي دي عيله كبيرة ومش سهله واكيد مش هيسكتو ومش بعيد تلاقيهم جايين وراها دلوقتي حالا وممكن يأذوها
سامر:هيعملو فيها ايه اكتر من ال عملوة دي البت متشلفطه ياولداة
صالح:الوقتي حالا ياسامر تجيب المأذون واتنين شهود فاهم
سامر:علم وينفذ يابوب
بالاعلي انتهي الطبيب من فحص آيه لتتدثرها ليان بحنو ليترك الطبيب الغرفه ويهبط للاسفل وخلفه نورة لينضم لهم صالح وسيف
صالح:آيه عامله ايه الوقتي يادكتور
الدكتور:مخبيش عليك ياصالح بيه البنت دي اتعرضت لعنف جسدي صعب جدا وأثارة لازم تتعالج والا الموضوع هيكبر اوي ولازم علاج مكثف ونظام غذائي متكامل لأن عندها هبوط حاد في الدورة الدموية وضغطها في الارض
صالح: طب والعمل ايه يا دكتور
الدكتور:انا كتبتلها العلاج دة ولازم الوقتي حالا يتركبلها المحاليل دي وطبعا الراحه التامه والعصبيه ممنوعه وتاكل كويس وانشاء الله اسبوع كمان وهتكون بقت ذي الفل
صالح:كتر الف خيرك يادكتور
الدكتور: العفو ياصالح بيه بعد اذنك
____
نورة:حد يفهمني ياجماعه انا دماغي هتنشل مبقتش فاهمه اي حاجه
صالح برزانه:طولي بالك يانورة والوقتي هتفهمي كل حاجه
نورة:انا مبقاش فيا أعصاب البنت منظرها يقطع القلب دي متبهدله ولا كأنها كانت في معتقل لازم نبلغ عن ال عمل فيها كدة
صالح:قلتلك طولي بالك واطلعي فوق مع البنات حاولي تفوقيها وتجهزيها علشان كمان شويه المأذون هيجي يكتب كتابها علي سيف
نورة بدهش: نعم! صالح كدة كتير اوي
صالح:اسمعي كلامي يانورة مفيش وقت للشرح
نورة بهدوء:حاضر ياصالح لما نشوف أخرتها معاك
ارتقت نورة درجات السلم لتخبر الفتيات عما سيحدث بعد قليل لتمر فترة ويصل المأذون برفقه سامر ومعه الشهود ليتم عقد القرآن لتمضي آيه علي قسيمه الزواج وهي تجلس علي السرير يتملك منها التعب ويغزو جسدها الآلآلم المبرحه بعدما ساعدتها الفتيات للاعتدال في جلستها بينما يجلس سيف شارد الذهن بالاسفل بداخله الكثير من المشاعر المختلطه ولكن الاحساس السائد كان القلق والخوف عليها تلك المشاكسه التي اشتاق لعنادها وكبريائها ونظرات عينيها التي تأثرة ليفيق من شرودة علي صوت المأذون
"بارك الله لكما وبارك عليكما وجمع بينكما في خير"
صالح:الف مبروك يا سيف يابني
سيف بعمليه:الله يبارك فيك يا بابا
سامر:الف مبروك ياحبيبي
سيف:الله يبارك فيك ياسامر
دقائق وانتهي المأذون وعاد من حيث أتي لتهبط الفتيات للاسفل
فرح:الف مبروك ياسيف
سيف: الله يبارك فيكي يا فيفي
نورة:الف مبروك يا حبيبي .... اماانت ياصالح ف لينا اوضه نتكلم فيها
سامر:اوعا يابوب دة في محاكمه عسكريه النهاردة
صالح ممازحا:داانا وطني شريف والله
سامر:امممم طبعا ...خليكي حنينه عليه يانونو مش عاوزين نسمع صوت الضرب
صالح: احنا هنهزر ولا ايه يلا كل واحد علي اوضته تصبحو علي خير
جميعهم: وانت من اهل الخير
اقتربت ليان من سيف وهم يعتلون درجات السلم لتهمس له :ماكان من الاول ياسيفو ياما اتحايلت عليك
سيف:انتي هتصاحبيني ولا ايه
ليان:امممم الله يرحم يلا عريس بقي وكدة
سيف:هي عامله ايه الوقتي
ليان:هي نايمه بس خلي بالك منها علشان المحلول في ايديها وهي مش حاسه بأي حاجه حواليها
سيف:حاضر
ليان:الف مبروك ياحبيبي ربنا يسعدكو يارب
سيف:عقبالك يا غلابويه
ليان:تصبح علي خير يا خنجر
سيف: لياااان
ليان:دة انت هتشوف ايام يلا ربنا معاك😂😂
ابتسم سيف رغما عنه فحقا هو يعشق مشاكستها وكم يشتاق لسماع الاسم الذي تطلقه عليه(خنجر) من بين شفتيها فهو لايحب سماعه من غيرها ليتوقف امام باب غرفته ولأول مرة يشعر بالتوتر من فكرة تواجدة معها بنفس المكان الا انه قد عزم بداخله علي بدء صفحه جديدة لاتحمل سوي السعادة والفرحه☺️😍🥳
يتبع الفصل الثامن والاربعون اضغط هنا
- الفهرس يحتوي على جميع فصول الرواية كاملة :"رواية بنات المنشاوي" اضغط على اسم الرواية