رواية بنات المنشاوي الفصل الثالث والثلاثون بقلم خلود وائل
رواية بنات المنشاوي الفصل الثالث والثلاثون
عاصم:____
ورد:لازم نبداء حياتنا سوا علي نور من غير كدب
عاصم: بصي يا ورد ايا كان ال هتحكيه انا بحبك وشاريكي ولازم تفهمي دة كويس وعمري مهتخلي عنك ابدا ولا يهمني اعرف اي حاجه عن حياتك كانت قبلي عامله اذاي صدقيني
ورد:بس لازم تعرف صدقني
عاصم:اتفضلي احكي انا بسمعلك
ورد:اسمي ورد طايع غنيم المنشاوي من الصعيد .... ايوة صعيديه متستغربش اني لهجتي مصراويه كويسه بس انا صعيديه ابا عن جد بنت واحدة من اكبر واققدم عائلات في الصعيد وببايا ومامتي اتوفو وانا عندي خمس سنين و دعاء اختي عندها ٤سنين وآيه ٦شهور
🎞️🎞️فلاش باك🎞️🎞️
الطبيب:يا طايع بيه المدام حالتها متأخرة چوي لازمن العمليه بأسرع وقت التأخير مش لمصلحتها
طايع:بس انا خايف عليها عاد دي لسه والده بقالها شهرين وكمان اكدة بتحرمني من ان يكون عندي ولد يشيل اسمي
الطبيب: والله انا فهمت حضرتك الوضع بالظبط وليك حريه الاختيار
طايع:لا اله الا الله اللهم اني اسالك رد القضاء واللطف فيه
دلف طايع لخارج غرفه الطبيب ليستقل سيارته الفارهه ليأمر السائق بالعودة لقصره ليدلف لداخل القصر بضيق شديد ويتجهه لجناحه الخاص الذي ترقد به زوجته السيدة منال فهي سيدة في اواخر العشرينات قد نال منها المرض واهلك ملامحها الجميله وتملك من جسدها التعب الشديد ليجلس بالقرب منها بحنو ويمسد علي خصلات شعرها لتفتح عينيها بوهن شديد لتجد طايع موجها نظراته اليها يتأمل ملامحها بحنو شديد
منال بتعب:طايع..... حمد لله على سلامتك
طايع بحنو :تسلمي يا ضي العين
منال:الحكيم قالك ايه؟
طايع:سيبك منيه الحكيم دة عيعرفش حاچه واصل من بكرة هاخدك علي البندر ونروحو لاكبر حكيم اهناك
منال:عشان خاطري ياطايع انا عاوزة اعمل العمليه بالله عليك معوزاش بناتي يتيتمو من بعدي الله يخليك
اقترب منها طايع بألم ليقبل جبينها ويحتضنها لتفر من مقلتيه دمعه متمردة:خايف عليكي يامنال انتي الوحيدة ال بتهوني عليا كل حاچه مرة في حياتي خايف تروحي من بين يدي مهعرفش اعين عيني فعين البنات
منال:مهموتش دلوق يا طايع لسه قدامنا المشوار طويل لسه عاد نربي البنات ونچوزهم وكمان... كمان...
طايع:كمان ايه يامنال
منال بألم:كمان لسه هتتچوز ياطايع وتچيب للبنات أخوات رچاله يقفو چارهم لما يكبرو ويكونو سند وضهر ليهم
طايع بضيق:قلتلك اققفلي علي الموضوع دة عاد مفيش حرمه خلقها ربنا تتسمالي مره بعدك
منال بتعب:بس ياطايع__
طايع مقاطعا:مبسش يامنال انشاء الله هتعملي العمليه وتقومي بالسلامه وانا هكتب كل حاچه بأسم البنات واكدة انا خدت نصيبي من الدنيا وطلعت بيكم انتم الاربعه بس ربنا يقومك ليا بالسلامه
منال:وة بس حسان مهيسكتش واصل
طايع:وايه ال هيعرفه عاد
منال:مهتعرفوشي ؟!
طايع:يحلها ربنا المهم عندي دلوق تچهزي نفسك عشان من بكرة هنسافر مصر نعملك العمليه وتقومي بالسلامه
بعد اسبوع دلف الطبيب لداخل جناح المستشفي الذي تقيم به منال ليقترب من السرير ليلقي نظرة عليها ويدون بعض الملاحظات ليستوقفه طايع
طايع:كيفك يا دكتور
الطبيب: الحمد لله في نعمه يا طايع بيه
طايع بتوتر:طمني بالله عليك يا دكتور ام ورد اديلها سبوع تعبانه من يوم ماعملت العمليه ومفيش تحسن عاد
الطبيب:اطمن يا طايع بيه دة طبيعي جدا بالنسبه لواحدة شايله الرحم دي عمليه مش سهله ابدا وانشاء الله كمان اسبوعين وهتكون ذي الفل
طايع:الله يطمنك يادكتور
مرت الايام سريعا لتسترد منال عافيتها تدريجيا وتعود للقصر لتزاول حياتها بسلاسه لتكمل آيه السته أشهر في احضان والدتها بسعادة الي ان اتي ذلك اليوم المشئوم****
رن هاتف القصر لترد احدي الخادمات
الخادمه:الو ...
المتصل:................
الخادمه: انا لله وانا اليه راجعون
المتصل:،،،،،،،،،،،،
الخادمه:انا هبلغ طايع بيه والست منال هانم بسرعه
اغلقت الخادمه الهاتف لتتجه ناحيه الحديقه حيث تجلس منال و طايع وبجوارهما الفتيات وانضمت لهم صفيه ليقضيا وقتا عائليا
الخادمه:بيت الهواري اتصلو دلوق ياطايع بيه وعنديهم خبر لازم ابلغك بيه انت والست منال
طايع بقلق:خير يا حسنات انطقي
الخادمه: مندور بيه الهواري تعيش انت
منال بصدمه:لاة انتي بتقولي ايه يامخبله انتي ابوي زين كيف ال بتقوليه دة
صفيه:وحدي الله يا منال
طايع:لا حول ولا قوه الا بالله
منال:لاة اكيد دة كدب ابوي زين
طايع:بينا نروح نتأكد يا منال وانتي يا صفيه ديري بالك علي البنات
صفيه:في عنيا يا ابو ورد
اتجه طايع ومنال للسيارة التي يقودها السائق بسرعه جنونيه متجها لفيلا الهواري للتأكد من الخبر لتصتدم السيارة بأخري في حادثه مروعه
شخص ١:ياستار يارب چيبو الإسعاف بسرعه ياعالم
شخص٢:لا اله إلا الله الحقونا ياناس الست بتموت
شخص ٣:دة طايع بيه المنشاوي ياستار يارب
حضر الاسعاف سريعا لحمل من كان بالسيارة واتجهو لأقرب مستشفي ليتوافد بعدها افراد العائله والمقربين
في غرفه العمليات :......
الطبيب ١:دي خلاص بتموت منينا مهنلحقش نعملها العمليه
الطبيب٢:بتقولي ايه ياحاجه
منال :صصص صااا صغفففف صفييييييه
الطبيب١:صفيه؟؟!
منال:ااايييوووااا
خرج الطبيب من غرفه العمليات لينادي بأسم صفيه ليعود لغرفه العمليات ومعه صفيه لتلك المرأة التي تنازع الموت علي سرير غرفه العمليات
صفيه:متخافيش يامنال انا معاكي اهاه
منال بدموع تنساب من عينيها:اللللبنات البنات ياااا صصصفييه اماااانه ففففي رقبببتك
صفيه بدموع:محدش هيربيهم غيرك يامنال
منال:خللي بالك ممممنيييهم
صفيه:افديهم بروحي يامنال متخافيش عليهم
نظرت لها منال نظرة اخيرة لتفيض روحها الي بارئها تاركه خلفها ثلاثه بنات اصغرهم عمرها ٦اشهر في امانه سلفتها صفيه
🎞️🎞️بااااااك🎞️🎞️
ورد:وبعد ما ابويا اتوفي بقينا تحت وصايه عمي حسان ولما عرف ان كل حاجه مكتوبه بأسمنا حاول بكل الطرق انه ياخد حقنا مننا ولكن كل حاجه كانت متوثقه في الشهر العقاري وفضلنا تحت وصايته لحد ماكبرنا واستاذ عبد الله المحامي ال كان شاهد علي كتب كتابنا وقف معانا كتير قوي لكن ميقدرش يقف لعمي لما كان عاوز يجوزنا لولادة غصب عننا فمكانش قدامنا حل غير اننا نهرب ونيجي علي هنا
عاصم:احلي حاجه حصلت انك جيتي لحد هنا عشان تكوني من نصيبي
ورد: انا بتكلم جد ياعاصم لو عمي وصل لينا هيقتلنا كلنا
عاصم:محدش يقدر يأذيكي طول منا موجود انا افديكي بروحي ودمي ياورد ...... ممكن تفكريني ببالغ علشان اعرف من كام شهر لكن الحب ال حبيتهولك عدي حب سنين طويله اوي وكل يوم بيكبر جوايا عن اليوم ال قبله
ورد:ربنا يخليك لقلبي يا عصومي
عاصم:ويخليكي ليا يا بنوتي وعشقي
ورد:☺️☺️☺️
عاصم:طب ايه بقي
ورد : ايه ؟!
عاصم:لا منا مستحمل بقالي كتير
ورد: اعمل ايه يعني
عاصم:تعالي اما اققلك كلمه سر
ورد:طب نتعشي اول
عاصم: مليش فيه انا قتيل الليله دي تعالي بس هفهمك
امسك عاصم بورد من يديها بحنو واتجهها لغرفه نومهما ليبداء فصل جديد في حياتهما 🌸
في فيلا الحديدي ارتقت ليان درجات السلم متجهه لغرفه سيف بحنق لتفتح الباب وتدلف سريعا دون استئذان لتجد سيف مستلقي علي سريرة مرتديا بنطال قطني ذو لون رمادي وتيشرت من اللون الكحلي وينظر في الفراغ لينتبه لها ويعتدل في جلسته
سيف:في حاجه ياليان مالك دخله كدة من غير ماتخبطي
ليان بضيق:ايه ال انت قلته ل لآيه دة ياسيف وعرفته منين اصلا؟
سيف:هو ايه ال بتقولي عليه دة انا مش فاهم حاجه
ليان: متحورش عليا ياسيف الله يخليك انا مخنوقه لوحدي
سيف:يابنتي والله معرف انتي تقصدي ايه!
ليان:عرفت منين موضوع اهل آيه ياسيف ها ؟
سيف:وايه ال مزعلك في الموضوع دة
ليان:زعلانه علشان هي حكتلي سر واأتمنتني عليه تقوم انت بكل بساطه تروح تهددها بيه وهي فكرت اني انا ال حكيتلك
سيف:انا لا بهدد ولا نيله كل الحكايه اني كنت عاوز اخليها تتلم شويه وبعدين انتي عارفه الحوار دى منين
ليان:مش موضوعنا الوقتي .... انا عاوزة اعرف انت عرفت الموضوع دة منين؟
سيف :اققعدي ياليان الله يكملك بعقلك ياحبيبتي
ليان:قول ياسيف انا هتجنن
سيف:الموضوع وما فيه انها من اول مرة قالت اسمها بالكامل وانا حسيت اني سمعت الاسم دة قبل كدة وكل مرة كنت بفكر في حاجه بس مكنتش متأكد لغايه متأكدت انها فعلا اخت دعاء وحظها بقي اننا بنشتغل مع عيلتها من ايام ابوها الله يرحمه ف لما جمعت الموضوع اتأكدت انها هي فعلا وريثه طايع المنشاوي بس لما سامر حضر فرح بنت عمها لقيته بيحكيلي بعدها انه سمع كلام وهو هناك عن بنات طايع بيه الله يرحمه وانهم هربو فجأه من غير اسباب معروفه وعمهم قالب الدنيا عشان يلاقيهم وصدفه ان الست هانم مستخبيه في القاهرة لا وكمان اختها بتشتغل عندي والمحامي بتاعهم يقولي اصلها عاوزة تعتمد علي نفسها .... طب هتعتمد علي نفسها وتسكن في حارة بالايجار ليه لقيت ان الموضوع كله مش راكب علي بعضه وفي حاجه غلط فقلت استغل الفرصه واعرف منها
ليان:ومتعرفش بقي هما هربو ليه من عمهم؟
سيف:بصراحه لا .... انتي تعرفي
ليان :ها... انا .. لا طبعا هي حكتلي نفس ال انت قلته بس معرفش هما هربانين ليه
سيف وهو يضيق عينيه بشك:امممم ماشي
ليان بمرحها المعتاد: المهم .... انت جد في موضوع الهدنه دة ولا اي النظام
سيف وهو يمسك بدقنه:اممممم مش عارف
ليان بمرح:سفسوفي ربنا يهديكو بقي خلوني افرح بيكو
سيف:انتي اتهبلتي ياليان ولا جرالك حاجه انتي عارفه انا اكبر منها بكام سنه ولا ناسيه انها طالبه عندي
ليان:انت عندك ٣٣ سنه وهي ٢١ الفرق مش كبير وعادي يعني مش اول ولا اخر دكتور يتجوز طالبه عندة
سيف:لا دي هبت منك علي الاخر
ليان:دورها بس في المخموخ وصدقني هتلاقي كلامي مظبوط
سبف:روحي نامي ياليان
ليان وهي تمط شفتيها: ماشي تصبح علي خير
سيف:وانت من اهله
دلفت ليان للخارج تاركه سيف في دوامه من التفكير لينفض تلك الافكار التي استحوذت عليه ويتجه للفراش ليحاول النوم ولكن بلا فائدة لينتفض بضيق
سيف:يوووووة ولا هنعرف ننام في ام الليله السودة دى
اتجهه سيف ناحيه التراس ليجلس علي احدي الكراسي الموضوعه بداخله ليعقد زراعيه امام صدرة ويطيل التفكير (طب ليه لا منتا بتحبها ..... مستحيل طبعا حب ايه وبتاع ايه..... ياعم منتا كل مابتشوفها بتنشكح لا اراديا ..... دي مبتطيقنيش... لا دي واقعه فيك خالص بس هي ال بتخبي...... يوم مااتنيل واحب محبش غير واحدة هربانه من اهلها )ثم أضاف بصوت مسموع:ياتري مخبيه ايه يابنت المنشاوي
مضي المساء وهو يحمل في طياته الكثير لتشرق شمس الصباح لتبداء معها احداث اليوم التالي
استفاقت ورد من نومها لتجد نفسها وحيدة بالغرفه فأنسحبت بهدوء من السرير وارتدت الروب الخاص بها ودلفت للخارج لتبحث عن عاصم لتستمع ضوضاء قادمه من المطبخ فتخطو نحوة سريعا
ورد:صباح الياسمين ياعصومي
عاصم:ياصباح الهنا علي عيونك ياقلبي
ورد:انت بتعمل ايه كدة وقالب الدنيا حواليك
ترك عاصم مابيديه واتجهه لورد واحطها بيديه من خصرها بحنو يالغ قائلا:بجهز لوردتي فطار عشان أاكلها بأيدي ينفع ولا مينفعش
ورد بحرج:سيبني بقي يا سمسم
عاصم:اسيبك ... يالهوي داانا مصدقت امسكك بأيديا وتبقي مراتي داانا ابقي عبيط لو سبتك لحظه واحدة بعد كدة
ورد:يوة بقي اوعي كدة
سحب عاصم يديه من علي خصر ورد ووضع احدي زراعيه خلف ظهرها والاخر خلف ركبتيها وحملها بين يديه واتجهه بها لغرفه النوم
ورد :نزلني يامجنون
عاصم:هتشوفي الجنان ال علي حق الوقتي
في قصر المنشاوي وبعد الغداء جلست العائله سويا
حسان:كيف كان فرح مدحت يافارس
فارس:زين چوي يبوي
حسان:عقبال ليلتك يبني
فارس:يطول عمرك يبوي
سليم:كانه مدحت موصلش لحاچه عن بنات عماك اياك؟
فارس وهو يرتشف الشاي:لاة ... سألته چالي ان ملهمش أثر خالص
فراچ:يعني عيكونو راحو فين كان الارض انشجت وبلعتهم
سليم:ليهم يوم ونلاجيهم بس ال محيرني عاد انهم مرفعوش قضيه ولا طلبو فلوسهم
فارس:كانهم معيزينش حاچه.... الا جولي ياسليم لو رجعو واتنازلو عن كل حاچه هتعمل ايه
سليم بشر:هجتلهم واداري عارهم
فارس:كانهم ماشيين في الحرام اياك
سليم:اللحظه ال فكرو يسيبو القصر فيها لازم يدفعو تمنها ارواحهم ودي حاچه مهتهاونش فيها واصل
فراچ:كانك عتحاميلهم يافارس
فارس:دعاء تخصني وانتو عارفين دة زين وانا مهسمحش بأذيتهم ويوم متلاقوهم انا هقف في ضهرهم ومش هسمح لحد يأذيهم واصل
حسان: هتقف قصادي يافارس ولا ايه؟
فارس:العفو يبوي بس دول اخواتي ودعاء يوم ملاقيها هتجوزها ولو تمن حريتهم الفلوس هما معيطلبوهاش عاد
سليم:الله في سماه يافارس لو قلت الكلام الماسخ دة تاني لهعتبرك معاهم ومبارك عليك عداوتي
حسان بحدة:كان وجودي ملهوش لازمه عاد
فارس:العفو يبوي
سليم:مسامعش ال عيچوله يابوي!
حسان بنبرة مهددة:لساتي عايش علي وش الدنيا لما ابقي اموت ابقو اقتلو بعضكم ياولاد حسان
فراچ:بعيد الشر عنيك يبوي
حسان:الشر انتو ال عاوزين تچيبوة واعمل حسابك يافارس لو وقفت قصادي لاأنت ابني ولا اعرفك فاهم
فارس بحزن:فاهم يبوي
دلفت الخادمه لمجلسهم بتوتر قائله:هارون بيه وجماعته موچودين في الصالون البراني ياحسان بيه
حسان:قدميلهم واجب ضيافتهم ونادي ستك صفيه و ستك مرام يحصلونا
الخادمه:اوامرك يا حسان بيه
اتجهت الخادمه لغرفه صفيه ومرام لتبلغهم بنا امرها به حسان اللذي اتجهه بدورة للغرفه الفارهه التي يجلس بها هارون واخيه ماجد و ابنه سعد ووالدته وبرفقتهم نعمه التي يبدو علي وجهها علامات الامتعاض الشديد
حسان:يامرحب بهارون بيه الف خطوة عزيزة
هارون بتوتر: الله يعزك يا حسان بيه
حسان وهو يجلس بغرور:منورة قصر بنت المنشاويه يا ست نعمه
نعمه بتأفأف:منور بأهله يا حسان بيه
حسان :طبعا لازم ينور بأهله طالما مرام جاعدة فيه
هارون:واحنا چايين نعتذر منيها وناخدها بيت چوزها تنوره ولا ايه رايك ياحسان بيه
حسان:واحنا قصرنا معاها في ايه عشان تاچي تاخدها بيت چوزها عاد
سعد:بعد اذنك ياعمي احنا چايين نطايب خاطر مرام عشان تروح معاي القصر ملهوش حس ولا ينقعد فيه من غيرها واصل
حسان:وكنت انت فين لما المحروسه بنت عمك قلت أدبها عليها
سعد:انا مصدقتش حاچه في مرام ياعمي وتقدر تسألها
حسان: امال كنتو عاوزينها تعتذر من بنت عمك لا وكمان تحب علي راسها !
هارون:انا چبت نعمه بنفسها عشان تعتذر من مرام
حسان وهو يهوي بعصاه للارض: وتحب علي يدها كمان دة لو عاوزين بنتي ترجع داركم
نعمه وهي تقف بعجرفه من مجلسها:وة بنتك مين دي ال احب علي يدها انت واعي لل بتقوله ياراجل انت
انتفض سليم وهارون و جميع الموجودين من مجلسهم ماعدا حسان
سليم بصوت مسموع:انتي اتچنيتي يابت يامفعوصه انتي .... خابرة عتتكلمي اكدة مع مين يا مخبله
نعمه:تطلعو مين انتو يعني
سليم:اسيادك واسياد عيلتك يا قليله الربايه
نعمه:انا مستنضفش اچيبكم خدم عندي
اتجهه هارون سريعا ناحيه نعمه ثم هوي بكف يدة علي وجهها لترتمي ارضا من شدة الصفعه ليسود الصمت القاتل لبرهه
فراچ:زين انو لساك واعي يا هارون..... باين ماجد اخوك مكانش فاضي يربي بنته
سحب هارون نعمه من يدها لتقف امامه ليتجه بها ناحيه حسان ويلقيها امامه
هارون بحدة:اعتذري دلوق والا هقتلك واشرب من دمك يا نعمه
نعمه والدموع بدأت تتجمع في عينيها:انا اسفه ياحسان بيه
حسان :اسفك مش مقبول بالمرة قومي غوري من اهنيه
دلفت مرام وصفيه في نفس توقيت اعتذار نعمه لتتلاقي نظرات سعد ومرام لبرهه ليعاتبها بحزن من بين نظراته لها لتنظر مرام ارضا وتدلف خلف والدتها
فارس:تعالي يامرام قربي
مرام:ايوة يخوي
حسان :تعالي يامرام.....ثم اضاف بسخرية: نعمه هانم بنت ماجد بيه چايه بنفسها تعتذر منك
مرام:وة المقمات محفوظه يا نعمه دة انتي اختي الصغيرة
هارون:روحي يانعمه اتأسفي لمرام
حسان بحدة:وتحب علي يدها وراسها
نظرت نعمه بقله حيله ل والدها ماجد الذي اخفض راسه للارض ثم اتجهت ناحيه مرام بأنكسار لتقبل جبينها قائله:حقك عليا يامرام
ثم انحنت بقهرة لتقبل يديها لتمنعها مرام سريعا
مرام:بس يانعمه احنا اخوات حصل خير
انهمرت الدموع من عيني نعمه وتوعدت بداخلها ان تذيق مرام الويلات.
يتبع الفصل الرابع والثلاثون اضغط هنا
- الفهرس يحتوي على جميع فصول الرواية كاملة :"رواية بنات المنشاوي" اضغط على اسم الرواية