رواية بنات المنشاوي الفصل الرابع والثلاثون بقلم خلود وائل
رواية بنات المنشاوي الفصل الرابع والثلاثون
في شقه ورد....
عاصم:هم ياجمل
ورد:كدة كتير والله ياصومه
عاصم:يابنتي انتي محتاجه تتغذي كويس عشان المهام والواجبات ال ورانا دي
ورد:انت مبتزهقش يبني بذمتك ترضي اختك يتعمل معاها كدة
عاصم بضحكه رجوليه:هناء اختي دي ميقدرش عليها غير ربنا كلي كلي
ورد:انا بطني اتملت والله مبقتش قادرة خلاص
عاصم:امري لله قومي بينا نشيل الاكل وتعالي عشان عندنا مهمه مستعجله ضروري
ورد بخجل:يوووووة بقي
استوقف حديثهما دقات الباب ⚡⚡⚡
عاصم:مين الغتت ال جاي الساعه دي
ورد بضحكه:شوف مين
عاصم:ادخلي جوة ياريري
دلفت ورد لغرفتها بينما اتجهه عاصم ليفتح الباب ليجد والدته وهناء و دعاء وآيه
عاصم:اهلا ... ايه النور دة
جميعهم:صباحيه مباركه ياعريس
عاصم:الله يبارك فيكم اتفضلو
دلفو جميعا للداخل ليرحب بهم عاصم ويقدم لهم الكانز والجاتوة لتدلف ورد لداخل الصالون مرتديه فستان لبعد الركبه ذو لون أخضر كت مزين بورود ناعمه من الصدر واطلقت العنان لشعرها الحريري واكملت اطلالتها بأرتدائها احدي القلادات الذهبه الخاصه بها لينظر لها عاصم بأعجاب شديد وتتجه اليها الفتيات وام عاصم لأحتضانها
دعاء:البيت فاضي من غيرك ياريري
هناء:معرفتش انام من غير سهرتك امبارح مبارك ياروحي
آيه:وحشتيني يا رورو الشقه مضلمه من غيرك
ام عاصم :ايه الجمال دة كله صباحيه مباركه ياعروسه
ورد:الله يبارك فيكي ياماما
هناء:يابن المحظوظه ياعاصم
عاصم:خمسه في عينك المدورة ياهناء بطلي نق بقي
هناء بعدم اهتمام:بولي كتاه انا جوعانه
عاصم:لحقتي تهضمي الجاتوة يختي
هناء:من بدري يخويا ..... ايه رايك لو نتعشي كلنا سوا النهاردة
ورد بحنو:ياريت والله يانؤة
اتسعت عيني عاصم بغضب:ياريت ايه ياحجه انتي ....بت خلصي كنزايتك وطيري من هنا بدل مااصورلكو قتيل الليله دى
ام عاصم:😂😂😂يا واد ياعاصم اختك بتهزر معاك
عاصم:بلاش هزارها البايخ دة
هناء:طب والله منتا عارف قيمتي
ام عاصم:تعالي ياورد ياحبيبتي وريني اي حاجه عاوزة تتوضب وانا اعملهالك قبل ماننزل وسيبك من المجانين دول
ورد بعدم فهم:كل حاجه تمام يا ماما خليكي مرتاحه متحرمش منك ابدا
هناء:متسمعي الكلام ياغباء
ورد:احم .... طيب اتفضلي ياماما
دلفت ورد وام عاصم وتبعتهم هناء لداخل الغرفه
ام عاصم:متروحي ياهناء تجبيلي ميه ساقعه
هناء:بتوزعيني ليه سبيني قاعدة الله يسترك
ام عاصم :امشي يابت روحي هاتيلي ميه ساقعه
هناء:يووووة مشيت اهوة
دلفت هناء لخارج الغرفه بينما جلست ورد بارتباك لتهتف ام عاصم قائله:انا عارفه ياحبيبه قلبي انك اكيد محروجه مني بس انتي ذي هناء بنتي بالظبط
ورد:ربنا يخليكي ليا يا ماما
ام عاصم:انا عارفه ان ال مفروض تقوم بالدور دة هي والدتك الله يرحمها بس انا معتبرة نفسي مكانها ياحبيبتي دة لو ميزعلكيش يعني
ورد:انتي في نفس معزتها ياماما وربنا وحدة ال عالم
ام عاصم:ربنا يبارك فيكي ياحبيبتي ..... انا بس كنت عاوزة اطمن عليكي انتي وعاصم
ورد بأحراج:اطمني ياماما احنا كويسين
ام عاصم:يعني حصل ياحبيبتي
اطرقت ورد رأسها خجلا لتبتسم بحرج شديد لتفهم ام عاصم مقصد ورد وتهتف : لولولولولولولوووي الف الف مبروك يا حبيبه قلبي
ورد: الله يبارك فيكي يا ماما
في الخارج نظرت الفتيات لبعضهما وابتسمو بحرج ليتنحنح عاصم قائلا:عقبالكو يابنات
هناء:يااااارب
عاصم:ومالك متسربعه ليه كدة
هناء:هو انت ال يعرفك يفارقك ياعصوم 😅😅
عاصم:ايوة كدة اتعدلي
آيه:ياربي عليكو بتفكروني ب أتنين كدة اعرفهم
هناء: مين دول يا يويو
آيه:ها .... متركزيش عشان متهيسيش
هناء:ماشي يزميلي
عاصم:بطلو سرسجه بقي فين الرقه والدلع قال الطف الكائنات قال
دعاء:غلوبت اققول كدة ياعاصم والله لما زهقوني هما الاتنين
هناء:بقولكو ايه فككو من الهري دة وناولني ياصاصا ياقلب اختك البومبونيرة المقطقطه ال جمبك دي
عاصم بذهول:انتي يابت انتي ايه مبتشبعيش ابدا يخربيت كدة
هناء:بس بس بس صلي على النبي كدة عشان الحجات دي بتتنظر
دلفت ام عاصم للخارج وبجوارها ورد التي اكتست وجنتيها باللون الاحمر القاني لينتبه لها عاصم ويبتسم بمكر
عاصم:ايه ياماما زمانك كلتي ودن ورد عليا
ام عاصم: بوصيها عليك ياقلب مامتك .... مش يلا يابنات احنا طولنا هنا
هناء وهي تحتضن الوسادة وتأكل الشيكولاته:ولا طولنا ولا حاجه اققعدي ياام عاصوم دة السهرة صباحي
انتفض عاصم من مجلسه بغيظ قائلا:لا بقي انا استحملت كتير يلا يا بن من هنا ومحدش يخبط باب الشقه دي لمدة شهر فاهمه يارخمه
ضحكو جميعا لمنظر عاصم الجنوني وبرود هناء الشديد
ام عاصم:احنا اطمنا عليكو ياحبيبي ربنا يسعد ايامكو ولياليكو .... يلا بينا يابنات
اتجهت الفتيات لاحتضان ورد مرة أخرى والذهاب ليتبعهم عاصم ويغلق خلفهم الباب ويلتفت لورد ويتجهه ناحيتها
عاصم:الجميل وشه احمر كدة ليه
ورد بتوتر:ها... لا ولا حاجه
عاصم:اممممم عليا بردو
ورد:عاوز ايه ياعاصم
عاصم:عاوزك كلك علي بعضك كدة ايه الطعامه دي يخربيت كدة يالهوي
ورد:عاصم احترم نفسك
عاصم بمكر:والا ايه ؟
ورد:والا هصوت والم عليك الشارع واققولهم بيعاكسني
عاصم بضحكه رجوليه: يخربيت دي دماغ يابنتي انا جوزك واعاكسك براحتي
ورد ببلاهه:بجد!
عاصم :تعالي بس وانا هفهمك
اقتربت ورد من عاصم ليسحبها لاحضانه ويذهبا سويا لعالمهم الخاص....
صباحا في شقه دعاء وآيه
دعاء:يلا ياآيه اتأخرتي علي الجامعه
آيه:مش راحه النهاردة
دعاء:ليه كدة انتي كويسه بيكي حاجه
آيه:انا ذي الفل بس يعني الاسبوع دة محضرات اي كلام ف أنا هذاكر في البيت احسن خصوصا ان الامتحانات قربت
دعاء:ال تشوفيه لمصلحتك يا يويو اعمليه
آيه:تمام يا دودي .... المهم هتعرفي تطبخي ولا هنعمل غسيل معدة
دعاء:هبهرك استني بس عليا
آيه:يا خوفي من انبهاراتك
دعاء:عيب عليك يسطا ..... خطوبه ليان صحبتك امتي
آيه:كمان يومين انشاء الله ويعني كنت عاوزة استأذنك اني اروح اققضي اليوم معاها من الصبح عشان هي مصممه جامد
دعاء:اليوم بحاله !!
آيه:وافقي بقي الله يخليكي
دعاء:هشوف ورد اول
آيه:سيبي ورد في ال هي فيه ومتقرفيهاش بينا خليها تعيشلها يومين انا مش مصدقه انها بقت بتتكلم وبتضحك ونست العييط وفكت عن نفسها
تنهدت دعاء:منه لله سليم كان مخليها تكرة عيشتها
آيه:ربنا يهدة ويريحنا منهم بقي......
مرت عدة ايام دون احداث تذكر ف ورد وعاصم يعيشان ايام من اسعد مايكون اما دعاء وفارس فهم بأنتظار اليوم الذي يجمعهم فيه اما آيه تحاول جاهدة الابتعاد عن سيف وعدم التواجد في اي مكان يجمعهم سويا لأنها ايقنت انها واقعه في غرامه لا محاله ليأتي يوم حفل خطوبه ليان الذي حاولت آيه التهرب منها وعدم قضائه معها ولكنها رضخت لمطلب ليان بعد محاولات رفض كثيرة لتستيقظ آيه في الصباح الباكر علي صوت رنين الهاتف ⚡⚡⚡⚡ لتمسك به وتجيب بنعاس
آيه:هلووو
ليان بضيق:لا والنبي كمان لسه نايمه اصحي ياهانم الساعه بقت ٨ ونص
آيه:حرام عليكي يالينو سبيني انام وهجيلك بعد الضهر
ليان بتذمر:نو واي الوقتي حالا انا اصلا بعتلك السواق يجيبك بالعربيه اخلصي يلا بدل مااجي انا اجيبك بالبيجامه ال انتي نايمه بيها
آيه:هجيلك الوقتي الم لبن انتي هبله يابت انتي
ليان:شور يابيبي انتي لسه جايه تكتشفي دة الوقتي اخلصي بقي انا مانعه العيله كلها تفطر غير لما انتي تيجي
آيه :مش قلتلك مجنونه ..... هو خنجر اخوكي عندك ولا راح شغله
ليان بمكر:امممممم راح شغله من بدري
آيه براحه:طب كويس اووي اققفلي يلا عشان الحق البس قبل ما السواق يجي
ليان:اوكشن سلام
آيه :سلام
اتجهت ليان سريعا للحمام لتأخذ شاور سريع وترتدي ملابسها بأعتياديه التي كانت عبارة عن بنطلون جينز ازرق بلون عينيها وبلوزة نص كم من اللون الكشمير وعقصت شعرها للخلف مع خصله متمردة أمام عينيها بعفويه لتبرز جمال معالمها مع كوتشي وشنطه كروس من اللون الابيض واكملت اطلالتها بأرتدائها قلادة تحمل اسمها من الذهب الخالص لتمر دقائق وهي تلملم بعض الاغراض بداخل حقيبه بلاستيكيه صغيره لتدلف اليها دعاء
دعاء: يلا يا آيه العربيه بتاعه ليان مستنياكي تحت
آيه:خلاص والله جاهزة اهوة سلام يا دودو
دعاء بأبتسامه:سلام يا حبيبه قلبي متتأخريش يا يويو
آيه:انشاء الله ...
هبطت آيه درجات السلم لتصل لمدخل البنايه لتجد السائق ينتظرها ليفتح لها الباب الخلفي الخاص بالسيارة وسط نظرات المارة و شباب المنطقه لتركب آيه ببرود وبلا مبالاة لتنطلق بها السيارة وتصل إلى فيلا الحديدي بعد فترة طويله لتهبط آيه من السيارة حامله اغراضها لتفتح لها الخادمه البوابه الداخليه الخاصه بالفيلا لتدلف آيه للداخل
الخادمه:اتفضلي يا آيه هانم الجميع بأنتظارك علي السفرة
آيه بتوتر: ليان فين
الخادمه:معاهم يافندم
آيه:طب ممكن تناديها لو سمحتي
الخادمه :تحت امرك يافندم
غابت الخادمه لدقائق لتحضر ليان وتتجه ناحيه آيه ويعلو وجهها ابتسامه
ليان:حمد لله على السلامه ايه التأخير دة كله
آيه: الف مبروك يا عرورة
ليان:الله يبارك فيكي يا قلب العرورة تعالي يلا الفطار جاهز من بدري
آيه:فطار ايه لا فكك انا فطرت قبل مااجي انا بس هسلم واستناكي في اوضتك
ليان:دة عند ام لطفي ال بتئيد وتطفي داانا أخرت العيله كلها عن الشغل النهاردة بسببك دي فيها جنايات يا حجه
آيه:بس__
ليان بأصرار:من غير بسبسه ونونوه قداااامي
دلفت آيه بأحراج خلف ليان وعينيها ناظرتين للارض بخجل لترفعهما وتتجه بأنظارها للعائله لتلقي عليهم التحيه ولكنها تتفاجئ بذلك الوسيم الجالس امام ناظريها موجها نظراته الحارقه المشتاقه اليها فهو لم يرها منذ عدة ايام لتتسع عينيها بشدة من شدة الاحراج الذي شعرت به
صالح:بقي كدة يا آيه يابنتي دي مواعيد بردو
آيه:بعتذر يا عمي والله بس انت مكنتش ناويه اجي الوقتي خالص
نورة:بقي دة كلام يا يويو دي لينو موقفه كل حاجه علي جيتك دة حتي الفطار منعانا نفطر غير لما تيجي
آيه :معلش ياطنط نورة حقك عليا والله ثم نظرت لليان الواقفه بجوارها قائله بغيظ:بقي دى عمله تعمليها يا ست لينو !
ليان بمكر:ولسه ال جاي احلي
فرح:يلا بقي يابنات انا هموت من الجوع
سامر:يلا ياآيه البت صاحبتك دي بتعاملنا معامله اهل قريش والله
ضحكت الفتاتين وجلستا بجوار بعضهما لتبداء العائله بتناول الطعام سويا بسعادة تخللتها الاحاديث المرحه العابرة ومزاح كلا من ليان وآيه ولم تخلو من نظرات سيف التي تصرح بشدة أعجابه بتلك الخلابه التي تأثرة وتخطف انفاسه بينما تتجنبها آيه ليمر الوقت سريعا ويتجه كل من صالح وابنائه لسيارتهم ويتجه كل منهم لمقصدة
نورة:حظكو حلو ان معاكو سيف هيشرحلكو المحاضرة ال هتفوتكو النهاردة
ليان:امممم طب والله فكرة يامامي
آيه:تخطيطك مش عاجبني يانصه
ليان:ولسه هتحلي وتروق استني عليا
نورة:بتتكلمي عن ايه يالينو انا مش فاهمه حاجه
ليان:ولا حاجه مهمه ياروحي بقلك متروحي تكلمي طنط سهير تشوفي هتيجي بدري النهاردة ولا ايه النظام
نورة:اة والله فكرتيني داانا كنت ناسيه خالص بعد اذنكو يابنات
جميعهم :اتفضلي
فرح:وانا كمان هقوم اشوف تيمو عشان زمانه صحي من النوم ودة عاوز حوارات عشان ميقعدش يعيط.... البيت بيتك يايويو
آيه: الله يخليكي يافروحه
اقتربت آيه بتوعد من ليان:بقي فينا من كدة
ليان: الله وانا عملت ايه الوقتي
آيه:انا مش سألتك اذا كان هنا ولا مشي قولتيلي نزل شغله
ليان:يرضيكي ينزل شغله جعان وبعدين انتي مضايقه نفسك ليه منتي سايبه الجامعه بقالك يجي اسبوع و فايتك ال بيحصل هناك وكمان النهاردة لا انا ولا انتي هناك زمانه هيخربها
آيه بعدم فهم:هو مين ال هيخربها
ليان بغيظ:وعملالي فيها ام العريف.... يابت انتي لميس مش مضيعه فرصه وعماله تتلزق فيه وبصراحه الواد امور ويستاهل وكمان سنجل وهيضعف
آيه :طب وانا مالي
ليان :ياشيخه خلي عندك شويه دم بقي انا منك علي الاخر
آيه:عوزاني اعمل ايه يعني؟
ليان: قربي منه عرفيه انك بتحبيه اللحقيه قبل مالميس تشقطه
آيه:هو انا يابنتي كنت قلتلك اني بحبه بليز ياليان متصدقيش الوهم ال انتي اخترعتيه في دماغك وعدي اليوم علي خير
ليان بمكر:اممممم انتي حرة علي العموم دكتورة لميس جايه النهاردة
آيه بغيظ:اييييه نعم يختي ودي مين ال عزمها انشاء الله
ليان بفرحه فقد استطاعت اثارة غيرة آيه :سيف .... مقلتلك هما زمايل بقي وكدة
آيه بتوتر:وانا مالي مايعمل ال هو عايزة
ليان وهي تمط شفتيها:ممكن بردو تعالي نطلع فوق ورايا حجات كتير عاوزة رايك فيها قبل ما الفريق ال هيجهز البيت يجي
آيه:يلا بينا
صعدت الفتاتان للطابق العلوي لتتجه كلاهما لغرفه ليان ليبدائو في تنسيق اطلاله ليان ليقضو معظم الوقت في غرفه ليان لتدلف اليهم الخادمه
الخادمه:نورة هانم بتنادي علي حضراتكم علشان الغداء جاهزة
ليان:دادي جه؟
الخادمه:موجود تحت من بدري يافندم
ليان:طب روحي انتي واحنا جايين علي طول
اغلقت الخادمه الباب لتهم ليان بالوقوف لتزم شفتيها بضيق مصطنع
ليان:يوووة بقي ايه السهو دة
آيه:ايه يالينو مالك
ليان:الشوز بتاعتي كنت بفرجها لسيف ونسيتها في اوضته امبارح بليل
آيه:متروحي تجبيها يابنتي ايه الغباء دة
ليان:طب روحي انتي هاتيهالي عما ادخل التويلت
آيه بجمود:بقولك ايه انا مش راحه حته من غيرك تمام وابقي هاتيها وانتي طالعه بعد الغدا او خلي الخدامه تجبهالك تمام
ليان متصنعه الزعل:ايه يابنتي داخله فيا شمال كدة ليه انا بجد هموت وادخل التويلت وبعدين سيف زمانه لسه مجاش دة مش معادة وبراحتك.... شكرا جدا يعني
آيه بضيق:أوووف بقي يالينو
ليان:خلاص ياستي مش عاوزة منك حاجه
آيه:خلاص بقي متبقيش قموصه انا هروح اهوة
ليان:متحرمش منك يايويو
آيه:طب هي شكلها ايه او العلبه لونها ايه ولا هعرفها اذاي انا
ليان:الهيلز لونه بيبي بينك وعلبته جراي في شنطه بلاستيك لونها ابيض هتلاقيها علي الطرابيزة ال في التراس او علي السرير مش فاكرة
آيه : تمام .... هجبها واجي علي طول مش هتأخر
دلفت آيه لخارج الغرفه متجهه ناحيه غرفه سيف لتفتح بابها بتردد وتدلف للداخل وتغلق خلفها الباب لتفتح ليان باب غرفتها ما ان سمعت صوت اغلاق آيه لباب الغرفه وتتجه سريعا للاسفل لتنضم للعائله علي طاوله الطعام
نورة:امال فين آيه يالينو
ليان:فوق يامامي بتتكلم في الفون بتاعها وجايه علي طول
فرح:طب كنتي استنيها علشان هتتحرج تنزل لوحدها
ليان:انا جعانه اوووي وعاوزة اللحق اتغدي قبل ما الميكب ارتيست تيجي واتحبس فوق .... متطلع تشوف تليفونك ياسيف كنت سمعاه عمال بيرن وانا نازله وبالمرة تنادي آيه وانت نازل
سيف :الوقتي تنزل ولما اتغدي هبقي اطلع اشوف الفون
ليان بتذمر طفولي:بقي كدة صاحبتي متلاقيش حد يناديها من اهل البيت ولا تحس انكو مهتمين وبعدين مجايز تليفونك يكون بيرن وفي حاجه مهمه ولا ايه يا دادي
صالح:ليان عندها حق ياسيف قوم شوف تليفونك ولما تخلص هات آيه معاك يبني كتر خيرها انها جايه لاختك من الصبح
سيف:حاضر يابابا
ليان في سرها:ايوة كدة يابت يالينو وربنا لجوزكو غصب عنكو
فرح:بتقولي حاجه يالينو ؟
ليان:هاة لا ابدا
في نفس التوقيت كانت آيه تبحث عن الهيلز الخاص ب ليان في غرفه سيف براحه ليلفت انتباهها عدم وجود الصورة الخاصه به هو وريهام علي الكوميدينو لتقترب منه وتتأكد من عدم وجودها لتبتسم بفرحه لتتجه بعدها ناحيه التسريحه الموضوع عليها البيرفيوم الخاص بسيف لتقترب من احدي الزجاجات الموضوعه وتحملها بيديها لتستنشق رائحتها الجذابه التي تفقد الفتيات عقولهم ليتصادف دخول سيف للغرفه لتتسارع دقات قلبه لرؤيتها لتلتفت آيه سريعا لتنظر اليه بتوتر شديد لتسقط منها زجاجه البرفيوم علي الارض فتتحول لفتات
سيف : ايه ال هببتيه دة
آيه :انا.. انا... مكنش قصدي .. انا كنت....
سيف وهو يقترب من آيه ويحاول السيطرة علي غضبه:كنتي ايه انتي بتعملي ايه اصلا في اوضتي
آيه :انا كنت جايه ادور علي الجذمه بتاعه ليان ال هتلبسها النهاردة
سيف:ولما هو الموضوع كدة بتلعبي في حجاتي ليه انتي عارفه البرفيوم ال دشدشتيه دة بكام؟!
آيه:هدفعلك تمنه مش حكايه يعني
سيف:هتدفعيلي الف جنيه
آيه بأستنكار:الف جنيه ايه ياسيف انت هتحور ليه يعني جايبها منين !
سيف :دي لاكوست الاوريچينال انتي مجنونه !!!
تروي سيف قليلا حينما انتبه لأنها لاول مرة تناديه بأسمه بدون القاب او الاسماء الساخرة التي تطلقها عليه ليتلاشي غضبه تدريجيا لتنتبه آيه لشبح الابتسامه التي باتت تحاول الظهور علي ملامح وجهه الغاضبه
آيه بتردد:وايه يعني... بردو هدفعلك تمنها
سيف:حصل خير .... ثم اكمل برزانه:فداكي مليون ازازة برفيوم لاكوست و طوم فورد و سوفاچ ديور كمان ولا تزعلي نفسك
آيه بحرج وقد اصطبغت وجنتيها باللون الوردي خجلا:هو ايه ال انت قلتهم دول !
سيف بتعجب: دول اسامي البرفيومز ... متعرفيهمش
آيه:تؤ ...
سيف:اممم طيب قلتيلي بقي كنتي بتدعبسي في اوضتي علي ايه؟
آيه بصياح:مقلتلك بدور علي جذمه ليان بس اما اشوفها وانا هضربها بيها
سيف:اهدي ياشبح انتي بتتحولي في ثانيه ليه كدة مكنتي بسكوته من شويه قلبتي ليه كدة
آيه:نعم!! مين دى ال بسكوتايه
سيف:احم .... متحاوليش تتهربي من السؤال
آيه:منا قلتلك كنت بدور علي جذمه ليان! في حاجه في كلامي مش مفهومه
سيف:وهي الجذمه هتعمل ايه علي التسريحه!
آيه:عادي يعني زهقت من التدوير فكنت بدور قدام التسريحه والفضول خلاني امسك البتاعه بتاعتك دى اشوفها واتفاجئت انك دخلت حتي من غير ماتستأذن
سيف بأبتسامه جانبيه:استأذن وانا داخل اوضتي !
آيه :ايوة تستأذن طالما انا هنا تستأذن واضح؟
سيف :وهو انتي ناويه تسكني في اوضتي ولا ايه ولا كل شويه هدخل الاقيكي هنا ... تكونيش مراتي وانا معرفش!
آيه :وهو انت تطول يا سيف يا حديدي
سيف:داانا اطول ونص وتلت وتلات ارباع كمان يابنت المنشاوي اققفي معوج واتكلمي عدل بدل ما اجبلك عمك يلمك
آيه بتحدي:والنبي وانت بتمسكني من ايدي ال بتوجعني ابقي خلي بالك من ايدي السليمه علشان هعلم بيها عليك
سيف بأعجاب :ياشيخه
آيه ببرود :اه والله دة انا اعجبك اوي بس انت لسه متعرفنيش
سيف ماكرا: احب اتعرف والله
آيه بأحراج:انت قليل الادب ومش محترم
سيف:مابلاش الطريقه دى معايا ولا نسيتي شرم الشيخ
اشتعلت اعين آيه غضبا:ايه يابا انتي فكرني كدة هسكتلك يعني انا مبخافش فاهم وقلتلك قبل كدة القلم بردة اتنين ووصلك مني واحد في اوضتك هنا ولسالك واحد بس متستعجلش علي رزقك
كور سيف قبضه يديه غيظا:اهدي يا آيه ومتنسيش الهدنه ال مابينا علشان خاطر ليان
تنهدت آيه بضيق:لا اله إلا الله..... لو سمحت هات ام الجذمه وخليني امشي
سيف:معرفش هي فين اسألي ليان
آيه بأقتضاب: ماشي بعد اذنك
امسك سيف بمعصم آيه سريعا ليمنعها من الخروج قائلا:استني بس
نظرت آيه ليديه بشرز محذرة آياه ليتركها سيف سريعا
سيف:انا أسف بس مش عاوز كل شويه نمسك في خناق بعض وبعدين انا بدأت الهدنه بأني منعت دكتورة لميس من انها تسقطك ودة اثبات لحسن نيتي والنهاردة خطوبه ليان واحنا اققرب اتنين ليها فبلاش اي مشاكل تحت اي سبب الله يخليكي
آيه:سبق وقلتلك عاوزين تسقطوني اعملوها عادي مش فارقه كتير وبالنسبه للهدنه بتاعتك دي ف انا بدأتها زمان ليله ما ..... اطرقت آيه رأسها بخجل للارض
سيف: ليله ما ايه كملي قولي ال عندك
آيه بتردد:ليله ما جيتلك في الفندق واحنا في شرم الشيخ ولقيتك مع الخواجايه كنت جايه وناويه اعتذر عن المواقف البايخه ال كانت بينا بس انت ضربتني قلم عمري محد ضربهولي قبل كدة
سيف بألم:هو كان في حد بيضربك قبل كدة
آيه بضيق:متاخدش في بالك .... انا معاك جدا اننا نبطل مشاكل علشان خاطر ليان وبالنسبه لدكتورة لميس ف الموقف الاهبل بتاعها دة مفرقش معايا نهائي تصدق انا اصلا نسيت اسمها لميس ايه
سيف بأندفاع:طب بقالك اسبوع بحاله مبتجيش الجامعه ليه؟
آيه بتعجب:انت اخدت بالك اذاي
سيف بتردد: احم ... مش طالبه عندي و الوحيدة ال عملتلي بحث مهم لا وكمان وقفت تشرح مكاني وكأنها قديمه في المهنه
آيه بأبتسامه:بس ايه رايك انفع ولا منفعش؟
سيف:تنفعي طبعا داانتي طلعتي استاذة
آيه:الله يخليك
سيف:ها مبتجيش ليه........ انا.... انا بس بسأل علشان الامتحنات قربت وكدة يعني
آيه بعدم تصديق:اه اه مهو .... اصل اختي اتجوزت وكنت برتب شويه حجات انا ودعاء وكدة يعني
سيف بعدم تصديق:اه طبعا ... تمام
دلفت ليان للغرفه دون طرق الباب الذي كان مفتوحا لتجد آيه وسيف يتحدثان بهدوء لم تعهدة من قبل لتنظر لهما بسعادة وتقترب منهمها متنحنحه لكي ينتبهو لوجودها
ليان:احم احم يا ناس ياعسل هادم اللذات وصل
سيف:تعالي ياليان صاحبتك دايخه علي الجذمه بتاعتك ومش لقياها
ليان بتصنع:ايه دة يايويو كل دة ومش لقياها دة الاكل برد تحت انا حطاها في ضلفه الدولاب دي
آيه وهي تضيق عينيها:عيناها وفي الدولاب !! انتي مش نسياها ولا انا بتهيقلي؟!
ليان:ها ... اه منا كنت بفرجها لسيف ونسيتها عندة في الدولاب ... يلا بقي الغدا برد وانا جعانه اوي
آيه وهي تتجه للخارج :ماشي يالينو
طوق سيف رقبه ليان بذراعه وهو يمشي جوارها قائلا بهمس:التليفون مكانش بيرن ولا حاجه يا بركه دة كان علي الشاحن في معاد مابحطه كل يوم
ليان بضحكه مستفزة:هههه معلش يابيبي شكلي خربط وانا ماشيه
سيف: امممم نعدي الليله ونشوف
ليان وهي تهرب من سيف :لا والنباااي
سيف:هتروحي مني فين يالينو
اجتمعت العائله حول مائدة الطعام الفارهه لتناول الطعام للمرة الثانية ليختلس سيف نظرات خاطفه لتلك المشاكسه التي اخترقت حصونه بينما كانت تتجنب هي النظر اليه لأنها تشعر بأنها ستكشف امامه كأن عشقها مدون علي وجنتيها
مر الوقت رويدا رويدا ليتجه كل فرد لمسعاه وتبداء ليان بالاستعداد ليومها المنتظر لتبدو كحوريه فائقه الجمال بعينيها البندقيتين وشفتاها الملونتين بلون الفراوله اما وجنتيها فأصطبغتا بلون وردي مع فورمه بسيطه لشعرها البني كما اسدلت بعض خصلات بنعومه علي وجهها لتكمل اطلالتها بفستان من اللون البيبي بينك اوف شولدر وهيلز من نفس اللون
كما ارتدت آيه فستان سيمبل من اللون الاسود اوف شولدر واطلقت العنان لشعرها الويڤي واكتفت برسمه ايلاينر بسيطه لعينيها مع كحل بنفس لونها
ليأتي المساء والفتاتين بكامل اناقتهما ليبداء المدعون في التوافد الي ان امتلئت الفيلا بالشخصات العامه المعروفه والارستقراطيه وصفوة رجال الاعمال والشخصيات المعروفه ليرحب بهم كلا من سيف وسامر وبرفقتهم باهر ابن خالتهم لتهبط ليان برفقه والدها السلم الذهبي الكبير بينما جميع الانظار موجهه اليها بأعجاب شديد ليتهامس الجميع عن شدة جمالها ونعومتها ولكن دائما ماتأتي الريح بما لاتشتهي الانفس فمن بين الهمسات صادف تطرق حديث حسين اخو طارق مع احدي اصدقائه الي مسامع سيف الواقف بجوارة مرتديا بدله ميتالك سودا وشعرة الكثيف مصفف بعنايه فائقه وملامحه جذابه للغايه لتحتقن الدماء بعينيه وتتجمد جميع ملامحه
حسين:اوباااا بقي البت الصاروخ صاحبتها ال حكيتلك عنها نازله وراها اهيه
مراد:يخربيت كدة دي وتكه ياحسين
حسين:مش قلتلك انا ذوقي عالي اوووي
مراد:طب وناوي علي ايه ياروميو
حسين بنبرة مستفزة:كل خيييييىر
مراد:ياحنين
يتبع الفصل الخامس والثلاثون اضغط هنا
- الفهرس يحتوي على جميع فصول الرواية كاملة :"رواية بنات المنشاوي" اضغط على اسم الرواية