رواية بنات المنشاوي الفصل الثاني والثلاثون بقلم خلود وائل
رواية بنات المنشاوي الفصل الثاني والثلاثون
تململت ورد في سريريها لتفتح عينيها بوهن علي صوت رنين الهاتف ⚡⚡⚡لتمسك به وتجيب بنعاس
ورد بنعومه:الو
عاصم بهيام:يالهوي عليكي واحدة الو بتجيب اجلي
والله
ورد:عاوز ايه ياعاصم
عاصم:عاوزك تطلي بالابيض بقي خلينا نخلص داانا حمضت يابنتي والله
ورد:مستعجل علي ايه كلها كام ساعه وهبقي مراتك وازهق فيك العمر كله
عاصم بحب:احلي تزهيق والله هو فيه في طعامتك وحلاوتك يارايق انت
ورد وهي تعتدل في جلستها:امممم طب الساعه كام
عاصم:امممم الساعه تسعه وربع ودقيقتين بالظبط
ورد: ياخبر داانا اتأخرت علي البيوتي سنتر معادي الساعه عشرة
عاصم:بيوتي ايه وبتاع ايه انتي تصحي براحتك وتروقي كدة وبعدين تنزلي علي اققل من مهلك ياقمر
ورد:طب اققفل بقي عشان الحق اصحي البنات ونجهز
عاصم بتأفئف:ماشي ياورد سلام
ورد:سلام ...
بعد فترة ليست بطويله افاقت الفتيات واعددن سويا طعام الافطار واستعدت ورد وهناء للذهاب للبيوتي سنتر بصحبه عاصم
في قصر المنشاوي جلست مرام في حديقه المنزل تتأمل الفراغ لتشاركها والدتها مجلسها
صفيه:قلب امك قاعدة اهنيه لحالك ليه
مرام:زهقانه چوي يما ومطيچاش حالي همليني وحدي الله يخليكي
صفيه بحنو:ياقلب امك ال عتعمليه بحالك دة غلط
مرام:يارب اموت وارتاح
صفيه:بعيد الشر عنيكي ياقلبي..... اسمعيني زين وحطي كلامي حلقه في ودنك تعيشي مرتاحه البال يابنتي
مرام :معتش في راحه بال يما خلاص سعد راح مني
صفيه:ولا راح ولا حاچه ياحبيبتي دى بس قرصه ودن من ابوكي عشان يعرفو قيمتك زين اما الدور والباقي عليكي تخلي ال متنسمي دي تلزم حدودها معاكي
مرام:كيف يما دي مهتسبنيش واصل اعيش بسلام
صفيه:ابوكي هيچيب مناخيرها الارض بس اصبري شوي الدور والباقي عليكي انتي
مرام بأهتمام:كيف يما
صفيه:عقولك كيف*******
في احدي صالونات التجميل المعروفه كان يقف عاصم امام احدي موظفات الاستقبال التي ترمقه بأعجاب شديد لتنتبه لها ورد
هناء :اوبا شايفه يادودو البت عنيها هتاكل عاصم اذاي
ورد:البركه في اخوكي واقف منشكح اوي يختي
هناء:اوبااا قرون الاستشعار عندي حاسه بمشكله داخله علينا في السكه ياهادي يارب
ورد: بتحبي المشاكل اظن؟
هناء:يالهووواي بموت في حوارات عاصم اخويا
عاصم وهو يقترب منهم بأبتسامه عريضه:معاد خروجك الساعه ٥ ياقمري
هناء:خشي عليه
عاصم:في ايه!
ورد:شيفاك واقف مبسوط يعني مع البت بتاعه الاستقبال
عاصم:صراحه هي زوق اوي
ورد بضيق:طب متتجوزها
هناء:🤭🤭🤭
عاصم وهو ينظر لهناء بضيق:شحنتيها عليا.......اوعي تصدقي البوتجاز الخمسه شعله دي
ورد بضيق: ماشي
عاصم بحنو:ياقلبي كل بنات الدنيا دي لولي مفروط من خلخالك ياروحي
ورد :ياسلاااام
عاصم:داانتي بسكوتايه يادودي بذمتك انا يبقي معايا بونبونايه ذيك وابص لبنات تانيه
هناء:ايوة العب عليها مهي هبله وهتصدقك 😛
عاصم:اطلعي انتي منها وهي تعمر اعوذ بالله من دي اخوات
هناء:الاخوات في اجازة ياصحبي
عاصم:نؤة .... تاخدي كام وتنفضيلي النهاردة
هناء:😍😍😍حبيبي ياصاصا عاوزة ٢٠٠جنيه
عاصم:انا عارف من زمان انك ماديه حقيرة
هتاء:ربنا يخليك ليا يا حبيبي والله شهادة اعتز بها ومهحطهاش وسام علي صدري
ورد:متتأخرش عن معادك ياعاصم
عاصم:يالهوي هو انا اققدر بردو انا لو عليا هقعد هنا لحد ماتخلصي ونروح سوا
هناء:خف شويه ياعم الحنين
عاصم:انا همشي قبل ما ارتكب جنايه النهاردة
دلف عاصم للخارج عائدا للمنزل ليستعد لحفل زفافه تاركا الفتاتين ليكملا اليوم في اعداد ورد ليومها المنتظر
في فيلا الحديدي كانت تجلس كلا من فرح وليان ووالدتها نورة يتبادلن اطراف الحديث
نورة:وهناك كدة هنحط جيست بوك او بورد كبيرة لل عاوز يكتبلكو عليها حاجه
فرح:الجيست بوك هيكون افضل وتقدر تحتفظ بيه بسهوله عن البورد هيكون كبير
ليان:فروحه عندها حق يامامي
نورة:شوفو بقي ال يناسبكو انتو بنات الايام دي وعارفين ايه ينفع وايه مينفعش وشوفي واحدة من صحباتك تقف معاكي وانتي بتعملي الميكب يكون زوقها حلو عشان انتي ب ١٠٠رأي
فرح: اكيد هتختار آيه
ليان:طبعا يافروحه مفيش كلام اصلا عاوزة اققوم اظبط نفسي عشان راحه فرح اختها النهاردة
نورة:متتأخريش بقي يالينو عشان بباكي ميزعلش
ليان:عشان خاطري يامامي بلاش السواق وخلي سيف يجي معايا علشان اققعد براحتي
نورة:ياحبيبتي مهو لو سيف وافق يجي معاكي يبقي مش هتقعدي دققتين علي بعض
ليان:والنبي والنبي يامامي عشان خاطري الله يخليكي
نورة:حاضر ... ذي ماتحبي
عم المساء سريعا لتقف ورد أمام مرآة كبيرة مخصصة للعرائس مليئه باللمبات المضيئه لتنظر لنفسها بسعادة غامرة متأمله ملامحها الانثويه الفاتنه حيث تفننت الميكب ارتيست بوضع ميكب ناعم للغايه لها يبرز جمال عينيها السوداوتين وشفتاها اللتي تبدوان ككريزة ناضجه كما اكملت اطلالتها الملكيه بتاج مرتفع يتوسط تسريحه شعرها التي اختارتها مضمومه للخلف مع بعض خصلات منسدله علي وجهها برقه بالاضافه لطرحه ملكيه طويله اما عن الفستان فقد كان بسيطا وناعما للغايه فهو من اختيار عاصم⬇️⬇️⬇️

هناء بمرح:واااو بجد ايه القمر دة..... يابن المحظوظه ياعاصم طول عمرة بيقع واقف والله
ورد:شكلي حلو يانؤة
هناء:قمرن عسلن يهبلن
ورد:☺️ ربنا يخليكي عقبالك يانونو
هناء:يارب يارب يارب
ورد:مستعجله كدة ليه
هناء:يختي خليني اترحم من لطش عاصم اخويا انا قربت احول اقسم بالله
ورد:😂😂😂
بعد فترة دلف عاصم للمكان المخصص للفريست لوك ليجد ورد في انتظارة ليتقدم اليها حاملا بوكيه ورد ابيض لتستدير له ورد ويعلو وجهها ابتسامه ناعمه لينبهر عاصم بجمالها الآخاذ ويعطيها البوكيه ويمسك بكف يديها ويقبله بشفتيه ويقترب من جبينها ويقبله بفرحه ثم يجذبها من يديها ويتجهو جميعا للسيارات المصفوفه بالخارج لتنطلق بهم للقاعه المقام بها حفل الزفاف
في قصر المنشاوي وبالتحديد في الصالون المذهب الكبير كان يجلس حسان وولدة سليم وفراچ لأنهاء بعض الاعمال الورقيه
سليم:اكدة يبوي يبقي المحصول كله مدفوع حقه وباقي التقاوي فراچ هيكلم البشمهندس عماد ياچي يعاينهم قبل مانزرعهم
حسان:زين چوي .... عملت ايه في حسابات زرعه ارض البر التاني؟
سليم:وة كانها الحسابات شغلتي اني يبوي ولا ايه
حسان:كانك نايم علي نفوخك ولا ايه
فراچ:سليم يقصد يبوي ان الحسابات شغلانه فارس اخوي وهو من الضهر واخد امي ومسافر عشان فرح مدحت واحنا مخبرينش حاچه عن ملفات الحسابات دي عاد
حسان: ماشي ..... هارون وولدة كانو عاوزين ياچو النهاردة عشان مرام لكن انا خليتهم ياچو كمان يومين عما يتحرچ دمهم شويه وبالمرة تكون امكم اهنيه
فراچ:انت ناوي ترچع مرام يبوي ولا ايه
حسان:مش دلوق لما نربيهم شويه.... عملت ال قلتلك عليه ياسليم
سليم:حوصل يبوي منعت كل التچار يتعاملو مع هارون ووصيت عليه كام مسئول في الداخليه والمصايب نازله ترف علي نفوخه
فراچ:عفارم عليك يبوي ..... بقول يعني مئانش الاوان اننا نخلي حد من معارفنا في الداخليه دول يدورلنا علي بنات عمي
حسان بغضب جلي:هتعيش حمار وتموت بقف
فراچ:مهو بطريقتنا دي مملاقينهمش عاد
حسان:واما يلاچوهملنا ونقتلهم هيبقي العمل ايه .... هنفلت منيها كيف يابجم
سليم:نفسي اطولهم بيدي عقتلهم وابرد ناري
حسان: لما نلاقيهم ونمضيهم علي ورثهم نبقي نجتلهم ولا من شاف ولا من دري اما لو الحكومه ساعدتنا ورجعو اختفو بعديها تاني وكمان املاكهم بقت بأسمي هنروح في داهيه عدل
فراچ:معلش يبوي بس دماغي هتنفچر هيكونو راحو فين عاد!!
سليم:ليهم يوم نلاقيهم فيه مهيدنهمش العمر هربانين
في فيلا الحديدي ******
طرقت ليان باب غرفه سيف عدة مرات لتدلف بعدها مناديه سيف
ليان:سيف .... سفسوفه.... سيوفتي
نظر لها سيف ببرود بطرف عينيه الزرقاوتين وهو جالس علي احدي الكراسي الخاصه بصالون غرفته قائلا:مش جاي ياليان فمتتعبيش نفسك
ليان:اوووف بقي يعني يرضيك اختك تروح الفرح لوحدها كدة في وسط ناس متعرفهمش
سيف بأقتضاب:متروحيش
ليان:يووة بقي ياسيف .... عشان خاطري
سيف:يابنتي الله يهديكي انا مش رايح افهمي بقي
ليان:ليه اديني سبب
سيف:هروح لناس معرفهمش اققولهم ايه هاااي اذيكم انا جيت مع اختي ليان .... وبعدين اهلها يعرفوني وهيبقي منظري رخم اوي وانا فارض نفسي عليهم
ليان بأندفاع:مهو محدش من اهلها جاي
سيف بأهتمام:نعم!!اذاي يعني
ليان:اممم ها... استني هنا هما اهلها يعرفوك منين ولا انت تعرف آيه اذاي؟!
سيف بتهرب:انتي هتلبسي الفستان دة خلاص ولا هتغيري
ليان :حلو دة ولا اغير
سيف وهو يحاول تغيير مجري الحديث:حلو اوي استني بقي لما البس حاجه تمشي معاه وننزل سوا
هناء وهي تحاول مجاراة سيف لكي لا تتفوة بالمذيد:طب اجهز انت وانا هستناك تحت
سيف:تمام
دلفت ورد بجوار سيف للقاعه وسط اغاني الزفه والمشاعل لتتجه اليهم جميع الانظار لتمشي ورد بجوار عاصم من الممر المضيئ المخصص للعروسين مرورا بالاستيدچ ليتوقف كلاهما امام الكوشه لتبداء فقرة الادعيه الدينيه بينما تجلس ورد في المكان المخصص لها بجوار عاصم لتسرع صفيه بالاتجاة اليها وأحتضانها بشدة لتنهمر الدموع من عينيها بسعادة ممزوجه بالحنين والاشتياق لكلا منهما
صفيه:مبارك ياضي العين الف مبروك ياورد
ورد:اللع يبارك في عمرك يما
صفيه:عشت وشوفتك عروسه يا حته من قلبي
ورد:ربنا يخليكي ليا يما اتوحشتك چوي
صفيه: الحمد لله انه مد في عمري وشفتكم تاني يانضري
ورد:كيفك يما وحشاني چوي چوي
صفيه:انا زينه بشوفتكم ياضي العين ....ثم توجهت بنظرها ناحيه عاصم بحنو: مبارك ياعريس
عاصم:الله يبارك فيكي ياطنط
صفيه:انت واخد حته من قلبي حطها چوة عينك ياحبيبي
عاصم:جوة قلبي قبل عيني ياطنط
دقائق مضت وبدأت فقرة الرقصه السلو لتبداء ورد بالرقص مع عاصم الذي احتضنها بشدة وكأنه يأبي الابتعاد عنها ولو ثواني ليصادف دخول سيف وليان للقاعه لتبحث ليان عن آيه بعينيها العسليتين وكذالك سيف الذي يبحث عنها بنظراته الحائرة
ليان:اهيه ياسيف تعالي نروحلها
سيف:روحيلها انتي وانا هستناكي برة
ليان:بلاش رخامه بقي تعالي معايا بارك وبعدين ابقي اققعد براحتك
اتجهت ليان وسيف للطاوله التي تجلس بها آيه لتلمحهم آيه من بعيد وتقف سريعا وتتجه اليهم ليرمقها سيف بنظرات اعجاب شديدة فقد ارتدت آيه فستان غايه في الآناقه والبساطة في آن واحد واطلقت العنان لخصلات شعرها المتمردة كما زادت ابرازا لملامحها الانثويه بلمسات بسيطه من الميكب التي تكاد تبدو طبيعيه
فستان آيه⬇️⬇️⬇️

احتضنت ليان آيه بسعادة وكذالك آيه
ليان:ايه القمر دة كل مرة بتبهريني بزوقك العالي يايويو
آيه:امال ايه يابنتي مش اختارتك تصاحبيني يبقي زوقي عالي
سيف: ايه التواضع دة ياآيه هانم
آيه ببرود:بعض ماعندكم يا دكتور
سيف:الف مبروك لاختك..... عقبالك
آيه: الله يبارك فيك
ليان:الف مبروك لاختك يايويو
آيه:الله يبارك فيكي يالينو عقبال مانفرح بيكي انتي وطروقه
ليان بفرحه: يارب يابيبي
اغتاظ سيف من كلمه آيه الاخيرة فكيف لها ان تداعب اسم رجل آخر وشعر بالغيرة تسري في اوصاله ليتنحنح قائلا:انا هستناكي برة ياليان ومتتأخريش
آيه:تقدر تتفضل وتقعد معانا يا دكتور سيف
سيف:معلش اسيبكم علي راحتكم
آيه:ابن عمي موجود متقلقش احنا مش بنات لوحدنا
ثم أضافت محرجه:عشان بس انت متعرفش حد هنا وهتقعد برة لوحدك
انضم سيف لطاولتهم بناءا علي رغبه الفتاتين
سيف:امال فين ابن عمك!
آيه:هو كان هنا الوقتي.... هناء متعرفيش فارس راح فين؟
هناء:كان هنا لسه الوقتي و مشي مع دعاء وقالو جايين تاني علي طول
ليان:دعاء دي اختك التانيه
آيه:ايوة يالينو
ليان: نفسي اشوفها اوي طبعا قمورة ذيك انتي وورد
آيه:انتي ال عيونك حلوة ياروحي
هناء:طب وانا يستي مش عاوزة تشوفيني ولا ايه
ليان بمرح:وانت مين بقي ياجميل بصوت الراجل ال كان مع عادل امام
هناء بمرح:معاكي هناء اخت العريس ٧قواضي خطف اطفال و٥ قواضي اغتصاب و ٣قواضي سب وقصف ومسجله خطر اتشرفت بمعرفتك
ليان :😂😂😂😂😂يالهوي داانتي مصيبه
آيه:براحه علي لينو يا نؤة واحدة واحدة
سيف:سبيها تضحك هي دي البنات بصحيح مش عم طلبه واشار ناحيه آيه وهو يلقي كلمته الاخيرة لتشعر آيه بالغيظ الشديد منه
آيه:انا طبعي كدة وبحب نفسي كدة ورايك احتفظ بيه لنفسك عشان مش لازمني
ليات٦:استهدو بالله ياجماعه احنا في فرح
جميعهم:لا اله الا الله
آيه:انا هروح اشوف دعاء فين وجايه علي طول
انسحبت آيه من مجلسهم واتجهت لخارج القاعه ليتابعها سيف بنظراته ويستأذن من الجالسين ويتجه خلفها ليلحق بها سريعا مناديا اسمها
سيف:آنسه آيه آنسه آيه
آيه وهي تلتفت له:نعم .... حضرتك عاوز ايه
سيف :ممكن كلمتين
آيه بتعجب:اتفضل
سيف : معلش بعتذر اذا كان كلامي زعلك او ان اسم طلبه ضايقك
آيه بأبتسامه بسيطه:لا عادي حصل خير
سيف بتهكم:كان المفروض اققول حسنين فزاع عبد الشكور حاجه في الرينچ دة
اتسعت عيني آيه من وقاحه سيف معها:نعم!!! انت اتجننت ياعم انت
سيف بشرز:اققفي معوجه واتكلمي عدل يابنت المنشاوي
آيه:انا اققف واتكلم براحتي وانت تسمع وبس ولحد الوقتي بكلمك بالذوق بس اقسم بالله
سيف:هتعملي ايه ها.... ولا حاجه انما انا ممكن اعمل كتير اوي
آيه:ولا تقدر تعملي حاجه
سيف: تحبي تجربي
آيه: بلاش ياسيف تلعب معايا
سيف بغرور :احبك وانت شرس
آيه:احترم نفسك احسنلك
سيف بصوت كفحيح الافاعي:انا محترم غصب عنك ياقطه بس لو مصممه تتعوجي عليا وكل ماتشوفيني تمسكي في خناقي انا ممكن بتليفون صغير اعرف عمك حسان عنك انتي واخواتك كل حاجه ياحلوة وهو بمعرفته يجي يتعامل معاكي ولا تحبي اكلم ولاد عمك الا صحيح محدش منهم حضر الفرح غير فارس ليه ؟
ابتلعت آيه ما بحلقها بغصه وحاولت استجماع شجاعتها سريعا ولكن بلا جدوى فالكلمات تهرب من فمها ليشعر سيف بتوترها ليستكمل قائلا..
سيف:ايوة كدة ياحلوة سلمي نمر ووريني التمام ال احب اشوفه منك
آيه بشجاعه:ولا يهزني
سيف :نعم !!
آيه بثبات :ايه مبتسمعش ؟ بقولك ولا يهزني يعني مش فارق معايا اي هري من ال انت قلته الوقتي تكلم عمي تكلم ولاد عمي ولا حتي الجن الازرق يعرف يهز فيا شعرة واحدة ولسه متخلقش ال يهددني وبصراحه بقي كدة تبقي خدمتني خدمه العمر لما تعرفه مكاني انا واخواتي اصل مش هنفضل العمر مستخبيين لازم هيجي يوم وهنتواجه وتبقي جت بجميله منك انت ولا ايه رايك؟
سيف: يعني مش خايفه
آيه بضحكه مسموعه: يبني لسه بدري عليك والله ...... انا... مبخاافش .... غير.... من .... ال .... خلقني.......... فهمت ولا اعيد تاني اصل باين الفهم عندك بعافيه شويه
سيف :_______
آيه:سكتي ليه يابيضه ولا القطه كلت لسانك؟؟
سيف:مناخيرك ال طالعه بيها في السما دى انا هجبهالك سابع ارض بس استني عليا ان ما ربيتك مبقاش سيف الحديدي
آيه:طب شوفلك اسم تاني من الوقتي عشان مهتبقاش سيف الحديدي من الوقتي
سيف:😠😠😠😠😠😠
آيه:براحه علي نفسك بس ليطقلك عرق وانت لسه بصحتك وفي عز شبابك يا..... ههه يادكتور سيف
سيف:هتندمي ياآيه انك وقفتي قصادي في يوم من الايام
آيه:يااخي انت مبتزهقش لا بجد والله مبتزهقش من التهديدات دي والجو الخنيق دة انا شخصيا زهقت والله من طريقتنا سوا بقينا عاملين ذي توم وجيري كل شويه خناقات وزفت ايه!مفيش بريك مفيش خاطر لاختك الغلبانه ال دايخه ورانا عشان تصالحنا احنا الاتنين لا عارفه تراضيك عشان انت اخوها ولا عارفه تخسرني عشان بتحبني وانا اققرب صاحبه ليها
سيف:فارقه معاكي اوي ليان
آيه:طبعا فارقه .... مريحه وواضحه لا بتلف ولا بتدور ووقفت معايا كتير وبيهمها راحتي وبتخاف علي زعلي يبقي لازم تكون فارقالي ونص وتلات تربع كمان
سيف بأعجاب: ماشي يابنت الاصول
آيه :بنت اصول غصب عنك
سيف بضيق:متطلعنيش عن شعوري وترجعي تزعلي
آيه:خلاص .. خلاص سكت اهوة
سيف بأبتسامه جانبيه:هدنه ؟
آيه:امممم ماشي هدنه
سيف:طيب يلا نرجع القاعه علشان اتأخرنا جامد
آيه:اوك
دلف كلاهما للقاعه ليتجهو للطاوله التي تجمعت عليها جميع الفتيات (سلمي -هناء-تغريد-ليلي-ليان)
سيف بأحراج:طب مش يلا ياليان
ليان:والنبي ياسيف سيبني شويه اققعد مع البنات قعدتهم حلوة اووي
سيف:طب انا هستناكي في العربيه وابقي حصليني
تغريد:ابدا يا استاذ سيف لازم نتعرف عليك اول
آيه بضيق:متسبيه علي راحته يا تغريد هيقعد معانا اذاي واحنا كلنا بنات
استشعر سيف غيرة آيه التي تملكت منها ليحاول اثاره غيرتها اكثر واكثر
سيف:انا اتشرف بمعرفتك يا آنسه....
تغريد بتودد :اسمي تغريد وحضرتك
سيف:انا سيف بشمهندس سيف الحديدي
سلمي :اشهر من النار علي العلم يا بشمهندس
سيف :انا شفتك فين قبل كدة
سلمي:انا بشتغل في شركه حضرتك ياسيف بيه
سيف: عشان كدة حسيت اني شفتك قبل كدة ... فرصه سعيدة
ليلي بأعجاب :كلنا أسعد والله يا سيف بيه
آيه:خلصتو حفله التعارف يلا يا استاذ سيف امشي من هنا وانتو ياحلوين قاعدين هنا وسايبين ورد علي الاستيدچ لوحدها !!
ليلي بهيام:ايه يا يويو مش بنتعرف
آيه وهي تشعر برغبه في خنق ليلي :ليلي اتعدلي ويلا بينا علي ورد
ليان وهي تكتم الضحك:اهدي ياشبح
تغريد بملل :سبيها هي علي طول كدة
انسحبت آيه سريعا لتتجه ناحيه ورد لانها لا تستطيع اخفاء غيرتها علي سيف اكثر من ذلك ليتابع اثرها سيف بنظرات اعجاب شديدة لفتت نظر ليان وتغريد بالتحديد ليتجه هو الاخر ناحيه سيارته لينتظر ليان التي انضمت للفتيات علي الاستيدچ لتهنئه ورد ومشاركتهم الرقص والتصفيق لبعض الوقت لتلحق بسيف بعد فترة ليست بقصيرة ليقود السيارة وينطلق بهم للفيلا
عودة للقاعه ..... دلفت دعاء وفارس للقاعه لينضمو للحفل بعد فترة غياب طويله لينضمو لورد وعاصم في رقصه سلو اخيرة
عاصم :انا زهقت ياقلبي وعاوز اروح
ورد:الفرح حلو اوي ياعاصم مستعجل ليه
عاصم:طبعا مستعجل مش عارف اذاي يبقي معايا القمر دة ومستعجلش
ورد بكثوف:عيب ياعاصم
عاصم:دماغك راحت لفين انا قصدي اني صدعت يعني وخايف عليكي لتصدعي انتي كمان
ورد:اهااااا اذا كان كدة ماشي
***
دعاء:ربنا يخليك ليا يافارس يارب
فارس:اتبسطي ياقلب فارس
دعاء:چوي چوي ياروحي
فارس:يارب بس محدش يكون اخد باله اننا اتأخرنا
دعاء: اكيد كلهم اخدو بالهم واضحه چوي
فارس:يعني ايه انا اتعب حالي واجهز عشوة ملوكي وامنع الاستراحه بتاعه العريس والعروسه وتقوليلي واضحه چوي
دعاء:😂😂😂ياقلبي كفايه عليا انك فاكرني وبتحاول تسعدني في كل فرصه بتچيلك
فارس:وهفضل احارب لحد ماانولك قدام الدنيا بحالها يا دعوة عمري كله
دعاء بحب:بحبك يافارس بحبك واتخطيت الحب بمراحل وبقيت كياني بكل مافيه
فارس:بعشقك يا نن عيني
انتهت الرقصه السلو معلنه انتهاء حفل الزفاف ليتجه العروسان لعش الزوجيه ليبداء فصل جديد من حياه ورد لتكتبه ايامها ولياليها برفقه عاصم
بعد التوديعات الحارة بين دعاء وآيه وورد اغلقت ام عاصم وصفيه باب شقه ورد خلفهما لتجلس ورد بجوار عاصم في الصاله
عاصم بسعادة غامرة:نورتي شقتك ياعروسه
ورد بتوتر:منورة بيك يا عاصم
عاصم بتذمر طفولي:لا بقي عاصم مين والناس نايمين انا عاوز عصومي عصمصم صاصا عصعوص حتي انا راضي
ورد:😂😂😂
عاصم:ايوة كدة اضحكي خلي الشمس تطلع
ورد بأستغراب:الشمس هتطلع بليل اذاي يعني؟
عاصم:اممممم بصي بليل بالنهار مش مهم المهم انو وانا معاكي ببقي ناسي الدنيا بحالها ومش شايف غيرك انتي ... انتي وبس
ورد بتوتر:عاصم ... انا كنت عاوزة اتكلم معاك في حاجه مهمه قوي
عاصم : هنتكلم ياقلبي وهنقول ونحكي حكايات كمان الايام جايه كتير
ورد :لا الوقتي مينفعش بعدين
عاصم بمرح: يعني حبكت ياورد .... الليله ياعمدة الليله
ابتسمت ورد ثم تنهدت بشدة :علشان خاطري اسمعني الاول انا مصممه
عاصم بحنو: اتفضلي يا روحي انا بسمعلك قولي كل ال نفسك فيه
صمتت ورد قليلا لتأخذ نفسا عميقا ثم زفرته ببطئ
عاصم بأهتمام:ياااه هو الموضوع مهم اوي كدة
ورد:اوعدني انك هتصدقني
عاصم بقلق:هصدقك ياقلبي والله وعمري مهقدر اعمل غير كدة احكي بقي وترتيني
ورد:ال انت تعرفه عني انا واخواتي ان احنا من اسكندريه وانا اهلنا اتوفو من ٣ سنين وملناش غير فارس ابن عمي وامه وانهم مسافرين علي طول برة صح ؟
عاصم :صح
ورد:كل دة كدب ومش صحيح ....
عاصم :_____
يتبع الفصل الثالث والثلاثون اضغط هنا
- الفهرس يحتوي على جميع فصول الرواية كاملة :"رواية بنات المنشاوي" اضغط على اسم الرواية