رواية بنات المنشاوي الفصل التاسع والعشرون بقلم خلود وائل
رواية بنات المنشاوي الفصل التاسع والعشرون
دعاء:😨😨😨
فارس: مال وشك اتخطف اكدة ليه
دعاء:انا...مفيش انا بس .... متاخدش في بالك
فارس:مقلتليش مين الواد دة
دعاء:دة استاذ امير زميلي في الشغل
فارس:وايه ال يخليه يقول انه خطيبك
دعاء:مهو.. اصل...بصراحه اكدة ....
فارس بضيق:انطقي يادعاء
دعاء:لما انت خاصمتني وبعدت عني قررت اني اشوف حالي واسيبك علي راحتك
فارس بغضب تملك منه:تشوفي ايه... اتجننتي عاد ولا ايه ولو كنت طولت شويه كنت لقيتك متجوزاه وانا نايم علي وداني اياك كيف الاطرش في الزفه
دعاء: والله محصل حاجه لدة كله هو بس كان كلام
فارس بحدة :وكنت انا هستناه لما يبقا افعال ولا ايه.... والله عال ياست دعاء يافرحتي بيكي وبالحب ال فهمتيني انك بتحبيهولي
دعاء والدموع تتجمع في عينيها: والله كنت عاوزة اخليك تغيير عليا وترجعلي يافارس مكنش في دماغي اي حاچه تانيه
فارس:وانتي شيفاني مبغيرش عليكي عاد ... ليه مفكراني حرمه لابسه طرحه ولا ايه اققفي معوچ واتكلمي عدل يادعاء
دعاء:وهو كان حصل ايه لكل دة يافارس
فارس وهو يقف بمنظر ارتعبت له دعاء:كل دة وشيفاه محصلش حاچه ياخسارة ثقتي العميا فيكي يابنت عمي كانت غلطه كبيرة اني ساعدتكو تهربو من القصر
دعاء بحدة:كنت عاوزنا نكون جواري تحت رچلكو ولا ايه
فارس بتوعد:صوتك ميعلاش عليا تاني فاااهمه
دعاء:لا هيعلي يافارس حرام عليك بكفياك ظلم بقي هتخسرني في يوم بسبب عنادك دة
رفع فارس يديه سريعا ليضرب دعاء علي وجهها ليمنع نفسه بصعوبه شديدة لتتسع عيني دعاء من هول الصدمه قائله بعيون دامعه وصوت متقطع:اضربني.... اضربني ذيههم يافارس اضربني كيف عمي حسان مكان يضربني خليك زييهم اوعي تكون اماني وسندي يافارس اضرب
ارتفعت ضربات قلب فارس بشدة لرؤيته لدعاء تبكي ولكلماتها التي كان أثرها لازعا في حلقه ليجذبها من زراعيها بسرعه لتستكين في أحضانه ويحاوطها بذراعيه كأنه يخفيها عن العالم بأكمله
فارس بحنو وندم عما قاله:انا اسف ياحبيبه قلبي ونن عيني انتي الحاجه الحلوة الوحيدة ال بتحلي ايامي وتنسيني مرها .... سامحيني يادعاء انا أسف بس اتجنيت لما قلتي انك ممكن تكوني لغيري انا أسف ياروحي
دعاء ببكاء شديد وشهقات متتاليه:متسبنيش يافارس
فارس:اسيب روحي كيف واذاي اعيش بلاكي انتي مهچه قلبي وراحته ومن غيرك اموت يااحلي دعوة ربنا استچبهالي
بدأت شهقات دعاء في الاندثار رويدا رويدا لتهداء في احضان فارس لتدخل آيه عليهم حامله بيديها صينيه العصير لتشهق بشدة مما رأت
فارس وهو يزيح دعاء براحه من حضنه:في ايه ياچاموسه انتي حد يدخل علي حد اكدة
آيه:احم ... احنا فينا من اكدة ياواد عمي
فارس:مالك اكدة انشفي عاد دي مرتي وحلالي مهنعملوش حاجه عيب ولا حرام وبعدين دي اول مرة نعملها في حياتنا تقومي تطبي علينا ذي القضا المستعچل اكدة
آيه بمرح:ماقلتلك خاف علي نفسك قبل سابق انت مصدقتنيش😂😂
اكتست وجنتي دعاء باللون الاحمر القاني لتنظر ارضا وتمتنع عن الكلام لينظر فارس ل آيه قائلا
فارس:انتي هتفضلي وقفالنا كتير
آيه:لاه ..... هروح للعرسان التانيين ارخم عليهم واسيبكم شويه
فارس بجديه:يلا طيري
اتجهت آيه لغرفه الصالون لتتفاجئ بعاصم يحتضن ورد ويدور بها مرارا وتكرارا ليتوقف محتضنا أياها قائلا:بحبك.... بحبك ياوردتي ياأحلي جنه في دنيتي
آيه:ياواقعه مطينه
عاصم بدهشه:لا والنبي ..... استري عليا يستر عليكي ربنا
آيه:هو جوة وبرا لا كدة كتير ...يافاااارس
عاصم وهو يتجه ناحيه آيه بترجي:ال سترة ربه ميفضحوش عبدة والنبي استري علينا دي ذي اختك بردو
آيه:مش تخلي بالك ياعم انت وهي افرض فارس هو ال طب عليكو
عاصم:متتلمي بقي هتبقي انتي وابو لهب ال قاعد برة دة ارحموني بقي دي جوازة ايه دي ياربي لا عارف اشوفها ولا اكلمها ويوم مااتجوزها واشتالها اطوحها تطلعيلي في البخت ...... احب فيها اذاي يعني بالحمام الزاجل !!
آيه وورد 😂😂😂😂
آيه:تصدق صعبت عليا
عاصم:والنبي داانا غلبان ياأوختشي والله
آيه:كمان شويه وهديك خمسايه لله ياعاصم انشف بقي
عاصم :لا داحنا رجاله اوي ونعجبوكي ياشابه
آيه:ماشي يابو الشباب والرياضه عوزاك تطلع برة وانت منفوخ كدة لابو لهب عشان يوافق انك تلبسها الدهب الوقتي
عاصم :مابلاش ...... خلينا ماشيين حلوين لحد ماتبقي في بيتي وبعدين ما هناء لبستهولها ولا ايه
آيه:ياخواف
عاصم:من خاف سلم ياآيه يختي
بالخارج عند فارس ودعاء كان فارس ممسك بيد دعاء بحنو وينظر اليها بسعادة حالمه
فارس:فرحتي بيكي متتوصفش يادودو واخيرا بقيتي مرتي وشايله اسمي
دعاء:ربنا يسعدلي قلبك ياسيد الناس ويقدرني واكون راحه قلبك وبالك
فارس:في انتظار اليوم ال الدنيا كله هتعرف انك بقيتي بتاعتي وحلالي علي احر من الجمر
دعاء:خايفه قوي من اليوم دة يافارس قلبي
فارس:طول منا في ضهرك متخافيش من اي حد في الدنيا كلياتها ثقي فيا بعد ربنا يادعاء انتي مصدر قوتي اوعاكي تضعفي بيوم وتكسريني
دعاء:لا عشت ولا كنت يافارس انا بس خايفه عليك چوي لو عمي حسان عرف بكل حاچه هيكون اخر يوم بعمري
فارس :عشان يأذيكي لازم يتخطاني اول ياعمري كله
دعاء:هتعادي اهلك عشاني
فارس:ربنا ال يحلها من عندة معوزينش نسبق الحداث ..... انا لازم امشي دلوق عشان الحق اوصل البلد في معادي ......هتوحشيني ياكياني
دعاء:وانت اكتر ياوتيني..... الا صحيح انت ليه مقلتليش انك چاي الشركه النهاردة قلبي كان هيقف من الخضه لولا ستر ربنا وكريم وعمي عبد الله ستر وغطا علينا كانو__
فارس مقاطعا:ولا حد يقدر يعملك حاچه وانا معاكي وبعدين انا كنت چاي اجدد العقد وانت قلتيلي انك محاسبه عاديه فطبيعي مهتحضريش اجتماع مهم ذي دة وكنت ناوي اچي علي اهنيه اصالحك ونكتب كتاب ورد وعاصم بس مشاء الله طلعتي شاطرة وتعليمي جاب نتيچه وبقيتي تحضري اجتمعات اعضاء مجلس ادارة الشركه
دعاء:تلميذتك يااستاذي
دلف عاصم وآية وورد خارج الصالون ليقفو بجوار فارس ودعاء
فارس:مش يلا ياعاصم نمشي ولا ايه
عاصم علي مضض:حاضر ..... كنت عاوز استأذنك ان الفرح يكون الاسبوع الجاي وننزل بكرة نجيب فستان العروسه قلت ايه
فارس:علي بركه الله ..... الاتنين الجاي يناسبك
عاصم بفرحه:لو عاوز النهاردة بليل مفيش اي مانع والله
فارس:اتحشم ياعاصم احسنلك وخليك واعي انك مناسب عيله المنشاوي واوعاك تفكر يوم انك تزعلها فاهم
عاصم:جوة عنيا والله اطمن
فارس:انا مخليتكش تمضي ورقه ولا حاجه علشان انا مطمن عليها معاك فخليك قد الثقه دي
عاصم :وانا عمري مخليك تندم يااستاذ فارس
ودع فارس وعاصم الفتيات ثم هبطو درجات السلم ليتجه فارس لسيارته بعدما فتح له السائق الباب لينطلقو في طريقهم بينما اتجهه عاصم لمنزله بسعادة غامرة
******بداخل السيارة****
فارس:اي كلمه هتطلع من خشمكم عن ال شفتوة النهاردة هقتلكم كلكم بدم بارد ولا هترمشلي عين ومهستناش اعرف مين ال قال مفهوم
كريم: عيب عليك ياصديق عمري دول أخواتي كيفك تمام
عبد الله:دول بنات الغالي الله يرحمه خيرة عليا وانا ال مربيهم وليا فيهم اكتر من ابوك نفسه
السائق مناع:ولا كاني كنت اهنيه يافارس بيه وينقطع لساني قبل ماانطق بكلمه الهوانم جمايلهم عليا كتيرة چوي
فارس:ال عندي قلته وانتو حرين........
في شركه الحديدي****
أصبح سيف كالاعصار الهائج يمشي يمينا ويسارا بدون توقف ولا هوادة ويتطاير الشرر من عينيه
سامر بغضب:متقعد بقي يا سيف خيلتني
سيف:في الاول خسرنا سيلينا وشركتها والوقتي المنشاوي جروب ويعالم لسه هنتنيل نخسر مين تاني عشان خاطر سواد عيون بنات المنشاوي ..... اه لو اطولك هدفنك مكانك
سامر:هي مين دي ياسيف
سيف بحدة:ملكش دعوة بال بقوله وشوف حل في المصيبه دي احنا هنخسر ملايين واسهم الشركه هتبقي في الارض وطلبيات كتير هتضرب وغيرها هيتأخر غير صورتنا ال هتتهز في السوق
سامر:مش عارف افكر حاسس اني هتشل من ال حصل
سيف:كل حاجه وليها حل والدنيا مش واقفه عليهم هنعرف نتصرف ونلم الخساير بس المشكله ان الوقت ضيق ...... تنهد سيف بقوة محررا ياقته وقام بفك ازرار القميص العلويه ليجلس مرتخيا علي كرسيه الجلدي خلف مكتبه واضعا كلتا يديه خلف رأسه ليركز بصرة علي نقطه في الفراغ لتمر دقائق طويله لتقطعها طرقات الباب ⚡⚡⚡
سامر بحدة:ادخل
دلفت روان سكرتيرة سيف حامله معها بعض الاوراق متجهه ناحيه سيف
روان:سيف بيه الاستاذ عبد الله محامي المنشاوي جروب موجود في مكتب صالح بيه وبيقول ان في نيه للصلح بس بشروط وعقد جديد وصالح بيه طالب حضرتك انت وسامر بيه بأقصي سرعه
نظر سيف برزانه لأخيه سامر ثم عاود النظر لروان قائلا:اتفضلي انتي يا روان واحنا هنروحله
استأذنت روان بالانصراف ليرتدي سيف الچاكيت الخاص بحلته ويتجه هو وأخيه لمكتب والدهم صالح الحديدي
صالح:اتفضلو يجماعه ..... استاذ عبد الله كتر خيرة اقنع فارس بيه بأعاده التعامل معانا
عبد الله :دي مشاكل بيزنس وعادي بتحصل وفي الاول والاخر احنا ملناش غير بعض وفارس بيه شخصيه محترمه وغيور علي اهل بيته
سامر مقاطعا:واحنا كنا نعرف منين انها بنت عمه وبعدين واحدة صاحبه ملايين ذيها ايه ال يخليها تشتغل محاسبه في شركه بتتعامل مع اهلها
عبد الله:حضرتك واعي زين انو بنات العائلات الكبيرة بيحاولو يثبتو ذاتهم وحچات اكدة ملهاش لزمه واحنا علينا السمع والطاعه ولكن تصرف فارس بيه منقدرش نلومه عليه ولولا ان صالح بيه له اسمه ووزنه في السوق واننا بنتعامل معاه من ايام طايع بيه الله يرحمه مكنتش اتدخلت وكلمت فارس بيه ابدا
صالح:مشكور لحسن تصرفك يااستاذ عبد الله الله يكرم اصلك ياراجل ياطيب
سامر :والمطلوب
عبد الله:اولا استاذ حامد يتفصل بشكل دائم من الشركه هو والبشمحاسب أمير ثانيا التعاملات بضعف السعر لاخر السنه وبعدها هنتعامل بسعر الموسم الحالي ثالثا واخيرا ال سيڤي بتاع آنسه دعاء يتمحي من سجلات الشركه نهائيا
سامر:نعم!! انت بتحطلي العقدة في المنشار
صالح:يااستاذ عبدالله كدة كتير اوي مينفعش كدة من فارس بيه
سامر:هو يانرفض ونخسر ملايين يانوافق ونغرم الطاق اتنين قول كلام يتعقل يا أستاذ عبدالله
عبد الله:والله انا حاولت مع فارس بيه وهو كان رافض نهائي بس قدرت اقنعه بالعافيه ...... قلتو ايه
سيف بأقتضاب:موافقين
سامر:نعم موافقين ايه ياسيف دة خراب مستعجل
سيف متجاهلا حديث سامر:موافقين يا أستاذ عبد الله ودقيقه ويكون العقد الجديد موجود وممضي
تعجب صالح وسامر من موافقه سيف ولكن ليس باليد حيله .....
حل المساء علي قصر السلانتي حيث توقفت امامه سيارة فارهه لتهبط منها فتاه في عامها ال ١٩ ذات ملامح جذابه ذات بشرة قمحيه بعيني عسليتين وشعر بني ويڤي مع طرحه موضوعه بأهمال مع بعض مساحيق التجميل الناعمه لتتجه لداخل القصر وخلفها الخدم حامليين الحقائب الخاصه بها لتدلف للبهو الكبير الخاص بالقصر لتستقبلها العائله بحفاوه وترحاب شديد
هارون:اكدة يانعمه دة كان وقت تسافري فيه بردو
نعمه:معلش ياعمي متعوضه
فاطمه :بس يابنتي فاتك فرح سعد ال طرف الطرف حضرة والناس اتحاكت بيه ايام وليالي
نعمه بتأفأف:كل شئ واخرة السكات
نظرت نعمه داخل القصر بنظرات متفحصه ولم تچد ماتبحث عنه
نعمه:امال فين العروسه مشيفهاش
والدة سعد:فوق في اوضتها هي وسعد بيرتاحو شويه
نعمه بغطرسه:كانو بيعزقو الارض عشان يرتاحو ولا ايه
فاطمه والدة نعمه:لاة ياحبيبتي بس دول عرايس جداد عقبالك ياقلب امك
نعمه وهي تلوي شفتيها:هنشوف بعدين .....ثم اشاحت بنظرها لاحدي الخادمات قائله بكبرياء:فزي روحي نادي سعد بيه قوليلو نعمه هانم جت بالسلامه
ماجد:سبيه علي راحته يابنتي والصباح رباح
نعمه بتمثيل المودة:وة مهيچيش يسلم عليا يابوي ولا هشوف عروسته
هارون:سيبها تشوف سعد ومرام ياماجد دي من فرحتها معوزاش تنام غير لما تطمن عليهم وتباركلهم
في الاعلي بجناح سعد ومرام كانت مرام مستلقيه بجوار سعد براحه وسعادة لينظر لها بدورة ويغمز لها
مرام:اباي عليك مبتزهقش ابدا
سعد:وة كيف ازهق من الشهد دة كله
مرام:انا عاوزة انام بقي ياسعودي
سعد:اقولك كلمه سر الاول وبعديها نامي قوام
مرام بضحكه انثويه:اه منك انت ومن اسرارك
سعد:دة احنا لسه بنقول ياهادي تعالي بس اكدة
طرقت الخادمه الباب ⚡⚡⚡ مقاطعه سعد ومرام
سعد بغيظ:مين البهيم ال چاي السعادي
اتجهه سعد خلف الباب قائلا:مين
الخادمه:الست نعمه هانم وصلت تحت ومستنياك عشان تباركلك انت وعروستك ياسعد بيه
سعد :قوليلها بكرة انا عاوز انام
عاد سعد مرة اخري لمرام التي تبدلت ملامحها
مرام:قوم بينا ننزل عشان متزعلش
سعد:متزعل ولا تتفلق اعملها ايه يعني
مرام وهي تزيح سعد عنها برقه:ميصحش يابيبي ابوك وعمك عيزعلو عاد هننزل ٥دقايق ونطلع علي طول
سعد:يابنتي الله يهديكي عاوز اققولك علي سر مهم چوي
مرام:نقول السر بعدين يلا بقي
اتجت الخادمه ناحيه نعمه قائله:سعد بيه بيقولك الصبح انشاء الله عشان عاوز ينام دلوق
اشتعلت غيرة نعمه لتصمت عن الكلام ولا تدري ماذا تفعل من شدة الاحراج امام اهلها ليقطع نيرانها المشتعله هبوط مرام وسعد علي سلم القصر الكبير الذي يتوسط الريسيبشن بأكمله حيث اتجهت انظار جميع الجالسين لمرام بأعجاب شديد فقد كانت ترتدي جلباب منزلي فخم بشدة ذو لون رمادي وبه بعض النقوشات باللون الفيروزي واكملت اطلالتها بأرتدائها طقم الالماس الذي اهداها اياه والدها فقد كان مكون من عقد الماس ضخم وقرطين بارزين وخاتم به ماسه كبيرة تتوسطه وانسيال ناعم يزين يديها الناعمتين كما اطلقت العنان لخصلات شعرها القاتمه السواد مع لمسات بسيطه من مستحضرات التجميل لتنظر لها نعمه نظرات ثاقبه متفحصه لتفتح فمها بشدة من تلك الخلابه التي تتشابك اصابعها بأصابع سعد وتمضي بجوارة بثقه وسعادة
يتبع الفصل الثلاثون اضغط هنا
- الفهرس يحتوي على جميع فصول الرواية كاملة :"رواية بنات المنشاوي" اضغط على اسم الرواية