رواية بنات المنشاوي الفصل الثلاثون بقلم خلود وائل
رواية بنات المنشاوي الفصل الثلاثون
والدة سعد:مشاء الله تبارك الخلاق العليم
فاطمه: اللهم صل وسلم عليك يانبي ايه القمر ال هل علينا دة
هارون:اذيك ياست البنات
مرام بنعومه :زينه چوي ياعمي
والدة سعد: كيفك ياعروسه الغالي
مرام وهي تتعمد اغاظه نعمه دون النظر اليها:انا بخير طول ماانتي منورة دنيتي ياماما
ام سعد:ربنا يبارك في عمرك يابنتي
فاطمه:تعالي سلمي علي نعمه بنتي ياحبيبه قلبي
اتجهت مرام ناحيه نعمه ببرود لتمد اليها يدها من مسافه ليست بقريبه لتبادلها نعمه المصافحه بدون كلام من مرام
نعمه:مبارك ياعروسه
مرام: الله يبارك فيكي
نعمه:معلش مكنتش فاضيه احضر فرحك كان عندي حجات اهم منيه
مرام ببرود:مفرقتش كتير .... طالما عندك حاچه اهم
نعمه بغيظ:اه طبعا ... مبارك ياسعد
سعد بأقتضاب:الله يبارك فيكي
نعمه:بس عروستك يعني مطلعتش حلوة كيف مكنت بتوصف فيها
سعد ببرود:عچباني ومليه دنيتي وقلبي وعيني ومعاوزش من الدنيا غيرها
نعمه بأمتعاض:كانها سحرالك
سعد وهو ينظر لمرام بهيام:احلي سحر في الدنيا يلا ياجماعه تصبحو علي خير عاوز ارتاح انا ومرتي شويه
نعمه :وايه ال نزلك اصلا مش كنت هتنام!
سعد:نازل غصب عني قسما بالله مرام حبيبتي صممت متنيمكيش زعلانه وغصبت عليا انزل اتمسي بطلتك البهيه
مرام بدلع:بس ياسعد دي اختك الصغيرة بردو
سعد:يلا يامرام عاوز انام بلا اختك بلا خالتك
امسك سعد بيد مرام واتجه بها ناحيه السلم لتتابعهم نعمه بنظرات حاقدة لتتدعي مرام محاولتها بالسقوط من اول درجات السلم
مرام بدلال:اااه الحقني ياسعد
سعد بلهفه:حاسبي ياقلبي
هارون:وة انتي كويسه يامرام
والدة سعد:رجلك صابها حاچه يابنتي
فاطمه:چيبو الحكيم بسرعه
مرام:لا ممستهلاش ياخالتي دي بس اتلوحت ومقدراش ادوس عليها
سعد:متدوسيش ياقلبي انا هساعدك
ماجد:اسندوها ياچماعه البنيه مقدراش
سعد:لا لا سيبوها انا هشيلها لحالي خليكم انتم هي بقت زينه
حمل سعد مرام بين يديه وارتقي بها درجات السلم لتنظر اليهم نعمه بغضب شديد بينما بادلتها مرام بنظرات مبتسمه ماكرة جعلتها تشتعل من الغيرة
دلف سعد لغرفته ووضع مرام علي السرير براحه ولهفه
سعد:انتي زينه ياقلبي
مرام:زينه قوي ياروحي
سعد:قلتلك بلاش ننزل فلقتك بعنيها البومه ال متنسمي دى الله يهدها
مرام:فداك عمري كله ياسعدودي
سعد:هااا
مرام:كنا بنقول ايه قبل ماننزل
********في صباح اليوم التالي استيقظت الفتيات بنشاط ليجلسو حول مائدة الإفطار سويا
ورد:انا هنزل النهاردة اعرف دكتور محمد اني هسيب الصيدليه خلاص وبعد ماترجعو هنروح نجيب الفستان ايه رايكو
آيه: تمام جدا
دعاء:انا خلاص سبت الشغل امبارح
آيه:ليه ايه ال حصل دة حتي كلنا اتفاجئنا بكتب كتابك مكانش في الخطه اصلا
دعاء:بليل نتجمع واحكيلكو كل حاجه عشان انتي اصلا متأخرة عن جامعتك
نظرت آيه للساعه التي ترتديها بمعصمها قائله:ياخبر داانا يادوب اللحق اوصل يلا سلام
دعاء وورد:سلام
اتجهت آيه للجامعه بينما اتجهت ورد هي الاخري للصيدليه اما دعاء فمكثت بالشقه تمارس بعض الاعمال المنزليه
*****في جامعه القاهرة وبعد يوم دراسي طويل دلفت لميس بكامل اناقتها لمكتب سيف بعد ان طرقا الباب وسمح لها بالدخول لتجلس علي الكرسي الجلدي المقابل لمكتب سيف
لميس:الف حمدالله على السلامه ياسيف
سيف بأقتضاب:الله يسلمك
لميس:كنت عاوزة اتكلم معاك اصلا في موضوع مهم ياسيف
سيف:اتفضلي
لميس:قبل اي حاجه طبعا انت عارف معزه ليان عندي عامله اذاي
سيف بتجاهل معرفته بالموضوع: وايه دخل ليان في الموضوع ال عاوزا تتكلمي فيه
لميس : اصل من كام يوم لما انت كنت مسافر كانت هي وواحدة زميلتها قاعدين في الكافتيرايا وكانت البت ال قاعدة معاها دي عماله تشتم فيا من غير سبب وقلت ادبها علي الاخر ف أنا سمعتها وقمت ارد عليها بكل زوق وفهمتها ان كدة عيب وميصحش بس ابدا مرديتش تسكت وبهدلتني جامد قدام كل الطلبه الموجودين بس انا مش فارق معايا علشان دي بنت مش متربيه وعارفه هتعامل معاها اذاي
سيف :امال ايه ال مزعلك
لميس:ليان اكيد زعلت علشان صاحبتها وانا كنت يعني بفكر نتجمع بعد الجامعه في اي كافيه واصالحها
سيف بجديه:الموضوع مش مستاهل وطالما موجهتيش كلام لليان يبقي اكيد هي مش زعلانه وبالنسبه للبنت فطالما غلطت يبقي اكيد لازم تتحاسب لو تعرفي اسمها قوليلي وانا ال هتصرف بمعرفتي معاها
لميس وهي تحاول عدم انهاء الموضوع:لا طبعا انا مش هسيب زعل ليان يعدي بسهوله كدة وبعدين تعمل حسابك اني هدرس مكانك للسيكشن دة علشان الاجراء يكون رسمي
سيف بجديه:اجراء ايه
لميس: البنت دي لازم تشيل المادة ياسيف دي اهانتني جامد
سيف:قلتلك انا ال هتصرف وبكرر كلامي لاخر مرة ليان مش زعلانه
لميس:بس ياسيف___
سيف بحدة:لميس احنا زملاء وياريت نتعامل علي الاساس دة وبس كلامي واضح ولا لا
لميس بحزن:واضح ياسيف
سيف:تقدري تتفضلي
دلفت لميس لخارج المكتب بضيق شديد ليخرج سيف هاتفه المحمول ويضغط بعض الازرار واجري اتصالا هاتفيا
سيف:الو انتي فين
ليان:انا في مكتبه الجامعه
سيف:هاتي صاحبتك وتعالي مكتبي حالا
ليان:آيه ولا مين
سيف بحدة:هو في غيرها ياليان اخلصي
اتجهت ليان وآيه رغما عنها لمكتب سيف لتقف امامه ليان موجهه حديثها بترجي شديد ل آيه:ابوس ايدك لمي الموضوع بلاش مشكله جديدة الله يخليكي انا واحدة نازله تجيب شبكتها بكرة وبجد مش مستحمله اي ضغط خالص
آيه :حاضر
دلفت كلتا الفتاتان للداخل ليشير لهم سيف بالجلوس
آيه:افندم جايبني علي ملي وشي ليه
نظر لها سيف بعدم اهتمام قائلا:بصي يا آيه هانم انا استحملتك كتير ودة مبيحصلش نهائي
آيه:ايوة يعني اعملك ايه
تنهد سيف محاولا السيطرة على اعصابه ليكمل كلامه :تعتذري من دكتورة لميس مهنا
آيه ببرود:نجوم السما اققربلها وانا مغلطش في حد عشان اعتذر وتقدر تسأل كل زميلي ال كانو موجودين في الكافتيريا
ليان محاوله تهدئه الوضع:طولي بالك ياآيه .... اهدي شويه ياسيف صراحه آيه مغلطاش خالص ولميس ال زودتها اوي
سيف:الموضوع مش مستاهل مين غلطت ومين مغلطتش ونهايته آيه هانم المنشاوي تترفع وتتكرم علينا وتعتءر لدكتورة لميس والموضوع ينتهي بدل ماتشتال المادة وترجع تعييط
آيه بنبرة متكبرة:لسه متخلقش ال يخليني اعيط وكان غيرك انت وست خميس بتاعتك دي اشطر ولو علي مادتك المنيله دي فياريت لو تريحني وتشيلهالي من الوقتي بدل ماكل شويه تهددوني ولا اققولك افصلني من الجامعه نهائي احسن بلاش قرف بقي الواحد اتخنق وقرف
القت آيه كلماتها وحملت حقيبتها واتجهت خارج المكتب صافعه الباب خلفها بقوة لتترك الجامعه بأكملها وتعود سريعا لمنزلها اما عند ليان وسيف فنظرت ليان لسيف بخيبه أمل قائله:بجد كتر الف خيرك
سيف: ليان انا فيا كفايتي مش ناقص تقطيم
ليان:براحتك ياسيف بعد اذنك
خرجت ليان سريعا لتبحث عن آيه فلم تجدها واتصلت عليها مرارا لتجيبها آيه وتطمئنها بأنها عادت للمنزل سريعا
في منزل عاصم وبالتحديد في عش الزوجيه الذي قام بأعدادة وترتيبه علي اكمل وجه
عاصم:الشقه كدة تمام ياست الكل ولا ناقصها حاجه
ام عاصم:ناقصها العروسه بس ياقلب مامتك
عاصم:هانت كلها كام يوم
هناء:فاضل علي الحلو تكه وهيتحبس جوة القفص وانا ال هقفل عليه
عاصم:يك متقفلي الباب غير علي رقبتك ياشيخة خلينا نرتاح من لسانك الطويل دة
هناء:اصحي يابابا انتو من غير طوله لساني ناثينج فاهم
عاصم وهو يقترب من هناء :امممم قولتيلي
هناء وهي تخبئ وجهها :خلاص بقي ياصاصا قلبك ابيض ياخويا
في صيدليه دكتور محمد حيث كانت تقف ورد برفقه دكتور محمد يدور بينهما الحوار الاتي:....
محمد:يعني خلاص كدة ولا حتي هتنزلي بعد الجواز خالص
ورد:الحمد لله علي كدة يادكتور محمد
محمد:هتوحشينا والله ياورد .. احم اققصد يعني الزباين ال اتعودو عليكي كنتي بتعملي جو حلو في الصيدليه
ورد:خير يادكتور محمد ربنا يبعتلك دكتورة احسن مني إنشاء الله
محمد:انتي مفيش ذييك ياورد
ورد محاوله انهاء الحديث:طب استأذن انا بقي علشان اتأخرت علي اخواتي بعد اذن حضرتك
ارتقت ورد درجات السلم لتدلف بداخل شقتها لتجلس مع اخواتها سويا لتبداء دعاء بسرد ماحدث معها في الشركه ليستمع لها اخواتها بأهتمام
ورد:يادي الوقعه السودة الوقتي زمان الناس عرفت كل حاجه والكلام هيوصل لعمك حسان
دعاء:متقلقيش ياورد انا كلمت فارس النهاردة وهو قالي انه بعت الاستاذ عبد الله يتفاهم معاهم وعمل عليهم حوار اني سترونج اندبندت وكدة يعني وهما صدقوة والموضوع اتلم من غير ماحد يحس بحاجه
آيه محدثه نفسها:اممم اتاريه عمال يقولي هانم هانم
ورد:بتقولي حاجه ياآيه
آيه:بقول نقفل علي الموضوع دة عشان انا زهقت من ام الثيرة دي ونركز بقي في فرحك وتفاصيله وكمان خطوبه ليان الاسبوع ال بعدة وانا مش فاضيه خالص
دعاء:ليان ال هبلتينا بيها هتتخطب
آيه:ايوة ربنا يفرحها دي بنوته سكرة
ورد:عقبالك ياحبيبتي
آيه:يووووة انا قايمه اذاكر
دعاء:مالها دي
ورد:سيبك منها بكرة نفرح بيها وهي متكعبله في عريس منسيها اسمها
ورد بأبتسامه:انشاء الله
مرت الايام سريعا لتشتري ليان شبكتها وسط فرحه الاهل والاحباب وكذالك ورد التي اختارت فستان زفافها بسعادة عارمه بمعاونه اخواتها وعاصم وهناء
عاصم:الفستان دة حلو اوي ياورد هيكون تحفه عليكي
ورد بأبتسامه:عجبك ياحبيبي
عاصم:حبيبي يالهوي ياني يما
ورد:في ايه ياصومي
عاصم:لا كدة كتير اووي عليا
ضحكت ورد بشدة ليبتسم لها عاصم بدورة قائلا:داالواحد كان قرب يضعف للاغرائات الخارجيه والله
ورد :امممم والله كنت هتضعف لايه بقي
عاصم بمكر:اصلهم كترو حوالين الواحد
ورد بعدم فهم: هما مين
عاصم:الحريم.... كترو في المترو وانتي عطياني انتظار
ورد بتعجب:كترو ومترو وانتظار لا داانت مش طبيعي خالص
عاصم:ولا هكون والله داانا حاسس نفسي بحلم دة ابن عمك دة طلع روحي
ورد:😂😂😂😂
يتبع الفصل الواحد والثلاثون اضغط هنا
- الفهرس يحتوي على جميع فصول الرواية كاملة :"رواية بنات المنشاوي" اضغط على اسم الرواية