Ads by Google X

رواية بنات المنشاوي الفصل الثامن والعشرون 28 بقلم خلود وائل

الصفحة الرئيسية

      رواية بنات المنشاوي الفصل الثامن  والعشرون بقلم خلود وائل

 رواية بنات المنشاوي الفصل الثامن والعشرون 

اتسعت عيني دعاء من هول الصدمه وتلجم لسانها ولم تستطع أن تنطق بكلمه واحدة من هول الصدمة .... ماذا تفعل وإلي اين تذهب انه وضع لا تحسد عليه ياللهول انه فارس و كريم ذراعه الايمن ومسئول حسابات عمها حسان وبرفقتهم عبد الله المحامي الخاص بالعائله لقد كشف امرها ماذا تفعل وماذا سيحدث ملايين الافكار تجمعت بعقل دعاء لينظر لها كلا من كريم وعبد الله بدهشه وتساؤلات كثيرة اما فارس فقد بدا عليه علامات التوتر ولكن لم تدم طويلا ليسود الصمت والنظرات المبهمه المتبادله بينهم ليقطعه حامد قائلا:هتفضلي واقفه عندك كدة يادعاء ولا ايه
دعاء بتوتر شديد:ها ... لا... انا....
حامد بحدة:ادخلي اخلصي ولا هتحكيلي قصه حياتك
حاول فارس تماسك أعصابه لكي لا يحدث مايحمد عقباه ليتخذ الموظفين جميعا مواقعهم ليبداء الاجتماع في اجواء مشحونه مليئه بالنظرات المبهمه التي تحمل العديد من التساؤلات
سامر:طبعا اخر شحنه كانت فوق الممتاز يافارس بيه ووصولها قبل معادها كانت لفته كويسه جدا من حسان بيه يشكر جدا عليها
فارس:دي عوايدنا ياسامر بيه وعقبال كل مرة
صالح:طبعا يافارس بيه والعقد الجديد هيكون بأسعار الموسم ال فات
فارس:كدة انت بتيجي علي نفسك ياصالح بيه
صالح:معرفتكم هي المكسب الحقيقي يافارس بيه
فارس:الشرف ليا حضرتك
حامد:دة ملف اخر صفقه تمت مابينا بناءا علي العقد القديم اتفضل يا كريم بيه
تناول كريم الملف الذي اعطاه اياه حامد لينظر فيه بدقه ثم يعاود النظر لحامد قائلا: فين الميزانيه بتاعته يااستاذ حامد
حامد وهو ينظر لدعاء:الميزانيه ياآنسه دعاء
دعاء بوهن:ها.... معلش حضرتك كنت بتقول ايه
حامد بحدة:فوقي يادعاء انتي جايه تكملي نومك هنا ولا ايه دة مكان شغل
دعاء بخوف: اسفه جدا يااستاذ حامد انا بس مكنتش مركزة مع حضرتك
حامد:انتي ه____
سيف مقاطعا:خلاص ياحامد لوسمحتي ياآنسه دعاء هاتي ميزانيه الصفقه الاخيرة مع مجموعه المنشاوي
دعاء:حاضر يافندم
ناولت دعاء الاوراق المطلوبه لحامد سريعا وسط دهشه كريم وعبد الله ومحاوله اخيرة من فارس للتمسك بأخر ذرة في اعصابه
سيف:حضرتك تحب تضيف اي بند جديد يافارس بيه في العقد؟
فارس:لا كدة تمام نتوكل علي الله
صالح:علي بركه الله
عبد الله:لو سمحت يااستاذ حامد كنت عاوز نسخه من العقد القديم
حامد:طبعا يامتر... ثم التفت الي دعاء مكملا كلامه:هاتي يادعاء نسخه من العقد القديم بسرعه للاستاذ عبد الله
فتحت دعاء الملف الذي تحمله لتبحث بداخله سريعا عن العقد القديم بتوتر شديد ليسقط الملف من يدها ارضا مبعثرا كل الاوراق الموجودة بداخله لتنحني سريعا لتجميعها سريعا بينما استشاط حامد غضبا وصاح بها بشدة
حامد:انتي ياغبيه مش تفتحي مفكرة نفسك فين هنا
فارس بحدة اشد وهو ينتفض من مكانه:ولا انت كيف بتتجراء وتتكلم اكدة معاها
حامد بتعجب:اهدي يافارس بيه دي حته موظفه لاراحت ولاجت
فارس وهو يتجه اليه والجحيم يحتضن عينيه:وهي عشان موظفه تقوم تكلمها بالطريقه دي
سامر:حصل خير يافارس بيه
تساقطت الدموع من عيني دعاء بشدة ليتجه ناحيتها سيف ويخرج من جيب حلته السوداء منديل ليجفف لها دموعها بحنو بينما تتجه اليه النظرات بزهول تام لمتابعه مايحدث لينفعل امير قائلا:ابعد ايدك عنها يااستاذ انت
فارس بعدم اهتمام:اهدي يادعاء متقلقيش انا معاكي وعمري مهسيبك تاني
أمير بأنفعال:قلتلك نزل ايدك عنها انت اتجننت ولا ايه
فارس بغضب مكتوم:وانت تطلع مين وعاوزني ابعد عنيها
أمير: انا ابقي خطيبها
كريم : الا الا لا لا ايه دة ال بيحصل اهنيه دة
عبد الله:دي بينها مسخت خالص
تناقلت النظرات بين فارس ودعاء وبين كلمات كريم وعبد الله
فارس بصوت يرن في اركان الشركه :قلتلي تبقي مين عاد!!خطيب مين انت اتچنيت ولا ايه يامخبل انت
سيف:اهدي ياسيف بيه دعاء دي موظفه عندنا ومفيهاش حاجه هي والاستاذ حامد زملاء وأنا هخليه يعتذرلها
فارس :يعتذر لمين وموظفه ايه وزفت ايه دي تبقي دعاء هانم بنت طايع بيه غنيم المنشاوي وريثه عمي طايع المنشاوي وخطيبتي وهتبقي مرتي
لجمت الصدمه جميع المتواجدين بقاعه الاجتماعات لينظرو لبعضم البعض بزهول من اثر كلمات فارس
حامد بغيظ:اكيد في سوء تفاهم في الموضوع يافارس بيه دي حته موظفه من الشارع
نظر فارس بغل ناحيه حامد ليكمل:الشارع دة امثالك ال بيجي منه ياحيوان دي ستك وست بلدك بحالها ياشويه بهايم انت كيف بتتكلم عنيها اكدة باينك اتچنيت وأنا ال هربيك
امسك فارس بياقه قمص حامد ليكيل له بوكس في وجهه تلو الآخر لتسيل الدماء من انف حامد ليتدخل بعض المتواجدين لفض الاشتباك الجاري
سيف:اهدي يافارس بيه حقك عندي انا انت والآنسه دعاء
فارس:العقد ال مابينا منهي ياسيف بيه وانسي اننا نتعامل مع بعض تاني وحق مراتي انا عارف هجيبه اذاي
سامر:انا بعتذرلك بشدة يافارس بيه حقك عليا انا دة سوء تفاهم
فارس:ال عندي قلته ولسه حسابنا مخلصش وابقو علمو الموظفين بتوعكم كيف يتعاملو مع بنات الناس
القي فارس كلماته بحدة وامسك بدعاء من زراعها وجذبها نحوة ومضي بها خارج الشركه بأكملها تاركا الجميع ومتجها نحو سيارته الفارهه التي تقف بالاسفل في انتظارة ليفتح له السائق بتعجب وهو ينظر لدعاء اما بالاعلي
كريم:طول بالك ياسيف بيه واحنا هنتكلم مع فارس بيه وهنمضي العقد
صالح: انا مش مصدق ال حصل دة
سامر:اذاي دعاء تبقي بنت عم فارس بيه وكمان وريثه ثروة المنشاوي
كريم:اذاي اصلا وصلت لهنيه
عبد الله:قفل علي الكلام دة ياكريم وهات العقد وحصلني علي تحت بسرعه
انطلقت السيارة بداخلها السائق وبجوارة كريم وبالخلف دعاء التي تتجنب النظر لفارس اما عبد الله فقد تبعهم بتاكسي
اخرج سيف هاتفه وضغط به بعض الازرار ووضعه علي اذنه ليجري اتصالا هاتفيا
فارس:الو ... ايوة انا في الطريق
المتصل:............
فارس:جهزت كل حاجه
المتصل:.......
فارس:زين قوي اكدة
المتصل:......
فارس:مسافه السكه هكون عندك
في شقه ورد ******
اتجهت ورد ناحيه باب الشقه لتفتح للطارق لتتفاجئ بهناء وعلي وجهها ابتسامه عريضه وتحمل بيديها شنطه صغيرة
ورد:اذيك يانؤة
هناء:اذيك ياريري
ورد:اتفضلي ياحبيبه قلبي
هناء:بقولك ....
ورد:هنقول من علي الباب
دلفت هناء لداخل الشقه لتجلس في الصالون
ورد:كنتي بتقولي ايه بقي
هناء:بقول يعني كنت عاوزة اخد رايك في الفستان دة انا جبته امبارح ومش مقتنعه بيه ابدا
ورد:وريني كدة
تناولت ورد الفستان بين يديها لتنظر له بأعجاب شديد فقد كان فستان من الستان الناعم ذو لون ازرق سماوي طويل وبأكمام قصيرة مطرزة وينتهي التطريز بها حتي وسط الفستان مع حزام عريض يزين خصر الفستان
ورد:دة تحفه ياهناء
هناء:اممممم مش مقتنعه
ورد:اعملك ايه عشان تقتنعي بيه دة يهبل مشاء الله
هناء:طب متجربي تلبسيه كدة جايز لما اشوف شكله علي حد يعجبني
ورد:اه منك انتي يالمضه
اخذت ورد الفستان واتجهت لغرفتها لقياس الفستان وما ان اغلقت الباب حتي اخرجت هناء هاتفها لتجري اتصالا سريعا
هناء:ايه يارخمه انتي فين كل دة
آيه:خلاص والله قربت اوصل اهوة وبعدين ياغباء مش تعرفيني من بدري دي حركه تعمليها
هناء:يلا بقي هي جت كدة ومتنسيش تجيبي الجماعه وانتي طالعه
آيه:دعاء وصلت ولا لسه
هناء: والله غلوبت رن عليها مبتردش خالص مش عارفه اعمل ايه
آيه:طب اققفلي بقي يلا سلام انا تحت اهوة
هناء:سلام
فتحت ورد باب الغرفه لتخرج منها مرتديه الفستان الذي اكتمل جماله بأرتداء ورد له لتنظر لها هناء بفرحه
هناء:الله حلو عليكي اوي ياورد
ورد:منا قلتلك كدة يابنتي من الاول ها اقتنعتي
هناء بمكر:امممم مش قوي يعني لازم تدخليني في الاجواء
ورد: اعمل ايه يعني
هناء:فكي شعرك كدة وحطي كحل في عينك مع هيلز حلو كدة كأنك خارجه بالظبط
ورد:ايه ياهناء محسساني اني راحه فرح حرام عليكي يابنتي
هناء:ياستي خوديني علي قد عقلي يلا بقي
ورد بنفاد حيله:حاضر اما اشوف اخرتها معاكي ايه يانؤة
دلفت ورد لغرفتها مرة اخري لتقوم بتمشيط شعرها بعنايه ووضع الكحل كيفما ارادت منها هناء لتستمع اصوات مرتفعه قادمه من الخارج لتجد آيه واقفه خلفها
آيه:بسم الله مشاء الله احلي عروسه دي ولا ايه
ورد بتعجب:جيتي بدري ليه ياآيه ... انتي كويسه
آيه:ولا عمري كنت كويسه ذي اليومين دول
ورد:اشمعنا بقي
آيه: عشان بشوفك فرحانه ومبسوطه ديما وبتضحكي وبتتكلمي كتير ومبقتيش تخافي ذي زمان
ورد:ربنا يديم فرحتنا ياحبيبه قلبي .... صوت مين برة؟
آيه: تعالي شوفي بنفسك
خرجت آيه من الغرفه وخلفها ورد لتتفاجئ بوجود ام عاصم واختها حنان والست تهاني وسلمي وليلي وتغريد وعم جمال وعاصم ودكتور محمد ليقابلها عاصم بأبتسامه وديعه ويتجه اليها
ورد بتوتر:في ايه ياعاصم حصل حاجه دعاء كويسه انتو مخبيين عليا ايه
عاصم:متقلقيش ياقلب عاصم دعاء كويسه وجايه في الطريق
ورد:طب... طب انتو متجمعين هنا ليه
عاصم:هتعرفي كمان شويه
جلست ورد بجوار هناء وسلمي بتوتر ملحوظ بعد ان حيت الجميع ورحبت بهم لتمر دقائق ثقال لتدلف ورد من باب الشقه لتهرع اليها ورد سريعا وتحتضنها
ورد:انتي كويسه يادعاء طمنيني انا هموت من القلق
دعاء:اطمني انا كويسه والله ...... ورد ....
ورد:في ايه ؟!!!
نظرت ورد خلف دعاء لتتفاجئ بفارس وبجوارة كريم ليلحق به بعدها بدقائق عبد الله لتنظر لهم بخوف وقلق
ورد بتوتر بداء يتملك منها:انتو... انتو... جايين تاخدونا صح...ف..فارس...
فارس وهو يقترب منها:اهدي ياورد اسمعيني كويس
ورد:انت..انا.... انا مش فاهمه حاجه
آيه:اهدي بقي الناس هتاخد بالها
اتجت كل من ورد وعاصم وفارس ودعاء وآيه لغرفه ورد
ورد: انا مش فاهمه حاجه بالله عليكو حد يفهمني
عاصم:اهدي ياورد انا هفهمك كل حاجه
ورد:اتكلم بالله عليك انا مبقاش فيا اعصاب
فارس:اهدي ياورد الحكايه ومافيها ان الشهرين ال اتفقنا عليهم خلصو والنهاردة كانت فرصه وانا موجود في القاهرة فكلمت عاصم واتفقت معاه
ورد : اتفقت معاه علي ايه
عاصم بفرحه:اننا نكتب كتابنا
فارس:وانا ودعاء معاكم
نظرت دعاء نحو فارس بدهشه لاتستوعب ماقاله فارس لتبتسم لااراديا ثم تستعيد نظراتها الجادة
ورد:طب مش تعرفوني... خبيتو ليه؟!
عاصم:حبينا نعملها مفاجئه واهم بقو مفاجئتين
فارس:ولا ايه رايك يادعاء؟
دعاء:_____
آيه:يلا ياجماعه المأذون زمانه علي وصول تعالو احنا نقعد مع الناس ال سبناهم برة ونسيب العرايس لوحدهم
دعاء:انتي كنتي عارفه
آيه: لسه النهاردة الصبح والله وانا في الجامعه
خرجت آيه ومعها عاصم وورد ليجلسو في انتظار المأذون تاركين المساحه لفارس ودعاء
دعاء:ايه ال انت قلته دة؟
فارس:معوزاش تتچوزيني ولا ايه
دعاء:مقصدش بس كيف نتچوز من ورا اهلنا
فارس:هقول ل أمي ومرام والباقي لما ربنا يأذن المهم اني مهسيبكش واصل تضيعيي من يدي ويوم مانقف قصاد ابوي تكوني في حمايتي صدقيني يادعاء دة انسب حل
دعاء:بس
فارس:مابسش ولا دقيقه بعد النهاردة هتبقي بعيدة عني واعملي حسابك الشغل دة مهتروحيهوش واصل
دعاء:ال تشوفه يافارس
فارس بفرحه:المأذون زمانه وصل انا هخرج برة استناكي تغيري خلجاتك دي عاوزك تفرحي دة يومك عاد
دعاء بخجل:حاضر
فارس:يحضرلك الخير يادودو
خرج فارس سريعا تاركا دعاء تختلي بنفسها لتنظر في المرآه لتتأكد بأنها ليست بحلم ما لتبداء بتجهيز نفسها ليومها المنتظر اما بالخارج فقد حضر المأذون وبداء بأعداد الاوراق اللازمه في وسط سعادة ومباركات جميع الحضور عدا تغريد التي كانت تستشيط غضبا
المأذون:ايدك في ايد العريس يااستاذ فارس وقول ورايا********
تسارعت دقات قلب ورد من شدة الفرحه لتضع يديها علي قلبها مطمئنه اياه بأنها تعيش السعادة وتلمسها لا تراها في حلم وردي.....
المأذون:بارك الله لكما وبارك عليكما وجمع بينكما في خير
احتضن فارس عاصم بسعادة قائلا:حطها جوة عينك ياعاصم انت واخد اختي مش بنت عمي
عاصم:دي جوة قلبي يافارس مش في عنيا
ارتفعت اصوات الزغاريت لعقد قران ورد وعاصم ليعد المأذون اوراقه للمرة الثانية استعداد للعقد الثاني
المأذون:مين وكيل العروسه؟
كريم بفرحه:انا يامولانا
عبد الله:اختشي علي دمك داانا ال ياما شلتها وهي عيله زغيرة معتعرفش تمشي لوحدها
كريم:انت علي راسنا ياعمي اتفضل
امسك عبد الله بيد فارس ليعقد قرانه علي دعاء بينما كانت تقف بعيد تتابعهم بنظراتها بفرحه عارمه يكاد قلبها يقفز من بين ضلوعها 😍
هناء:الف مبروك ياحبايبي ايوة كدة الفرحه بقت دابل
ورد بسعادة مطلقه:الله يبارك فيكي يانؤة عقبالك يارب
هناء:يااااارب... بس ايه رايك في المفاجئه
ورد:جامدة بصراحه كان قلبي هيقف بس
دعاء:مفاجئه تطير القلب قبل العقل كنتو فين من زمان انتو ومفجأتكو
آيه:قلتلك اتقلي علي الرز يستوي
ورد:انتو سبتوه لما شاط😂😂
ام عاصم وهي تتجه لورد لاحتضانها:الف مبروك ياورد ربنا يسعد ايامكو ولياليكو يارب
ورد:الله يبارك في عمرك ياطنط
ام عاصم:طنط ايه بقي قوليلي ياماما
ورد بحنو:حاضر ياماما
ام عاصم:الف مبروك يادعاء والله فرحتلك من قلبي عقبالك يابت يايويو
دعاء: الله يبارك في عمرك ياطنط عقبال هناء
ام عاصم:يارب يابنتي نفسي افرح بيها والله
حنان:عريسها موجود ياام عاصم الواد بندق ابني هيموت عليها
ام عاصم:اعرفكو يابنات دي اختي حنان او قولولها طنط ام باسم
حنان:الف مبروك ياعرايس ربنا يسعدكو يابنات
ورد ودعاء:الله يبارك فيكي
حنان بهمس لاختها:الواد عاصم طلع ناصح ونقي عروسه تقول للقمر قوم اما اققعد بدالك
ام عاصم:مش قلتلك ياحنان يختي دي ادب واخلاق وحلاوة مفيش بعد كدة
حنان:بس ياحبه عيني مقطوعه من شجرة..... هما اهلها دول ماتو من زمان؟
ام عاصم:من يجي كدة تلات سنين تقريبا
سلمي:الحقي يابت يانؤة امك وخالتك استلمو ودان بعض
هناء:يبقي انسيهم مش هيخلصو النهاردة
ليلي:انا مش مصدقه ياعيال انتو الاتنين تفجئونا مرة واحدة كدة ياريت بقي الفرح ميبقاش في ليله واحدة
هناء:اطمني يختي انا سألت عاصم وقالي ان دعاء وفارس لسه شقتهم مخلصتش وقدامهم بدري
ليلي:ايوة كدة نعرف نلبس سواريه براحتنا
آيه:سواريه بردو
جميعهم:😂😂😂😂😂
اقتربت تغريد من الفتيات وعلي وجهها ابتسامه صفراء قائله:الف مبروك يادعاء .... مبروك ياورد
دعاء:الله يبارك فيكي
ورد:عقبالك ياتغريد
تغريد:طبعا إنشاء الله نفرح بيكي الاول ثم اكملت لنفسها :وديني لحرق قلبه عليكي ياورد ومهخليكي تتهني بيه ابدا
بعد فترة طويله من المباركات والتهاني انسحب الجميع لمنازلهم تاركين العرسان لوحدهم
فارس:انزلو انتو استنوني في العربيه وانا هحصلكم علي طول
كريم:فارس ...لازم تمضي العقد والا الموضوع هيكبر وحسان بيه هيعرف كل حاجه
عبد الله:كريم بيتكلم صوح لازمن هيعرف اساس المشكله وساعتها هيعرف ان البنات اهنيه
فارس :هحصلكم ونشوف هنعمل ايه دلوق
نزل كل من كريم وعبد الله لانتظار فارس بالسيارة اما بالاعلي فجلس فارس ودعاء بالصالون اما ورد فجلست مع عاصم بالصاله
فارس:مبارك عليا ياهنايا 😍
دعاء:ربنا يباركلي في عمرك يافارس قلبي ومالك تفكيري ♥️
تبدلت ملامح فارس سريعا قائلا:الواد ال كان بيقول انك خطيبته دة كان مين ويقصد ايه؟


يتبع الفصل التاسع والعشرون اضغط هنا
google-playkhamsatmostaqltradent