Ads by Google X

رواية بنات المنشاوي الفصل السابع والعشرون 27 بقلم خلود وائل

الصفحة الرئيسية

     رواية بنات المنشاوي الفصل السابع والعشرون بقلم خلود وائل

 رواية بنات المنشاوي الفصل السابع والعشرون 

ليان:يااااااه يابنتي دة انتي حكايتك حكايه واستحملتي كل دة انتي واخواتك اذاي وعمك دة ملوش كبير
آيه:ربنا قادر علي كل شئ...... لو انتي مكاني هتعملي ايه ياليان
ليان:بصراحه الوضع صعب اوي بس من رأيي متسبيش لعمك دة ولا جنيه وحقك تاخديه علي داير المليم انتي واخواتك وتبقي عبيطه لو عملتي غير كدة
آيه:قلت كدة والله بس اخواتي رافضين بيقولو مرتاحيين كدة بس اصلا احنا خايفين مش هنلاقي حد في ضهرنا ولو عرفو مكانا هيقتلونا بدم بارد انتي متعرفيهمش
ليان بتعجب:ياااه للدرجه دي ... داانتو اهل يابنتي اذاي كدة
آيه بسخريه:أهل !؟ اهل ايه ال بتتكلمي عنهم احنا كنا بالنسبالهم مسجون مستني حكم الاعدام يتنفذ فيه مكانش فيه حد بيهون علينا مرار عمي حسان غير مراته صفيه و اوقات فارس ومرام
ليان:طب مش قلتي ان فارس دة عارف عنكم كل حاجه وبيساعدكم
آيه:من غير ماحد يعرف وهو ال بيداري ورانا وبيبعتلنا فلوس علي طول عشان مصاريفنا وجوازة ورد من غير مايبان في الصورة
ليان:طب ولحد امتي هتفضلو كدة
آيه:مش عارفه بجد لما بفكر في الموضوع دة ببقي حاسه ان دماغي هيتفرتك
ليان :حلكو انك تتجوزي حد ايدة طايله ذي عمك كدة وهو ال يقف في ضهرك انتي واخواتك ويجبلك حقك وكمان انتي خلاص كبرتي وطلعتي من تحت وصايته يعني خلاص بقيتي حرة نفسك
آيه:حيلك حيلك جواز ايه ال بتتكلمي عنه دة انا لسه صغيرة وقدامي جامعتي ومين دة ال هيقدر يقف قدام عمي حسان
ليان بفخر:سيف اخويا
آيه:😂😂😂انتي لو جيباني النهاردة تخطبيني ليه مش هتعملي كدة انتي هبله يابت انتي ولا وقعتي علي نفوخك وانتي صغيرة
ليان:الله بقي..... طب وربنا دة عين العقل
آيه:هتخليني اندم اني حكيتلك حاجه وبعدين تعالي هنا الموضوع دة لو حد عرفه انا واخواتي ال هندفع تمنه غالي اوووي ف لو بتحبيني بجد يبقي ولا كأنك عرفتي حاجه تمام
ليان :تمام والله متخافيش
حل المساء سريعا لتعود آيه برفقه السائق لمنزلها لتجلس قليلا مع أخواتها ثم تتجه لغرفتها
ورد:مش هتتعشي يايويو
آيه:اتعشيت مع ليان قبل مااجي تصبحو علي خير
دعاء وورد:وانتي من اهل الخير
دلفت آيه لغرفتها لتقوم بتبديل ملابسها والاستلقاء علي سريرها لتبتسم براحه وتتذكر الحديث الذي دار بينها وبين ليان...... بالخارج فكان هاتف دعاء يرن مرارا وتكرارا ولكنها تتجاهل الرد فقد كان المتصل هو فارس
ورد: متردي بقي يابنتي حرام عليكي كدة
دعاء:سبيني ياورد انا عارفه انا بعمل ايه
ورد:والله منتي عارفه اي حاجه وهتلبسي نفسك في حيطه انشاء الله
دعاء :يووووة هو ال اختار البعد يبقي يستحمل بقي
القت دعاء كلماتها ثم اتجهت لغرفتها لترتمي سريعا علي سريرها وتسمع لدموعها بالنزول لعلها تزيل الهموم التي تحملها بقلبها .... كانت ورد علي وشك ان تتبعها ولكن استوقفها رنين هاتفها فأسرعت بالإجابة
ورد:الو
فارس:ايوة ياورد كيفك
ورد بحزن:زعلانه منك چوي چوي يافارس
فارس:ليه بس اكدة
ورد:يعني مفكرني معرفاش ال بينك وبين دعاء .... ليه اكدة ياواد عمي داانتو عمركو مقعدتو ساعه متخاصمين تقومو تقعدو شهر واكتر
فارس: غصب عني والله ياورد مبقيتش عارف انا بعمل ايه زعلت چوي منيها وانتي عرفاني زين
ورد:بس ميبقاش اكدة
فارس:انا چاي القاهرة السبوع الجاي وهاچي عنديكم عشان اصالحها بس ال طالبه منك انو تطيبي خاطرها من نحيتي الله يخليكي ياورد
ورد بحنو:تاچي تنور الدنيا بيتك ومطرحك يخوي ومن عنيا حاضر هكلمها
فارس:تسلميلي ياورد..... هو ممكن اكلمها دلوق من تليفونك
ورد:بلاش دلوق وخليك ليوم ماتاچي وتبقي مفاجأة ليها عما أكون عرفت أكلمها ولا ايه رايك
فارس: تمام ماشي
ورد:مع الف سلامه ياواد عمي
فارس:مع السلامه ياورد
اغلقت ورد الخط واتجهت ناحيه دعاء لتطرق الباب ⚡⚡⚡ولكن بدون اجابه لتفتح الباب وتدلف للداخل مناديه:دعاء....دعاء
اعتدلت دعاء في جلستها لتنظر لورد بعيون متورمه تنهمر منها الدموع لتهرع اليها ورد وتحتضنها سريعا
ورد:عيطي ياقلب اختك طلعي كل ال في قلبك
دعاء:😭😭😭😭
ورد:بحبه ياورد بحبه واتربيت علي حبه ال كبر معايا كل لحظه في عمري
ورد:وهو كمان بيعشقك مش بيحبك يادعاء
دعاء:قدر علي بعدي ياورد
ورد: ومين قالك انه مكانش تعبان اكتر منك جربي تحطي نفسك مكانه وتقطعي نفسك ميه حته عشان تحمي ال بتحبيه
دعاء:وهو مقطع نفسه اذاي بقي
ورد بتعجب:والله..... مين ال ساعدنا ووقف معانا من يوم ما سيبنا القصر؟
دعاء:فارس
ورد:مين يساعدنا في اي ازمه وبيبعتلنا فلوس ومغطي علينا قدام عمك ومقفل كل الطرق في وشه مع انه مش صعب علي عمك حسان انه يوصلنا
دعاء:دة دخله ايه في ال حصل مابينا
ورد:دة دخله ونص يادعاء ..... بلاش تبقي انتي والدنيا عليه وافتكري انه هيجي عليه يوم وهيعادي ابوة واخواته عشانك فخليكي جمبه عشان يقدر يكمل ويعدي اللحظه دي
دعاء بتوتر:ومين قالك اني لسه ناويه اكمل
ورد:اتعلمتي العند من آيه ولا ايه؟
دعاء:ياورد انا تعبت والله تعبت
ورد:كلنا تعبانين ياورد ولا مفكرة انه بالساهل عليا اشوف عاصم وانا راحه الشغل ووانا جايه ومقدرش اكلمه ولا حتي ابص في عنيه مفكراني مبسوطه وانا بعيدة عن ال بحبه دة حتي شبكته اخته ال لبستهالي بس انا عارفه ان فارس خايف علينا وبيحاول يحمينا ويحافظ علينا في بعدة عننا ومتأكدة انه بيتعذب في اليوم ميه مره وانتي بعيدة عنه
دعاء: مش عارفه اققولك ايه ياورد
ورد بأبتسامه: قومي اغسلي وشك كدة وصلي ركعتين لله بنيه راحه قلبك واوعي تفكري تزعلي فارس تاني يادعاء دة سندك بعد ربنا وابوكي الله يرحمه فاهمه
دعاء:فاهمه
تركت ورد دعاء لتختلي بنفسها دقائق لتقوم بعدها وتتجه للمرحاض لتتوضاء وتصلي ركعتين لله وتدعوة كثيرا ان يريح قلبها وتقراء بعض ايات الذكر الحكيم لتقع بنظرها علي آيه"ولقد نعلم أنك يضيق صدرك بما يقولون فأصبر فأنك بأعيننا"
دعاء:يارب ملناش غيرك يارب ضاقت بينا أرضك وواسع علينا فرجك حلها من عندك يارب....
بعد دقائق اعتلت دعاء فراشها لتغط في ثبات عميق
مرت الايام سريعا ولا تحمل احداث جديدة تذكر فهاهي ورد تمارس حياتها الروتينيه اما دعاء فباتت تحاول تجتب أمير ومحاولاته في التقرب منها وتلعن لحظه الغباء التي تسرعت فيها واعطت لهذا الشاب فرصه للحديث معها ولم تكن تعلم بأنها لن تدوم فالقادم أشد ..... اما آيه فكانت تعاني الامريين هي وزملائها من أسلوب دكتورة لميس الفظ في معاملتهم وتهديتها المستمرة للطلبه علي أتفه الاسباب
في كافتيريه الجامعه كانت تجلس ليان و آيه كعادتهم لتنضم اليهم مي صديقه ليان
مي:اوووف بقي انا مش فاهمه اي حاجه في ام المادة دي هو دكتور سيف هيسيبنا للمستبدة دى كتير
ليان:بيقولو انه هيرجع بكرة
مي بأستغراب:هيرجع منين!!
ليان:هيرجع هنا الجامعه يحجه دماغك راحت فين هو كان من بقيه عيلتي عشان اعرف هو فين
آيه وهي تحاول كتمان الضحك: مثلا 😂⚡
ليان وهي تغمز لها بالتوقف عن الضحك:مخلاص يختي بقي ارحميني ولا اجيبلك دكتورة لميس تفرهدك مشاريع هنا
آيه:انا علي وضعي يابيبي ولا يهمني لميس ولا خميس حتي
كانت تجلس دكتورة لميس علي الطاوله المجاورة وتستمع لهم بأنصات لتقف سريعا كبركان ينوي الانفجار وتتجه ناحيه آيه
لميس:انتي يامهزءة ياالي اهلك معرفوش يربوكي اذاي تتكلمي عن الدكتورة بتاعتك كدة
آيه وهي تقف من مقعدها:حضرتك بتكلميني
لميس:هو في حد غيرك قدامي ولا هكلم خيالك يعني
آيه وهي ترفع كتفيها بتعجب:ممكن بردو منا مش عارفه دماغك بتفكر اذاي
اشتعلت أعين لميس غضبت وهمت سريعا برفع يديها ومحاوله ضرب آيه علي وجهها لتستوقفها آيه وتمسك بيديها بشدة وعينيها تتطاير منها الشرر
آيه:عندك ولحد هنا وخلص الكلام انتي ال ذيك خسارة اديها من وقتي دقيقه واحدة
القت آيه بيد لميس في الهواء معلنه بدايه الحرب بينهما
لميس:ان ماربيتك مبقاش انا دكتورة لميس مهنا
آيه ببرود:علي نفسك ياحلوة مش عليا واخرك معايا تحرميني من اعمال السنه ويوم ماتتمعظمي اوي هتشيليني المادة بس عادي whateverخليني قاعدة هنا سنه كمان اشوف خلقتك العكرة دي وفي الاعادة افادة بردو
لميس بغضب:وديني لربيكي ياكلبه انتي
آيه:امسكي اعصابك عشان هتحتاجيها قدام ولو انا كلبه تبقي انتي الكوكوش الكبير ماانتي الدكتورة بتاعتي
تعالت أصوات الضحك من الطلبه المتجمعين حولهم لتنظر لميس حولها وتتفاجئ بالتجمهر الشديد من الطلبه يشاهدون مايحدث فهي لم تضييع حقها من الصراخ علي آيه في حين أن آيه كانت تتحدث معها بكل برود وهدوء لتشعر لميس بالاحراج لتقترب منها آيه قائله بتحدي:واه نسيت اققولك اسمي آيه طايع غنيم المنشاوي عشان يبقي سهل عليكي تجبيني من غير ما تدوري كتير
تعالت اصوات الصفير من الشباب وتصفيق الفتيات لتنسحب آيه ببرود تاركه لميس تشتعل غيظا وحقدا....
مرت الايام سريعا ليعود سيف لمنزله وتروي له ليان ماحدث في الجامعه أثناء غيابه بين لميس وآيه
سيف بغضب: الله يخرب بيتها صحبتك دي كانت معرفه سودا
ليان بحزن: وانا ال فكرتك هتجبلها حقها وتقف معاها ياسيف
سيف:حقها ايه هي خلت فيها حقها دي فرجت الدنيا علي لميس
ليان:تستاهل ماهي ال كانت قاعدة رميه ودنها معانا ودخلت في آيه ذي القطر مع ان مي بردو كانت بتتكلم عنها بس موجهتلهاش اي كلام
سيف:تقصدي ايه!
ليان:اققصد ان لميس اتعمدت تعمل مشكله مع اعز صحابي وتيجي جري عليك تحكيلك وانت بدورك هتسألني وتحاول انها تحشر نفسها في حياتك بحجه الموضوع دة وانها هتحاول تراضيني وكل الهبل ده
سيف: وايه ال يجبر لميس انها تعمل كدة
ليان:مش مصدقاك بجد .... انت نسيت لميس وعمايلها زمان لما خطبت ريهام الله يرحمها
سيف:دة ملهوش علاقه بالحصل الوقتي ياليان
ليان بغضب:طبعا ليه وال هتكون ضحيته آيه واقسم بالله لو سبتها تأذيها او حتي سمحتلها تكمل معانا مكانك مهيحصل طيب ابدا ياسيف انا مش هسمح لحد انه يأذي آيه مهما كان غرضه او قصدة ماشي
سيف:طب اهدي بس ياليان انتي مكبرة الموضوع ليه
ليان:الموضوع كبير لوحدة ياسيف ومحدش فاهمه قدي وانا عرفتك ال فيها عشان تبقي واخد بالك ومترجعش تعمل حاجه تزعلني فاهمني
سيف:بصراحه بردو صاحبتك دي زودتها اوي ولا يعني عشان سافرت وهي ملقتش حد تتشاكل معاه تقوم تمسك في لميس
تنهدت ليان ثم اكملت:بص ياسيف انا قلتلك ال عندي وال يريحك اعمله وكل ال بتمناه انك متتجوزش ال اسمها لميس دي تحت اي سبب ... انا اه عيله صغيرة ذي مابتقول بس بفهم وبحس ومن رايي آيه دي بنت غلبانه اوي ولما تعرفها هتصدق كلامي تصبح علي خير
سيف:تلاقي الخير يا لينو
جلس سيف يفكر فيما قالته ليان لفترة ليست بقصيرة ثم اتجهه بعدها لفراشه ليغلبه النوم سريعا لتمر ساعات الليل ببطء وتشرق شمس الصباح لتعلن يوم مهم مليي بالاحداث التي ستغير الكثير في حياه ابطالنا.....
في شركه الحديدي كان الاجواء لاتوصف فجميع الموظفين يعملون علي قدم وساق وجميع الملفات المهمه متواجدة علي مكتب صالح الحديدي اما سيف فكان يجلس مع اخيه سامر بمكتبه مرتديا حله غايه في الاناقه يتصفح حسابات مهمه اما دعاء فكانت تراجع الملفات التي قام زملائها بتجميعها قبل حضور الاجتماع
سمر:كدة كله تمام
دعاء:استني هنا انا مش فاهمه تجديد العقد دة بيبقي اذاي
سمر:ياستي الموضوع بسيط كل موظفين الحسابات ال ذينا كدة بيقفو حوالين طرابيزة الاجتماعات من غير ماحد يحس بينا تمام
دعاء:تمام
سمر:وكل واحد معاه ملف معين اول ماتسمعي اسمك تناوليه لل بيطلبه منك ولازم تركزي اوعي تنسي نفسك او تتلخبطي تمام
دعاء:تمام وبعدين
سمر:وبعدين ياستي شركتنا والمجموعه ال بنتعامل معاهم بعد مابنصفي حسابات العقد القديم بيتفقو علي اي نقط اضافيه او لو في تعديل في العقد او اي حاجه من ال بالك فيها وبعدين بيمضو سوا وخلصت الليله فهمتي
دعاء:فهمت
دلفت مدام نهال مسرعه لمكتب الفتيات
نهال بعجله:يلا ياجماعه الاجتماع هيبداء وانتو واقفين هنا
سمر:معلش يامدام نهال اصل دعاء متوترة شويه
نهال وهي تسير بهم نحو غرفه الاجتماعات:مش عاوزين اي اخطاء يادعاء دول اهم مجموعه بنتعامل معاهم
دعاء:حاضر يا مدام نهال
قام الحارس بفتح باب غرفه الاجتماعات لتدلف نهال وخلفها سمر وتليها دعاء لتتلقي صدمه جعلت لسانها يتلجم من شدتها.


يتبع الفصل الثامن والعشرون اضغط هنا
google-playkhamsatmostaqltradent