رواية بنات المنشاوي الفصل السادس والعشرون بقلم خلود وائل
رواية بنات المنشاوي الفصل السادس والعشرون
مرام بأهتمام:اتفضل
سعد:انا بحبك چوي يامرام وربنا عالم انه مش كلام وفرحتي بيكي انك بقيتي مرتي دي مخلياني ممصدقش عاد ان النهاردة كان فرحنا وانك بقيتي حلالي ...... بس في حجات لازم نتفچ عليها من اول يوم عشان نعيش مرتاحيين مع بعض
مرام:كمل انا بسمعلك
سعد:ابوي وامي دول دنيتي ومافيها رضاهم وبركه دعاهم هي ال وصلتني ليكي ف حبيهم وعامليهم كانهم الحاچ حسان والست صفيه الله يطول فعمرهم ومن بعديهم عيلتي كلها علي راسي من فوق دي حاچه
مرام بأهتمام:عيلتك هي عيلتي بالظبط ياسعد
سعد:وهو دة عشمي فيكي يابنت الاصول ثم أضاف قائلا:اسمعيني زين وافهمي قصدي كويس عمي ماجد بنته الصغيرة اسمها نعمه هي مسافرة اليومين دول مهتشوفيهاش دلوق ...... من واحنا عيال صغيرة وكانو يقولو اننا لبعض بس انا عمري محسيتها ولا شوفتها غير أختي ذيها ذي نرمين بالظبط .... انا بقولك الكلام دة لأني خابرها زين وخابر انها واعرة چوي ومتأكد انها مهتضييعش فرصه الا وهتضايقك فيها...
مرام:حاضر
سعد:يعلم ربنا اني لا حبيت ولا هحب حد ذيك يامرام داانتي ساكنه جوة في قلبي ❤️
مرام:ربنا يخليك ليا ياسعد
سعد: لما اسمعك بتنطچي اسمي ببقي عايش اسعد لحظات حياتي يامرام
مرام:ربنا يعيني واكون سبب في سعادتك ياحبيبي
سعد بفرحه:حبيبك بالله عليكي نفسي اسمعها منيكي عاد
مرام بخجل:انا.. انا...
سعد:هاااا
مرام:انا... ب.... بحبك ياسعد
انتفض سعد من مجلسه واتجه لمرام ليحملها بين ذراعيه ويدور بها مرارا وتكرار لترتفع اصوات ضحكاتهما ويمضيان سويا ليله من أجمل ليالي العمر...
في الصباح تململت مرام بخفه في سريرها لتستيقظ وتعتدل في جلستها لتبحث عن سعد بنظرها لتجدة واقفا خلف الباب مرتديا بيجامته وبين يديه صينيه الافطار ليغلق بعدها الباب ويتجهه ناحيه الطاوله سريعا ليضعها عليها ويتجه إلى مرام بفرحه
سعد:صباح النور علي البنور
مرام بنعاس: صباح الفل
سعد:قومي يلا يا قلبي وصحصحي اكدة علشان تفطريني بأيديكي الحلوين دول
مرام بخجل:حاضر
سعد:يحضرلك الخير يا ست الصبايا
دقائق وخرجت مرام من الحمام الملحق بالجناح الخاص بهما وجلست بقرب سعد ليتناولو الطعام بسعادة تامه......
في شركه الحديدي****
أمير:صباح الفل يادودي
دعاء بتعجب:نعم!!
أمير:اي في ايه مالك بصبح عليكي
دعاء:اسمي انسه دعاء ولو سمحت يااستاذ امير انا مش عاوزة حد يجيب في ثيرتي علي لسانه وموافقتي كانت مبدائيه مش معني كدة انك تاخد عليا تمام
امير بضيق:تمام
دلفت أحدي زميلات دعاء لتنادي عليها
سمر :يلا يادودو مدام نهال مستنيه من بدري
دعاء وهي تلملم بعض الاوراق بيديها:حاضر ياسمورة وراكي علي طول
امير:ناس ليها بخت وناس ليها استاذ
نظرت دعاء بعدم اهتمام لامير وحملت اوراقها واتجهت لمكتب مدام نهال لتطلعها علي حسابات احدي الصفقات
في جامعه القاهرة******
كانت تجلس ليان وآيه في احدي المدرجات ويتحدثون سويا
ليان:باس ياستي وبعدها قام ماسك ايدي جامد وقايلي بحبك ياقمر سمايا
آيه:هييييييح
ليان:عقبالك يايويو
آيه:بس ياحجه عقبالي ايه لسه بدري سبيني حرة طليقه هو انا اهرب من فراچ تقوليلي عقبالك
ليان بأستغراب:فراچ مين دة؟
آيه :دة موضوع طويل اوووي يطول شرحه هبقي احكيهولك بعدين
ليان:ابدا ولا بعدين ولا قبلين احكي ناو انا مش هيجيلي نوم منتي عرفاني
آيه:بتكلم جد والله مش هطنش وهحكيلك بس دة موضوع كبير مينفعش احكي هنا
ليان بجديه:يااااه للدرجه دي
آيه:واكتر بس علشان تعرفي انك غاليه عندي يالينو
ليان:القلوب عند بعضها يايويا .... المهم
آيه:اديني القاضيه في الحته الفاضيه بقي
ليان:😂 ماشي..... هجيب شبكتي الاسبوع الجاي والخطوبه الاسبوع ال بعدة
آيه:ايوة بقي اهي دي الاخبار ال تفرح مش ال ذيي وشك
ليان:يوووة بقي انتي هنا وهو هناك ارحموني ياعالم
آيه بعدم فهم:منين بيودي فين
ليان:سيف ياستي مسكني امبارح قررني وعرف اني كنت بسجلك المحاضرات وكل حاجه
آيه:فين المشكله لا اراها
ليان: يارب حبه من برودك ياآيه
آيه:بس بس عشان الحجات دي بتتحسد
ليان:😂😂😂
قطع كلامهم دخول دكتور سيف وبجوارة سيدة في بدايه عقدها الثالث تبدو عليها الجديه والانوثه الطاغيه كأنها في العشرينات
آيه:يختي كنتي افتكرتي كيس شيبسي
ليان:يخربيت هنطرد انهاردة
سيف بجديه:احب اعرفكم دكتورة لميس زميله جديدة هنا معانا وهتدرس ليكو نفس مادتي فترة مؤقته انشاء الله
لميس :هاي شباب
آيه بهمس:ياما جاب الغراب لامه ...اخوكي رايح بلجيكا ولا ايه؟
ليان بأمتعاض:ملقاش غير الملزقه دي
آيه بتعجب:انتي تعرفيها
ليان:عز المعرفه
امضت لميس المحاضرة برفقه الطلبه لتتعرف عليهم وتدرس معهم بعضا من المنهج الخاص بهم لينتهي اليوم الجامعي ببطئ شديد ليخرج الطلبه متأفأفين من المحاضرة
سمير:يابااي الدكتورة دي دمها يلطش بشكل
حازم:بس وتكه اوي
سمير:تغور بتقل دم امها
***********************************
ليان: بقولك
آيه:قولي ... معاكي في اي حاجه بعد المحاضرة الهباب دي
ليان:اشطا بقي متيجي تقضي اليوم معايا النهاردة
آيه:هنروح فين
ليان:بيتنا ايه رايك
آيه:مستحيل دة بعدك انتي اكيد بتهزري ..... بيتكو واشوف اخوكي ونمسك في خناق بعض وانا اصلا مفرهدة النهاردة
ليان:😂😂يخرب عقلك هو يعني مكتوب علي وشه شكل للبيع
آيه: يعني ..... شوفي اي حاجه تانيه بقي
ليان:من غير مناقشات الوقتي حالا هتركبي معايا عربيتي والسواق هيطلع بينا علي البيت نقضي اليوم هناك واوريكي الحجات ال طارق جابهالي من السفر ومن نحيه سيف متقلقيش هو اصلا هيسافر وعلشان كدة جاب لميس الرخمه دي
آيه:بس___
ليان مقاطعه:مبسش يلا قدامي دي مامي هتفرح بيكي جدا
انطلقت السيارة بليان وآيه متجهه لفيلا الحديدي لتتصل آيه بورد لتخبرها بأنها ستمضي بقيه اليوم مع ليان لتوافق ورد بحنان أخوي لتمضي فترة ليست بقصيرة وتتوقف السيارة امام الفيلا وتترجل منها الفتاتان ويدلفان لداخل الفيلا
ليان بمرحها المعتاد:انا جيييت
نورة:نورتي الدنيا ياحبيبه مامي ..... ايه المفاجئه الحلوة دي تعالي ياآيه اتفضلي ياحبيبتي
آيه: اذيك يا طنط نورة
نورة:بخير ياحبيبه قلبي .... حماتك بتحبك يايويو جيتي في وقتك يلا يالينو خديها معاكي غيري هدوك واغسلو ايديكو وانزلو بسرعه علشان الغدا
ليان:اي اي كابتن
اتجهت الفتاتان ناحيه غرفه ليان سريعا لتجلس آيه علي كرسي مجاور للتراس في انتظار ليان لتشعر بالملل وتتجه للتراس لتقف به لتداعب نسمات الهواء خصلات شعرها الحريري لتأتي ليان من خلفها
ليان:بخ.... سرحانه في ايه كدة
آيه:ولا حاجه...... مقلتليش مين بقي لميس دي وحكايتها ايه
ليان:ولا حكايه ولا حاجه دي ياستي زميله سيف اخويا من ايام الجامعه لما كان لسه طالب وكانت بتحبه وهتموت وتتجوزة لكن عمرها مدخلت دماغه وبيعتبرها زميله عادي وهي اتجوزت واتطلقت وذي متقولي لسه تفكيرها العبيط ذي ماهو وفاكرة انها هتتجوز سيف ... بس كدة
آيه :هي متعرفش ان اخوكي متجوز ولا ايه
ليان بتعجب:بت انتي عبيطه ولا بتستعبطي
آيه:ليان .... هستعبط ليه يعني وبعدين انا مالي ياستي
ليان:متزعليش حقك عليا بس هموت واعرف مين قالك ان سيف متجوز
آيه بتعجب:يابنتي ماانتي قلتيلي علي البت ال كانت في الصورة انها مراته وكمان اختي محاسبه عندكو في الشركه وقالتلي انه متجوز
تنهدت ليان ثم اكملت حديثها:بصي بصراحه كدة ومن غير حوارات انا حاسه ان انتي وسيف لايقيين قوي علي بعض .... مش عاوزة اسمع رايك بس هي وجهه نظر وخلاص وعموما ياستي اه سيف متجوز او بمعني اصح كان متجوز ومراته تعيشي انتي
آيه بتوتر وعدم استيعاب:مراته ماتت!
ليان:ريهام الله يرحمها كانت حامل في الشهر الخامس وجالها تسمم حمل وماتت والكلام دة بقاله خمس سنين
آيه :الله يرحمها...... طب وليه مفكرش يتجوز تاني
ليان وهي تزم شفتيها:مش عارفه خصوصا ان بابي ومامي بيزنو عليه جامد في الموضوع دة بس هو مش بيرضي خالص
آيه بحزن:يظهر بيحبها جامد ووفي لذكراها
ليان:معتقدش ... اققصد يعني ان جوازهم كان صالونات مكانتش قصه حب واو يعني علشان يعتكف بعدها عن الجواز .... بصي عموما هو سيف اخويا كدة محدش يفهم دماغه فيها ايه
آيه :مهلبيه دماغه دي فيها مهلبيه
ليان:😂😂😂😂 مش قلتلك لايقيين علي بعض
آيه وهي تلكز ليان بقبضه يديها في كتفها:امشي قدامي ال معدش ناقص عليا غير خنجر اخوكي
ليان بضحكه مسموعه وهي تفتح باب الغرفه:لو سمعك هيقتلك
*صادفت كلمات ليان خروج سيف من غرفته *
سيف وهو يتجه بنظرة لليان :مين دة ال هيتقتل يالينو
استوقفته نظرات تلك المشاكسه الواقفه خلف اخته بصمت تام علي غير عادتها ليشعر بفرحه بداخله عكس مايبدو عليه
ليان وهي تبتلع مافي حلقها:ها....
آيه:دة بينه مبروك وبيجي علي الثيرة
سيف:نعم!
آيه :كنت بقول عليك خنجر وهي بتقولي لو سمعك هيقتلك عاوز حاجه
كور سيف قبضه يديه من شدة الغضب وحاول تمالك اعصابه التي بدأت تخرج عن السيطرة من تلك المشاكسه الصغيرة التي تأبي اغلاق فمها
سيف:ليان لمي لسانك عشان مترجعيش تعيطي تاني
آيه ببرود:انا ال اتكلمت مش ليان
نظر لها سيف ببرود ثم تركهم واقفين وهم بالنزول ليتجه ناحيه مائدة الطعام لتتبعه الفتيات بعدها بفترة
صالح:منورانا ياآيه يابنتي
آيه بخجل: الله ينور دنيتك ياصالح بيه
صالح:قوليلي ياعم صالح انتي ذي ليان بنتي بالظبط
آيه:حاضر ياعم صالح
نورة:بتحبي الورك ولا الصدر يا يويو
آيه:اي حاجه منك حلوة ياطنط
فرح:والله انتي ال حته سكرة ....اول مرة اشوفلك صاحبه كيوته كدة يالينو
نظر سيف بطرف عينيه ناحيه آيه بتهكم لتبادله نفس النظرة بتعالي ثم تستكمل طعامها
صالح:وانتي منين بقي ياآيه يابنتي ... ليان قالتلي انك ناقله القاهرة جديد
آيه بتوتر:اه فعلا.... انا من اسكندريه
صالح:من عيله مين هناك ..... معلش اذا كنت بسأل كتير بس ليان بنتي ملهاش ثيرة غيرك لما شوقتنا كلنا نقعد معاكي ونتعرف عليكي
ابتسمت آيه برقه ووجهت نظرها لليان التي تجلس بقربها قائله:احم يارب تكون حكت عني حاجه كويسه
ليان:عيب عليك يسطا
نورة:دي ملهاش ثيرة غيرك يابنتي لما قلتلها لازم تجبيها يوم نتعرف عليها فيه علشان يوم عيد ميلادك معرفناش نقعد سوا
آيه :ليا الشرف طبعا ياطنط اني اتعرف بعيله محترمه ذيكو
سيف لنفسه:شوف البت وادبها طب متردي ياختي قولي انتي من عيله مين بدل مقرفتيني كل شويه ايه طايع المنشاوي
نورة:تسلم ال ربتك يابنتي
مضي الوقت سريعا لتتجه الفتيات الي الحديقه وتلحق بهم فرح ونورة ليتبادلو الاحاديث الكثيرة بينما اتجه سيف لغرفته ليقوم بتجهيز حقيبته والنزول بها لبهو الفيلا ليبحث بنظرة عن والدته ليستمع اصوات الضحك قادمه من الحديقه فيتجه اليهم
سيف:ماما.... انا مسافر يلا عاوزة حاجه
نورة وهي تهم بالوقوف:تروح وتيجي بالسلامه ياقلب مامتك خلي بالك من نفسك
فرح و هي تغمز بعينها لسيف:ابقي هاتلنا حاجه حلوة في ايدك وانت جاي
ابتسم سيف :ربنا يسهل ... هتوحشيني يالينو
ليان :انت اكتر ياسيسو والله
انفجرت آيه في الضحك لينظر سيف بغيظ لها ولليان الجالسه بقربها لتتجه اليه وتحتضنه مودعه اياه لتهمس:فكها بقي متبقاش افوش كدة الله اخويا وبدلعك ايه يعني
سيف:داانا ال هشعلقك في السقف اما اجي
بعد فترة اتجهه سيف لمطار القاهرة الدولي ليسافر لاحدي الدول الاجنبيه لاتمام صفقه عمل مهمه بالخارج بينما دلفت ليان لغرفتها برفقه آيه لتريها الهدايه التي احضرها لها طارق من المانيا فهو يعمل كطبيب في احدي المستشفيات المعروفه بها.
ليان:ها مش هتحكيلي بقي ايه موضوع فراج دة
آيه:ياربي انتي مبتنسيش حاجه ابدا!
ليان بتذمر:هتحكي يعني هتحكي مليش فيه
آيه :أمري لله بصي ياستي
يتبع الفصل السابع والعشرون اضغط هنا
- الفهرس يحتوي على جميع فصول الرواية كاملة :"رواية بنات المنشاوي" اضغط على اسم الرواية