رواية المزاج الفصل الثاني والعشرون 22 بقلم منار همام
رواية المزاج الفصل الثاني والعشرون 22
الكل قاعد في الجنينه ادم بيلعب كورة، يوسف قاعد يتكلم مع باباه والبنات بيعملوا وجبات سريعه.
ادم بينطط الكوره علي راسه ونور ماسكه ازازه مايه وفوطه وقاعده تتفرج عليه.
ادم رمي الكوره بعيد وراح عند نور اخد منه الفوطه والمايه.
ادم: شكرا يا بنوتي...
نور: لعبك حلو اوي يا ادم
ادم بيمسح وشه: عجبك يا روحي...
نور: جداً ليه مطلعتش لعيب كوره مثلاً...
ادم: فكك من الحوار دا انا جعان دلوقتي.
نور:هروح اجبلك حاجه تاكلها.
ادم باسها وقال : تسلميلي يا روحي.
ادم راح قعد مع باباه ويوسف وجاسر ومحمد.
شاهين: اي بقا ناوين تسافرو شهر العسل فين؟؟
يوسف: لا احنا مش هنسافر.
شاهين باستغراب: ليه ؟؟
يوسف: مش هينفع نسيبكم انت وعمي محمد لواحدكم خصوصاً ان مش متأكدين ان ماك هرب علي فرنسا فعلاً.
جاسر: انا لحد دلوقتي مش مطمن حاسس ان في حاجه غلط.
ادم بص لباباه بمعني
( لحد دلوقتي مقولتش اي اللي بينك وبين عم نور)
شاهين اتنهد: عارف يا ادم عارف عم مراتك يبقي عدوي من سنين.
يوسف بستغراب: السبب؟؟
شاهين:من 30 سنه كان عندي ساعتها 20سنه شب طايش بقي اتعرفت علي واحده متجوزه كانت بتكره جوزها ومره في مره قبلته واتكلمت معاه وبعدين...
جاسر: قصدك ان....
شاهين: ايوه اللي في دماغك..... بعده بكام يوم أخباره اختفت ومعرفتش عنه حاجه عدي سنه واتنين وفجاء لقيت جوزها طلع وعايز ينتقم مني.
يوسف بحزن: وهو السبب في موت ماما صح
شاهين: اسف يا ابني ولله كانت لحظة ضعف.
يوسف قام وهو بيحاول يمنع دموعه.
: لا عادي يا بابا دا قدر ومكتوب ومشي..
اسراء شافت يوسف ماشي زعلان راحت وراه
نور راحت عند ادم وهمست ليه: هو في ايه الكل زعلان ليه؟؟
ادم: مفيش حاجه يا روحي متشغليش بالك ..
محمد بص لشاهين بعتاب.
شاهين بحزن: عارف انك حزرتني.
عند يوسف قاعد علي السرير وحطت راسه بين ايده
اسراء دخلت بهدوء:يوسف مالك
يوسف: اسراء انزلي مش عايز حد معايا دلوقتي عاوز اكون لوحدى.
اسراء: يوسف انا...
يوسف بصوت عالي: ايه مش بتفهمي قولتلك مش عايز حد سبيني ومشي.
اسراء بكل هدوء: لو هترتاح اصرخ تاني بس انا مش طالعه.
يوسف بدأ يكسر في كل حاجه. : اطلعي برررررراااا سبوووني في حااالي
اسراء راحت عند يوسف وفضلت تكسر معاه.
لحد متعبوا وقعدوا علي الارض سواا.
اسراء بتعب: مالك؟؟
يوسف بدموع: قولتلك يا اسراء كان السبب في موتها اهماله موتها.
اسراء مسكت وشه بين اديها : كلنا بنغلط يا يوسف.
يوسف حضنها جامد وعيط....
الباب خبط.....
ادم: يوسف افتح انت كويس؟؟
اسراء من جوه: كويس يا آدم هو بس عايز يرتاح شويه..
جاسر: تمام شويه كدا وهنيجي نطمن عليه.
******
ام ميسره: وانت هتفضل قاعد زي قِلتك كدا
عماد: يعني عايزاني اعملك اي اللي كنت بجيب منه القرشين مش عارف مين لعب في دماغه وعاملي فيها الخضره الشريفه والرجل الي كنت ببعتله اخبار عائله شاهين مقابل الفلوس اتحبس...
مراته: طاب وبعدين....
عماد: معرفش بس هتتحل هو تقريباً الراجل دا طلع من السجن وهيبقي يلعب علي الحامي .
وقولي لبنتك تشد حيلها وتحاول تجبلنا قرشين حلوين.
مراته بسخريه: لا يخويا متقولش آل.. البت بتموت فينا دي مبتكرهش غيرنا لو قولتلها علي حاجه هتسيحلي
عماد: بت دماغها جزمه جوزتها تنفعنا قامت تعبتنا اكتر .
******
زهراء: طاب بالله خليكي بايته معايا
ايڨا: معلش يا زهراء عندي شغل بكره لو عايزه تيجي تباتي معايا انتي تعالي وبعدين دول هما خطوتين.
زهراء: يووووه اسلام مش راضي .
ايڨا: طب استني انا هحاول اقعنه بس هو فين؟؟
زهراء: في اوضته.
ايڨا واقفه علي باب الاوضه
اسلام لسه طالع من الحمام لابس بنطلون بس
ايڨا خبطت علي الباب باحراج
اسلام لبس التيشرت.
اسلام: اتفضلي يا انسه ايڨا مش هتباتي النهارده؟؟
ايڨا: لا عندي شغل بكره بس ممكن تخلي زهراء تيجي معايا.
اسلام كان عاوز ايڨا تبات مع زهراء هو بدأ يتعلق بيها
اسلام: مش هينفع والله يا ايڨا بس باتي عندنا النهارده ونا بكره اوصلك المستشفى.
ايڨا: هدومي وكل حاجتي في بيت عمو شاهين.
اسلام بسرعه: مش مشكله البسي من عند زهراء
ايڨا: طيب تمام.
*******
ادم: خلاص بقا يا باشا روق احنا مش متعودين عليك كدا.
يوسف: خلاص يا ادم انا كويس
جاسر: طب بقولك ايه بما اننا بقالنا زمان معملناش دماغ انا مظبط ليكم حتاده سهر فوق السطوح لوز...
يوسف: انت عايز ابوك يمسح بينا الارض ياض.
*جاسر: يعم هيبقا نايم.
يوسف بص لادم: ايه رأيك؟
ادم: انتو حرين كدا كدا بابا مش بيقدر يتكلم معايا.
جاسر: اشطا ساعتين وهستناكم فوق يكون نام.
يوسف بضحك: طب مفيش نسوان.
جاسر: لا ولله هاتهم انت يا بابا..
*******
ميسره: الشباب هيعملو دماغ فوق السطح.
اسراء: واحنا ملنا؟؟
ميسره: الا مالنا ونص كمان يا اسراء
اسراء: ميسره مش علشان عايز تتخانقي انت وجاسر تجرينا معاكي.
ميسره ببراءه: اخص عليكي يا اسراء انا بتاعت كدا.
وبعدين خايفه علي جوزك. يعني يرضيكي جوزك يبقا مدمن .
اسراء: عايزه اي يا ميسره؟؟
ميسره: نقول لعمي شاهين علشان يربي عياله صح ونخد ثواب..
اسراء: حاضر يا ست الشيخه.
ميسره بصت لنور: وطلعي البت دي برا الحوار علشان *كل دور هي الي بتفتن علينا.
نور: يعني اي يعملو دماغ.
ميسره: اقتلوه قبل ان يتكاثرو.
ادم خبط علي الاوضه
ادم: احم ازيكم يا بنات عايز نور. ..
نور قامت لادم وميسره كانت بتبص عليه بقرف.
نور وادم ماشين وهو ماسك ايدها.
ادم: انا هطلع اقعد مع الشباب شويه فوق واحتمال اطول نامي انتي ماشي.
نور هتموت وتسأله يعني ايه يعملو دماغ بس خافت من ميسره
نور: حاضر
ادم: نور عايز تقولي حاجه.؟
نور: لا مفيش بس مطولش فوق.
ادم باسها: حاضر روحي ادخلي نامي انتي علشان جاسر بيرن.
نور دخلت لاوضه بتاعتهم وادم طلع للشباب.
*
*****
شاهين: بتعملو ايه؟؟
جاسر رمي السجاره اللي في ايده بسرعه.
ويوسف من الصدمه دخلها جوه بوقه
ادم واقف مبتسم لانه مكنش بيشرب معاهم.
شاهين: طلع اللي في بوقك هتتحرق يا حبيبي.
يوسف طلع السجاره ورماه
شاهين: بتحششو علي السطح يعيال شاهين.
يخساره تربيتي فيكم.
جاسر: يا بابا...
شاهين: اي يا دكتور يا محترم يا قدوه عاوز طلابك زيكم بيحشش تصدق حتي لو الكليه فكرت ترجعك انا اللي هروح واقولهم علي كل عمايلك.
يوسف: اسفين يا حج
شاهين: اللي حصل دا ميتكررش تاني فاهمين.
ردو كلهم في صوت واحد: *فاهمين.
شاهين اتنهد: يا ولادي انا خايف عليكم ولله مش عايز اللي حصلي يحصلكم.
عارف يايوسف يوم ما عملت العمله المهببه دي كنت سكران خسرت امك وحاجات كتير واولهم نفسي انا خايف عليكم يا ولاد.
كلهم راحو عندو وحضنوه: مش هتكرر تاني يا بابا.
شاهين: خلاص اوعو هتخنقوني بتعملو ايه.
يوسف بعد: قلب الاب يا جماعه.
شاهين: يلا الجو هنا برد وهتتعبو.
كلهم نزلو وشاهين دخل اوضته
يوسف: اكيد بابا معرفش لنفسه يعني واحده من البنات قالتله.
ادم: مش بنوتي اكيد..
جاسر بضيق لانه عارف ان محدش بيعمل كدا غير ميسره بس قال : اسراء اكيد
يوسف: اي يا عم متهدي اسراء متعملش كدا كانت جات واتكلمت معايا.
جاسر باستسلام: هي ميسره!!
ادم:بالظبط فلم مراتك يا جاسر.
*******
ادم قاعد ونور في مكانها المعتاد ف ( حضنه)
ادم: بنوتي هي اللي قالت لبابا اننا علي السطح فوق.
نور: لا دي ميسره هي يعني اي بتحششو يا ادم.
ادم قربها منه
: ملكيش دعوه بالحاجات دي انتي يا بنوتي.
ادم حطها علي السرير وشدها لحضنه وطفي النور....
*******
جاسر: انتي اللي عملتي كدا صح؟؟
ميسره: وربنا ما انا دي اوختشي مٌني.
جاسر: مش وقت هزار يا ميسره وللي حصل دا ميتكررش تاني خليتي منظري قدام اخوتي زبالة
ميسره: يعني عايزني اشوف بتعمل الغلط واسكت
*جاسر: تعالي وقوليلي يا *ميسره ان دا غلط....
ميسره: خلاص انا اسفه مش هتكرر تاني
جاسر: ميسره لو في حاجه غلط او مش عجباكي تعالي قوليلي ونشوف حل سوا بلاش تعملي موقف وتخليني صغير ومش قادر اسيطر علي مراتي*
ميسره: اسفه ولله انا كنت بهزر بس.
جاسر: متحصلش تاني
ميسره: *حاضر**
******تاني يوم******
**اسلام: امال فين ايڨا يا زهراء*
*زهراء: اتصلو ف شغل مستعجل بليل ومشيت*
*اسلام بضيق: وازي يعني متصحنيش اوصلها*
*زهراء: قالت ملوش لزوم اني اصحيك*
*اسلام: لزوم ايه وزفت ايه بس* .
طلع تلفون وتصل بيها مفيش رد
اتصل تاني لا رد....
يتبع الفصل الثالث والعشرون اضغط هنا
- الفهرس يحتوي على جميع فصول الرواية كاملة :"رواية المزاج" اضغط على اسم الرواية