رواية ملاك احتلت عرش قلبي الفصل الواحد والعشرون بقلم ام ريماس صلاح
رواية ملاك احتلت عرش قلبي الفصل الواحد والعشرون
رضوى في اوضتها بتبكي وضامه ايديها حوالين رجليها غمضت عينها وبتقول انت طلعتلي من فين يحسام.
ياتي صوت من فوقها الجميل ماله قاعد لوحده ليه.
رضوى تفيق بخضه وتتعدل في قعدتها انت مين دخلت هنا ازاى.
صديق اخوها بلطجي معروف انا البرنس يابت انتي متعرفنيش
رضوى: اخرج بره لو مطلعتش هصوت والم عليك امه لااله الا الله.
البرنس: محدش هيسمعك صوتي للصبح امك مش هنا ومفيش غير اخوكي المسطول بره.
رضوى: تصرخ وتنادى علي اخوها حتي يغيثها ولكن اخوها بره سكران ومش دارى بالدنيا.
اخوها قاعد بره بيلف سجاره وبيغني رغم انه سامع صوت رضوى ولكنه لايبالي بالمره.
البرنس هجم علي رضوى وبيحاول يبوسها بالعافيه زقها علي السرير وبيحاول يغتصبها رضوى بتقاوم وبتبعد وشها البرنس بيزيد في اعتدائه عليها.
رضوى: تمسك فازه بايدها وتخبطه علي دماغه البرنس يغمي عليه ودماغه بتجيب دم من كل حته.
رضوى تسيبه وتجرى بره البيت خالص ومتعرفش هو مات ولا عايش ولا اي.
بقلم ام ريماس صلاح............
عمر: رجع البيت متاخر الدنيا هدوء والكل نايم.
عمر داخل بيتسحب يقابل في وشه فرحه قدام باب المطبخ.
عمر: انتي اي مصحيكي لدلوقتي.
فرحه: انتي داخل من سلم المطبخ ليه علشان ابوك ميعرفش جيت امتي صح.
عمر: الله الله حضرتك مخبر وانا معرفش.
فرحه: لا ولا مخبر ولا حاجه بس مستغربه اللي يشوفك ميقولش ليك في كده.
عمر: كده اي.
فرحه: في السهر بره البيت وكده.
عمر: ليه هو السهر عيب ولا حاجه مانتي سهرانه اهو.
فرحه: انا مش سهرانه انا صحيت اشرب لتقول مستنياك ولا حاجه.
عمر: يضحك انا قلت كده انا قلت مستنياني وانا اطول.
فرحه:يمكن تفتكر كده روح نام الساعه 2
عمر: اديني ياستي طالع انام اهو علشان ميبقاش عيب عليا اني صاحي لدلوقتي.
فرحه: تصبح على خير.
عمر: وانتي من اهله.
........
عمر: طالع بالراحه فوق سمع صوت عمه حسام بيكلم حد في التلفون وبيقول رضوى انتى فين انا عارف انك هتكلميني ومش ههون
عليكي.
عمر: وقف مش عارف وقف ليه.
حسام: اهدى طيب انتي فين انا جيلك حالا.
حسام: شال مفاتيحه وطالع بسرعه عمر فيه اي باستغراب.
حسام: مفيش حاجه ويسيبه وينزل بسرعه.
.........
عمر: دخل اوضته ينام بس مش جايله نوم اخيرا قدر انه ينام بعد حوالي ساعه او اكتر نام.
........
حسام: وصل بعربيته لمكان في الشارع وصفتهوله رضوى لقاها مستنياه منهاره وبالبجامه بتاعه البيت.
حسام: يخرج من عربيته يمسك ايدها فيه ايه.
رضوى تعيط روحني من هنا بسرعه.
حسام: يمشك ايدها اهدى تعالي ياخدها في عربيته ويمشوا.
حسام ورضوى وصلوا شقته رضوى حكتله كل حاجه.
رضوى بتتكلم وتعيط معرفش مات ولا عايش.
حسام: بانهيار ان شاء آلَلَه يكون مات ولو عايش انا هقتله بنفسي.
رضوى: فجاءه لقيت حسام اتحول شخص تاني منهار وعايز يرتكب جنايه في اللي حاول انه يعتدى علي رضوى.
رضوى:بعد مكان هو بيهديها دلوقتي هيا بتهديه وتقوله اهدى معمليش حاجه.
حسام:ازاى يتجرا اساسا ويلمسك.
يمسك اكتافها ويضغط عليها اسمه اي بالظبط وساكن فين.
رضوى:بصوت واطى والالم سيبنى طيب بتوجع ايدى.
حسام:انا اسف يبعد منها ويطلع سيجاره من جيبه يشربها بغيظ وينفخ في السيجاره بيكلم رضوى مفيش رجعه تانى هناك انتي فاهمه.
..........
في الصباح حوالى الساعه 6الصبح ام عمر صاحيه ووداد في اوضه وداد.
ام عمر: بتديها الشاي والدواء.
وداد: خرجيلي الشاى هشربه تحت في الجنينه انا وحشني جو الشرقيه.
ام عمر: بضحك انتي ياعمتي مقعدتيش في الغابه الا يومين بس لحقت توحشك.
وداد: يومين اي يابت دول 8ايام انتي فكراني مش بعرف حاجه.
ام عمر: ولو برضه مش كتير.
تمسك وداد عصايتها وماشيه علي تحت وام عمر تشيل صنيه الشاي ونازله معاها.
وداد: توبه من دى النوبه مروح تاني معاكم الغابه واسيب بيتي.
ام عمر: ومين سمعك ياعمتي ولا انا عايزه اروح بس نعمل ايه بقا في ابنك ده.
...
فرحه: بتروق تحت اول متشوفهم نازلين تجرى عليهم عايزه تشيل الصنيه.
وداد: صباح الخير ياحبيبتي ايه اللي مصحيكى بدرى كده.
فرحه: مش بحب انام كتير.
ام عمر'ماشاءلله عليها فرحه شاطره اساسا.
فرحه تاخد الصنيه من ام عمر ويخرجوا التلاته بره.
فرحه: تصب الشاي لوداد وتدهولها في ايدها.
وداد: تسلمي يابنتي.
فرحه: الجو برد هنا اجيب لحضرتك الشال من فوق.
وداد: اه والله ياريت.
فرحه: طالعه علي فوق.
......
ام عمر: طيبه اوى فرحه دى وهاديه.
وداد: اه والله اول مره ارتاح لبنت كده واحبها طول عمري مش بيعجبنى وضع بنات اليومين دول ودلعهم.
ام عمر:فرحه غير البنات خالص تحسيها زي ناس زمان زينا كده لما كنا قدها مش عارفين حاجه وبنتكسف من خيالنا.
وداد:احسن من المرقعه واللى بيعملوه البنات دلوقتي.
........
.......
فرحه: طالعه تجيب الشال لقت اوضه عمر مفتوحه عدت علطول جابت الشال وخارجه لقيت عمر لابس وطالع.
الاتنين بصوا في بعض باستغراب وبحلقوا الاتنين مستغربين انهم صاحين بدرى وناموا بالليل متاخر.
عمر: انتي مبتناميش.
فرحه: نفس اللي كنت هقولهولك.
عمر: انا اضطريت اصحى عندى شغل مهم.
فرحه: وانا مش جايلي نوم بس شويه ممكن انام.
عمر: يتتاوب اممم يحط ايده علي بوقه بنعاس وانا هروح انام في الشركه..
فرحه: غريب.
عمر: ايه هو اللي غريب.
فرحه: انك تنام في الدوشه.
عمر: لا فيه غرفه هناك للراحه هبقي مره اخدك افرج عليها.
فرحه: تفرجني علي ايه.
عمر: بضحك على الشركه يعنى هيكون علي ايه.
فرحه: مش هتفطر هتمشي كده.
عمر: يقرب منها فجاءه فرحه ترجع لورا عشان ميلمسهاش بضهرها علي الحيطه مكسوفه منه تلاقى خلاص وراها الحيطه هتروح فين تاني.
عمر: يسند ايديه حواليها علي الحيطه
فرحه: فيه ايه.
عمر: يتكلم بهدوء.
برفان عمر مخترق جوه فرحه لشده قربه منها وانفاسه مختلطه بانفاسها.
عمر: انتى عارفه انك مهتميه بيا وبتحققي معايا اكتر من امى عمر عيونه قريبه اوى من عيون فرحه يكمل كلامه عيونك حلوه اوى من قريب لونهم حلو.
فرحه: بتوتر انا اسفه ابعد طيب خلينى امشى مش ههتم بيك تانى ومش هسالك عن حاجه.
عمر: يضحك علي كسوف فرحه وتوترها وانها بترتجف يبعد ايديه من الحيطه ويشير لها تعدى.
فرحه: اول ميبعد ايده تمشي مسرعه بخجل.
عمر: يضحك.
فرحه: توقف اول السلم من فوق وتاخد نفس عميق اووووف تحط ايدها علي صدرها بتحاول تهدى توترها وتنزل كان مفيش حاجه.
بقلم ام ريماس صلاح ........
حسام مش جايله نوم من امبارح
رضوى من تعبها نامت في ساعتها حسام بره في الصاله ورضوى نايمه جوه في الاوضه وقفلاها عليها.
حسام: دخن سجاير كتير اوى.
فونه بيرن من بالليل ناس كتير مش بيرد علي حد الا واحد بس رد عليه.
بيكلمه بيقوله عملت اي في اللى كلمتك عنه.
الراجل: كله تمام ياباشا الراجل وافق يبيع بس عايز فلوس ذياده شويه.
حسام: مش مهم الفلوس اديله بس محدش يعرف ان انا المشتري انت فاهم.
الراجل: حاضر ياباشا اطمن الفيلا باسم اللى انت اديتني بطاقتها باسم رضوى صح.
حسام: ايوه الله ينور تمام.
الراجل كله تمام يباشا وتقدر تستلم النهارده بالليل.
حسام: تمام سلام ويقفل.
.........
الراجل بعد مقفل مين رضوى دى اللي اشترالها فيلا بمليون جنيه اتجنن ده ولا اي..
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية ملاك احتلت عرش قلبي" اضغط على اسم الرواية