رواية نور الفصل الاول بقلم شوشو احمد
رواية نور الفصل الاول
خرجت نور من بيتها زي عادتها كل يوم الصبح
وهي في الطريق وطبعا بتصبح على الكل
نور شخص عشري اوي اوي وعايشه فى بلد صغير فى الارياف
قبل متعدي الطريق كان واقف عربيات شرطه كتير وعربيه فيهم فخمه اتفتح الازاز بتاعها وخرج صوت من راجل شكله منصب منهم
ايوه اعمل غرامات للناس دي يابني واي حد مخالف على البوكس وشوف الصيدليه ال قافل الازاز بس ده اكيد عنده مخالفات علشان كده مشي وملحقش يقفل خالص
نزل الراجل ده وعمال يدى اوامر ان لازم اشغالات الطريق دى تتشال وده يتغرم وده يتظبط ومركز مع الصيدليه دي بالذات
قال بعلو صوته الصيدليه دي تشوفوا فيها ايه مخالف وطبعا لانها كانت حمله كبيره والمرافق معاه والتموين وعربيات حراسه كتير الكل خايف وفي مكانه
الا نور راحت عليه وقالت له ليه ها ليه تغرم الناس، وليه الاذى الناس دي رزقها كله فى شويه الخضار ال بترموهم دول وممكن يكون شرينهم بدين اصلا يبقا ليه
هو ساكت ومستغرب جرئتها وانها مش خايفه منهم
لا وكملت
مالها الصيدليه بقااا هااا ده اطيب دكتور ممكن تشوفه في حياتك استحاله ياخد فلوس من فقير او يجرحه انا شفته بيقول للناس سعر العلاج ارخص من تمنه بكتير علشان ميحسوش انه بيسعدهم ولا حد يحس انه محتاج عاوزين تغرموه وبس ليه هااا رد عليا من فضلك
هنا رد واحد من الي معاه عليها وانتي مالك ياست انتي يلا امشي من هنا احسن لك
نور لا مش ماشيه ويلا خلي رجالتك يلموا خضار ام محمد الاول قبل متمشي اتفضل يلا
رد نفس الشخص عليها انتى مجنونه صح
نور لا عاقله وست العاقلين بس ام محمد بتربي اربع ايتام منهم واحد مريض قلب كمان
يبقااا تساعدها وتعمل لها كشك ولا تبعتر الخضار الي احنا بينجي نشتريه منها علشان نقف معاها خاف لما تروح دعوت ام محمد تستجيب فيك وكمان الصيدلي العجوز ده راح يفطر جاره المريض ويديه حقنه الانسولين لانه وحيد معدوش ولاد يكون ده جزاؤه انك تغرمه ليه الظلم بقااا ولا علشان ربنا ولاكم علينا ...
اتلم اكتر من شخص على نور من الحراسه وكلهم مصميين انها غلطانه ولازم تتعاقب
لحد مخرج من سكوته ونادى على حد من ال معاه شكله كده كبير حرسه
بتعملو ايه ؟
ابدا المجنونه دي مصره نلم الخضار ونرجع للناس حاجتها فقلت اخدها تتربي
رد عليه انت اتجننت ياحمدي ولا ايه
حمدي :يا اسعد باشا بس مش شايف لماضتها
اسعد :دي مش لمضه دي ست حره ومش بتقبل الظلم وارجل من الراجاله ال سكته دي اعمل ال قالت عليه وهات من ام محمد اسمها وبكره يكون عندها كشك
حمدي :ايه ياباشا هتمشي كلام البت دي ..
دي مش بنت ياحمدى ونادي عليها عاوزها..
حمدي :مشي راح لنور ال مش طايقها انتي يااا تعالي كلمي اسعد باشا عاوزك
نور : اسمي مدام نور مش يااا ومش هروح الا لو هتلم الحاجه وتساعد الناس دي
وفضلت واقفه بعند
وهنا :اسعد ابتسم بس دارى ابتسامته ونادى بنفسه عليها يامدام نور تعالي من فضلك.
نور راحت وبصوتها الهادي نعم حضرتك .
اسعد :هااا مجتيش ليه لما حمدي قالت انى عاوزك
نور واجي ليه مش رجالتك بيقول عليا مجنونه اجي ليه
اسعد :انتي مش عارفه انا مين
نور :عارفه المحافظ وقبلها كنت عميد شرطه ونزلت الانتخابات من فتره وانا يومها اخترتك لان الكل شهد لك بااخلاقك وانك بتنصرالحق والخير بس شكلي كنت غلطانه يلا خير عن اذنك وراحيه تمشي
اسعد :خدي يانت انتي هنا ايه غلطانه دي وماشيه إزاى وانا بكلمك ..
نور :مسميش بت انا نور ولو متعرفش تقدر تقول يا مدام او استاذه
اسعد ؛اللهم طولك ياروح ماشي يا استاذه مش من الزوق تمشي وانا بكلمك .
نور عندك حق بس اصلي زعلانه منك ومعرفش اكلم حد وانا زعلانه منه .
اسعد : نعم زعلانه مني ليه بقا وانا اول مره اشوفك ده انا مستغرب انك عرفتيني اصلا ..
نور :طبعا اعرفك مش المحافظ بتعنا ولسه من قريب ماسك منصبك ده ولا مفكر اني معرفش مين المحافظ الجديد
لا انا اه احب اكون فى بيتي بس اعرف كل حاجه عن البلد اه وكمان لانى فرحت لما انت مسكت المحافظه وقلت جه ال هيعدل حالها تقوم تخيب ظني كده من اولها وتفرح فيا احمد
اسعد :احمد مين يابنتي هبلتي اهلي
نور بتضحك وهنا فعلا طلع النور بجد
احمد اخويا حضرتك اصلي مراهنه عل مية جنيه بحالها انك هتعدل حال البلد والدنيا هتكون احسن ياخساره هيخدها مني يلا انا استاهل براهن ليه هااا
اسعد : الله يكون فى عونه بجد هو انتى هبله صح
نور : حطط ايدها فى وسطها وبترد على اسعد نعم حضرتك ليه بقااا بحدف بطوب ولا بشد فى شعري طب والله برغم زعلي منك كنت هعزمك تتغدى عندي علشان انت قدام بيتى بس مش هعملها يلا سلام
مشت شويه ورجعت تانى بقول ايه
اسعد وهو فى عربيته ال وقفت المرور اصلا
قولي يا لمضه عاوزه ايه
نور ممكن طلب واحد
اسعد اطلبي
بلاش تظلم حد وبالذات الناس اللي عايشه اليوم بيومه دول لان بيفرق معاهم والله ممكن
اسعد ابتسم لها طب عجبك منظر الطريق كده
نور لا بصراحه بس هيروحو فين المحلات ايجارها غالي اوي يعملو ايه طيب دوركم انتو تساعدوهم وتخصصوا ليهم مكان
اسعد انتي شايفه كده
نور طبعا والله انا قدمت طلابات فى الوحده المحليه كتير علشان سوق صغير لان كل مره المرافق ترمي الحجات دى نفضل نلمها ونتعب واعيط كتير أوي وانا مش فاضيه كل شويه اعيط بقااا
اسعد مات من الضحك على كلامها
وهى زعلت منه ورايحه تمشي تلم مع ام محمد ولسه هتنادي على جيرانها يساعدوها اتفاجئت ان كل حاجه اتلمت تانى وحمدي اخد اسم ام محمد باكامل ووعدها بكره بكشك هيكون عندها ..
نور سمعت الكلام ده وقبل عربيه اسعد ما تمشى جريت عليه نور
واسعد شافها ادى اوامر للسواق يوقف
فتح ازاز عربيته وبص لنور الي بتنهج علشان تلحقه
نور : شكرا بجد شكرا انك طلعت انسان زي ما انا كنت مفكراك شكرا انك هتساعدها بس اللي زيها هنا كتير اوعى تنساهم..
اسعد ها هتخسري الرهان ولا ايه
نور اتكسفت من نفسها من تسرعها نور سوري بجد مش قصدي حضرتك بس انا زعلت منك لكن خلاص بقااا سوري بجد..
اسعد نعم سوري هو انتي قلبتي رقيقه كده ليه مش من شويه كنتي بتزعقي وتهاجمي فينا
نور الله بقااا مش قلت سوري طب بقول ايه انا لسه عند كلمتي ايه رأيك تتغدوا عندى والله ما هتندم ولو ان النهارده التلات وكنت ناويه اعمل بصاره وملوخيه بس مستعده اغير رأيي واعمل لك دكر البط ومحشي يلا امري لله كانت بتتكلم وهى بتضحك ها جاي ولا احنا مش قد المقام
اسعد لاء
نور كشرت اوي كده عادي ما انتو من طينه واحنا من طينه خساره فيك البصاره اصلا
مشت تبرطم
واسعد مش قادر يمنع نفسه من الضحك حاول يتصنع الجديه
ونادى عليها يا نور يا استاذه نور نور ولا بترد عليه ولسه بتبرطم
نزل من العربيه وادى السواق اوامر يركن بعيد عن الطريق والكل ال معاه انهم يكملوا الحمله هما ومشي بسرعه ورى نور
نور روحت ويدوب هتقفل الباب لقت صوت اسعد هي الملوخيه بتاعتك حلوه يعني ولا هتضحكي عليا
نور انت انت هنا مش قلت لاء
هو انتى ايه صاروخ مش تصبري اكمل كنت بقول لاء جاي بس بعد الشغل لكن لما برطمتي جيت وامري لله
نور ايوه بقاا انا كسبت الرهان وهاخد الفلوس من احمد واضربه كمان واد يااحمد قوم ياض عندنا ضيوف قوم يااهبل اتاخرت على شغلك
كل ده وهي بتفتح الباب ودخلت واسعد بره بيضحك عليها
نور شدت اخوها من شعره صحته وجريت وهي بتجري افتكرت انها سابت اسعد بره طلعت جري لان يالهوى على جنان انا نسيت اقولك اتفضل بجد سوري وربنا مقصد
دخل اسعد لا ابدا عادي انا خلاص اتاكدت من جنانك ده وعادي انا فضلت علشان تعرفي اهل البيت بس ..
اهل مين هو الواد احمد اخوي وبس وانا الحمد لله اتاخرت بره معدش هيلحق شغله فده حظ حضرتك تعرف باقى المجانين بقاااا
اسعد :ايه ده هو احمد زيك كده مجنون برضوه
احمد صحي وبيبص على الضيف ومتنح حتى مقالش السلام عليكم
نور وهى بتزق فى احمد علشان يتكلم واحمد متنح وخصوصا لما سمع صوت ناس بره عالي
نور احمد ده اسعد باشا العمري سلم عليه
احمد سلم عليه ولسه الاستغراب باين عليه
نور لاحمد مالك يابني مش ترحب بالضيف ولا يقول علينا بخلا
احمد مد ايده لاسعد وسلم عليه ورحب بيه جدا بس هيموت ويعرف ازاي المحافظ في بيته
شويه ودخلت نور عليهم شايله صنيه كبيره عليها شاى وكيك ومخبوزات كتير اصناف جميله اوى وقدمت ل اسعد وهو اندمج معهم فى الكلام وارتاح لاحمد اوى شكله انسان مثقف وفاهم فى الحياه
اما نور رايحه المطبخ جايه للصاله تجيب اصناف وتصمم ياكلو واحمد يضحك عليها لانه عارف طبعها
اما اسعد فجأه قال لها لا كده كفايه ايه يابنتى احنا بناكل علشان نعيش مش نعيش علشان ناكل ارتاحي شويه
نور يعني ايه امال لسه الغدا ولا انت علشان هي بصاره وملوخيه هترجع فى كلامك بقااا
اسعد ده انا جيت مخصوص علشانها اصلي ماكلتهاش من وامي الله يرحمها عايشه اصلا محدش كان بيعمل باميه وملوخيه زيها ابدا
نور ولو طلعت زيها تعمل ايه
اسعد بتحدي استحاله
نور تراهن وممكن كمان تيجي مخصوص بعد كده علشان تاكلها بس وتمشي
اسعد اراهن ها كام ل كام
نور لا احمد براهنه على فلوس عادى انت لاء
اسعد اشمعنا بقااا
نور لانك ضيف وعيب تدفع فلوس تحت اي مسمى بس هراهنك برضوه ايه رايك تشيل الاكل ولا تعمل الشاى ..
اسعد الاتنين بس لو خسرتي إنتى تعملي ايه
نور هشيل الاكل واعمل الشاي
اسعد لا تسكتي يومين من غير كلام 😂
نور موافقه ساعه والاكل يكون جاهز
احمد ل نور بت تعالي انتي اتجننتي بتراهني المحافظ يا ظالمه وعاوزه يشيل الاكل يارب صبرني عليها يارب الجنان كده زاد اوي
نور اصبر بس والله مبقاش نور لو ما خسر
احمد ومين قالك انه هيقول انها زي بتاعت امه وبرضو تراهني المحافظ مش كفايه مش عارف هو هنا ازاي وليه حسبي الله وسبها فى المطبخ بتضحك وخرج راح ل اسعد يعتذر له عن جنان نور
بس اسعد قال انه مش زعلان وان شخصيه نور جميله ومرحه ومش متكلفه
فى الساعه دى اسعد حكى ل احمد ازاى اتعرف على نور
واحمد مستغربش ابدا
اسعد هو ليه يا استاذ احمد انت مستغربتش من كلامى
احمد لان دى نور مش بتعرف تسكت عن الحق ابدا بابا كان كده الله يرحمه وهى زيه
وانا اتعودت على مشاكلها دى اخر مره متخانقه مع مدير المستشفى العام لما الدكتور اتعامل مع ست كبيره بقلت زوق ونور طلعت تشتكى للمدير وكلمها بستهترار وان الدكتور على حق وعينك ماتشوف الا النور
نور اختي مسحت بكرامته الارض وهددته هتشتكي فى الوزاره نفسها ومجتش غير لما الدكتور اعتزر للست وكشف عليها واخدت علاجها وكله تمام.
اسعد طب والله جدعه
احمد : جدعه ايه بس دي رئيس الوحده المحليه مسكت فيه علشان البلاعه المفتوح فى اول البلد ومحدش مهتم يقفلها تقول نور هتصلح الكون
نور دخلت بتجيب سيرتى ليه يااحمد
احمد انا اتكلمت يااختى ده انا بشكر فيكي 🤣🤣
نور طب يلا الاكل جاهز تحب تاكل على السفره حضرتك ولا زي انا واحمد ما بناكل
احمد يبص لها على السفره يانور يلا علشان اساعدك
اما اسعد قال نور اقصد استاذه نور ممكن ناكل زي انتي واحمد ما بتاكلوا مش عاوز تكليف ممكن
نور عنيا بس كده بس لو معرفتش تقعد على الطبليه الرهان هيزيد وانت حر بقااا
اسعد بيكتم الضحك من كلام نور
اخده احمد ودخل اوضه مفروشه سجاد رقيق اوي والونها مريحه وريحتها جميله اوي اصلا بيت نور مميز بالوانه الهاديه وريحته المميزه كانه جنينه او جنه في الاوضه الكبيره او يمكن اكبر من الصاله الكبيره دي مخدات على السجاد بشكل منظم وصور على الحيطه معظمها ل نور واحمد ومعاهم راجل وست رجح انهم ابوهم وامهم وفيه مكتبه صغيره كان فيها كتب كتير ورسومات على الحيطه متعلقه وبلكونه الاوضه كلها مزروعه ورد وفل وياسمين وريحان من هنا عرف سر ريحه الاوضه الجميل وفيه ستاره قافله على حاجه اتجرأ وشاف وراها ايه لقي مكان للصلاه شكله مريح اوى سمع صوتهم جايين رجع وقف فى البلكونه تانى
اما احمد ونور فحطوا الاكل وكان شكله بيقول انه هيكون جميل اوى
احمد ل اسعد اتفضل حضرتك
اما نور مركزه مع اسعد هيعرف يقعد على الطبليه ولا لاء
اسعد قلع الجاكت وعلقه على شماعه على الحيطه وشمر كمام الاقميص بتاعه وقعد بكل راحه
احمد كمان قعد معاه ونور راجعه المطبخ بس اسعد نادى عليها نور ممكن تكلي معنا علشان يكون عيش وملح ممكن
نور بتبص ل احمد وهى مكسوفه
احمد تعالى يانور تعالى يعنى جايه تتكسفي دلوقتي تعالي ده حتى انتي الي جبتيه تعالي يا اخرة صبري
اسعد بيضحك عليهم
احمد طب بذمت حضرتك حد يدخل على اخوه الصبح بالمحافظ وكمان الصبح طب لو الظهر ماشي
اسعد بيضحك عليهم تصدق معاك حق الله يكون في عونك لا وسامع انك هتدفع مية جنيه رهان كمان
احمد اه شفت ياغلبك ياحمد طول الوقت تراهني وتكسب هى بتاخد فلوسي بطريقه حلوه
اتكلموا كتير على الكل ونور قامت اكتر من مره وترجع تانى
اسعد سأل احمد هى بتروح فين حد يقوم من على الاكل كده
احمد ابدا بس حرس حضرتك بياكلوا على السفره وهي اكيد بتشوف لو محتاجين حاجه
اسعد معقول هي عملت حسابهم كمان كده تعب عليها اه علشان كده جبتنا هنا علشان هما ياكلوا كمان ..
احمد هى ممكن متاكلناش انا وحضرتك بس تاكل الحرس هى بتخاف على الناس الغلابه اوي والعساكر دول عمرها ما تاكل وتسيبهم ماخدتش بالك كل ماتجيب حاجه لنا تخرج بره تديلهوم
اسعد لاء بصراحه مش خدت بالي اوي يمكن علشان مبصش لان ده مش بيتي فبكلمك ببص لك بس
احمد اخدت بالي على العموم هما ضيوفنا زي حضرتك بالظبط ومش هنفرق في واجب الضيافه بينكم
اسعد اكل كتير البصاره تحفه والملوخيه تجنن وكمان سلطات كتير واكل واستمتع اوي بكلامه مع احمد واللحظات البسيطه ال جمعت نور بيهم على الاكل
خلصو اكل واسعد رايح يشيل الاكل وبيسال احمد المطبخ منين
احمد مطبخ ايه حضرتك اتفضل اغسل ايدك بس من هنا
اما اسعد قال ل احمد لا ما انا هشيل الاكل وممكن اعمل الشاي كمان اصلي خسرت الرهان ولازم انفذ واشيل الاكل
احمد نعم حضرتك بتقول ايه يا اسعد باشا خسرت الرهان بجد
اسعد اه بصراحه ومقدرش انكر ده النهارده انا اكلت من ايد امي الله يرحمها مش نور انا لما جابت كيك جميل قلت جاهز وخبوزات تحفه قلت شاريها لاكن الاكل ملوش حل بجد تسلم ايدك يا نور يلا بقاا علشان اشيل الاكل انا مش برجع فى كلامي ابدا
احمد هيعيط وبيبرطم اه يانا يامه
اسعد ل نور ماله ده
نور ابدا مش بيحرم اصله راهني انك استحاله تعترف ان اكلي حلو حتى لو عجبك علشان متنفذش الراهان وتشيل اكل وانت فى مركزك ده واهو خسرت وهيغسل المواعين دي كلها
احمد اه ياغلبك يااحمد يا شرقاوي.