رواية نور الفصل الثاني بقلم شوشو احمد
رواية نور الفصل الثاني
نور ل احمد عن اذنك يااحمد هخرج ومش هتاخر ربع ساعه بس وهرجع يكون كل واحد فيكم خلص رهانه علشان اعمل لكم انا القهوه وشوفوا لو تحبوا تراهنوا تاني ولا حاجه فكروا كده
على ماجي اسعد باشا البيت بيتك وانت ياحمد اغسل من غير تكسير اه مش كل مره تكسر نص الاطباق اه
قالت سلام عليكم وسابت احمد هيموت من غبائه وانه مش بيتوب من راهانها واسعد مستغرب منها ومن اخوها ومن نفسه كمان
عمره متوقع ان اسعد العمري هيشيل الاكل وحتت عيله زيها تضحك عليه
وياترى رايحه فين وليه اخوها مسالهاش مثلا رايحه فين ايه الناس دي
دخل مع احمد المطبخ اللي شال معاه الاكل ووقف اسعد جمب احمد وهو بيغسل الاطباق وبيغني متحسببوش يابنات ان الجواز راحه 😂😂😂
اسعد فاصل من الضحك على منظر احمد وبرطمته
اسعد الفضول قاتله هي فين
اسعد انا همشي بقا شكل نور هتتاخر اكيد استاذن انا
احمد بلاش هتندم لو ماشربتش قهوة نور وكمان هي سيباك هنا رهينه على متيجي لو ينفع متروحش مكنتش راحت وقالت لازم انت تستناها وانا مش قد نور اه .
اسعد ليه هو مشوارها مهم اوي كده
احمد اكيد ده معاد الغداء وهى بتروح تاكل صديقة ماما ال مخلفتش كل يوم طبعا دي وصيه امي
قالت خالتكم عزه امانه فى رقبتكم ونور مش بتقدر تروح لها بليل فهي عليها الغداء وانا بروح اعشيها بس كده.
اسعد مبهور بالعيله دي وباخلاقهم
ابتسم ل احمد وقال ممكن سؤال ومتزعلش انت دخلك كام لما انت ونور بتساعدوا الجيران والاصدقاء وكده
احمد مش فكرة كام فكره البركه ونور شاطره اوي ومدبره جدا وانا مدرس الصبح ومحاسب بعد الظهر ونور مانعه عني الدروس الخصوصيه فبدي مجموعات باسعار رمزيه وهى بتساعدني
اما نور في حضانه بتاعتها مجاني للايتام وال ظروفهم مش تسمح يدفع هي واصحابها فتحينها كده بدون اجر
اسعد ايه ده هي نور عندها حضانه كمان
احمد طبعا من ست سنين تقريبا وهي روحها الاطفال اصلا ومقسمه الايام هي واصحابها على الحضانه وبس فا الدنيا تمام يعني
اسعد بس اخر سؤال جوز نور فين هى قال ليا تقدر تقول يا مدام وانا مش شايف غير انت وهي بس
احمد اه ما انا خاطب وهتجوز في الصيف بنت عمي
اسعد بص لاحمد وسكت وفهم انه مش عاوز يجاوب
وهنا جه النور اقصد جات نور
دخلت بدوشه زي عادتها باست احمد وقالت لاسعد سلام عليكم
اسعد رد السلام وابتسم لها وقال ها ممكن الرهينه تمشي يافندم
نور ضحكت وقالت لاء طبعا مش لما رجالتك تخلص وتيجي لحضرتك اهو تشرب القهوه هاا قهوتك ايه
اسعد ساده
نور لاء مظبوط ممنوع اي مر يدخل البيت ده ممكن مظبوط المره دي وبس
اسعد ماشي ياست نور ما النهارده كله ماشي عكس القوانين
نور تقصد انه بقانون نور مش قانون العمري
ماشي يا لمضه اما اشوف القهوه ال احمد بيشكر فيها دي بس لو مش عجبتني المظبوط مش هشرب
نور ولو عجبتك تعمل ايه
اسعد قصدك رهان تاني
نور لا طلب
اسعد أؤمري عجبتني او لاء أؤمري
نور البلاعه اللي اول البلد تتصلح ممكن
اسعد بس كده عنيا تتصلح ونشوف ليه بتبوظ تاني كمان
نور هنا نطت من الفرحه زى العيال هييييه ايوه بقااا لا كده احلا قهوه ليك ...
اسعد مبهور بيها حتى الطلب ال طلبته للناس معقول فيه كده
احمد اخد اسعد وطلع سطح البيت وقال له تعالى نشرب القهوه فى الجنه
جنه ايه يااحمد باين جنان نور قصر عليك
احمد ابتسم وقال له طب تعالى شوف الجنه
طلع اسعد وانبهر باللي شافه روف قصر مش بيت عادي ابدا زرع كتير على السور وفى اركان المكان
و مرجيحه فى نص المكان ومكان صغير زى بيت حمام وكمان كراسي وتربيزه وفوقهم شجره عنب مظلله على المكان بشكل روعه جدا
احمد ل اسعد ال عنيه بتلف في المكان بنبهار واضح ها جنه ولا مش جنه
اسعد دي جنه فعلا
احمد طبعا مش جنه نور
اسعد هى نور بتجيب وقت ل كل ده منين
احمد بزعل بتهد فى نفسها طول اليوم تساعد ده وتعمل اكل لدول وتوزع ده وتغير للجاره على جرحها لانها مش حمل اجر الدكتور الجراح تدفع كل يوم له علشان يغير لها على جرح السكر
لحد ما ييجي اخر اليوم تنام مهدوده علشان تنسى حزنها وتنام من غير تفكير
اسعد حزن نور عندها حزن ازاي والضحك مش مفارق وشها معقول
احمد ضحك ايه ده كله كذب نور الحزن ال فى قلبها عاوز سنين فرح علشان يتمسح
هنا دخلت نور واحمد اخد باله انه اتكلم مع اسعد عنها ميعرفش ازاى بس فضفض عن نفسه وحسرته على اخته الي نفسه تفرح بقااا
نور القهوه اهى ويارب اكسب بقااا
اسعد اكيد هتكسبي يانور اكيد
شرب القهوه ال عجبته جدا
اسعد خلص قهوته وكلم حمدي فى التلفون ايه يا حمدي كل ده فى الحمله مجيتش ليه ولا طمنتني طب اسال عني يااخي
جاله صوت حمدي وحش ابدا ساعه واكون عند حضرتك
اسعد خير ياحمدي مالك
ابدا بس يارت حضرتك تفضل مكانك متخرجش غير لما نيجي
اسعد بصوت عالي اخلص ياحمدي فيه ايه
حمدي يافندم كان فى مخطط لقتل سعدتك والحمد لله تم التعامل بس كام مجند اتصابوا وربنا ستر الحمد لله
اسعد قعد مكانه وزعل ان راجالته كانوا لوحدهم من غيره هو لو كان معاهم اكيد كان اتعامل كويس ويمكن مكانش فيه اصابات حصلت اكيد هو خبير فى التعامل فى الاوقات دي بحكم شغله سنين في الشرطه
اما احمد ونور واقفين محتارين يعملوا ايه لان الزعل بان عليه ومكانوش يتمنوا يكون ده نهايه يومه معاهم
اتدخلت نور وقالت زعلت ليه مش ممكن عدم وجودك خير وممكن كان حصل مكروه لك
اسعد انا المقصود ذنب المجندين ايه يتصابوا بدالي هااا
وضرب التربيزه بايده ومتنرفز كده وبيتوعد يجيب حقهم .
على فكره وجودك هنا له حكمه من ربنا واكيد كان هيحصل حاجه ربنا منعها عنك فمتعترضش ممكن دعوة ام محمد لك سبب فى نجاتك احمد ربنا وبعدين التربيزه عليها اقساط فبالراحه عليها
ضحك اسعد على كلامها يابنتي انتي مشكله من مشاكل الزمن والله
نور عادي مقلتش جديد كلهم بيقوله كده
اسعد نعم كلهم مين بقااا
تحب تعرف مين
اسعد يعنى من باب الفضول بس
نور طب تعالى معانا انا واحمد وانا اعرفك على اصحابي
نزل معاهم ومن غير عربيه ولا حرس مشي فى البلد مع نور واحمد ونور متحمسه اوي
وعرفته على ناس كتير منهم دكتور صادق ال كان عاوز الصبح يغرمه وطلع راجل كبير فى السن وطيب جدا
وكمان جاره التعبان اللي كان الدكتور عنده وعرفته عل اولادها فى الحضانه
وعجبته نور وهزارها معاهم اوى شاف نور تانيه خالص وراح معها عند ستات كتير كبيره نور بتسعدهم
وكمان راح مع احمد الجامع وشاف اصحاب نور الرجاله وده ضايقه بس لما عرف انهم اصدقاء دراسه وان فكرت تحفيظ القران فكرت ونور وتنفيذ محمود والسيد زميلها استغرب
و انبهر ولف كتير وعدى بدل الساعه تلاته روحوا البيت ونور بعد نص ساعه خرجت ب بيتزا اجمل ما يكون
هنا احمد سقف ايوه بقااا يانور ياجامد
نور على السفره واحمد واسعد والبيتزا سخنه مولعه
اسعد هو البلد هنا فيها مطاعم بيتزا يااحمد كنت قلت كنت بعت الحرس جاب هو
احمد مطاعم مين يافندم عيب الكلام ده وممنوع كمان عاوز نور تقتلنا وتسلم نفسها دى عمايل نور
اسعد نعم وده امتى وازاي والله ماكل الا لو فهمت اختك عندها عفريت فى المطبخ بيسعدها ولا ايه بتاع السجق السخن ده
احمد ونور ماتوا من الضحك عفريت مره واحد وسجق كمان 🤣🤣🤣
نور لا طبعا بس العجينه جاهزه فى الفريزر وجرجتها قبل ما نجرج وفكت والحشو جاهز بس كده يدوب دخلت الفرن وكل يلا قبل ما تبرد
اكلوا وطول الوقت اسعد مصمم يفتش المطبخ ويدور على العفريت بنفسه وبعد ما خلص قال ل نور تشاركيني فى مطعم يانور
نور نعم ليه بقاا علشان العفريت يطبخ
اسعد لا علشان اكل فيه كل محبة اصل مفيش اكل بجمال اكلك يانور بصراحه انا علشان لوحدي بستسهل البيتزا الجاهره بس بيتزا النور احلا
نور ابتسمت وقالت فى اي وقت بيت اخواتك لو ينفع اننا نكون اخوات طبعا تنور في اي وقت
اسعد انتو شرف لاي حد يكون اخوكم طبعا
جه حمدي بعد ما اسعد وصف له البيت ومشي اسعد العمري ورجالته من عند احمد ونور الشرقاوي
نور من التعب صلت العشاء و نامت
اما اسعد بيفكر فى نور وهل طاقه النور دي اتفتحت قدامه ليه وايه السر وراها
روح بيته وقلع هدومه وتمدد على السرير بيفكر فيها في كل تفصيله حصل منها فى غضبها الصبح
وضحكها لما انتصرت عليه هو و احمد وعلى كلامها ال بتمشيه على الكل ازاي ميعرفش
دي حتى القهوه شربها على مزجها و على اصحابها ستات ورجاله كبار واصدقاء من سنها واطفال شاف لهفت الاطفال عليها وحضنها ال لامم الكل
وهنا وقف بتأتر فين جوز نور وليه سيرته مجتش
احمد مش متحفظ فى كلامه الا عند النقطه دي
اشمعنا دي وايه الحزن اللي احمد قال عنه مين سبب حزن نور مين فضل يفكر فيها كتير لحد النوم ما غلبه