رواية حبك نار الفصل الخامس والسبعون 75 بقلم أسماء الكاشف

في المدرسة الثانوية

في فصل مروه انهت المدرسة شرح الدرس وانضرب جرس الفسحة فخرجت المدرسة وهي بتلملم أدواتها بهدوء ومروه رجعت بضهرها علي الكرسي وهي حاسه بجسمها متشنج من كثر القعدة الغير مريحة قالت بارهاق

* يوم متعب اوي حاسه اني صدعت من كثر الي اخذناه مافيش خالص ريست كله شرح شرح

ضحكت غادة بخفوت وهي بتحط الكتاب في الشنطة وبعدين قالت بهدوء

_ يا بنتي ده العادي بتاعهم انتي بس نسيتي من كثر قعدة البيت

حطت ايدها علي شعرها تدلكه برفق وهي بتقول 

* اه صح الرغي من زمان يله هانت قربنا نخلص من الدراسة وهمها

لفت بعينها وشافت كل الطلاب بيلمو كتبهم وبيخرجو لبره يستمتعو بأحلي وقت في اليوم الدراسي كله وهو البريك بس في حالتها وقت البريك هو وقت الراحة والنوم علشان كده كانت بتجهز الطربيزة بتاعه الدراسة وتفضي الكتب الي عليها علشان تنام عليها بس غادة الي انتهت من استعدادها وتوضيب شنطتها علشان تخرج

_ يله قومي بقي علشان نشتري حاجة ناكلها في الكانتين تحت

* روحي انتي يا غادة انا هنام شويه 

قالتها بكسل وهي بتحط رأسها علي الطربيزة بهدوء

_ يوه هو انتي دايما كده كسوله

حركت ايدها بملل اوي وهي بتقول بكسل

* ايوه انا كده يله روحي واقفلي الباب وراكي

هزت راسها بيأس منها ولفت بعينها الكل بره ما عدا فارس الي قاعد علي الكرسي بتاعه بوش جامد وغير مبشر مهتمتش اوي وهي بتأخذ فلوس من محفظتها وسابت الشنطة جنب مره وقالت

_ هسيب الشنطة جنبك خلي بالك منها يله باي

* اوك

قالتها بملل فزفرت غادة بضيق وخرجت وهي بتبرطم لمح فارس خروجها فاتعدل بجسمه ووقف مكانه بهدوء واتحرك ناحيتها بخطوات حانقة حست بحد واقف قبالها فرفعت عينيها لفوق تشوفه فلقته فارس واقف بوش محمر ومكور ايده بغيظ نزلت عينها ثاني وقالت بملل

* في حاجة يا فارس 

_ منكن اعرف انتي ازاي ترجعيله بعد كل الي حصل ده

قالها بنبرة حانقة وحاول تكون هادية بس كانت حادة وهي انتبهت ليها فاتعدلت بهدوء ورفعت جسمها علي الكرسي ورجعت ضهرها لورا وهتفت بتوتر في بداية أمرها

* هو يعني وضح ليه كل حاجة وانا كنت فاهمه غلط يعني سوء فهم واتصلح يا فارس 

ضكك بسخرية وقال باستهزاء وهو بيحط ايده علي المكتب انحني شويه

* سوء فهم هو مشكلة عليكي بكلمتين وانتي صدقتي ايه الغباء ده

ضربت ايدها علي المكتب بعضب وهي بتقف تواجهه بعيون حادة ومغتاظة وهتفت بنبرة قويه حادة

* فارس مسمحش ليك تكلمني كده أنا مش غبية ولا هبلة اوك وبالنسبة لوقفتك جنبي الفترة الي فاتت كلمة شكرا قليلة عليك بس ده مش معناه انك تدخل في حياتي او تشتم وتقلل مني

اتوتر من ردة فعلها فقال بتلعثم بيحاول يهديها ويجعلها في صفه ويكسب اهو

_ انا اسف مقصدش اقلل منك انا بس خايف عليكي

مسك ايدها بين ايديه وحط عينه علي عينيها يتغلل اعماقها وهو بيكمل برقة

_ انا خايف عليكي صدقيني الناس مش ذي ما بيظهرو دايما الكل بيلبس وشوش علشان يضحكو علي غيرهم خايف يضحك عليكي 

سحبت ايدها من بين ايديه بارتباك وقالت برقة

_ انا عارفه كلامك كله وفهماه بس لازم تعرف اني مش عيلة هبله اي حد بيضحك عليها بفهم الي قدامي واعرف اذا كان صادق ولا لاء وصدقني هو صادق اوي 

ابتسم بوحشية وغضب بس حاول يكون هادي علشان ما يخسرش قربها علي الاقل الفترة دي لغاية ما يضرب ضربته القاضية ويجعلها ليه هو لوحده ومن جواه بيتوعد لعاصم اغتصب الابتسامة بس عيونه حمرا بغضب وهو بيقول بهدوء عكس الاعصار الي جواه

_ اوك يا مروه انتي ادري انا كل الي يهمني انك تكوني كويسة وفرحانه عموما لو احتجتي حاجة انا موجود دايما جنبك ما تتردديش انك تتصلي بيه تمام

ابتسمت بامتنان وحطت ايدها علي كتفه تربط عليه برفق وببراءه من غير اي تفكير او نيه سيئة بس جواه حركت مشاعر عميقة نبته محتاجة تتروي بنظرة منها او لمسه بريئة

* شكرا اووي يا فارس انت معزتك عندي كبيرة اوي بعتبرك اخويه الي دايما في ضهري

كانت ابتسامته بتزيد في البداية بس عند كلمة اخ اتحولت ابتسامته لباهته وعيونه احتدت كور ايده بغضب وهو بيكز على اسنانه بغضب وهو بيلف يبعد عنها وقال لنفسه وهو خارج من الفصل كله علشان يبعد عن محيطها

_ اخوكي اوك هنشوف الموضوع ده بعدين يا قلبي

خبط في غادة الي جايه الفصل وفي ايدها كيس حلويات فوقع الكيس من بين ايديها علي الارض وهو كان سرحان همس بخفوت وهو مكمل طريقة من غير ما يهتم بالي خبطه

_ اسف

قالها وبعد عنها من غير ما يلتفت ليها حتي فرفعت حاجبها باستغراب وبصت علي ضهره بحيرة وبعدين رفعت كتفها لفوق وقالت بضيق

_ هو ماله ده وانا مالي

قالتها وهزت راسها بعدم اهتمام و نزلت تشيل الكيس الي وقع وقامت بهدوء رجعت علي الفصل علشان تاكل الحلويات وتشاركها مع مروه

عند مروه هي بصت عليه وهو خارج باستغراب بس رفعت كتفها بعدم فهم وقعدت مكانها ثاني وقبل راسها ما تلمس الطربيزة دخلت عليها غادة الي قالت باستغراب

_ هو الواد فارس ماله

رفعت مروه كتفها بعدم فهم وقالت

* ما عرفش هو ماله يعني؟

حطت غادة الكيس علي الطربيزة وقالت بهدوء

_ ماشي سرحان خالص كأن سايب عقله في البيت بقي تصدقي خبط فيه ومشي من غير تركيز وقال ايه قالي اسف ومشي كده ببساطة

* غريبة يعني

قالتها مروه باستغراب ومدت ايدها تمسك الكيس تعبث جواه وتشوف محتوياته وهي بتقول بفضول ووش مذموم بطفولية

* ايه الي جيباه ده 

واقفه غادة بتعدل شعرها وقالت بهدوء

_ شويه حاجات كده نتسلي فيهم طالما مش عايزه تنزلي قولت اشتري واطلع اقعد معاكي ونتسلي بيهم 

مدت ايدها تفتح كيس شيبسي وهي بتقول

* عملتي خير والله انا ميته من الجوع يا بنتي

قعدت غادة جنبها برقة وهي بترجع شعرها لورا وقالت بضيق

_ انتي غريبه يا بنتي طالما جعانه ايه الي ملزقك في الفصل

مسكت قطعه الشيبسي وحطتها في بوقها وقالت بفم مليان 

* النوم انا عايزه انام اكثر من الاكل اصل انا والنوم اصحاب اوي

ضحكت عليها غادة وقالت وهي بتكبش من الكيس كمية كبيرة 

_ انتي غريبة اوي كلي يا اختي كلي

قالتها واكلت هي كمان بس فضولها كان أكبر فقالت برفعة حاجب

_ هو صحيح فارس عرف انك سيبني البيت امبارح مقالش حاجة ليكي

رفعت حاجبها بضيق وقالت بملل وبرود وهي بتمضغ 

* هيقول ايه يعني هو مالوش يدخل في اي حاجة تخصني وانا عرفته كده 

قعدت غادة بهدوء ولفت بجسمها ناحية مروه وقالت بهدوء واستفهام

_ يعني كلمك

رجعت مروه بجسمها لورا بضيق وقالت بغيظ وهي بترفع الكيس لفوق شويه

* ايوه كلمني يا اختي وقال ايه بيعاتبني اني ازاي ارجع لعاصم بعد الي عمله

ضحكت باستهزاء وهي بتنهي كلامها بس حطت الشيبسي في فمها بس انتفضت غادة من كلامها وهتفت بصدمه وهي بترمي عينيها علي مروه الي قاعدة ببرود

_ ايه ده هو انتي كنتي حكياله الي حصل

اتعدلت مروه بضيق وبصت علي غادة بهدوء اتنفست بعمق وقالت اخيرا بنبرة حاولت تكون هادية 

* حكيت بس من غير شرح تفاصيل يعني عرفته ان في مشكلة اومال ساعدني ليه كان لازم اعرفه اني هربانه بسبب وكمان كنت منهاره ومحتاجة احكي وهو الي طلع في وشي

هزت غادة راسها بفهم

_ ايوه فهمت علشان كده لما قابلته دلوقتي كان سرحان اتاريه كان من الكلام معاكي 

ضيقت حاجبها وقالت 

* تقصدي ايه يا غادة

اتعدلت وهي مكشره بحده وقالت بحده

_ الي انتي عرفاه يا مروه مش محتاجة اعيد وازيد في حاجة انتي عرفاها يا مروه

سكتت شويه وكملت

_ فارس بيحبك وده واضح اوي يعني مش محتاجة ذكاء الاحسن ليكي وليه تبعدي عنه متعلقيهوش بيكي في خيوط من الحرير الدايب علشان هو الي هيتعب

كشرت مروه وشها وقالت بخفوت

* عارفه كلامك والله بس اعمل ايه يا بنتي كنت مضره اقبل مساعدته ودلوقتي حاولت افهمه اني خلاص مش محتاجة لحد

اتنهدت بضيق وبصوت عالي وقالت بهدوء

*عموما مش هقرب منه ثاني هحط حدود بينا

حطت غادة ايدها علي كتف مروه وربطت عليه برقه وقالت بعيون حنونه ونبرة حانونه

_ ايوه كده احسن احل للكل

رجعت مروه شعرها لورا وقالت لتغير الموضوع  

* يله سيبك من السيرة دي قوليلي انتي بقي عاملة ايه مع معاذ 

ابتسمت غادة بحالمية وهي بتفتكر حبيبها معاذ الي دايما بيهتم بيها من وقت ما اتصالحو وقد ايه بقي محتويها ابتسمت مروه علي حالة صاحبتها الي لمعت عينيها بتحكي كل التفاصيل فاتعدلت مروه ذي الي هتتفرج علي فيلم وهي بتاكل من كل كيس قدامها سكتت وهي بتسمع تنهيدة غادة بهيام وقالت بعشق

_ مبسوطة اوي معاه وفرحانه بتغيره واهتمامه بيه كل يوم بيبعتلي مسج حلوه اوي

ابتسمت ليها برقة وحطت ايدها علي كتفها وهمست برقة وفرحة لصاحبتها

* ربنا يهنيكم ويسعدكم

هزت راسها برقة ومدت ايدها تمسك ايد مروه برقة وهمست بتأمين

_ يارب ويسعدك انتي كمان ويهديكي كده لعاصم

ضربت كتفها بضيق مصطنع وقالت

* قصدك اني انا مجنونه انا هادية هو الي عصبني علي فكره

ضحكت غادة بخفة في حين مسكت مروه كيس فشار وبللت شفايفها وهي هتفتح بس غادة قالت بسخرية واضحة بتعلق علي كلام مروه

_ واضح اوي

شهقت غادة بخضة ففزعت مروه الي في ايدها كيس فشار لتهتف 

_ ايه الي عملتيه ده

حطت مروه ايدها علي قلبها وتدلكه بضعف وقالت بضيق

* في ايه يا بنتي

_ في انك نصابه كبيرة بتاكلي الفشار لوحدك يا خاينة هاتيه كده

قالتها بحده وهي بتسحب الكيس من بين ايديها فرمشت مروه بصدمة فشدته منها لما فاقت وقالت بغيظ

* تصدقي انك تستاهلي اخذه كله هاتي مش هدوقيه بقي اي رايك 

قالتها وهي بتبعد ايدها الي مسكاه بعيد عنها ورفعاه لفوق فاتعلقت غادة في دراعها بتحاول تأخذه منها في اللحظة دي اتفتح باب الفصل فجأه وظهر قدامهم اياد الي واقف مكانه مصدوم من تصرفاتهم الطفولية ورافع حاجبه بدهشه وهمس باستغراب

= ايه الي بيحصل هنا

بعدت غادة عن مروه بسرعة وقالت بوقاحة وهي بتقعد بهدوء

_ انت مالك ياله

كشر وشه بغيظ ونفخ بضيق وقال بقتامة وهو مكور ايده بغضب

= انتي بنت انتي بلسانك الطويل ده اوف

قامت من مكانها بعصبية وناويه تبهدله بعيون حمراء في نفس الوقت قالت بغضب

_ بنت لما تبتك

مسكتها مروه بسرعه قبل ما تتحرك وقالت بمهادنه

* خلاص يا جماعه اهدو كده مينفعش ده

_ انتي مش شايفه بيشتمني ازاي

قالتها بغيظ وهي بترميه بنظرات حادة رد عليها بغيظ وهو بيشاور علي نفسه بضيق ومستغرب

= انا الي شتمت بقي 

صوت الجرس قطع الكلام فشدت مروه غادة علشان تقعد وقالت

* خلاص انا اسفة ليكم انتم الاثنين يله اهدو بقي اتفضل يا اياد ادخل مكانك وانتي اقعدي بقي ساكته

دخل اياد وهو بيرميها بنظرات حادة ومغتاظة وقعد مكانه فنفخت بغيظ وكانت هتقوم بس مروه مسكتها وبصت ليها بتحذير فقالت بضيق

_ مش شيفاه بيبص ليه ازاي بقرف انا لازم اعلمه غلطه بس

نفخت بضيق وقالت

* شوفت يا غادة بس منكن تهدي بقي ده مش تصرف كبار علي فكره 

نفخت بغيظ ولفت بوشها الناحية الثانية في الوقت ده الطلاب بدأو يدخلو الفصل علشان يكملو باقي الحصص ومروه شالت الكيس الي تقريبا خلصو كل الي فيه وحطته في الشنطة بسرعه اول ما المدرسة دخلت حتي فارس دخل متأخر بهيئة مبعثرة اتأسف من المدرسة ودخل قعد مكانه بهدوء من غير ما يلتفت ناحيه مروه الي رمشت بدهشه وهي شايفه الحالة الي هو فيها زفرت بضيق وبصت قدامها بعيون حانقة وحزينة عمرها ما تفكر تأذي حد بس هي أذته لفارس أذت الشخص الي وقف معاها بس القلب ليه احكامه وهي كمان متجوزه وكان المفروض تعرفه بده هي حاله خاصه دعكت عينيها بتيه وعقلها مشتت

******************

بفستان وردي مرسوم على جسمها برشاقة وملتف عليها برقة وفخامة قعدت علي الارجوحه برقة فالتف الفستان عليها كأميرة ديزني حركت رجليها برشاقه لتتحرك المرجيحة لقدام ولورا بحركة هاديه ماسكة المرجيحة بايد والايد الثانية ماسكة كوباية عصير برتقال فريش عملته ليها الدادة بتاعتها علشان ترد صحتها ذي ما سمعت الدادة بتقول كده ضحكت بخفة وهي بتقرب الكوب من شفايفها وارتشفت منه بوق صغير وبعدين اتأرجحت بمرجيحتها ابتسامتها خفت تدريجيا وعيونها بقت حزينة اتنهدت بصوت عالي وهي حاسه انها وحيدة افتكرت الدادة وهي بتقولها ان انهارده اسعد يوم في حياة البنت لما تتخطب للشخص الي بتحبه الي شاريها بس مقالتش ليها ان الفرحة من غير الاهل والصحاب بتكون ناقصة بلعت غصه مريرة وهي بتفتكر ان اليوم ده هتكون فيه وحيدة من غير ام تلبسها الفستان بايدها وتفرح ليها وتحضنها بكل قوة وتقول ان بنتها كبرت وبقت عروسه وعريسها مستنيها هي كمان من غير اب يمسك ايدها ويشدها لحضنه ويطبط عليها ويقولها انه هنا جنبها وهيقف لأي حد يزعلها ويأخذها من ايدها ويسلمها لعريسها ويوصيه عليها ويهدده انه لو زعلها هيقف ليه ويكون سندها دمعه نزلت من عينيها بقهر فمدت ايدها تمسحها بسرعه بايد مرتعشه ورجليها وقفت حركة المرجيحة رفعت عينيها لفوق وهي بترمش بسرعة بتحاول تمنع الدموع الي عايزه تخرج من بين رموشها رشفت برقة وهي بتحط ايدها علي رقبتها تدلكها بخفة وهي بتفتكر ان ليها صديقة واحده ايوه هي أكثر من اخت ليها بس هي فين المسافة بينهم اميال كان نفسها تعزمها وتيجي تفرحها بس صعب تكلمها وتقول ليها انا محتاجه لقربك ومحتاجة وجودك معايا في اليوم ده رشفت اخر بوق في العصير واتنهدت بصوت عالي غمضت عينيها برقة وهي بتفكر ان الوقت جيه علشان تقوم تستعد انتفضت بخضة لما حست بايد بتتحط علي عينيها بس هديت وهي بتحس ايد رقيقة ايد بنت فقضبت جبينها وهي بتقول باستغراب

* ده انتي يا داده

جالها صوت متذمر بنبرة مميزه ولهجة اجنبية 

_ لم تحذري جيدا يا صغيرة من أنا 

* جاكي هذه انتي 

قالتها بدهشه ونبرة فرحة وهي تلتفت لها بسرعة لتتسع عينيها بدهشه من وجودها 

_ نعم يا صغيرة انها انا

قالتها جاكي بغمزة مرحة لتقفز ميرا من علي الارجوحة ثم تلقي نفسها بين احضانها تبكي بفرح وتصرخ الاثنتان معا فكم اشتاقت اليها حقا 

* لا اصدق وجودك هنا كيف ذلك 

قالتها باستفهام وهي تبتعد عن أحضان صديقتها لتمسك جاكي يدها برفق وهتفت بمرح 

_ حبيبك يا فتاة رائع حقا هو من اتي بي الي هنا لقد انهي كافة إجراءات السفر ونقلني الي هنا بطائرة خاصة اتعلمين انتي محظوظة به يا عزيزتي لقد كان اختيارك لشريك الحياة مميز مرحي لكي 

توقفت ميرا عن التنفس للحظات مدهوشه من كلام صديقتها حبيبها جاسر فعل المستحيل لسعادتها وتوقفت عن سماع باقي الكلام ظلت فارغه الفم حتي صفقت صديقتها أمام عينيها لتهتف بقلق

_ اين ذهبتي يا فتاة

استعادت تنفسها المنتظم ولكنها ظلت بملامح التيه وهي تهتف بالعربية

* معاكي اهو

_ ماذا 

هاتفتها جاكي بعدم فهم لتستفيق قليلا وهي تضع يدها علي شعرها بهدوء 

* انا لا اصدق هذا جاسر فعل كل ذلك حقا

_ نعم انه يعشقك يا فتاة هنيئا لكي به 

قالتها جاكي برقة وهي تضع يدها علي المرجيحة ثم هتفت

_ الآن ليس وقت الاذبهال يا انستي بل وقت التحضر لعرسك اليوم يجب ان تكوني أجمل الجميلات هي بنا عزيزتي 

قالتها وهي تدفع ميرا للأمام للتحرك ناحية غرفتها ابتسمت ميرا بعشق وهي تنظر لجاكي ثم امسكت بيدها بعد ان توقفت لتنظر إليها جاكي باستغراب وعيون ضيقة لتهتف ميرا باللغة الاجنبية ونبرة ممتنة

* انا سعيدة بقدومك شكرا لكي جاكي شكرا لوجودك جنبي 

ابتسمت جاكي بلطف وهتفت برقة وهي تضع شعره ميرا الي نازله علي عينيها ورا ودانها 

_ لا داعي للشكر صديقتي هذا واجب الاصدقاء انتي شقيقتي الصغيرة وصديقتي الوحيدة كيف لا اكون معكي بيوم مميز كهذا 

لم تجد الكلمات التي تقولها في مثل هذا الموقف لذا وبدون سابق انذار حضنتها ميرا بقوة وشدت علي عناقها لتبتسم جاكي التي مدت يدها هي الاخري تضغط عليها برفق وهي تهتف

_ مبارك لكي صغيرتي مبارك لكي

ابعدت ميرا عنها لتهتف بجدية 

_ الآن عزيزتي لم يعد لدينا المزيد من الوقت لخسارته هيا بنا لنجهز أجمل عروس 

ابتسمت لها ثم اتجهو معا لغرفة ميرا ليستعدو لاجمل يوم 

دلفو الي غرفة الصالون فلقت جدها قاعد علي الكرسي وساند ضهره لورا علي ضهر الكرسي ابتسم اول ما شاف ميرا وشاور لميرا علشان تيجي ليه رمته بنظره حانقة بس نظرة التعب في عينيه خلتها تقرب منه باستسلام مد ايده مسك ايدها وقال بلطف

= مبروك يا ميرا مبروك يا قلبي

بلعت ريقها بارتباك وهي شايفه نظرته ليها الي هتضعفها فسحبت ايدها ببرود وقالت بجمود

* الله يبارك فيك عن اذنك

قالتها وهي بتتحرك بعيد عنه كانت جاكي واقفه بتابع الموقف بفضول بس حست بالضيق وهي شايفه برود صديقتها اتجاه جدها ونظرة الحزن في الجد بس في النهاية لحقت بميرا والجد بص علي اثرها بضيق وحط راسه بين كفوفه بتعب واتنهد بصوت مسموع ومرهق بس في النهاية قام من مكانه وعدل لبسه ودخل اوضه مكتبه ينهي شغله الي متراكم عليه علشان يشغل عقله شويه من اي تفكير 

وعند ميرا دخلت اوضتها بضيق وتبعها جاكي حطت كوباية العصير علي الكوميدينو وقعدت علي السرير بضيق ومشت ايدها علي وشها بضيق تمسح عليه برقة وحنق بصت ليها جاكي بحزن وقعدت جنبها بهدوء وبعدين حطت ايدها علي رجل ميرا وقالت بهدوء ورزانه

_ اليوم جميل عزيزتي لا نخسره بسبب ماضي قديم 

* عندك حق جاكي 

قالتها ميرا بجدية وهي بتضرب رجليها بخفة بايدها الإثنين وبعدين قالت وهي بتقوم بتتحرك ناحية الدولاب تطلع لبس ليها 

* هدخل اخذ شاور الأول وبعدين نجهز 

_ حسنا 

قالتها جاكي وهي تتجه الي الباب تفتحه برقه عندما وصلهم صوت طرق خفيف فوجدت الخادمة تهتف بجدية وهي تحمل حقيبة سفر

^ ازيك يا بنتي دي شنطتك السواق بعتها ليكي 

قضبت جاكي حاجبها بعدم فهم وهي تهتف بالانجليزية 

_ ماذا 

ثم لمحت الحقيبة الخاصة بها في نفس الوقت ردت ميرا من خلفها بعد ان اخرجت ثياب له

* دخليهم يا دادا هي اصلا مش هتفهم كلامك 

_ طيب يا بنتي

قالتها الدادة وهي بتمص علي شفايفها وبتبص علي جاكي بضيق ومستغربة لبسها القصير فجاكي لابسه قميص قصير ومظهر بطنها وشورت قصير فوق الركبة وشعرها الاشقر قصير مصبوغ بعض خصلاته باللون الازرق يناسب عينها الزرقا وسعت جاكي الطريق ليها لما سمعت ميرا بتقول بهدوء

* ابتعدي قليلا جاكي ستدخل حقيبتك

هزت راسها وهي بتراقب الخادمة تدلف للداخل بس وقفتها جاكي وهي تهتف بالانجليزية

_ يكفي سيدتي سادخلها انا

قالتها وهي تمد يدها تأخذ الحقيبة بينما الخادمة لم تفهم شئ منها وهتفت بعدم فهم 

= بتقولي ايه يا حبيبتي 

رفعت جاكي عينيها بملل وهي تشعر ان تلك السيدة امامها لا تفهم ما تقول وهي أيضا لا تفهم قولها بينما ميرا كانت دخلت الحمام وقفلت الباب بعنف فحطت ايدها علي وشها وهي تتجه للداخل دون ان تجيب علي الخادمة واترمت بضيق علي السرير فدلفت الخادمة خلفها وبعدين حطت الشنطة علي جنب وجت تخرج بس وقفت قبل ما توصل للباب

وقالت بطيبة

= اجيبلك عصير يا حبيبتي 

لم تفهمها كالعادة وقالت بنبرة متسائلة 

_ ماذا ؟ وات 

لوت فمها بضيق وهي بتردد بذهول وطريقة مضحكة بنبرتها الخشنة

= وات واتويتو ايه كمية البط دي ولا الوط

شاورت بايدها بلا مبالاه وهي بتتحرك لبره

= خلاص هجيبلك مش مستاهله شغل شحاتين يا بتاع الوط

خرجت وقفلت الباب وراها وجاكي بصت علي اثرها باستغراب وعيون متسعة وهي مش فاهمه كلام تلك السيدة وبعدين هزت راسها بلا مبالاه وهي بتفرد جسمها علي السرير علشان ترتاح شويه من السفر علي ما تطلع ميرا من الحمام 

****************

قامت علي صوت فتح باب الشقة فركت عينيها بكسل وهي بتدور بعينيها في كل اركان الاوضه باستغراب انتفضت علي السرير باعتدال بخضة في البداية بس بعدين اتنهدت براحه لما افتكرت انها في شقة شقيقها عمر مسحت علي وشها بضيق وهي مرهقة جسديا ونفسيا حطت ايدها علي قلبها الي بيدق بعنف وغصه كبيرة فيه من الكوابيس الكثيرة الي مرت عليها في نومها امبارح مدت نظرها الي الساعة الي متعلقة علي الحيطة قدامها فلقتها اتعدت الساعة الثالثة عصرا ضيقت عينيها علي الساعة وهي بترمش بعدم استيعاب الوقت الي قدامها فشهقت بعدم استيعاب وهي بتهمس بخفوت

* ايه ده نمت ده كله ازاي 

مسحت علي وشها بضيق وهي بتهمس

* محستش بنفسي طول الليل كوابيس 

سمعت طرق علي الباب وصوته الهادي القلق وصلها 

_ رحيق انتي لسه نايمه 

ابتسمت بهدوء وقالت برقة وهي بتتعدل علي السرير 

* صحيت يا عمر ادخل

فتح الباب وطل براسه ليها بمرح وهو بيهمس بخفوت

_ ايه ده الجميل لسه نايم لدلوقتي 

مدت ايدها ليه تشاور جنبها علي السرير فاستجاب ليها وهو اتحرك بخطوات رزينة وسايب الباب مفتوح وقعد جنبها برقة ومسك ايدها برقه بين ايديه وقال بهدوء

_ عامله ايه دلوقتي يا روحي 

ابتسمت ليه برقة تطمنه بنظرتها الهادية وهي بتقول برقة

* انا ذي الفل متقلقش بس ليه مصحتنيش وانت خارج

قالتها باستفهام وهي بتضيق بين حواجبها فابتسم بخفوت وقال بتبرير وعيون لامعه

_ قولت اسيبك ترتاحي شويه الي مريتي بيه مش سهل بردو

اتغلفت عينيها بحزن وهدت عيونها بالدموع بس همست بخفوت

* كان صعب اوي طول الليل بحلم بكوابيس جامدة والمجرم ده بيطاردني في الحلم 

ضمها ليه برقة وملس علي شعرها بهدوء وهو بيقول بخفوت ونبرة جادة 

_ متخافيش كل حاجة هتكون كويسه ومحدش هيقدر يأذيكي طول ما انا موجود وعايش

لمعت عينيه بغضب ووحشية وحده وكور ايده بعنف وهو بيتوعد لذلك الوغد بأشد انتقام وعذاب

شدت في احتضانه وهي بتندس فيه أكثر تطلب الحماية والسند وقالت بخفوت

* عارفه ربنا يخليك ليه 

بعدها عن حضنه برقة وبص جوه عيونها وقال بهدوء عكس الاعصار الي جواه وبراكين الغضب

_ يله يا روحي اغسلي وشك وتعالي اتغذي معايا جايب معايا اكل جاهز انما ايه هتاكلي صوابعك وراها

ضحكت عليه بخفة وهزت راسها بموافقة وهي بتقول بمرح

* فريرة انا اصلا هموت من الجوع 

قالتها وهي بتملس علي معدتها

_ عارف يا قمر يله هسبقك علي بره اظبط السفرة

قالها بهدوء وقرب منها باس جبينها بحب اخوي وقام بهدوء وهو بيعدل هدومه ويهندمها 

* حاضر قالتها بطاعه وهي بتراقبه وهو بيتحرك لبره قفل الباب وراه وهي اتنهدت بصوت مسموع مدت ايدها ناحية الكوميدينو الي جنبها تمسك الفون بتاعها تشوف اي جديد بدأت تضغط الرقم السري لفتحه وبمجرد ما اتفتح ظهر قدامها عدد كبير من الاتصالات فضيقت حاجبها باستغراب وهي بتفتح قايمه الي اتصلو وسعت عينيها بغيظ وهي شايفه اسمه بيخط علي شاشتها فعدد كبير من الاتصالات ضحكت بسخرية وقالت بسخرية

* ايه عايز يكمل باقي التهزيق ما شبعش ولا ايه ما هو انا بقيت الملطشة للكل يا استاذ خالد 

زفرت بغضب واتحركت بالشاشة ليوصل عدد بردو كبير من الاتصالات من مصطفي فضيقت حاجبها مستغربة اتصاله بيها فقالت بهمس

* مصطفي رن كل ده عايز ايه هو كمان 

نفخت بغيظ وقالت بسخرية

* اوف هتلاقيه بيرن علشان جلسه التصوير الي محضرتهاش 

قالتها بضيق ورمت الفون علي السرير بملل وسحبت الغطا من على رجليها ونزلت بهدوء وهي بتقول بعصبية

* شغل شغل وبس حاجة قرف الكل عايز مصلحته محدش بيهتم بيه وبالي حاسه فيه يتحرق خالد علي مصطفي علي الشغل كله كدهم القرف

وصلت الحمام فتحت بابه بعنف وهي بتقول بتذمر غاضب 

* مش عيشه دي 

قالتها وقفلت الباب وراها بعنف

وقفت قدام المرايه بضيق تتأمل ملامحها بتيه مررت ايدها علي وشها بخفة هي عارفه انها جميلة والدليل علي كده تهافت المعجبين بيها ولكن الجمال ده ما نفعش في حالتها بالعكس كان اكبر نقمة عليها واخر حاجة محاولة السائق التحرش بها وايذائها رغم هروبها منه في الوقت ده قبل ما يلمس شعره منها بس لمس جواها واذي روحها نزلت دموع القهر علي وجنتيها بغزاره ذي شلال كبير ما بيجفش عيطت بصوت مسموع لاول مره في حياتها تنهار بالشكل ده تراكمت كل مشاعر سلبية عليها لتنهار خناقها مع خالد وبعدين السواق الي اتسبب بجرح مشاعرها وما وقفش علي كده فعقلها بدء يجيب ذكريات قديمة تضرب قلبها وتفكرها من ثاني بماضي قاسي حاولت تنساه سنين وهربت منه ركعت على الارض وجثت بركبتها وايدها الاثنين مكورين بوجع ومستقرين علي ركبها ودموعها زادت اكثر وأكثر وهي بتنزل راسها لتحت وشعرها حاوط وشها بحماية ونزل علي جانبي راسها فداري على عينيها وهي صرخت بخفوت

* انا تعبت اوي خلاص تعبت وروحي اتحرقت من زمان بس الحرق اتجدد من ثاني ليه حبيت ليه 

قالتها بغضب وقوة وهي بتضرب علي صدرها مكان قلبها كام مره بوجع وكملت بقسوة ووحشية

* الحب ضعف ودمار وانا مش هسمح اني اضعف مره ثانيه 

قالتها وهي بتمد ايدها ناحية السلسة الي علي رقبتها الي مبتقلعهاش ابدا وضغطت عليها بقوة لدرجة ظهرت عروق ايدها وابيضت مفاصلها وصوت نفسها الغاضب عالي اوي وتلك النظرة البريئة اتحولت لنظرة قاسية قاتمة تكاد نشوف جواها بركان عاصف