رواية حبك نار الفصل الواحد والسبعون 71 بقلم أسماء الكاشف

* انت جيبتني هنا ليه يا عمر بس مش قولتلك وديني الفندق علشان ارتاح

قالتها رحيق بضيق وهي بتبص علي الشقة الي قدامها في مبني راقي جدا وهي جوه عربيته فمد ايده يحط الفون في جيبه وقال بجدية 

_ علشان ما ينفعش حد في الفندق يشوفك بالشكل ده صح ولا انا غلطان وتبقي وقتها مشكلة كبيرة بالذات لو حد اخذلك صور من الصحافة اتنهدت بصوت عالي وهي بتأكد كلامه بهزة بسيطة من راسها وهمست بخفوت وهي تتلمس رأسها المصاب

* عندك حق يا عمر مفكرتش في كده شكلي وحش خالص ومتبهدل لو حد شافني كده هيطلع كلام غلط وهدخل في دوامة 

فتح الباب الي جنبه ونزل بهدوء تحت نظراتها فمدت ايدها هي كمان تفتح بابها كان وصل ليها فمسكت ايده ونزلت من العربية مد ايده ليها بمفتاح الشقة وقال بهدوء وهو بيدور علي حارس المبني

_ خذي مفتاح الشقة واسبقيني انتي علي ما اركن العربية في مكانها شكل الحارس مش هنا 

هزت راسها بالموافقة وهي بتسحب المفتاح من ايده اتحركت خطوتين بس وقفت مكانها وقررت تستناه يطلعو سوا ركن العربية بهدوء ورجع ليها وهو ضامم حاجبه مستغرب قال بهدوء وهو بيمد ايده ليها ياخذ المفتاح 

_ ماسبقتيش ليه لفوق

هزت كتفها بهدوء وقالت 

* قولت استناك نطلع سوا يله 

قالتها وهي بتتحرك بخطوات بطيئة ودخلو جوه العماره الراقية وقفو قدام الاسانسير دخلو بهدوء مد عمر ايده يضغط رقم سبعة حيث شقتهم كان واقف هادي من بره بس من جواه قلبه بيشتعل علشان اخته الي لحد دلوقتي ما قالتش ايه الي حصل معاها نظراته عليها بتطلع قلق ووجع عليها وخصوصا وهو شايف جرح راسها وهي كانت واقفه جنبه ثابته في البداية بس عينيها كانت بتلمع بدموع حاولت كثير تمنع نزولها سبب الدموع متعدد شويه من جرحها لخالد وشويه من الموقف الي اتعرضت ليه الي اول ما افتكرت الي حصل ورجليها اهتزت بخوف وسندت بضهرها شويه اتفتح الباب اول ما وصل لدور شقتهم مسك ايدها بهدوء فبصت عليه فبادلها بابتسامة هادية يطمنها بوجوده معاها دايما فضعطت ايدها بقوة تتمسك فيه أكثر وسحبها لبره وصلو شقته وفتح الباب   فسبقتو لجوه وهي بتحرك عينها في الشقة بتوتر هو دخل وقفل الباب وراه وقرب منها بخطوات هادية وحاوط كتفها بايديه الاثنين من ضهرها وهي استقبلت لمسته ليها بهدوء فقرب من ودانها وقال بلطف 

_ نورتي بيتك يا رحيق 

سمعت كلامه ونظرات عينها مليانه مشاعر مختلفة من قلق وحزن وماضي قديم لفت ليه بوش جامد وهمست بخفوت تسلله حزن

* مبقاش ليه بيت يا عمر البيت يعني وطن وأحتواء وانا ذي الطير ملوش مكان 

اتنهدت بوجع وهي بتبعد عن مرمي ايديه الي محاوط كتفها وقربت من الشباك بخطوات صغيرة وقفت تبص بره وهمست بخفوت 

* لبسي اتقطع خالص علشان كده كنت عايزه ارجع الفندق لبسي هناك 

قالت كلامها لتغير مجري الحديث فقال بسرعة 

_ في هنا لبس ليكي ادخلي انتي خدي شاور في التواليت الي في اوضي علي ما اجهز لك الهدوم وحاجة تشربيها وبعدين ننضف جرحك ده احسن يلتهب

قالها وهو بيشاور علي راسها 

هزت راسها بهدوء وهي بتسيبه ودخلت اوضته ومنه للحمام وقفت قدام المرايه تشوف نفسها شهقت بخضة ورجعت خطوة لورا بفزع اول ما شافت شكلها لمست وشها وهتفت بقتامة

* اه يا ابن ال # 

قالتها بنبره مغتاظة ومحترقة وبعدين عيطت بس حطت ايدها علي شفايفها تكتم صوتها علشان ما يسمعهاش عمر قعدت علي الارض بانهيار غير مبرر انهيار تجمع كل مشاكلها مع بعض فخرجت أخيرا مع عياطها وهمست بوجع 

* ايه الي بيحصل ليه.. انا تعبت اوي ازاي اتجرء ويحاول يخطفني مدت ايدها بضعف وهي بتمسح دموعها بعنف 

وبره دخل عمر الاوضه فتح الدولاب وطلع فستان بيتي لونه اخضر حطه علي السرير وقرب ناحية الحمام خبط على الباب وقال بصوت عالي علشان تسمعه رحيق بوضوح

_ رحيق حبيبتي الهدوم علي السرير بره انا طالع الصالة هتحتاجي حاجة 

قامت من مكانها بهدوء وقالت من ورا الباب

* لاء كده تمام شكرا سا عمر عشر دقايق وهحصلك

_ تمام اسيبك بقي 

قالها بهدوء وخرج وهي اتجهت للبانيو شغلت الماية جواه واتحركت قدام المرايه وفتحت الصنبور وملت ايدها بالمايه وزقلتها علي وشها بقوة كررتها ثلاث مرات وبعدين رجعت للبانيو الي كان اتملي ونزلت جواه بهدوء وسابت نفسها براحه جواه غمضت عينها وهي بتحس ان جسمها بدء يستمد طاقته ومع الاسترخاء رجعت راسها لورا شويه ومع تعب اليوم انسحبت للنوم بخفة وهنا شافت ذكري قديمة

فلاش باك

رفرت برموشها ذي طير مجروح وزرقتها الصافية ذي محيط هادي اتحولت لموج غاضب واعصار هيغرق الي يقرب منه وهي مدرياه بنظارة سودا ذي السواد الي ملي قلبها من اقرب حد ليها الي من دمها غرس سكينة باردة في قلبها وضغط اكثر علشان يضمن موتها بس نسيت ان لو تركت عدوك عايش هيرجع ينتقم منك ونسيت في الوقت ده ان الدم الي بينهم هو سبب غفران ذلك الموج الشديد واستقبلت السكينة والغدر بالابتعاد والسلام لفت بضهرها ليهم واتحركت وفي قلبها لسه السكينة مغروسة مدت ايدها تحرك النضارة شويه وتعدلها علي وشها المدور والبريئ بصت ناحية ايدها الي ماسكة جواز سفر ضغطت علي ايدها وهي عارفه انها رحلة من غير عودة وايدها الثانية ماسكة شنطة بعجل أنيقة جدا لونها وردي ذي الحياة الي كانت نفسها فيها أخذت نفس طويل وبعدين زفرته مره واحده وهي بتتحرك اول خطوة لداخل المطار وبتجر شنطتها وراها وقفت قدام الامن تخلص اجراء سفرها وحطط شنطتها في جهاز التفتيش استلمت أخيرا جواز السفر وكانت لسه هتتحرك سمعت صوت جاي من وراها بيلومها

= بقي انتي كده هتمشي وتسبيني لوحدي يا رحيق

غمضت عينها لحظه وبعدين فتحتها فظهرت ذي نيران حارقة هتلتهم كل الي قدامها ولفت ليها بحده وقالت بغضب

* انتي مش لوحدك ابدا انتي الي اخترتي صفها 

سكتت بضعف وهي بتبص علي الي قدامها الي لو حطينا الاثنين علي بعض هيطلعو نسخة واحده بنفس الملامح والعيون الزرقة حتي نظراتهم الي بتدل علي وجع بس وجع مختلف كل واحده فيهم شايله هم ووجع ثقيل كانت عايزه تقرب منها بس الامن مانعها فبصت بضعف حركت رحيق عينها بعيد عنها بضيق وقالت بضعف

* اخترتيها هي يا ماما 

قالتها وهي بتكور ايدها بغضب فسمعت امها بتقول بهدوء

= مكنش في خيار قدامي صدقيني

* كان في انك تختاريني انا مثلا بس انتي ذي كل مره بتختاري اي حد غيري انا .. عموما انا مسافرة وهريحكم من وجودي مع السلامة

سمعت صوت نداء الطيارة فاتحركت موليه ليها ضهرها وسحبت شنطتها من الجهاز ودخلت لجوه بخطوات ثابته من غير ما تبص وراها ثاني في حين امها بصت علي اثرها بوجع ما فيش ام بتكره عيالها بس في ام بتفضل طفل عن طفل ركبت الطيارة بعيون باردة ذي الثلج ورحيق الي كانت ذي نسمة هوا دافيه برقتها تذوب اي جليد وتكسب اي قلب بقت ذي الرحيق الي ملهوش استقرار تتحرك في العالم كله من غير روح بقت في قلوب الجميع بس في المقابل خسرت قلبها من زمان 

باااك 

شهقت بخضة وهي بتفتح عينيها وبتطلع راسها من الماية بعد ما راسها وقعت جوه المايه وهي بتتحرك بسبب الكابوس مزعج وهي نايمة حطت ايدها علي قلبها بفزع وبقت ضربات قلبها زادت وبتسمع صداها عالي والمايه بتنزل من شعرها ووشها همست برعب

* كنت هموت ازاي راحت عليه نومه 

استجمعت نفسها أخيرا وخرجت من المايه ومدت ايدها تمسك الباشكير ولبسته بهدوء وبعدين اتحركت وهي بتشد منشفه للشعر تنشف شعرها بهدوء وهي بتخرج للاوضه وقربت من السرير فلقت فستان بيتي قعدت علي السرير بهدوء وهي بتنشف شعرها بلطف ولما خلصت حطت جنبها المنشفة ورجعت بجسمها لورا وحركت راسها يمين وشمال تدلك رقبتها الي اتشنجت ملامحها كانت مبهمه وهي بتفتح عينيها وبتبص علي السقف بسرحان فاقت علي ضربات رتيبة علي الباب وصوت عمر جاي من ورا الباب بهدوء

_ رحيق لما تخلصي تعالي الصالون مستنيكي 

* حاضر هلبس اهو وهحصلك 

قالتها بصوت عالي ونبرة هادية وهو مشي  وقامت بهدوء وهي بتمسك الفستان 

بعد عشر دقايق كانت واقفه قدام المرايه بتسرح شعرها رفعته لفوق فبين عنقها الجميل وخرجت لبره حيث عمر مستنيها وقفت بتراقبه لقته قاعد علي الكنبة ومنزل عينه لتحت وهو بيقلب في الفون الي في ايده وقدامه علي الطاوله صنيه فيها كوبايتين شاي اتنحنحت بهدوء فانتبه ليها فابتسم بلطف وهو بيمد ايده ليها علشان تمسكها وتجيله

_ تعالي يا حبيبتي هنا

قربت منه ومسكت ايده فشدها بهدوء تقعد جنبه حط ايده علي راسها يملس عليه بلطف وبعدين حرك راسها ببطئ علشان تسند علي كتفه وهي كانت محتاجة القرب ده فاستقبلت اهتمامه بفيضان مشاعر وغمضت عينها بهدوء قعدو شويه كده هو عارف اخته محتاجة وقت لتهدي فقال بهدوء

_ احسن دلوقتي 

هزت راسها الي سانده عليه بالموافقة فابتسم بحزن وقال 

_ طيب يله اشربي الشاي وهو ساخن علشان تدفي 

بعدت راسها عنه واعتدلت في قعدتها وهو مد ايده لكوبايتها وناولها ليها فابتسمت بهدوء واخذتها منه وبدأت تشرب منها بهدوء وهو كمان مسك كوبايته وبدا يشاركها الشرب وهو بيتأمل ملامحها انتهت من الشاي فأخذه منها وحطه علي الطاوله جنب كوبايته وهتف بهدوء 

_ بالهنا يا روحي 

بصت عليه بصه طويلة فقضب حاجبه مستغرب من تصرفها وبعدين مسكت ايده بهدوء وضغطت عليها بامتنان وقالت بنبرة ممتنه

* عمر شكرا لوجودك جنبي 

شدها لحضنه وحاوطها بذراعه جامد وقال بلطف وهو بيضمها ليه 

_ انتي اختي يا عبيطة متشكرنيش علشان ده واجبي ناحيتك .. انتي بنتي وكل حاجة ليه المهم انك تكوني بخير

وبعدين بعدها عن حضنه ومسك وشها بين كفوفه بيبص عليها باهتمام

_ انا ماردتش اضغط عليكي بس محتاج اعرف الي حصل معاكي علشان اعرف اجيب ليكي حقك فهماني يا روحي كل حاجة علشان اجيب الكلب ده تحت رجليكي

نبرته قلبت لغضب قاتم وايده مكورها بغضب يتمني يشوفه ويضربه بوكس يكسر بيه رقبته

هزت راسها ليه بهدوء وسمحت لدموعها تنهال عليها وتجري علي خدودها واخيرا قدرت تعبر عن اي مشاعر جواها وارتمت جوه حضنه بارادتها المره دي فتح عينه بصدمة لأول مرة بس اتنهد وهو بيمسع عياطها الي وجع قلبه فرحيق شهقت بعياط وصوت عياطها كان هادي في الاول بس مع الوقت زاد وبقي عالي وهو اتحلي بالصبر وحاوطها أكثر بحماية والتزم بالصمت حب يديها وقتها لتطلع مشاعرها لبره وبعدها يعرف الي حصل وهو بيتوعد بالجحيم للي سبب دموع اخته القويه 

بعد نصف ساعة كانت رحيق قاعدة علي الكنبة بتلهث بانفعال بعد ما خلصت حكي وعمر علي كرسي قدامها ووشه احمر بغضب كبير بعد ما حكت ليه كل الي حصلها بداية من شكها في السواق ولغاية ما ضربته في باب العربية وهروبها منه لغايه ما وصلت للناس واتصلت عليه قام بغضب ذي الليث الجريح وهو بيتوعد بصوت عالي 

_ ابن ال # هجيبه ولو نزل تحت الارض وهرميه تحت رجليكي

وقفت بهدوء قدامه ومسكت ايده علشان يهدي وهي بتقول بخوف 

* انا مش عايزة مشاكل يا عمر انا خايفة ينزاع الخبر واتعرف انه انا ..كل الي بنيته في سنين هيضيع مني

سمعت صوت تنفسه العالي وهو بيحاول يهدي بعد ما ساب ايدها ولف بغضب غمض عينه وكور ايده بعصبية لاحظتها فقالت بهدوء وهي بتحط ايدها علي كتفه

* بليز يا عمر اهدي انا كويسه اهو قدامك 

لما فضل ساكت ومديها ضهره قلقت أكثر فقالت وهي بتسحب ايدها من علي كتفه 

* بليز يا عمر متخليش غضبك ده يضيع مستقبلي انا رحيق الكاشف الكل مستني ليه اي غلطة علشان يوقعوني 

زفر بقوة ولف ليها بعيون حنونه ومسك ايدها بين ايديه وقال بهدوء وحنان 

_ اهدي طبعا انا مش هضرك في شغلك بس مش معناها اسيب حقك

اتنهدت بتعب وهي بتتاوب بنعاس وبترجع تقعد علي الكرسي بتعب فهو قعد جنبها وقال بهدوء بيحاول يوصل لاي حاجة توصله للسواق 

_ طيب فاكره اي حاجة عن العربية رقمها مثلا او اي حاجة مميزه جواها

هزت راسها بضيق وقالت بنفي

* انا معرفش رقمها كل الي همني اني اوقف تاكسي وبس 

رفع حاجبه بضيق وتفكير فقال بغيظ

_ بعدين انا عايز اعرف ايه الي يخليكي تركبي تاكسي ليه ما ركبتيش عربية الشركة مثلا او اي تاكسي من الي بنتعامل معاهم

اتنهدت بضيق وهي بتفتكر انها اخذته وهي بتهرب من خالد بسبب هروبها منه عرضت نفسها للخطر وموقف صعب غمضت عينها لحظة وبعدين فتحتها وقالت بتوتر وكذب وهي بتحط ايدها علي راسها تفركه بهدوء تقلل الصداع الي بدأ يصيبها من جرح راسها

* كنت مستعجلة شويه فاضريت اركب اى تاكسي وخلاص

زفر بغضب وهو شايف التعب متملك منها وصوابعها الي بتعبث في راسها فقام بهدوء تحت نظراتها ودخل الاوضه

وهي دعكت عينها بتعب وشويه كان طالع وفي ايده علبه إسعافات اولية قرب منها بهدوء وقعد علي الأرض بركبته وحط العلبه علي الطاولة حنبه تحت نظرات استغراب منها طلع منها قطن وحط عليها محلول معقم وبعدين قرب القطن الي فيه محلول معقم من راسها مسك فكها بلطف بايد والايد الثانية الي فيها القطن نزل بيها علي جرحها وبدأ يمسح عليه بلطف وهي هاديه بس قالت وهي بتبعد راسها

* انت هتعمل ايه يا عمر

ثبت راسها بايده وقال بهدوء 

_ انضفلك الجرح علشان ميلتهبش اهدي بقي 

هديت وفضلت ساكته وهو خلص وحط القطن علي الطاولة ومسك رجليها وحطها علي رجله فحاولت تسحبها وهي بتقول 

* انا هعملها 

مسك رجلها وثبتها وهو بيهتف بأمر 

_ اهدي يا رحيق بلاش شغل العيال ده

قالها وبدء يرفع الفستان لفوق شويه فظهرت الكدمات علي ركبتها ومسك القطن من ثاني وبدء يمسح بيه ركبتها المجروحه وهي بتبص عليه بفخر وابتسامة سعيدة ظهرت علي شفايفها وعينيها لمعت بدموع فرح بتهدد انها تنزل فرفرت برموشها كام مره تمنع نزولها وهي فرحانه بخوفه واهتمامه بيها انتهي من تطهير جرح رجلها وحط عليها لزق طبي ونزل رجليها بهدوء وقام من مكانه يلم ادواته وكان لسه هيدخل الاوضه فمسكت ايده برقة وعينيها كلها مشاعر امتنان فبص عليها وهز راسه ليها بهدوء فسحبت ايدها من ايده وهو دخل لجوه يرجع صندوق الاسعافات ويجهز الاوضه لرحيق علشان تنام فيها وبعد وقت بسيط طلع ليها لقاها قاعدة مكانها وبتتاوب وعينيها بتقفل كل شويه فقرب منها بهدوء وحط ايده علي كتفها فانتبهت ليه وبصت عليه بهدوء وهو قال بلطف 

_ انا جهزتلك الاوضه يله ادخلي نامي شويه شكلك مرهق اوي يله قومي ارتاحي يا روحي 

كانت بتسمعه وعينيها نعسانه وبتقاوم النوم وقالت بعند

* لاء مش هنام انا هرجع علي الفندق 

قالتها وفي نهاية كلامها اتاوبت فهز راسه بغيظ وقال 

_ قومي يا رحيق ربنا يهديكي انتي اصلا نايمة علي نفسك وفندق ايه الي هتروحيه متأخر ده

* بس

سحبها من ايدها قبل ما تتكلم فقامت وشدها لجوه وهو بيقول 

_ نامي دلوقتي وبكره روحي يله يا ماما 

هزت راسها بالطاعة وهي مقتنعه بكلامه فهي تعبانه ومحتاجة تنام بسرعة حطها علي السرير بهدوء وهي استجابت من غير ما تعترض المره دي وغطاها كويس وهو بيقول 

_ تصبحي على خير 

* وانت من اهله

قالتها بصوت ضعيف وغمضت عينيها وفي لحظة كانت انسحبت لعالم الاحلام ونامت بعمق وهو ابتسم بهدوء وظبط الغطا وخرج بهدوء وطفا النور عليها طلع لبره وعيونه مشتعلة بغضب لو خرج هيحرق الأخضر واليابس وهو بيتخيل اخته بين براثن الوحش الي علي هيئة انسان زفر بقوه وهو بيتوعد ليه 

*********** 

الاوضه ضلمة كل الانوار مقفولة ما فيش غير سهراية حمرا صغيرة منورة والهدوم مرمية على السرير باهمال والكرسي مرمي علي الارض بطريقة عشوائية والهدوء سايد علي المكان عكس حالة الفوضي فيها الي بتدل علي مرور عاصفة علي الاوضه أطاحت بكل شئ وباب الشرفة مفتوحة وبيظهر من جواها سحابة دخانية لونها رمادي مع صوت لهاث حاد وبيظهر خالد في ركن مداري في الشرفة قاعد علي كرسي هزاز بيتحرك برتابة وبيعمل حكة في الارض مع كل هزة مصدرة صوت صفارة مزعجة وبين صوابع ايده الشمال تستقر سجارة من النوع الغالي بيقربها من شفايفه وبيأخذ منها نفخة بسيطة وبعدين نفخ الدخان لبره فاتكونت السحابة فوق راسه وكأن الافكار الي في راسه خرجت منها علي شكل سحب وبتهرب من صاحبها هو مغمض عينه ومستمر بالهز وملامح وشه جامدة فتح عينه أخيرا لتظهر حمرا بلون الدم من الغضب الي جواه وكلامها الجارح لكرامته بيتردد عليه بايده اليمين مسح علي وشه علشان يهدي وهو بيبص علي شرفتها الي جنبه علي طول بس زفر باحباط وهو شايفها مقفولة والهدوء في اوضه رحيق بيدل علي حاجة واحده ان رحيق لسه مرجعتش من بره وهنا نهش الخوف قلبه وهو بيطفي السيجارة في المنفضة الي علي الطاولة قدامه بقلق واتعدل بجسمه علي الكرسي وهمس بخفوت قلق رغم غضبه منها بس حبه ليها طبيعي اتسبب بقلق وخوف عليها وخصوصا وهي غريبة في البلد ده الي صوره عقله علشان يبرر لنفسه القلق

_ لسه مرجعتش لدلوقتي اوف هتكون فين لحد دلوقتي والوقت اتأخر راحت فين لما سابتني وهي ما تعرفش حد هنا 

نفخ بغيظ لان لسه بيهتم بيها وبيهتم بامرها بس غصب عنه قلقان عليها وخصوصا ان مسمعش حركتها خالص وهو الي فضل متابع وودنه جنب الباب من وقت ما رجع للفندق  علشان يسمع خطواتها لو رجعت بس هي مجتش عند الفكرة دي كور ايده بغضب وهو خايف يكون حصل ليها حاجة فقال وهو بيجز علي اسنانه بغضب

_ ما كنش لازم اسيبها لوحدها بردو حتي لو متخانقين كنت اوصلها حتي لو غصب عنها انا غبي 

اتنهد بغيظ من نفسه وخصوصا انه لسه مهتم بيها رفع ايده يبص على الساعة لقاها عدت نصف الليل وده معناها ان هي عمرها ما هترجع بعد كل الوقت ده وهي كمان مش في الفندق وخصوصا وهو قاعد مكانه الاستراتيجي الي بيشوف منه الممر الرئيسي للفندق يعني لو جت كان شافها وهي بتدخل بس هي مجتش ضغط علي ايده بغضب وهتف بغيظ

_ ان شاء الله مجت انا مالي اصلا ايه الي شاغلني بيها انسي بقي

قالها وضرب راسه بايده بغيظ وقام من مكانه وهو بيقول وهو بيجز علي اسنانه بغل 

_ انام احسن من التفكير فيها جتها القرف 

دخل الاوضه بخطوات متعجلة فخبط في الكرسي المرمي باهمال فصرخ بغضب ووجع وهو بيمسك رجله الي وجعاه 

_ اوف اوف ايه الي حاطط الزفت ده كده 

قالها وهو بيضرب الكرسي برجله السليمة بتهور فالضربه كانت جامدة ووجعته للمره الثانية فصرخ بغيظ وهو بيترمي على السرير وراه يدلك رجليه الاثنين وهو بيزفر بغضب وغيظ وبعدين قام عدل الكرسي وحط الهدوم الي علي السرير عليه ورمي نفسه علي السرير بتعب وسحب الغطا علي جسمه بعد ما حط الفون علي الكوميدينو الي جنب سريره وغمض عينيه علشان ينام بس النوم خاصمه وكأنه بيعاقبه علي كلامه القاسي ليها ففضل يتقلب علي السرير بعنف بيحاول ينام بس عقله مشغول فيها للاسف وكأنها تعويذه سحر اترمت عليه علشان تجعله سجين ليها للأبد ضغط علي عينه وهو بيطرد التفكير فيها من عقله وبعد ساعة كاملة من التفكير قدر يسحبه النوم بعيد شويه عنها بس ظهرت في 

أحلامه علشان تقلق نومه بس في النهاية يكفي انه اغمض عينه  بعد يوم متعب ومرهق 

*************

منورة كل أنوار الشقة علشان تحس بالونس وهي في اوضتها قاعدة علي كرسي مكتب صغير وقدامها الكتب ومضيقة حاجبها بتركيز وهي بتحل مسائل رياضيه معقدة نفخت الخصلة الي نزلت علي عينها بضيق ورجعت تركز مره ثانية بعد محاولات كثير من حل المسألة وماعرفتش تحلها نفخت بغضب وهي بترمي القلم قدامها علي المكتب بضيق ورجعت بضهرها لورا وهي بتمتم بضيق

* ايه المسألة الزفت دي جتها نيلة مش راضيه تتحل اوف 

ضربت المكتب بضيق وهي بتقوم وبتقول 

* بلاها زفت حل اريح دماغي شويه

قالتها بضيق وهي بتتحرك لبره الاوضه  نزلت تحت تشوف حاجة تاكلها وهي بتمسد بايدها علي بطنها قالت وهي بتنزل السلم

* اما اشوف حاجة اكلها انا بطني بتسوسو خالص 

قالتها بهدوء واتجهت للمطبخ دخلت وهي لقت النور منور ذي ما هي سيباه وقربت بخطواتها للثلاجة فتحتها بهدوء وبدءت ترمي عينيها لجوه تدور علي حاجة تسد جوعها زفرت بضيق ولوت شفايفها وهي محتارة قالت 

* عاصم كان بيعملي الاكل لو ماما مش موجودة وانا فعلا فاشله  مش هعرف اعمل حاجة خلاص اخذ جبنه 

قالتها بضيق وهي بتمد ايدها تسحب الجبنة وطلعت العيش واتجهت للبوتجاز تشغله علشان تسخن العيش وبعد ربع ساعة كانت عامله ساندوتش وكوباية شاي حطتهم في صينيه وطلعت بيهم فوق اوضتها علشان تلتهمهم بجوع وهي بتبلل شفايفها حطت الصينية علي السرير وبدأت تاكل بجوع وشربت الشاي لغاية ما شبعت فحطت الصينيه على الطربيزة جنب السرير وهي اتمدت عليه تريح ضهرها ومسكت الفون في ايدها تقلب شويه وبصت علي الوقت كان لسه الساعة سبعة بالليل فقررت ترن علي غادة تضيع وقت معاها وبعدين ترجع تكمل مذاكرتها ضغطت علي زر الاتصال وسمعت الرنة وهي بترجع شعره علي عينها لورا ودانها لغاية ما وصلها صوت غادة الهادي

_ اهلين اهلين بمروه الحلوه

ابتسمت بلطف وهتفت وهي تعتدل بجسدها علي السرير فهي رفعت جسمها لفوق بحيث تسند علي ضهر السرير 

* ازيك يا غادة عاملة ايه

_ انا كويسه يا بنتي ما هو احنا كنا لسه مع بعض

قالتها غادة بمرح وهي تنهض من مكانها وتقترب من النافذة بتبص علي الشارع فوصلها صوت مروه المستاء  

* عارفه يا لمضة بس انا حاسه بملل شويه قولت اتسلي معاكي

قالتها مروه وهي بتفرك في شعرها  

_ عملتي خير انا كمان عايزه اتسلي مع حد بردو تعبت من المذاكرة 

* اوف متفكرنيش بالمذكرة ده حاجة تخنق بقي بقالي ساعة بحل في مسألة لغاية ما فرهدتني يا بنتي وياريت في الاخر عرفت احلها 

ضحكت غادة بخفة وقالت بهدوء مرح

_ معلش معلش هانت

 اتنهدت جامد وهي بتنقل الفون علي الودن الثانية وهي بتقول

* ما هو ده الي مصبرني

سكتت وهي بترفع صوابعها لفوق تتأمل ضوافرها المأقلمة بشكل جذاب وقالت من غير ما تمهد للموضوع وعيون حزينة متذكرة مرات عمها الي بتعتبرها امها واكثر فزفرت بصوت مسموع

* انا مش مصدقة لدلوقتي ان بعيدة عن ماما ومها في أكثر وقت انا محتجاهم فيه 

قضبت غادة حاجبها بضيق وردت بحده

_ انتي الي بعدي عنهم يا مروه بمزاجك 

اتعدلت بقعدتها بعصبية وقالت بغضب جواه حزن عميق 

* مش بمزاجي يا غادة مش بمزاجي ان جوزي يخوني ولا بمزاجي ان قلبي يتكسر واهرب منه بالشكل ده .. هم عيلته وانا مقدرش اكون معاه في نفس البيت بعد الي حصل وبعد ما شوفت الخيانة بعيني

حطت غادة ايدها علي الحيطة جنبها وعينها لسه مركزة على الشارع الفاضي اتنفست بعمق وهي عارفه عند صاحبتها فقالت بحذر

_ وهتعملي ايه يعني هتفضلي هربانه لامتي وهتعيشي لوحدك كده ازاي يا مروه 

رفعت مروه عينها لفوق وبترمش علشان تمنع الدموع الي بللت رموشها وهي حاسه بالقهر لان مهمها بعدت عنه قلبها لسه بيدق ليه وهتفضل محتاجة لقربه هي من غيره عامله ذي الغريق مش لاقي مرسي بس قررت تقسي علي قلبها وتختار اصعب خيار يمر عليها فقالت وهي بتحط ايدها علي قلبها  

* انا بفكر ارجع لجدي

شهقت غادة بصوت عالي وهي بتبعد عن الشباك واتحركت في الاوضه ذي المجنونة وهي بتقول بعدم تصديق

_ ايه هترجعي ليه 

هزت راسها باستسلام 

* ايوه معنديش حل هو دلوقتي عيلتي وانا مقدرش اعيش في بيت فارس العمر كله يعني غير ان مين هيصرف عليه الفلوس الي معايا هتخلص

اعترضت غادة بعنف 

_ عاصم مش هيرضي بده مستحيل يسيبك تعيشي لوحدك او حتي مع جدك وانتي مراته

* هو ملهوش حق يعترض هو اصلا هيطلقني وخلاص قصتنا انتهت قبل ما تبدأ وهو الي رسم النهاية مش انا هو الي اتخلي

قالتها بعند وعيون غاضبه ونهضت بعنف لما سمعت كلام غادة 

_ لاء مستحيل يتخلي عنك يا بنتي هو بيحبك صدقيني

* لو بيحبني ذي ما بتقولي يا غادة كان جيه واخذني من هنا ولو بالغصب حتي بس هو ما صدق امشي علشان يعيش حياته براحته 

نفخت غادة بغيظ وقالت ببطئ كأنها بتكلم طفلة صغيرة مكملتش عشر سنين 

_ هيجيلك ازاي يا اذكي اخواتك وانتي طفشانه زمانه بيدور في كل حته

ضحكت مروه بتهكم وقالت بسخرية لنفسها قبل ما تكون بتسخر من غادة بتسخر وبتتحسر علي قلبها الي ادته لشخص مش بيحبها ولا بيقدرها ومع نبرتها الساخرة تقدر تحس بالحزن الي ماليه رغم انها حاولت تخفيه

* تصدقي ان ما في اغبي منك هو لو عايز يوصلني كان وصلني من التليفون من اول ما فتحته 

خبطت غادة ايدها علي راسها وقالت بادراك

_ اه صحيح كلامك مقنع هو لو أتبع فونك الي فتحتيه بقالك يومين كان زمانه علي بابك ورجعك البيت

اتنهدت مروه بوجع وحزن وهي بتكور ايدها وتفتحها كام مره وهمست بخفوت

* علشان تعرفي اني مبقتش فارقه معاه اصلا .. يله يا ستي اقفلي علي السيرة دي المهم قوليلي ذاكرتي اخر حصة في الكيمياء ولا لسه لان بصراحة صاحبتك ولا فاهمه حته فيها 

ضحكت غادة بعد ما فهمت تغيرها للموضوع وبدءو يتكلموا في مواضيع كثيرة لغاية ما عدي وقت طويل فقالت مروه بهدوء

* يله اشوفك بكره في المدرسة

_ أخيرا هترجعي يله يا حب تصبحي علي خير 

* وانتي من اهل الخير 

قفلت معاها وحطت الفون علي الطربيزة بهدوء وهي بتسحب الغطا عليها علشان تحس بالدفا بس رنين تليفونها خلاها تشيل الغطا وترميه بعيد وهي بتقرب من الفون بتوتر وتمسكه بايدها انسحب الدم من

وشها وهي شايفه اسم مها بيزين الشاشه بلعت ريقها بتوتر وضربات قلبها بيزيد وضغطت بسرعة علي زر الاتصال ما تعرفش ليه خايفة وقلبها مقبوض بس عرفت الإجابة اول ما وصلها صوت مها المرعوب

_ الحقيني يا مروه ماما تعبانه اوي 

اتجمدت ايدها علي الفون وهي حاسه ان روحها انسحبت بعيد