رواية أسيرة ظنوني الفصل الاول 1 بقلم رحمة جمال

الصفحة الرئيسية

   رواية أسيرة ظنوني الفصل الاول بقلم رحمة جمال


رواية أسيرة ظنوني الفصل الاول 

من هواها معذبتى .. و عشقى الابدى .. 
انها انتى يا من خطفت روحى من جسدى ..
انها انتى يا من كنت اظن انها خداعتنى ...
لأكانى اكتشفت .! 
انكِ لا ستى سوى طفلة بريئة .. تريد الراحة ، و الطمئنية ...
انها انتى اسيرة ظنونى .❤️
&&&&&&&
عائلة السويسى من اكبر العائلات فى مصر و اغناهم و تتكون من كمال السويسى ٥٣ عام متزوج من السيدة زينب ٥٠ عام لديه اربعة ابناء الابن الاول مراد السويسى ٣٠ عام مدير شركات السويسى جروب للعقارات فى مصر الابن الثاني جاسر السويسي رائد شرطه ٢٥عام ولا يحب العمل بشركات والده الابنه الثالثه كارمن السويسي ٢٠ عام طالبه بكليه طب الابن الرابع عمر السويسي ١٨عام ثانويه عامه ***. 
عائلة الدمنهوري وتتكون من جمال الدمنهوري ٥٣عام صديق قديم لكمال السويسي ولديه اكبر سلسله مطاعم فى القاهره وزوجته متوفيه وليس لديه الا ابنته الوحيده جميله ٢٠عام اسم على مسمي فكانت جميله جدا والتحقت بكليه هندسه وتحب والدها كثيرا وليس لديها الا هو بعد موت والدتها اثناء ولادتها (وباقي الشخصيات سنتعرف عليها من الاحداث ).
استيقظ مراد على اذان الفجر كما تعود خرج هو وشقيقه جاسر للصلاه فى المسجد 
مراد الي جاسر :ايه هو اخوك مش جاي معانا

 
جاسر:حاولت اصحيه مرضيش الزفت نومه تقيل
مراد ضاحكا :اموت واعرف الزفت دا جايب النوم ده كله من فين و بعدين
مش ناوي تسيبك من شغل الظباط ده وتيجي تشتغل معايا فى الشركه بابا كلمني امبارح من ايطاليا وقالي احاول اقنع حضرتك 
جاسر وقد امتعض وجهه :قولت كذا مرة ليك يا مراد ولبابا اني مش بحب شغل الشركات وغير كده انا بحب الشغل بتاعى فمش عاوز الموضوع يتفتح تاني ولما بابا يكلمك حاول تقنعه اني مش هسيب الشغل بتاعى وبعدين يا سيدي ما انت شغال انت وابن عمك والشغل ماشى تمام فمافيش داعي ليا 
مراد :ماشي يا جاسر هحاول اقنعه مع اني عارف انه مش هيقتنع بس تمام 
جاسر ضاحكا :مين ده يا بني اللي مش هيقتنع ده انت سيد المهام الصعبه يا بني 
مراد مبتسما :ماشي يا خويا ما انت واخواتك دايما حطني فى وش المدفع 
فضل جاسر ومراد يتكلموا ويضحكوا لحد موصلوا للمسجد مع الحرس .
قبل ذالك الوقت بعده دقائق عند جمال الدمنهوري اللي كان قاعد يصحي فى بنته اللي نومها تقيل علشان تصلي الفجر وتذهب الي الجامعه 
جمال و هو بيهز فى جميله علشان تصحي :يا جميله يا بنتي تعبتيني معاكي وانا بحاول اصحكي وبعد كده تقولي اتاخرت 
جميله ولا هنا ولسه مكمله نوم 


جمال ملقيش فايده جاب كوبايه المايه اللي جنبها وكبها على جميله علشان تفوق 
جميله اتنفضت :اني اغرق اغرق اغرق 
جمال بضحك :قومي يا ختي الفجر اذن 
جميله بعد ما استوعبت: كده يا چيمي حد يصحي حد كده 
جمال :ما انتي اللي مش بتصحي اعمل ايه ليا ساعه بصحي فيك اموت واعرف جايبه النوم ده من فين انا نومي خفيف ومامتك الله يرحمها خفيف انت جايبه من فين 
جميله وهي تقوم: مش لازم تعرف يا بابي ده حاجه من عند ربنا
جمال : طيب انا نازل اصلي فى المسجد وانتي قومي اتوضي وصلي 
جميله وهي تقبل والدها فى خده: ماشي ياحبيبي 
جمال: ماشي يا جميله الجميلات يلا سلام 
جميله: سلام .
***
بعد ما انتهت الصلاه وعاد الي الڤيلا ظل كلا من مراد وجاسر يجريان حول الڤيلا ويقومون بتامرينهم الصباحية التى تدوم حولى ساعاتان ثم عاد الي المنزل ليجدوا اخاهم الاصغر عمر على طاوله الطعام ياكل بنهم ليضحك عليه كل من مراد وجاسر ، ينظر عمر اليهم فيسعل جامد لياتي جاسر اليه بكوب من الماء 
جاسر و هو يعطيه الماء :اموت و اعرف الاكل اللى انت بتاكله ده بيروح فين مش عارف
عمر: الله مش بالعب رياضة و بحرق
جاسر :قصدك بالرياضة لعب الكورة ولا المشى ورا البنات
عمر: لا طبعا المشى ورا البنات اصل الرياضة دى يابنى مهمه بتقوى عضلة القلب
جاسر ضاحكا: والله يا بنى انا مش عارف البنات بتحبك على ايه
عمر مبتسما و هو بيشاور على عنيه: اكيد يعنى علشان عيونى و لونهم اللى يهبل ده
مراد ضاحكا: ماشى يا كازانوفا خلص اكلك علشان السواق يوصلك المدرسة
عمر: لا انا مستنى كارمن تخلص و تنزل
مراد: ماشى و بطل مشى ورا البنات و ذاكر علشان تنجح علشان بابا لو انت سقطت هيسود عشتك ان شاء الله علشان تتعلم تمشى ورا البنات تانى يا كازانوفا 
عمر و هو بيتكلم بطريقة مسرحية : بص النجاح دا يا بنى من عند ربنا انما الماشى ورا البنات فده يا بنى هوايه زى النشان اللى عند فان دام ده (و هو بيشاور على جاسر الجالس بجوار مراد) ما هو هوايه
مراد: ماشى يا كازانوفا احب اقولك انك لو سقطت بابا هيعمل على وشك خريطة العالم و صدقنى شكلك اللى فرحان بيه ده مش هيبان ليه ملامح
جاسر ضاحكا : ياريت والله تسقط و اشوف وشك و هو خريطة ده انت هتبقى قمر يا عمورى والله ده انا هفرح فيك


كارمن اللى لسه نازلة و يلقتهم كلهم مجتمعين على السفرة 
كارمن: فى ايه يا جدعان كلكم جايين عليه ليه
عمر: اخيرا فى حد ناصفينى فى البيت ده
كارمن و هى تجلس على السفرة : اكيد طبعا ده انت اخويا الا قولى صح يا جاسر هو لما وشه هيتشلفط هيتغير اسمه من كازانوفا هيبقى ايه 
جاسر: هو سؤال محير فعلا يا كارمن هبقى افكر فيه بعدين
عمر: اه يا زبال (ولسه هيكمل لقى مراد بصله حتت دين بصة انما ايه خلته يرجع فكلامه بسرعة) تشكرى يا ست كارمن بس بصى ابقى ورينى مين اللى هيجبلك شوكولاته
كارمن راحت بسرعة و قامت باسته ف خده: لو هتجبلى شوكلت هيبقى فى كلام تانى
عمر : اه يا مصلحجية بس ماشى انتى انصفينى دايما و انا اجبلك اللى انتى عايزة
جاسر :يا بت مش انا التانى بجيبلك
كارمن لسه هتتكلم راح مراد سائلها : خلصتى اكل ولا لسه
كارمن: لا خلصت
مراد لعمر: خلصت ولا لسه
عمر لسه هيتكلم راح جاسر رد بالنيابه عنه : وده من امتى بيخلص اكل
عمر لا بص عليه ولا عطه انتباه وراح بص على مراد ورد عليه: لا خلصت يا مراد
جاسر اتعصب جدا لانه بيكره التجاهل و كان قايم لسه هيضربه راح مراد ماسكه بسرعة 
جاسر: سبنى عليه يا مراد مادام مش هيرد عليا
عمر بكل برود: الله انت نارفوز ليه كدا يا جاسر (حد يقتل الواد البارد ده يا جدعان)
جاسر بعصبيه اكتر: سيبنى يا مراد اضربه العيل المستفز ده
مراد ولسه ماسك جاسر : انت يا زفت عمر خد كارمن و خلى السواق يوصلكم والا والله اسيبوا عليك و ورينى هتهرب منه ازاى خلال خمس دقايق مالقيش حد فيكم
عمر مسك ايد كارمن : كارمن بتعرفى تجرى
كارمن بستغراب:ايوة
عمر: و مستنيه ايه يلا يا بنتى ولا هولاكو ده هيكلنى و راح عمر بص على مراد بسرعة سلام يا بوس
مراد بص عليه و هو لسه ماسك جاسر: سلام ياخويا و روح على المدرسة على طول فاهمنى اظن
عمر و هو يجرى مع كارمن: ماشى يا برنس
مراد و هو بيبص على عمر: يا بنى حاول تقلل من الفاظك البيئة دى شوية
عمر:حاضر يا تكتكة
مراد بعد ما ماشى عمر وراح ساب جاسر: مافيش فايده منه الواد ده
جاسر: ما انت لو سبتنى عليه كنت ربيته و خليت يجى منه فايده
مراد مبتسما: ماشى لما يجى ابقى ربيه براحتك لكن مش قدام اختك انت عارف ان اختك اقرب واحد ليها فينا عمر دى بتحكى لعمر اللى مش بتحكيه لامُها و حاول تخف من عصبيتك شوية اموت و اعرف انت و قاسم صحاب ازاى
جاسر ضاحكا : والله كل اللى يعرفنا بيسآل نفس السؤال
مراد مبتسما :ماشى يلا اقوم البس انا و اروح الشركة و انت ايه مش يلا
جاسر:ادينى قايم
*
عند كارمن و عمر اللى قاعدين يضحكوا اول ما راكبوا العربيه
عمر لسواق : اجرى بسرعة يا عم صابر الهى يسترك
كارمن و هى لسه ماسكة جنبها :ااه جنبى مش قادره ابطل ضحك والا على منظرنا واحنا بنجرى والا على منظر جاسر 
عمر وهو بيضحك:بصراحة كان منظره مسخره بس بصراحه كتر خير مراد الله يباركله دا لو كان سابه كان هرانى ضرب
كارمن بعد ما خلصت ضحك:بس بصراحه انت غلطان انت عارف ان هو بيكره اى حد بيتجاهله
عمر:ما انا عملت كده علشان استفزه واشوف ضحكتك الحلوه دى( والله عمر ده عسل)
كارمن دمعت وراحت حضنت عمر وقالت بصوت منخفض جدا يصل الى الهمس انا بحبك اوى انت احسن اخ فى الدنيا 
عمر وهو حاضنها وبيطبطب على ظهرها وبيقول بصوت منخفض زيها:وانتى احسن اخت فى الدنيا وخلاص بقا بلاش تعيطى وانتى متشيكه كده(حيث كانت كارمن ترتدى بادى اسود من عند منطقه الصدر كانت على علامه X وعند الزراعين من قماشه التل المنقط وربع كم يظهر جمال بشرتها البيضاء وكانت ترتدى بنطال جينز كحلى ضيق يظهر جمال قوامها وشعرها ينسدل حيث كان يصل الى ما بعد ظهرها بشكل جذاب وملفت)
كارمن بعدت عن حضنه وقعدوا يتكلموا لحد ما كارمن وصلت 
عم صابر وهو بيلف لكارمن :يا هانم وصلتى
كارمن: ماشي يا عم صابر وراحت بصت على عمر ادعيلى يا عمر انا خايفه من الامتحان اوى
عمر طبطب على ايدها:متخافيش ربنا معاكى انتى ذاكرتى وعملتى اللى عليكى وما تشيليش هم
كارمن راحت باست اخوها فى خده:ربنا يديمك ليا يا عمر
عمر:و يديمك ليا يا قلبى يلا انزلى بقا ولا هنقضيها رغى
كارمن ضاحكه:ماشي وحاول تقلل من الفاظك البيئه دى على رأي مراد
عمر:ماشي ياختى هحاول رغم انى ما وعدكيش بس ماشي هحاول
كارمن ضاحكه :ماشي يلا سلام همشي انا
عمر مبتسما :ماشي سلام
كارمن نزلت ولفت شاورت ومشيت وعمر هو التانى شاورلها
عمر استنى كارمن لحد ما دخلت الجامعه:يلا يا عم صابر
عم صابر: حاضر يا عمر بيه وانطلق به الى المدرسه
***
فى الجامعه عند كارمن
كارمن شافت ليان صحبتها فى الكافيتريا بتاعت الكليه وراحت عندها وليان كانت قاعده وماسكه الكتاب وبتراجع كارمن قربت منها وقعدت جنبها وهمست فى ودنها وليان كل ده مش واخده بالها بسبب تركيزها فى الكتاب اللى ماسكاه

كارمن: ليان بتعملى ايه
ليان راحت قامت مخضوضه والكرسي اللى كانت قاعده عليه وقع :عااااااااااااه عفريت


يتبع الفصل الثاني اضغط هنا
رواية أسيرة ظنوني الفصل الاول 1 بقلم رحمة جمال
ranosha

تعليقات

ليست هناك تعليقات
إرسال تعليق
    google-playkhamsatmostaqltradent