رواية عشق أحفاد هواره الفصل الثامن بقلم دنيا السيد
رواية عشق أحفاد هواره الفصل الثامن
فهد.بصدمه من حديث جده... يعني اي شغلي انساه مش فاهم، حضرتك تقصد ايه
الجد بحزم.... لأ انت فاهم اني اجصد اي زين
فهد... ودا مش هيحصل انا مستحيل
اسيب شغلي الي هو مستقبلي وامسك شركة هندسه انا معرفش فيها حاجه ثم وجهه نظره لفهد ووليد
الجد... اني كلامي خلص ومش هعيدو تاني يا فهد
فهد بحده اكبر.... وانا مش هسيب
شغلي يا جدي لو هسيب البيت دا وامشي من هنا مش هسيب شغلي انت دمرت حياة صقر
خليتو بدل مكان المقدم صقر الهواري اسمه كان بيهز المخابرات والجهاز الامني كله بقا البشمهندس صقر
ووليد ساب الحربيه وبقا مهندس هو كمان ثم قال بستهزاء
حلو بقو متخرجين من كليتين
شرطه وهندسه وخدنها علي ايد كبير هواره
صقر بحده..... فهد احترم نفسك وانت بتتكلم
متنساش انك بتكلم جدك
فهد بحده مماثله.... جدي. جدي الي عاوز يدمر مستقبلي انت سمعت كلامو ورضيت بكدا لكن انا لأ مش
هسمح لحد يتحكم فيا لو عوزيني اسيب
شغلي تنسو انكم تعرفو حد اسمه فهد
الجد.... اعتبره تهديد
فهد... اعتبره زي ما تعتبره دا اخر كلام عندي ثم نهض وخرج من القصر
في الداخل كان الجميع جالس بصمت
لا يستطيع احد ان ينطق بكلمه
يوسف...... حسين قوم معايا عوزك في كلمتين
حسين.... تمام جوم نقعد جوي في اوضة المكتب
دخل كلا من يوسف وحسين المكتب
يوسف.... ممكن تفهمني ليه بتعمل كدا؟
وليه خليت صقر ووليد يسيبو شغلهم
اول مره اكون مش فهمك يا حسين
حسين بتنهيدة حزن.... خايف!
يوسف بتعجب... خايف من ايه وعلي مين
حسين... خايف عليهم يا يوسف
مجدرش استحمل لو حد جراله حاجه عوزهم
كلهم يكونو جدام عيني ويكونو سند لبعضيهم
ويحطو يدهم في يد بعض ويكبرو سوه
طول ما هما مع بعض عمرهم ما
هيخسرو يا يوسف لكن لو سبتهم كل.
واحد منيهم ماشي في طريق مع حاله هيبعدو وكل واحد هينشغل بنفسه وهيضعو
يوسف بتفهم... بس دا مش سبب انك تخليه يسيب شغله ويمسك حاجه هو ميعرفهاش ولا يفهمها
حسين... يتعلم زي ما وليد.وصقر
اتعلمو ولي يتعامل معاهم يجول
عليهم مهندسين ابا عن جد وانا ساكت
لفهد من زمان علشان الي هو فيه جلت
اسيبه لما يهدي ويرجع لطبيعتو
تاني بس هو ولا بيهده ولا هيرجع بالعكس
دا بيزيد وحالو انجلب وانا مش
هستحمل لما يرجعلي جسه
يوسف بصدمه... ليه بتقول كدا الاعمار بيد الله يا حسين
حسين... ونعم بالله بس انا بجول
كدا من عمايل فهد هو فاكر لما يجعد
في مصر وميجيش اهنه مش هعرف
عنيه حاجه، انا عارف هو بيعمل ايه لحد
ما بيخرج من بيته ويرجعلو تاني، اللواء عادل
اني متابع معاه وبيجول ان فهد بيصمم يمسك
الجواضي الصعبه وكلها سلاح ومخدرات
مع مافيا عالميه، فهد بايع نفسو وبيرمي نفسه في وشهم بأيدو حتي لو دا شغلو بس هو بيتعمد يمسك الجواضي دي وبيتصرف بتهور يعني بينتحر علي يدهم وانا مش هسكت علي اكده
يوسف... طب وصقر ليه عملت معاه كده هو اكيد مش متهور في شغلو زي فهد
حسين بحزن.... صقر كان هيموت يا يوسف في اخر عمليه ليه انضرب عليه نار وانصاب ب3طلجات وحده منيهم كانت جنب الجلب وجعد فوق ال7ساعات في العمليات وخرج دخل في غيبوة شهر كل الدكاترة جالو خلاص جلبو وقف وان احنا اجده بنعذبو ولازم نشيلو من علي الاجهزه
Flash back
مالك بزعيق.. هو في اي محدش بيطلع يطمني ليه بقالهم 7ساعات جوه محدش طلع يقطع حديثه خروج الدكتور من غرفة العمليات
مالك....خير يا دكتور صقر بخير مش كده هو كويس صح
الجد...طمني يالودي حفيد بخير صح
الدكتور بعمليه....ياجماعه مخبيش عليكو الوضع مش يطمن
هو انصاب ب3رصاصات اتنين في الكتف والتالته كانت
جنب القلب بمباشرة احنا قدرنا نطلعها بس طبعا هو نذف كتير ومش هنقدر نحدد حالتو قبل 48 ساعه لما يفوق
انصدم الجميع من حديث الدكتور
مالك...طب يعني هو فين دلوقت
الدكتور... احنا دخلناه العنايه المركزه علشان يكون تحت الملاحظه ومش هنقدر نتصرف قبل ما يفوق ادعلو
مالك بصرامه عندما سمع صوت بكائهم.... اخرسو مش عاوز اسمع نفس حد بيبكي صقر هيقوم صاحبي قوي مبيستسلمش يلا كلو يمشي انا هفضل معاه
بعد يومين
يخرج الطبيب من غرفة صقر
مالك بالهفه... خير يا دكتور. طمني
الدكتور... مخبيش عليك يا سيادة المقدم.. الوضع بيتأذم اكتر وللاسف دخل في غيبوبه
الصدمه الجمت الجميع
الجد... يعني ايه الكلام دا ياولدي. وهيفوق ماته من الغيبوبه دي
الدكتور بعمليه... والله ياحج احنا منقدرش نحدد هيفوق امته ممكن اسبوع شهر سنه الله اعلم ربنا معاكم ادعلو
عن اذنكم
الجد بحزن...ربنا معاك ياولدي وتجملنا بالسلامه
في المستشفي
مالك بزعيق وعصبيه اتي عليها كل من في المشفي
انتو بتعملو ايه محدش هيشيل الاجهزه قسما بالله الي هيقرب منو لكون مفرغ فيه المسدس
الدكتور....اي الي بيحصل هنا
الممرضه..الحقنا يا دكتور الاستاذ رافض ان احنا نشيل المريض من علي الأجهزه ومش عرفين نقنعه
الطبيب...حضرتك كدا حرام القلب بتاعو وقف هو دلوقت عايش بس علشان الاجهزه انتو كدا بتعزبو سبوه يرتاح
مالك بصوت مرتفع...لا صقر عايش وهيقوم هو مامتش.مستحيل يسبني هو قوي محدش هيقرب منو
الطبيب بخوف من هذا المجنون...خلاص اهدي حضرتك محدش هيشيل الاجهزه ثم نظر للممرضه خلاص سيبوه وخرج الجميع
مالك وهو ينظر لصقر....قوم بقا يا صحبي انت مش ضعيف علشان تستسلم قوم واثبتلهم انك قوي
فأصدر الجهاز صوت انظار عالي فنظر مالك بصدمه وجد صقر يحرك يده ولا يستطيع اخد نفسه
اتي الطبيب ومعه الممرضين بسرعه ودخلو الي الغرفه
الطبيب....هاتو جهاز صدمات القلب بسرعه
مالك بخوف... في ايه
احدي الممرضات...لو سمحت اخرج بره مينفعش كدا
مالك بعصبيه...مش هسيبو
الطبيب...انتي كدا بتأذيه..اخرج علشان نقدر ننقذه
خرج مالك والحزن والخوف علي معالم وجهه ورأي جده حسين ومصطفي والد صقر وفهد يركدون نحوه ومعهم حمزه ووليد
الجد....مالك يا ولدي حصل اي
مالك....معرفش انا جيت لقتهم بيشيلو الاجهزه و.....وقص لهم كل ما حدث
الجد....استرها يارب ونجيلي حفيدي
وبعد مده خرج الطبيب وقال....
ربنا بيحبكو انكتبلو عمر جديد
مالك بفرح...يعني هو كده كويس صح
الطبيب....هو دلوقت فاق بس يفضل أنو يفضل تحت الملاحظه لحد ما حالتو تستقر
مالك...مكن اشوفو
الطبيب...هو دلوقت نايم بسبب المهدأ الي أخدو كلها ساعه ويفوق وتقدرو تطمنو عليه..
حمدلله علي سلامته عن أذنكم
مصطفي وهو يعانق والده... الحمد لله يابوي ربنا مدرنيش في ولدي
الجد.... الحمدلله ياولدي
Flash back and
حسين بحزن... ومن يومها وخليت صقر يمسك الشركات مكاني ويسيب شغلو وقتها تعب وحالتو ادهورت بس ميقدرش يعارضني وانا عارف ان الموضوع دا لساته مأثر عليه بس مبيرداش يبين صقر.. طول عمره يكتم حزنه جواه
ووليد كمان جلتلو هتمسك الشركه مع ود عمك ومفيش حاجه اسمها شرطه ولا حربيه
ال كلام دا من 3سنين اكده كان صقر عنديه 26سنه ووقتها فهد كان لسه متخرج من كلية الشرطه وبعدها بشهور ماتت فريده ام صقر
وفهد كان متعلج بيها جامد ومتها اثر عليه وبجا زي ما انت شايف وطلع حزنه كله في الشغل فقلت اسيبه لحد ما يهدي وبعدين افاتحو في موضوع الشغل دا وهو دا الوقت المناسب علشان فهد يرجع لطبيعته تاني بكفياه حزن عاااد
يوسف...ان شاء الله خير يا خوي
حسين....يوسف انا عاوز نور تتكلم مع فهد الي شافتو نور ميجيش نقطه في الي عاشو فهد خليها تفوجو
يوسف....اكيد ياحسين انا هكلم نور وخليها
تكلمه اهدي أنت بس
حسين.... لأ اني عاوز اتحددت معاها وقلها أني
يوسف...مفيش مشكله هبعتهالك وخرج يوسف لينادي علي نور...
نور تنظر لصقر وتراه شارد وعلي وجهه علامات الحزن فتحدث نفسها... معقول كان ظابط امال مهندس ازاي دا من اول ما مسك الشركه وبقت في مكان تاني، باين وراك حكايه كبيرة يا صقر
ثم قالت لنفسه وبعدين انا مالي ظابط مهندس ميخصنيش غير الشغل وبس هكذا حدثت نفسها
قطع حديثها صوت جدها
نور تعالي عوزك
نور... نعم يا جدو
الجد.... ادخلي لجدك حسين عوز يتكلم معاكي
نور بأستغراب... يتكلم معايا انا، ليه
الجد... ادخلي وانت هتفهمي
دخلت نور جلست امام جد صقر
نور باحترام... نعم يا جدو حضرتك عوزني
الجد... ايوه يابتي عوزك تتحدتي مع فهد كلميه خليه يسمعك يا نور عرفيه ان مش معنا ان امه ماتت انو يعمل اكده في حالو عرفيه اني مش عاوز غير اشوفه مبسوط وبس
نور.... اهدي يا جدو وانا هعمل كل الي حضرتك عوزه بس فمني براحه
الجد... فهد كان متعلج بأمه الله يرحمها ومن يوم ما ماتت بجا واحد تاني مش بيسمع لحد ومعدش بياجي اهني وديما جاعد مع حالو وبعد عن اخواتو وولاد عمو غير انو بيكون متهور في شغلو يعني بينتحر بس علي يد شغلو
وانا خايف عليه يحصلو زي ما حصل لصقر بس صقر جام منيها ويعالم هو هيجوم ولا لأ ثم حكي لها الجد عندما انضرب صقر بالنار
نور بصدمه.... يعني صقركان هيموت فانتبهت لما قالت
نور باحراج... احم متقلش يا جدو انا هتكلم معاها وكلو هيبقي تمام متزعلش نفسك انت بس علشان صحتك
ثم ذهبت وهي تفكر في صقر تارة وفهد تارة اخري
وليد في غرفته نايم على السرير ويضع يديه الاثنين خلف رأسه والاخري وينظر للسقف وهو يغمض عينيه وذكريات الماضي تلاحقه...
Flash back
وليد...مالك يا حببتي مبتكليش له
ساره...ها لا شبعت الحمدلله
وليد...شبعتي ايه انتي مكلتيش حاجه
ساره...خلاص يا وليد قلتلك شبعت الله
وليد بتعجب عصبيتها...طب خلاص اهدي مش قصدي حاجه بس اناشيفك متغيره بقالك فتره في اي
ساره...فيه اني خلاص مش قدره استحمل وليد احنا لازم نسيب بعض
وليد بصدمه....اي ايه الي بتقوليه دا ياسارة نسيب بعض ايه دا انا مصدقت اخطبك،ايه الي حصل علشان علشان تقولي كدا هو انا زعلتك في حاجه
سارة بندم.....بلعكس ياوليد انت انسان طيب جدا وعمرك مزعلتني بالعكس انت بتعمل كل الي تقدر عليه علشان تسعدني
وليد...امال في ايه ليه بتقولي كدا
ساره بدموع...في اني انسانه انانيه بنيت سعادتي علي حساب شخص كل زنبه انو حبني،وليد انا اسفه بجد انا مش قدره اسامح نفسي ضميري بيعذبني وكلام صقر فوقني
وليد بعدم فهم أنا مش فاهم حاجه مش قادره تسمحي نفسك ليه؟ وايه دخل صقر في الموضوع
ساره....انا هقولك علي كل حاجه، أنا بحب صقر
نزل كلامها علي وليد كالصاعقه
وليد بصدمه..... اي الي بتقليه دا
سارة...حبيته لما كان بيجي ياخد زينه وفرح من الكليه كنت فكره انو مجرد اعجاب بس اكتشفت اني بحبه وكنت بتحجج واجي اشوف فرح علشان اشوفه بس وقتها انت شفتني وحبتني ف فلما اتقدمتلي كنت هرفض بس فكرة وقلت اكيد كدا هكون قريبه من صقر وهقدر اقوله اني بحبه
بس مكنتش عرفه اني بكدا دمرت نفسي ودمرتك معايا أنا اسفه يا وليد انا مش عارفه ازاي عملت كده سمحني ارجوك
وليد مصدوم من حديثها...ايعقل ان البنت الوحده الي قلبه حبها بتضحك عليه وكانت بتستغلو وهو فضلها علي بنت عمه الي بتعشقه وخطبها
وليد بجمود عكس ما بداخله.....ممكن اعرف ازاي كلام صقر فوقك.
ساره...رحتلو الشركه وقلتلو علي كل حاجه مكنتش قدره اخبي اكتر من كدا واعزب نفسي واعذبك
وليد...وهو قالك اي
سارة.....اتعصب وكان هيضربني وبعدين هدي وقالي ان دي ممكن تكون مشاعر اعجاب او بحبه زي اخويا وان لازم مفكرش كدا تاني وأني لازم احافظ عليك واحبك انت لان عمري ما هلاقي حد يحبني قدك وطلب مني اعبرو اخويا ومقولكش اي حاجه وابدأ معاك صفحه جديده وانو هينسي كل الكلام الي قلتو ثم اكملت بدموع حولت اعمل كدا بس كل ما بتعملني حلو او تقولي بحبك ضميري بيعذبني اكتر وبكون نفسي اقولك على الحقيقه انا اسفه سامحني انت تستاهل وحده احسن مني بكتير تستاهل وحده تحبك بجد مش تكون انانيه زي
وليد بجمود غير طبيعي.....تمام انتي عندك حق ثم وقف وخلع دبلته وتركه علي التربيزه ودفع الحساب وقال مشي عايز اشوفك قدامي في اي مكان ولو حتي صدفه فهمه
ثم غادر المطعم
طق طق طق
فاق وليد علي صوت طرقات علي باب غرفته فنهض وليد وذهب لكي يفتح الباب
وليد.. ياسمين
ياسمين بتوتر وخجل....احم اسفه اني ازعجتك بس بس جدي قالي اندهك هو مستنيك تحت ثم هربت من امامه
فبتسم وليد علي خجلها..وقال بحزن اسف يا جلب وليد علي الحزن الي في جلبك بسببي بس وعد مني هعوضك عن كل الحزن دا ثم نزل ليري ماذا يريد منه جده....
يتبع الفصل التاسع اضغط هنا
- الفهرس يحتوي على جميع فصول الرواية كاملة :"رواية عشق أحفاد هواره" اضغط على اسم الرواية