رواية الصغيرة والديب الفصل السادس بقلم ميرو محمد
رواية الصغيرة والديب السادس
جاء الصباح بيوم جديد مليء بالاحداث ..........
في القصر تقوم حلا من النوم وتكون علا نايمه جانبها فتفوق علا علي حركة حلا
حلا: بابتسامه جميله صباح الخير ياابله
علا : بابتسامه بردو صباح الخير ياحبيبتي يلا بسرعه عشان هتروحي المدرسه
حلا: بتعجب مدرسة اي ياابله
علا : دي مدرسه ابيه احمد قدملك فيها عشان تعرفي تقرائي وتكتبي وتكون بنت ليها قيمه في البلد
طبعا حلا طول عمرها في شارع من وهي صغيره اتبهدلت بمعني الكلمه
فمتعرفش حاجه خالص ....
علا نظرت إليها وفهمت انها مش فاهمه ابتسمت وقالت بصي ياحبيبتي انا هكون معاكي وهنذاكر سوا وهنعمل كل حاجه مع بعض
حلا : يعني هتروحي معايا
ابتسمت علا وقالت لاء طبعا هتروحي انتي ولما تيجي هكون هنا مستنياكي حلا بزعل
حلا : طب ابيه احمد هيروح معايا
علا : بردو لاء وبعدين حببتي شطوره وهتعتمد علي نفسها ولا اي شكلك صغيره
حلا : لاء انا كبيره وقويا وبعرف كل حاجه ابتسمت علا علي برائتها وان هي حساستها بالأمن ونزعت الخوف منها
عند احمد
قام دخل الحمام واخد دوش ولبس بدله رسميه وسرح شعرو وكمان برفان طحفه ويتميز برجوله ثم نزل الي أسفل
نزلت حلا وعلا وحلا اول ماشفت احمد جريت بسرعه علي احمد وحضنتو وقالتلو كنت فين امبارح مش شوفتك وبداء الحزن عليها
احمد : مش انا قولتلك علا هتكون معاكي عشان اشوف شغلي وبعدين انهارده حببتي هتروح المدرسه وهتسمع كلامي ومش هكلم حد خالص وهتحافظ علي نفسها صح ولا ايه
ابتسمت حلا وقالت طبعا انت قويه وكبيره
احمد وعلا ابتسمو وقالها تفطرها حلو وتجهزلها اكلها
احمد يلا ياحلا نفطر عشان العربيه هتوصلك وكمان اول مهتخرجي هتلاقي عم محمود مستنيكي قدام المدرسه وهيجيبك عندي ماشي ياحبيبتي
حلا : حاضر ياابيه
علا : هي مش هتيجي علي البيت
احمد : لا هتيجي علي الشركه وهاخدها ونروح نجيب فستان عشان في حفله انهارده
حلا : هييييي بجد ياابيه
احمد : ابتسم ايوه ياقلب أبيه ونظر الي علا وقال ليها وانتي كمان تجهزي هتروحي معانا
علا : انا ليه
احمد: عشان حلا وتكوني جانبها
علا : تمام يا استاذ احمد
وفطرو وخرجوا هو وحلا وركبو العربيه ووصلو عند المدرسه طبعت بوسه على خد احمد ونزلت لمدرستها وانطلقت العربيه علي الشركه وصل احمد ثم ذهب إلي أعلي لمكتبه ليشرع في عمله
دخلت السكرتيره هدي
هدي: بشمهندس احمد عندك معاد انهارده مع الوافد الاجنبي انت ومرام هانم
احمد: تمام ياهدي اتصلي علي مرام هانم وعرفيها المعاد
هدي : تمام يافندم تؤمر بحاجه تاني
احمد: لاء اتفضلي
دخل مراد
مراد: ايه ياعم فينك وعرفت انك روحت اتعشيت مع مرام بليل 😂
احمد: اسكت متفكرنيش دنا كنت هرتكب جنا.يه بسببها
مراد: ياستر يارب ليه كده 😂
احمد: عديمة الفهم قولتلها متكلمش عن حلا وهي مصمم تضيقني قومت سبتها ومشيت
مراد : احسن دي د.مها تقيل 😂
احمد : المهم ظبط الحفله وكل حاجه
مراد : طبعا ياباشا 😂 حتي كنت بفكر اجيب راقص.ه بس رجعت في كلامي
احمد: نس.وانجي امشي شوف شغلك عشان اخلص بدري عشان هخرج انا وحلا هجبلها فستان عشان الحفله
مراد : انت هتجيب حلا 😳
احمد : إيوه وكمان علا هتيجي عشان حلا
مراد: هو دا هو دا عليا النعمه انت راجل عسل
احمد : طب روح شوف شغلك لتعص.ب عليك 😒
خرج مراد من المكتب وبداء احمد في شغله ....
في المدرسه عند حلا ....
حلا دخلت الفصل وقعدت جنب بنوته اسمها زينه
زينه : انتي اسمك ايه
حلا : اسمي حلا وانتي
زينه : اسمي زينه تاخدي حته من سندوتش
حلا : لاء شكرا هو أيه ال في إيدك دا
زينه بحزن : دا عمو جوز ماما ضربني ونزلت دمعه من عين زينه
حلا اخدتها في حضنها وطبطبت عليه متزعليش يازينه انا هكون صاحبتك تعالي بقا نكل سوا ابتسمت زينه وقالت يلا
في القصر عند علا ...
إيوه ياملك غصب عني ان شاء الله هجبلك فلوس انهارده وابقي تعالي خديها بكرا
ملك أخت علا بنت في كلية اعلام وهي زي أختها في الاحترام وهي في سكن الجامعي ..
ملك : حاضر ياعلا ان شاء الله هاجي بس خلي بالك من نفسك ياحبيبتي
علا : حاضر ياروحي وانتي كمان وتغلق الخط وتسرح علا في حياتها هي واختها
في قصر عائلة الديب ......
نانسي بنت عم احمد : ازاي ياماما احنا لازم نعمل حاجه انا كل دا وبحب احمد ونفسي يكون ليا
كريمه مرات عم احمد: احنا لازم نتحرك يانانو
نظرو لبعض وابتسمو نانسي انا جاتلي فكره وابتسمت ..
في المدرسه عند حلا : جرز الفسحه ضرب وخرجت هي وزينه وقاعده يكلو وفي بنت جات لحلا تشاكل فيها ومعاها كام بنت
البنت اسمها زهره : انتي يااسمك أيه وسعي عشان نقعد هنا
حلا وزينه بصو لبعض زينه يلا ياحلا نمشي .
حلا : لاء احنا مش هنقوم هو المكان مكتوب بااسمك
البنت مس.كت حلا من شع.رها وبقت تجرجر فيها في الارض وحلا تص.رخ وتعيط المدرس بتعملي أيه انتي وهي قدامي علي المديره
خد المدرس حلا وزهره عند المديره
في الشركه...
احمد: قاعد وقلبه مشغول اوي علي حلا ..
دخل مراد: يلا ياعم عشان اجتماع الوفد وكمان مرام جات
احمد : ماشي يلا
مراد: مالك يااحمد وشك ماله
احمد: معرفش قلقان علي حلا
مراد: متقلقش دي مدرسه كويسه وفيها مديره مش مدير وضحك😂😂
احمد: اخلص ويلا مش ناقص هزارك دا ذهبو هما التنين وراحو الاجتماع
عند حلا في المدرسه
المديره : انتي ازاي يابت انتي وهي تعملو كده في بعض
طبعا حلا في حاله لا تحسد عليها الرع.ب كله جواها وفتكرت مامتها والكانت بتعمله فيها واقفه واكنها اخرس.ت
زهره: والله ياميس هي ضرب.تني وشتم.تني بماما حتي اسألي البنات
المديره: متردي يازف.ته انتي عملتي كده إيوه بما انك ساكته يبقا عملتي كده افتحي إيدك وبدأت تض.ربها علي ايديها لحد مورمت وحالتها اتبهدلت .
المديره: اطلبلبي حد من اهلها
ابتسمت زهره بخب.ث ...
في الشركه عند احمد ....
في الاجتماع .
احمد: اكيد طبعا احنا مبسوطين بلعقد معاكم وان شاء الله شغلنا هيعجبكم
مرام : اليتعقد مع احمد الديب يكون في امان اطمنو اكيد هيعجبكم الشغل
مراد : يبقا اتفقنا ياجماعه
الشخص من الوفد : اكيد اتفقنا اتشرفنا بيك يااحمد باشا
في اثناء لحظة ان يمضي احمد العقد تدخل هدي السكرتيره وتقولو ان المديره بتاعت حلا طلبت حضور احمد في المدرسه وقد دب الرعب في قلب احمد ..................
يتبع الفصل السابع اضغط هنا
- الفهرس يحتوي على جميع فصول الرواية كاملة :"رواية الصغيرة والديب" اضغط على اسم الرواية