رواية حبك نار الفصل التاسع والخمسون 59 بقلم أسماء الكاشف

رفع عينيه من علي الأوراق لما حس بالصمت في المكان فقابلته زرقتها الي بتسحر فقال بصدمة باللغة الإنجليزية وهو بيقف مكانه 

_ انتي 

في نفس الوقت الي شافته امتعضت ملامحها بضيق يشوبها صدمة ونطقت هي كمان باللغة العربية 

* انت وهمست بخفوت الوقح 

وبعدين رسمت البرود علي ملامحها وهي بتدخل وهو قعد مكانه ورسم العملية بيحاول يتجاهل مشاعره وقطع كل ده صوت حاتم المرحب والمندهش في نفس الوقت 

= هو انتم تعرفو بعض

 * لاء قالتها بمقاطعه فرفع حاجبه بضيق وكور ايده بغيظ منها وحاتم كان قام من مكانه واتجه ناحية عمر الي ابتسم ليه وقال

= اوه اتفضلو 

ووصل لعمر الي حضنو بعض باشتياق وهي دخلت بخطوات هادية وقعدت ببرود وحطت رجل علي رجل ولفت وشها بعيد عنه وهي متغاظه لوجود المتعجرف ده قريب منها فما بالك كمان في شغلها وبعد نصف ساعة كان الكل مترص علي طربيزة الاجتماعات والمناقشة بينهم ماشية هاديه كان الحوار بيدور أكثر بين عمر وحاتم وهي بتسمع بتركيز بس ساكته لانها عارفه ان عمر اخوها هيقوم بالي مطلوب وأكثر وخالد  اكتفي انه كل فترة يدي تعليق بسيط بالنسبة ليه بس كان بيعصب رحيق الي حركت رجلها بعصبية فاتحرك فستانها لفوق شويه وظهر ركبتها الناعمة والبيضه وهي بتقول بعصبية

* ما هو كده مش نافع خالص حضرتك كل كلمة حضرتك بتعترض عليها 

ضرب ايده برفق علي الطربيزه وقتا 

_ انا بقول الي المفروض يحصل والي بيجي في صالحنا

* تقصد تقول صالحك انت وشركتك كل الي بتعمله انك تعارضنا وبس وانا ده ما يمشيش معايا 

_ بتهدديني يعني 

اتدخل حاتم وقال لفض الخناق 

= في ايه يا جماعة اهدو شويه ده سوء فهم 

قالها ورمق خالد بنظره تحذير الي نفخ بغيظ  فقالت رحيق بضيق

* مش شايف صاحبك الي من ساعة ما قعدنا وهو متأفأف وطالع فينا وبيعترض كل حاجة هو ناسي انا مين ذي ما انتم شركة وليكم اسمكم انا كمان ليه اسمي 

= لاء مش ناسي طبعا يا انسه رحيق حضرتك معروفه طبعا بس ممكن حضرتك تهدي والي عيزاه هيتنفذ علي طول 

^ خلاص يا رحيق اهدي 

قالها عمر وهو بيمسك ايدها بهدوء تحت نظرات الحنق من خالد 

* اوك علشان خاطرك يا موري وخاطر حضرتك بس قالتها وهي بتشاور علي حاتم

فقال خالد ببرطمه وبهمس وهو بيرفع عينيه لفوق بغيظ

_ علشان خاطر حضرتك ما هو ده الي شاطره فيه من ده لده قال موري قال وضغط علي شفايفه 

حاتم الي قال بمهادنه

= ده شرف ليه واتأكدي ان كل الي هيتم هيرضيكي ويرضي كل الأطراف 

استمر الاتفاق بينهم نصف ساعه كمان لغاية ما انتهي الكلام بينهم فقال حاتم في الاخر

= أخيرا رضينا كل الاطراف في مشكلة او اعتراض عندك يا انسه رحيق قبل ما نمضي العقد 

هزت براسها بالرضا وقالت بعملية وهي بتوجه نظرها لعمر 

* ما فيش مشكلة طالما جاي من ناحية عمر وهو الي راجع العقد وكله تمام يبقي معنديش اي مشكلة 

جهز العقد وحطه قدامها وقال بهدوء

= يبقي نشكر سي عمر صاحبي حبيبي الي معرفش ان عنده اخت بالجمال والرقة دي ابتمست هي بخجل وحطت ايدها علي شعرها بحركة تلقائية منها وماشافتش العيون الي اشتعلت ذي نار وبتنفس الدخان وبتبص علي حاتم بغل ونسي انه صاحبه وكور ايده يمنع نفسه من ضربه والهجوم عليه من جواه مشتعل لما سمع المغازلة واتمني يضربها كف لانها فرحت وابتسمت لمغازلته ليها بس من جواه ارتاح لما عرف ان عمر بيكون اخوها غمض عينه بضيق من مشاعره التايهه وبسببها هي 

تنحنح عمر بحده مصطنعه وقال 

^ انت بتعاكس اختي ياض 

ضحك حاتم بمرح

= انا اقدر يا برنس 

رفعت حاجبها وهتفت باستغراب 

* ايه الألفاظ دي متأكدين انكم ناس كبيرة 

ضحك الاثنان وهزو رأسهم بمرح فحركت راسها بيأس يمين وشمال وبعدين قال حاتم بجدية وهو بيمسك القلم 

= خلاص خلينا جد شويه بما ان الاطراف كلها موافقة علي العقد وبنوده يبقي علي بركة الله نمضي العقد 

قالها وبص علي السكرتيرة الي مسكت الورق وبحركة عملية قامت وحطت الورق قدام رحيق الي بتبص علي خالد بطرف عينيها وبعدين مسكت الورق قلبت الورق ومضت بعدها فابتسم حاتم الي قال 

= مبروك 

* مبروك لينا كلنا 

قالتها بعملية وهي بتفتح الفون بتاعها بتشوف الوقت فدخل الساعي باكواب القهوة وحط القهوة قدام كل واحد منهم ومشي بهدوء فاعتدلت هي  بجلستها واترفع الفستان أكثر من غير ما تاخذ بالها وهي بتسحب الكوب بتاعها بترتشف بوق منها باستمتاع وهو بيغلي أكثر بس مالهوش الحق يتكلم فمسك الكوب بتاعه وبدء يشرب منه بضيق وبيبص عليها بتكشيره وعينيه بتيجي كل شويه علي رجليها الباينه فانتبهت ليه ابتسم بمكر وسلط عيونه علي رجليها بوقاحة خلي عينها تتسع بصدمه وخجل من وقاحته وتلقائيا مدت ايدها تتحسس رجليها فشهقت جواها وبترتها قبل ما تخرج لبره وتخلي الكل ينتبه ليها مسكت طرف فستانها ونزلته لتحت شويه وبعدت نظرها من عليه تحت نظراته المستمتعه بس جواه حاسس بالرضا خلصت قهوتها وقامت بهدوء هي وعمر بيستعدو يمشو وفي المقابل قام حاتم وخالد سلم حاتم عليها بالايد وسلم علي عمر وخالد وقف بطوله الفارغ وقرب منها بهدوء ذئب واتراجعت خطوه لورا مستغربه المبادرة منه وهو بيمد ايده ليها رفعت عينيها لفوق تقابل عينيه فهز راسه ليها وعينيه فيها حنان غريب عليها رجعت بصت لايده ومدت ايدها  ليه لمست صوابعه بطراطيف ايدها وحست بقشعريره وهو شدت من ضعط ايده عليها مع بسمه غريبه خلتها مستغربه تصرفه وترفع حاجبها ليه بس هو فضل سرحان في زرقتها  ومحسش بنفسه غير لما لقي وشها الاحمر وهي بتسحب ايدها ففلتها باحراج وهي رجعت خطوه لورا وهو سلم علي عمر وقال بلطف لأول مره من ساعة ما شافته

_ نورتو شركتنا ان شاء الله هيعجبكم التعامل معانا والانسه رحيق هتكون مرتاحة معاي قصدي معانا 

 قالها بمغزي وعينيه بتلتهم تفاصيلها 

^ ان شاء الله عن اذنكم قالها عمر ومشي هو ورحيق الي سرحانه لغاية ما خرجت من الشركة وقالت وهي بتركب 

* خالد ده غريب شويه

ركب عمر في كرسي السائق وبدء يحرك العربية وبيقول بهدوء

^ هو خالد جد شويه في الشغل عكس صاحبه حاتم تلاقيه فرفوش شويه وسهل تتعاملي معاه بس عموما هو ملهوش علاقة بيكي ولا بالشغل كل امور الموديلات مع حاتم هو ليه الشغل في الشركة والتصميم

زفرت براحة وقالت بهدوء

* كده احسن بردو مش عايزه اختلط معاه في حاجة خالص 

^ هو انا ليه حاسس انكم تعرفو بعض قبل كده وهجومه الغير مبرر ليكي مش علي الفاضي ده كان قافش معاكي ولا اول ما شافك حسيته اضايق ونظراته ليكي مش نظرات عادية كأنك قتلاله قتيل

 قالها وبص عليها للحظة ورجع بص قدامه وكمل سواقه بتركيز فاتنهدت بضيق وبصت عليه وبعدين بصت قدامها وهي بتقول بهدوء 

* ايوه شوفنا بعض قبل كده انا اعرفه بس مكنتش اعرف ان اسمه خالد او شغال هنا في الشركة لا وكمان صاحبها انا معرفش عنه حاجة حتي اسمه

^ طيب ليه انكرتي انك تعرفيه 

بان علي وشها الضيق وقالت بهجوم غريب عليها    

* علشان شخص مستفز اوي ومش معني ان شوفته يبقي خلاص اعرفه 

رفع حاجبه باستغراب وقال بهدوء 

^ اول مره اشوفك تتكلمي عن حد كده 

* علشانه فعلا مستفز قالتها بضيق ووش مكشر  فبص عليها وضحك علي ملامحها ورجع بض قدامه علي الطريق سكتت شويه وبعدين شاركته الضحك وقالت بهمس 

* اضحك اضحك علي احزاني  

^ واحط كلونيه كمان

* اسمه برفان يا موري قالتها وغمزت ليه فابتسم وقال بهدوء 

^ اوك رحيقو هانم 

ضربت كتفه برقه وحطط راسها علي كتفه وهو بيسوق وقالت برقة 

* رحيقو يااه زمان علي الدلع ده احنا ليه اتغيرنا اوي 

بص علي راسها الي علي كتفه وبعدين بص قدامه وقال بهدوء 

^ احنا متغيرناش الدنيا بس مشاغلها كثرت كل واحد اتلهي في شغله ومستقبله 

ابتسمت وهي بتعدل راسها عليه وقالت بهدوء

*  عندك حق انا الشغل ضغط عليه وعلي حياتي مبقتش اعرف الاستقرار بسافر من بلد لبلد وبتنكر دايما قدام الناس  

^ الشهرة ليها ضريبتها بردو

هزت راسها بنعم وردت بخفوت 

* ايوه ضريبتها كبيرة وهمست بخفوت 

* ضريبتها اني انسي نفسي واخسر ابني