Ads by Google X

رواية الاعمي الجزء الثاني 2 الفصل الأربعون 40 بقلم ليلة عادل

الصفحة الرئيسية

                  رواية الاعمي الجزء الثاني 2 الفصل  الأربعون  بقلم ليلة عادل


رواية الاعمي الجزء الثاني 2 الفصل الأربعون 

غرفه نوم اميرة ومروان 4م
 تظهر اميرة نائمة على صدر مروان العاري. وتغطي نفسها بغطاء وظهرها عارى ويتحدثان
 اميرة : اللى يشوفك يقول بقالك شهر مقربتليش مش يومين
مروان : بالنسبة ليا سنتين
 أميرة : اووو للدرجة دي 
مروان : امممم كنتي وحشاني اوي أوي
 اميرة  : اشتياقك الأوي ده تعبنى على فكرة شكلي هاخد اجازة بكرة 
مروان :  بحنان وحب انا آسف يقبلها من ايدها 
يرن هاتف اميرة
 اميرة : ممكن التليفون
 مروان : لا 
أميرة : متهزرش
 مروان: مافيش تليفونات لحد بكرة
 اميره : طب أشوف مين طيب 
مروان : لا
 اميره : مروان بطل بقى تعدل أميرة نفسها لتجلب هاتفها من الكومودينه التي بجوار مروان فيتلامس نصفها العلوى بصدر مروان وأخذ مروان يمرر ايده على ظهرهابنعومة ورومانسية وتظل اميرة بهذا الوضع تسند نفسها على مروان وتتحدث
 أميرة : باستغراب. ده كريم رن مرتين وماما رنت خمس مرات مسمعتهوش خالص 
مروان : ولا انا 
اميره : طبيعى مش هنسمعه واحنا في الوضع ده
انا هتصل هشوف فى. ايه 
مروان : وهو يتلاعب بشعرها المنسدل على صدره 
لو اتصلوا تانى. اتصلى
 اميره : وبعدها معاك يامارو أهو كريم بيتصل هأرد ....
ايه يا كيمو في ايه
كريم : انتى يابنتى مش بتردي  ليه.... بنكلمك من بدرى
اميره : كنت نايمة
كريم : ياسمين بتولد وتعبانة جدا 
تنظر اميرة باتساع عينيها
 ينظر مروان لها.....بعينه في إيه
اميرة : بتقول ايه ازاي 
كريم :الدكتور قال لازم تولد قيصرى حصل عندها مشكلة
 كبيرة تعالي بسرعه احنا كلنا في المستشفى
اميره بخضة وخوف شديد انت بتقول ايه يا كريم. ياانهااار طب انا جاية حالا
كريم : متتأخريش
تعدل اميرة نفسها و تقوم من على السرير بسرعة
مروان : فى ايه
اميره : ياسمين بتولد
مروان : يقف امامها اهدي طيب ان شاء الله تقوم بالسلامة
اميره : اهدى ايه دى هتولد قيصرى  بيقولى تعبانه اوى انا خايفة عليها
مروان :  متخفيش  يا حبيبى  روحي بس خدى حمام بسرعه عشان منتأخرش
♥️______ ليلة عادل ______ ♥️
أحد المستشفيات بالقاهرة 5م
تدخل اميرة ومروان المستشفى وهو يمسكون ايدين بعض و يبدو على ملامح اميره القلق والتوتر ثم يدخلان الاسانسير  يطبطب مروان على كتفها ليشعرها بلاطمئنان ثم يخرجون من الاسنسير يسرون فى الممر تشاهد اميره فريده وكريم وخالد وعماد تترك يد مروان تجري نحوهم 
اميرة : ايه اللى حصل
فريده : بخوف ودموع  ... ياسمين حالتها خطر
يدخل مروان عليهم  
مروان : ان شاء الله خير وياسمين تقوم بالسلامه
اميره : الدكتور قال ايه يعنى
خالد : الحبل السورى لافف على رقبة الجنين فلازم تولد قيصري
اميره : ياا نهار يعنى فى خطر عليها
كريم : ادعلها يا اميرة
يقترب مروان من اميره ويطبطب على ظهرها وكتفها  وكان على ملامح الجميع التوتر والخوف  وكان خالد ينظر لمروان بحقد وغل ولكن مروان لا يعطي له اى اهتمام فكان يقف بجوار اميره لكى يشعرها بالاطمئنان ويزيل عنها التوتر والخوف بعد قليل يخرج الدكتور يقترب من الجميع
الدكتور : الحمد لله جالكم بيبي زى القمر
عماد: طب وياسمين
دكتور : زى الفل
اميره : هنشوفها امتى
الدكتور: هى فى البنج دلوقت مش هتفوق قبل ساعتين
 ممكن تدخلو تشفوها 
فريده : عايزه اشوف بنتى
الدكتور :اول ما ننقلها الاوضه ممكن تشفوها  حمد الله على سلامتها عن اذنكم
تجرى اميرة خلف الدكتور  يا دكتور  البيبى ممكن نشوفه 
الدكتور: ممكن دقائق ونخرجه 
تخرج الممرضة ومعها البيبي تجرى اميرة عليها وتحمل الطفل
اميرة : بسعادة ودموع .. يا روح خالتو انت عارف يا مفعوص انت. كان ممكن اخسر اختى عشانك ياختى قمر انتى طالع حلو لمين بصي يا ماما قمر ازاي وعينيه ملونة..
  تنظر لمروان حبيبى تعال بص  يقترب مروان و يمسك ايده ويقبلها ماشاء الله 
كريم : عقبالك يا ميرو
اميرة : يارب يا كريم
مروان : ايه يا عماد مش عايز تشيل ابنك
عماد: لو مش هزعل المدموازيل اميرة
اميره : اهمد يا عماد اللى واقفين مش غربا أكيد مش هعملك برستيج قصاد مروان  مروان مننا وعلينا  تعال امسك
عماد : انا اسف ليكي
كريم : بتتسحب من لسانك ليه دي ام لسان معلمانا كلنا الأدب  قد كدا مسيطرة ولا ايه يامروان
مروان : ايه يا كريم عايز تنيمني على الكنبه ولا ايه
كريم : احنا كلنا هنام على الكنبه
يضحك الجميع
اميره : انتم كلمتم نور وحمزة
كريم : تؤ نسيت
اميرة : ليه يا كريم استنى هكلمهم  تضع ايدها بجيبها يقترب منها مروان يعطيها هاتفها 
مروان : نسيتيه على السرير
اميره :  روحي انت تقبله من خده و تقوم بالاتصال بنور وتبلغها بالخبر
بعد مرور وقت يدخل الجميع ويطمنوا على ياسمين لكنها كانت مازالت نائمة 
 كانت اميرة تجلس بالاستراحة بجانب مروان تسند راسها على كتفه وتمسك ايده
اميرة : هموت وأنام تعبانة اوي
مروان : معلش يا حبيبى تحملي شويه لما ياسمين تفوق ونطمن عليها ونروح
اميره : لا مش هاروح هبات معها
مروان : امممممممم  ممكن تبقي تريحي شوية على السرير اللى جنبها لما نمشى
تدخل عليهم نور وحمزه
نور :  بنرفزه خفيفه .. بتستعبطى  والله لو مكناش بالمستشفى كنت عرفت اهزأك  ازيك يا مروان
مروان : الحمد لله
حمزه : ازيك يا دكتور 
مروان : احنا لا في المركز ولا بالجامعة  قولى مروان  زى ما نور شالت التكليف
حمزه : تمام ايه يا ميرو مالك
اميرة : تعبانة منمتش كويس
نور :بقولك ايه هروح اطمن على ياسمين والبيبى جابت ايه
اميره : عمر
حمزه : ماشاء الله عقبالك
مروان : يارب
حمزه : امال الناس فين
اميره : عند ياسمين احنا لسه خارجين من جوه
نور : يلا يا حمزه ندخل نشوف ياسمين  
بعد رحيل نور وحمزة ينظر مروان لأميرة
مروان : تعالى ننزل الكافيتريا نشرب حاجه وتاكلي ماكلتيش من امبارح
اميره : انا جعانه وتعبانه وعطشانه وشكلك هتيجى بكره تلاقينى حاجزه اوضه جنب اختى
مروان : مع  ملامسة وجهها  تعبانه للدرجة دي
اميره :  اممم انت عارف انا اصلا كنت تعبانه 
مروان : طب تعالى بس أأكلك وانتي وشك كدا بقى الوان
اميره : يلا
احد مطاعم الشاورما بالقرب من المستشفى  8م
يقف مروان  واميرة بجانب بعضهم قصاد الكاشير
اميره : انا عايزه 3 ولا خليها اتنين 
مروان : حاضر
اميره : خلاص خليهم 3 واحد توميه كبير  وبطاطس كبير
مروان : عايزة حاجة تانى
اميره : تؤ  تصمت قليلا  استنى  هتلى بيبسى  هاستناك بالعربيه
مرون : ماشى
سيارة مروان
تجلس اميرة بالسياره ومشغله اغاني لحماقى تغنى معها يدخل مروان السياره  وهو بيحمل بايده اكياس  يفتح الباب الخلفى ويضع الأكياس على كنبة السيارة
مروان : يادى حماقى 
  ثم يفتح باب السياره ويجلس بجانبها
اميرة : هههه بحبه  ايه كل ده 
مروان : عملت حسابهم   اكيد ماكلوش  بس جبتلهم وجبات احسن
اميره :  روحي انت يا مارو تقبله من خده  هات بقى سندوتشاتى   
يلف  مروان ويعطيها  كيس به سندوتشات 
مروان : اتفضلى  ده اكلنا  
اميرة : جبت لنفسك واحد بس
مروان : ما انتي عارفة ماليش باكل الشارع
اميره : عشان ما تعرفوش ده احلى حاجه بالحياة بعد حماقى هههههههههههههه
مروان : اكيد مش هغير من حماقى يعنى ولا عايزنى اغير وماخلكيش تسمعيله تاني
اميرة : لا قلبك ابيض زى قميصك بهزار معاك بناغشك تعال اسمع اغنيتي المفضلة  تشغل اغنيه جنات بحبك اللي كانت تشغلها باستمرار  (بالجزء الاول)  فاكر كنت شللني ازاي
مروان : فاكر 
اميره : كنت فاهم بس بتستعبط صح
مروان :اممم  تعرفى ان بحب الايام دي اوي
اميره : وانا كمان  تضع ايدها على خده يقبلها مروان من صوابع ايدها
مروان : بحبك
اميره : وانا بموت فيك
 يلا بقى ناكل عشان منتأخرش عليهم
مروان :  يلا
♥️______ ليلة عادل ______ ♥️
اليوم التالى
فيلا مروان واميرة 1م
غرفه النوم 
تدخل اميرة الغرفة تجد مروان نايم على الكنبه تقترب منه مع ملامسة خده باطراف اصابعه وتقوم بايقاظه
اميره : مارو حبيبى 
يفتح مروان عينيه ويدعكها  
مروان : بنوم ايه ده انتي جيتى
اميرة :  اممم افتكرتك بالجامعه بكلمك تليفونك مغلق
مروان : قولت اخد اجازه يمكن تحتاجي حاجة جيتى ليه كنت هجيلك
اميره : هاخد لبس 
مروان : ليه
اميره : منا هروح اقعد عند ماما شويه
مروان: ليه يعنى
اميره : اختى والدة يا مروان لازم اقعد معها ماما مش هتقدر تخدمها لوحدها
مروان : هتقعدى كتير 
اميره : مش عارفة  بس مش اقل من عشر ايام
مروان : عشر ايام يا اميرة... لا كتير اوى ثم يتنهد خلاص روحي 
اميره : مش قادر على بعادى
مروان : يعنى مش عارفة
اميره : لا عارفه  وانا كمان مقدرش على بعادك ولذلك يا سيدى المرمور  فقد قررت انك سوف تاتى معايا 
مروان :  فين
اميره :  الملاهي
مروان : بطلي لماضة
اميره : عند اهلي هتيجى تقعد معايا
مروان : مش هينفع
اميره : ليه
مروان : يجلس مش هابقى على راحتى
اميره : ليه يعنى
مروان : اميرة انا بتكسف منهم المره اللى فاتت لما بت معاكى لما جيت ادخل الحمام باليل صحيتك عشان تشوفى الحمام فاضي ولا لا ومش معقول كل شويه هصحيكى من نومك  كمان مش هبقى على راحتى 
اميره : قولتك الحمام اللى جنب اوضتى ده محدش بيدخله غيرى وياسمين لما كانت معانا , بابا وماما ليهم حمام بالاوضه بتعتهم ,  وحمام اللى بره ضيوف لكن حمام اللى عند اوضتى بتاعى 
مروان : مش الحمام بس الموضوع كله مش هبقى على راحتى
اميره : مروان انت بتعمل كدا ليه ما عماد بييجى يبات
 ده حتى ادهم لما كان كاتب كتابه عليا كان اوقات بيبات عندنا ويسافر معانا , انت ليه عامل تكلفة بينك وبين اهلى مش عايز تقرب منهم
مروان : لاني مختلف عن ادهم وعماد
اميره : مختلف بايه
مروان : لان محدش عندك مهتم انه يقرب مني هما بيحبو ادهم عشان كدا قدر بسرعه يتعود عليكم , اميرة كريم عمره ماكلمنى حتى بعد الطلاق مفكرش يشوف ايه مشكلة اخته , مثلا معملوش جروب ودخلونى فيه زى ادهم , ولا حتى حد فيهم فكر يقولك تعالي على الغدا وهاتى مروان معاكي , انا حاسس انى بعيد محدش فيهم محسسنى اني قريب اني منكم حاسس انى غريب وسطكم عشان كدا صعب عليا يا اميرة
اميره : كلهم بيحبوك  مين قالك ان كريم وياسمين اللى بدأو ادهم اللى بدأ يختلط بيهم ، ادهم اللى اقتحم حياتنا كلنا  بيكلم كريم تعال نخرج و قرب من حمزه ونور يعزمنا على الغدا لكن انت اللى بعيد حاول انت تقرب لو مالقتش منهم رد
 خد الموقف اللي يعجبك وانا معاك بس ساعدنى ساعدنى اني اخليك تقرب من اهلي مش هعرف لوحدى
مروان : حاضر  حاضر
اميره : هتيجى
مروان : هاجى
اميره :  طب قوم بقى هاتلي شنطة كبيرة من فوق
المستشفى 4م
غرفه ياسمين
تجلس اميرة ومعها فريدة وخالد ونور  وحمزة وادهم وعماد كانت ياسمين تتمدد على السرير ومعها البيبى  
اميره : هموت وأعرف جايبه عينيه ملونة لمين
عماده : بابا الله يرحمه عينيه كانت خضره
اميرة : يا بختك
نور : انتى ممكن تجيبى عينين حلوين برضه عشان مروان حلو وانتي زى القمر كفاية وسع عينيك
اميرة : ماشى بس  مش ملونين  انا هتوحم على عمر
فريده : انتى مش ناويا تحملي بقى
اميرة : هو فى ايه يا جماعه انا عدم حملى عملكم مشكله
عماد : مش عايزه تخلفى  من الدكتور
اميرة : بالعكس بأتمنى بس الأيام دى مضغوطة برسالة الدكتوراة.. لما اخلصها هشوف
عماد : شوفى لان الاحساس يستاهل 
ياسمين : بصراحه طلع  يستاهل اوى يا اميره نظرة بعين عمر شعور مالهوش وصف
اميره : عارفه والله انه شعور جميل ويستاهل كل  الوجع وكل اه بتتقال لكن انا دلوقت مقدرش اجيب عيال واعيشهم معايا كل كل ...   تصمت قليلا  اقصد تركيزى كله بالدراسه دلوقتى انا عايزه افتح عيادة باسمى انا لسه صغيرة ومروان موافق اننا نأجل سنة او اتنين لو سمحتم محدش يفتح معايا الموضوع ده تانى انا هخرج اشم هوا... الاوضة مكتومة
اثناء حديث اميرة كان ينظر لها الجميع نظرات استغراب علامات استفهام لكن فريدة كانت تركز معها بشكل كبير فهى تأكدت ان اميرة مخبيه حاجة  كبيرة
كان ينظر ادهم لها بألم بعد خروج اميرة  يخرج ادهم خلفها  كانت اميرة تقف امام السور المطل على حديقه المستشفى  ينظر لها ادهم نظرات عاشق مشتاق يريد ان يساعد حبيبته لكن لا يقدر يقترب منها دون ان تاخذ بالها  يقرب يده لكى يضعها عليها لكنه متردد ثم ينزل ايده بجانبه ويتحدث
ادهم : العياط بأوقات كتير بيريح.. بيخرج كل الاوجاع  اللى جوانا  الاوجاع اللى بنعشها بيبقى هو اللغه اللى بنعبر بيها عن مخوفنا وأحزانا , اللغه الوحيده اللى بنقدر نعبر من خلالها , عن كل حاجة مش عارفين نقولها ونحكيها وعمالين نداريها بضحكة كدابة عشان منتسئلش مالنا... لاننا لو اتكلمنا هنقعد سنين نحكى عن اللى تعبنا مش انتي بس اللى بتكدبى ولا عايشه معاناه انك تبينى انك زى الفل وانتى من جواكى متفتفته انا كمان بكدب على نفسي,  بس انا عايزك تبكى عشان تخرجى المر والسواد اللى عايشاه
اميره : دموعى نشفت ياادهم   بكيت كتير اوى  , أحيانا  بيكون فى أوجاع كفيلة تقتلك , الوجع اللى توجعته قتل الاحساس جوايا , بقى أي شى ممكن يحصل عادى احساس الزعل ده نسيته , مابقاش عندى اللي ازعل او يتزعل عليه , 
أصل اقرب ماليك في الدنيا حته منك هو اللى يسبب وجعك والمك يبقى خلاص مابقاش فى حاجة ينفع يتزعل عليها تانى  , الموقف الاخير ده مش مزعلنى بس زهقت
نفسى  عايشة زعلانه بس مرتاحة
ادهم : باستغراب  نفسك تعيشى .زعلانة بس مرتاحه
اميره : اممم زعلانه بس مرتاحة اصل الزعل مع الصداع حرام
ادهم : ما يمكن الطفل ده هيريحك يبقى هو اللازقه اللى تلم جرحك وتغير كل شيء
اميرة : انت شايف كدا شايفها بسيطه كدا
ادهم : اه  بسيطه خصوصا ان جنبك ناس كتير بتحبك وفي ظهرك 
اميره : مش عارفه
تقترب نور منهم
نور : بتنمو على مين
اميرة : عليكى ههههههه بيحكيلي لما دخلتى السينما ونمتى ههههه
نور : اه  اميره مكنتش منيماني طول الليل  نمت بنص الفيلم وشخرت  والكلبين  صورونى
ادهم :  اشمعنا انتى مسكه علينا صور
اميره : جالك اللى يمسك عليكي زلل يانور
يرن هاتف ادهم  دى حنين لازم أرد
نور :سلملي عليها
ادهم :  حاضر
بعد رحيل ادهم
نور : بقيتى تقابلي أدهم كتير بينكم ايه
اميره : دى أول مرة
نور : هند شافتك معه من يومين   معه بنادى ، مش عايزة يا ميرو اعرف سركم بس خدي بالك عشان مروان ما بيتفاهمش بالموضوع ده
 اميره :  تعالى ننزل الكافيتريا نشرب حاجة
اثناء سيرهم يلتقون بمروان
اميرة : تقترب منه بابتسامة وحب  تمسك يده  ..مرمورى تقبله من خده  اتأخرت
مروان : لسه مخلص المحاضرة النهارده انتى أحسن
اميره : مش عايز اقولك انى استندلت مع ماما ونمت  
مروان : هههه المهم انك بقيت كويسه 
اميرة : احسن كتير 
مروان : رايحين فين
اميرة : هنشرب حاجه تعال معانا
مروان : هكلم منير وجاي
اميرة : اوك  متتأخرش.. يلا يا لمبتي
يقف مروان ويقوم بالمحادثة بالهاتف... يقترب منه حمزة ومعه أدهم
حمزه : واقف لوحدك ليه
مروان : لا انا كنت بعمل مكالمه عامل ايه ازيك ياأدهم
أدهم : الحمد الله  طب انا همشى يا حمزه عشان متأخرش على حنين متنساش زى متفقنا
حمزه : قشطه
يقترب أدهم من مروان  سلام يا دكتور يقترب من اذنه ياريت تاخد بالك من اميرة  وتبتر الوجع اللي جواها من جذوره  انت الوحيد اللى هتقدر
ينظر مروان لأدهم باستغراب ويتركه ادهم ويرحل
حمزة : كان بيقولك ايه
مروان : لا  بيسلم عليا تعال نروح لأميره ونور
حمزه : استنى لحظة كنت عايز اسالك على حاجه
مروان : امم
حمزة : هو لسه فى مشاكل بينكم
مروان : لا بتسأل ليه
حمزه : انا واميرة ونور عشرة من 28 سنه  قعدنا مع بعض اكتر من اهلنا احلامنا طموحاتنا مستقبلنا رسمناهم سوا
 بنفهم بعض من نظرة.. أميرة بقالها فتره كبيرة مش اميرة أاكيد انت واخد بالك انا قولت قبل الطلاق كان فيه مشاكل انكل معاك ورفضك للوضع هو السبب لكن لما رجعتوا هى لسه برضه تعبانه فى كسرة جوه عينيها وجعاني وهى رافضة تحكي لأول مرة...  انت تعرف حاجة
مروان : اطمن ياحمزة انا حلتها
حمزه : هى ايه
مروان : مش هقدر اقولك لكن اللى اقدر اقوله انه قريب هتشوف ضحكة اميرة اللى من القلب
حمزه : افهم من كدا انك عرفت السبب وحليته
مروان : بالظبط
حمزه : طب كويس بأتمنالكم السعادة
مروان : ممكن  يا حمزة الكلام ده يفضل بينا
حمزه : حصل ياباشا حتى نور مش هتعرف  يلا نروحلهم
♥️______ ليلة عادل ______ ♥️
يصلان نور واميره  الى الكافيتريا 
نور  تعالي نقعد هنا
 اميره : ماشى
تجلسان على احد المقاعد
نور : ها
اميرة : نسكافيه
نور : نسكافيه ايه  عايزه اسمعك
اميرة : تسمعى ايه 
نور :حتى انا عايزه تخبى عليا ، من امتى ....ده انتى كنتى بتحكيلى احلامك اللى بتحلميها لمروان
اميره : هو فى ايه بجد زهقت انا كويسه حد قالك انى مضايقه
نور :عنيكي
اميرة : عنيا نور  طب والله انا كويسه جدا مافيش اى حاجه يمكن من فتره كنت مضايقه  بس دلوقتى لا خالص , بالعكس انا عرفت  أدخل  لسان  كل واحد جوه بوقه  , دوست عالكل ومستعدة ادوس اكتر واكتر ... كل الموضوع ان دماغى مشغوله بالرسالة عايزه اعرف مين اللى مسحها
نور : و حوار الخلفه ده ايه
اميره : عايزه استمتع  مع جوزى مافيش حاجه تشغلني عنه
نور :  ماشى انا موجودة وقت ماتحبى تتكلمى مع انك ماتستهليش اني أوريكي حاجة حلوة  بس هوريكى عشان انا لمبه اللى بنورلك حياتك
اميره : لمبتى اللى بعشقها  تقبلها من خدها 
تخرج نور من حقيبة ايدها نوت بوك 
نور امسكي
اميره : ايه  دي
نور : افتحيها
تبتسم اميرة و تقوم بفتحها   تنظر بذهول وابتسامة واسعة 
اميرة : ازاى انا حرقتهم كلهم
نور : كنت عند ماما ونظبط الاوضة اللى بنشيل فيها الحاجات القديمة ولقتها فى صندوق معرفش جت ازاى اكيد نسيتيها فى مرة قولت لازم اجبالهك انا فتحتها حلوة اوي  كنا لسه برابعه... مروان لو شفها هيضرب نفسه ميت شبشب عشان كان تقيل عليكي
اميره : بسعاده تغمر وجهها وقلبها  ..الله يا نور كنت مفتقدة الحاجات دي  اوي مفتقده السنين دي , أجمل سنين عمرى , مع انها كانت بعيدة عن مروان بس كنت مرتاحه  ,  تنظر لها نور بابتسامة ثم تقبلها من راسها  وتتركها .. تفتح اميرة المذكرات وتقرأ كل شيء مدون بيها  فكانت بها  أمنياتها واحلامها التى تريد ان تعيشها مع مروان  ..عن حبها المستحيل مع مروان , كم كانت تعشقه , كم عانت لأجل ان تقترب منه من اجل ان يراها أن يعرف فقط اسمها  ,  تتذكر اميرة كل شيء من وقت ما رأت مروان  من سنة اولى ثانوى عندما شاهدته فى احد البرامج ومن يومها وهي تعشقه حد الجنون وتعاهدت ان يكون لها تذكرت كل شيء كم عانت حتى اصبح لها ,اصبح يعشقها , اصبح زوجها , تذكرت ايضا كم هو عانى وتحمل قلة احترام والدها وطريقته القاسية معه التي ليس لها اى مبرر كم تحمل  الجفاء  وهو ليس المذنب فوالدها هوالسبب ...هو الذى يستحق هذه المعاملة
 هذا الجفاء.. هذه الطريقه السيئة...  أرجعت اميرة شعرها المنسدل للخلف  وأغلقت المذكرات ووضعتها جانبها و فتحت هاتفها فتحت صورها مع مروان وصور مروان بمفرده  وتتوقف على احدى  الصور وقربتها من وجهها تنظر له بكل حب وعشق وبصوت داخلي انا بحبك أوى بحبك حب غريب حب محدش حبه لحد قبل كدا حب محدش عرفه.. انا مستعدة أضحى بنفسي عشانك تضع ايدها على قلبها ده بيدق عشانك... عشانك انت وبس  انا نفسى اترمى بحضنك وأحكيلك كل حاجة انا مش خايفة منك انا واثقه فيك عارفه انك عمرك ماهتذلني ولا هتعيرني وتيجى تقولي ابوكي باعك.... عارفة انك هتبقى ظهر وسند ليا بس مش قادرة
 نفسي أفضل حاسة ان عندي أب أفتخر بيه قصادك 
اقدر ألجأ ليه يوم ماتزعلنى  بأضحك على نفسى...
 انا بزعل من نفسى أوى لما بكلمك وحش وأتعصب عليك وأزعقلك وانت بتتحمل عشان بتحبنى انا أوقات كتير بأحس انى مستهلكش بأحس انك تستاهل وحدة تانية أحسن مني بس انا انانية وعايزاك ليا رغم عيوبى بس انا هبطل ازعلك هكتم غضبى جوايا لكن مش هطلعه فيك تاني لانك متستهلش الا انك تتحب انا اسفة والله بيبقى غصب عنى اتعصب عليك.... بس انا والله العظيم بحبك اوى مهما لفيت مش هتلاقى وحدة تحبك قدي يا أحلى قدر في عمري
يقترب مروان منها يضع ايده على كتفها 
مروان : حبيبي قاعدة لوحدك ليه
اميره : تبتسم له .. كنت بعاكسك  تشاهده هاتفها
مروان  : طب  متنادي علية وعاكسينى انا شخصيا
اميره : اصلك حلو اوي
مروان : يمسك النوت بوك و يجلس  بجانبها  انا حلو
اميرة : انت هتهزر انت راجل مز اوي  يا مارو  ,تتصنف من الرجالة المزز اللي يدخل مكان كدا البنات تقول يالهوى  ايه الراجل ده ايه الحلويات دي يخربيت جمال مامتك
مروان : مامتك برضو
اميرة : مشيها مامتك عشان عيب
مروان : هههههههههههه انتي كمان حلوة اوي
اميره : ماشى بس انا بنت لازم ابقى حلوة  وإلا أعنس , لكن راجل زيك قمر اوى كدا  تقبله من خده والنبى انا يا بختى متجوزة واحد يفتح النفس
مروان : بمزح ليه مخلل انا
اميرة : بمزح او فاتح للشهيه  ههههههههههه انت بقيت لمض زيي
مروان : ههه لازم ده انتي فيروس
اميره : ههه طب امشى بقى عشان انا هموت واحضنك دلوقتي
مروان : طب متحضنينى
اميره : احضنك يعنى  واحنا فى ميدان تصمت قليلا  والنبي لأحضنك هههههه
يلف مروان ذراعيه حوالين اميرة ويقربها منه  يقبلها من رأسها  ثم ينظر الى المذكرات  ايه ده
اميره : مش انت كان نفسك تقرأ مذكراتي
مروان : اممم بس المتهورة حرقتها
اميره : نور لقت المذكرة دي كنت بسنه رابعه  هى مش كاملة بس فيها حاجات تجنن فرحانة اوي  اني قراتها فكرتنى بايام ماكان اكبر مشكلتى  فى الحياه , انى  ألحق اقعد على اول بنج فى محضراتك , انت عارف محاضراتك بيبقى المدرج مقفول وبنقعد على الارض
مروان : ممكن افتحها
اميره : بحماس وسعادة  أممم اكيد يلا
يفتح مروان المذكرات ويقوم بقراءتها مع أميرة وكان يبدو على ملامحهم السعاده والفرحة وأثناء قراءتهم كانت اميرة تتحدث معه كانها تحكي له  تفاصيل كل سطر ويضحكان بصوت عالي و يخبطان كف على كف ويضم مروان راسها الى صدره 
أميرة خرجت كل ما بداخلها لكن هل ستتغير اميرة في معاملتها مع مروان ام ستستمر سنعرف
شقه د / خالد
يجلس كريم وخالد واميرة  فى الراسبشن  يشاهدون التلفزيون  تخرج فريده من غرفة السفرة
فريده  يلا تعالو كلو
اميرة : انا هستنى مروان
فريدة : هيبجى امتى
اميره : معرفش
كريم : ما تتصلي بايه
اميره : حاضر
تقوم اميرة بالاتصال بمروان
اميرة : ايه يا روحي انت فين  بجد يلا بسرعة ..هتطلع خلاص  ماشي  تقف.. طالع فى الاسنسير هروح افتح
تذهب اميرة عند الباب وعندما يقوم مروان بدق جرس الباب تفتح
اميرة : بخ
مروان : يقبلها من خدها عاملة ايه
اميره : تعال بقى عشان الواد كريم هياكل البطة كلها
يشدها مروان عليه بصوت منخفض جدا
مروان :  ايه اللى انتي لبساه ده
اميرة : تنظر لنفسها ماله ده
مروان : مالوش نص صدرك بس باين
اميره : متأفورش
مروان : روحي البسي حاجة تانية
اميرة : بطل بقى
مروان : وبشده وحسم قولت يلا
خالد : ياريت تاجلو المناقشة لوقت تاني وتتفضلوا على السفرة
مروان : اه حاضر 
كريم. رايحة فين انتي كمان
اميرة : بردانة هلبس حاجة ينظر خالد لهم بنصف ابتسامة
على السفره
يجلس الجميع على السفره كان مروان يجلس بجوار اميرة
خالد : دخلتوا لياسمين تاكل
فريده : من بدرى وأكلت ورضعت عمر ونامت
اميرة : ده انا اللى هموت وأنام
كريم : اشمعنا
اميرة   ففه اخدت بتارها مني امبارح وفضلت صاحية طول الليل وأختك جننتنى تعالي اعدلى المخده لا كدا لا رجعيها تاني عمر بيعيط اشيله  حيلي اتهد ينهار اسود ده مرار انا هدخل اخد السرير بالحضن
خالد :بكره لما ربنا يكرمك ابقى خدى تارك منهم
كريم :  يانهار اسوح متخيلك وانتى بتشغلينا كلنا  من رأيي اشحن من دلوقت يا دكتور ممكن تصحيك 3 الفجر تقولك اعدلي المخدة
مروان : انا موافق
كريم : بلاش الشهامة تكلك معها انت متعرفهاش..
 فاكره لما صابعك اتكسر قمت تصحينى الفجر تقوليلى الملبسه وقعت منى هتهالي
اميرة : ايوه مكنتش قادرة اوطي عشان مكسور
مروان : صابعك اتكسر قبل كدا
اميرة : اه وقعت من العجلة 
فريده : ياريت تاكلوا... بعدين نتكلم براحتنا... ايه رأيك يا مروان في الأكل
مروان : تسلم ايدك  الاكل جميل
فريده : يا ايه اميرة قاعده  انا مش مسؤولة
مروان : بابتسامه  تسلم ايدك يا ماما فريدة الاكل جميل
اميرة : ماما فريده من امتى
فريدة : كلي وبطلى لماضه
أميرة : حاضر
♥️______ ليلة عادل ______ ♥️
غرفة نوم اميرة
تدخل أميرة غرفتها ومعها مروان ثم تحدف اميرة نفسها على السرير 
اميره : هموت وأنام وطبعا مش هينفع اسيبك وانام عشان هتزعل صح
مروان : يجلس  بجانبها .. نامي يا قلبي وانا هقعد أتسلى بالفون
اميرة : لا هقعد شويه معاك
مروان : بصي انا بعد كدا هاجي متأخر  10 كدا ماشي
اميرة : تعدل نفسها وتجلس بجانبه وبضيق .تانى يا مروان
 برضه مافيش فايدة  ما كريم وماما وياسمين كانوا عمالين يهزرو معاك بره والدنيا كانت لذيذه ده حتى ماما خلتك تقولها ماما فى ايه
مروان : متتعصبيش طيب
اميرة : اصلي حساك اوفر  محصلش حاجة بعدين خلاص براحتك اعمل اللى يريحك 
مروان : طب خلاص اهدى طيب
اميره : تعصبنى وفى الاخر تقولى اهدي ... تقلع التيشيرت اللي لبسته فوق جاكيت  البيجاما ثم تقوم وتقف أمام المرايا  ايه بقى مشكلتك ما البيجاما طويله وكت أهو مش شورت ولا كب ولا بطني باينة
مروان : بشدة  تانى منا قولتلك السبب نص صدرك باين 
اميره : انت اوفر بجد أوي
مروان : انا راجل منغلق التفكير ورجعى وامتلاكى  ودقه قديمة
اميرة : تجلس على قدمه لا يا حبيبى انت عديت  المراحل دي انت اتجننت  تقبله من خده بس بحبك برضه... يلا تصبح على خير
مروان : انتي طبعا اجازة الفترة الجاية
اميره : امممممممم
 يرجع مروان باميره وهى مازلت تجلس على قدمه  وينام على ظهره بها  تتحدث اميرة وهي تضع ايدها على خده
اميره : انت بجد متضايق
مروان : تؤ
اميره : مش عايزاك تعمل حاجة غصب عنك  بس انا نفسي تبقى جنبى نبقى مع بعض زى ماتخيلت زمان اصلي قررت أحقق كل حاجة كتبتها بالمذكرات... الحياه اللى رسمتها معاك ده من ضمنهم اننا نيجي هنا ونبات و نسهر سوا مع اخواتى وبابا وماما نور وحمزة ونلعب سوا و نضحك نبقى كلنا اسرة واحدة. كيان واحد مش عايزاك ابدا تحس انك غريب  انت مننا يا مروان صدقنى  انت جزء من العائلة
مروان : انا كمان بأتمنى ده بأتمنى يبقى عندي عيلة كبيرة انتى عارفة انى مفتقد الاحساس ده نفسي اخواتك يبقى اخواتي اللى للأسف اتحرمت منهم  باباكى ومامتك يبقى زى بابا وماما أحس إني ابنهم 
اميره : بس اعتقد ماما محسساك بده
مروان : بصراحة اه
اميره : أوعدك قريب هتحس نفس الاحساس مع كريم وياسمين.. لكن دكتور خالد  ادعيله وانت بتصلي
مروان : هههههههه بأدعي
يعدل مروان نفسه وتنام اميرة على ظهرها  وينظر لأميرة بحب مع ملامسة خدها  بايده
مروان : أميرة انا نفسي نخلف
اميره :  تبتلع ريقها  ايه
مروان : عايز نخلف , عايز يبقى ليا ابن منك لما شفت عمر غيرت
اميره : غيرت
مروان :  كان نفسى يبقى ابني انا , انا عايز ده من اول يوم جوازنا  بس المشاكل اللي حصلت  خلتنى متفاهم اوى  انك مش عايزه تخلفى دلوقت بس احنا دلوقت كويسين ليه منخلفش ,  الحمد الله مافيش مشاكل يبقى نأجل ليه ها  , انتي ما بترديش ليه
اميره : أصلك فاجئتنى
مروان : طب ايه رايك
اميره : ماشى بس خليها شويه كدا
مروان : ليه
اميره : بعد المناقشة عشان مايكونش حاجة في دماغى ضغطانى ممكن
مروان : بتاخدى منع حمل
اميرة : لا والله ياقلبي لو باخد هقولك او هتشوفني.
 ده من عند ربنا
مروان : خلاص مجرد ماتناقشي نروح للدكتور
اميره : شكلك مستعجل اوي 
مروان : اوى نفسك اشوف ابن او بنت منك يعنى انتي منفسكيش تشوفي زياد , 
اميرة : تقبل ايده والله نفسي  جدا
مروان : انا مش عايز اضغط عليكي , انا عايزك تكونى موافقة مش عايزك تعملي حاجة غصب عنك 
اميرة : مروان متقولش كدا , انا عايزة اخلف منك اوى ده انا مختاره اسمهم وجنسهم كمان  معرفش هتعملها ازاى.. بس هو كدا ههههههه ..هو بس انت عارف الحاجات اللى حصلتلي كانت ضاغطه عليا اوي
مروان : مافيش حاجة هتضغط عليكى تانى بوعدك بده , الفترة الجايه هتفرحى وبس 
اميرة : تتنهد ياريت ياحبيبي
مروان : انا وعدتك خليكي واثقة فيا
اميره : انا أصلا ما بثقش الا فيك  تقبله من شفايفه قبلة خاطفه ثم تاخذ راسه وتضمه على صدرها 
♥️______ ليلة عادل ______ ♥️
 مركز د / مروان 10ص
مكتب منير
يجلس على الكنبه مروان ويمسك بايده فنجان قهوه ومنير جالس على كرسى بجانبه
منير : يعنى هترجعوا امتى عشان جنه عمالة  تزن
مروان :معرفش وقت ما اميرة تقول يلا
منير : وانت ملكش رأى لا أنا عايزك تدبحلها القطة
مروان : مين دى  أميرة هتهزر  دي عليها رفعت حاجب وبصة والمصحف لما بتبصها بترعب منها هههههه 
منير : جه اليوم اللى وحدة تعمل كدا فيك , عشان كنت بتتريق عليا لما بقولك انا بخاف من لبنى , يابنى بيخوفو والله جبابرة كدة عليهم لوية بوز تخض ولو فتحت بوقك هتلاقى النكد نازل عليك ايه نار... ممكن تجبلك حاجات عملتها من عشر سنين 
مروان  : ههههههههههه بالظبط  عموما انا مش هطول اكيد بعد السبوع هنمشى تبقى تروح تقعد معاهم اليوم كله ونروح
منير : انت مش مرتاح هناك
مروان : يعنى  مش اوى كل مادا الموضوع بيهدى بصراحة  اهلها ناس كويسن اوى اول مرة نقرب كدا حتى خالد ده بيتعامل مع فريدة ومع اولاده كويس مش زي ما بيعمل
منير : ما يمكن بيمثل
مروان : ودى تروح مني لا هو كدا بس لما بيشوفنى كانه شاف عفريت
منير : المهم اخواتها وامها
مروان : لا بيتعاملو معايا حلو جدا جدا  بس الواحد مابيرتحش الا في بيته
منير : عندك حق  قولي صحيح  ايه الخبر ده انت رجعت شرين على المركز تاني
مروان : اه
منير : ليه
مروان : طلعت مش هي
منير : محنا عارفين انها مش هي كانت تلكيكه منك عشان تمشي 
مروان : شرين شاطرة
منير: اول مره تخبي عليا حاجة يا صحبى بقلنا 37 سنة اصحاب اول مرة تخبي عليا حاجة
مروان : عشان متخصنيش انا لوحدي...أنا واثق فيك يامنير بثق فيك اكتر من نفسي لكن متخصنيش
منير : نورني طيب انا هعرف اتعامل مع شرين سبهالي انت مالكش بالعك
مروان : اتعلمته وتعلمت حاجات كتير متخيلتش انى اتعلمها ,عارف يا منير   انك تحب حد كده يعنى  هتموت الف مره باليوم , تموت من بعده عنك ....من خوفك عليه... غيرتك عليه , تموت عشان تحافظ عليه وتشوفه سعيد , ممكن تتخلى عن حاجات كتير عن مبادئك فى ظل انه يعيش سعيد حتى لو على حسابك
منير : طب خد بالك , شرين مش سالكه خالص ركز معها كويس اوعى تديها الامان مهما غنتلك وحلفلتك دي كدابه
مروان : عارف انا مش عارف ايه شوية الشمال اللى وقعت فيهم دول
منير: عشان طيب وسالك بس ريهام كانت كويس
مروان : ريهام
منير: ايه عم نستها كانت محترمة  ايه  يا مروان ريهام اشرف اللى كانت معايا بالتجارة وانت كنت بتيجى تقعد معايا عشانها
مروان : خلاص يا حبيبى افتكرت بس متجبش سيرتها قدام اميرة
منير : هى متعرفش
مروان : ماتعرفش تفاصيل ,  انا نفسي مش فاكر التفاصيل ولا عايز افتكر.... انا مش حابب اللي فات من عمرى انا عمرى ابتده لما عرفت اميره , انا محبتش الا اميرة هى الست الوحيدة اللى دخلت قلبي وحياتى  , هى  اول حكاية واخر حكاية
منير :  اميرة دى تدرس 
مروان: ليه
منير : برغم سنها الصغير وتجاربها وخبراتها المحدودة بالحياة وبالرغم من اختلافكم الكبير قدرت تخليك تعشقها  قدرت تغيرك  بشكل كبير وملحوظ , يعنى اللى يشوفك من 5سنين , مستحيل يقول انك انت اللى قاعد قصادي 
ده حتى شكلك صغر عن الأول 
مروان : عشانها  الوحيدة اللى دخلت حياتى وهى بتحبني لشخصي يا منير مكنتش عايزة حاجة لا بتفكر بالفلوس ولا انها تمتلك ورشة فساتين وعربيات وشهرة.... حبت مروان  كانت صبورة اوي مستحيل تلاقي حد يحبك كدا
 وما تغيرتش عشان تحافظ عليه لو كنت فضلت بنفس طريقتي وطريقة تفكيرى زمان مكناش هنعمر اسبوع مع بعض مكنتش هتحمل عندها ولا شقاوتها  ولا اسلوبها أو ردودها انت عارف اللى كان بس يقولي كلمة ولا صوته يعلى عليا كنت بعمل ايه
منير : منا عشان كدا بقولك تدرس  المهم خد بالك من نفسك ومنها  حاسب من شرين
مروان : متقلقش عليا
♥️______ ليلة عادل ______ ♥️
مديرية أمن القاهره 3 م
مكتب ادهم عمران
يجلس ادهم وهو يرتدى بدلة بسيطة على مكتبه الانيق يبدو عليه التفكير العميق  يطرق الباب  
ادهم : اتفضل
يدخل الظابط اسلام
اسلام : عامل ايه
ادهم : تمام  اقعد تشرب ايه
اسلام : لا انا  مش هطول 
ادهم : هى الصور اللى كانت اميرة بتدور عليها كانت عن ايه
اسلام : بص هى الدخلة عجبتنى بس هى مكنتش بتدور على صور
ادهم : امال
اسلام : تسجيل 
ادهم : تسجيل ايه
اسلام : معرفش  بس واضح انه تسجيل مهم  اوى 
ادهم : متعرفش تجيبه
اسلام : خلتنى امسحه خالص كإنه مش موجود 
ادهم : مالهاش حل 
اسلام :   حرقته  ياادهم  عشان لو أى حد فكر يرجعه  ميعرفش  لو كنت عايز نسخه كنت قولي  
ادهم :  قولي كنتم راكبين تليفون مين
اسلام : دكتورة معها بالجامعة
ادهم : اسمها ايه
اسلام: شرين قدرى
ادهم : شرين قدرى  مافيش اى معلومات تانيه
اسلام : لا بس ممكن اديك حسابها ورقمها
ادهم ماشي ابعتهملي واتس اب شكرا يا اسلام
اسلام : اى خدمة يا باشا  احنا بالخدمه  عن اذنك
يخرج اسلام  يقوم أدهم بمسك  هاتفه يقوم بالاتصال
ادهم : اشرف باشا عامل ايه  الحمد الله ياباشا  كنت عايزك بخدمة  فى وحدة اسمها شرين قدرى هى دكتور بجامعة القاهره  بتعت علم نفس تقريبا  عايزك تجبلى كل حاجه عنها من يوم ماتولدت لحد مقفل معاك  لا معرفش اي معلومات
  اشرف ياريت بكره الملف يبقى على مكتبي ضروري  عايز وانا بشرب قهوتي أبقى بقرأ معها ملفها  تمام  سلام يغلق
 هاتفه ويضعه على مكتبه  امام نشوف مين انتى يا شرى وايه حكياتك
❤️_______ليلةعادل______ ❤️
شقه  د / خالد 
الراسبشن 10 م
يجلس مروان على كرسى يمسك هاتفه بعد قليل تدخل عليه  اميرة وهى تحمل عمر
اميرة : مارو تعال شوف سرقت ايه
تقترب منه وتجلس بجانبه
مروان : هو صاحي
اميره : ايوه مكنتش سامع عياطه  وياسمين فى غيبوبة  كنت بحضرله الرضعه بتعته قولت اسرقه ونلعب بيه شويه  ايه رأيك تشيله
مروان : اممم يحمله  بايده   يمسك بايده الببرونه  يقوم بارضاعه
اميره : ايه ده انت طلعت بتعرف تشيل بيبى وترضعه كمان , كنت مخلف من ورايا ولا ايه
مروان : لما منير خلف جنه اتدربت عليها عشان لما اخلف اعرف اساعد مراتي 
اميره : انت كنت متجوز وقتها صح
مروان : اه 
اميره : ده انا كدا هادلع اوي عليك واستغلك
مروان : استغلي براحتك  انا موافق والله
اميره : تخيل كدا لو عمورى ده ابننا  تخيل كدا شعور حلو اوي
مروان : اوى ها غيرتي رايك يا مامي اميرة
اميرة : لو هتجبلى عيل نفس التقفيل بتاعك القمر ده..طبعا موافقه
مروان : يقبلهامن خدها هههههههههههه
اميره : هات بقى ارجعه لياسمين
مروان : متخليه شويه معايا يضع مروان الببرونه على الترابيزه وياخذه بحضنه ويقبله ويطبطب عليه
اميره : ماشي خليه
شقه حنين وادهم 10م
الراسبشن
كان يجلس ادهم امام الشاشه يقوم بلعب بلاستشن  بعد قليل تدخل حنين عليه
ادهم : ينظر لها ايه حبيبى لسه تعبانة
حنين :  تؤ
ادهم : طب متخلينا نروح للدكتور نطمن
حنين :  شوية صداع 
يضع ادهم دراع البلاستيشن على الترابيزه  ويقترب منها يمسك ايدها وبحنان
ادهم : حبيبى انتي تعبانة مش أول مرة تتعبي كدا بقالك فترة  انا مابحبش المحايلة.. بكره هنروح للدكتور
حنين : خلاص هاخد ايمي ونروح
ادهم : ماشى لو ماروحتيش  هزعل
حنين : هروح  تعال نلعب سوا ببجي
ادهم : تعالي
شقه د/  خالد   11 م
غرفه اميرة
تنام اميره على صدر مروان ويقوم مروان بتمرير ايده على شعرها
اميرة : انا مبسوطة اوى  لما ببقى هنا معاك بالاوضه بحس احاسيس حلوة انى حققت كل حلم  حلمته و الاوضه دى ياما شافت أحلام وخيالات لحد اهي مابقت حقيقه وانا اهو جوه حضنك اخيرا ....حقيقة مش خيال تنظر له بحب وعشق يتبادلان نظرات الحب 
اميرة :باشتياق ..  ما تيجى نروح الفيلا ساعة كدا ونرجع
مروان : ليه
اميره : بمزح ودلع  هوريك ساعتي وهى بتنور بالضلمه
مروان : ينظر مروان لها باستغراب. فعلا
اميره : اممم ولا مش عايز تشوفها
مروان : ده انا هموت وأشوفها من يومين
اميره : طب يلا
فيلا مروان واميرة 12 ص
يدخل مروان واميرة الفيلا وهما يقبلان بعضهما بحرارة شديدة ولهفة فهما لا يستطيعان الانتظار فاشتياقهم لبعضهما فاق الحدود ....بمجرد دخولهم الفيلا نسوا كل شيء حولهم  فقام مروان بلف يديه حول خصر اميرة وقبلها بشوق وعشق واقتربا من الحائط وهمايتبادلان القبلات الساخنه بعشق ولهفة  ثم قامت اميرة بمساعدة مروان بخلع تيشرته ثم  حمل مروان  اميرة على وسطه ، مع الاستمرار بتقبيل بعضهما و كأنهما  غائبان عن بعضهما منذ عدة أشهر وليس أيام  فكان يريد كل واحد منهما ان يعبر عن اشتياقه وحبه للاخر باقصى درجه ممكنه لم يستطيعا الانتظار اكثر لشوقهم لبعض فسار مروان باميره وهو يحملها  ووضعها على كنبه  الهول وسحبها معه الى عالمهما الخاص حيث السعاده التى  ينسيا فيها كل ما حولهما يعيشان  اجمل الاحاسيس واجمل اللحظات  وأصدقها  بكل حب وشغف وعشق شديد فهي ليست مجرد شهوه بل حب واشتياق لبعضهما.ليكونا كجسد واحد احساس واحد  دقه قلب واحده
 بعد مرور وقت 
نرى ملابس اميرة و مروان على الارض ثم يظهر مروان واميره وهما نائمان على الكنبه  
اميره تنام على جنبها ومروان خلفها يضمها من الخلف وراسه على راسها  يبتسمان
اميره : ايه اللى احنا عملناه ده هههههههه الحمد لله الخدامين اجازة وإلا كنا اتفضحنا
مروان : ههههههه هي كانت هتبقى فضيحة بعقل
اميره : طب يلا قوم  نروح
مروان : يلا
اميره : قوم انت شدنى واكسب فيا ثواب ولبسني
مروان : مدام مش قد الحاجة بتعمليها ليه يزغزغها من بطنها
اميره : ههههههههههههههههههههه  لازم اخوض معاك كل التجارب 
مروان : طب  يلا قومى  يقوم ويشدها من ايدها
شقه د/  خالد 3 ص
يدخل مروان واميرة الشقه وهما يضحكان بسبب ما قاما بفعله 
مروان : بس هيصحوا
اميره : ههههههههههه انا عجبنى اوى اللى بنعمله ده عاملين زى الحراميه ههههه
يضع مروان ايده على بوقها  بس اسكتي هنتفضح
اميره : خلاص  سكت  تضحك ههههههههههههههههه
يدخلان الغرفة
غرفة اميرة
يدخلان الغرفه وهما يضحكان بشكل هستيري  وخصوصا اميرة
مروان : انتى بتضحكى ليه
اميره : انت بتضحك ليه
مروان : على ضحكك بس والله هيصحوا وهنتفضح
اميره : عادي هقولهم كنت بورى مروان ساعتي  وهى بتنور ههه  ... لا والدك طلع شقي اوى واكتشفت فيه حاجات تانيه هههههههههههه كان مدكنها 
مروان : ههههه يضع ايده على بوقها يقرب منها شششش بس اسكتى اسكتى يا مجنونه بس
امييره : بتسكتنى ليه ههههههههههههه متقوليش اسكتى عشان هعاندك  ولو اتكلمت هفضل اتكلم  مش هسكت للصبح
مروان :  هششششش بس يضع يده على بوقها  بس
اميره : خلاص هسكت مش هضحك  تصمت قليلا ثم تضحك تانى هههههههههههههههههههه
مروان : مجنونه  يقربها منه بشده يقبلها من خدها بموت فيكى
اميره : وانا كمان بعشقك وبموت فى هواك  بتبص كدا ليه انسى مش هعمل حاجه هنا
مروان : ليه
اميره : هتتحقق الامنيه وهنتفضح والمصحف ، يلا نروح تانى ههههههه
مروان : لا مش هنروح انت مانفسكيش تحققى حلم من احلامك اللى حلمتيهم بالاوضه دى ويبقى بجد
اميره : اوى
مروان : طب انا هحققهولك
اميره : اخاف حد يسمعنا
مروان : محدش هيسمعنا 
اميره : مروان متهزرش
مروان : يضع يده على شفيفها هشششششششش يقبلها من شفايفها
اميره : تنظر له انت مشكله على فكرة
مروان : بس مشكلة حلوة
اميره : اوى 
تقبله اميره  من شفايفه بعشق ..... وووو
♥️____ليلة عادل ____♥️
مركز مروان 1م
مكتب اميرة 
تجلس اميرة على مكتبها وتقوم بالكتابة يطرق الباب
اميرة : اتفضل
تنظر اميرة بستغراب  وتقفل الأوراق  خير  فى ايه تانى
شخص : وحشتينى
اميرة :  وانا قولت متجيش هنا تاني مش عايزة مروان يشوفنا مع بعض عشان ميحصلش مشكلة  ياريت  بسرعة تقول عايز ايه

يتبع الفصل الواحد والأربعون اضغط هنا
  • الفهرس يحتوي على جميع فصول الرواية كاملة :"رواية  الاعمى" اضغط على اسم الرواية 
google-playkhamsatmostaqltradent