رواية قلوب عاشقة الفصل الثاني عشر 12 بقلم دنيا السيد

الصفحة الرئيسية

   رواية قلوب عاشقة الفصل الثاني عشر بقلم دنيا السيد


رواية قلوب عاشقة الفصل الثاني عشر

ملاك بصدمها....بتحبها
يوسف وهو يجيب براسه...ايوه بحبها من وهي لسه بنت
12سنه 
ملاك...طيب ليه مقلتلهاش
يوسف...محبتش اشغلها عن درستها قلت لما تخلص هكلمها وهكلم بابا وعمي وكنت مطمن انها مبتحبش حد او دا الي كنت فكره
لان عارف ان الشباب هنا شيفنها اختهم وانا شيفها بنتي بطفولتها وضحكها وهزرها بتعمل للبيت صوت وبتخلي ليه طعم تاني من وقت ما جت وكلو بيضحك من قلبو
اااه بغير عليها وخصوصا من ادهم لانها قريبه منه جدا بس انا عارف انو بيحبك من زمان وشايف غرام اخته الصغيره 
تعرفي ساعات كتير كنت بتمني اكون مكان ادهم نفسي ابقا قريب منها كدا وحولت كتير بس معرفتش هي اااه بتهزر معايا وبتضحك بس دا مع الكل اما ادهم دا ليه معامله خاصه 
وانا بغبائي قلت اكيد بتعزه لانو اكتر حد قريب منها وكان جنبها لما كنت مسافر بس كنت غلطان 
ملاك بحزن...يوسف
ابتسم يوسف بخفه...متقلقيش انا كويس بس محدش يعرف الي قولتهولك دا يا ملاك.ادهم وليث بس هما الي عارفين من
 الشباب ودلوقت انتي ومليكه متعرفيش حد 
وبعدين الي انت عملتيه دا غلط مينفعش تبعدي
 ادهم مش صغير علشان ميعرفش اذا كان بيحبها ولا لأ
ادهم بيعشقك يا ملاك من صغره بس هو مبيبينش مشاعره 
وانتي كمان بتحبيه يبقي ليه البعد 
علاقة ادهم وغرام عمرها مهتتعدي حدود الاخوه والصداقه والطفوله ممكن غرام شيفاها حب بس العلاقه النقيه دي لو دخلت تحت بند الحب هتنهد 
علشان كدا اتكلمي مع ادهم ومتسبيش حبك ادهم انتي شيفاه بيهزر وبيتعامل معاكي ببرود من وقت ما رجع بس هو بيحاول يتجنبك بس مبيقدرش انا شايف 
في عيونه الالم اتكلمي معااه يا ملاك لان كدا انتي مش بتحلي حاجه بالعكس كدا الاربع افراد في العلاقه دي كلهم هيخسرو لو انت بعدتي ادهم وانا وانتي وغرام لان ادهم مستحيل يكون مع غرام وانت مستحيل تكوني مع حد غير ادهم 
ثم تركها ونهض وهو يحمل كسر قلبه وخزلانه ها هو يري صغيرته التي ظل يعشقها ويراقبها منذ صغرها يرها تعشق غيره هكذا تعاقبه علي بعده
عند ادهم كان ينظر لهم بين الحين والاخر ونار الغيرة وآلام العشق تحرق قلبه
غرام بتعجب....ادهم 
لا رد
غرام....ااااادهاااااااااام
ادهم بخضه....عوزه اي يا غرام الكلب انتي
غرام بضحك....اي يا عم رروميو سرحاان في اي بقالي ساعه بنادي
تنهد ادهم ووجلس علي احدي الكراسي فتقدمت منه غرام بستغرب وجلست امامه
غرام...لا دا الموضوع كبير بقا في اي مالك ليه الحزن دا
ابتسم ادهم بخفه...انتي الوحيده الي بتفهميني من نظرة عيني
غرام بمرح...عد الجمايل بقا 
ضحك ادهم بيأس من تلك المجنونه
غرام....هاا بقا مالك
ادهم...قلبي
غرام وقلبها يقرع طبوله....ماله!؟
ادهم...مكسور من البعد وبيتألم من العشق
غرام وقلبها اعلن عصيانه وتبخرت كل محاولتها للثبات وبتلعت غصه مريره تعلم ان بعدها نهاية لطريق قطعته بمفردها وهو طريق الحب من طرف واحد
مين يا أدهم
فنظر لها ادهم بستغراب...يعني انت مش عرفاها
اغمضت غرام عينيها بألم وحركه رأسها برفض وانتظرت انفجار القنبله الموقوته
ادهم...ملاك
وقع قلب غرام والجمت الصدمه لسانها ما هذا بحق الجحيم صديقتها واقرب شخص لها صديقة طفولتها بئر اسرارها 
يا الله انها تعرف بحبها لادهم  ما هذا العذاب
غرام بخوف من القادم....طب و وهي
ادهم...بتحبني
صدمه اخري وقعت كالصاعقه علي غرام... 
هي اعترفتلك
ادهم... لأ  احنا الاتنين بنحب بعض ونتصرف 
علي الاساس دا بس منغير ما نعترف 
هي عرفه اني بحبها وانا واثق انها بتعشقني، 
وقررت اقولها واعترفتلها شفت الفرحه
 في عيونه وتكسفت مني وجريت علي
 اوضتها قولت اسبها برحتها تاني يوم اتفاجأة
 بيها بتقولي انها بتعتبرني ااخوها ولازم اشوف 
حياتي مع حد يستاهل حبي والشخص دا قريب 
مني قوي
اغمضت غرام عينيها بألم وتذكرت ما حدث
Flash back.                                                   
غرام في غرفة ملاك... يوووه بقا هي اتأخرت كدا ليه
ثم وجدت ملاك تدخل غرفتها وهي تقفز من السعاده
ملاك وهي تعانق غرام... انا فرحانه قوي قوي اخير نطق
غرام بسعاده هي الاخري وهي تمسك ملاك من كتفيها    
انا كمان فرحانه خلاص قررت اعترف لادهم 
وقوله اني بحبه لا بعشقه وبموت فيه
توقفت ملاك عن القفز ونظرت لها بصدمه....ادهم
غرام بسعادة...ايوه يا ملاك...دا السر الوحيد الي
 متعرفهوش عني انا بحب ادهم من صغري هو حبيب طفولتي وصديقي وكل حياتي قررت اعترفله واقوله علي كل حاجه
ملاك بصدمه ابتلعت غصه مريره...مبرووك يا غرام
غرام بسعادة...الله يبارك فيكي،نفسي اسمعه وهو بيقولي وانا كمان بحبك يا غرام الادهم
flash back end.                                                          
ادهم...غرام،غرام،انتي يا زفته
غرام...هاا في اي
ادهم...في اي  انتي بقالي ساعه بكلمك وانتي ولا هنا
غرام...لا ابدا معاك،وانت هتعمل اي دلوقت
ادهم.... مش عارف انا مخنوق مش قادر افكر ولا عارف اعمل اي وسافرت بعدك علي طول قولت يمكن البعد يريح بس للاسف زاد حبها في قلبها وشوقي ليها
اغمضت غرام عينيها بألم...متقلقش انا معاك وهعمل كل الي اقدر عليه واوعدك ملاك هتكون ليك
ادهم بسعادة...بتتكلمي بجد
غرام بإبتسامة حزينه...جد الجد انت بتحبها وهي بتحبك اكيد حصل سوء تفاهم بس خلاص اتحل
ادهم بستغرام....اتحل ازاي.
غرام...متشغلش بالك انت انا هتكلم معاها
ادهم...انا كنت عوزك تتكلمي معاها من سنتين فاتو بس اتفاجأة بيكي انك عوزه تسافري تكملي دراستك في امريكا وانا سفرت بعدك ايطاليا مقدرتش اشفها قدامي وقريبه مني وفي نفس الوقت بعيده عني   
غرام... متقلقش كل حاجه هتتحل ثم ااكملت بمرح... قوم بقا نخلص الي بنعمله منك لله نكت عليا
فضحك عليها ادهم واكملو عملهم وتزين الطربيزات
__________________________________________
مليكه وهي تضع الورد في الفازه
جاء ياسين من خلفها وتحدث بجانب اذنها...بحبك
مليكه بخضه وهي تضع يدها علي قلبها...حرام عليك يا ياسين وقفت قلبي
ياسين بحب... سلامة قلبك يا قلب ياسين
مليكه بخجل...ياسين حد يسمعك بطل بقا
ياسين...الي يسمع يسمع انتي مراتي وبعدين انا ناوي
 نكتب كتابنا معاهم النهارده
ممليكه بصدمه... بتتكلم جد، بس ازاي احنا مش كتبين الكتاب
ياسين... اايوه يا قلبي كتبينه بس علي ايد محامي وانتي مضيتي وتسجل في المحكمه انا عوزه بقا علي ايد مأذون وتلبسي فستان وتفرحي معايا انك بقيتي ملكي قدام الناس كلها
ضحكت مليكه بسعاده وحب 
ياسين... لا مش قادر ثم امسك يدها واخذها للداخل 
مليكه... ياسين استني بطل جنان، طيب ريحين فين 
ياسين... ريحين لبوكي وابويا اطلبك منهم 
حازم يعلق الزينه وهو يقف علي السلم... اي يا ياسين ساحب مليكه كدا ورايح فين 
فنتبه عليهم الجميع 
فنفخ ياسين بغيظ ثم ابتسم بخبث لحازم
حازم بخوف... اي بتضحك كدا ليه مش مرتحلك 
فتقدم منه ياسين وضرب السلم بقدمه فسقط حازم من علي السلم ووقع في حوض السباحه فضحك الجميع عليه
فأمسك ياسين يد مليكه مره اخري قائلا... عرفت انا رايح فين يا زومه
حازم وهو يسبح ليصعد... عرفت يا بغل عرفت 
فخرج حازم والماء يتساقط منه فكان منظره مضحك
والجميع يضحك عليه
حازم... اي بتضحكو كدا ليه هي اول مره يعني 
ليان بضحك... شكلك مسخره يا زومه فسحبها حازم من يدها بقوه فرتضدمت بصدره العريض ونظرة في عينيه بتوتر 
حازم وهو يغمز لها بعينيه.. قصدك منظرنا يا قلب زومه ثم قفز بها في الماء 
ونفجر الشباب في الضحك عليهم
ليان وهي تسبح.... اي البواخه دي يا حازم غرقت هدومي ميه
حازم بضحك... معلش المره الجايه هرميكي في البسين  من غير مغرقك ميه فضحكت وضحك الجميع عليهم
في الداخل 
طرق يا سين باب المكتب وبجواره مليكه التي تجذبه من زراعه تمنعه من الدخول وهو يضحك عليها
ياسين بضحك... هندخل يعني هندخل ولو مسكتيش  هبوسك وافتح الباب ااخليهم يشوفونا
فتوقفت مليكه عن جذب يده 
ياسين بضحك.. ايوه كدا ناس مبتجيش غير بالعين الحمره
ثم فتح الباب ودخل 
ياسين....بسم الله ماشاء الله، طب انا بقول نجلكو في وقت تاني
فضحك الجميع عليه
فكان يجلس كلا من صقر وما لك وفهد وحمزه ووليد 
ومازن وزين وعمر
وكل واحد معه زوجته
صقر... تعالي يا ياسين كنت عاوز حاجه
ياسين... انا كنت عاوز حضرتك وبابا بس ماشاء الله العيله كلها هنا
وليد...كنت عوزني انا وعمك في اي
فبتعد ياسين فظهرت مليكه التي كانت تختبئ خلفه عندما وجدت العايله بأكمله في غرفة المكتب
فضحك الجميع عليه فكانت تغمي عينيها بيدها 
ففتحت مليكه عينيه عندما سمعت ضحكهم فوجدت الجميع ينظر لها وياسين يبتسم بحب فخجلت مليكه وختبئة خلفه مره اخري
فرتفع صوت قهقهتهم 
فوقف صقر وذهب لها وجذبها لحضنه قائلا...خلاص يا قبل صقر ارفعي وشك بقا
فنظرت مليكه لوالدها بخجل 
صقر بحب ابوي...انا اسف اني جوزتك من غير ما اخد رايك بس مكنش عندي حل غير دا علشان تسافري معاااه بس دلوقت لو مش عوزه الود دا قوليلي وانا هبعدو ومحدش يقدر يجبرك علي حاجه ابدا
ياسين بغيرة....ما خلاص يا عمي منا قولتلك انا موفقه
صقر..اخرس انت
فتزمر ياسين وضحك الجميع عليه
مليكه وهي تعانق والدها...متتأسفش انت احلي اب في الدنيا وانا موفقه علي جوازي من ياسين
صقر... يعني بتحبيه
خجلت مليكه وتورت وجنتيها 
فضحك صقر عليها
فجاءت نور وعانقتها فتشبثت بها مليكه 
نور.... انتو عوزين اي من بنتي ابعدو عنها
ثم نظرت لميكه.... قوليلي انا بتحبي ياسين يا لوكه
مليكه بخجل... ماما الله
فضحك عليها الجميع
مليكه بصوت منخفض لوالدتها... بعشقه يا ماما مش بس بحبه 
فبتسمت نور وضمتها بحب... ربنا يسعدك ياقلبي
ياسين بجديه..... عمي صقر.. اناطالب ايد مليكة تكون بنتي وصحبتي وحببتي وحياتي قبل ما تكون مراتي
مااازن... دا علي لساس انها مش مراتك يعني
فمسح ياسين وجه بيده بغيظ من عمه
ثم نظر له بغيظ
مازن ببرود...اي مالك يا سونه بتاكل في شفايفك ليه
فنفجرت مليكه في الضحك عليه
فنظر لها ياسين بتوعد
ياسين وهو ينظر لصقر...عمي انا عاوز اكتب كتابي مع ليث النهارده والكل يعرف انها مراتي
صقر...وانا موافق يا ياسين انا قولتهالك قبل كدا مليكه هتفضل مراتك لو هي عوزه كدا ربنا يسعدكو يا بني
فعانقه ياسين بحب ثم عانق والده ووالدته 
وبارك لهما الجميع
خرج الجميع خلف صقر تالي جنينة الڤلا
فوجدهم يعملون وسط جو من المرح والسعادة
فنظر للهمصقر بحب وضم نور لقلبه فعلمت نور بما يفكره به فبتسمت له بحب
صقر بصوت مرتفع... النهارده هيتكتب كتاب ليث وكيان وياسين ومليكه
فنظر لهم الجميع بصدمه 
فأكمل صقر... ياسين طلب ايد مليكه وانا وفقت 
ففهتف الجميع بسعاده وباركه لهم
فتحدث بدر بغيظ.... وانا كمان عاوز اتجوز اشمعنا انا
صقر بسخريه... مش لما تحترم نفسك شويه وتبطل سفاله
بدر بحرج... اي يا عمي الي يسمعك يفكر اني خربها انا اخري معاكسه والله
فضحك الجميع عليه
فهد....انا كنت محترم معرفش الود دا طالع لمين 
مازن بغرور مصطنع...طلعلي
فهد....انا بقول سافل مش طفل
فتزمر مازن،وضحك الجميع عليه
فتحدث بدر... هاا بقا هتجوزوني
صقر بجديه... مش النهارده يا بدر لما نخلص من الوضع دا والموضوع يهدي (يقصد وائل النجار) 
ثم اكملبس خد رأي ابوها الاول وهي ثم غمز له
فضحك بدر قائلا.... مش سهل انت برضو يا كبير
فتحرك بدر ووقف امام حمزه قائلا... جوزني بنتك
حمزه بضحك...انهي وحده فيهم
بدر بحب...همسة قلبي
فضربه حمزة علي راسه قائلا...متحترم نفسك ياطور انت
فضحك الجميع 
وخجلت همس
حمزه...زي ما عمك صقر قالك لما الوضع يهدي وشوف رايها اي
حمزه...لأ شوف رايها دلوقت المهم اعرف انها ليا
ثم نظر لهمس التي تنصهر من الخجل قائلا...لو موفقتيش هخطفك واتجوزك فاحسلك وفقي 
فضحك الجميع
حمزه وهو يعانق  همس.... اي رايك يا قلب ابوكي
همس بخجل...الي حضرتك تشوفه يا بابا
بدر بصرااخ... الله اكبر اهي وفقت جوزهالي بقا فضحكت جميع العائله
حمزه...صوتك يا بغل،وبعدين هي قالت الي تشوفه يا بابا
بدر بسخريه...وبابا شايف اي
حمزه بستفزاز...مش شيفك 
فضحك الجميع عليهم
فصرخ حازم قائلا.... وأنااااااا
مازن بسخريه... اي عاوز تتجوز انت كمان
حازم... لأ  انا جعااااان يا بشر  مش هتخلصو جو العشق الممنوع دا وتأكلونا
فضحك الجميع ودلفو للداخل لتناول الغذاء


يتبع الفصل الثالث عشر اضغط هنا
  • الفهرس يحتوي على جميع فصول الرواية كاملة :"رواية قلوب عاشقة " اضغط على اسم الرواية 
رواية قلوب عاشقة  الفصل الثاني عشر 12 بقلم دنيا السيد
ranosha

تعليقات

ليست هناك تعليقات
إرسال تعليق
    google-playkhamsatmostaqltradent