رواية ألجوس الألم الفصل الحادي عشر بقلم سمية عامر
رواية ألجوس الألم الفصل الحادي عشر
مسكت سيده ايد كريم : ابني انت وحشتني اوي
- بعد اذنك ابعدي ايدك انا جاي عشان اختي بس مش عشان حد تاني
طلع كريم ورا هيلين و فارس فضل واقف شويه و بعدين راح على اوضته
دخل كريم و قفل الباب : اتفضلي فهميني ايه كل العك ده
- اولا اهدا ..ثانيا مصطفى كان بيخونني واحنا كاتبين الكتاب
اتصدم كريم و قام وقف : وانتي مقولتليش ليه ؟
لاني معرفتش ده غير يوم الفرح يا كريم
- انا هروح اطلع ******* انتي ازاي ساكته كده و بتخليه يقرب منك د انا هق*تله
بس اهدا ارجوك عشان هيسمعونا ...انا سكتت اه بس عشان لو اتكلمت هتبقى فضيحه كبيرة لما يعرفوا هو خانني مع مين
قرب كريم منها و شدها من ايديها : قصدك مين اتكلمي
- هدى يا كريم و المصيبة هدى حامل من مصطفى اختي حامل من جوزي
قعد كريم وهو مصدوم مش مصدق هو بيسمع ايه : انتي متأكدة
قعدت هيلين جنبه و حضنته و عيطت : انا مليش غيرك يا كريم مهما حصل انت اخويا و ابويا و امي
حضنها و لكن نظراته كانت كلها شرار و حقد على هدى و مصطفى ...زي ما هيلين أخته هدى أخته حتى لو مش حابب ده
- هي فين ؟
معرفش مروان و مالك خبوها عن عين ماما عشان هتموت فيها
- هما كمان يعرفوا ...وانتي ايه علاقتك باللي اسمه مالك ده
مفيش اي علاقه بيننا هو محامي و قرر يساعدني اتطلق من مصطفى و .....
- و ايه ؟!
و ارجوك بلاش تتخانق معاه لانه معمليش حاجه وحشه
- هو انا هستنى يعملك هطلع ***** هو كمان
ضحكت هيلين شويه و قام كريم وقف : لازم نروح ل هدى
- الاول نطلع مالك لانه عارف مكانها و كمان مينفعش نسيب مصطفى ينتصر علينا
طيب وانا هضمنه و اشهد معاه أن مصطفى اللي بدأ بالضرب
ابتسمت هيلين : طيب و انا هاجي معاك
- تيجي فين انتي عبيطه ؟؟ اتزفتي اقعدي لحد ما نرجع
قام كريم خرج و نزل على تحت نادى لفارس اللي كان مستخبي في اوضته مش راضي يطلع
فتح كريم الاوضه عليه و شده وراه : يلا هنرجع المركز
خرج كريم و معاه فارس وصلوا المركز
خلصوا كل الإجراءات و خرج مالك و كمان جات اخت مصطفى على المركز و خرجته في نفس الوقت و كان في بينها و بين كريم نظرات كره و حقد
مالك بغرور وهما لسا واقفين قدام المركز : رجعت خرجتني يعني
كريم : كلمه كمان و هدخلك جوا تاني
وقف مالك و بصله بتحدي : لو راجل اعملها وريني كده
كانوا هيمسكوا في بعض بس شافوا مصطفى وهو طالع متسند على أخته
راح كريم عليه و مسكه من ياقته : اللي حصل مش هيعدي بالساهل فاهم
مريم بعصبية : كريم انت اتجننت ابعد ايدك عنه ارجوك انت مش شايف حالته
رماه كريم و بص لمريم : اشبعي منه عشان الفترة الجايه صعبة عليه
خدت مريم اخوها و ركبوا العربيه و مشيوا
و رجع مالك و كريم و فارس على البيت
طلع كريم على فوق عند هيلين
و فضل مالك باصصله بقرف و مستني قدام اوضتها
كريم : انا نمشي دلوقتي خدت اوضه في فندق جنبك هنا لو عايزة حاجه تعاليلي أو اقولك تعالي اقعدي معايا
- كريم اهدا في ايه قولتلك لازم محدش يعرف بغياب هدى
طيب خلاص تقفلي الباب بتاعك بالمفتاح و متخليش كلب من الكلاب اللي برا يدخلك
ابتسمت هيلين و حضنته : خلي بالك على نفسك
خرج كريم من غير ما يسلم على حد و دخل مالك بسرعة عندها
شدها من ايديها جامد : ازاي تسمحي للحيوان ده يحط أيده على وسطك ها ؟ انطقي ؟
- يا ربي واحد يخرج التاني يدخل
ضغط على ايديها اكتر : بقولك انطقي
صرخت هيلين عليه : يابني ده جوزي انت اهبل
مسك رأسها و كان هيخبطها في الحيطه من قمه غضبه بس اتمالك اعصابة : لو نطقتيها تاني هتشوفي وش تاني
هيلين باستفزاز : طب جوزي ..جوزي ..جوزي ..جوزي
مسكها من شعرها و خبطها في الباب وقعت اغم عليها
اتنهد و لف لفتين في الاوضه عشان يهدأ و راح شالها من على الأرض حطها على سريرها و جاب مسك من عندها و قعد جنبها يفوقها و فاقت بالعافيه
هيلين : انت ضربتني في الباب ؟
- بصلها بحده و اتكلم بصوت عالي : اه و قومي احضنيني دلوقتي حالا تعويضاً عن كلامك
خافت هيلين ليضربها في الحيطه أو يرميها من الشباك و قامت حضنته فعلا وهي خايفة
مالك : بزمه احضني بزمه
فجأة اتفتح الباب و دخل كريم منه .........
يتبع الفصل الثاني عشر اضغط هنا
- الفهرس يحتوي على جميع فصول الرواية كاملة :"رواية ألجوس الألم" اضغط على اسم الرواية