رواية فجر جديد الفصل السابع 7 - بقلم إيمــــان

الصفحة الرئيسية

    رواية فجر جديد الفصل السابع 7 - بقلم إيمــــان

رواية فجر جديد  - بقلم إيمــــان

*    رواية فجر جديد الفصل السابع


عاد رفعت الى البيت وهو فى غاية التعب من كثرة المقابلات والاوراق التى قام بمراحعتها هذا اليوم وبمجرد ان وصل سلم على دادة سيدة وصعد فورا الى غرفته واتجه على الفور الى الحمام الخاص بالغرفة واخذ دوشا دافئا واتجه الى سريرة وهو يريد  أن يتمدد قليلا بعدها يدبر كيف سيمضى باقى ليلته فاليوم الخميس وغدا الجمعة اجازة ولم يدرى هل يخرج لمقابلة بعض اصدقائه ام يجلس للقراءة التى اهملها من فترة مع انها هوايته المفضلة بعد لعب الرياضة أم------- وفجأة ظهرت على وجهه ابتسامه لم يدرى لها سبب وبعدها تذكر كل أحداث يومه لم يتذكر المقابلات لا ولا العمل بذاته ولكنه توقف فقط عند الاحداث القليلة جدا من اليوم التى جمعته بندى وكيف له ان حكى لها عن ذكرياته مع والدته والملوخية التى بنغس طعم الملوخية التى كانت تعدها له والكيك وضحكتها الساحرة 

الكيك . اه صحيح 

رن رفعت الجرس لدادة سيدة فجاءته على الفور

دادا انا نسيت الشنطة بتعتى تحت افتحيها حتلاقى فيها علبة بلاستك كده هاتيها واعمل لى كوباية شاى بلبن ربنا يخليك

حاضر يابنى من عنية الاتنين

وما هى الا دقائق حتى عادت سيدة ومعها العلبة والشاى



هى فيها ايه دى يابنى

دا كيك بالبرتقال دوقى كده حيعجبك اوى

فتناولت من يده قطعة وقطمتها ثم قالت

فعلا دى حلوة اوى اوى يا رفعت بيه انت اشترتها منين؟؟؟

لا دى ندى هى اللى عملاها

اه الموظفة الجديدة بتعتك

ايوة بالظبط


دى شكلها فعلا شطره 

اوى يادادة شطرة اوى

طب مش عاوز حاجة تانية اعملهالك ولا احضرلك العشا 

لالا عشا ايه دا انا واكل انهاردة اكل العمر كله كفاية الكيك والشاى ويمكن انام بعدها او اخرج شوية

طيب براحتك انا نزله بقه

وظل رفعت مع الكيك والشاى وباقى ذكريات اليوم ولم يدرى بنفسه الا على  صوت آذان عالى فهب مفزوعا من نومه واخذ ينظر فى 


ساعته ليطلع على الوقت فوجدها الرابعة والنصف  صباحا اى انه نام دون ان يشعر فقام وتوضاء واخذ يصلى الفجر ثم مثل كل صلاة جلس ليختم صلاته ويدعو لوالده ووالدته وهيام ووالدها بالرحمه والمغفرة ثم الدعاء له ولاخوته بالتوفيق فى حياتهم 

ثم تذكر اخوته فهو من فترة لم يزورهم وشعر باشتياق شديد لهم ولاطفالهم فقرر ان يتصل بهم ويقترح عليهم ان يقضوا جميعا اليوم فى النادى 

وفى التاسعة صباحا اتصل رفعت اولا بنادرة

ازيك يا رفعت وحشنى اوى مش بتسأل عليا ليه خلاص نستنى انا والولاد

لا ابدا يا حببتى بس الشغل وخدنى اليومين دول ايه رايك نقضى انهاردة اليوم فى النادى

ايه نقضى اليوم انهاردة فى النادى وانفجرت ضاحكه

الله انتى بتضحكى على ايه؟؟؟؟

اصلى انا والاولاد بنجهز دلوقتى عشان نروح النادى

طب حلو فاضل شهيرة حقفل واتصل بيها عشان هى كمان تجيب الولاد وتيجى 



ماشى يا حبيبى سلام

دخل ادهم على كلمة حبيبى فقال لها : ماشاء الله مين ده اللى حبيبك يا مدام انطقى

دا رفعت كان بيتصل عشان عاوز يقضى اليوم معانا فى النادى قولتله اننا كده كده ريحين

اه ان كان رفعت معلش بس بقولك ايه الاحسن والاسلم ان الكلمة دى متطلعش لحد غيرى انتى فهمه

انتى بتغيرى يا بيضه

اه بغير عندك مانع

فضحكت نادرة ضحكة اربكت ادهم فأمسكها من ذراعيها وهو يقول: هو لازم نادى انهاردة

ادهم بقولك ايه انت من فترة مش بتخرج معانا واحنا مصدقنا انك حتكون معانا انهاردة

ما انا بسبكم تخرجوا برحتكم هو انا حبسكم يعنى

اه بنخرج بس انا والاولاد بنحب الخروج معاك اكتر وانت عارف كده كويس

خلاص خلاص ياستى هو انا حخلص معاكى أنتى وولادك يلا توكلنا على الله


وفى هذة الاثناء كان رفعت يتصل بشهيرة لتقضى هى الاخرى واولادها اليوم معهم فى النادى فوافقت على الفور واعتذرت عن وجود زوجها لانه مرتبط بعمل اليوم

مش مشكله يا ستى احنا مقدرين شغل جوزك الله يكون فى عونه 

ذهب رفعت الى بيت شهيرة واتجه بها الى النادى وهناك كان فى انتظارهم نادرة وزوجها وابنائها سلم الجميع على بعضهم ثم توجه بالكلام لادهم

ايه ياسى ادهم فينك مختفى ليه اليومين دول

والله الشغل ملغبط معايا اليومين دول وعمال اظبط فيه دا انا حتى كنت ناوى اجيلك عشان مشكله كده عاوز اكلمك فيها وكويس  انك جيت انهاردة عشان افتحك فيها 

لاااااااااا انهاردة بتاع مازن وجاسمين وليندا وعدنان وبس 

وفجأة هجم الاربعة عليه . يلا ياخالوا يلا نلعب سوى 

وامسكوه من يده وجذبوه بشدة حتى قام معهم وذهب بهم لصالة الالعاب وانهمك معهم فى اللعب الى ان شعر بجوع فظيع

فقال لهم : يلا بقه انا حموت من الجوع انتو مش عوزين تاكلوا ولا ايه



فقالت ليندا: ايوة يا خالوا يلا انا كمان جوعت جدا

فنطلق الجميع الى حيث يجلس ادهم ونادرة وشهيرة  وبمجرد ان ظهر رفعت وفى يده الاولاد ضحك الجميع على منظره فقد كان شكله مجهد جدا بالاضافة لملابسة التى اصبحت غير مهندمه

اه طبعا ما انتوا قعدين هنا مرتحين وسيبينى مع الجبابرة دول تصدقوا انا غلطان انى قولت عاوز اشوفكم

نادرة : كده برضو يا رفعت يعنى ماكنوش وحشينك

الحقيقة كانوا وحشنى بس مش اوى للدرجادى

فضحك الجميع 

شهيرة : ايه يا جماعة مش حنتغدى بقه ولا ايه ؟؟

فقال رفعت على الفور : ايوة انا جبتهم عشان نتغدى دا انا حموت من الجوع

طلبوا الغداء كما اختار الاولاد فهم القائد فى مثل هذه المواقف وبعدها تناولوا الشاى ثم توجه كل منهم الى سيارته لكى يذهب الى بيته بعد أن اتفق ادهم مع رفعت على ان يزوه قريبا فى مكتبه ليتحدث معه فى مشكلته   

* يتـبـــــــــــــــــــــــع الفصل الثامن اضغــــــــط هنا

* الفهرس يحتوي على جميع فصول الرواية " رواية فجر جديد " اضغط على اسم الرواية


author-img
DoOoBy

تعليقات

ليست هناك تعليقات
إرسال تعليق
    google-playkhamsatmostaqltradent