رواية فجر جديد الفصل السادس 6 - بقلم إيمــــان
* رواية فجر جديد الفصل السادس
فى اليوم التالى استيقظ مبكرا واخذ شور سريع وارتدى بدلته الرمادى الفاتح والتى كانت تحبها هيام فهو يبدو وسيما جدا فى هذا اللون كما كانت تقول له ونزل سريعا ليتناول الافطار
سألته سيدة : حتتغدى هنا انهاردة ولا فى المكتب
فأجاب ضاحكا: لااااا من انهاردة خلاص مش حتغدى الا فى المكتب
فردت مستغربة : اشمعنى
فقال: اه صحيح ما احنا من مده مش بنرغى مع بعض فكرة الغدوة اللى اتغدتها عند عم شوقى من مدة وقولتلك ان وحدة قربته هى اللى كانت عمله الاكل وكان تحفة
ايوة صحيح فكرة ، طب وده دخلوا ايه
ما هى المدام دى انا جبتها المكتب وهى اللى حتعملى من انهاردة ان شاء الله الغدا بدل ما اروح واجى او اطلب دليفرى
اللى يريحك المهم عندى تكون مبسوط
لالا الحمد لله دا انا مبسوط اوى اوى اليومين دول يلا سلام
وركب سيارته متجها الى الشركة على الفور وهو يسوق بسرعة على غير عادته وفعلا وصل مبكرا عن كل يوم واتجه على الفور لغرفة البوفيه . طرق خفيفا على الباب لتقول هى : ادخل
ففتح الباب ليجدها ملخومه بين كومه من الاكياس الكثيرة
صباح الخير يا رفعت بيه ، معلش بقه امبارح يادوب شطبنا والصبح جبت كل حاجة وقولت ارصها برحتى بقه
بس تعرفى ان الاوضة بقت تحفة انا بفكر اجيب مكتبى هنا جنب البوتاجاز
لم تتمالك نفسها وانفجرت فى الضحك
هااا حتغدينى ايه انهارده
اه صحيح نسيت اسأل حضرتك تحب تقولى كل يوم اطبخ ايه ول----
فقاطعها على الفور قائلا: لاااااااااا انا مليش فى الحاجات دى انتى اللى حتعمليه حاكله من سكات
ثم سكت فجأة وظهر على وجهه الحزن
رفعت بيه هو انا قولت حاجة تزعلك
لا ابدا بس افتكرت المرحومه ولدتى لما كنت ادلع عليها وانا صغير زى كل الولاد واقول ان الاكل ده مش عاجبنى كانت الله يرحمها تقولى اللى اعمله تكله من سكات وتقول الحمد لله فى ناس كتير تتمنى يكون عندها اللى عندك ما تخليش النعمه تزول من بين ايديك
الله يرحمها ويحسن اليها ، عندها حق فى كل كلمه شكلها كانت ست حكيمه وعقلها كبير
فعلا وعشان كده والدى كمان كان بيحبها جدا طول عمرى ما كنتش بسمعه بينديها الا بيانور عينى عشان كده هما كمان ماطولوش فى الدنيا هو مات وهى بعده بكام شهر . ايه ده احنا قلبناها حزن كده ليه على الصبح
قأجابت على الفور : على فكرة عندى ملحوظة بسيطة
ايه ؟؟؟
حضرتك واقف تتكلم معايا بقالك 45 دقيقة
ايه بتقولى ايه 45 دقيقة وقفة ترغى معايا دانتى مخصوم منك يومين
انا طب وانا ذنبى ايه حضرتك انت اللى كنت بتحكى ذكرياتك
تقوليلى اتفضل على مكتبك ، موركش شغل ولا ايه يا استاذ ، انا مش فضيالك بوضب بيتى الجديد
فأجابت سريعا : اتفضل على مكتبك موركش شغل ولا ايه يا استاذ انا مش فضيالك
لم يجد ما يفعله غير انه انطلق يقول وهو يخرج سريعا حاضر حاضر
واستدارت هى لتكمل عملها وهى تضحك
بعد دقائق قليلة احضرت له القهوة
شكرا يا مدام ندى
العفو يا رفعت بيه وهمت بالانصراف سريعا حتى تنهى مهمتها فى المطبخ. وقبل ان تفتح الباب سمعته يقول
على فكرة بتغدى الساعة 4
حاضر ان شاء الله حيكون الغدا جاهز الساعة 4
وغادرت سريعا
هى مالها دى مستعجلة كده ليه ، اه صحيح بتوضب باقى الحاجة ما انا عطلتها اوى الصبح يلا اما نشوف حتغدينى ايه اول يوم
وانهمك رفعت فى عمله الى ان سمع طرقات خفيفة على الباب فقال ادخل دون حتى ان يرفع راسه من الاوراق
دخلت ندى تقول له : ها احضر لحضرتك الغدا ولا لسه
ايه ده هى الساعة 4
ايوة وحضرتك ما رنتش الجرس ولا حاجة قولت ادخل اسالك
معلش الشغل اخدنى اه جهزى الغدا دا انا حموت من الجوع ومكنتش واخد بالى ،ابقى حطى الاكل على تربيزة الاجتماعات دى
حاضر
استنى انتى دخلتى منين
منين ازاى يعنى
من انهو باب
من باب المكتب ده هو فى باب تانى
ايوة انا فاتح باب اهو ده من البوفية عليا على طول ولا حتلفى كل ده بالاكل
ااااه طب احسن كده وانا اقول الباب التانى ده ايه
طب يلا بقه بطلى رغى وهاتى الاكل
حاضر
ثوانى وحضرت ندى الغداء ثم اتجهت اليه وقالت له اتفضل حضرتك ،فقام على الفور واتجه لمكان الغدااء ليجد ما لم يتوقعه ابدا
ايه ده اول القصيدة كفر كده
انزعجت ندى انزعاج شديد واجابت على الفور :ايه يارفعت بيه مش بتحب الملوخية
مش بحبها دا انا بموت فيها بس مكنتش متخيل انى اكولها هنا فى مكتبى وطازة وبالريحة اللى تجنن دى فى يوم من الايام
حرام عليك خضتنى والله فكرت انك مش عجبك الاكل
استنى كده واخذ لقمه من طبق الملوخية ،ليصيح بعدها لالا دا مش كلام دى ما تتغمسش بالعيش دى عوزة تتشرب
فلم تتمالك نفسها وانفجرت فى الضحك وتركته وانصرفت
ولم يشعر هو بشىء فقد كان غارقا فى الطعام الذى امامه واهم صنف الملوخية والتى كان يحبها كثيرا بالاضافة انه ولوهلة احس انها نفس طعم الملوخية التى كانت تطبخها له والدته فشعر بسعادة بالغة لم يشعر بها من زمن بعيد
وعلى الساعة السادسة طلب من ندى كوبا من الشاى وبعدها بدقائق وجدها امامه تحمل صينية الشاى وبجانب الكوب طبق عليه قطع من الكيك
ايه ده!!!!!
انا قولت اجيب مع الشاى حتتين كيك كده احسن ما تشرب الشاى لوحده
وده كيك ايه
كيك برتقال
انتى اللى عملاه
ايوة
طب لما ادوق كده
أخذ رفعت قطعة من الكيك وقطم منها قطمه ليشعر بشعور غريب جدا اغمض على إثره عينيه ورجع بخياله الى اكثر من 15 سنه عندما كانت تعد له والدته كيك البرتقال وبنفس هذة الرائحة الذكيةوبنفس هذا المذاق الرائع ولم ينتبه الا على صوتها وهى تصيح به
رفعت بيه رفعت بيه فى حاجة ولا ايه هى الكيك فيها منوم ولا ايه
فتح رفعت عينية وعلى وجهه ابتسامة جميلة وقال : لا ابدا الكيك ده طعمه بالظبط اللى كانت امى الله يرحمها بتعملهولى ، هو ده بس كل الكيك ولا فى تانى
لا فيه لسه جوه
طب حطى الباقى فى علبة وحخده معايا وانا مروح
حاضر ثوانى واكون مجهزه لحضرتك بس ياريت ماتخضنيش تانى كده
ما أنتى اللى كل شوية تفاجئينى بحاجة محصلتش ومدهشه ولذيذة و-----------
بس بس لحسن انا كده ممكن اتغر واطلب ضعف المرتب مثلا
انفجر رفعت فى الضحك وقال وهو يأخذ رشفة من كوب الشاى : يع الشاى وحش اوى اوى وهو يبتسم
اه لما جت سيرة الزيادة فى المرتب بقه الشاى وحش
فرد على الفور بالظط كده
لينفجر الاثنان فى الضحك ثم تركته وانصرفت
* يتـبـــــــــــــــــــــــع الفصل السابع اضغــــــــط هنا
* الفهرس يحتوي على جميع فصول الرواية " رواية فجر جديد " اضغط على اسم الرواية