رواية التقيتك صدفه فأصبحت الصدفة حياه الفصل الخامس بقلم دبنا محمد
رواية التقيتك صدفه فأصبحت الصدفة حياه الفصل الخامس
جبنا الشبكه و روحنا وبعديها لقيت فون ماما بيرن وبعدين لقيت ماما جايه تقولي ادهم فشكل خطوبته حسيت بحاجه بارده وقعت عليا بس اتكلمت عادي _ليه ي ماما حصل اي
=معرفش والله ي بنتي كل اللي اعرفه انهم سابوا بعض
_ماشي ي ماما خلاص روحي نامي انتي بقي
=ماشي ي حبيبتي تصبحي ع خير
_وانتي من اهل الخير
ماما خرجت وانا فضلت افكر ازاي مش المفروض بيحبوا بعض وكده ازاي يسيبوا بعض وليه انهارده بالتحديد وليه يخطبها بدال هيسيبها كل الاسئله دي كان ف دماغي لحد ما قطع تفكيري صوت فوني كان عز بيرن فرديت عليه
_الووو
=ازيك ي سلوي عامله اي
_الحمدلله انت اخبارك اي
=تمام والله انا كان نفسي اكون معاكوا انهارده بس انتي عارفه اللي فيها
_ولا يهمك عادي ربنا معاك
=جبتي اللي عجبك
_ايوا الحمدلله
وبعدين سكتنا كده ومحدش اتكلم مش عارفين نتكلم ف اي لحد ما قال
=اي رايك نبقي أصحاب
_ازاي يعني
=يعني نعتبر نفسنا أصحاب نحكي لبعض كل حاجه واي حاجه مهما كانت من غير ما نتكسف نتكلم. عادي زي ما نكون عارفين بعض علشان ناخد ع بعض بسرعه اي رأيك؟
_اشطا موافقه جدا
=اوك كده اتفقنا
_ماشي يسطاا
=لا كده هناخد ع بعض بسرعه فعلا😂😂
_طبعا طبعا اومال
فضلنا نتكلم كتير هو فعلا كويس ومحترم ودمه خفيف وبيضحكني وبيهتم بيا وفعلا بقينا أصحاب اي حاجه بنحكيها لبعض مهما كانت صغيره او تافهه اي موضوع واي حاجه بنتكلم فيها اتعودت عليه اوي وبقي حاجه اساسيه ف يومي وبقيت بستني أكلمه
=اي ي سو مش ناويه توريني حاجه من اللي بتكتبيه
_لا بلاش دا كلام عادي يعني ي زيزو مش حوار
=لا انا عاوز اشوف يلا بقي ابعتي يلا
_ي بني بقي لا مش هبعت حاجه
=علشان خاطري طيب
_حاضر اصبر
_دي حاجه كنت كتبتها كده يعني زي خواطر بس من غير تريقه
سكت شويه بيقرا اللي بعته ومردش
_اي وحش قولتلك بلاش اصلا
=وحش اي دا انتي تاخدي قلبي بقي
_هاا
=ها اي بس ي بنتي انتي بتكتبي كلام قمر خالص
_دا كتير اوي دا كلام عادي
=القمر مش بيطلع منه غير الكلام القمر اللي زيه
_احم انا هروح اشوف ماما بقي شكلها بتنادي عليا
=لا والله ماما برضو بس شكلك من الناس اللي بتحب تقرأ كتير
_ايوا بحبها اوي اوي
=عقبالي
_عقبالك اي
=عقبال أما تحبيني زيها كده
انا بسمع الكلام و حاسه ان قلبي هيخرج من مكانه مش قادره اتحكم ف ضربات قلبي خالص
_انااا هبقي اكلمك تاني مااشي
= ماشي ي ستي ع راحتك
_باي بقي
=باي ي حبيبتي
_اي
=اي
_قولت اي
=ي حبيبتي ف اي هو انتي فكره انك هتفضلي صحبتي بس ولا اي
_مش قصدي يعني
=اومال اي
_مفيش مفيش
=طيب انا عارف انك عاوزه تقولي انت بتقولي كده علشان انا خطيبتك وكده ولا اي
_بصراحه اه بس عرفت ازاي
=عرفت ازاي بكل بساطه انا بقيت بعرف انتي عاوز تقولي اي وانتي ساكته بحس بيكي يعني إنما بقول كده ع انك خطيبتي ولا اي لا ي حبيبتي مش علشان كده
_اومال اي
=ممكن تقولي علشان بحبك مثلا يعني
يتبع الفصل السادس اضغط هنا
- الفهرس يحتوي على جميع فصول الرواية كاملة :"رواية التقيتك صدفه فأصبحت الصدفة حياه" اضغط على اسم الرواية