رواية حبك نار الفصل الواحد والخمسون 51 بقلم أسماء الكاشف

وقفت مروه قدام بيت غادة ورفعت راسها لفوق علي الدور الثاني علي اوضه غادة لقت البلكونه مقفوله فنزلت عينيها علي الباب وضربت الجرس ثواني وكان الباب مفتوح واستقبلتها والده غادة بفرحة كبيرة وهي بتقول بترحيب 

_ مروه يا اهلا وسهلا حبيبتى اتفضلي يا بنتي

* شكرا يا طنط قولتها بكسوف ودخلت لجوه فشاورت ليه لاوضه الصالون وهي بتقول 

_ اقعدي يا بنتي عيزاكي في موضوع مهم قبل ما تطلعي لغادة 

حسيت بتوترها وقلقها الي عرفت سببه مجرد ما قعدت وبدءت تسألني عن أحوال غادة ولو في حاجة مضيقاها في المدرسة او الدروس وطبعا عرفت السبب هو معاذ بس رسمت الهدوء وقولتلها بهدوء وببراءه

* مافيش حاجة جديدة او حد مضايقها هتلاقيها بس قلقانه علشان الامتحانات قربت انتي عارفه غادة بتتوتر بسرعة وهي عايزه تجيب مجموع كبير 

هزت رأسها بعدم اقتناع وقالت بتأكيد وهي بتضيق عينيها ليه بشك

_ متأكده يا مروه محدش مضايقها لا مدرس ولا حتي طالب نفيت براسي بسرعة وقولت بسرعة انفي الشك الي بيدور في دماغها وقولت 

*  لاء طبعا محدش ضايقها كل المدرسين بيعملو الي عليهم بيشرحوا بضمير وبيهتموا بينا ذيادة وخصوصا غادة علشانها شاطرة.. وكمان ملناش أي علاقة بزمايلنا كل واحد لحاله متقلقيش يا طنط ذي ما قولتلك توتر امتحانات وبس 

اتنهدت بضيق وقالت 

_ ما توخذنيش يا بنتي اخذتك في دوكة ومقدمتلكيش حاجة تشربي ايه 

اتململت في القعدة وقولت بضيق

* تسلمي يا طنط مش عايزه اشرب حاجة بس لو سمحتي استعجلي غادة علشان مافيش وقت كثير علي الدرس يادوب نلحق نوصل  

قامت بهدوء وقالت بلطف 

_ عطلتك يا بنتي اطلعي ناديها من اوضتها هي من الصبح مطلعتش منها حتي ما رحتش المدرسة انهارده 

فرديت بسرعة وصدق

* اه مجتش وقلقت عليها علشان كده جيت البيت اشوفها واتاكد انها جايه الدرس 

فدعت لينا بقلب ام صادق ومحب 

_ ربنا يخليكم لبعض ويهدي غادة قالت اخر جملة بهمس فامنت ليها وهي شاورت ليه اني اطلع

_ اطلعي حبيبتي انتي عارفه اوضتها 

هزيت راسي بالموافقة وطلعت ليها تحت نظرات مامتها الي مش مرتاحة وحاسه اني بخبي عليها انا كمان  وقفت قدام اوضتها خبط ومسمعتش صوتها ففتحت ودخلت كانت علي السرير مدياني ضهرها قالت بغضب 

= لو سمحتي يا جودي سبيني لوحدي شويه 

قفلت الباب بصوت عالي وقولت بغضب هادي 

* بس انا مروه 

لفت وشها ليه وقالت باستغراب وهي مضيقة حاجبها بدهشه 

_ مروه انتي ايه الي جابك قالتها باستفسار

قربت خطوه واحده جوه اوضتها وعينيه علي عينيها بتركيز فتوترت وهي بتسمعني بقول بضيق وحده 

* ايوه مروه.. منكن اعرف ليه مجتيش المدرسة انهارده 

كانت هترد بس قطعتها وكملت بنفس الحده 

* منكن اعرف انتي ايه الي عملاه في نفسك ده 

اتعدلت في قعدتها علي السرير ورفعت جسمها شويه وقالت بتوتر وهي بتحرك عينها في كل اتجاه بعيد عن عيني الي هتفضحها

= وانا عملت ايه يعني يا مروه واحده تعبت شويه وحبت ترتاح بس كلكم حطينها في وضع اتهام  

قربت منها بهدوء وانا شايفه نظرة الوجع في عينيها بس بتكابر وقفت قدامها بهدوء ومسكت كفها بين ايديه الاثنين وقولت باقرار الحقيقة 

* انتي مش في وضع اتهام يا غادة سكت واتنفست بصوت عالي وكملت بهدوء ومركزه في عينيها الي بصت عليه بفقدان امل وشغف

* انتي قويه يا غادة متخليش حبك لشخص ميستاهلش اصلا الحب ده يأثر عليكي وعلي مستقبلك 

نفت براسها وقالت بكذب 

= انتي فاهمه غلط انا معاذ شيلاه من دماغي اصلا ومبفكرش فيه 

فابتسمت بلطف وقولت

* ياريت يكون كلامك صدق ياريت تنسيه بس الحقيقة غير كده عينك بتقول انك لسه بتفكري فيه وقلبك ده لسه بيدق ليه قالتها وحطت كفها علي صدر غادة مكان قلبها وكملت بهمس 

* مش عيب ان نحب او نفضل متعلقين بيهم العيب ان نخسر نفسنا ومستقبلنا علشان الحب ده ابتسمت بسخرية وقالت بمرح متألم 

* حتي انا بحب شخص لا يبالي جبلة يا بنتي

ضحكت غادة برقة فكملت بمرح 

* ضحكت يبقي قلبها مال سكتت وكملت بجدية 

* يله قومي يا حلوه كفاية كسل اتاخرنا قولتها وشديت ايدها لتقوم فقامت بكسل وهي بتقول 

= مليش نفس اروح انهارده 

* هش يا ماما احنا قولنا ايه المستقبل ثم المستقبل يله بسرعة قولتها وزقيتها لقدام وهي استسلمت ليه وفتحت الدولاب بحيرة تختار ايه فساعدها وانا بطلع بنطلون جينز وقميص طويل لونه زهري سحبتهم من الدولاب وحطتهم في ايدها وبقول باستعجال 

* يله يا بنتي ادخلي غيري مستنياكي هنا قولتها وقعد علي الكرسي هزت رأسها بفخر ابتسمت ليه وقالت بلطف 

= تعرفي انا بحبك اد ايه 

ابتسمت بغرور مصطنع 

* عارفه يا حب انا اصلا اتحب 

=مغرورة اووي يا بت قالتها ودخلت الحمام وانا اتحركت بهدوء قدام البلكونه بتاعتها فتحت الستارة واتفرجت علي الشارع وسرحت شويه رجعت بالذاكرة سنين طويلة افتكرت اني نسيتها 

* اوف يا جدو مش عايزه دول معايا قالتها طفلة بعمر العشر سنين بعيون زتوني واسعه وهي بتشاور علي حراس كثير حواليها  فقرب جدها منها وقال بلطف وهو منحني بجسمه ليها..

_ اومال عايزه مين يخرج معاكي 

بعيون واسعه ونبره طفوليه مشتاقة قالت

* ماما انا عايزه ماما ياجدو هي فين بقالي كثير مشوفتهاش 

وشه كشر وقام بجسمه وقال بغضب تخلله حزن كبير مخبيه ببراعه   

_ اجهزي يا حبيبتي الحراس دول علشان ياخدو بالهم منك 

بصت عليه بغيظ وصرخت وهي قربت منه 

* ماليش دعوه انا عايزه ماما.. هي راحت فين وبابا فين ليه سيبني لوحدي 

كان هيفقد اعصابه عليها هو مش شخص يتحمل ويتنازل فما بالك وهو شايل الهم كله بس انقذ الموقف خالد الي قرب منها ومسك ايدها وقال بلطف 

= خلاص يا مروه متعيطيش البنت الشاطرة بتسمع الكلام وتروح المدرسة مش انتي بتحبيني 

هزت راسها بطفوليه فابتسم ليها وقال بحب 

= يبقي خلاص نخرج مع بعض ايه رأيك بقي 

هزت راسها بفرحة لوجوده معاها وحضنته وهي بتقول 

* خلاص ماشي هاجي معاك علشان انت حبيبي

ابتسم وملس بايده علي شعرها ونعكشه وخرجو سوا وعربيات الحراسة وراهم وجدها وشه بان عليه الحزن متعرفش وقتها أن دي بداية خسارتها لأهلها 

بااااك

رجعت من ذكرياتها علي صوت فتح باب الحمام ابتسمت بلطفت وهي شايفه غادة لابسه وجاهزه صفرت بمرح وقالت بمشاكسه 

* ايه يا عم الحلاوة دي

ضحكت عليها وقالت بمرح 

= بطلي يا بكاشه نيجي جنبك حاجة يا ام عيون خضرا   

وقفت برقة وقولت بتصحيح 

* زتوني مش خضرا

= يعني فرقت اهي كلها لون أخضر يا زتونه هانم 

قالتها وهي بتشيل الشنطة انكجنا بعض وخرجنا ووشنا مبتسم وطنط شافتنا كده وفرحت وارتسمت ابتسامه علي وشها وهي بتدعي لينا بكل خير