رواية مرت أعوام الفصل الرابع 4 بقلم نهلة جمال

الصفحة الرئيسية

     رواية مرت أعوام الفصل الرابع  بقلم نهلة جمال


رواية مرت أعوام الفصل الرابع 

في سيارة فؤاد كان ممسكآ بقنينة العطر الفاخره الخاصه به ويحاول إفاقة فريده : فوقي بقى
فريده بدأت تغمض عينيها بألم وتضع يدها على رأسها : أيه دا انا فين 
فؤاد وهو يرتدي النظاره السوداء : لسه متحركناش قدام المستشفى ، تحبي انزلك يتطمنوا عليكي ؟ 
فريده : لا لا انا هنزل اخد تاكس واروح شكرا يا اسمك ايه 
وجاءت لتفتح باب السياره ف اغلقه فؤاد تلقائيآ من المقود وقال : انا قولت هوصلك انتي ليه انسانه عنيده ، ها قولتيلي ساكنه فين بقى ؟ 
فريده : ... 
 في منطقة فريده 
ترتدي حقيبتها وتعدل من شعرها وتقول : شكرا بجد تعبتك معايا جدا 
فؤاد : لا ولا يهمك انا تحت الامر مع ان راسك كسرتلي القفص الصدري 
ضحكت فريده ثم نزلت من السياره وودعته وكان والدها في شرفة المنزل ورأى ما حدث 
عندما دخلت فريده الشقه أمسكها والدها من يدها ف صرخت من الالم وتذكرت هشام ف قال والدها : يعني دكتوره وظروف شغل وجايه متأخر قولنا ماشي لكن راكبه عربية راجل غريب ونازله من العربيه تضحكي وتتمرقعي ، انطقي مين دا يا بنت ناهد 
فريده : ااااه بابا لو سمحت ايدي بتوجعني سيبني 
والدها : هكسر رقبتك متجننيش انطقي 
تأتي ناهد من المطبخ مسرعه وهي تقول : يالهووي هتكسر درااع البت في اييه 
والدها : قسما بالله ما في نزول من البيت تاني بلا مستشفى بلا زفت انتي تقعدي تستني عريسك ييجي ياخدك انا مش ناقص كلام من الجيران بسببك 
بدأت فريده بالبكاء فيما قالت ناهد : انت عايز تحرم البت من شغلها بعد ما صرفنا عليها سبع سنين لا طبعاا 
والدها : اسكتي انتي ربي بنتك الاول وبعدين اتكلمي 
دخل والدها غرفته وصفع الباب فيما امسكت فريده بحقيبتها بشده وهي تبكي وتقول : والله يماما دا واحد ابوه مريض عندنا واغمى عليا ووصلني عشان مكنش في تكاسي ف منطقة الزهور اهيء 
ناهد : ماشي طب اغسلي وشك وغيري وانا هحضرلك لقمه عشان شكلك تعبانه فعلا وهدخل اكلم ابوكي 
دخلت فريده غرفتها ووضعت حقيبتها على الفراش فيما كانت تمشط شعرها ثم ذهبت الى الفراش ونامت من كثر البكاء 
; في الفيلا الخاصه بجمال باشا والد هشام 
نزلت تلك السيده الانيقه على الدرج عندما رأت هشام يغلق باب الفيلا ثم قالت بصوت مسموع : بابا اخباره ايه يا هشام 
لوى هشام فمه في سخريه وقال : ما حضرتك مش فاضيه تعرفي اخباره الله يكون ف عونك هتلاقيها مننا ولا من اجتماعات سيدات المجتمع 
غضبت والدته وقالت : ولد ! ازاي تكلمني بالاسلوب دا ؟
هشام : لو سمحتي يا ماما انا جاي اخد حاجة بابا وراجع المستشفى تاني ومش ف المود ان اخش ف اي نقاش او مشاكل 
وصعد وتركها ليذهب لغرفة ابيه ويأخذ اغراضه 
; في سيارة فؤاد 
جاء لينزل ويغلق السياره وجد تحت مقعد فريده قلاده على شكل نصف قلب ذهبي; .. انحنى ليلتقطها واستطاع أن يقرأ الحرف المنقوش على القلاده بوضوح  (H) ف عقد حاجبيه في اندهاش ..


يتبع الفصل الخامس اضغط هنا
  • الفهرس يحتوي على جميع فصول الرواية كاملة :"رواية مرت أعوام" اضغط على اسم الرواية
رواية مرت أعوام الفصل الرابع 4  بقلم نهلة جمال
ranosha

تعليقات

ليست هناك تعليقات
إرسال تعليق
    google-playkhamsatmostaqltradent