رواية فجر جديد الفصل الرابع 4 - بقلم إيمــــان

الصفحة الرئيسية

     رواية فجر جديد الفصل الرابع 4 - بقلم إيمــــان

رواية فجر جديد  - بقلم إيمــــان

* رواية فجر جديد الفصل الرابع 


اتجه رفعت الى ندى وقال وهو يهب واقفا

يلا تعالى معايا 

فقامت ندى وسارت خلفه الى ان وصلوا الى حجرة ملاصقة لمكتبه كانت حجرة كبيرة ملئه بدواليب بها دوسيهات كثيرة

قال لها : بصى يا أستاذة ندى الاوضة دى حنفضيها فى خلال ساعتين قولى تلاته وبعدين حضرتك حتستلميها واجبلك الصنيعية وتقلبيها مطبخ ،مطبخ كامل من مجميعه حللك وشوكك وكله كله حتجهزيه زى اى مطبخ فى اى بيت عشان ترتاحى فيه انا بصراحة كنت حقوم بالمهمه دى واجيب ناس تجهزهولك بس قولت انتى تجهزيه بنفسك احسن لسببين

ردت على الفور : سببين ! هما ايه السببين دول 

اولا عشان تبقى مرتباه بنفسك وعلى مزاجك فتكونى مرتاحة اكتر فى الشغل فيه

وثانيا خوفت اقول لعم شوقى خليها تستنى لما نجهزلها مكان يفكر انى لغيت الموضوع بس بشياكة ويزعل . عشان كده قولت ده انسب واحسن حل

ممكن سؤال

اتفضلى

هو ليه حضرتك شوية تقوله استاذ وشوية تقوله ياعم شوقى 

ضحك رفعت ثم قال : اه بصى بقه واحنا بنشتغل وفى الرسميات يبقه استاذ لكن لما اكون عنده فى بيته او بره الشغل يبقه عمى

عم شوقى ده معايا من اول ما بدءت شغلى الخاص بيا انا لوحدى وكان دايما بينصحنى وانا كنت باخد برأيه وفعلا رأيه كان بيطلع الصح لو اتعارض مع رأى وانا بحبه زى والدى الله يرحمه

الله يرحمه ويحسن اليه



يلا بقه نبتدى الشغل

شغل انا حعمل طب دلوقت

دلوقتى تروحى لاخر الكردور ده لعم صبحى وتعمل لى فنجان قهوة مظبوط عشان نشوف بقه حنثبتك فى الشغل ولا ايه

ضحكت ندى وهى تقول :حاضر وربنا يستر بقه

وانا حتصل بالعمال عشان يجوا يفضوا الاوضة ومن بكرة حنجيب الناس اللى تجهز لحضرتك المطبخ 

طب بس مش تستنى حضرتك لما تدوق القهوة الاول

اه صحيح فين القهوة يلا بسرعة

ثوانى وحتكون عند حضرتك

واتجهت ندى للبوفيه وعاد رفعت لمكتبه وما هى الا ثوانى بسيطة ودخلت عليه ندى وهى تحمل صينية وعليها فنجان القهوة المظبوط ووضعت الفنجان امام رفعت وهى تقول : اتفضل

رفع رفعت الفنجان على الفور واخذ منه رشفة واغمض عينيه وقال : لالالا كده مش حينفع خالص

فردت ندى على الفور : ايه فنجان القهوة معجبش حضرتك خلاص اترفدت من اول يوم

ضحك رفعت وهو يضع الفنجان على فمه للرشفة الثانية وهو ينظر لها ويقول : أنا قولت شطرة فى الاكل والحلويات اكيد مش بتعرفى 


تعملى قهوة ما هو لازم تبقى خيبة فى حاجة لكن تطلع كمان القهوة تحفة كده دا انتى حتخلينى ارفد صبحى

فانفجرت ندى فى الضحك وهى تقول : طب وعم صبحى ذنبه ايه بس عشان يترفد

عشان المش عارف ايه اللى كان بيشربهولى كل يوم ، دا مكنش قهوة نهاااااائى

يعنى انا كده خلاص اتثبت

اكيد طبعا ودى عوزة كلام انتى متثبته من قبل ما تيجى من بيتكم 

ضحكت ندى وشكرت رفعت واتجهت نحو الباب ولكنها توقفت فجأة واستدارت لتقول 

طب انا دلوقتى حعمل ايه باقى اليوم كده انهاردة مفيش طبيخ ولا حاجة 

طب اقولك على حاجة حلوة ايه رأيك تروحى المحل بتاع المطابخ تختارى لون المطبخ وكده يعنى وكمان تروحى محل ادوات المطبخ اللى بنتعامل معاه وتختارى كل ادواتك انا عاوز خلال يومين يكون كل شىء جاهز ماشى

حاضر أبيه اقصد أستاذ شوقى مفهمنى ان حضرتك بتحب السرعة والنظام فى الشغل

ايوة كده كويس انك فهمتينى كده على طول وقولتى استاذ شوقى

ما خلاص عرفت الفرق

شكلنا كده مش حنتعب مع بعض يلا حتصل بعم محمد واقوله يجهز العربية على ما تنزلى وحتصل كمان بأستاذ شوقى واقوله انك خلاص استلمتى شغلك



طب استأذن انا بقه

اتفضلى

عاد رفعت الى المنزل فستقبلته دادة سيدة وهى تقول : احضرلك الغدا

لالا انا عاوز انام وبس ولما اصحى حبقه اتغدى 

ودخل غرفته وغير ملابسه ومدد على سريرة ولكن فجأة تذكر ضحكت ندى فى الصباح وظل مبتسما  لثوانى معها

لتقع عينيه على صورة هيام فتوقف عن الابتسام وهب واقفا امام صورتها يطلب منها السماح لانه تذكر غيرها وجلس يحدث نفسه

ايه الحكاية يا رفعت اول مرة شوفت فيها ندى فضلت صورتها فى خيالك طول اليوم وانهاردة بتفكر فى ضحكتها ايه هى جتخدك من هيام ولا ايه ؟؟؟

لالالا محدش يقدر يخدنى من حب حياتى الوحيد انا بس عشان كنت شايف الحزن دايما فى عنيها وعلى وشها وانهاردة شوفتها بتضحك ومن قلبها وانا كمان السبب ففرحت وكمان ضحكتها طلعت حلوة اوى 

تانى تانى لالا انا انام احسن.

* يتـبـــــــــــــــــــــــع الفصل الخامس اضغــــــــط هنا

* الفهرس يحتوي على جميع فصول الرواية " رواية فجر جديد " اضغط على اسم الرواية


author-img
DoOoBy

تعليقات

ليست هناك تعليقات
إرسال تعليق
    google-playkhamsatmostaqltradent