رواية ويشاء القدر الفصل السابع والثلاثون بقلم أية محمد
رواية ويشاء القدر الفصل السابع والثلاثون
ياسمين متوترة جدا و هاجر و أيه بيدوروا علي موبايلاتهم لكن محدش لاقي موبايله
أيه هتروح لـ ماجد
أيه : ماجد
ماجد : نعم يحبيبتي .
أيه : موبايلي فين ؟
ماجد : مش معايا .
أيه بتوتر : انا مش لايقه موبايلي .
ماجد : ممكن تكوني سيبتيه فوق أو نسيتيه يحبيبتي .
أيه : لا أنا جيباها و منستهوش و واخداه و أنا نازلة .
ماجد : طب أهدى و روقي .
____________________
هاجر ما زالت بتدور علي الموبايل و لكن هتلاقيه تحت الكرسي .
هاجر : الحمدلله .
ياسمين : رني بسرعة علي ساجدة .
هاجر : حاضر .
هاجر هتفتح الموبايل و ترن علي ساجدة لكن ساجدة هتكون جات
أيه : ساجدة كنتي فين ؟
ياسمين بقلق : ايي كل دا .
عمرو هيسيب الشباب و يجري علي ساجدة
عمرو : هاا طمنيني .
ساجدة بفرحة : انا حامل .
كلهم هيندهشوا من الخبر و هيفرحوا جدا و خصوصا عمرو .
ياسمين : بجد ؟
ساجدة بفرحة : ااه .
هاجر : مبروك ليكوا .
عمرو : الله يبارك فيك .
ياسمين بفرحة : مبروك ليكي يحبيبتي و مبروك ليك يعمرو
ساجدة : الله يبارك فيكي يارب .
تاليا : طب يجماعه دلوقتي بقي نسيبها ترتاح عشان هي محتاجة راحة .
ياسمين : اطلعي معاها يتاليا و خلي بالك منها .
عمرو : خليكي يتاليا انا هطلع معاها .
عمرو و ساجدة هيطلعوا فوق و البنات هيحضنوا بعض .
____________________
صباح يوم جديد ، بفرحة كبيرة الكل كان مستنيها .
رضوي هتوصل المطار و ماجد هيكون في انتظارها .
أمام المطار .
ماجد : اي كل دا تأخير .
رضوي : مش ناقصة هزارك ع الصبح الواكد جاي قرفان و مش طايق نفسه .
ماجد : ليه بس كدا يقمر .
رضوي : مرات عمك يسيدي ، انا مش عارفه عمك يوم ما قرر يتجوز ملقاش غير دي .
ماجد : ربنا يرحمه .
رضوي : يارب .
ماجد : يلا عشان منتاخرش .
رضوي : ااه يلا .
هيركبوا العربية و يمشوا .
____________________
ياسمين بتجهز و معاها البنات كلهم بيجهزوا و الميكب ارتست موجودة معاهم .
تاليا : يلا يجماعه انجزوا .
ياسمين بتوتر : متوترنيش اكتر ما انا متوتره .
الميكب ارتست " ملك " : أنا كدا خلصت فاضل بس الطرحة هروح أنادي لـ صحبتي تيجي تعملهالك و يبقي كدا تمام .
ياسمين : تمام .
ملك هتروح تنادي لـ صاحبتها عشان تلف الطرحة لـ ياسمين .
ساجدة : قمر يحبيبتي ماشاء الله .
ياسمين : دي عيونك يقمر .
هاجر : ماشاء الله ربنا يحميكي يارب .
تاليا : يارب و اشوفك عروسه قريب عشان نخلص منك بقي .
هاجر بزعيق : لسه بدري يحبيبتي متقلقيش .
ياسمين : ربنا يفرحك يارب و اشوفك أجمل عروسة يارب .
هاجر : ان شاء الله يحبيبي .
____________________
هيمر الوقت رضوي هتوصل هي و ماجد و بعدين رضوي هتطلع عند البنات عشان تلبس و ياسمين هتكون خلصت و نزلت عشان تتصور هي و أحمد
رضوي : هاا يبنات خلصتوا .
ساجدة : انا خلصت .
تاليا : لسه بس الطرحة و اخلص .
أيه : و أنا .
هاجر : ألبس أنهى فستان ي جماعة دا و لا دا
و تشاور علي فستانين موجودين علي السرير واحد أسود و عليه ورد و التاني أبيض سادة .
تاليا بزعيق : انتي ي بت لسه ملبستيش ، الله يخربيتك .
ساجدة : ياسمين قالتلك البسي الأبيض صح ؟
هاجر : ااه يجماعه بس انا عيزاها تكون هي الوحيدة اللي فينا لابسة أبيض فـ بقول البس الأسود و انا مش عايزه البس اسود .
أيه : طب ي جماعة أنا خلصت يلا عشان ننزل اكيد دلوقتي الناس جم .
تاليا : يلا خودوني معاكوا .
رضوي : و انا يلا .
كلهم هينزلوا و هيفضل ساجدة و هاجر
ساجدة : البسي الأبيض و أنجزي .
هاجر بضيق : حاضر .
____________________
جلسة التصوير لـ أحمد و ياسمين خلصت و الفرح هيبدا بعدها علي طول .
في بداية الفرح هيرقصوا سلو و الكل واقف حواليهم بيصوروا و كلهم فرحانين جدا .
ساجدة قاعدة جمب عمرو .
عمرو : قومي لو عايزة تقفي .
ساجدة : لا مش قادره اقف إطلاقا .
عمرو : خليكي قاعدة مرتاحة أحسن .
ساجدة : حاضر ، انت كويس ؟
عمرو : كويس بوجودك .
____________________
هتنتهي فقرة الاسلو و البنات هيطلعوا يرقصوا مع ياسمين و الشباب مع أحمد .
الفرح موجود فيه ناس كتير جدا و كان واضح أن أصحاب ياسمين و أحمد كتار جدا و حقيقي الكل كان فرحان ليهم جدا .
في نهاية الفرح ياسمين هتدي بوكيه الورد لـ هاجر و ترقص اسلو مع باباها و يتصوروا كلهم سوا في الآخر .
___________________
هيمر أسبوعين بعد الفرح .
أحمد و ياسمين في دهب و أيه و ماجد و ساجدة و عمرو في شرم الشيخ .
هاجر قعدت مع الدكتور محمد و هديل في شقتهم .
تاليا و علي قعدوا مع أيمن في شقته لحد ما ماجد و أيه يجو من شرم الشيخ .
____________________
أحمد و ياسمين واقفين علي شط البحر ساندين بعض .
أحمد : اي رايك في الجو .
ياسمين : بصراحة الجو جميل اويي .
أحمد : نيجي هنا كل صيف ؟
ياسمين : معنديش اي مانع .
أحمد : ماشي يستي .
ياسمين : كلمت بابا رفعت ؟
أحمد : ااه ، و بيسلم عليك يعم .
ياسمين : الله يسلمه .
أحمد : هو محدش كلمك من صحابك و لا اي ؟
ياسمين : هاجر مكلماني الصبح ، و تاليا رنيت عليها مرضتش .
أحمد : اممم ، أخبار هاجر و شادي اي ؟
ياسمين : حسيت إنها متضايقه كدا بصراحه محبتش اسألها فـ مش عارفه بقي .
أحمد : اممم ، اصل هو مكلمني امبارح و قالي انا هاجر متخانقين .
ياسمين : ربنا يهديهم ، هما كدا علي طول هنقول اي بس .
أحمد : شادي اصلا مش غاوي ارتباط و جواز .
ياسمين : اي السبب ؟
أحمد : يعني ملوش في الجو دا و انا استغربت جدا انه حب هاجر .
ياسمين : انت مقولتش الموضوع دا قبل كدا ليه ؟
أحمد : اقولك الولا مش غاوي يعني .
ياسمين : خلاص خلاص .
أحمد : تعالي ندخل جوا يلا الجو بدأ يسقع .
ياسمين : اوك يلا .
____________________
هاجر قاعدة في الاوضة و بتتفرج علي اللاب توب
هديل هتدخل عليها .
هديل : الجميل بيعمل اي ؟
هاجر : بتفرج علي مسلسل تركي .
هديل : اممم ، طب أنا كنت عايزه اتكلم معاكي في موضوع .
هاجر : اتفضلي يحبيبتي .
هديل : انتي مزعله شادي ليه ؟
هاجر : انا اللي مزعلاه و لا هو اللي مزعلني .
هديل : أياً كان مين مزعل التاني انتي عارفه طبعه ي بنتي و انتو الاتنين لازم تسندوا بعض .
هاجر : و أنا ذنبي اي ، مين اللي بيسهر مع صحابه و خارب الدنيا معاهم أنا و لا هو و مين اللي مش مستحمل التاني و مين اللي بيهتم بصحابه اكتر من اي حد ، ابقي قاعده مستناه بالساعات و حضرته قاعد بيضحك مع صاحبه و خاربها و لما اجي اسأله يزعقلي كان مين دا ان شاء الله عشان يزعقلي اومال لما نتجوز هيعمل اي ؟
هديل : يبنتي اهدي مش كدا ، حِلو الأمور بتاعتكو سوا و بهدوء ياريت .
هاجر : و الله انا عملت كل اللي عليا .
هديل : ماشي انا هحاول معاه .
هاجر : المهم انتي خارجه ؟
هديل : ااه انا و محمد رايحين خطوبة بنت صحبتي عايزه حاجه ؟
هاجر : عايزه اخرج زهقانه و عايزه افك عن نفسي شويه .
هديل : طب قومي البسي يلا و تعالي معانا .
هاجر : اوك .
هديل هتطلع برا و هاجر هتقوم تلبس عشان تروح معاهم الخطوبة .
____________________
في شرم الشيخ
أيه و ساجدة قاعدين مع بعض في مطعم مستنين عمرو و ماجد .
ساجدة : ما تيجي نطلب اكل شكلهم هيتأخروا .
أيه : نطلب أكل من غيرهم .
ساجدة : ما انا جعانه اعمل اي يعني ؟
أيه : من وقت ما حملتي و قربتي تبقي عجلة من كتر الاكل اللي بتاكليه .
ساجدة : مش لازم يتغذي يبنتي .
أيه : طب استني شويه دلوقتي هيجو .
ساجدة : طيب .
هيمر عشر دقايق و ماجد و عمرو هيجو .
عمرو : مساء الخير
ساجدة : انتو كنتو فين كل دا ؟
عمرو : كنا بنحجز تذاكر عوده .
أيه : هو الشهر خلص ؟
ماجد : لا يختي هنمشي بعد أسبوعين ، فـ يعني قولنا نروح نحجز .
أيه : اممم ، طب يلا نطلب أكل عشان انا جوعت .
ماجد : حاضر يستي .
ماجد و عمرو هيقعدوا و بعدين يطلبوا اكل .
____________________
تاليا بتحضر العشا مع أيمن و على قاعد بيتفرج علي فيلم اجنبي .
تاليا : يلا يحبيبي العشا جاهز .
علي : حاضر .
علي هيقوم يفصل التليفزيون و بعدين يروح يقعد علي السفرة و تاليا هتجيب بقيت الأطباق مع أيمن و يقعدوا يتعشوا .
أيمن : دوقوا بقي و قوليلي رايكوا .
علي : يعم انت اكلك على طول حلو مش محتاج .
أيمن : ماشي يسيدي .
علي : كلمت ماجد انهارده ؟
أيمن : ااه لسه مكلمه من شويه كان بيحجز تذاكر عوده .
علي : علي امته كدا ؟
أيمن : بعد اسبوعين ان شاء الله .
علي : ان شاء الله .
____________________
هيمر اسبوعين
ماجد و عمرو و أيه و ساجدة هيرجعوا المنصوره و كل واحد هيروح بيته .
ماجد و أيه أول ما يوصلوا البيت أيمن هيحضن ماجد .
أيمن : البيت وحش من غيرك يبني .
ماجد : واحشني اوي يحج .
أيمن : واحشني اكتر يحبيبي .
ماجد هيسند علي أيمن و يدخلوا يقعدوا جوا في الصالون و أيه وراهم .
تاليا و علي قاعدين في الصالون .
تاليا : يويو اخيرا .
أيه : وحشتيني .
تاليا : و انتي كمان وحشتيني اوي .
هيحضنوا بعض و بعدين يقعدوا .
علي : عملتها و سافرت من غيري .
ماجد : اول و آخر مره يدوك احنا آسفين .
علي : ماشي يسيدي .
تاليا : اومال فين ساجدة و عمرو .
ماجد : روحوا بيتهم .
تاليا : اممم .
أيمن : يلا يحبايبي ادخلوا ارتاحوا .
ماجد : حاضر يحبيبي .
أيمن : و حاجه كمان ، بما انك جيت يماجد فـ أحب اقول لـ علي انا مكنتش مستني ماجد يرجع عشان تطلع شقتك عشان انتو الاربعه هتقعدوا معايا و اي رفض من حد فيكوا و لا يلزمني و يلا بقي تصبحوا علي خير .
أيمن هيسيبهم و يدخل ينام .
علي : بقت كدا يعمي ماشي .
ماجد : ما انت هتقعد انت و مراتك هنا غصب عنك هاا .
علي : بالراحة طيب .
ماجد : حاضر ، يلا تصبحوا علي خير .
علي : و انت من اهل الخير يحبيبي .
ماجد هيدخل هو و أيه اوضتهم عشان يرتاحوا و علي و تاليا هيقعدوا قدام التليفزيون
____________________
ياسمين بتحضر الشنط و أحمد بيساعدها .
أحمد : ناقص حاجه و لا كدا تمام ؟
ياسمين بتعب : لا كدا تمام ، لسه فيه هدوم علي الكرسي وراك هاتهم .
و تشاور علي الكرسي اللي ورا أحمد .
أحمد : كدا تمام ، يلا عشان منتاخرش .
ياسمين : هلبس طرحتي و هاجي وراك .
أحمد : اوك يحبيبتي .
أحمد هياخد الشنط و ياسمين هتلبس طرحتها و تطلع وراه .
و هما في العربية .
أحمد : هاا نروح فين ؟
ياسمين : انت عايز تروح فين ؟
أحمد : القاهرة .
ياسمين : بس دراستي خلاص قربت .
أحمد : مش مشكله نقعد الوقت دا في القاهرة و لما الدراسه تبدأ نبقي ننزل المنصوره و لا يهمك .
ياسمين : طب و شغلك ؟
أحمد : شغلي هيبدا من بكرا في المنصورة و انا مش عايز اقعد في المنصوره فـ هروح و ارجع تاني القاهرة .
ياسمين : لا خلاص نروح المنصوره الجديدة بما اننا يعني لسه مقعدناش هناك .
أحمد : خلاص تمام .
أحمد هيسوق العربية و يمشوا .
____________________
هيوصلوا بيتهم في المنصوره الجديدة الساعه ٦ الصبح .
هيناموا علي طول أول ما يوصلوا و بعد الضهر هيروحوا المنصوره .
رفعت هيكون في انتظارهم في بيت أيمن و كلهم هيكونوا قاعدين مستنينهم .
رفعت بقلق : هما اتاخروا كدا ليه ؟
ماجد : هما في الطريق خمس دقايق و هيوصلوا بإذن الله .
الدكتور محمد : وحشوني اوي .
أيمن : و مين سمعك .
الجرس هيرن تاليا هتقوم تفتح .
أول ما تاليا تفتح الباب هتلاقي ياسمين في وشها
ياسمين بصوت عالي : مفاجأه .
تاليا : مفاجاه اي بس الله يحرقك قطعتيلي الخلف .
ياسمين : يختي اوعي كدا هي دي المقابلة .
ياسمين هتزقها و تدخل تحضنها و بعدين تدخلهم جوا في الصالون و أحمد وراها .
ياسمين : وحشتوني جداا .
هديل : و انتو اكتر و الله ، بس اي الحلاوة دي هاا و تغمزلها .
ياسمين : بس بقي عشان بتكسف .
أيمن : نورتونا يشباب .
أحمد : بنورك يحبيبي .
أحمد هيسلم علي الكل و بعدين باباها و يقعد جمبه .
أحمد : اومال خالتو فين ؟
هديل : في المطبخ متقلقش .
أحمد : اممم .
رضوي هتطلع من المطبخ و معاها كيك .
رضوي : عملالكوا كيك إنما ايي حكاية .
كلهم هيضحكوا و أحمد هيقوم يسلم عليها و ياخد منها الطبق .
أيمن : انا خايف علي المطبخ اللي جوا بعد اللي حصل فيه انهارده .
رضوي : متقلقش .
أحمد : طب اي يجماعه ندوق و لا اي النظام .
أيمن : خليكوا انا هقوم اوزع .
أيمن هيقوم يقطع الكيك و يدي لـ كل واحد قطعه و معاها قطعه شوكولاتة .
___________________
بعد ما يخلصوا البنات هيدخلوا المطبخ يحضروا العشا و يتعشوا و كل واحد يروح بيته .
أحمد و ياسمين هيفضلوا قاعدين .
ياسمين : هاا نمشي دلوقتي و لا اي ؟
أحمد : أظن مش هنعرف نمشي دلوقتي فـ نستني ساعتين كدا و لا حاجه و نمشي .
ماجد هيدخلهم و هو بيعدل في قمصيه .
ماجد : طب يجماعه انا خارج انا و أيه عايزين حاجه ؟
علي : خارج فين ؟
ماجد : نسهر برا .
أحمد : هو مينفعش نيجي معاك ؟
ماجد : يحبيبي دا انت تنور يلا .
أحمد : تمام يحبيبي .
أحمد و ياسمين هيخرجوا مع ماجد و أيه يسهروا برا سوا و علي هيطلع شقته يخلص شغله و تاليا هتقعد مع أيمن .
____________________
أيمن و تاليا قاعدين بيتفرجوا علي التليفزيون
أيمن : الولا زعلك ؟
تاليا بضحكة : لا متقلقش .
أيمن : لو زعلك قوليلي و مش هسيبلك حته فيه سليمه .
تاليا : لو زعلني هقولك علي طول .
أيمن : ماشي .
تاليا : بس برضو مش هتقولي ازاي ؟
أيمن : ازاي اي ؟
تاليا : ازايي كل دا ، بتعمل كل حاجه لواحدك و شايل كل حاجه .
أيمن : الواحد لما بيتعود علي حاجه يبنتي مستحيل يبطلها او بمعني اصح صعب يبطلها .
تاليا : عندك حق ، بس ليه متجوزتش تاني ؟
أيمن : و تفتكري ان انا هلاقي واحدة زي مراتي الله يرحمها .
تاليا : أكيد مش هتلاقي نفس الطبع بس اكيد فيه احسن احتراما ليها طبعا .
أيمن : عايزه اقولك ان انا وقت ما كان مش معايا جنيه هي الوحيدة اللي فضلت جمبي ، اخويا نفسه موقفش جمبي الوقفه دي و عايز اقولك حاجه كمان شغلي دلوقتي دا هي كانت السبب في نجاحه بعد ربنا اكيد ، الحمدلله .
تاليا : الحمدلله .
أيمن : و انتي كمان جوزك محتاجك جمبه لازم تفضلي جمبه مهما كان .
تاليا : اكيد يحبيبي .
____________________
أحمد و ياسمين قاعدين على كورنيش النيل
ياسمين : ما تيجي نعيش هنا تاني و نرجع نستقر هنا .
أحمد : اشتري شقة كمان ليه ابن وزير .
ياسمين : بيع شقة القاهرة مش مشكلة .
أحمد : انتي شايفه كدا ؟
ياسمين : ااه هنا اقربلك عشان شغلك و انا عشان دراستي و في القاهره انت هبقي طول الوقت هنا و انا هناك و لواحدي مليش لازمه و كل حبايبنا هنا ليه بقي نسكن بعيد .
أحمد : خلاص ماشي الله تشوفيه بس اعتقد ان كل البيوت اللي هنا بتاعت ناس هنجيب منين ؟
ياسمين : مش شرط المكان دا بالضبط في اي حته هنلاقي .
أحمد : خلاص يستي هشوف مشتري و هبيع الشقة و نشتري بيت هنا .
ياسمين : انت برضو مش ناوي ترجع البيت .
أحمد : لاا ، اروح هناك اعمل اي .
ياسمين : هو بابا مقلكش حاجه ؟
أحمد بتوتر : حاجه اي .
ياسمين : سوزان مشيت من البيت .
أحمد : مشيت ازاي و ليه ؟
ياسمين : تقريبا شدت مع بابا شويه و بعدين سابت البيت و مشيت هي و رحمه و قالتله مش راجعه تاني .
أحمد : غريبة بابا متكلمش معايا في حاجه زي دي .
ياسمين : يعني هيقولك و الكل كان قاعد .
أحمد : عندك حق ، طب و العمل دلوقتي .
ياسمين : رن عليه شوفه لو لسه منمش .
أحمد : تمام .
أحمد هيرن علي رفعت
أحمد : الو .
رفعت : ايوا يحبيبي فيه حاجه و لا ليه ؟
أحمد : كل خير ان شاء الله ، انت قاعد لواحدك
رفعت بتوتر : ااه يبني .
أحمد : انا جاي انا و ياسمين .
رفعت بتوتر : مستنيكوا .
يتبع الفصل الثامن والثلاثون اضغط هنا
- الفهرس يحتوي على جميع فصول الرواية كاملة :"رواية ويشاء القدر" اضغط على اسم الرواية