رواية لن تغفر لك الجزء الثاني 2 الفصل السادس بقلم الاء محمد
رواية لن تغفر لك الجزء الثاني 2 الفصل السادس
أمــا عــنك .. فأنت لغتي التي لا أجيد التحدث إلا بها وتخفق النبضات لك وتتعطش الاوردة في غيابك والعشق فيك ولك يملأ اوردتي ولاشي يغُريني كهمس أنفاسك❤️
صباح يوم جديد صحيت انجي وهي مبسوطه قامت صلت و حضرت الفطار و فطرة هي وأبوها و دخلت عشان تلبس وفجاء الفون بتاعها رن
انجي .. الو
خالد .. صباح الخير صحيتي
انجي .. ايوا من بدري
خالد .. هتعملي ايه النهارده
انجي .. هروح الشغل عشان قاعة كتير
خالد .. تحبي اجي اوصلك
انجي .. مش عاوزه اعطلك
خالد .. ياريت كل العطله تكون كدا اجهزي وانا هعدي عليكي اوصلك
انجي .. اللي تشوفه حاضر
قفلت انجي وهي مبسوطه و طايره السعاده عشان تلبس وبقت تفتكر اللي خالد عمله في المعلم حسن
★★ فلاش باك★★
خالد من بعد ما ضرب رجالت المعلم حسن راح واقف قدامه بكل غرور وقال
خالد .. لو كنت فاكر أن شويت العيال دول يقدرو يمنعوني عنك تبقا غلطان وراح اد المعلم حسن حته بونيه وقعته علي ضهره المعلم حسن بقا شكله وحش قدام الناس راح قام بكل غيظ و ماسك الكرسي بتاع القهوة وهيضرب بي خالد راح خالد بحركه سريعه موقع المعلم حسن في الأرض وراح ماسك الكرسي نزل بي علي رأس المعلم حسن عوره فيها وجابت دم واتكلم وقال
خالد بشر .. انجي خط أحمر ولو عرفت انك اتعرضتلها تاني انا اللي هقفلك مفهوم وقال كلمته الاخيره بصوت عالي
المعلم حسن بخوف وهو مش مجمع كلمتين علي بعض .. م م مفههوم يا باشا توبا والله توبا أقرب ليها تاني وصلت كنزي و زين اللي جريت علي خالد واتكلمت بخوف ظاهر في عينيها علي خالد
كنزي .. خالد انت كويس حد اتعرضلك
خالد .. متخفيش انا تمام
زين .. يا حبيبتي متخفيش علي اخوكي خافي علي اللي مرمين علي الارض دول
خالد .. زين الراجل ده يتعمله محضر عدم تعدي ل انجي ولا ابوها
زين .. متخفش انا هظبط الدنيا
خالد راح طالع علي انجي اللي كانت خايفه علي خالد واول مخبط الباب قامت من حضن ابوها و فتحت الباب بسرعه
انجي .. خالد انت كويس حصلك حاجه
خالد .. متخفيش انا تمام محصلش حاجه
انجي كان في عينيها خوف واهتمام بخالد كان باين للكل و خالد كان مبسوط با خوف انجي عليه و كنزي كمان كانت فرحانه ان اخوها لقي البنت اللي قبله دق ليها و هي كمان قلبها دق لي
خالد راح قرب من ابو انجي و نزل علي ركبته
خالد .. تسمحلي يا عمي اني اطلب ايد بنتك انجي
انجي أول ما خالد قال كدا بقت فرحانه وعيونها بقت بتلمع ووشها نور رح عم سيد بص علي بنته
عم سيد .. انا يشرفني يا ابني ومش هلاقي حد كويس ل بنتي غيرك
خالد .. وانا اوعدك طول منا عايش محدش هيقرب منها و هحطها جوا قلبي و فوق راسي
خالد بس علي انجي و عيونه كلها حب ليها وانجي كمان عينيها اتقبلت مع عيون خالد راحت اتكسفت
كنزي .. مبروك يا انجي مبروك يا حبيبتي ربنا يسعدكم انتي و خالد
كلهم امنو وراها والفرحه مش سيعاهم
★★نهايه فلاش باك★★
خلصت انجي لبس و نزلت تستنا خالد تحت قدام العماره وعينيها جت علي المعلم حسن اللي كان لفف رأسه بشاش راحت ضحكت وقالت
انجي بضحكه .. الف سلامه يا معلم ده مين اللي باسك كدا 😂
المعلم حسن .. ولا يا سندق تعالي شيل الشيشه والكرسي دخلهم جوا عشان اشوف اكل عيشي
انجي بقت مش قادره تمنع نفسها من الضحكه راح وصل خالد ونزل فتح الباب ليها وركبوا سواء
بقلمي الاء محمد
★★★★★★★★★★★★★★
ادهم كان طول الليل مش عارف ينام باله مشغول بجميله اللي من ساعة مهو جي و هي علي طول بتهرب منه و مبقاش يشوفها خالص راح نازل وراح حتي الحصان بتاعه اللي كان متعود يركبه علي طول قبل ميسافر الحصان اول مشاف ادهم بقا يعمل صوت عالي و بقا فرحان بشوفت صاحبه اللي كان غائب علي طول عنه وكان بيشوف جميله بس اللي كانت بتطمن عليه عشان كان بيفكرها ب ادهم حب الطفوله راح ادهم ماسك الحصان و راح ركبه وفضل يمشي بي في البلد شويا وسط نظرات الإعجاب من البنات و الترحاب من رجاله البلد
وصل ادهم البيت وقبل ميدخل لقي جميله دخله المطبخ عند تفيده واتكلمت وقالت
جميله .. الفطور بقا جاهز اهو وانا فطرت كمان هطلع أنا بقا فوق
تفيده .. وبعدهالك يا جميله بقالك يومين علي الحال ده
جميله .. كدا اريح يا عمتي انا مش عاوزه مشاكل مع الحاج ابراهيم
تفيده .. طب وادهم زنبه ايه في ده كله
جميله .. انا بعمل كدا عشان خاطر ادهم ياعمتي
تفيده .. كيف يعني انا مش فاهمه
جميله .. ادهم يستاهل واحده احسن مني ومش معقول هيوقف في وش ابوه عشان خاطري
تفيده .. وادهم هيلاقي زيك فين ده انتي جمال و علام و ادب وفوق ده كله بتحبيه
جميله .. انتي بس اللي شيفاني كدا يا عمتي لكن الحاج ابراهيم مش هيوافق وانا مش هكون سبب في أي مشاكل بين ادهم و الحاج ابراهيم
ادهم كان سامع كلام جميله وفهم أن هي بتتهرب منه بسبب أبوه وبقا مستغرب كلامها
ادهم في نفسه .. ازاي قلبك طاوعك تقولي كدا يا فرح انا من غيرك ولا حاجه وانتي اللي انا استهلها محدش يقدر يبعدني عنك حتي لو مين
بعد الفطار ابراهيم قام راح ادهم واقف وقال ل ابو
ادهم .. ابويا انا عاوزك في موضوع
ابراهيم .. خير يا ولدي تعالي نتكلم في المكتب
ادهم .. خير يا بوي أن شاء الله
راح ابراهيم المكتب و ادهم دخل وراه وإبراهيم قاعد علي المكتب وادهم فضل واقف
ابراهيم .. خير يا ولدي عاوز تقول ايه
ادهم .. خير يا بوي انا ناويت اتجوز
ابراهيم .. عين العقل يا ولدي وانا عندي ليك العروسه كمان
ادهم باستغراب .. عروسة ايه يابوي انا عاوز اتجوز جميله بنت خالي
ابراهيم قام بعصبيه و راح ضارب العصايه في الأرض وقال
ابراهيم .. انت مهتتجوزش غير فرح بنت عمك اسماعيل
ادهم .. فرح ميين وعمي اسماعيل ايه مش ده اللي انت و جدي كنتو مقطعينه زمان ايه فكرك بيه
ابراهيم .. ملكش صالح انت ايه فكرني بيه دلوقتي المهم أن انت مهتتجوزش غير فرح ولا عاوز تعبي وشجايه يخدو الغريب علي الجاهز
ادهم .. تعبك ايه انا مش فاهم حاجه يابوي انت قصدك ايه
ابراهيم .. بنت عمك اسماعيل ورثت من جدك زيها زيك ويمكن اكتر كمان
ادهم .. يعني جوازي منها عشان الفلوس طب وجميله يابوي انا بحبها
ابراهيم .. حب ايه و كلام فارغ ايه انا بقول ايه وانت بتقول ايه انا مش فاضي لحديتك الماسخ ده
وراح ساب ادهم واقف مكانه وطلع برا المكتب
بقلمي الاء محمد
★★★★★★★★★★★★★
خالد خلص شغله و راح نازل ركب العربيه وراح واقف قدام بتاع مجوهرات نزل من العربيه واول مدخل صاحب المحل قام رحب بيه
صاحب المحل .. بشمهندس خالد الدمنهوري يا اهلا وسهلا اتفضل يا بشمهندس
خالد .. أهلا بيك يا عادل اخبارك ايه
عادل .. بخير يا بشمهندس طلب حضرتك ايه المرادي هديه للهانم الصغيره
خالد .. لا المرادي انا اللي هاخد الهديه مش كنزي عاوز تشكيلت خواتم الخطوبه
عادل .. الف مبروك يا بشمهندس حالا اللي طلبته يكون عندك
خالد بقا يشوف الخواتم ويتخيل انجي وهي في أيدها الخاتم وبقا مبسوط راح لفت انتباهه خاتم شكله جميل راح اختاره وجاب كمان ليها سلسله رقيقه شكل النجمه عشان هي نجمته اللي منوره دنيته خد خالد الحاجه وراح راكب العربيه عشان يوصل انجي وصل عند مكان شغل انجي ومفيش دقايق لقاها نزلت راح واقف قدامها
انجي يتفاجا .. خالد
خالد بابتسامة تخطف القلب .. ممكن اوصل خطيبتي لحد باب بتها
انجي بسعاده .. اكييد طبعا هو انا اطول بشمهندس خالد الدمنهوري يوصلني بنفسه
خالد بضحكه عاليه .. ماشي يا بكاشه اركبي
انجي تاهت في ضحكت خالد اللي كان فرحان هو كمان أن لقي نصه التاني وتؤام روحه ركبت انجي وخالد وصلها لحد باب البيت وقبل متنزل
خالد .. انجي
انجي .. نعم يا خالد
خالد .. بليل هاجي انا وبابا كنزي و زين عشان الخطوبه تبقا رسمي
انجي بفرحه معرفتش تخبيها .. تنورو في أي وقت طبعا وراحت طلعه تجري وهي طايره من السعاده
ضحك خالد عليها وراح ماشي عشان يستعد
بقلمي الاء محمد
★★★★★★★★★★★★★★
في مكان تاني كانت قاعده روز هي وناني بيشربو القهوه في الجنينه بتاعة الفيلا اللي عايشين فيها
روز .. مش هتصدقي يا مامي شوفت مين
ناني وهي بتشرب القهوه .. مين يعني يا روز
روز .. دكتور ركان ابن طنط سميحه الله يرحمها
ناني .. بجد هو عامل ايه من ساعت العزاء بتاع سميحه وانا مشفتهوش
روز .. شكلو كويس و المستشفى بتاعته انما ايه تحفه يا مامي
ناني .. انا سمعت أن هو و البنت اللي اسمها فرح دي رجعو لبعض
روز .. فرح مين دي يا مامي وايه حكايتها
ناني .. دي بنت كان بيحبها زمان وكان عاوز يتجوزها بس سميحه مكنتش موفقا
روز .. ايه يتجوزها لي بقا
ناني .. بيقولو عندو ولد منها بس محدش يعرف الكلام ده حتي سميحه عرفت قبل ماتموت بحاجات بسيطه
ناني بمكر .. ولد منها اممم قولتيلي وراحت ضحكت بخبث و كملت شرب قهوه و عماله تفكر
بقلمي الاء محمد
★★★★★★★★★★★★★★
أما عند فرح كان عندها عمليه صعبه بس عدت علي خير عشان هي متمكنه في مجالها خلصت وراحت علي المكتب بتاعها وطلبت قهوه عشان تعرف تركز بعد كدا وكان باين عليها الإرهاق جدا فجاء دخل ركان اللي قلق عليها لما شافها ساندا ضهرها علي كرسي المكتب ومغمضه عينيها راح واقف وراها وبقا يعملها مساج ليها وهي استرخت خالص وفتحت عينيها وبقت نشوف ملامح ركان اللي هي اصلا محفوره جواء قلبها راح ركان موطي عليها و اتكلم و قال
ركان .. شكلك مرهق اووي قومي روحي ارتاحي في البيت شويا
فرح .. فعلا انا حاسه اني تعبانه اووي وكمان مقصره في حق مالك خالص وسيبا علي ماما
ركان .. خلاص قومي ارتاحي وانا بليل هاعدي عليكي نتعشاء برا انا وانتي وناخد مالك ايه رئيك
فرح .. هي فكره حلوه بس ايه رئيك لو انت اللي تيجي تتعشاء معانا في جو أسري جميل كلنا سواء
ركان .. انا معنديش مانع المكان اللي انتي فيه انا كمان هكون في
فرح مرا واحده راحت قربت من ركان وطبعت علي خده بوسه كلها حب وغرام ركان بقا مستغرب فرح اللي اول مره هي اللي تبداء في بحاجه زي كدا
فرح .. انا بحبك اووي يا ركان♥️
ركان .. انا بعشقك يا فرحة عمري ❤
فرح لمت حاجتها عشان تمشي و ركان بقا حاسس ان قلبه مقبوض مش عارف ايه السبب مرا واحده فرح وقفت وبصت علي ركان اللي استغربها
فرح .. ركان هستناك هستناك يا ركان
واختفت من قدامه خالص وصلت فرح علي باب العماره ونزلت من الاوبر وهي مش واخدا بلها بلي واقف مستنيها وقبل ما فرح تدخل العماره كانت تهاني ومالك وقفين في البلكونه وعنيهم علي فرح وفجاء جات عربيه من وراء فرح ونزل منها واحد مخبي وشه وماسك في أيده منديل عليه مخدر وراح خطه علي وش فرح بقت في دنيا تانيه وحطها في العربيه و بعد كدا بقا فص ملح ودأب
تهاني من فوق كانت شايفه فرح راحت صرخت بصوت علي
تهاني بخوف .. فراااااااح 😳
دخلت تهاني ومسكت التلفون وبقت تتصل علي ركان اللي استغرب الاتصال وقلبه بقا مقبوض راح رد بسرعه والخوف متملك منه
ركان .. الو
تهاني .. الحق فرح انخطقت يا ركان
ركان بصدمه .. فرح 😳😳
تفتكرو ركان هيعمل اييه
وادهم هيوافق علي كلام ابوه
وايه رئيكم في اللي خالد عمله في المعلم حسن
وابراهيم هيعمل ايه في فرح
يتبع الفصل السابع اضغط هنا
- تابع الفصل التالي عبر الرابط: "رواية لن تغفر لك" اضغط على اسم الرواية