رواية ويشاء القدر الفصل التاسع والعشرون بقلم أية محمد
رواية ويشاء القدر الفصل التاسع والعشرون
هتقفل المكالمه معاها ، و هتقوم تعدل أحمد علي السرير و تطلع برا تروح علي المطبخ و تطبخ .
هاجر في جامعتها عندها امتحان لأنها داخله مسابقة ، هتدخل مكتب الدكتور و هيكون قاعد معاه واحد .
____________________
هاجر : صباح الخير يدكتور
الدكتور : صباح النور يـمشرفانا
هاجر : تسلم يادكتور هنبدأ الامتحان و لا حضرتك مشغول .
الدكتور : لا هنبدأ اعرفك الاول دكتور شادي اخو الدكتوره نادية هو اللي مسؤول عن الورق بتاعك و هو اللي هيراقب عليكي و هيسلم ورقك .
هاجر : حضرتك يدكتور متفق معايا انك مسؤول عن كل حاجه .
الدكتور : عندي شغل في المؤسسه و همشي .
هاجر : تمام يدكتور .
الدكتور : يلا سلام .
يمشي الدكتور محمد و يسيبهم .
هاجر بهدوء : هبدا الامتحان ؟
شادي بصوت عالي : اه اتفضلي
هاجر : طيب فيه اي بتزعقلي كدا ليه ؟
شادي بصوت عالي : مبزعقش و اتفضلي عشان نخلص .
هاجر هتقعد و هتاخد منه الورق و هتعيط ، هتبدا تحل .
____________________
هيمر الوقت و هتخلص ورقتين
هاجر بضيق : انا حليت ورقتين هاجي بكرا اكمل الباقي اتفضل .
شادي : مين قالك كدا بقي ان شاء الله .
هاجر : محدش قالي يـ دكتور مكتوب المدة ينفع إنها تتقسم علي تلات ايام .
شادي : تمام ، اتفضلي .
تمشي هاجر و هتروح هتلاقي واحده صاحبتها جايه تهنيها قبل عيد ميلادها بيومين .
____________________
هاجر بفرحة : اي دا ؟ منه ، وحشتيني اوي
منه : كل سنه و انتي طيبه يروحي حبيت اكون اول واحده تحتفل معاكي بعيد ميلادك .
هاجر : ربنا يخليكي ليا يارب ، بس اي الحلاوه دي ؟
منه : دي عيونك و الله ، انتي كويسه ؟
هاجر : اه كويسه هو فيه حاجه و لا اي ؟
منه : باين عليكي ان فيه حاجه مزعلاكي .
هاجر : لا يحبيبتي مفيش .
هتطلع أيه من المطبخ و معاها تورته .
أيه : و ادي احلي تورته لـ احلى هجور في الدنيا .
هاجر : الله ، جميله اوي .
أيه : صاحبتك يستي اللي جيباها .
هاجر : حقيقي مش عارفه اقولك اي يمنه بحبك اوي .
و تحضنها .
منه : و انا كمان بحبك اوي .
هيقعدوا سوا و يتصوروا كام صوره و بعدين يقطعوا التورته .
___________________
ياسمين هتخلص تجهيز الغدا و تنادي علي رفعت من تحت و بعدين تصحي أحمد .
ياسمين : أحمد قوم يلا عشان تتغدي .
أحمد : هو انا نمت كتير و لا اي ؟
ياسمين : يعني حاجه زي كدا ، يلا قوم عشان اجيبلك الغدا و بعدين تتكلم مع باباك شويه .
أحمد : هو هنا ؟
ياسمين : اه خليته يجي يتغدي معانا .
أحمد : انا مليش نفس لـ اي حاجه يـ ياسمين اتغدوا انتو .
ياسمين : عشان خاطري .
أحمد : اوك ، بس هتغدي هنا لواحدي .
ياسمين : حاضر ثواني اجيب الغدا .
تطلع ياسمين المطبخ تجيبله الغدا و تستاذن من رفعت نص ساعه و بعدين تغدي أحمد و هتاكله بـ ايديها و بعدين هتخلص و تطلع تتغدي مع رفعت .
___________________
علي السفرة
رفعت : ساعديني ي بنتي انا معنديش حد أغلى منه و الله و مش عايز اشوفه زعلان .
ياسمين : متقلقش يبابا هيبقى كويس ان شاء الله .
رفعت : يارب .
هيتغدوا و بعد ما يخلصوا ياسمين هتدخل تغسل الأطباق و بعدين تدخل هي و رفعت يقعدوا مع أحمد .
رفعت : زعلان مني صح ؟
أحمد بحزن : لا عادي مقدرش ازعل منك .
رفعت : حقك عليا و الله حقك عليا .
و يبوس راسه و ياخده في حضنه .
أحمد بضيق : ليه تعمل كدا ليه ؟
رفعت : عشانك و عشان والدتك الله يرحمها ، مكنش عندي اغلي منكوا و كنت عايز اعوضكوا عن كل حاجه بس ملحقتش اعوض امك ، الحمدلله .
أحمد : هو انا ممكن اشوف صوره ليها ؟
رفعت : الصور كلها في المكتب اوعدك و انا راجع بكرا من الشغل هجيبلك كل الصور .
أحمد : انا عايز امشي من هنا .
رفعت : تمشي من هنا ازاي ي بني ؟
أحمد : هشتري بيت و هسيب البيت دا لـ مراتك مش عايز اقعد معاها في بيت واحد .
رفعت : هي مش كانت امك اي اللي جرا لكل دا .
أحمد : عمرها ما كانت امي و عمرها ما كانت جمبي كنت مستحمل اي حاجه منها عشان امي لكن دلوقتي انا بكرها عارف يعني اي بكرها انا متاكد ان مستحيل حد يقدر يعوضني عن امي الله يرحمها غير ياسمين .
رفعت : مكنتش عايزها تربيك و الله يـ بني بس غصب عني و اكيد ياسمين قالتلك .
أحمد : قالتلي بس دلوقتي خلاص كل الورق بقي اصلي و شهادة ميلادي رجعت اللي فيها اسم امي الحقيقيه فاطمه .
رفعت بدهشة : ازاي دا حصل ؟
ياسمين : عمرو رجع كل حاجه زي ما كانت و كلمني من شويه و قالي ان كل حاجه بقت تمام .
رفعت : سامحني يبني حقك عليا و الله .
أحمد : حصل خير المهم اني اطلع من البيت دا .
رفعت : حاضر ، بس لما تخف .
ياسمين : لما تخف يـ أحمد ان شاء الله نبقي نفكر في الموضوع دا سوا .
أحمد : تمام .
رفعت : انا نازل رايح لـ أيمن و محمد عايزين حاجه ؟
ياسمين : سلامتك يبابا .
و يمشي رفعت و يسيبهم و ياسمين هتقعد جمب أحمد .
____________________
ياسمين : للدرجه دي شايفني اغلي حاجه ليك .
أحمد : و هتفضلي اغلي حاجه ليا .
ياسمين : عندي خبر ليك و انا متأكده ان هيكون حلو بالنسبه لك .
أحمد : خبر اي دا ؟
ياسمين : مامتك ليها اخت اسمها رضوي و عايشه برا مصر اول ما قرات المقال علقت عليه ، ساجدة كلمتها و كانت طايره من الفرحه اوي انك بخير و كويس و انها قدرت بعد عمر طويل توصلك ، انا اتواصلت معاها و هي جايه بكرا و قولت لـ علي و ماجد يروحوا يجبوها من المطار .
أحمد بفرحة : اي دا بجد ؟
ياسمين : اه و الله ، حتي شوف .
و تفتح الموبايل بتاعها و توريله كل كلامها و ضحكته مش هتفارق وشه ابدا طول ما هو بيقرأ .
ياسمين : شايف ربنا كبير ازاي .
أحمد : اوي ، الحمدلله .
ياسمين : بقولك اي ، شكلك سهران صح ؟
أحمد : اكيد .
ياسمين : اي رايك نتفرج علي فيلم .
أحمد : اوك .
____________________
ياسمين هتقوم تفتح الشاشة و تجيب تسالي و تقعد جمبه علي السرير .
____________________
منه صديقه هاجر هتمشي و أيه و هاجر هيقعدوا سوا و تاليا برا مع علي بتجيب هدايا لـ هاجر .
أيه : مالك ؟ و متقوليش مفيش انا مش تايه عنك .
هاجر بزعيق : الدكتور اللي كان بيراقب عليا فضل يزعقلي جامد و اتعصب عليا انا لو مراته مش هيتعصب عليا بالشكل دا .
أيه : تلاقيها كانت مدياله علقه و لا حاجه فـ جه اتعصب عليكي .
هاجر : مش متجوز متقلقيش .
أيه بضحكه : اوعا بقي شكلها لعبت معاك يعم .
هاجر بزعيق : امشي من وشي .
أيه : ليه ؟
هاجر : امشي من وشي يـ أيه و انتي ساكته .
أيه : احنا اسفين يعم هقوم اعمل شاي تشربي معايا ؟
هاجر : ياريت .
أيه هتقوم تعمل شاي .
___________________
ساجدة قاعده مع والدتها و عمرو و ابو عمرو و مامته و اخته
نهال : بص ي بني انت باين عليك كويس و ابن ناس و هتقدر تحافظ عليها لكن الرأي في الاول و في الاخر ليها .
عمرو : تسلميلي يطنط و الله كلك زوق ، هاا رأي العروسه اي ؟
ساجدة بكسوف : اللي تشوفيه يماما .
نهال : انا موافقه يبني مبروك عليكوا .
ام عمرو هتزغرط و كلهم هيضحكوا لبعض .
ام عمرو : مبروك عليكوا يحبايبي .
عمرو : الله يبارك فيك يامي .
نهال : البت دي امانه في رقابتك ها .
عمرو : هشيلها في عنيا و الله .
ابو عمرو : نقرأ الفاتحه يلا .
نهال : يلا ، بسم الله .
و يقرؤا الفاتحه سوا و الفرحة علي وشهم .
___________________
تاليا و علي ماشيين علي الرصيف .
علي : هاا ، مش ناويه و لا اي ؟
تاليا : ناويه علي اي ي بني ؟
علي : ناويه علي اي ؟ اجي أتقدملك .
تاليا : اه ، استني شويه طيب .
علي : حاضر لما نشوف اخرتها .
هيوصلوا عند بيت الدكتور
تاليا : يلا انا وصلت هطلع انا بقى و انت خلي بالك من نفسك .
علي : حاضر و انتي كمان .
تاليا : حاضر يلا باي .
تطلع تاليا البيت و بعدين علي هيمشي .
____________________
ياسمين و أحمد مازالوا بيتفرجوا علي الفيلم .
عمرو و اهله هيمشوا من عند ساجدة و بعدين هتقعد مع والدتها تتكلم معايا شويه قبل ما تنام .
نهال : كبرتي و بقيتي عروسه .
ساجدة : ياحبيبتي لازم افرحك بيا .
نهال : يااه علي الأيام بتجري بسرعه ، يارب اعيش و اشوف عيالك قبل ما اموت يارب .
ساجدة : بعيد الشر عليكي يقمر .
نهال : العمر بيجري ي بنتي و محدش عارف مين اللي عليه الدور ، يلا الحمدلله .
ساجدة : الحمدلله ، بقولك اي نيميني في حضنك انهارده .
نهال : يحبيبتي .
و تاخدها في حضنها و ساجدة هتنام و نهال بتطبطب عليها .
____________________
ياسمين و أحمد هيخلصوا الفيلم و بعدين ياسمين هتدي العلاج لـ أحمد و بعدين تدخل تنام .
_______________________
يجي تاني يوم ياسمين هتقوم بدري تفطر هي و أحمد و تديله العلاج و هتنزل عشان عيد ميلاد هاجر هيعملوه بالليل و هي راحه تجهز مع البنات الغدا عشان يتغدوا سوا .
ياسمين : الواد دا اتاخر ليه ؟
أحمد : واد مين ؟
ياسمين : ماجد قولتله يجي يفضل معاك عشان لو احتاجت حاجه .
أحمد : انتي قلقانه عليا للدرجه دي .
ياسمين : جدا و مقدرش اسيبك لواحدك .
أحمد : يستي انا كويس مش محتاح حد .
هيرن جرس الباب ياسمين هتجري عشان تفتح
ياسمين : اهو جه الحمدلله
هتفتح الباب هتلاقي ماجد هيدخل .
ياسمين : اي كل دا ، المهم خلي بالك منه ، يلا سلام .
و هتمشي و تسيبه .
ماجد : اي يعم هي قلقانه عليك اوي كدا ليه ؟
أحمد : بتحبني فيها حاجه دي و لا اي ؟
ماجد : لا ابدا .
ماجد هيدخل يقعد جمبه في الصالون .
___________________
ياسمين هتروح لـ البنات و هيطبخوا الغدا و هيعملوا حلويات قبل ما هاجر تيجي و ساجدة هتوصل و هما لسه بيجهزوا
هتدخل عليهم المطبخ
ساجدة : وحشتوني .
ياسمين : عروستنا اللي نورت .
أيه : اي دا انتي جايبه معاكي اي وريني .
ساجدة : اوعي كدا ي بت دي التورته اللي انتو حاجزنها .
أيه : لا مش دي دا الشنطه دي فيها اي ؟
ساجدة : هديه هاجر و مش هفتحها غير لما تيجي و تفتحها بنفسها .
ياسمين : تاليا روحي نادي لـ طنط هديل و الدكتور محمد .
تاليا : حاضر .
تطلع تاليا تنادي لـ هديل و الدكتور محمد .
ساجدة هتسلم علي البنات و بعدين تدخل تغير هدومها و تساعدهم .
___________________
هاجر بتمتحن هتخلص ورقتين و هتقوم .
هاجر : دول الورقتين اللي حلتهم لسه فيه ورقه ، هاجي بكرا عشان معتش قادره خالص انهارده .
شادي : الف سلامه عليكى .
هاجر باستغراب : الله يسلمك ، عن اذنك .
و تمشي و تسيبه و هي مستغربه
____________________
اول ما توصل البيت هتلاقي بلالين كتير و رسايل كتير موجودة علي الارض هتقرأهم كلهم و بعدين البنات هيطلعوا من المطبخ و هيقولوا في صوت واحد : كل سنه و انتي طيبه .
هاجر بخضة : حرام عليكوا خضتوني ، و انتو معايا يارب .
تاليا : اتلحلي شويه و تعالي يلا عشان نحول الأطباق علي السفره عشان نتغدي .
هاجر بضحك : يشيخه .
ياسمين : ارتاحي انتي يجوجو ، و انتي يـ انسه ورايا علي المطبخ .
تاليا : حاضر يدكتوره .
و يدخلوا كلهم يجيبوا الاطباق و هاجر و الدكتور محمد قاعدين في الصالون
الدكتور محمد : كل سنه و انتي طيبه .
هاجر : و حضرتك بخير يدكتور .
ياسمين هتطلع من المطبخ
ياسمين : يلا الاكل جاهز .
و يتلموا كلهم حوالين السفره و يتغدوا .
____________________
اول ما يخلصوا غدا كل واحد هيقدم هديته لـ هاجر و بعدين ياسمين هتجيب التورته و يقطعوها سوا و يقعدوا يضحكوا مع بعض .
اليوم هينتهي و ياسمين هتروح لـ أحمد و ماجد هيمشي هتدخل تدي العلاج لـ أحمد و تحكيله تفاصيل يومها و هو كمان هيحكيلها تفاصيل يومه و ينام .
طياره رضوي هتتاخر و هتوصل بكرا الصبح .
ماجد اول ما يمشي من عند أحمد هيروح علي المطار يستني رضوي .
يتبع الفصل الثلاثون اضغط هنا
- الفهرس يحتوي على جميع فصول الرواية كاملة :"رواية ويشاء القدر" اضغط على اسم الرواية