رواية فجر جديد الفصل الثالث والعشرون 23 - بقلم إيمــــان
* رواية فجر جديد الفصل الثالث والعشرون
واد يا شادى رفعت هو كمان خرج انهاردة
واد محامى اد الدنيا وبرضو بتقوليلى واد يا إنصاف . بس انتى عرفتى منين انه خرج
من حببتى ندى
اااه دا انتوا بقيتوا اصحاب بقه
اصحاب وحبايب كمان ، بقولك ايه يا شادى ايه رايك فى ندى
ندى ست كويسة محترمة بنت ناس
كده طب ايه رايك تجوزها
ايه لاااااااا ما ينفعش خالص يا إنصاف
عشان يعنى ما سبق لها الجواز دا كل شىء قسمة ونصيب يابنى وهى حكت لى حكايتها البناية اتظلمت اوى
بس تعرفى يا إنصاف انتى عندك حق وفكرة بمليون جنية يسلم مخك يا إنصاف
يعنى خلاص موافق اكلمهالك
موافق على ايه وتكلمى مين انتى حتودينى فى داهية كده
داهية ! بعد الشر عليك انت ياواد مش لسه بتقول انى عندى حق
واد برضو يا إنصاف ماشى يا أمى يا حببتى رفعت بيحب ندى وبيموت فيها وهى كمان بتحبه
هما اللى قالولك الكلام ده
لا لان الاتنين مستحمرين فيها ومش عوزين يعترفوا بالحب ده ندى ومعذورة اما الحمار الكبير رفعت فمعندوش عذر وورحمة أمه لمجوزهالوا غصبن عن عينه
انا مش فهمه حاجة من اللى بتقوله ده
مش مهم المهم انك ادتينى فكرة حتخلى ابو الهول ينطق وكمان حتساعدينى فيها
ايه فكرة ايه وحساعد مين
بصى يا إنصاف لما واحد يكون بيحب وحدة وحيموت عليها وصحبه الانتيم يطلب منه ايدها للجواز يعمل اااااايه
حاجة من الاتنين يابنى يا يطبق فى زمارة رقبته
الله يبشرك بالخير يا إنصاف . طب والحل التانى
انه ممكن يستغبى زيادة ويروح فعلا يفاتحها فى الموضوع ويذوقهولها ويرتبطوا هما وهو يطلع مالمولد بلا حمص
لا يا صفصف فى حل تالت انه يطق من جنابه فيعترف بحبه ده للى بيحبها ويتجوزو ويعيشوا فى تبات ونبات ويخلفوا صبيان وبنات
وانت تفضل قاعدلى كده عانس
ياساتر يارب ايه الالفاظ دى
ما انت حتشلنى عمال تفكرلى لسى رفعت ومش عاوز تفرحنى بيك قبل ما اموت
بعد الشر عليك يا صفصف ما هو انتى لو ساعدتينى فى موضوع رفعت حتفرحى بينا فى يوم واحد
بجد يا واد يعنى انت فى حد وكده وحترتبط بقه وتريح قلبى
فيه طبعا يا صفصف بس مش حيحصل الا لما نخلص سوا موضوع رفعت
طب قول قول ياواد اساعدك ازاى خلصنى
ايوة كدة يا صفصف احبك وانت متحمس يا قمر بصى يا ستى انتى يومين كده وتزورى رفعت بحجة انك حتطمنى عليه قبل ما تسافرى
بقه للراجل الغلبان التعبان هناك ده ابويا
ازيك يا طنط إنصاف
ازيك يا ندى يا حببتى وحشتينى اوى
وانتى اكتر والله
انا جيت اسلم عليكى انتى ورفعت قبل ما اسافر
خلاص حضرتك مسافرة
اه يا بنتى اطمنت على شادى اروح بقه لابوه اطمنه عليه واقعد جنبه هو محتاجنى اكتر من شادى
ربنا يشفهولك يارب
يارب يابنتى يارب هو رفعت صاحى ولا نايم
لا صاحى تعالى حضرتك اتفضلى
صعدا معا الى رفعت ومجرد ان وقع نظرة على والدة شادى ظهر عليه الفرح
ازيك يا طنط شادى عامل ايه دلوقت
الحمد لله يابنى شادى بخير وحيجى يزوك قريب لما الدكتور يسمح له بالخروج من البيت المهم انت طمنى عليك
الحمد لله الدكتور بيقول انى كل يوم بتحسن عن اللى قبله
ربنا يتم شفاك على خير يارب . ممكن كوباية ماية يا ندى
ياخبر يا طنط دا انا نسيت اصلا اسال حضرتك تشربى ايه
لو ممكن قهوة مظبوط
من عينية يا طنط
تسلم عنيكى يا حببتى
وانصرفت ندى على الفور وبمجرد خروجها اتجهت انصاف بوجهها الى رفعت وبدءت تنفيذ الخطة
بنت حلال اوى ندى يا رفعت صح
ايوة يا طنط ربنا يكرمها
ايوة يابنى ربنا يكرمها بابن الحلال اللى يقدرها ويعوضها الا بقولك ايه انا يعنى كده بفكر اجوزها للواد شادى
فانتفض رفعت على إثر هذة الجملة وقال على الفور أيه ؟؟؟ لالا مش حينفع
ليه بس يابنى عشان سبق لها الجواز
طب شادى رايه ايه اخدتى رأيه
بينى وبينك كده انا لمحت له بس وسالته هو انت تحب اللى تتجوزها تكون انسه ولا ممكن يكون سبق لها الجواز
فقال لها بسرعة البرق: هاا وقالك ايه
قالى يا ماما انا بدور على اللى قلبى يرتاح لها وبس طلعت بقه انسه مطلقة ارملة مايهمنيش فعرفت بقه على طول ان مسألت جوازها السابق دى مش عقبة وعوزاك تساعدنى وتميل دماغه ليها اكتر ولو انى
ولو انك ايه
شايفة الواد كده يعنى كان بيبقه فرحان اوى بقاعدتها جنبه فى المستشفى اكتر من قاعدتى انا جنبه تصور
فقال وهو سارح : اه اه
خلاص بقه حتشوفلى الموضوع ده واسمع قريب اخبار حلوة
كانت ندى قد عادت بالقهوة فى هذة الاثناء
فاكملت انصاف : ها اتفقنا يا رفعت يابنى
فقال وهو يريد ان يغلق الموضوع تماما : خلاص اطمنى يا طنط
ها عملتى ايه يا إنصاف مع رفعت
دا انا سوتهولك ع الجنبين بس تعرف يا شادى صعب عليا اوى وطلع كلامك مظبوط يا واد دا بيموت فيها بجد دا انا اول ما قولتله ايه رايك اجوز شادى لندى اتنفض ياحبت عينى ولا لما كملتله باقى الكلام اللى انت قولتلى اقولهوله وحبشتلك بقه من عندى والنبى انا حسيت انه لو كان فيه حيل لكان قام شالنى ورمانى من البلكونه
حلو كده يا إنصاف عملتى اللى عليكى ولسه يارفعت انت لسه شوفت حاااااجة
ليه يابنى انت ناوى تعمل فيه ايه اكتر من كده حرام عليك
انا مش حسيبه الا لما ينطق ويقول بأعلى صوت
انه بيحبها وعاوز يتجوزها
طب يا خويا وانا بقه حفضل مستنية كده ويعالم ينطق امتى سى رفعت انا عوزة افرح بيك يا واد
اصبرى يا إنصاف بقه فات الكتير ماباقى الا القليل صدقينى يا صفصف
طب لما اشوف يا فالح
كانت ندى جالسه تشرب الشاى وتتحدث مع دادة سيدة عندما دق جرس الباب فقالت ندى لسيدة
خليكى خليكى انا حفتح
مساء الخير
مساء النور
مش دى فيلا رفعت عز الدين
أيوة
عندما وجدت سيدة ان ندى قد تاخرت عليها ذهبت خلفها لتعرف ما الامر
مين سالى هانم اتفضلى
دادة سيدة ازيك
الحمد لله
دادة الشنط بتاعتى برة فى التاكسى خلى حد يجبهم لى
حاضر
دادة انا قريت فى الجرايد المصرية ان رفعت عمل حادثة
هو الحمد لله دلوقت ورجع البيت
طب وهو فين
فى اوضته فوق
طب انا حطلع اطمن عليه
ندى: مين دى يا دادة
دى سالى بنت عم رفعت كانت عايشه فى كندا ومش عرفة بس ايه اللى رجعها ربنا يستر
مالك يا دادة بتتكلمى عنها كده ليه
ااقولك الحق يابنتى انا مش بقبلها كده لله فى لله
ليه بس
بكرة تعرفى
فى هذه الاثناء دخل راشد ودرويش بالشنط وتوجها الى سيدة قائلين
هى حتقعد هنا كتير يا سيدة
مش عارفة اهى طلعت لرفعت بيه لما نشوف
وندى واقفة ومندهشه من طريقتهم فى الحديث عن سالى
من تكون هذة السالى ولما لا يطيقها الجميع!!!!!!!
* يتـبـــــــــــــــــــــــع الفصل الرابع والعشرون اضغــــــــط هنا
* الفهرس يحتوي على جميع فصول الرواية " رواية فجر جديد " اضغط على اسم الرواية