رواية الاعمي الجزء الثاني 2 الفصل الثامن والثلاثون بقلم ليلة عادل
رواية الاعمي الجزء الثاني 2 الفصل الثامن والثلاثون
شقه د/ خالد ٦م
غرفة اميرة
تجلس اميره على السرير وهى تبكي بحرقة فكان من الصعب ان تواجه الاب بهذا الشكل لكنه تخطى كل شى فهو لم يترك حل اخر او بديل غير هذه المواجهة لكن برغم كل شى فعله الأب مع اميره مازل والدها الذى كبرها وعاشت معه أجمل سنين حياتها ، فالأب هو الأب مهما فعل ، تنهار اميرة من البكاء فبداخلها بركان غضب من كل شى يفعله الأب معها ...
صراع بين القلب والعقل ، بين المنطق واللا منطق
فالكلمات تعجز عن التعبير عما تعيشه أميرة من صراعات بداخلها....
بعد دقائق يرن هاتفها ..رقم... تمسح دموعها
اميرة : الو
شرين : عامله ايه
اميره : بخير مين حضرتك
شرين : مش عرفانى أزعل
أميرة : سوري مش واخدة بالي
شرين : انا دكتور شرين يا ميرو
اميره : ايوه بتكلميني ليه
شرين : اكيد فى سبب كبير مخلينى اكلمك
اميره : وياترى ايه هو
شرين : لا انا مش عايزاكي غبية زى جوزك انا عارفه انك اذكى من مروان
اميره : معرفش ايه البجاحة دي
شرين : من غير طولة لسان هبعتلك حاجه نصيحة لو جنبك حد حسك عينك يسمعها لحسن الفضيحة تبقى بجلاجل
تنظر اميرة الى هاتفها بعد غلق شرين يتم ارسال رسالة لها على الواتس فويس نوت تستمع لها وهى بحالة صدمة كبيرة ترجع وتتصل بيها مرة اخرى
اميره : بغضب انا مش فهمه حاجة
شرين: لما اقابلك هفهمك
اميره : نتقابل بكره
شرين : مش فاضية لما يجيلي مزاجي هقولك بس خليكى عاقله
اميره : حقيرة فعلا
تغلق الهاتف ويبدو على ملامح وجهها الضيق والغضب وخيبات الأمل وبصوت ضعيف انا كنت ناقصه القرف ده....
يارب خدني وريحني بقى تتغلغل الدموع فى عينها وترمي نفسها على السرير وتضع وجهها على المخدة وتبكى بحرقة
❤️_____ليلةعادل______ ❤️
فيلا مروان وأميرة 2م
غرفة النوم
تظهر اميرة وهى نائمة على السرير بعد قليل يدخل مروان يراها نائمة ينظر باستغراب وابتسامة يقرب منها ويتمدد ويضمها من الخلف يقبلها من شعرها تشعر اميرة به... تبتسم ثم تتحدث
اميره : بنوم ... جيت امتى
مروان : حالا متصلتيش بيا ليه قولتى انك روحتى
اميره : حبيت اعملك مفاجأة
مروان :أحلى مفاجأة ايه انبسطى هناك
اميره : اممم بس انت رخم مرضتش تيجي
مروان : انا وعدتك انى هاجي المره الجاية
اميره : ماشى يلا بقى سيبنى انام
مروان : بتنامى كتير اوى الايام دي يلا قومى مافيش نوم
يجلس ويشدها من ايدها
اميرة : تلتفت له بضيق .ايه هو كمان فى تحكمات فى النوم
مروان : ليه مسمياها تحكمات ده خوف عليكي معظم الوقت نايمه.. بتهربى من ايه
اميره : مش بهرب من حاجة
مروان : لا بتهربى
اميره : يييو بقى... مروان اطلع بره وسيبنى انام بدل مانيمك على الكنبه والنهارده برد
مروان : بشده ... ما بهزرش
اميره : ولا انا بهزار عايزة أنام
مروان : مستحيل يعني تكوني خايفة اوى كدا من الرسالة قولتلك الرساله مفهاش غلطة
اميره : تتنفخ ثم تجلس ادينى قومت مبسوط اقسم بالله انت رخم رخم اوى كمان
مروان : ماشي
اميره : تعالالي بقى كدا قرب شويةيقترب مروان منها تقوم اميرة بشم مروان
مروان : بمزح متجوز كلبة ولا ايه.. بتعملى ايه
اميره : برفعة حاجب ايه ده بقى ان شاء الله
مروان : ايه بتبصى كدا ليه انا معملتش حاجة
اميره : ايه ريحة البرفان الحريمى اللى مغرقه قميصك دي
مروان :والله يشم نفسه اه تصدقى
اميره : برفعة حاجب وبسخرية والله معلش بشدة متستهبلش جالك ازاى ده
مروان : من غير رفع حواجب وطولة لسان.
دي دكتورة ايمان أسعد رجعت من امريكا بقالها سنين مشفتنيش من قبل الحادثة اول ما شفتنى نزلت فيا احضان وبوس
اميره : كمان بتعترف
مروان : دي ست كبيرة فوق 65 سنة
اميره : ايوه يعنى مش محلل تتجوزها
مروان : محلل اتجوزها هههه دي اخدها اعمل بيها ايه دى...
اميره : مش بالسن يا دكتور الرك على العود
مروان : والله الرك على العود بس هبل بتغيرى من وحدة قد جدتك
اميره : حلو يعنى انت شايف انه عادى طب خلاص بعد كدا لما دكتور مازن او دكتور تميم ييجو يسلمو عليا هحضنهم ما هما بردو كبار واحد 72 وتانى 68 ولا 69
مروان : بشدة ..احنا هنتجنن ولا ايه متهزريش معايا الهزار ده عشان ما بحبهوش وانتي عارفه اعقلي
اميره : ليه ايه المشكلة
مروان : بشدة وضيق اميرة بس بقى ,مش هعمل كدا تاني
اميرة : هتغير من واحد قد جدى وقد باباك ايه يعنى فيها لما احضنهم ويلمسو جسمي عادي
مروان : بضيق عادي هتستهبلي ولا ايه هو ايه اللى عادى
أميرة : قد جدو هتغير من واحد قد جدو اعقل
مروان : بضيق طب بس واسكتي
اميرة : مش فهمه متضايق ليه
مروان :يجز على اسنانه وبضيق ..وبعدها معاكي مش
هستحمل كتير قولت بس بطلى بقى
اميره : شوفت انت مجرد كلام وبهزار وانت مش قادر تتحمله وقلبت وشك انت بقى عايزني اتقبل ان وحدة غيرى تلمس جسمك وتحضنك عادى حتى لو وحدة كبيرة فى السن
مروان : انا اسف بس حقيقي خدتنى على غفلة هى بتحبنى من أيام الجامعه بالنسبه ليها أنا زي ابنها
اميره : لا زعلانة وأوعى كدا تعطيه ظهرها
مروان : يضمها من الخلف قولي بقى انك عايزة تعمليها زعلة عشان انام على الكنبه
اميره : والله
يقبل مروان رقبتها امممممممم بعدين ينفع اللى عملتيه ده يقبلها من خدها
اميره : عملت ايه
مروان : اثناء تقبيلها من رقبتها مبسوطة كدا وانتى بتحرقيلى دمي ..انتي عارفة انى بغير عليكى.. يلا صالحينى
تلتفت أميرة له وتحاوط ذراعيها حول رقبته
اميرة : بتغير عليا من كلام
مروان : امم مقدرش اسمع حتى ان ممكن حد غيري يقرب منك و يلمسك .عارفة انا بغير أوي وبتضايق لما بتحضني كريم لما جه هنا ونمتي جنبه كنت هموت من الغيرة حتى دكتور خالد بردو نفس الشعور
اميره : عارفة ده أنت مخلتنيش انزل بالبيجاما قصاد بابا ...على فكره انا كنت بقعد قصاده كدا هو وكريم مش اول مرة
مروان : اللى فات حاجة ومن يوم ما بقيتي مراتي حاجة بعدين متحكليش مش عايز اعرف ...هضايق وهغير ان حد شاف جسمك غيرى حتى لو باباكى
اميرة : انت مجنون تغير عليا من بابا واخويا محارمي
طب حمزه أى حد تانى أوكيه بس بابا ازاي يعني وياترى الرجالة بس ولا كمان من الستات
مروان : أيوه بغير عليكى من الستات كمان قولتلك قبل كدا ,انا بغير عليكي منى , مش عايز حد يشاركنى فيكى , انتي بتعتى انا لوحدى ملكى محبش حاجه ملكى حد يقرب منها , لكن بحاول اهدى واعقل عشان مينفعش... عشان ماتضايقيش من غيرتى بحاول اتحمل كم الوجع والنار اللى بتكون جوايا لما بشوف حد فيهم حضنك
اميرة : حالتك صعبة يا دك انا ممكن أعالجك
مروان : مين قالك انى عايز اتعالج ..أنا عجبنى اوى اني ابقى مريضك مريض اميرة
اميرة : امممم طب مش عايز شوية مسكن
مروان : مسكن
اميره : اممم
تقرب وجهها لوجهه تقبله من شفايفه برقه وحب يتبادلان القبلة ثم يضع مروان ايديه الاتنين على وجه اميره وينظر لها بابتسامة حب ثم يضع جبينه على جبينها مع الاستماع لدقات قلوبهم و انفاسهم ثم تقوم اميرة بمداعبة أنفها بأنف مروان ثم تضمه وتقوله بحبك اوى ثم تقبله من رقبته وتضمه مرة اخرى بشدة ثم تضع راسها على كتفه و هى بحضنه وكان مروان يطبطب على ظهرها ثم تتحدث اميرة
اميره : مبسوطة اوي النهارده لاني عملت حاجة هي حلوة بس مش حلوة يعنى هى حلتلي مشكلة بس مكنش نفسى تتحل بالطريقة دي... ينظر مروان لها دون فهم ! متسألنيش مش هعرف اقولك يمكن ييجى يوم وتعرف
مروان :فى بنا اسرار
اميره : مش سر لكن تضمه مرة اخرى وتنام على كتفه خلاص بقى وحياتي غير الموضوع
مروان : ماشى قوليلي عملتي جدول حلو ليومين الاجازة
اميرة : اممممم هات تليفونك يخرج مروان تليفونه من جيبه تمسكه اميرة وتغلقه ثم تمسك هاتفها وتغلقه احنا خارج الخدمه لحد يوم الحد
مروان : متجيش بس انتى بكره تقوليلى لمبتى وحشتني عايزة اطمن عليها
اميره : مش هقول متقلقش اه صحيح انا اتفقت مع بابا انى هروح كل اربعا عشان انت مش بتيجى قبل 9 ...بتيجى عايز تنام فانا هروح اقضي معاهم اليوم ده ممكن ابات ممكن لا يعنى اليوم اللى هبات فيه تيجى تبات معايا موافق
مروان : وهنروح الخميس بعد الشغل
اميره : اه
مروان : حلوة جدا الفكرة دي بس هو وافق انى اجي
اميره : اه وافق انت الايام الجاية هتلاقي تغيير كبير
مروان : ايه اللى جد
اميره : انا اتغيرت تضع اميرة ايدها على خد مروان وحشتنى وحشتك
مروان : وحشتينى تقبله اميره من خده برقه ثم تضمه مره اخرى وتطبطب على ظهره يقبلها مروان من راسها وبعد ثوانى تنظر له بابتسامة
اميرة : انت اتغديت
مروان : لا
اميره : ماشى روح غير هدومك ونطلب سمك ايه رأيك وانت اعملنا رز وسلاطه وانا هتفرج عليك وهعملك فنجان قهوه بعد الغدا انما ايه امووواه يستاهل بوسه
مروان : انا اللى اعمل الرز
اميرة : ما انت بتعرف تطبخ انا بصراحة عايزة اكل رز حلو مش معجن وحياتى
مروان : حاضر يا ستي هعملك اللى عايزاه اطلبى انتى السمك لحد ما اخد شور متناميش تانى سمعه
اميره : حاضر
احد كافيهات القاهره 8م
يجلس خالد على أحد الترابيزات وينظر لشخص ما ثم تدخل عليه شرين
شرين : اول مره تطلبنى
خالد : عشان فى تغيرات كتير جدت
شرين : تقصد رجوع اميرة لمروان
خالد : مش بس كدا اميرة اتحدتنى لازم نغير الطريقة بتاعة زمان لانها خلاص مش هاتجيب نتيجة
شرين : اكيد لكل خطة بديل
خالد : وايه البديل
شرين :هقولك بس انت لازم تعرف ان فى حد معانا على الخط بس معرفش هل هو عايز يتخلص من اميره ولا من مروان بس يتخاف منه
خالد : قلقتينى للدرجه دى
شرين : للدرجه دى ونص ده وصلت بيه ان دخل مكتبى ودس ورقة رفد لاميرة عشان يزيحنى من طريقه
خالد : ما يمكن الولد اللى اسمه شهاب ده
شرين : لا طلع مش هو تعرف انى قولت ان اميره اللى عملت كدا اصلها معها نسخة مفاتيح لكل مكاتب المركز كانت وقفه كدا تتفرج متكلمتش بس هنشوف هل هي بتلعب ولا حد تانى احنا لازم نحط اكتر من اختيار قصادنا
فيلا مروان واميرة ١٢ص
غرفه النوم
يتمدد مروان واميرة على السرير وهما ينظران لبعضهما ماسكة اميرة بايدها مج ويبدو على ملامح وجهها التعب ثم تعطس
اميرة : ااه معرفش ايه اللى حصل كنت زي القردة. ايه اللى حصلي السمك صح
مروان : ممكن الف سلامة حاسه بايه
اميره : مش عارفه منخيرى وجعانى ههههههه
مروان : طب اشربى ليمون هتبقى احسن
اميره : روح نام بالاوضة التانيه هتتعدى مني
مروان : قولتلك لا مش هسيبك لوحدك بعدين دول عطستين حسستينى انك بتموتى اجمدى شويه... دلوعه اوى
اميره : انا دلوعة وبموت فى الدلع ...وهدلع وأدلع براحتي
مروان : ههه ادلعي يا ستي
اميرة : مارو
مروان : نعم
اميره : ماتروحش الشغل بكرة وتعال نخرج
مروان : وانتي كدا
اميرة : ما انا هخف بكرة
مروان : خليها يوم تانى انا بكرة عندي امتحان ميد ترم
اميره : عادى خليه يوم تانى انتى اللى بتحدد اليوم بليز وحياتي يا مارو
مروان : نامي يلا
اميره : انت رخم
مروان : ميرسى
اميره : مخصماك
مروان : هصالحك بكره
اميره : كمان بكره ثانيه واحدة تضع المج على كومودينه تقترب منه ثم تجلس فوقه
مروان : هتعملي ايه
اميره : هعضك قربلي خدك الحلو ده كدا
مروان : بلاش خدى بالله عليكى عضينى أى حتة تانية
اميرة : من خدك يا مروان لو زودت هتبقى فى الخدين
مروان : اتفضلى
تعضه أميرة من خده بشدة
مروان : والله انتى مفترية
اميرة : كلمة كمان هتنام على الكنبه
مروان : وعلى ايه انا اسف يقبلها من خدها تصبحي على خير يا حبيبى يقبلها من خده مره تانيه
اميره : تقوم من فوقه تتمدد بجانبه وبابتسامة وانت بخير ياقلبي تقبله من خده
تيجى اميره تقوم يمسك مروان ايدها
مروان : رايحه فين
اميره : مش هنام دلوقت هنزل اتفرج على tv
مروان : لا خليكى معايا لحد مروح فى النوم وانزلي
اميرة : ماشى
ينام مروان على صدر اميرة وتقوم اميره بتمرير ايدها على شعره
جامعة القاهره 1 م
مكتب مروان
يجلس مروان بمكتبه يقوم بالكتابة ثم يطرق الباب
مروان : اتفضل
يدخل عليه دكتور تميم يرفع مروان عينه يقف بابتسامة ويذهب ويستقبله
مروان : بابتسامة دكتور تميم ايه المفاجأه الحلوة دي
تميم : كنت بالجامعه قولت اجي أسلم على أفضل وأشطر تلامذتى
يقترب مروان منه ويضمه ويقبله من خديه ثم ينظر له
مروان :والله وحشنى جدا اتفضل تشرب ايه
تميم : قهوة
يمسك مروان هاتف ويطلب اتنين قهوة مظبوطة يجلسان بالكراسي الأمامية للمكتب
تميم : ها اخبارك ايه وعامل مع اميره ايه انا اتصلت بيك تليفونك كان مقفول تواصلت مع منير قالي مروان من نص الخميس لغاية الحد الصبح بيقفل تليفونه
مروان : ده حقيقى يعنى بحاول اعوض يومين الاجازه لاميرة لان طول الاسبوع ببقى مشغول
تميم : جميل جدا عايزك تستمر على ده لاخر العمر
مروان : ده اكيد
تميم : ربنا يسعدكم انت فعلا كنت محتاج وحدة زى اميرة بحياتك
مروان : فعلا انا تقريبا عمري اللى فات كله ضاع وسط المذاكرة والشغل وتحقيق الاحلام لدرجة انى نسيت نفسى نسيت احس بمشاعر كتير لكن من اول ما اميرة دخلت حياتي كل شى اتغير بقى لحياتى طعم حسيت بمشاعر واحاسيس عمرى ما حاستها قدرت ب شقوتها وعندها تعمل منى انسان جديد مكنتش اعرفه , انا محستش انى عايش غير معها
تميم : انا كنت حزين جدا لما عرفت اللى حصل انا مشفتكش حزين كدا على فراق حد ومكسور غير على والدك الله يرحمه وقتها عرفت قد ايه مروان اتغير, اما عن النظرة اللى شايفها بعينك دلوقتى دي والسعادة وحبك للحياة اكدتلى ان اميرة وجودها غيرك هي قدرت تتحكم فيك بشكل كبير
مروان : فعلا
يدخل الجرسون ويضع القهوه ويخرج
مروان : اتفضل يا دكتور
تميم : شكرا يشرب قليلا مروان كنت عايز اقولك على حاجه انا اسف انى بتدخل لكن لاني بحبك حبيبت انبهك عشان ميحصلش مشاكل تانى بينك وبين اميرة
مروان : باستغراب .. مشاكل تانى خير قلقتنى
تميم : حاول تنسى انك دكتور مروان عزت اشطر معالج نفسى بالشرق الاوسط لما تبقى مع مراتك خليك زوج بس
مروان : مش فاهم
تميم : من كام يوم كدا اميرة طلبت تقابلنى ولما جت سألتنى على حاجة ...عن حالة عندها مش لقيالها حل لما سألتها مسألتيش مروان ليه فضلت تقولي انها سألتك قبل كدا عن حاله مشابهة وانت كنت شديد معها و رفضت تساعدها
مروان : يبتلع ريقه.. اه
تميم : ده مينفعش اتكلم معها وناقشها على الحالة اعتبرها طالبة عندك جايه بتسألك
مروان : هو مش بالظبط انا بس قولتلها دوري الأول وشوفي لو معرفتيش توصلي لحل هقولك عايزها تعتمد على نفسها متستسهلش وتستغل علاقتنا
تميم : فهمك بس لازم تبقى فاهم امتى تعمل كدا وامتى تعمل العكس انا اللى هقولك انت اشطر منى فى التحليل النفسى
مروان : يمكن وقتها كنت متضايق مكنتش مركز بس مش قصدي انى ازعلها كدا هى الحاله كانت عن ايه
تميم : زوج وزوجة انفصلوا والزوجة بعد الانفصال اتجوزت والبنت عاشت مع الأب لكن بمجرد زواج الأم .الأب اتهوس اسيكوباتيه اللى كانت عنده ظهرت بدأ يهدد البنت بالتشهير بسمعة الأم لو زارتها او اتعاملت مع الأم والبنت خضعت للأب طبعا بسبب خوفها على الأم لكن البنت جالها اكتئاب بعد فترة مقدرتش تتحمل الضغط
مروان : اه
تميم : قالتلى انها بالحالات اللي شبيها لكدا عاطفتها بتغلبها ما بتقدرش تفصل
مروان : اه ده حقيقى فعلا عشان كدا ببقى شديد معها لازم اعلمها تفصل وحضرتك عرفتها تعمل ايه
تميم : انت هتقولها ايه لو مكاني
مروان : طبعا التجاهل اهم شيء مجرد ما الشخص السيكوباتى بيحس ان الطرف التانى خايف منه بيقوى اكتر ويتمادى بضغطه وانحرافاته وأذاه ، وبيبقى الطرف ده صيدة سهلة جدا ليه... فلازم متبينش ابدا انها خايفه منه ،بالعكس تبين انها عادى مش فارق معها وتلاعبه على نفس الوتر انه لو استمر هى كمان تشهر بيه
تميم :هو ده اللى حصل انا طلبت منها تبلغنى عن اي جديد يحصل
مروان : تمام اتمنى كمان من حضرتك انك تبلغنى لانه مفهوم طبعا انها مينفعش تعرف انك عرفتنى
تميم : بالعكس انا حابب انك تعرفها انك عرفت وتعاتبها عتاب عاشق بهدوء عشان تعرف انك حابب تساعدها وانت اللى تتابع معها واسألها باستمرار عن الحالة وأى حاله عندها و ساعدها , الستات غيرنا يا مروان مابيفصلوش بين العلاقات الانسانيه والعمل يعنى انا متاكد ان اميرة بتدلع وعمالة تغير بمواعيد محاضراتها هنا وبالمركز بسبب انها مراتك فا مستغله الوضع
مروان : والله يا دكتور هى مش محتاجة من زمان وهى كدا بتدلع على حسي , بس عمرى ما هانكر انها شاطره جدا لكن هى اللى شقيه مش بتركز
تميم : انت هتقولى هى بنت ممتازة برغم شقاوتها وجننها يعنى اميرة دي لو ركزت شوية وحطت كل مجهودها وتركيزها بالشغل والدراسة انا وانت هنقعد فى البيت
مروان : بابتسامة انا عارف والله عشان كدا باضغط عليها لاني متاكد انها هتوصل انا بقولها دوري الأول بعدين اسالي متكسليش وتستسهلى تزعل مني وتروح معنده وجيالي تقولي مش عايزة منك حاجة عرفت الاجابة لوحدى انا ببقى سعيد جدا من جوايا انها عرفت لوحدها لكن طبعا ما ببينش
تميم : ربنا يسعدكم يا حبيبى ونفرح ونشوف اولادكم قريب
مروان : يارب
نادى المعادي 2م
تجلس اميرة على احد الترابيزات تشرب قهوة ثم تدخل عليها شرين تسحب كرسي وتجلس
شرين : ليه متوتره كدا
اميره : انا متوترة خالص هتوتر ليه
شرين : شوفى انتي بس من رأيي توتري واقلقي واقلقي اوى كمان
ترفع شرين ايدها يقترب الجرسون تنظر له وتتحدث
شرين : هاتلى واحد برتقال فرش وهات لميرو ليمون عشان هتحتاجه اوى كمان شويه
يرحل الجرسون تنظر شرين لاميرة بابتسامة وتتحدث
شرين : نفسى اعرف بيحبك اوى كدا ليه ده مش بيحبك , ده متيم بيكى انتي الوحيدة اللى بتقدرى تمشى كلامك عليه ده ابوه الله يرحمه معرفش يعملها
اميره : يوضع سره فى اضعف خلقه
شرين : انتى عارف لو مروان ده من الرجال اللى بتيجي بال..... فهمانى طبعا , كنت قولت انك مظبطة الأداء معه لدرجة انه مش قادر يرفضلك طلب لحسن تحرميه من ال..... هههههه , بس مروان تقيل اوى اوى مش من النوع اللى بيضحك عليه بليلة حلوة
اميرة : كويس انك عارفة إن مروان راجل مش مراهق
شرين : مش هتسألينى انا عرفت منين
اميره : بنصف ابتسامة ساخرة.. لا مانا فاهمه انك بتضايقينى وبتروشي شوية عليا ( بضيق) بس احنا مش جايين نروش يا شرين ولا جاين عشان تفهمينى بطريقه غير مباشرة ان مروان كان بينام معاكي , لاني عارفة اللى بينكم زمان وصل لفين , مروان ما بيخبيش عليا حاجة , فانجزى وبطلي تحوير وقوليلى ايه اللى سمعتهوني امبارح ده
شرين : اهدى ليطقلك عرق انا هقولك , تصمت قليلا (بلؤم ) بس انا مستحيل اصدق ان مروان حكالك كل حاجة , يعنى عايزه تفهمينى انه حكالك على يوم ما كنا سوى فى شقة اسكندرية فى ليالي الشتا الطويلة الباردة, ..بأمارة الحسنة اللى عنده .. تشاور بايدها أسفل بطنها ... هنا تؤتؤتؤ محكاش , شكله محكاش هههه ده طبيعي اصل مافيش راجل يحكى حاجه زي دي , حبيبتى مش عايزاكى تزعلي انك مش الوحيدة اللى شفتي الحسنة فى غيرك كتير شفوها ,اصل مروان كان شقى اوي اوي أيام الجامعة
اميرة : تتنفخ وبنرفزه خفيفه...هنفضل طول القعده تحكيلى مغامراتك مع مروان زمان متخلصي وتبطلي بقى اللى بتعمليه ده وعرفينى التسجيل ده معنى ايه
شرين :هههههههه عذراكي تتبدل ملامح وجهها للقوة ندخل بالجد التسجيل معناه ان أبوكى المحترم كان مشاركنى , بكل حاجة ان اديته الصنارة وهو رماها وعرف يشبكك
اميرة : فهمت ده...بس اللي عايزة افهمه التسجيل بعتيه ليه اكيد ناويا على حاجة او عايزة حاجة
شرين :حاجة بسيطة اوي
اميره : اللى هي
شرين :ترجعينى الشغل
اميرة : يا شيخه هو ده بس ، قولي كلام غير ده بقى عاملة كل ده عشان ترجعي المركز
شرين : شفتي انا غلبانة ازاي
اميره : ولو رفضت
شرين : انا عارفة ان آخر همك ان مدام فريده تعرف حقارة ابوكي ، لكن لما التسجيل ده يتبعت باللغلط على جروب الشغل اعتقد وقتها هتبقى فضيحة ولازم تخافي انا عارفة انك بتعرفى تاكلى بعقل مروان حلاوة و بتقدرى تخليه ينفذ كل اللى انتي عايزاه
اميره: هو انتى ليه بتعملى كدا هتستفادي ايه , انتى متأكده ان انتى ومروان مستحيل تتجمعو وان عمري انا ومروان ماهنتخلى عن بعض اديكى شفتي برغم كل المؤامرات اللى كانت بينك وبين با.... تصمت قليلا ..دكتور خالد بردو مقدرتوش وخسرتوا ورجعنا اقوى من الأول
شرين : انا فهمه ده كويس وعارفه ان مروان عمره ما هيبقى ليا خصوصا بعد اللى حصل ، بس اكيد انا مستحيل اشوفكم وأسيبكم سعداء ومتهنيين وانا كدا برضه مريضة زى ابوكي بس انا حياالله واحدة متعرفكيش كانت مرتبطة بجوزك زمان , لكن ابوكي اللى يعمل كدا تؤتؤ حرام , بصراحة انتى صعبانة عليا لدرجة اني اوقات كتير ضميرى بينأح عليا بس برجع وأنيمه تانى
اميره : بسخريه ... حنينة اوي ( بجديه )..طيب لو رجعتك الشغل ايه اللى يضمنلى انك متلعبيش بديلك
شرين : مافيش ضمانات
اميره : بقوه وتحذير اتاكدي يوم ما تتيحلى الفرصه هدمرك
شرين : نظرات تقليل منها ... انتي
اميره : بقوة ...اه انا ... تصمت قليلا أدينى يومين وهكلمك
شرين : بانتظارك يا ميرو
اميرة : انتى ليه ملهوفه اوي انك ترجعى المركز اكيد فى حاجة
شرين :عايزة أعرف مين اللى مشاركنى انا والدكتور بكرهكم والله انتم صعبانين عليا ماتستهلوش انا شكلى هحن وأتوب بس انا هقولك على حاجة يا اميرة الطرف الثالث ده شكله واخد على الترتش وانا ماليش فيه وكمان دخلنى فى اللعبه وعايز يبعدنى فاعشان كدا لازم ابقى قريبه اصلى زيك يا ميرو بحب اعدائى يبقو تحت عينى اوعي تكونى مش فهمه اني فهماكى وعارفة انك كنتى سيبانى ليه
اميره : طب والله كويس انك عارفة انى مش هبله وبيتعملى حساب
شرين : عارفة انك مش سهلة تقف ابقى خدى بالك من نفسك لحسن لو جرالك حاجة انا متاكده ان مروان هيموت وراكي واحنا محتاجينه ..سلام
مركز د/ مروان 3م
مكتب مروان يجلس مروان على كرسي مكتبه ويجلس على كرسى المكتب الامامى مهندس كمبيوتر وهو يمسك اللاب توب الخاص بأميرة
المهندس: حاجه اتمسحت من على الجهاز يوم الثلاث الساعة ١٠ص
مروان : تمام
المهندس : حضرتك تحب أرجعلك الداتا الاصلية
مروان : لا معانا نسخ هو انا ممكن اعرف مين اللى مسحها
المهندس : لا للاسف, لكن ممكن حضرتك تشوف فى الكاميرات مين دخل المكتب فى التوقيت ده
مروان : ميرسى ممكن تتفضل
يخرج مروان مع المهندس للخارج ثم يذهب عن غرفه الكاميرات ويدخل
مروان : مساء الخير
العاملين : مساء النور يا دكتور
مروان : مصطفى شوفلى كدا الكاميرات اللى عند دكتورة أميرة خالد شغالة
مصطفى : كل الكاميرات فى المركز شغالة يافندم
مروان : طب هاتلي تصوير الكاميرا الساعه ١٠ يوم الثلاث 5/1
مصطفى : حاضر وبالفعل يقوم بالبحث لكن لم يجدو شيء يهرش مروان بخده وبضيق. ينظر لمصطفى ويتحدث
مروان : شكرا يا مصطفى تعبتك
يخرج مروان للخارج يبدو على ملامح وجهه الانزعاج وبصوت داخلى. هوصلك يعنى هوصلك
نادى المعادى5 م
قاعة البولينج
تقوم اميرة بلعب البولينج وتقوم بحدف الكرة بقوة وبغل ثم تجلس على احد الكراسي يقترب منها أدهم وهو ينظر باستغراب
ادهم : ما بحبش اشوفك هنا
أميره : ههههه ابن حلال , كنت لسه بفكر فيك
ادهم : فيا انا
اميره : كنت بقول لو كنت اتجوزت ادهم ايه اللى كان حصل اكيد اكبر مشاكلى انك تصحينى الصبح عشان مش لاقي فردة شرابك ههههههههه واحدفك بالمخدة هههههههههههههههه
ادهم : لا انا كنت هدور على غيره اكيد هههههههههه
اميرة : هههههههههههه مش بقولك ليه بقى ما بتحبش تشوفنى هنا
ادهم : لانك ما بتجيش هنا غير وانتى تعبانة وانتى عايزة تخرجى كل الوجع وكل الغل والكراهية فى عرايس البولينج بتتخيليهم الاشخاص اللى أذوكي وتحدفيهم بالكرة كأنها رصاص , اسقاط يعنى مش بتقولو كدا
اميره : هههههه قعدتك معانا بوظتك خلتك تتكلم زينا يابتاع الاسقاط انت هههههههه
ادهم : ممكن تحكيلى مالك
اميره : مالي منا كويسة أهو أوي كمان انا مبسوطة اوي شايف السعادة اللى على وشي
ادهم : انا عايزها من قلبك مش من وشك مش كدب نفسي تبقي فرحانة بجد
اميرة : نبره حزن وصوت مكتوم يائس وضعيف وسخريه .. طبعا فرحانه جدا وسعيدة , سعيدة بالمستقبل اللى مخترتهوش واتفرض عليا , المستقبل اللى كل ما أحاول اصلحه تيجى حاجة ترجعنى للصفر تانى , ومش موجوعه من الحياة اللى دبحانى وحاطة جنزير على رقبتى وعمالة تخنقنى كل ما اقاوم , الحياة اللى اضطريت اعشها ومش عارفة اهرب منها....ولا متحطمة من أقرب المقربين اللي عشمني بدنيا وفجأة سرقها مني وهي مابين ايديا ... تصمت قليلا وبضحكة وجع وعيون تغلغلها الدموع.. عارف انا ايه هههههه انا كدابه ههههههه كدابه اوي , عايشة حياتي كلها كدب فى كدب ,جايه هنا أكدب وهروح اقول لمروان كدب , وبكره أكدب وبعده أكدب وهو هيعمل نفسه مصدق وانا هعمل نفسى مصدقه انه صدقه ولفي بينا يا دنيا هههههههه بنبرة حزن وكسرة ونصف ابتسامة حزن وسخرية...
انا مهزومه اه اتهزمت هزيمة ساحقة اتمسح بيا الأرض يا حضرت الظابط تيجى اعزمك على بيبسي عشان نحتفل بالهزيمة اصلي لازم أعيش واستوعب الكم ده من الهزايم , ( بكسرة)..الدنيا مستكترة عليا حتى احزن وأمارس طقوس الحزن , لازم أمثل انى كويسة انى مافيش حاجه انى عادي عشان لو معملتش كدا هتسأل مالك احكى اتكلمى وانا مش عارفه اتكلم ولا هينفع اتكلم ( بدموع ) مع انى عايزة أتكلم وأعيط بس مش عارفة عشان كدا قولتلك لو كنت اتجوزتك مكنتش هاعيش كل الاسى ده , يمكن كنت هخسر حب مروان وحضنه , انا اتحملت كتير وضحيت اكتر عشان ماخسرش الحب ده وأحافظ عليه , بس كم الاسى اللى جوايا حطمنى , مابقتش قادره والله ما بقتش قادرة معرفش بيحصلى كل ده ليه , عذاب والله عذاب تتنهد تمسح دموعها....
كان يستمع أدهم لكلام اميرة بصمت شديد ينظر لها بعينين كلها ألم وحزن وتأثر ..كان قلبه يبكى عليها .. يتفتت من الوجع عليها فهو لا يعرف كيف يخلصها من ألمها ومعاناتها التي تعيشها... لو كانه باستطاعته ان يزيل أوجاعها فلن يتأخر . فهو مازال يحبها بل يعشقها مازال قلبه يعانى من عشقها فيصمت أدهم صمتا هادئا فهو لا يعرف ماذا يقول فهو يعلم. أن أميرة محتاجة الان ان تتكلم فقط لا تريد ان تستمع لأحد تريد فقط أن تخرج كم النار التى بصدرها ...كم الأوجاع والمعاناه والعذاب الذى تعيشه
فكانت كل كلمة تخرج منها بداخلها صرخة ألم
تركها ادهم تخرج أوجاعها دون ان يقاطعها ظل صامتاً يستمع لها وهو ينظر لها بكل اسف وحزن وعيون تغلغلها الدموع وفجا تتبدل ملامح وجهه اميره قليلا ...
اميره : انا عايزه منك طلب
ادهم : بابتسامه حزن ... اتفضلى
اميره : اوعدنى انك مشفتنيش النهارده
ادهم : يهز راسه حصل
اميره : وعايزك تعرفني على هكر و يكون شاطر ومتسألش ليه
ادهم : بحزن يشاور براسه .. مش هسأل
اميرة : نور وحمزه ميعرفوش حاجة
ادهم : تنزل دمعه من عيونه ... اوعدك
اميرة : شكرا يا ادهم
سيارة اميرة 6م
تجلس اميرة بسيارتها يبدو عليها الحيره ثم تفتح هاتفها تسمع شى بالسماعات تبتسم ويبدو على ملامح وجهها القوة وبصوت داخلي واضح.. الواحد لازم ينسى تربيته واحترامه الفترة الجاية ويتعامل زى عيال الشوارع
احد الكافيهات بالقاهرة6م
يجلس مروان ومنير على الترابيزة يتناولان القهوة ويتحدثان
منير : مصطفى ماعرفش
مروان : هيعرف ازاى
منير : ما يمكن اميرة مسحتهم بالغلط ما انت عارفها مطيوره
مروان : مش للدرجة دي يا منير اميره بشغلها ودراستها بتعقل انت نسيت الفترة اللى كنت معتمد عليها بالشغل كانت عاملة ايه
منير : مين عنده مصلحة انه يمسح رسالة دكتوراة... غريبة اوى
مروان : هو عايز يأذيها مجرد أذى
منير : الحمد الله ان عندكم نسخ هى هتناقش امتى
مروان : الميعاد النهائي هيتحدد كمان شهر هى خلصتها واللجنة وافقت عليها
منير : ربنا معاها انت سيبها تخلص المناقشة بعدين دورو على اللى مسحها عشان مش عايزين اى مشتات للتركيز دلوقت مش يلا
مروان : لا انا هقعد شويه مستنى مدام فريدة عايزاني بحاجة مهمة
منير : عايزه ايه
مروان : معرفش
منير : هو لسه خالد بيضايقكم
مروان : لا مهدود من بعد ما رجعنا تقريبا يأس.. عرف ان مهما عمل خسران أهي مدام فريدة جت سلم وامشى ها وهبقى أكلمك
منير : ماشى
تدخل فريده عليهم
فريدة : مساء الخير
يقف مروان ومنير لاستقبالها ويتصافحان
منير : ازاي حضرتك
فريده : بخير مبسوطة اني شفتك
منير : وانا كمان سعيد انى شفت حضرتك ...
ينظر لمروان خلاص هامشى انا يا مارو
فريده : بمزح .. هي اذا جاءت الشياطين...
منير : لا طبعا هى اذا جاءت الملائكه حضرتك اللى ملاك بس لازم أروح , لبنى لو مشفتنيش على العشا ممكن تنيمنى بالشارع.اصلها قوية ههه
فريده : ربنا يخليكم لبعض
منير : عن اذنكم
تجلس فريدة ومروان على الكراسي مقابل بعضهم
مروان : حضرتك تشربي ايه
فريدة : ممكن مانجا
يشاور مروان بايده يأتي الجرسون
مروان : هاتلى قهوة تاني زي دي وواحد مانجا
فريدة : لحظة.. هاتله واحد جوافة بلبن بلاش قهوة
الجرسون : حاجه تانى
فريدة : ميرسي
يرحل الجرسون
فريده : بتشرب قهوة كتير أوى وده غلط على صحتك أتمنى ماكنش ضايقتك
مروان : بالعكس ده شيء حقيقى يسعدنى انى ألاقى حد خايف عليا وعلى صحتي زي أميرة
فريده : انت زى كريم يا مروان وانا بعتبرك ابنى الكبير وعايزاك تبطل تقولى يا مدام فريدة وتقولى يا ماما فريده. انت مش كبير اوى كدا ولا انا صغيرة كدا
مروان : بابتسامة حضرتك مقامك كبير أوى عندي وبحبك جدا وحقيقى ليا الشرف ان حضرتك تسمحى ليا ان اقولك ماما فريده بقالى سنين ماقولتش الكلمة دي لحد حاسس انه هيبقى صعب مش عايز اكبر حضرتك
فريدة : لكن انا مصرة انك تقولي ماما فريده و لو مقولتهاش لوحدك هقول لأميرة هى اللي هتعرف تتعامل معاك
مروان : ههههههههههههه لا بلاش اميره تتدخل انا هقول لوحدى خلاص
فريده : هههههه وصلت لحاجة
مروان : للاسف
فريده : انا وصلت لحاجة هو خيط متأكده انه هيوصلنا لحاجات كتير بس هايحتاج منك شوية تنازل وانك تيجى على نفسك شوية
ينظر مروان لها باستغراب شديد
مش فاهم ممككن توضحى
فريده. هقولك اللى عرفته ان...
يتبع الفصل التاسع والثلاثون اضغط هنا
- الفهرس يحتوي على جميع فصول الرواية كاملة :"رواية الاعمى" اضغط على اسم الرواية