Ads by Google X

رواية حب في الظلام الفصل الأول 1 بقلم دينا محمد

الصفحة الرئيسية

   رواية حب في الظلام الفصل الأول بقلم دينا محمد


رواية حب في الظلام الفصل الأول 

ف مكان جميل ع شط البحر بنوته ف العشرينات قاعده لوحدها وسرحانه ف البحر فجاءه بيقعد قريب منها واحد قاعده لوحده وشكله حزين اوي هي بتشوفه هنا ع طول لان دا مكانها المفضل كل يوم بيجي يقعد كده وع طول ملامحه زعلانه عندها فضول دائما تسأله ماله قربت منه شويه وكلمته 
_مساء الخير
=مساء النور 
_انا بشوف حضرتك هنا كل يوم وبتفضل قاعد ساكت خالص وزعلان دايما
=ف حاجه يعني 
_لا ابدا انا بس حبيت أسألك لو عاوز تتكلم يعني اصل بصراحه يعني انت غريب بتفضل قاعد لا بتتكلم مع نفسك ولا مع حد وكمان مش بتلتفت حواليك حتي بتفضل باصص للبحر لحد ما تمشي حتي وانا بكلمك مش بصصلي 
=مش يمكن مش راضي ابصلك علشان حاجه 
_حاجه اي 
=يمكن علشان مش هشوفك 
_مش هتشوفني ليه 
=علشان مش بشوف مثلا 
_انا اسفه اسفه جدا والله انا مكنتش اعرف 
=لا عادي متتأسفيش كده كده هتقومي تمشي دلوقتي وحتي لو شوفتيني تاني مش هتكلميني 
_دا ليه يعني 
=زيك زي كل الناس اللي عرفت اني اعمي محدش بيرجع يكلمني تاني 
_لا ع فكره بقي مش هعمل كده طب اي رايك نبقي صحاب 
=صحاب مش غريبه من اول مره تكلميني تقوليلي كده 
_ي عم جربني هتخسر حاجه يعني 
=خلاص تمام موافق 
_طب احكيلي بقي عنك 
=كمان 
_الله مش صحاب لازم اعرف كل حاجه عنك 
=ع طول كده يعني 
_فضول ي بني والله 
=طيب عاوزه تعرفي اي 
_هو المفروض اعرف اسمك الاول حتي 
=اه صح عندك حق اسمي نائل 
_وانا تاليا احكي بقي 
=انا ي ستي عندي 28سنه مهندس عندي شركه كانت بتاعه والدي لانه كان مهندس عايش انا ووالدتي مع بعض بس كده 
_كمل وبعدين 
=اكمل اي تاني 
_كمل بقيت حياتك 
=وانتي مش هعرف عنك حاجه 
_هحكيلك بس كمل 
=وانا ف الجامعه حبيت بنت زميلتي وكانت كل حاجه ف حياتي بنخرج سوا بنذاكر سوا كل حاجه سوا خلصنا الجامعه وروحت خطبتها وبقت خطيبتي وكل حاجه ف حياتي انا كنت بحب المغامره السفر والغطس سباق اي حاجه فيها خطوره أو مغامره  كنت بحبها وخلاص كنا بنجهز كل حاجه علشان نتجوز لاني كنت عاوز نتجوز بسرعه من حبي فيها 
_وبعدين حصل اي 
=حصل اي دي بقي المره الجايه لاني لازم امشي دلوقتي 
_ليه كده 
=اتأخرت ووالدتي زمانها قلقانه 
_طيب هشوفك تاني 
=مش بقينا صحاب اكيد هتشوفيني تاني سلام
_استني هات اديك رقمي علشان ابقي اكلمك 
=اوك 
اخدوا ارقام بعض وكل واحد روح بيته هل هيشوفوا بعض فعلا تاني واي هي حكايه نائل كل دي كانت افكار ف عقل تاليا مستنيه اجبتها..

يتبع الفصل الثاني اضغط هنا
google-playkhamsatmostaqltradent