رواية بحبك يا بنت عمي الفصل الخامس عشر 15 بقلم مصطفى كامل

الصفحة الرئيسية

   رواية بحبك يا بنت عمي الفصل الخامس عشر بقلم مصطفى كامل يوسف


رواية بحبك يا بنت عمي الفصل الخامس عشر

وحين تجد وتحب لا تتكبر على مشاعرك  والا خسرته وندمت 
مي : ها مطعم ايه 
مازن : مش عارفة مطعم ايه ، اللي بتشتغلى فيه 
مي : اه بشتغل انت مالك 
مازن : يعني ايه انا مالى ، انتي ناسيه انتي بنت مين 
مي : بنت مين 
مازن : بنت أحمد القاضي بنت أشهر عيلة في القاهرة 
مي : بنت عمك يعني ؟
مازن : أه طبعا بنت عمي 
مي ابتسمت وأول ما شاف ابتسامتها سكت وحس انه مبسوط 
مازن : ايه 
مي : أصلك اعترفت اني بنت عمك 
مازن : لا انا أقصد قدام الناس 
مي : بقي كده ، طب اسمع بقي انا اشتغل براحتي اومال هصرف منين 
مازن : انا هديكي اللي انتي عاوزاه 
مي : وانا مش عاوزة منك حاجه ، ومسكت مازن من ايده وطلعته من الاوضه 
مازن اول ما مسكت أيده مسكها هو كمان ومكنش عارف هو حاسس بايه 
مي : سيب أيدي 
مازن : قرب من عنين مي لا مش هسيبها 
مي : مازن انت جرالك ايه سيب أيدي 
مازن : طب سيبي الشغل
مي : لا مش هسيبه انا مش هاخد قرش واحد ، انا اكرملى اغسل الأطباق في المطعم ولا اني احتاج لواحد زيك 
مازن : اول ما سمع كلامها داس على ايدها جامد 
مي : أااااه وجعتني 
مازن ساب ايدها بسرعة ، انا اسف مقصدتش 
مي : انت قولت ايه 
مازن : قولت مقصدتش 
مي : لالا اللي قبل مقصدتش
مازن : اسف  
مي : معقول مازن القاضي يتاسف 
مازن : قرب منها وبحنيه ياسلام وفيها ايه 
مي : عشان انت المفروض تقولى اسف على حاجات كتير 
مازن : طب انا مستعد بس تسيبي الشغل 
مي : معقول لا مش مصدقة 
مازن : انا نفسي مش عارف بقول ايه بس الظاهر كده في واحدة كده غيرتني 
مي : هههههههههه لا مصدقش أن حد ممكن يغيرك 
مازن : ضحكتك حلوة على فكرة 
مي : ايه ده انت هتعاكس ولا ايه 
مازن : هو في حد يعاكس بنت عمه برضو 
مي : بنت ايه ؟
مازن : ايوة انتي بنت عمي 
مي : يعني خلاص اعترفت 
مازن : ايوة ، ها هتسيبي الشغل 
مي : لا مش قبل ما تتاسفلى على حاجات كتير 
مازن : ماشي يا ستي انا مستعد 
مي : اول حاجة انك خليتني اتبهدل في المواصلات 
مازن : اسف اني سببتلك بهدله في المواصلات 
مي : تاني حاجة انك قولتلي اني بشحت منك 
مازن : انا اسف اني قولتلك الكلمة دى ومن النهاردة فلوسي هي فلوسك 
مي : مستغربة اووي من كلام مازن ومش مصدقة أن ده مازن المغرور إلى هي تعرفه
مي : ثالث حاجة انك احرجتني وانا بأكل معاكم على السفرة  مازن قرب من مي اوى وقالها " انا اسف على كل حاجة عملتها وزعلتك مني " 
مي : مش مصدقة 
مازن :لا صدقي ومن بكرة تفطرى معانا وتسيبي الشغل ماشي 
مي : سكتت 
مازن : ها ماشي 
مي : حاضر ، هو ايه سبب التغيير ده 
مازن : انتي ، ومشي 
مي قعدت سرحانة شوية " انا"
مازن رجع أه نسيت اقولك على حاجة 
مي : ايه 
مازن : تصبحي على خير يا بنت عمي 
مي : وانت من أهله 
مازن دخل اوضتة وكان مبسوط اووووي ، هو ايه الجنان اللي انا عملته دة كل ده عشان مسكت ايدها ، عملتي فيا ايه يا مي ، غيرتي مازن ، مش مهم كل ده المهم اني مبسوط أوي 
... 
مي دخلت اوضتها وهي مش مصدقة أن ده مازن وكانت مبسوطة اوى من كلامه وحاسه بحاجة غريبة في قلبها 
.... 
الصبح 
مي خارجة من الاوضه لقت وليد في وشها 
وليد : ايه القمر ده 
مي : نعم 
وليد : نعم ايه بس وقرب من مي اوى 
مي : ما تحترم نفسك ونزلت جرى على السلم لقت الكل بيفطر 
مازن : تعالى يا مي أفطرى 
ليلى وهبه استغربوا من تغير مازن 
مي : حاضر ، وفطروا وبعد كدة مي قالت انا هقوم عشان اتاخرت 
مازن : انا قولت للسواق يوصلك 
مي : حاضر ، مازن كنت عاوزاك برا 
مازن : حاضر 
ليلى وهبه قاعدين هيتشلو طبعا من تغير مازن 
مازن : خير يا مي 
مي : الي اسمه وليد ده ازاى هتخليه يقعد قصاد اوضتي 
مازن : وفيها ايه 
مي : هو انت بتتغير من يوم وليلة 
مازن : ايه يا مي مفيهاش حاجة يعني 
مي : انت مش خايف عليا ، ماشي يا مازن سلام ، وركبت العربيه ومشيت 
مازن : مالها دى ، وخد عربيته وراح الشركة 
على السفرة 
هبه : انا هروح الشغل 
ليلى : ماشي يا قلبي 
وليد : البت مي دى عجباني أوي يا خالتي 
ليلى : مفيش حاجة تغلى عليك 
وليد : يعني ايه 
ليلي : يعني اللي انت عاوزه هتاخده...

يتبع الفصل السادس عشر اضغط هنا
رواية بحبك يا بنت عمي الفصل الخامس عشر 15  بقلم مصطفى كامل
ranosha

تعليقات

ليست هناك تعليقات
إرسال تعليق
    google-playkhamsatmostaqltradent