رواية مرت أعوام الفصل الرابع عشر 14 بقلم نهلة جمال

الصفحة الرئيسية

    رواية مرت أعوام الفصل الرابع عشر بقلم نهلة جمال


رواية مرت أعوام الفصل الرابع عشر

< أمام شقة فريده 
وقفت تنظر الى هشام بعدم تصديق ثم وضعت يدها على فمها وشهقت : بابا مات يا هشام !
هشام : اهدي يا فريده انا جمبك 
فريده : انا خذلته ! انا بنت ميستحقش يفتخر بيها 
هشام : ليه بتقولي كدا انا نفسي فخور بيكي جدا برغم كل ظروفك بقيتي دكتوره ورفعتي راسه دا الجيران معندهمش سيره غيرك 
فريده تنظر الى هشام بصمت
هشام : يلا ادخلي جوا وانا هنزل اخد العزا مع الرجاله 
أومأت فريده برأسها بحزن ف اقترب هشام منها وقبلها في رأسها ثم نزل الى العزاء فيما نظرت فريده اليه ثم دخلت الى الشقه 
<< في مشفى الزهور الخاص وخاصة في غرفة محمد جمال 
جيمي : يااا انسه يووه اطلعي برا لو سمحتي مش هاخد حاجه 
ليلى : يا محمد باشا لازم الحقنه دي عشان تخف وترجع زي الاول باذن الله 
جيمي :  مبحبش الحقن لو سمحتي خديها واطلعي 
والدة جيمي : دي شكة دبوس مش هتاخد وقت 
جيمي : ما الدبوس برضو بيوجع 
والدة جيمي : طب انا همسكك وهتعرف انها سهله مش محتاجه كل دا 
جيمي فرد ذراعه وقال : اخلصي بقى انجزي بقى 
ليلى اقتربت ووضعت الابره في يده 
جيمي : ااااااااااه انا كنت حاسس ، اطلعي براا بقى برااا 
ليلى بخضه : حاضر حاضر 
خرجت ليلى واغلقت الباب خلفها 
والدة جيمي : في ايه يا محمد انت عمرك ما كنت عصبي كدا ! 
جيمي : انا مدشدش مش قادر ع حقن وبتاع ثم اني مبحبهاش اساسا 
 دخلت ليلى الى غرفة جيمي مره اخرى وهي تقول : ع فكرا يا محمد باشا الانسه اللي جت عشانك فاقت وعايزه تطمن عليك 
جيمي : انسه مين ؟ 
ليلى : بتقول اسمها غنوه 
جيمي : اييه غنوه حصلها ايه هي فين ؟ 
والدة جيمي : برضو يا محمد ! مش اتكلمنا ف الموضوع دا مليون مره وقفلناه ! 
جيمي : انسه ليلى لو سمحتي اخرجي وسيبينا لوحدنا 
خرجت ليلى واغلقت الباب ف قال جيمي : لا مقفلنهوش يا ماما لو سمحتي اديني فرصه 
والدة جيمي : اديك فرصه لايه ! لواحده اهلها وقعو على دماغهم ومش طبيعيين وكمان مغنيه 
جيمي : وفيها ايه ! 
والدة جيمي : انت شايف ان مفيهاش حاجه وعادي دي تبقى كارثه 
جيمي : انا مش فاهم حضرتك متعصبه كدا ليه ، حضرتك حتى مديتهاش فرصه تيجي تقعد معاكي وتتعرف عليكي 
والدة جيمي : انا هروح اجبلك لبس من الفيلا عشان هتخرج انهارده وغنوه دي تقطع علاقتك بيها نهائي اتمنى كلامي يكون واضح
وخرجت والدة جيمي واغلقت الباب فيما رجع برأسه الى الوراء ونظر الى سقف الغرفه بحزن 
<< في صوان العزاء 
وقف هشام يستقبل الرجال مع بقية اهل فريده الى ان جاء شاب يرتدي قبعه انجليزيه ويتكلم بلكنه عربيه رقيقه مكسره كالخواجات : مساء الخير فين فغيده ! 
هشام : فغيده ! 
الشاب : سوري باردون ، فريده ! انا لسه ارف " عارف" ان اونكل اتوفى ونزلت مخصوص من انجلترا اشانها " عشانها " 
هشام بضيق خلق وغيره : ويا ترى مين حضرتك يا حنين 
الشاب قد خلع القبعه الانجليزيه وبانت ملامحه : جاسر ، ابن عمها .. 
وقف هشام ينظر اليه وقد بدأت الغيره تدب في قلبه بشكل فظيع وجاسر ينظر اليه بتحدي 


يتبع الفصل الخامس عشر اضغط هنا
  • الفهرس يحتوي على جميع فصول الرواية كاملة :"رواية مرت أعوام" اضغط على اسم الرواية
رواية مرت أعوام الفصل الرابع عشر 14 بقلم نهلة جمال
ranosha

تعليقات

ليست هناك تعليقات
إرسال تعليق
    google-playkhamsatmostaqltradent