رواية ملجأي الفصل الحادي عشر 11 - بقلم ايه سلامه الجابري

الصفحة الرئيسية

  رواية ملجأي الفصل الحادي عشر 11 -  بقلم ايه سلامه الجابري

رواية ملجأي بقلم ايه سلامه الجابري

* رواية ملجأي الفصل الحادي عشر 11


عمر:ويخليكي ليا يا نور عيني ولا يحرمني منك
عمر:انا هسيبك ترتاحي في اوضتك دلوقتي 
قمر:انت رايح فين دلوقتي يا بابا
عمر:رايح المستشفي عشان ورايا عمليات 
قمر:تب هتيجي هنا لما تخلص شغلك
عمر:ايوا يا حبيبتي هاجي اطمن عليكي وبعد كدا هروح لماما عشان هتفضل تسألني لو اتأخرت واحنا عاوزين نفاجئها
قمر بإبتسامة:ماشي
في الطريق.. 
احمد:عمي
عمر:نعم يا احمد
احمد:هي المربية اللي كانت مع نور وهي صغيرة اسمها اي ومكانها فين
عمر:ليه يا بني 
احمد:حاسس انها السبب في كل اللي بيحصل وفي حد معاها
عمر:معقول تب ازاي 
احمد:ابعتلي عنوانها وانا هتصرف
عمر:تمام يا بني 
بعد ما عمر راح المستشفي واحمد راح الشركة...
محمود:استاذ احمد استاذ احمد
احمد سرحان وبيفكر في قمر..
محمود:حضرتك معايا..
احمد :اه اه عاوز اي يا محمود دلوقتي لازم تخضني كل شوية كدا
محمود: انا خضيتك دا انا ساعة بنادي عليك
احمد:معلشي كنت سرحان
محمود:سرحان في اي احكيلي 
احمد:انت لازم تعرف كل حاجة كدا
محمود:اه مش صحبك وشريكك في الشركة
احمد بإبتسامة:ماشي يا سيدي هحكي
احمد:لقيت روحي
محمود بإستغراب:روحك اي بس ربنا يهديك مالك يابني انت عيان
احمد بضحكة: انت غتت كدا افهم لقيت بنت عمي 
محمود:بجد بتهزر
احمد:اه لقيتها انت تعرف اول ما شوفتها عرفتها 
محمود:للدرجادي بتحبها
احمد:اه بحبها من زمان جدا


محمود:ربنا يخليكوا لبعض
احمد:يارب يا محمود
في الملجأ...
عصام البواب:ست هانم ست هانم في حد سابلك الورقة دي
المديرة:ورقة اي دي 
عصام البواب:معرفش يا ست هانم
المديرة:تمام هات الورقة 
وطلعت المديرة غرفتها..
المديرة:اي اللي في الورقة دي معقولة مدحت
المديرة اول ما فتحت الورقة..انتظري اسود ايام حياتك 
المديرة بخوف:معقول يكون مدحت انا بيهددني والله لاقلب عليه الطربيزة وهوريه مين انا
المديرة:الو ايوا يا استاذ مدحت انا بتهددني
مدحت:هددتك اي مش فاهم
المديرة:باعتلي ورقة مع البواب وكاتبلي تهديد
مدحت: انا لو هههددك هكلمك وش لوش مش بورقة


المديرة:امال مين باعتلي الورقة دي
مدحت:وانا مالي شوفي مين باعتلك مع السلامه دلوقتي لاني مشغول
المديرة بتوتر وخوف: مين ياربي بس انا خايفة
المديرة:معقولة تكون قمر ومنال بيخوفوني
المديرة:لا لا مستحيل ميقدروش 
مدحت في الشركة..
مصطفي:مفاجئة مش كدا يا بابا
مدحت:والله ولا مفاجئة ولا حاجة عاووز اي
مصطفي:جاي اطمن عليك اشوفك عاوز حاجة
مدحت :لا يابني مش احنا كنا في البيت ولا بتتهرب من الشغل
مصطفي بضحك:لا ازاي انا جاي انهاردا بدري اهو
مدحت:ماشي يا سيدي يالا علي شغلك عشان مشغول
مصطفي :ماشي 
مصطفي :صحيح يا بابا انا هتأخر برا هكون مع احمد ابن عمي
مدحت:ملقتش غير احمد دا معرفش انت بتحبوا ازاي
مصطفي:بابا انت معندكش غير الكلمة دي كل مرة


مدحت:تب يالا علي شغلك دلوقتي ونبقي نتفاهم في البيت
مصطفي:عن اذنك
مدحت:يا ترا مين بعت للمخبولة دي تهديد 
مدحت: لازم اعرف عشان منروحش في داهية كلنا
بعد شهر...
منال:قومي يا قمر 
قمر:اي يا منال سيبيني انام شوية
منال:انت ناسية ولا اي انهاردا هتروحي تفكي الجيبس وهتروحي لمامتك
قمر بإبتسامة:اه صح والله الايام عدت بسرعة يا منال انا محستش بيهم
منال: وجت اللحظة عشان تشوفي مامتك
قمر:انا فرحانة اوي يا منال
منال:ربنا يفرحك دايما يا قمري
منال:تب يالا نفطر عشان احمد جاي ياخدك 
قمر بفرحة:ماشي يالا بسرعة بسرعة
منال:شكلك حبتيه 
قمر:مش عارفة يا منال بس لما بشوفه بفرح
منال:ماشي تب يالا ياختي 
وبعد ما فطروا..
قمر:قومي افتحي يا منال احمد جيه
منال:ماشي


احمد:ازيك يا قمر عاملة اي
قمر بإبتسامة:الحمد لله
احمد:يالا عشان نروح المستشفي عشان بالليل هنروح لمامتك
قمر:ماشي يالا بسرعة
احمد بضحكة:ماشي يا قمري
وبعد ما فكت الجبس في المستشفي..
احمد:يالا يا قمر جربي امشي كدا
قمر:ماشي 
احمد:الحمد لله 
قمر:شكرا يا احمد علي وقفتك جمبي
احمد:علي اي انا ابن عمك ودا واجبي انتي غالية عندي اوي يا قمر
قمر وشها احمر: وانت كمان
وقمر غيرت الموضوع بسرعة..
قمر:يالا نروح بسرعة عشان اجهز نفسي
احمد:ماشي يالا

* يتـبـــــــــــــــــــــــع الفصل الثاني عشر اضغــــــــط هنا
* الفهرس يحتوي على جميع فصول الرواية " رواية ملجأي " اضغط على اسم الرواية


author-img
DoOoBy

تعليقات

ليست هناك تعليقات
إرسال تعليق
    google-playkhamsatmostaqltradent