رواية حبك نار الفصل الأربعون 40 بقلم أسماء الكاشف

قربت من الستارة بتوتر وشدتها مره واحده بتهور منها فصرخت وهو كمان صرخ بس حط ايده علي بوقها بسرعة وكتم صوتها وهي واقفه وشها في وشه ايد علي بوقها والثانية محاوط بيه جسمها ومثبتها اترعشت بخوف وهو قرب منها أكثر وعينيه الزارقه متعلقه في عينيها ابتسم بخبث وهي بلعت ريقها بخوف وجسمها كله مشلول وكأنها دمية بين ايديه وقفت تنفسها لما بقي المسافة بينهم شبه منعدمه وعينيها واسعة علي الاخر قال بهمس قرب ودانها

= أنا مش هأذيكي لو بقيتي مطيعة ومعملتيش صوت لكن  قالها وسكت وبص علي عينيها بتحدي وسكت علشان ترسم هي بنفسها سيناريو وهمي هزت راسها بالنفي بعدم مخالفة أوامره فابتسم بجمود وقال بصوت هامس ولكن بنبرة تحذيرية

^ هشيل ايدي اهو بس من غير نفس 

هزت راسها بموافقة ومجرد ما شال ايده ضربته علي كتفه بغيظ وقالت بغضب طفولي 

* كنت هتخنقني يا استاذ انت عايز تسرق اوك بس ما تقربش مني سابته ولفت ضهرها بدور علي المفتاح تحت نظراته المندهشة 

* فين ام المفتاح الزفت ده قالتها بعصبية وهو بيبص عليها متفاجئ ومربع ايده عند صدره   ورجعت ليه رفعت حاجبها بغيظ وضربته علي كتفه ثاني فبعد نفسه عن مرمي ايديها وكملت بغيظ

* انت يا عم الحرامي ما توريني شطارتك واسرق ياله بس افتح ليه الدرج ده الي عيزاه 

قرب بوشه منها وقال باستغراب ومرح 

= هو حضرتك حرامية بردو يعني زميلة في الشغلانه  

هزت رأسها بنفي وبصيت عليه بقرف واتكلمت بتفسير ...

* لاء طبعا انا مش حراميه انا بس بدور علي حاجه تخصني والبيه جدي سرقها مني ومخبيها قال كده هيمنعني من السفر

حطت ايدها علي وسطها وكملت بقرف..

* وبعدين انت واقف بتتكلم معايا ليه هنقضيها حكاوي يله يا استاذ انت ابدء شغلك عايز تسرق اسرق ده ما يهمنيش اصلا جدي يستاهل الي يجراله 

=  جدك يعني هو جدك وانتي بتشجعيني اسرق يا نعمه التربية 

بصت  عليه بقرف 

* انت مالك بتربيتي هو انت كنت الوصي عليه ولا محلل نفسي ده انت حتة حرامي حتي السرقة مش عارف تعملها الشغلانة لمت يا ولاد 

قالتها تستفزه فقرب منها وعينيه كلها شرارة

مسكها من ياقة قميصها بغل وهزها وعينيه علي عينيها 

= يا بت بلاش تستفزيني واتلمي كده لالمك 

صرخت بغيظ بس بصوت منخفض 

* شيل ايدك عني يا ولا ويله افتحلي الدرج قبل ما جدي يوصل 

سابها بغيظ وبص عليها بقرف بصت عليه نفس البصة وكأنه تحدي بينهم مين يبص للثاني اتنهد بغيظ وقرر يشتغل ويتجهالها قرب من لوحة معلقة شالها من مكانها وطلع مفتاح متعان جوا اللوحة رفعة في وش ميرا وهي اسبلت عينيها بدهشه 

* انت ازاي عرفت مكانه 

اتحرك للدرج يفتحة وقال 

= يا ماما ده سر المهنة هاا فاكراني هاوي ذيك

* طبعا مش حرامي 

قالتها تستفزه فضغط علي شفايفه وفتح الدرج وهو بيسبها جواه جريت لعنده بسرعة مجرد ما شافت الدرج مفتوح زقته بعيد بكتفها وبدءت تدور جواه وهو عينيه متسعة على آخرها ومتعصب منها ضغط علي شفايفه وكور ايده وناوي يضربها بس سكت لما لقاها رمت الي في الدرج علي الارض وصرخت بغيظ 

* ازاي جواز السفر مش هنا هيكون مخبيه مني فين عاااا .. انا هكسر البيت فوق دماغه 

بصت عليه بطفولية وعيطت بصوت عالي جري عليها وقفل بوقها 

= اتكتمي هتفضحينا كان يوم اسود يوم ما فكرت اجي اسرق هنا 

سكتت ورشفت بصوت عالي فقلب وشه بقرف وسابها لم شويه حاجات وقرر يخرج بس وقفه صوتها المضايق بتترجاه ..

* هو منكن يا حضره الحرامي المحترم تساعدني وتلاقيلي جواز السفر بتاعي انا دورت عليه في كل مكان ومش لقياه انا تعبت والله تعبت قالتها بارهاق 

* جدي مخبيه مني مش عارفه الاقيه فين دورت في مكتبه ومافيش أثر وبما انك حرامي وعندك خبره قولي هيكون مخبيه فين 

رفع حاجبه وقال بسخرية لاذعة ...

= هو حد قالك عليه بيقرء الكف انا ايش عرفني هو انا كنت مع جدك وقت ما خباه عنك يا بت انتي ... وبعدين اكيد اصلا خباه علشانك واحده طايشه هو بيحميكي وبيحمي البشرية منك بس 

بصت عليه بغيظ ..

* هو انت تعرفني من امتي علشان تحكم عليه انتم كده الرجالة كائنات مستفزه ومعندهاش مشاعر وبتحكم بمزاجها وسكتت تتنفس جامد وبعدين كملت بوجع ..

* انت تعرف ايه عني اصلا جدي الي المفروض يحميني بيرميني للنار بايده بس انت ايه الي يفهمك يله امشي مش محتجالك علي فكره انا اقدر اساعد نفسي وبس قامت من مكانها وفتحت الباب وخرجت بضيق وقفلت الباب تحت نظراته المندهشه هز راسه من تصرفها وخرج من الشباك مع الي جاي علشان يأخذه 

************

في شقة خالد 

صحي من النوم علي صوت تليفونه المزعج مسكه وبص علي المتصل الي كان جده حرك عينيه بملل وضيق بس في الاخر رد عليه

_ الو اخبار صحتك يا جدي 

اتاه صوت جده المتأفأف...

= هكون كويس لو جيت تزور جدك شويه ما كنتش اعرف انك جاحد كده يا ابن الغالي 

زفر بقوة وغيظ من ضغط جده عليه اتكلم بمناهدة وضيق ....

 _ انا مش جاحد وانت عارف كده كويس يا جدي الي حضرتك عملته كثير ومش قادر انساه بصراحة 

= انا عملت كده علشان مصلحتكم 

_ لو سمحت يا جدي الكلام انتهي في الموضوع ده وياريت تبعد عن مروه هي متجوزه الي بتحبه وبيحبها  وانا كمان هلاقي الإنسانه الي احبها 

اتنهد الجد بضيق 

= ذي ما تحب يا ابني المهم مش هتيجي تشوفني عايز اتغذي معاك انهارده 

غمض عينيه بضيق وقال بهدوء ..

_ حاضر يا جدي هعدي عليك علشان انا مسافر اخر الاسبوع 

= انت لحقت تقعد هنا ده انا لسه ما شبعتش منك 

_ معلش يا جدي بس ضروري اسافر يله اسيبك دلوقتي اخلص حاجه مهمه واجي 

اتنهد الجد بهدوء وهز راسه بموافقة كأن هيشوفه خالد وكمل..

= ماشي سلام 

قفل خالد مع جده وحط ايده بين شعره وحركه نعكشه مع صوت تنهيدة جامده طالعة من قلبه بعدين قام ناحيه الدولاب طلع هدوم ودخل الحمام بعد وقت قليل كان طالع من الحمام ولابس شيك وقف قدام المراية  سرح شعره وحط من البرفان بتاعه وقرب من الطرابيزه بص علي جواز السفر قدامه مد ايده ومسك بين ايديه بدء يقلب فيه فظهرت صورتها ابتسم علي ملامحها الجذابة الي شدته شويه بس عقله بيرفض الفكره ما يعرفش سبب احتفاظه بيه لدلوقتي وما دورش عليها وحتي لما عرف مكانها ماراحش يعطيه ليها وهو عارف انها هتحتاجه غمض عينيه بيرفض التفكير وقفل الجواز السفر وحطه في جيبه وخرج بملامح هاديه   

*************

عند مروه وغادة 

طلعو الفصل وقعدو ياكلو بشراهه دخل فارس عليهم وهو في ايده كيس مليان شيبسي وبسكوت ليهم حط الكيس قدامهم وقال 

= بتعملو ايه يا حلوين 

_ بناكل ذي ما انت شايف يا عم فارس 

قالتها غادة وهي تضع بفمها قطعة بسكوت لوي فمه بضيق وحط قدامهم الكيس وسحب الكيس الثاني 

_ كلو من ده احلي 

* هو ايه ده 

قولتها بغيظ منه فقال بهدوء ....  

= الحاجات الي جيبها احلي بكثير من اياد الي ما بيعرفش في الذوق خالص يله اتفضلوا يا بنات 

رفعت حاجبي بضيق منه قومت من مكاني بضيق مسكت الكيس وحطيته بين ايديه وقولتله بضيق 

* خذ حاجتك وحل عننا يله 

قولتها بزعيق وبصيت عليه بقوة زفر بغيظ واتحرك متعصب رجعت مكاني بزفر بغيظ وقولت بضيق ...

* انا طهقت اووي الاثنين بيتنافسو علشاني 

بصت غادة عليه بطرف عينيها بخبث فزفرت بضيق وقولتلها ...

 * خلاص في ايه  

_ ما فيش قالتها وهزت كتفها زفرت بضيق وسكت حاسه بخنقة وضغط كبير عليه